Оликлиномель N7-1000E эмульсия

Әр 1000 мл ерітіндінің құрамында белсенді заттар: Белсенді заттар — 20% липидті эмульсия бар камера — Электролиттері бар амин қышқылдарының 10% ерітіндісі бар камера — Кальций қосылған 40% глюкоза ерітіндісі бар камера Тазартылған соя және зәйтүн майларының қоспасы* — 200,00 г L-аланин — 20,70 г L-аргинин — 11,50 г Глицин — 10,30 г L-гистидин — 4,80 г L-изолейцин — 6,00 г L-лейцин — 7,30 г L-Лизин (L-Лизин гидрохлоридіне баламалы) — 5,80 г (7,25 г) L-метионин — 4,00 г L-фенилаланин — 5,60 г L-пролин — 6,80 г L-серин — 5,00 г L-треонин — 4,20 г L-триптофан — 1,80 г L-тирозин — 0,40 г L-валин — 5,80 г Натрий ацетаты тригидраты — 6,12 г Натрий глицерофосфаты пентагидраты — 5,36 г Калий хлориді — 4,47 г Магний хлориді гексагидраты — 1,12 г Глюкоза моногидраты (сусыз глюкозаға баламалы) — 440,00 г (400,00 г) Кальций хлориді дигидраты — 0,74 г * Құрамында 80% тазартылған зәйтүн майы және 20% тазартылған соя майы бар, ол май қышқылдарының жалпы құрамына қатысты 18,0%-дан 22,0% - ға дейін маңызды май қышқылдарының (линол және α-линолен қышқылдары) құрамына сәйкес келеді. қосымша заттар: 20% липидті эмульсия бар камера — Электролиттері бар амин қышқылдарының 10% ерітіндісі бар камера — Кальций қосылған 40% глюкоза ерітіндісі бар камера Тазартылған жұмыртқа фосфатидтері Глицерин Натрий олеаты Натрий гидроксиді Инъекцияға арналған су — Сірке қышқылы Инъекцияға арналған су — Хлорсутек қышқылы Инъекцияға арналған су Сыртқы түрінің, иісінің, дәмінің сипаттамасы Үш камераның ішіндегісін араластырғанға дейін: - амин қышқылдары мен глюкозаның ерітінділері мөлдір, түссіз немесе ашық сары ерітінді түрінде болады; - липидті эмульсия ақ немесе ақ дерлік түсті гомогенді эмульсия түрінде болады. Үш камераның ішіндегісін араластырғаннан кейін алынған қоспа ақ немесе ақ дерлік түсті гомогенді эмульсия болып табылады.

Ересектер мен 2 жастан асқан балалардың парентеральді қоректенуі үшін пероральді немесе энтеральді (зондты) қоректендіру мүмкін болмаған, жеткіліксіз немесе қарсы көрсетілімді жағдайларда.

ATХ коды B05BA10 Үш компонентті қоспасы ақуыз және энергетикалық тепе-теңдікті сақтауға арналған. Органикалық азоттың көзі L-аминқышқылдары, глюкоза мен май қышқылдары энергия көзі ретінде қызмет етеді. Сондай-ақ, қоспада электролиттер бар. Амин қышқылы ерітіндісінің құрамына организмдегі ақуыз синтезі үшін қажет 15 L-амин қышқылдары (оның ішінде 8 алмастырылмайтын амин қышқылдары) кіреді. Амин қышқылдары да энергия көзі де болып табылады, олардың тотығуы мочевина түрінде азоттың шығарылуына әкеледі. Амин қышқылы бейіні: • алмастырылмайтын амин қышқылдары / барлық амин қышқылдары: 40,5%; • алмастырылмайтын амин қышқылдары (г) / жалпы азот (г): 2,5; • тармақталған тізбекті амин қышқылдары / барлық амин қышқылдары: 19%. Глюкоза көмірсулардың көзі (160 г/л) болып табылады. Липидті эмульсия құрамында тазартылған зәйтүн майы және тазартылған соя майы (80/20 қатынасында) бар. Май қышқылдарының шамамен пайыздық қатынасы: • 15% қаныққан май қышқылдары (ҚМҚ); • 65% моноқанықпаған май қышқылдары (МҚМҚ); • 20% полиқанықпаған май қышқылдары (ПҚМҚ). Фосфолипидтер / триглицеридтердің қатынасы 0,06 құрайды. Қоспадағы алмастырылмайтын май қышқылдарының қалыпты деңгейі организмдегі алмастырылмайтын май қышқылдарының жоғары туындыларының құрамын жақсартады, олардың тапшылығын толтырады. Зәйтүн майы құрамында альфа-токоферолдың едәуір мөлшері бар, ол ПҚМҚ-ның қалыпты мөлшерімен бірге организмдегі Е дәрумені құрамын жоғарылатады және липидтердің асқын тотығуын азайтады.

