Олвион таблетки 100 мг

Бір таблетканың құрамында белсенді зат – 70.241 мг немесе 140.482 мг силденафил цитраты (50.000 мг немесе 100.000 мг силденафилге баламалы) қосымша заттар: микрокристалды целлюлоза (Avicel РН 102), натрий кроскармеллозасы (Ас-Di-Sol), сусыз кальций гидрофосфаты, магний стеараты қабықтың құрамы: Опадри II Ақ 31К58902 Сыртқы түрінің, иісінің, дәмінің сипаттамасы Ақ түсті үлбірлі қабықпен қапталған, сопақша пішінді, екі жақ беті дөңес, бір жақ бетінде «50» өрнегі бар және екінші жақ беті тегіс таблеткалар (50 мг доза үшін); Ақ түсті үлбірлі қабықпен қапталған, сопақша пішінді, екі жақ беті дөңес, бір жақ бетінде «100» өрнегі бар және екінші жақ беті тегіс таблеткалар (100 мг доза үшін).

- еркектерде жыныс мүшесінің қанағаттандырарлықтай жыныстық қатынас үшін жеткілікті эрекцияға жету және оны сақтау қабілетсіздігімен байқалатын эректильді функцияның бұзылуын емдеу үшін Олвион препаратының әсерінің дамуы үшін сексуалды стимуляция қажет.

• Әсер ету механизмі • Олвион эректильді дисфункцияны емдеуге арналған, яғни сексуальдық стимуляция кезінде ол жыныс мүшесіне қанағымын арттыру арқылы бұзылған эректильді функцияны қалпына келтіреді. • Жыныс мүшесі эрекциясының физиологиялық механизмі сексуальдық стимуляция кезінде каверналы денеде азот тотығының (NO) босатылуын қамтиды. Азот тотығы гуанилатциклаза ферментін белсендіреді, бұл циклдік гуанозинмонофосфат (цГМФ) деңгейінің жоғарылауына, каверналы денеде тегіс бұлшықеттің босаңсуына және қан ағынының артуына әкеледі. • Силденафил каверналы денедегі 5-типті (ФДЭ-5) цГМФ-спецификалық фосфодиэстеразаның күшті және селективті тежегіші болып табылады, онда ФДЭ-5 цГМФ ыдырауы үшін жауап береді. Силденафил эрекцияға шеткері әсер көрсетеді. Силденафил адамның оқшауланған каверналы денесіне тікелей босаңсытатын әсер етпейді, бірақ бұл тінге NO босаңсытатын әсерін күшейтеді. Сексуальдық стимуляция кезінде орын алатын NО/цГМФ метаболизмдік жолын белсендірген кезде ФДЭ-5 силденафилмен тежелуі каверналы денеде цГМФ деңгейінің жоғарылауына әкеледі. Сондықтан силденафилмен қажетті өнімді фармакологиялық әсерді көрсету үшін сексуальдық стимуляция қажет. • Фармакодинамикалық әсерлері Силденафил in vitro зерттеулер көрсеткендей, эрекцияның дамуы үдерісіне қатысатын ФДЭ5-ке қатысты селективті. Оның ФДЭ5-ке қатысты белсенділігі басқа белгілі фосфодиэстеразаларға қатысты белсенділігінен жоғары. Оның торқабықта бейненің берілуіне қатысатын ФДЭ6-ға қатысты тиімділігі 10 есе төмен. Ең жоғары ұсынылатын дозаларда оның селективтілігі ФДЭ1-ге қатысты 80 есе, ФДЭ 2, 3, 4, 7, 8, 9, 10 және 11 қатысты 700 есе төмен. ФДЭ-5 қатысты силденафилдің белсенділігі оның жүректің жиырылуына қатысатын спецификалық фосфодиэстераза ФДЭ-З қатысты белсенділігінен, шамамен 4 000 есе жоғары. Клиникалық тиімділігі және қауіпсіздігі Дозаны енгізгеннен кейін сексуальдық стимуляцияға жауап ретінде силденафил эрекция тудыруы мүмкін уақыт аралығын бағалау үшін екі клиникалық зерттеу жүргізілді. Препаратты ашқарынға қабылдаған пациенттерде жыныс мүшесінің плетизмографиясын (RigiScan) зерттеуде 60% қаттылықты (жыныстық акт үшін жеткілікті) эрекция алғандар үшін орташа басталу уақыты 25 минутты құрады (диапазон 12-37 минут). RigiScan жеке зерттеуінде силденафил препараттың дозасын қабылдағаннан кейін 4-5 сағаттан соң сексуальдық стимуляцияға жауап ретінде эрекцияны тудыруы мүмкін. Силденафил артериялық қысымның орташа және қысқа мерзімді төмендеуін тудырады, бұл көп жағдайда клиникалық әсерлерге әкелмейді. 100 мг силденафилді пероральді қабылдағаннан кейін систолалық артериялық қысымның орташа максималды төмендеуі жатқан қалыпта 8,4 мм с.