ОМЕПРАЗОЛ-ВИСТА капсулы 20 мг

Бір капсуланың ішінде белсенді зат - 20 мг омепразол; қосымша заттар: маннитол, сукроза, динатрий гидрофосфаты, кальций карбонаты, натрий лаурилсульфаты, гипромеллоза, метакрил және этилакрилат сополимерінің қышқылы (1:1) дисперсия 30%, диэтилфталат, титанның қостотығы (Е171), тазартылған тальк, Нонпарель пеллеттері, тазартылған су**; капсула қабығы: кремнийдің қостотығы, натрий лаурилсульфаты, глицерин, тартразин (Е102), эритрозин (Е127), желатин, тазартылған су **. ** - соңғы өнім құрамында болмайды Сыртқы түрінің, иісінің, дәмінің сипаттамасы Қызғылт түсті мөлдір қалпақшасы және мөлдір түссіз корпусы бар өлшемі «2» қатты желатин капсулалар. Капсула ішінде – ішекте еритін қабықпен қапталған ақтан ақ дерлік түске дейінгі пеллеттер.

• асқазан және он екі елі ішектің ойық жаралы ауруын емдеу және қайталану профилактикасы • ойық жаралы ауру кезіндегі Helicobacter pylori (H. pylori) эрадикациясында тиісті антибиотиктермен біріктірілімде • қауіп тобындағы пациенттерде ҚҚСП-мен астасқан асқазан және он екі елі ішектің ойық жаралы ауруын емдеу және профилактикасы • рефлюкс-эзофагитті емдеу • рефлюкс-эзофагиті емделіп жазылған пациенттерде қайталануының ұзақ мерзімді профилактикасы • симптоматикалық гастроэзофагеальді рефлюкс ауруын емдеу • Золлингер-Эллисон синдромын емдеу

Әсер ету механизмі Омепразол, екі энантиомердің рацемиялық қоспасы, нысаналы бағытталған әсер ету механизмі есебінен асқазан сөлінің секрециясын төмеңдетеді. Бұл – париетальді жасушаның қышқылды сорғысының спецификалық тежегіші. Ол күніне бір рет дозалағанда жылдам әсер етеді және асқазан қышқылы секрециясының қайтымды тежелуі есебінен бақылауды қамтамасыз етеді. Омепразол қышқылды сорғы Н+, К+ - АТФаза ферментін тежейтін париетальді жасушаның ішіндегі жасушаішілік өзекшелердің өте қышқылды ортасында шоғырланатын және белсенді түрге айналатын әлсіз негіз түрінде болады. Асқазанда қышқыл түзілу үдерісінің қорытынды сатысындағы осы әсері дозаға байланысты және көтермеленуіне қарамастан қышқылдың негізгі секрециясы ретінде де, қышқылдың көтермеленген секрециясы ретінде де жоғары тиімді тежеуді қамтамасыз етеді. Фармакодинамикалық әсерлері Байқалатын фармакодинамикалық әсерлерінің бәрін омепразолдың қышқыл секрециясына ықпал етуімен түсіндіруге болады. Асқазан сөлі секрециясына ықпалы Омепразолды күніне бір рет пероральді қабылдау 4 күн емделу кезінде қол жеткізілетін ең жоғары әсерімен асқазан сөлі қышқылының күндізгі және түнгі секрециясын тез әрі тиімді бәсеңдетуді қамтамасыз етеді. Он екі елі ішектің ойық жарасы бар пациенттерде омепразол 20 мг дозада қолданылғанда 24 сағаттық асқазанішілік қышқылдылықтың, кем дегенде, 80% орташа төмендеуі сақталады, осы орайда пентагастринмен көтермеленуден кейінгі қышқылдың жоғары шекті шығуының орташа төмендеуі қабылдаудан кейін 24 сағаттан соң 70% жуық құрайды. Он екі елі ішектің ойық жарасы бар пациенттерде 20 мг дозада