Дозалау режимі Препараттың дозасы мен қолдану ұзақтығын емдеуші дәрігер әрбір нақты пациент үшін оның энергетикалық шығындарына, клиникалық жай-күйіне, дене салмағына және препарат компоненттерінің метаболизміне қабілеттілігіне, сондай-ақ ішке немесе энтеральді қабылданатын қосымша энергияға немесе ақуыздарға байланысты айқындайды. Контейнердің көлемін аталған факторларды ескере отырып, таңдау керек. Ең жоғары тәуліктік доза Ең жоғары тәуліктік дозадан асырмау керек. Препараттың көп камералы контейнерінің бекітілген құрамына байланысты пациенттің барлық қажетті тамақтану қажеттіліктерін бір реттік өтеу әрдайым бола бермейді. Пациенттерге препараттың құрамынан ерекшеленетін мөлшерде қоректік заттар қажет болатын клиникалық жағдайлар туындауы мүмкін. Ересек пациенттер Органикалық азотқа орташа қажеттілік тәулігіне 0,16-0,35 г/кг құрайды (шамамен тәулігіне 1-2 г амин қышқылдары/кг). Энергия қажеттілігі пациенттің жағдайына және катаболикалық процестердің қарқындылығына байланысты өзгереді. Ересек пациент үшін орташа есеппен тәулігіне 20-40 ккал/кг құрайды. Ең жоғары тәуліктік доза кг дене салмағына 33 мл құрайды (бұл дене салмағының бір килограмына 1,32 г амин қышқылдары, 5,28 г глюкоза, 1,32 г липидтер, 1,06 ммоль натрий және 0,79 ммоль калий), яғни дене салмағы 70 кг пациентке инфузияға арналған 2310 мл эмульсия. Жасөспірімдер және екі жастан асқан балалар Бала пациенттердің қатысуымен зерттеулер жүргізілген жоқ. Препараттың дозасы түсетін сұйықтықтың тәуліктік көлеміне және азотқа тәуліктік қажеттілікке байланысты және баланың су алмасуының жай-күйін ескере отырып түзетілуі тиіс. Сұйықтыққа, азотқа және энергияға күнделікті қажеттілік жасына қарай біртіндеп төмендейді. 2-ден 11 жасқа дейінгі балалар үшін Ұсынымдарға сәйкес ең жоғары тәуліктік доза кг дене салмағына 60 - 120 мл құрайды, бұл 1 - 2 г (2,5 г дейін) амин қышқылдарына, глюкозаға 1,4 - 8,6 г, липидтерге 0,5 - 3 г, натрий мен калийге тиісінше 1 - 3 ммоль сәйкес келеді. Жалпы энергетикалық құндылығы тәулігіне 30-75 ккал/кг құрайды. Оликлиномель N7-1000E препаратының ұсынылатын ең жоғары тәуліктік дозасы: кг дене салмағына 45 мл құрайды, бұл тиісінше 1,8 г амин қышқылдарына, 7,2 г глюкозаға, 1,8 г липидтерге, 1,4 және 1,1 ммоль натрий мен калийге сәйкес келеді. Жалпы энергетикалық құндылығы тәулігіне 54 ккал/кг құрайды. Осы жас тобында магний концентрациясы препараттың ең жоғары тәуліктік дозасын шектейтін фактор болып табылады. 