Ондансетрон раствор 4 мг/2 мл

2 мл препараттың құрамында белсенді зат - 5.000 мг ондансетрон гидрохлориді дигидраты (4.000 мг ондансетронға баламалы), қосымша заттар: натрий цитраты, лимон қышқылы моногидраты (лимон қышқылына шаққанда), натрий хлориді, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе сәл боялған сұйықтық.

• цитоуытты химиялық немесе сәулемен емдеуден туындаған жүрек айнуы мен құсуда • операциядан кейінгі жүрек айнуы мен құсудың профилактикасы және емдеу үшін

Әсер ету механизмі Ондансетрон құсуға қарсы дәрі, серотониннің 5-HT3 рецепторларының жоғары селективті антагонисі болып табылады. Жүрек айну мен құсуды бәсеңдетуінің нақты механизмі толық анықталмаған. Сәулелі ем жүргізілгенде және цитоуытты препараттар пайдаланылғанда жіңішке ішекте 5HT3-рецепторлар белсенділенуі арқылы құсу рефлексін және кезбе жүйкенің афферентті талшықтары ұштарының қозуын туғызатын серотонин (5HT) босап шығуы мүмкін. Ондансетрон осы рефлекстің басталуын бөгейді. Кезбе жүйкенің афферентті ұштарының белсенділенуі, өз кезегінде, төртінші қарынша түбінің (area postrema) артқы бөлігінде 5HT лықсуын және құсу рефлексінің орталық механизмінің іске қосылуын туындатуы мүмкін. Осылайша, ондансетронның цитоуытты химия және радио-индукцияланған жүрек айну мен құсуды бәсеңдетуі, байқалып тұрғандай, әрі шеткері, әрі орталық жүйке жүйесінде орналасқан 5HT3-рецепторларға антагонистік әсер етуінің арқасында жүзеге асады. Операциядан кейінгі жүрек айну мен құсуды бәсеңдетудегі препараттың әсер ету механизмі түсініксіз, ол цитоуытты химия және радио-индукцияланған жүрек айну мен құсуды бәсеңдету кезіндегі осындайға ұқсас болуы ықтимал. Ондансетрон қан плазмасындағы пролактин концентрациясына ықпал етпейді.