омепразол қабылдау асқазан сөлінің рН мәнін 17 сағат бойы ≥3 деңгейінде сақтап тұрады. Гастроэзофагеальді рефлюкс ауруы бар пациенттерде қышқыл секрециясының және қарыншаішілік қышқылдылықтың төмендеуі салдарынан омепразол өңешке қышқылды әсер етуді дозаға тәуелді үлгіде төмендетеді/қалыпқа түсіреді. Қышқыл секрециясының бәсеңдеуі қазіргі уақыт сәтіндегі плазмадағы нақты концентрациясымен емес, омепразолдың плазмдағы концентрация уақытының қисық астындағы тәуелділік (AUC) ауданымен байланысты. Омепразол препаратымен емдеу кезінде тахифилаксия байқалмады. H. Pylori тарапына әсері H. pylori, он екі елі ішек пен асқазанның ойық жаралы ауруын қоса, ойық жара ауруымен байланысты. H. pylori гастритті дамытатын негізгі фактор болып табылады. H. pylori асқазан қышқылымен бірге ойық жара ауруын дамытатын негізгі факторалар болып табылады. H. pylori асқазан обырының жоғары даму қаупімен байланысты болатын атрофиялық гастритті дамытатын негізгі фактор болып табылады. Омепразолмен және микробқа қарсы препараттармен H. pylori эрадикациялануы пептидтік ойық жаралардың жазылуы мен ұзақ уақыт ремиссиялануының жоғары екпіндерімен байланысты. Қосарлы емдеу әдістері тестіден өткізілген және үштікке қарағанда тиімділігі аз болып шықты. Алайда, оларды белгілі аса жоғары сезімталдық кез келген үштік біріктірілім пайдаланылуын жоққа шығаратын жағдайларда қарастыруға болады. Қышқыл тежелісімен байланысты басқа әсерлер Ұзақ уақыт емдеу кезінде асқазан бездерінің кисталары біршама жиірек тіркелді. Бұл өзгерістер қышқыл секрециясын айқын бәсеңдетудің физиологиялық салдары, қатерсіз әрі, сірә, қайтымды болып табылады. Протон помпасының тежегіштерін қоса, кез келген дәрілер салдарынан асқазан сөлі қышқылдылығының төмендеуі, әдетте, асқазан-ішек жолында болатын бактериялар мөлшерін көбейтеді. Қышқылды төмендететін препараттармен емдеу Salmonella және Campylobacter сияқты, ал ауруханаға жатқызылған пациенттерде, мүмкін, сондай-ақ Clostridium difficile сияқты асқазан-ішек инфекциялары қаупінің мардымсыз артуына әкелуі мүмкін. Антисекреторлық дәрілік заттармен емдеу кезінде қан сарысуындағы гастрин деңгейі қышқыл секрециясының төмендеуіне жауап ретінде артады. Сонымен қатар, асқазан сөлі қышқылдылығының төмендеуіне орай CgA артады. Жоғары CgA деңгейі нейроэндокринді ісіктер зерттеулеріне кедергі болуы мүмкін. Жарияланған қолжетімді деректер протон помпасы тежегіштерін қабылдауды CgA өлшеуіне дейінгі 2 аптадан 5 күн бұрын тоқтату керек екенін айғақтайды. Бұл ППТ емінен кейін жалған жоғары болуы мүмкін CgA деңгейлерінің қалыпты диапазонға оралуы үшін жасалған. Қан сарысуындағы гастриннің жоғары деңгейімен байланысты болуы мүмкін ECL жасушалар санының көптігі кейбір пациенттерде (балаларда да, ересектерде де) омепразолмен ұзақ уақыт емдеу кезінде байқалды. Алынған деректер клиникалық мәнді емес болып саналады. Балалар Препарат балалар мен 18 жасқа дейінгі жасөспірімдерде қарсы көрсетілімді.