12-ден 18 жасқа дейінгі балалар үшін Ұсынымдарға сәйкес ең жоғары тәуліктік доза кг дене салмағына 50 – 80 мл құрайды, бұл 1 - 2 г амин қышқылдарына, 0,7 - 5,8 г глюкозаға, 0,5 – 2 г (3 – ке дейін) липидтерге, сәйкесінше 1-3 ммольге натрий мен калийге сәйкес келеді. Жалпы энергетикалық құндылығы тәулігіне 20-55 ккал/кг құрайды. Оликлиномель N7-1000E препаратының ұсынылатын ең жоғары тәуліктік дозасы: дене салмағының 36 мл/кг құрайды, бұл тиісінше 1,4 г амин қышқылдарына, 5,8 г глюкозаға, 1,4 г липидтерге, 1,2 және 0,9 ммоль натрий мен калийге сәйкес келеді. Жалпы энергетикалық құндылығы тәулігіне 43,2 ккал / кг құрайды. Осы жас тобында глюкоза концентрациясы препараттың ең жоғары тәуліктік дозасын шектейтін фактор болып табылады. Енгізу әдісі мен жолы ПРЕПАРАТ ВЕНА ІШІНЕ ТЕК ОРТАЛЫҚ ВЕНА АРҚЫЛЫ ЕНГІЗІЛЕДІ Қабылдау уақыты көрсетілген қолдану жиілігі Парентеральді қоректену инфузиясының ұсынылатын ұзақтығы 12-ден 24 сағатқа дейін.

Оликлиномель N7-1000E препараты келесі жағдайларда қолдануға қарсы көрсетілімді: - шала туылған нәрестелер, емшек ему жасындағы балалар және 2 жасқа дейінгі балалар, калория мен азоттың дұрыс емес арақатынасына, сондай-ақ сай емес энергия құндылығына байланысты - жұмыртқа, соя немесе арахис ақуыздарына, жүгеріге/жүгеріден жасалған өнімдерге немесе кез келген белсенді немесе қосымша заттарға жоғары сезімталдық - амин қышқылдары алмасуының туа біткен бұзылыстары - ауыр гиперлипидемия немесе гипертриглицеридемиямен сипатталатын липидтер метаболизмінің айқын бұзылуы - ауыр гипергликемия - қан плазмасындағы натрийдің, калийдің, магнийдің, кальцийдің және/немесе фосфордың патологиялық жоғары концентрациялары Сақтықпен: плазманың осмолярлығы жоғары, бүйрекүсті безі жеткіліксіздігі, бауыр жеткіліксіздігі, жүрек жеткіліксіздігі, өкпе патологиясы, эндокриндік жүйе мен зат алмасу тарапынан бұзылуы, қан ұюы және анемиясы бұзылған пациенттерге. Гемограмманы және қанның ұю көрсеткіштерін мұқият бақылау қажет.