б. құрады. Диастолалық артериялық қысымның тиісті өзгерісі жатқан қалыпта 5.5 мм с. б. құрады. Артериялық қысымның төмендеуінің бұл көрсеткіштері силденафилдің тамыркеңейткіш әсеріне сәйкес келеді, бұл тамырлардың тегіс бұлшықеттеріндегі цГМФ деңгейінің жоғарылауына байланысты болуы мүмкін. Дені сау еріктілерде силденафилдің 100 мг дейінгі бір реттік пероральді дозалары ЭКГ-ға клиникалық маңызды әсер еткен жоқ. Жүректің ауыр ишемиялық ауруы (ЖИА) (кемінде бір коронарлық артерия стенозының> 70%) бар 14 пациентте 100 мг силденафилдің бір реттік пероральді дозасының гемодинамикалық әсерін зерттеуде демалу кезіндегі орташа систолалық және диастолалық артериялық қысым бастапқы деңгеймен салыстырғанда тиісінше 7% және 6% - ға азайды. Өкпенің орташа систолалық қысымы 9% төмендеді. Силденафил жүректің шығарымына әсер етпеді және стеноздалған коронарлық артериялар арқылы қанағымын бұзбады. Салыстырмалы жасырын плацебо-бақыланатын физикалық жүктеме сынағында эректильді дисфункциясы және созылмалы тұрақты стенокардиясы бар 144 пациент бағаланды. Пациенттер антиангиналық дәрілік заттарды (нитраттардан басқа) алды. Нәтижелер силденафил мен плацебо арасындағы клиникалық маңызды уақыт айырмашылығын стенокардия симптомдарының айқындылығы төмендегенге дейін көрсеткен жоқ. Кейбір пациенттерде силденафилді 100 мг дозада қабылдағаннан кейін Фарнсворт-Мунсель 100 тестінің көмегімен 1 сағаттан соң түс реңктерін (көк/жасыл) ажырату қабілетінің жеңіл және өтпелі бұзылуы анықталды. Препаратты қабылдағаннан кейін 2 сағаттан соң бұл өзгерістер болмады. Түсті ажырату қабілетінің бұзылуы көздің торқабығындағы жарықтың берілу процесіне қатысатын FDE 6 тежелуінен болады деп саналады. Силденафил көру өткірлігіне, контрастты қабылдауға әсер етпеді. Ерте жастағы макулярлы дегенерациясы (п = 9) дәлелденген пациенттерді плацебо бақыланатын айқаспалы зерттеуде силденафил 100 мг бір реттік дозада жақсы көтерімді болды. Арнайы визуалды тесттер (көру өткірлігі, Амслер торы, түстерді қабылдау, түстердің өтуін модельдеу, Хэмфри периметрі және фотостресс) бойынша бағаланатын көрудің клиникалық маңызды өзгерістері анықталған жоқ. Дені сау еріктілерде 100 мг силденафилді пероральді бір рет қабылдағаннан кейін сперматозоидтардың қозғалғыштығы мен морфологиясына әсері байқалмады ( 4.6-бөлімді қараңыз). Клиникалық сынақтар туралы қосымша ақпарат Клиникалық зерттеулерде силденафилді 19-87 жас аралығындағы 8000-нан астам пациентке енгізді. Пациенттердің келесі топтары ұсынылды: егде жастағы (19.9%), артериялық гипертензиясы бар пациенттер (30.9%), қант диабеті (20.3%), жүректің ишемиялық ауруы (5.8%), гиперлипидемия (19.8%), жұлынның зақымдануы (0.6%), депрессия (5.2%), простатаның трансуретралық резекциясы (3,7%), радикалды простатэктомия (3.3%). Келесі топтар жеткілікті түрде ұсынылмаған немесе клиникалық сынақтардан шығарылған: жамбас хирургиясы бар пациенттер, сәулелік терапиядан кейінгі пациенттер, бүйрек немесе бауыр функциясының ауыр жеткіліксіздігі бар пациенттер және кейбір жүрек-қантамыр аурулары бар пациенттер ( 4.3-бөлімді қараңыз). Белгіленген дозалы зерттеулерде емдеу олардың эрекциясын жақсартты деп хабарлаған пациенттердің үлесі плацебодағы 25% - бен салыстырғанда 62% (25 мг), 74% (50 мг) және 82% (100 мг) болды. Бақыланатын клиникалық сынақтарда препаратты тоқтату жиілігі төмен және плацебоға ұқсас болды. Барлық зерттеулерде силденафилді қабылдауға байланысты жақсару туралы хабарлаған пациенттердің үлесі келесідей болды: психогенді эректильді дисфункция (84%), аралас эректильді дисфункция (77%), органикалық эректильді дисфункция (68%), қарт адамдар (67%), қант диабеті (59). %), жүректің ишемиялық ауруы (69 %), гипертония (68%), қуықасты безінің трансуретралық резекциясы (61%), радикалды простатэктомия (43%), жұлынның зақымдануы (83%), депрессия (75%). Силденафилдің қауіпсіздігі мен тиімділігі ұзақ мерзімді зерттеулерде расталды. Балалар популяциясы Педиатриялық популяцияның барлық қосалқы топтарында эректильді дисфункцияны емдеу нәтижелері туралы мәліметтер жоқ.