Дозалау режимі Он екі елі ішектің ойық жаралы ауруын емдеу Он екі елі ішектің ойық жаралы ауруының өршуі бар пациенттерге ұсынылатын доза күніне бір рет 20 мг құрайды. Он екі елі ішектің ойық жаралы ауруы бар пациенттердің көпшілігінде ойық жараның жазылуы 2 апта бойы жүреді, бірақ кейбір пациенттерге ойық жараның жазылуы үшін препаратпен қосымша 2 апталық емдеу курсы керек болуы мүмкін. Басқа емдеу әдістеріне төзімді он екі елі ішектің ойық жарасы бар пациенттер үшін 4 апта бойына күнделікті 40 мг қабылдау ұсынылады. Он екі елі ішектің ойық жаралы ауруының қайталану профилактикасы Жазылуы нашар науқастарда он екі елі ішектің ойық жаралы ауруының қайталану профилактикасында күніне бір рет 20 мг препараттан тағайындау ұсынылады. Кейбір пациенттерде 10 мг тәуліктік доза жеткілікті болуы мүмкін. Қажет болса, дозаны 40 мг дейін арттыруға болады. Асқазанның ойық жаралы ауруын емдеу Асқазанның ойық жаралы ауруы бар пациенттерге ұсынылатын доза күніне бір рет 20 мг құрайды. Асқазанның ойық жаралы ауруы бар пациенттердің көпшілігінде жазылуы 4 апта ішінде жүреді, бірақ кейбір пациенттерге ойық жараның жазылуы үшін препаратпен қосымша 4 апталық емдеу курсы керек болуы мүмкін. Ойық жараның жазылуы нашар пациенттерге 40 мг препаратты күніне бір рет тағайындау ұсынылады және жазылуына, әдетте, сегіз апта ішінде жетеді. Асқазанның ойық жаралы ауруының қайталану профилактикасы Жазылуы нашар пациенттерде асқазанның ойық жаралы ауруының қайталану профилактикасы үшін 20 мг препараттан күніне 1 рет тағайындау ұсынылады. Қажет болса, дозаны күніне 1 рет 40 мг дейін арттыруға болады. Ойық жаралы ауру кезіндегі H. pylori эрадикациясы Нақты пациенттегі Helicobacter pylori эрадикациясы үшін емдеудің төзімділігі және сызбалары бойынша ұлттық, аймақтық және жергілікті деректерге сәйкес антибиотиктерге таңдау жасау керек. - 20 мг омепразол + 500 мг кларитромицин + 1000 мг амоксициллин, әр препарат бір апта бойы тәулігіне екі рет немесе - 20 мг омепразол + 250 мг кларитромицин (немесе 500 мг) + 400 мг метронидазол (немесе 500 мг немесе 500 мг тинидазол), әр препарат бір апта бойына тәулігіне екі рет немесе - 40 мг омепразол тәулігіне бір рет 500 мг амоксициллинмен және 400 мг метронидазолмен (немесе 500 мг немесе 500 мг тинидазол ), бір апта бойы тәулігіне үш рет. Егер емдеу курсынан өтуден кейін Helicobacter pylori сынамасы оң күйінде қалса, емдеу курсын қайталауға болады. ҚҚСП-астасқан асқазан және он екі елі ішектің ойық жаралы ауруын емдеу ҚҚСП-астасқан асқазан және он екі елі ішектің ойық жарасын емдеуге ұсынылатын доза күніне бір рет 20 мг құрайды. Пациенттердің көпшілігінде жазылуы 4 апта ішінде жүреді, бірақ кейбір пациенттерге ойық жараның жазылуы үшін препаратпен қосымша 4 апталық емдеу курсы керек болуы мүмкін. ҚҚСП-астасқан асқазан және он екі елі ішектің ойық жаралы ауруының профилактикасы Қауіп тобының пациенттерінде (60 жастан асқан тұлғалар, асқазан және он екі елі ішектің ойық жаралы ауруын өткерген тұлғалар, гастроинтестинальді