Жиі емес (пациенттердің 0,1% - дан астамында, бірақ 1% - дан азында кездеседі): - аса жоғары сезімталдық реакциялары Белгісіз (қолда бар деректер негізінде бағалау мүмкін емес): - бронх түйілуі (аса жоғары сезімталдық симптомы ретінде) - «майдың артық жүктемелік синдромы» - тремор - диарея, жүрек айнуы, құсу - эритема, гипергидроз - аяқ-қолдың ауыруы, бұлшықеттің түйілуі - енгізу орнындағы ісіну/домбығу, енгізу орнындағы ауырсыну, экстравазация, енгізу орнындағы реакциялар, қызба, енгізу орнындағы көпіршіктердің пайда болуы, жалпы дімкәстану, катетер орнатылған жердегі флебит, оқшауланған ісіну, шеткергі ісіну, инфузия орнындағы күйдіріп ашу сезімі, қабыну, ойық жаралану/некроз Кейбір жағымсыз құбылыстардың сипаттамасы «Майдың артық жүктемелік синдромы» синдромы Дұрыс қолданбау салдарынан болуы мүмкін (мысалы, артық дозалану және/немесе ұсынылған енгізу жылдамдығынан асып кету). Алайда, осы синдромның көріністері препаратты нұсқауларға сәйкес дұрыс қолданған кезде инфузияның басында да байқалуы мүмкін. «Майдың артық жүктемелік синдромының» дамуына пациент ағзасының плазма клиренсінің ұлғаюы аясында препараттың құрамына кіретін липидтерді метаболиздеу қабілетінің төмендеуі немесе шектелуі алып келуі мүмкін. Синдром пациенттің жағдайының күрт нашарлауымен байқалады және аурухана жатқызуды қажет ететін гиперлипидемия, қызба, бауырдың майлы инфильтрациясы (гепатомегалия), бауыр функциясының бұзылуы, анемия, лейкопения, тромбоцитопения, қан ұюының бұзылуы және орталық жүйке жүйесінің бұзылуы (мысалы, кома) сияқты құбылыстармен сипатталады. Бұл симптомдар липидті эмульсияны қабылдауды тоқтатқан кезде қайтымды болады. Классты реакциялар -классты реакциялар (ұқсас дәрілік препараттарды қолданғанда байқалған): өкпе тамырларында преципитаттардың пайда болуы (өкпе эмболиясы және өкпе функциясының бұзылуы), тромбоцитопения, холестаз, гепатомегалия, сарғаю, аса жоғары сезімталдық реакциялары, қан плазмасындағы гамма-глутамилтрансфераза белсенділігінің жоғарылауы, бауыр ферменттері (аспартатаминотрансфераза (АСТ), аланинаминотрансфераза (АЛТ) және трансаминазаны қоса алғанда), триглицеридтер концентрациясының жоғарылауы, сілтілік фосфатаза белсенділігінің жоғарылауы және билирубин, азотемия. - тромбоцитопения (липидтер инфузиясы жүргізілген балаларда байқалған). Жағымсыз құбылыстар препаратты дұрыс қолданбау нәтижесінде пайда болуы мүмкін (мысалы, артық дозаланғанда немесе тым жылдам енгізгенде). Препаратты қолданудың басында аллергиялық реакцияның кез келген көріністері немесе симптомдары (мысалы, терлеу, қызба, қалтырау, бас ауыруы, тері бөртпесі, ентігу, бронх түйілуі) пайда болған кезде оны енгізуді дереу тоқтату керек. Жағымсыз реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Оликлиномель N7-1000E препаратын дұрыс енгізбеген жағдайда (артық дозалануы және/немесе инфузияның ұсынылған жылдамдығынан асып кетуі) гиперволемия және ацидоз белгілері байқалуы мүмкін. ТПҚ ерітінділерін, оның ішінде Оликлиномель N7-1000E препаратын тым жылдам енгізу ауыр зардаптарға немесе өлімге әкелуі мүмкін. Глюкозаның тым көп дозаларын енгізген кезде гипергликемия, глюкозурия және гиперосмолярлық синдром дамуы мүмкін. Инфузияның тым жоғары жылдамдығында немесе препараттың сәйкес келмейтін, артық көлемін енгізгенде жүрек айнуы, құсу, қалтырау, кеуде қуысының ауыруы, бас ауыруы, аритмия немесе тахикардия және электролиттік бұзылулар пайда болуы мүмкін. Емі: жоғарыда аталған барлық жағдайларда препараттың инфузиясын дереу тоқтату керек. Липидтерді метаболиздеу қабілетінің төмендеуі немесе шектеулі болуы «майдың артық жүктемелік синдромы» туындатуы мүмкін, оның барлық көріністері, әдетте, препаратты енгізуді тоқтатқаннан кейін қайтымды болады. Ауыр жағдайларда гемодиализ, гемофильтрация немесе гемодиафильтрация қажет болуы мүмкін.