Дозалау режимі Асқынуларды болдырмас үшін қатаң түрде дәрігердің тағайындауымен қолдану керек! Ұсынылатын дозасы қажеттілігіне қарай, болжалды жыныстық қатынастан шамамен 1 сағат бұрын қолданылатын 50 мг құрайды. Тиімділігіне және көтерімділігіне қарай, дозаны 100 мг-ге дейін арттыруға немесе 25 мг-ге дейін төмендетуге болады. Ең жоғары ұсынылатын доза – 100 мг құрайды Қабылдаудың ең жоғары ұсынылатын жиілігі – тәулігіне 1 рет. Пациенттердің ерекше топтары Егде жастағы пациенттер Егде жастағы пациенттерде дозаны өзгерту қажет емес (≥ 65 жас). Балалар Олвионды балаларда қолдануға болмайды (<18 жас). Бүйрек функциясының жеткіліксіздігі бар пациенттер Бүйректің айқын зақымдануы бар пациенттерде (креатинин клиренсі <30 мл/мин) силденафилдің клиренсі төмендейтін болғандықтан, ұсынылатын доза 25 мг құрайды. Препараттың тиімділігі мен көтерімділігіне байланысты дозаны 50 мг немесе 100 мг дейін жоғарылатуға болады. Бүйректің жеңіл және орташа ауырлықтағы дәрежесіндегі зақымдануында (креатинин клиренсі 30-80 мл/мин) дозаны түзету қажет етілмейді. Бауыр функциясының жеткіліксіздігі бар пациенттер Бауырдың зақымдануы бар пациенттерде (мысалы, цирроз) ұсынылатын доза 25 мг құрайды. Препараттың тиімділігі және көтерімділігіне байланысты дозаны 50 мг немесе 100 мг дейін арттыруға болады. Олвионды басқа дәрілік препараттарды қабылдау аясында қолдану Силденафилмен бір мезгілде қолдану ұсынылмайтын ритонавирді қоспағанда, CYP3A4 тежегіштерін бір мезгілде қабылдайтын тұлғаларға Олвионды бастапқы 25 мг дозада қолдану ұсынылады. Альфа-адреноблокаторлармен емдеуде постуральді артериялық гипотензияның даму мүмкіндігін азайту үшін, Олвионды қабылдауды бастар алдында тұрақты жағдайға қол жеткізу керек. Бастапқы доза 25 мг құрауы керек. Енгізу әдісі мен жолы Ішке қабылдау үшін. Олвион препаратын тамақпен бірге қабылданған кезде, препараттың әсері ашқарынға қабылдағанға қарағанда кейінірек дамуы мүмкін. Емдеу ұзақтығы Ұсынылатын ең жоғары доза 100 мг құрайды. Қабылдаудың ең жоғары ұсынылатын жиілігі – тәулігіне 1 рет. Дәрілік препаратты қолдану тәсілін түсіндіру үшін медицина қызметкеріне кеңесіне жүгіну бойынша ұсынымдар Дәрілік препаратты қолданар алдында дәрігермен немесе фармацевтпен кеңесіңіз.