қан кетулер) ҚҚСП-астасқан асқазан және он екі елі ішектің ойық жаралы ауруларының профилактикасында ұсынылатын доза күніне бір рет 20 мг құрайды. Рефлюкс-эзофагитті емдеу Ұсынылатын доза күніне бір рет 20 мг құрайды. Пациенттердің көпшілігінде жазылуы 4 апта ішінде жүреді, бірақ кейбір пациенттерге ойық жараның жазылуы үшін препаратпен қосымша 4 апталық емдеу курсы керек болуы мүмкін. Ауыр эзофагит бар пациенттерге күніне бір рет 40 мг препарат тағайындау ұсынылады, жазылуына, әдетте, сегіз апта ішінде жетеді. Емделіп жазылған рефлюкс-эзофагит бар пациенттерде қайталануларының ұзақ мерзімді профилактикасы Емделіп жазылған рефлюкс-эзофагит бар пациенттерді емдеуге ұсынылатын доза күніне бір рет 10 мг қабылдау кезінде әркімге жеке таңдалады. Қажет болса, дозаны күніне бір рет 20-40 мг дейін арттыруға болады. Симптоматикалық гастроэзофагеальді рефлюкс ауруын емдеу Ұсынылатын доза күніне 20 мг құрайды. Пациенттер күнделікті 10 мг дозаға талапқа сай жауап бере алады, демек, жеке дозаны қайта қарау қажет. Егер симптомдар ОМЕПРАЗОЛ-ВИСТА 20 мг препаратымен 4 апта емдеуден кейін басылмаса, пациентті қосымша тексеруден өткізу керек. Золлингер-Эллисон синдромын емдеу Доза әркімге жеке таңдалады. Ұсынылатын бастапқы доза күніне 60 мг құрайды. Аурудың ауыр түрі бар және емнің басқа түрлеріне реакциясы жеткіліксіз пациенттердің 90%-дан астамының жай-күйі 20-120 мг/тәулік дозада қолданғанда сәтті тұрақтанды. Егер 80 мг/тәуліктен асатын дозаларын қолдану қажеттілігі болса, тәуліктік дозаны 2 қабылдауға бөлу қажет. Емдеу ұзақтығы – клиникалық көрсетілімдер бойынша. Пациенттердің ерекше топтары Балалар Препарат балалар және 18 жасқа дейінгі жасөспірімдерге қарсы көрсетілімді. Егде жастағы пациенттер (> 65 жас) Егде жастағы адамдарда дозаны түзету қажет емес. Бауыр жеткіліксіздігі бар пациенттер Бауыр функциясының бұзылулары бар пациенттерде ұсынылатын тәуліктік доза 10-20 мг құрайды. Бүйрек жеткіліксіздігі бар пациенттер Бүйрек функциясының бұзылулары бар пациенттерде дозаны түзету қажет емес. Енгізу әдісі және жолы Пероральді. Капсуланы таңертең, дұрысы, ас ішуге дейін тұтас жұтып, жарты стақан сумен іше отырып, қабылдау ұсынылады. Капсулаларды шайнауға және бөлшектеуге болмайды. Тек жартылай қатты тамақты ішіп немесе жұта алатын жұтынуы қиындаған пациенттер капсуланы ашып және оның ішіндегісін жарты стақан сумен іше отырып жұтуына немесе оны әлсіз қышқыл сұйықтықпен (мысалы, жеміс шырынымен немесе алма езбесімен немесе газдалмаған сумен) араластыруына болады. Осындай қоспаны бірден қабылдау (немесе 30 минут ішінде) және қабылдар алдында үнемі араластыру, одан кейін жарты стақан су ішу қажет. Сүтті немесе газдалған суды пайдалануға болмайды. Баламалы түрде пациенттер капсуланы соруына және жарты стақан сумен пеллеттерді жұтуына болады. Пеллеттерді шайнамау керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Сауал туындаған жағдайда дәрілік препаратты қабылдамас бұрын кеңес алу үшін дәрігермен хабарласыңыз.