Препаратты шеткергі вена арқылы енгізуге болмайды! Толық парентеральді қоректену (ТПҚ) ерітінділерін, оның ішінде Оликлиномель N7-1000E препаратын тым жылдам енгізу ауыр зардаптарға немесе өлімге әкеп соғуы мүмкін. Егер аллергиялық реакцияның қандай да бір белгілері немесе симптомдары (мысалы, қызба, қалтырау, бас ауыруы, тері бөртпесі, ентігу немесе бронх түйілуі) пайда болса, инфузияны енгізуді дереу тоқтату керек. Вена ішіне инфузия жүргізу басында пациенттің жағдайын мұқият бақылау қажет. Су және электролит теңгерімінің бұзылуы айқын бұзылулары, майдың шамадан тыс жүктелуімен қатар жүретін жай-күй және зат алмасуының айқын бұзылулары инфузия басталғанға дейін түзетілуі қажет. Цефтриаксонды құрамында кальций бар венаішілік ерітінділермен, соның ішінде Оликлиномель N7-1000E (цефтриаксон кальций тұзының тұнбасы пайда болу қаупіне байланысты), тіпті әртүрлі инфузиялық жүйелер мен енгізу орындарын пайдаланғанда да енгізуге болмайды. Цефтриаксон және құрамында кальций бар ерітінділер инфузиялық жүйелерді енгізудің - әртүрлі орындарында пайдаланған жағдайда рет-ретімен енгізілуі мүмкін; - инфузиялық жүйені ауыстыру кезінде; - преципитаттардың пайда болуын болдырмау үшін келесі препаратты қолданар алдында инфузиялық жүйені үйлесімді сұйықтықпен (мысалы, физиологиялық ерітіндімен) мұқият жуғаннан кейін. Құрамында кальций бар ТПҚ ерітінділерін үздіксіз енгізуді қажет ететін пациенттерде емдеуші дәрігер преципитаттардың түзілу қаупі жоқ баламалы бактерияға қарсы емдеу әдістерін қолдану мүмкіндігін қарастыруы мүмкін. Егер парентеральді қоректену ерітіндісін үздіксіз енгізуді қажет ететін пациенттерде цефтриаксонды қолдану қажет болса, әртүрлі инфузиялық жүйелер мен енгізу орындарын пайдаланса да, цефтриаксон мен ТПҚ ерітіндісін бір мезгілде енгізуге болады. Сондай-ақ, цефтриаксонды енгізу кезеңінде ТПҚ ерітіндісінің инфузиясы инфузиялық жүйені енгізу арасында мұқият жуған жағдайда тоқтатылуы мүмкін. Парентеральді қоректенетін пациенттерде өкпе эмболиясына және өкпе патологиясына әкелетін өкпе тамырларында преципитаттардың пайда болуы туралы хабарланды. Кейбір жағдайларда өлім туралы хабарланды. Кальций мен фосфаттың шамадан тыс қосылуы кальций фосфаты преципитаттарының пайда болу қаупін арттырады. Ерітіндіде фосфат тұзы болмаса да, преципитаттардың пайда болуы туралы хабарланды. Сондай-ақ, қан ағымында және кіріктірілген сүзгіден алыс жерде преципитаттардың пайда болуына күдік туралы хабарланды. Ерітіндіні тексеруге қосымша ретінде ерітінді мен катетерді енгізуге арналған жиынтықты преципитаттардың болуына тексеру жүргізу қажет. Өкпе патологиясының белгілері пайда болған кезде инфузияны дереу тоқтатып, медициналық тексеру жүргізу қажет. Басқа дәрілік заттарды немесе заттарды жеке камераларға және дайын эмульсияға, осы компоненттердің үйлесімділігі және олардың препарат тұрақтылығына әсері туралы (атап айтқанда, липидті эмульсия тұрақтылығына) деректері болмаса, қосуға болмайды. Тұнбаның түзілуі немесе липидті эмульсияның тұрақсыздануы тамырлардың бітелуіне әкелуі мүмкін. Парентеральді қоректенетін пациенттерде енгізу орнындағы инфекция және сепсис сияқты асқынулар болуы мүмкін, олар, атап айтқанда, катетерге жеткіліксіз күтім жасау кезінде, аурудың немесе дәрілік заттардың иммунодепрессивті әсері салдарынан туындайды. Симптомдарды мұқият бақылау және қызба немесе қалтырау, лейкоцитоз, енгізу үшін қолданылатын медициналық бұйымның техникалық проблемалары, сондай-ақ гипергликемия үшін зертханалық зерттеулер инфекцияны