- силденафилге немесе қосымша заттардың кез келгеніне аса жоғары сезімталдық - органикалық нитраттар азот тотығының донаторлары (амилнитрит сияқты) болып табылатын препараттарды немесе кез келген түрдегі нитраттарды бір мезгілде қабылдауға болмайды, өйткені силденафил NO/цГМФ метаболизмі жолына әсер етеді және нитраттардың гипотензиялық әсерін күшейтеді - силденафилді қоса, ФДЭ-5 тежегіштерін риоцигуат сияқты гуанилатциклазаның стимуляторларымен бірге енгізуге болмайды, себебі ол симптоматикалық гипотензияға әкелуі мүмкін - жүрек-қантамырлық ауыр аурулар (тұрақсыз стенокардия, жүрек функциясының ауыр жеткіліксіздігі) - көру жүйкесінің артериялық емес генездегі (NAION) алдыңғы ишемиялық оптикалық нейропатиялары салдарынан бір көздің көрмей қалуы (ол ФДЭ-5 тежегіштерін қабылдаумен байланысты болуы немесе болмауына байланыссыз) - бауырдың ауыр зақымдануы - гипотензия (артериялық қысым (АҚ) <90/50 мм с. б.) немесе гипертензия (АҚ > 170/100 мм с.б.) - жуырда болған миокард инфарктісі немесе инсульт - торқабықтың анықталған туа біткен дегенеративті аурулары (пигментті ретинит, ретиналық фосфодиэстеразалардың туа біткен ақаулары) - балалар мен 18 жасқа дейінгі жасөспірімдер Сақтықпен: - жыныс мүшесінің анатомиялық деформациясы (оның ішінде, ангуляция, каверналы фиброз немесе Пейрони ауруы) - приапизмнің дамуына бейімдейтін аурулар (орақ тәрізді-жасушалы анемия, көптеген миеломалар, лейкоз, тромбоцитемия) - қан кетумен қатар жүретін аурулар - он екі елі ішектің ойықжара ауруының өршуі Тіркелген көрсетілімдері бойынша препарат әйелдерге қолдануға арналмаған.

Өте жиі (≥ 1/10) - бас ауыруы Жиі (> 1/100, <1/10) - бас айналу - түстің визуалды бұрмалануы**, визуалды бұзылыстар, көру жітілігінің бұзылуы - тері гиперемиясы, вазодилатация (бетке «қан тебу») - мұрынның бітелуі - жүрек айнуы, диспепсия Жиі емес (≥1/1,000 <1/100 дейін) - ринит - аса жоғары сезімталдық - ұйқышылдық, гипоэстезия - көзжас ағуының бұзылуы***, көздің ауыруы, көз қарығу, фотопсия, көздің гиперемиясы, қабылдау жарықтығының өзгеруі, конъюнктивит - вертиго, тиннит - тахикардия, пальпитация - артериялық гипертензия, артериялық гипотензия - мұрыннан қан кету, мұрынның қосалқы қойнауларының бітелуі - гастроэзофагеальді рефлюкс ауруы, құсу, іштің жоғарғы бөлігінің ауыруы, ауыздың құрғауы - бөртпе - миалгия, аяқ-қолдың ауыруы - гематурия - кеуденің ауыруы, жоғары шаршағыштық, ысыну сезімі - жүректің жиырылу жиілігінің жоғарылауы Сирек (≥ 1/10,000 <1/1,000 дейін) - ми қанайналымының бұзылуы, транзиторлы ишемиялық шабуыл, құрысулар*, құрысулардың қайталануы*, талмалар - көру жүйкесінің алдыңғы артерииттік емес невропатиясы (NAION)*, торқабық тамырлары окклюзиясы*, торқабыққа қан құйылу, атеросклероздық ретинопатия, торқабықтың тарапынан бұзылулар, глаукома, көру өрісінің бұзылуы, диплопия, көру өткірлігінің бұзылуы, миопия, астенопия, шыны тәрізді денедегі бұлыңғырлану, көздің нұрлы қабығының тарапынан бұзылулар, мидриаз, көру аймағында жарық көзінің айналасында нұрлы қабық шеңберлерінің болуы, көздің ісінуі, конъюнктивалық гиперемия, көздің тітіркенуі, көздегі қалыпты емес сезім, қабақтың ісінуі, аққабық түсінің өзгеруі - естудің нашарлауы - кенеттен коронарлық өлім*, миокард инфарктісі, қарыншалық аритмия*, жүрекше фибрилляциясы, тұрақсыз стенокардия - тамақтың қысылу сезімі, мұрынның шырышты қабығының ісінуі, мұрынның шырышты қабығының құрғауы - ауыз гипестезиясы - Стивенс-Джонсон синдромы, уытты эпидермалық некролиз* - жыныс мүшесінен қан кету, приапизм*, гематоспермия, эрекцияның жоғарылауы - ашушаңдық * постмаркетингтік қадағалау нәтижелері бойынша ** Түстердің визуалды бұрмалануы: хлоропсия, хроматопсия, цианопсия, эритропсия және ксантопсия *** Көзжас ағуының бұзылуы: көздің құрғауы, көзжастың бөлінуі және көзжас ағуы артты Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: дені сау еріктілердің қатысуымен 800 мг дейінгі дозада препаратты бір рет қабылдаумен зерттеулерде тіркелген жағымсыз реакциялар препараттың неғұрлым төмен дозаларын пайдалану кезінде байқалған дозамен салыстыруға тұрарлық болды, бірақ олардың пайда болу жиілігі мен әйгілену ауырлығы неғұрлым жоғары болды. Олвион препаратының (200 мг) жоғары дозаларын қабылдау препараттың тиімділігін арттыруға әкелмейді, тек жағымсыз реакциялар жиілігінің артуына (бас ауыруы, гиперемия, бас айналуы, диспепсия, мұрынның бітелуі және көру қабілетінің бұзылуы) әкеледі. Емі: симптоматикалық. Диализ силденафил клиренсін тездетпейді, өйткені соңғысы қан плазмасының ақуыздарымен белсенді байланысады және несеппен шығарылмайды.