- омепразолға, орын басушы бензимидазолдарға немесе препараттың қосымша заттарының кез келгеніне аса жоғары сезімталдық - нелфинавирмен және/немесе атазанавирмен бір мезгілде қолдану - балалар және 18 жасқа дейінгі жасөспірімдер

Жиі - бас ауыру - іштің ауыруы, іш қату, диарея, метеоризм, жүрек айну/құсу, фундальді бездер полиптері (қатерсіз) Жиі емес - ұйқысыздық - бас айналу, парестезия, ұйқышылдық - вертиго - бауыр ферменттері белсенділігінің жоғарылауы - дерматит, қышыну, бөртпе, есекжем - жамбас, білезік, омыртқа бағанының сынулары - жайсыздану, шеткері ісінулер Сирек - лейкопения, тромбоцитопения - аса жоғары сезімталдық реакциялары (қызба, ангионевроздық ісіну, анафилаксиялық реакциялар/шок) - гипонатриемия - қозу, сананың шатасуы, депрессия - дәм сезу бұзылуы - анық көрмеу - бронх түйілуі - ауыздың құрғауы, стоматит, асқазан-ішек жолының кандидозы - сарғаюмен немесе сарғаюсыз гепатит - алопеция, фотосезімталдық, жедел жайылған экзантематозды пустулез (AGEP), эозинофилиямен және жүйелі симптомдармен дәрілік реакция (DRESS) - артралгия, миалгия - интерстициальді нефрит - тубуло-интерстициальді нефрит (бүйрек жеткіліксіздігіне дейін дамуы мүмкін) - қатты тершеңдік Өте сирек - агранулоцитоз, панцитопения - агрессия, елестеулер - бауыр жұмысының бұзылуы, бауыр энцефалопатиясы (бұрыннан бауыр аурулары бар пациенттерде) - мультиформалы эритема, Стивенс-Джонсон синдромы, уытты эпидермалық некролиз - бұлшықет әлсіздігі - гинекомастия Белгісіз - гипомагнемия; жедел гипомагнемия, гипокальцемия - гипомагнемия да гипокалемиямен байланысты болуы мүмкін - микроскопиялық колит - жеделге жуық терінің қызыл жегісі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық қызметті бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамда омепразолдың артық дозалану зардаптары туралы шектеулі ақпарат қолжетімді. Әдебиетте 560 мг дейінгі дозалар көрсетілген, ал уақыт аралата бір реттік пероральді дозаларының 2400 мг омепразолға (әдетте, ұсынылатын емдік дозасынан 120 есе көбірек) жеткізілгені жөнінде есептер алынды. Симптомдары: жүрек айну, құсу, бас айналу, іштің ауыруы, диарея және бас ауыру, апатия, депрессия және абыржу. Сипатталған симптомдары уақытша және ауыр емес болды. Емдеу: симптоматикалық және демеуші ем.

Емдеу симптомдарды жеңілдетуі және диагноз қойылуын кідіртуі мүмкін екендіктен, кез келген үрейлі симптомдар болғанда (мысалы, көзделмеген елеулі салмақ жоғалту, қайталамалы құсу ұстамалары, дисфагия, қан аралас құсу, анемия немесе мелена), сондай-ақ асқазанның ойық жарасы бар болса немесе ол күмән тудырса, қатерлі ісік бар-жоғын анықтау қажет. Атазанавирді протонды сорғы тежегіштерімен қатар қабылдау ұсынылмайды. Егер атазанавир мен протонды сорғы тежегіштерін біріктіруден басқа амал болмайтыны анықталса, атазанавирдің 400 мг дейінгі дозасының 100 мг ритонавирмен біріктілімімен, мұқият клиникалық мониторинг (мысалы, вирустық жүктеме) ұсынылады; омепразол дозасы 20 мг аспауы тиіс. Омепразол, қышқыл тежегіш басқа препараттар сияқты, гипо- немесе ахлоргидрия салдарынан В12 дәруменінің (цианокобаламин) сіңуін төмендетуі мүмкін. Оны дене көлемдері аз немесе ұзаққа созылатын емде В12 дәруменінің сіңуін төмендететін қауіп факторлары бар пациенттерді емдеу кезінде ескеру қажет. Омепразол CYP2С19 ферментінің тежегіші болып табылады. Омепразолмен емдеудің басында немесе соңында, сондай-ақ CYP2С19 арқылы метаболизденетін препараттармен, мысалы, клопидогрелмен өзара әрекеттесу мүмкіндігі зор екеніне назар аудару қажет. Осы өзара