ерте кезеңде тануға көмектеседі. Парентеральді қоректенуді қажет ететін пациенттер көбінесе қоректік заттардың тапшылығына және/немесе негізгі ауруға байланысты жағдайға байланысты инфекциялық асқынуларға бейім. Сепсистік асқынулардың жиілігін катетерді қою кезінде, оған күтім жасау кезінде, сондай-ақ парентеральді қоректенуге арналған препаратты дайындау кезінде асептика шараларын қатаң сақтау арқылы азайтуға болады. Ем барысында су-электролит теңгерімін, сарысудың осмолярлығын, сарысудағы триглицеридтердің концентрациясын, қышқылдық-негіздік тепе-теңдікті, қандағы глюкоза концентрациясын, бауыр және бүйрек сынамаларын, коагуляциялық сынамалар мен қан құрамын, оның ішінде тромбоциттер санын бақылау қажет. Егер қоректік заттардың түсуі пациенттің қажеттіліктеріне бейімделмесе немесе рационның кез-келген компонентінің метаболизмдік сыйымдылығы дәл анықталмаса, зат алмасу жағынан асқынулар болуы мүмкін. Қажетсіз метаболизмдік құбылыстар қоректік заттардың жеткіліксіз немесе артық мөлшерін енгізу кезінде немесе дайын қоспаның құрамы белгілі бір пациенттің қажеттіліктеріне сәйкес келмеген кезде пайда болуы мүмкін. Қан сарысуындағы триглицеридтердің концентрациясын және ағзаның липидтерді элиминациялау қабілетін үнемі тексеріп отыру керек. Инфузия кезінде сарысудағы триглицеридтердің концентрациясы 3 ммоль/л аспауы тиіс. Олардың концентрациясын препаратты үздіксіз енгізгеннен кейін 3 сағаттан ерте емес өлшеу керек. Липидтер метаболизмінің бұзылуына күдік туған жағдайда, қан сарысуындағы триглицеридтердің концентрациясын күн сайын бағалау керек (сырттан липидтердің 5-6 сағаттан кейін түсуі болмайды). Ересектерде липидтердің сарысудан толық шығарылуы, әдетте, липидті эмульсия инфузиясын тоқтатқаннан кейін 6 сағат ішінде жүреді. Келесі инфузияны қан сарысуындағы триглицеридтердің концентрациясы қалыпқа келгеннен кейін ғана бастау керек. Препараттың құрамына кіретін липидтерді метаболиздеу қабілетінің төмендеуі немесе шектелуі артық дозалануынан туындауы мүмкін «майдың артық жүктеме синдромы» түрінде көрінуі мүмкін. Алайда, осы синдромның белгілері мен симптомдары препаратты нұсқаулыққа сәйкес қолданған жағдайда да байқалуы мүмкін. Гипергликемия дамыған жағдайда препарат инфузиясының жылдамдығын түзету және/немесе инсулин енгізу керек. Қосымша қоректік заттарды енгізген кезде инфузия басталғанға дейін алынған қоспаның осмолярлығын өлшеу керек. Алынған қоспаны соңғы осмолярлыққа байланысты орталық немесе шеткері веноздық катетер арқылы енгізу керек. Егер дайын қоспа гипертониялық ерітінді болса, шеткергі венаға енгізген кезде ол тамыр жақтауларын тітіркендіруі мүмкін. Оликлиномель N7-1000E препаратының құрамына әдеттегі концентрациядағы дәрумендер мен микроэлементтер кіретініне қарамастан, олардың құрамы организмнің қажеттіліктерін өтеу үшін жеткіліксіз, сондықтан оларды тапшы жағдайлардың алдын алу үшін қосу керек. Осмолярлығы жоғары, бүйрекүсті безінің жеткіліксіздігі, жүрек жеткіліксіздігі немесе өкпе бұзылулары бар пациенттерге Оликлиномель N7-1000E препаратын сақтықпен енгізу қажет. Қатты жүдеген пациенттерді қоректенуді қалпына келтіру қоректенуді қалпына келтіру синдромын туындатуы мүмкін, бұл жасушаішілік кеңістікке калий, фосфор және магний иондарының қарқынды түсуімен сипатталады, өйткені науқастарда анаболизм процестері жақсарады. Тиамин тапшылығының дамуы және сұйықтықтың іркілуі мүмкін. Бұл асқынуларды мұқият динамикалық байқау және біртіндеп, бірақ шамадан тыс емес, қоректік заттардың қабылдауын көбейтумен