Препаратпен емдеуді бастамас бұрын, эректильді дисфункция дамуының ықтимал себептерін анықтау және диагноз қою үшін анамнезді мұқият жинау және пациентті тексеру керек. Жүрек-қантамыр ауруларының қауіп факторлары Эрекцияның бұзылуын емдеуге арналған препараттарды сексуальді белсенділік жағымсыз болатын еркектерге тағайындамау керек. Жүрек аурулары болғанда сексуальді белсенділік белгілі бір қауіп төндіреді, сондықтан эректильді дисфункцияның бұзылу себебіне байланысты кез келген емді бастамас бұрын жүрек-қантамыр жүйесін тексеруден өткізген жөн. Жүрек функциясының жеткіліксіздігі, тұрақсыз стенокардиясы, соңғы 6 айда орын алған миокард инфарктісі немесе инсульт, өмірге қатер төндіретін аритмиялары, артериялық гипертониясы (АҚ > 170/100 мм с. б.) немесе гипотониясы (АҚ < 90/50 мм с. б.) бар пациенттерде сексуальді белсенділік жайсыздық тудырады. Силденафил АҚ-тың өткінші төмендеуіне әкелетін жүйелі вазодилатациялау әсерін береді, бұл клиникалық тұрғыдан маңызды құбылыс емес және пациенттердің көпшілігінде қандай да бір зардаптарға әкеп соқтырмайды. Дегенмен, силденафилді тағайындағанға дейін, әсіресе сексуальді белсенділік аясында сәйкес аурулары бар пациенттерде вазодилатациялаушы әсердің ықтимал жағымсыз көріністерінің пайда болу қаупіне тиянақты баға берілуі тиіс. Солжақ қарыншадан шығатын жол бітелген (соның ішінде қолқа стенозы, гипертрофиялық обструкциялық кардиомиопатиясы), сондай-ақ вегетативтік жүйке жүйесі тарапынан АҚ реттелісінің ауыр бұзылуы түрінде көрініс беретін сирек кездесетін көптеген жүйелі атрофия синдромы бар пациенттерде вазодилататорларға жоғары сезімталдық байқалады. Силденафил нитраттардың гипотензиялық әсерін күшейтеді Постмаркетингтік кезеңде миокард инфарктісін, тұрақсыз стенокардияны, кенеттен жүректен болатын өлімді, қарыншалық аритмияны, цереброваскулярлы қан құйылуды, транзиторлық ишемиялық шабуылды, АГ және уақыты бойынша силденафилді қолданумен сәйкес келетін артериялық гипотензияны қоса, жүрек-қантамыр жүйесі тарапынан ауыр жағымсыз реакциялар туралы хабарланған. Көптеген пациенттерде, бірақ барлығында емес, жүрек-қантамыр ауруларының қауіп факторлары болған. Мұндай жағымсыз реакциялардың көпшілігі жыныстық қатынастан кейін немесе бірден, тек бірнешеуі - жыныстық белсенділіксіз силденафилді қолданғаннан кейін көп ұзамай байқалды. Сондықтан мұндай жағымсыз реакциялардың дамуы қауіп факторларымен тікелей байланысты ма немесе олардың дамуы басқа факторларға байланысты ма, анықтау мүмкін емес. Приапизм Эректильді дисфункциясы бар пациенттерді емдеуге арналған дәрілерді, оның ішінде силденафилді жыныс мүшесінің анатомиялық деформациясы бар адамдарға (ангуляция, каверналы фиброз немесе Пейрони ауруы сияқты) немесе приапизмнің дамуына ықпал ететін жағдайлары бар пациенттерге (орақ тәрізді-жасушалы анемия, көптеген миелома немесе лейкемия сияқты) сақтықпен тағайындау керек. Препарат нарыққа шыққаннан кейін ұзартылған эрекция және приапизм жағдайлары туралы хабарланған. Егер эрекция 4 сағаттан артық созылса, пациенттер дереу медициналық көмекке жүгінуі тиіс. Дереу емдеу болмаған кезде приапизм пенис тіндерінің зақымдануына және тұрақты потенцияның жоғалуына әкелуі мүмкін. ФДЭ-5 басқа тежегіштерімен немесе эректильді дисфункция кезінде емдеуге арналған басқа да препараттармен бір мезгілде қолдану. Силденафилді ФДЭ-5 басқа тежегіштерімен немесе құрамында силденафил бар өкпе артериясының