әрекеттесудің клиникалық мәні түсініксіз күйде қалады. Алдын ала сақтану шарасы ретінде бір мезгілде омепразол мен клопидогрел қолданудан аулақ болу керек. Магний жеткіліксіздігінің жедел жағдайлары кемінде үш ай бойы, негізінен бір жыл бойы, омепразол сияқты протонды помпа тежегіштерін (ППТ) пайдалану арқылы ем алған пациенттерде байқалды. Магний жеткіліксіздігінің күрделі көріністері қажу, тетания, сандырақтау жағдайлары, конвульсия, бас айналуы және вентрикулярлық аритмия болып табылады, олар кенеттен басталуы мүмкін және оларды көруге болады. Мұндай пациенттердің көбінде магний жеткіліксіздігінің жағдайы магний-орын басушы емнен кейін және ППТ пайдалануды тоқтатқанда жақсарды. Протонды помпа тежегіштерін ұзақ уақыт қолдану немесе дигоксинді әлде магний мөлшерінің төмендеуін тудыруы мүмкін басқа дәрілік заттарды (мысалы, диуретиктер) бірге қолдану жоспарланған пациенттерге протонды помпа тежегіштерін қолданудың басталуына дейін және қолдану кезінде мезгіл-мезгіл қан сарысуында магний концентрациясын анықтау қажет. Стивенс-Джонсон синдромын (SJS), уытты эпидермиялық некролизді (TEN), эозинофилиямен және жүйелік симптомдармен (DRESS) дәрілік реакцияларды және өмірге қауіп төндіретін жедел жалпыланған экзантематозды пустулозды (AGEP) қоса алғанда, ауыр тері жағымсыз реакциялары (SCAR) Омепразолмен емдеуге байланысты өте сирек және сәйкесінше, өліммен аяқталатын жағдайлар туралы хабарланды. Ұзақ емдеу болжанатын немесе дигоксинмен немесе магний жеткіліксіздігіне әкелуі мүмкін препараттармен (мысалы, диуретиктер) ППТ қабылдайтын пациенттерде денсаулық сақтау саласындағы аәсіби мамандар ППТ қолдануды бастар алдында және мезгіл-мезгіл емдеу кезінде магний деңгейін өлшеп тұрулары тиіс. Протонды сорғы тежегіштері, әсіресе үлкен дозаларда және үлкен ұзақтықпен (бір жылдан астам) пайдаланғанда, әсіресе егде жастағы пациенттерде немесе басқа да идентификацияланған қауіп факторлары болғанда жамбастың, білектің немесе омыртқаның сыну қаупі аздап ұлғаюы мүмкін. Обсервациялық зерттеулер протонды сорғы тежегіштерін жалпы сыну қаупін 10-40%-ға жоғарылатуы мүмкін екенін болжамдайды. Осы жоғарылаудың белгілі бір бөлігі басқа қауіп факторларымен байланысты болуы мүмкін. Остеопороз қаупінің аймағындағы пациенттер тиісті ем алулары тиіс ағымдағы клиниклық нұсқаулықтарға сәйкес, сондай-ақ D дәрумені мен кальцийдің жеткілікті мөлшерін қабылдаулары тиіс. Терінің жеделге жуық қызыл жегісі (ТЖҚЖ) ТЖҚЖ сирек жағдайлары протонды сорғы тежегіштерін қолданумен байланысты. Терінің, әсіресе, күн сәулелерінің және/немесе олар артралгиямен бірге жүрсе, әсеріне ұшыраған бөліктеріндегі көріністері пайда болғанда дереу дәрігерге қаралу және омепразолды тоқтату мүмкіндігін қарастыру керек. Протонды сорғы тежегіштерін қолданудан кейін анамнезде ТЖҚЖ болуы протонды сорғының басқа тежегіштерін қолдану кезінде ТЖҚЖ пайда болу қаупін арттыруы мүмкін. Зертханалық зерттеулер деректеріне әсері Омепразол қабылдағанда хромогранин А (CgA) концентрациясы жоғарылауы мүмкін. Жоғары CgA деңгейі нейроэндокринді ісіктерді анықтауға арналған тексерулер нәтижелеріне ықпалын тигізуі мүмкін. Осындай әсерін болдырмау үшін омепразолмен ем CgA өлшеулеріне дейін бес күн бұрын уақытша тоқтатылуы тиіс. Егер CgA және гастрин деңгейлері бірінші өлшеуден кейін көрсетілген диапазонға оралмаса, оларды протонды сорғы тежегіштері аяқталғаннан кейін 14 күннен кейін қайталау керек. Созылмалы аурулары бар кейбір балалар ұзақ мерзімді емдеуді қажет етуі мүмкін, бірақ бұл ұсынылмайды. Протонды помпа