болдырмауға болады. Аталған синдром ұқсас препараттар үшін сипатталған. Бастапқы контейнерден қалдық ауаның түсуі салдарынан ауа эмболиясын болдырмау үшін контейнерлерді жүйелі түрде қоспау. Арнайы ескертулер Оликлиномель N7-1000E препаратында жұмыртқа фосфатидтері мен соя майы бар. Соя мен жұмыртқа ақуызы аса жоғары сезімталдық реакциясын туындатуы мүмкін. Соя мен арахис ақуыздары арасындағы айқаспалы аллергиялық реакциялар сипатталған. Оликлиномель N7-1000E препаратында жүгеріден алынған глюкоза бар, бұл жүгеріге немесе жүгеріден жасалған өнімдерге аллергиясы бар пациенттерде аса жоғары сезімталдық реакцияларының дамуына әкелуі мүмкін. Бауыр жеткіліксіздігі Гипераммониемиямен байланысты неврологиялық бұзылыстардың даму немесе өршу қаупіне байланысты бауыр жеткіліксіздігі бар пациенттерде сақтықпен қолдану керек. Клиникалық және зертханалық зерттеулерді, атап айтқанда қандағы глюкоза мен триглицеридтердің концентрациясын, электролиттердің құрамын үнемі жүргізіп, бауыр функциясының биохимиялық көрсеткіштерін тексеру қажет. Бүйрек жеткіліксіздігі Бүйрек жеткіліксіздігі бар пациенттерде, әсіресе, гемофильтрация немесе диализ жүргізу мүмкіндігі болмаған кезде метаболикалық ацидоздың және гиперазотемияның даму немесе өршу қаупіне байланысты гиперкалиемия болған кезде сақтықпен қолдану керек. Мұндай пациенттерде су-электролит балансын және триглицеридтердің концентрациясын мұқият бақылау қажет. Қантамырлар тарапынан бұзылулар Препаратты қан ұюы бұзылған және анемиясы бар пациенттерде қолданғанда сақ болу керек. Жалпы қан талдауы мен коагулограмма көрсеткіштерін мұқият бақылау қажет. Эндокриндік бұзылулар және зат алмасудың бұзылуы Мынадай жай-күйі бар пациенттерде сақтықпен қолдану керек: - метаболизмдік ацидоз: лактоацидоз кезінде көмірсулар қолдану ұсынылмайды. Клиникалық және зертханалық талдауларды үнемі жүргізу қажет; - қант диабеті: глюкоза, глюкозурия және кетонурия концентрациясын бақылап, қажет болған жағдайда инсулин дозаларын түзету керек; - инфузияға арналған эмульсиядағы липидтердің болуына байланысты гиперлипидемия. Клиникалық және зертханалық талдауларды үнемі жүргізу қажет; - амин қышқылдар метаболизмінің бұзылуы. Экстравазация Катетерді енгізу орнын үнемі тексеріп, экстравазация белгілерінің пайда болуы үшін пациенттің жағдайын бағалау қажет. Экстравазация кезінде препаратты енгізуді дереу тоқтату керек. Енгізілген катетерді немесе канюляны алып тастамас бұрын, тіндердегі сұйықтық мөлшерін азайту үшін олар арқылы аспирация жасау керек. Төгілген сұйықтықтың құрамына байланысты (егер олар Оликлиномель N7-1000Е препаратымен араласқан болса, басқа дәрілік препараттарды ескере отырып) зақымдану сатысы немесе ауырлығы жергілікті клиникалық практикаға сәйкес фармакологиялық емес, фармакологиялық және/немесе хирургиялық емдеу нұсқалары болуы мүмкін. Зардап шеккен аймақтың жағдайы нашарлаған кезде (үздіксіз ауырсыну, некроз, жаралар, қысылу синдромына күдік) дереу хирургпен кеңесу керек. Экстравазацияның орнын алғашқы 4 сағат сайын 24 сағат ішінде, содан кейін күніне бір рет бақылау керек. Оликлиномель N7-1000Е препаратының инфузиясын жаңарту үшін дәл сондай орталық венаны пайдалануға болмайды. Педиатрияда қолдану Препаратты 2 жастан асқан балаларда қолданған кезде көлемі тәуліктік дозаға сәйкес келетін контейнерді пайдалану қажет. Барлық жағдайларда дәрумендер мен микроэлементтерді қосымша енгізу қажет. Балаларға арналған дәрілік түрлер қолданылуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қатысы жоқ.