гипертензиясы кезінде емдеуге арналған басқа да препараттармен (мысалы, Ревацио) немесе эректильді дисфункция кезінде емдеуге арналған басқа да препараттармен бір мезгілде қолданудың қауіпсіздігі мен тиімділігі зерттелмеген. Сондықтан мұндай біріктірілімді қолдану ұсынылмайды. Көру қабілетіне әсері Көру ақауларының туындауы туралы өздігінен келіп түскен хабарламалар силденафил мен ФДЭ-5 басқа да тежегіштерін қолданумен байланысты болды. Сирек жағдай болып табылатын көру жүйкесінің анемиялық емес алдыңғы ишемиялық невропатиясы жағдайлары туралы өздігінен келіп түскен хабарламалар болды және қадағалау зерттеулерінде хабарланған, бұл силденафил мен ФДЭ-5 басқа да тежегіштерін қолданумен астасқан. Пациенттерді көру қабілеті кенеттен бұзылған жағдайда силденафилді қолдануды тоқтату және дереу дәрігерге қаралу керектігін ескерту керек. Ритонавирмен бір мезгілде қолдану. Силденафил мен ритонавирді бір мезгілде қолдану ұсынылмайды. α-адренорецепторлардың блокаторларын бір мезгілде қолдану α-адренорецепторлардың блокаторларын қабылдайтын пациенттерге силденафилді сақтықпен қолданған жөн, өйткені мұндай біріктірілім кейбір бейім пациенттерде симптоматикалық гипотензияға әкелуі мүмкін. Симптоматикалық гипотензия әдетте силденафилді қолданғаннан кейін 4 сағат ішінде пайда болады. Постуральді гипотензияның ықтимал дамуын азайту мақсатында α-адренорецепторлардың блокаторларын қабылдайтын пациенттерде олардың жағдайын α-адренорецепторлардың блокаторларының көмегімен силденафилді қолдану басталғанға дейін тұрақтандыру қажет. Сондай-ақ 25 мг бастапқы дозаны қолдану мүмкіндігін қарастыру керек. Бұдан басқа, пациенттерді ортостаздық гипотензия белгілері пайда болған жағдайда қалай әрекет ететінін хабардар еткен жөн. Қан кетуге әсері Адамның тромбоциттерін зерттеу нәтижелері in vitro силденафил натрий нитропруссидінің антиагрегациялық әсерлерін күшейтетінін көрсетті. Қан ұюы бұзылған немесе АІЖ жедел ойықжарасы бар пациенттерде силденафилді қолдану қауіпсіздігі туралы ешқандай ақпарат жоқ. Осылайша, осы топтағы пациенттерде силденафилді қолдану пайда/қауіп арақатынасын мұқият бағалағаннан кейін ғана мүмкін. Есту қабілетін жоғалту Силденафилді қоса, ФДЭ-5 барлық тежегіштерін пайдалану кезінде естудің кенеттен нашарлауы немесе жоғалуының сирек жағдайлары туралы мәліметтер бар. Пациенттердің көпшілігінде осы патологияның дамуына қауіп факторлары болды. ФДЭ-5 тежегіштерін қолдану және есту қабілетінің нашарлауы немесе жоғалуы арасындағы себеп-салдарлық байланыс анықталмаған. Алайда есту қабілеті кенеттен нашарлаған немесе жоғалған жағдайда препаратты қабылдауды тоқтату және дереу дәрігерге қаралу қажет. Арнайы сақтандырулар Қосымша заттар Олвион таблеткасының үлбірлі қабығының құрамында лактоза бар. Галактозаның тұқым қуалайтын жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге Олвион препаратын тағайындауға болмайды. Препарат құрамында натрий кроскармеллозасы (Ас-Di-Sol) түріндегі натрий бар. Мұны натрий-бақыланатын диетадағы пациенттер ескеруі керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Олвион автокөлікті басқару және машиналарды пайдалану қабілетіне аз әсер етеді. Силденафилмен клиникалық зерттеулерде бас айналу және көру қабілетінің өзгеруі туралы хабарланған кезде, пациенттер машина жабдықтарын басқарудан немесе жұмыс істеуден бұрын Олвионға қандай жауап болатынын білуі керек.

Олвион препараты әйелдерде қолдануға арналмаған.