тежегіштерімен емдеу Salmonella spp. және Campylobacter spp., және ауруханаға жатқызылған науқастарда Clostridium difficile бактериялары тудырған асқазан-ішек инфекцияларының туындау қаупінің елеулі артуына алып келуі мүмкін. Барлық ұзақ мерзімді емдеу режимдеріндегі сияқты, әсіресе, емдеу кезеңі 1 жылдан асып кеткенде пациенттер дәрігердің жүйелі қадағалауында болуы тиіс. Омепразол қабылдаған кезде бүйректе қабыну пайда болуы мүмкін. Белгілер мен симптомдарға несептегі немесе несептегі қан көлемінің төмендеуі және/немесе қызба, бөртпе және буындардың қаттылығы сияқты жоғары сезімталдық реакциялары кіруі мүмкін. Мұндай белгілер туралы дәрігерге хабарлау керек. Арнайы сақтандырулар Қосымша заттарға арналған арнайы нұсқаулар Препараттың бір реттік дозасындағы натрий мөлшері шамамен 3.74 мг; тұзсыз диета ұстанып жүрген тұлғаларға тағайындағанда сақ болу керек. Препараттың құрамында маннитол бар және ол жеңіл іш жүргізетін әсерге ие. Препарат құрамында сукроза бар - тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы бар адамдарға қарсы көрсетілімді. Препараттың құрамында глицерин бар, ол бас ауруы, асқазан-ішек жолдарының бұзылуы, диарея сияқты жағымсыз реакцияларды тудыруы мүмкін. Педиатрияда қолдану Препарат балалар мен 18 жасқа дейінгі жасөспірімдерде қарсы көрсетілімді (препарат құрамында балаларға арналған дәрілік препараттарда тыйым салынған бояғыштар бар). Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Омепразол емдік дозаларында психомоторлық реакциялар шапшаңдығы мен зейін қоюға ықпалын тигізбейді. Алайда, бас айналу мен көрудің бұзылуы сияқты жағымсыз реакциялардың туындау мүмкіндігін ескере отырып, пациенттер көлік құралын немесе аса қауіпті механизмдерді басқару кезінде сақтық шарасын қадағалау қажет.

Омепразолды жүктілік кезінде қабылдауға болады. Омепразол емшек сүтімен шығарылады, бірақ оның емдік дозаларын қолдану кезінде емізулі сәбиге әсер ету ықтималдығы аз.

Сіңірілуі рН-тәуелді препараттар Омепразолмен емдеу уақытында асқазан ішіндегі қышқылдылықтың азаюы, сіңірілуі рН-тәуелді кейбір препараттардың сіңірілуін арттыруы немесе азайтуы мүмкін. Омепразолды кетоконазол, итраконазол, ампициллин, В12 дәруменімен немесе темірмен бір мезгілде қолданғанда атап көрсетілген препараттардың сіңірілуі төмендейді. Омепразолды кейбір препараттармен бір мезгілде қолданғанда сақтық шарасын қадағалау керек. Нелфинавир, Атазанавир Қан плазмасында нелфинавир мен атазанавир деңгейлері оларды омепразолмен бір мезгілде қабылдағанда төмендейді. Омепразолды нелфинавирмен бір мезгілде қолдану қарсы көрсетілімді. Омепразолды (тәулігіне бір рет 40 мг) нелфинавирмен бір мезгілде қолдану нелфинавирдің орташа концентрациясын 40% төмендетті, ал М8 фармакологиялық белсенді метаболитінің орташа концентрациясы 75-90% төмендеді. Өзара әрекеттесу CYP2C19 тежелісін де тудыруы мүмкін. Омепразолды атазанавирмен бір мезгілде тағайындау ұсынылмайды. Омепразол (тәулігіне бір рет 40 мг) және 300 мг атазанавир/100 мг ритонавирді бір мезгілде қолдану атазанавир концентрациясының 75% төмендеуіне әкелді. Атазанавир дозасын 400 мг дейін арттыру омепразолдың атазанавир концентрациясына ықпал ету орнын толтырады. Омепразолды (тәулігіне бір рет 20 мг) 400 мг атазанавирмен/100 мг ритонавирмен бір мезгілде қолдану, күніне бір рет 300 мг атазанавир/100 мг ритонавир қабылдаумен салыстырғанда, атазанавир концентрациясының шамамен 30% төмендеуіне әкелді. Дигоксин Омепразолды (тәулігіне 20 мг) және дигоксинді бір мезгілде қолдану дигоксин биожетімділігін 