Қазіргі уақытта Оликлиномель N7-1000E препараты ингредиенттерінің жүктілік және лактация кезеңіндегі әйелдерге төзімділігі туралы сенімді клиникалық деректер жоқ. Деректер болмаған жағдайда дәрігер жүкті әйелдерге немесе емшек сүтімен қоректенетін әйелдерге Оликлиномель N7-1000E препаратын тағайындағанға дейін әрбір жағдайдың ықтимал қауіптері мен пайдасын мұқият бағалауы керек.

Өзара әрекеттесу бойынша зерттеулер жүргізілген жоқ. Цефтриаксонды құрамында кальций бар венаішілік ерітінділермен бір мезгілде бір инфузиялық жүйе арқылы (мысалы, Y-тәрізді қосылыс арқылы) цефтриаксон-кальций тұзының тұнбасы пайда болу қаупіне байланысты енгізуге болмайды. Алайда, цефтриаксон және құрамында кальций бар ерітінділер бір инфузиялық жүйе арқылы, оны келесі препаратты қолданар алдында үйлесімді сұйықтықпен мұқият жуған жағдайда, рет-ретімен енгізілуі мүмкін. Препарат құрамында барлық липидті эмульсиялардың құрамына кіретін К дәрумені бар. Препараттың ұсынылған дозаларындағы К дәруменінің мөлшері кумарин туындыларының белсенділігіне әсер етпеуі тиіс. Инфузияға арналған эмульсия жалған агглютинация қаупіне байланысты бір катетер арқылы қан препараттарымен қатар енгізілмеуі тиіс. Егер қан алу липидтер плазмадан шығарылғанға дейін жүргізілсе (әдетте эмульсия енгізілгеннен кейін 5-6 сағат өткен соң), онда эмульсиядағы липидтер кейбір зертханалық зерттеулердің нәтижелеріне әсер етуі мүмкін, мысалы, олар билирубин, лактатдегидрогеназа, оттегі қанықтыру, гемоглобин көрсеткіштерін өзгерте алады. Препараттың құрамына калий кіретінін ескере отырып және гиперкалиемияның дамуын болдырмау мақсатында калий сақтайтын диуретиктерді (мысалы, амилорид, спиронолактон, триамтерен), ангиотензин-өзгертетін ферменттің (АӨФ) тежегіштерін және циклоспорин және такролимус иммуносупрессанттарын бір мезгілде қабылдайтын пациенттерге ерекше назар аудару керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Препарат контейнер ашылғаннан кейін дереу қолданылуы керек. Қаптаманың бүтіндігі бұзылған кезде қолдануға болмайды. Сақтау шарттары 2°-ден - 25°С-ге дейінгі температурада сақтау керек. Қорғаныш пластик пакетте сақтау керек. Мұздатып қатыруға болмайды! Балалардың қолы жетпейтін жерде сақтау керек! Үш камераның ішіндегісін араластырғаннан кейін инфузияға арналған эмульсия 2° С-ден 8°С-ге дейінгі температурада 7 күн сақталады, одан кейін 25°С-ден аспайтын температурада 48 сағатқа дейін сақталады.