Басқа препараттардың силденафилге әсері In vitro зерттеу Силденафил метаболизмі негізінен 3A4 изоформасы (негізгі жол) және 2C9 изоформасы (екінші дәрежелі жол) Р450 цитохромы (CYP) қатысуымен өтеді. Сондықтан осы изоферменттердің тежегіштері силденафил клиренсін төмендетуге қабілетті. In vivo зерттеу Клиникалық зерттеулер мәліметтерінің популяциялық фармакокинетикалық талдауы силденафил клиренсі CYP 3A4 тежегіштерімен (кетоконазол, эритромицин, циметидин сияқты) бір мезгілде қолданғанда төмендегенін көрсетті. Силденафил мен CYP 3A4 тежегіштерін бір мезгілде қолданған кезде жағымсыз құбылыстар жиілігінің жоғарылауы анықталмаса да, силденафилдің ұсынылатын бастапқы дозасы 25 мг құрайды. Р450 өте күшті тежегіші ритонавир АИТВ-протеазасының тежегішін бір мезгілде қолдану тепе-тең концентрация жағдайында (тәулігіне 1 рет 500 мг) және силденафил (бір реттік доза 100 мг) силденафилдің Cmax 300% - ға (4 есе) жоғарылауына және силденафилдің плазмалық AUC 1000% - ға (11 есе) жоғарылауына әкелді. 24 сағаттан кейін силденафилдің плазмалық деңгейлері силденафилді жеке қолдануға тән шамамен 5 нг/мл деңгеймен салыстырғанда әлі де 200 нг/мл жуық болды, бұл Р450 субстраттарының кең ауқымына ритонавирдің елеулі әсеріне жауап береді. Силденафил ритонавирдің фармакокинетикасына әсер етпейді. Осы фармакокинетикалық деректерді ескере отырып, силденафил мен ритонавирді бір мезгілде қолдану ұсынылмайды. Кез келген жағдайда силденафилдің ең жоғары мөлшері қандай жағдайда да 48 сағат бойы 25 мг аспауы тиіс. АИТВ-протеаза тежегішін, CYP 3A4 тежегіші саквинавирді тепе-тең концентрацияны (тәулігіне 3 рет 1200 мг) қамтамасыз ететін дозада және силденафилді (бір рет 100 мг) бір мезгілде қолдану силденафилдің Cmax 140% - ға артуына және силденафилдің жүйелі экспозициясының (AUC) 210%-ға артуына әкелді. Силденафилдің саквинавирдің фармакокинетикасына әсері анықталған жоқ. Кетоконазол және итраконазол сияқты CYP 3A4 күшті тежегіштері неғұрлым айқын әсер етеді деп болжанады. Силденафилді 100 мг бір реттік дозада эритромицинмен бірге, күніне екі рет 500 мг белгіленген режимде 5 күн бойы қабылдаған кезде силденафилдің жүйелі әсерінің 182% - ға (AUC бойынша) артуы байқалады. Азитромицинмен бірге қолданғанда (3 күн бойы тәулігіне 500 мг дозада), AUC, Cmax, Tmax көрсеткіштеріне, элиминация жылдамдығының тұрақтылығына немесе силденафилдің немесе оның негізгі айналымдағы метаболитінің кейінгі жартылай шығарылу кезеңіне әсер ету белгілері анықталған жоқ. Циметидин (Р450 цитохромы тежегіші және CYP 3A4 спецификалық емес тежегіші) 800 мг дозада сау еріктілерде 50 мг дозада силденафилмен бір мезгілде қолданған кезде силденафилдің плазмалық концентрациясының 56% - ға артуына әкелді. Грейпфрут шырыны ішектің қабырғасындағы CYP 3A4 әлсіз тежегіші болып табылады және силденафилдің плазмалық деңгейінің орташа жоғарылауын тудыруы мүмкін. Антацидті дәрілерді (магний гидроксиді/алюминий гидроксиді) бір рет қолдану силденафилдің биожетімділігіне әсер етпейді. Барлық дәрілік заттармен спецификалық өзара әрекеттесуге зерттеу жүргізілмесе де, популяциялық фармакокинетикалық талдау деректері бойынша силденафил фармакокинетикасы оны CYP 2C9 тежегіштері тобына (толбутамид, варфарин, фенитоин), CYP 2D6 тежегіштері тобына (серотонинді кері қармайтын селективті тежегіштері, трициклді антидепрессанттар сияқты), тиазидтік және тиазид тәрізді диуретиктер тобына, ілмектік және калий жинақтаушы диуретиктер, ангиотензин өзгертуші фермент тежегіштері, кальций антагонистері, β-адренорецепторлар антагонистері немесе CYP 450 метаболизмі индукторлары (рифампицин, барбитураттар сияқты) тобына жататын дәрілік заттармен бір мезгілде қолданғанда силденафил фармакокинетикасы өзгерген жоқ. Рифампицин