10% арттырады. Дигоксин уыттылығы сирек байқалады. Егде жастағы тұлғаларда омепразолды жоғары дозаларда қолдану кезінде сақ болу керек. Дигоксиннің емдік дәрілік мониторингі күшейтілуі тиіс. Клопидогрел Клопидогрел (300 мг жүктеме доза/75 мг тәуліктік демеуші доза) және омепразол (пероральді күнделікті 80 мг) арасында фармакокинетикалық (ФK)/фармакодинамикалық (ФД) өзара әрекеттесу клопидогрел белсенді метаболитінің, орта есеппен, 46% төмендеуіне және тромбоциттер агрегациясының ең жоғары тежелуінің (АДФ индукцияланған), орта есеппен, 16% төмендеуіне әкелді. Басқа белсенді заттар Позаконазол, эрлотиниб, кетоконазол және итраконазол сіңірілуі омепразолмен бір мезгілде қолданғанда едәуір төмендейді, сондықтан олардың клиникалық тиімділігі төмендейді. Позаконазол мен эрлотинибті омепразолмен бір мезгілде қолдану ұсынылмайды. CYP2C19 метаболизденетін белсенді заттар Омепразол, омепразолды метаболиздейтін негізгі энзим CYP2C19 орташа тежегіші болып табылады. Осылайша, қатарлас белсенді заттардың, сондай-ақ CYP2C19 арқылы метаболизденетін заттардың метаболизмі төмендеуі мүмкін және ол заттардың жүйелі экспозициясы артуы мүмкін. Мұндай препараттарға R-варфарин және К дәруменінің басқа антагонистері, цилостазол, диазепам және фенитоин мысал бола алады. Цилостазол 40 мг дозаларда қабылданған омепразол, цилостазол үшін Cmax пен AUC сәйкесінше 18% және 26%-ға, ал оның белсенді метаболиттерінің бірі үшін сәйкесінше 29% және 69%-ға арттырды. Фенитоин Омепразолмен емдеуді бастағаннан кейінгі алғашқы екі апта ішінде плазмадағы фенитоин концентрациясына мониторинг жүргізу ұсынылады, егер фенитоиннің дозасына түзету жүргізілсе, омепразолмен емдеу аяқталғаннан кейін мониторинг және ары қарай дозасын түзету жүргізілуі тиіс. Белгісіз механизм Саквинавир Омепразол және саквинавир/ритонавирді бір мезгілде қолдану қан плазмасындағы саквинавир концентрациясының шамамен 70% дейін жоғарылауына алып келеді, бұл АИТВ инфекциясын жұқтырған пациенттерде препарат жағымдылығының жақсы болуымен байланысты. Такролимус Такролимусты омепразолмен бір мезгілде қолдану қан сарысуында такролимус концентрациясының жоғарылауына алып келеді. Такролимус концентрациясына, сондай-ақ бүйрек функциясына (креатинин клиренсі) күшейтілген мониторинг қажет және, қажет болса, такролимус дозасын түзетуді жүргізу керек. Метотрексат Омепразол бүйректе метотрексаттың белсенді секрециясын тежеуі мүмкін деп болжанады, бұл омепразол және метотрексатпен бір мезгілде емдегенде плазмада метотрексат деңгейінің жоғарылауына әкелуі мүмкін. Омепразол фармакокинетикасына басқа белсенді заттар әсері CYP2C19 және/немесе CYP3A4С тежегіштері Омепразол CYP2C19 және CYP3A4 изоферменттерінің көмегімен метаболизденеді, CYP2C19 немесе CYP3A4 дәрілік препараттары-тежегіштері (мысалы, кларитромицин және вориконазол) омепразол метаболизмі жылдамдығының азаюы есебінен қан плазмасындағы омепразол концентрациясының жоғарылауына алып келуі мүмкін. Омепразолдың жоғары дозаларының жағымдылығы жақсы, әдетте, омепразол дозасын түзету қажет емес. Алайда, бауыр жеткіліксіздігі ауыр пациенттерде және ұзақ уақыт емдеу қажет болғанда дозаны түзету қажеттілігін ескеру керек. CYP2C19 және/немесе CYP3A4 индукторлары CYP2C19 немесе CYP3A4 изоферменттерін немесе екеуін де (мысалы, рифампицин және шайқурай) индукциялайтын препараттар омепразолмен бірге қолданғанда омепразол метаболизмі жылдамдығының артуы есебінен қан плазмасында омепразол концентрациясының төмендеуіне алып келуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!