сияқты CYP 3A4 күшті индукторларын бір мезгілде қолдану қан плазмасындағы силденафил концентрациясының анағұрлым айқын төмендеуіне әкелуі мүмкін. Никорандил кальций өзекшелерінің активаторы мен нитраттың гибридін білдіреді. Нитратты компонент оның силденафилмен маңызды әрекеттесу мүмкіндігін алдын ала анықтайды. Силденафилдің басқа дәрілік заттарға әсері In vitro зерттеу Силденафил Р450 1А2, 2С9, 2С19, 2D6, 2Е1 және 3А4 (IC50> 150 мкМ) цитохромы изоформаларының әлсіз тежегіші болып табылады. Силденафилдің қан плазмасындағы шамамен 1 мкМ құрайтын ең жоғары концентрациясын ескеріп, ұсынылған дозасын қабылдағаннан кейін, Олвионның осы изоферменттер субстраттарының клиренсін өзгерту ықтималдығы аз. Силденафил мен фосфодиэстеразаның, теофиллин немесе дипиридамол секілді спецификалық емес тежегіштерімен өзара әрекеттесуі туралы деректер жоқ. In vivo зерттеу Силденафил нитраттардың гипотензивті әсерін оларды ұзақ уақыт қолданғанда да, жедел көрсетілімдері бойынша тағайындағанда да күшейтеді. Сондықтан силденофилді азот тотығының (мысалы, амилнитритпен) немесе кез келген формадағы нитраттардың донаторларымен біріктіріп қолдануға болмайды. Риоцигуат Клиникалық зерттеулерде риоцигуат ФДЭ-5 тежегіштерінің гипотензиялық әсерін күшейтті. Зерттелген популяцияда мұндай біріктіруді қолдану кезінде қолайлы клиникалық әсері туралы деректер болған жоқ. Риоцигуатты ФДЭ-5 тежегіштерімен, оның ішінде силденафилмен бір мезгілде қолдануға болмайды. Силденафилді альфа-блокаторлармен бір мезгілде қолдану симптоматикалық гипотензияның пайда болуына әкелуі мүмкін (силденафилді қабылдағаннан кейін 4 сағат ішінде). Альфа-адреноблокатор доксазозин (4 мг және 8 мг) мен силденафилді (25 мг, 50 мг және 100 мг) бір мезгілде қолданғанда доксазозинмен емнің көмегімен тұрақтандырылған простатаның қатерсіз гиперплазиясы бар пациенттерде симптоматикалық постуральді гипотензияның сирек жағдайлары туралы хабарланды. Бұл хабарлар бас айналуды және естен тану емес, естен тану алдындағы жағдайларды қамтыды. Силденафилді (50 мг) екеуі де CYP2C9 метаболизденетін толбутамидпен (250 мг) немесе варфаринмен (40 мг) бір мезгілде қолданғанда, айтарлықтай өзара әрекеттесу байқалған жоқ. Силденафил (50 мг) ацетилсалицил қышқылын (150 мг) қабылдағанда қан кету уақытының қосымша артуын туындатпайды. Силденафил (50 мг) қандағы алкогольдің орташа ең жоғары деңгейі 0,08% (80мг/дл) болғанда алкогольдің гипотензиялық әсерін күшейтпейді. Гипертензияға қарсы препараттардың келесі класстарын біріктіру: диуретиктер, бета-блокаторлар, АӨФ тежегіштері, ангиотензин II антагонистері, гипертензияға қарсы дәрілік заттар (орталықтық әсер ететіндер және қантамырларды кеңейтетіндер), нейрондардың адреноблокаторлары, кальций өзекшелерінің блокаторлары және альфа-адреноблокаторлары силденафил қабылдап жүрген пациенттердегі жағымсыз реакциялардың пайда болу жиілігін бойынша плацебомен салыстырғанда ешқандай да айырмашылықтарының болмайтындығын көрсетті. Артериялық гипертензиямен ауыратын науқастарда силденафилді (100 мг) амлодипинмен бір мезгілде қолданғанда айтарлықтай клиникалық өзара әрекеттесулер байқалған жоқ. Артериялық қысымның (АҚ) жатқан күйде орташа қосымша төмендеуі систолалық үшін 8 мм с.б. және диастолалық үшін 7 мм с.б. құрады. Силденафил 100 мг дозада АИТВ-протеаза тежегіштерінің, CYP 3A4 субстраттары болып табылатын саквинавирдің және ритонавирдің фармакокинетикалық көрсеткіштеріне әсер еткен жоқ. Бозентанмен бір мезгілде қолданғанда силденафил тепе-тең жағдайда (тәулігіне үш рет 80 мг) сәйкесінше ер жынысты сау еріктілерде бозентанның AUC және Cmax (тәулігіне екі рет 125 мг) 49,8% және 42% - ға жоғарылауын тудырады.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!