Дозалау режимі Цитостатикалық химиялық немесе сәулелік емнен туындаған жүрек айнуы мен құсу Ересектер Дозалау режимін таңдау ісікке қарсы жүргізілген емнің эметогендік әсерінің айқындығымен анықталады, дозаға және пайдаланылатын дәрілердің біріктіріліміне байланысты болады. Ондансетронның енгізу тәсілі және тәуліктік дозасы 8-ден 32 мг дейінгі доза диапазонында ауытқуы мүмкін. Эметогенді химио-және радиотерапия: Ондансетрон вена ішіне немесе бұлшықет ішіне тағайындалуы мүмкін. Эметогендік химио- немесе радиотерапия алатын пациенттердің көпшілігі үшін 8 мг дозадағы Ондансетронды баяу вена ішіне инъекция (30 секундтан кем емес уақыт) немесе тікелей химио- немесе радиотерапияның алдында бұлшықет ішіне инъекция түрінде енгізу керек, соңынан әр он екі сағат сайын 8 мг тағайындау керек. Химио- немесе радиотерапия жүргізгеннен кейін алғашқы 24 сағат ішіндегі кейіннен білінетін немесе ұзаққа созылған құсудың профилактикасы үшін Ондансетрон тағайындау ұсынылады, оны кейінгі 5 күн бойына жалғастыру керек. Жоғары эметогенді химиотерапия: Мысалы, цисплатиннің жоғары дозаларымен жоғары эметогенді химиотерапия алатын пациенттер үшін Ондансетрон вена ішіне немесе бұлшықет ішіне тағайындалуы мүмкін. Ондансетронды химиотерапия жүргізгенде алғашқы 24 сағат ішінде келесі дозалау режимімен (тиімділігі бірдей) тағайындайды: • 8 мг дозаны вена ішіне баяу бір рет (30 секундтан кем емес), немесе тікелей химиотерапия алдында бұлшықет ішіне. • 8 мг дозаны вена ішіне баяу бір рет (30 секундтан кем емес), немесе тікелей химиотерапия алдында бұлшықет ішіне, осыдан кейін қосымша вена ішіне екі (30 секундтан кем емес) инъекция немесе әрбір төрт сағат сайын 8 мг дозада бұлшықет ішіне инъекция немесе 24 сағат бойына 1 мг/сағат жылдамдықпен тұрақты инфузия. • Бір рет ең жоғары бастапқы доза 16 мг, вена ішіне, тікелей химиотерапия алдында 15 минуттан кем емес уақыт бойы натрий хлоридінің изотониялық ерітіндісінде 50-100 мл немесе басқа үйлесімді инфузиялық сұйықтықпен сұйылтылған. Ондансетронның бастапқы дозасы әр 4 сағат сайын екі қосымша (8 мг дозада) вена ішіне (баяу, 30 секундтан кем емес) немесе бұлшықет ішіне инъекциямен бірге жүруі мүмкін. Ондансетронды QT аралығының ұзаруы қаупіне байланысты, 16 мг-ден асатын бір реттік дозада тағайындауға болмайды. Дозалау режимін таңдау эметогендік емнің ауырлығы дәрежесімен анықталады. Жоғары эметогенді химиотерапия кезінде Ондансетрон тиімділігі химиотерапияны жүргізер алдында дексаметазон натрийді 20 мг дозада бір рет вена ішіне енгізу жолымен күшейтілуі мүмкін. Химио- немесе радиотерапия жүргізуден кейін алғашқы 24 сағат ішінде кейіннен білінетін немесе ұзаққа созылған құсудың профилактикасы үшін Ондансетрон тағайындау ұсынылады, оны кейінгі 5 күн бойына жалғастыру керек. Пациенттердің ерекше топтары Балалар 4 жастан асқан балаларда цитостатикалық химиотерапиядан туындаған жүрек айнуы мен құсу: Балалар үшін Ондансетрон дозасы дене беткейінің ауданы немесе салмағы негізінде есептелуі мүмкін (төмендегіні қараңыз). Ондансетронды вена ішіне, инфузиялық, 25-50 мл физиологиялық ерітіндіде немесе басқа үйлесімді инфузиялық сұйықтықпен 15 минуттан кем емес уақыт бойы енгізеді. Балалардағы эметогенді химиотерапияда кейіннен білінетін немесе ұзаққа созылған жүрек айнуы мен құсудың профилактикасы үшін Ондансетрон қолданудың бақыланатын клиникалық сынақтарының деректері жоқ. Балалардағы радиотерапияда жүрек айнуы мен құсуды емдеу үшін ондансетрон қолдану бойынша бақыланатын клиникалық сынақтардың деректері жоқ. Дене беткейінің ауданы негізінде дозаны есептеу: Ондансетронды тікелей химиотерапия алдында 5 мг/м2 дозада бір рет вена ішіне инъекция түрінде енгізу керек. Вена ішіне бір рет енгізілетін доза 8 мг-ден аспауы тиіс. Қайта қабылдау 12 сағаттан кейін басталуы және 5 күнге дейін жалғасуы мүмкін. 24 сағат ішінде жалпы дозасы (бөлінген дозалар түрінде) 32 мг-ден аспауы тиіс. Химиотерапиядан туындаған жүрек айнуы мен құсуды емдеу үшін 4 жастан бастап балаларда және жасөспірімдерде дене беткейінің ауданы негізінде дозаны есептеу кестесі. Дене беткейінің ауданы — 1 күн — 2-6 күн < 0,6 м2 — 5 мг/м2 вена ішіне, содан кейін 12 сағаттан соң 2 мг — 12 сағат сайын 2 мг > 0,6 м2 және < 1,2 м2 — 5 мг/м2 вена ішіне, содан кейін 12 сағаттан соң 4 мг — 12 сағат сайын 4 мг > 1,2 м2 — 5 мг/м2 вена ішіне немесе 8 мг вена ішіне, содан кейін әр 12 сағат сайын 8 мг — 12 сағат сайын 8 мг Ескертпе: вена ішіне доза 8 мг-ден аспауы тиіс. Тәуліктік доза 32 мг-ден аспауы тиіс. Балалар үшін Ондансетрон дозасын дене салмағы негізінде есептеуге рұқсат етіледі. Бұл ретте дене салмағы негізінде есептелген жалпы тәуліктік доза дене беткейі ауданының негізінде есептелген жалпы тәуліктік дозаға қарағанда үлкен. Ондансетронды тікелей химиотерапия алдында 0,15 мг/кг дозада бір рет вена ішіне енгізу керек. Вена ішіне бір рет енгізілетін доза 8 мг-ден аспауы тиіс. Тағы екі 0,15 мг/кг дозасы вена ішіне 4 сағат аралықпен енгізілуі мүмкін. Препаратты қайта қабылдау химиотерапия курсы аяқталғаннан кейін 12 сағаттан соң басталуы мүмкін және 5 күн бойына жалғастырылуы мүмкін. Химиотерапиядан туындаған жүрек айнуы мен құсуды емдеу үшін 4 жастан бастап балаларда және жасөспірімдерде дене салмағы негізінде дозаны есептеу кестесі. Дене салмағы — 1 күн — 2-6 күн 10 кг аз — Әр 4 сағат сайын вена ішіне 0,15 мг/кг-ден 3 дозаға дейін — Әр 12 сағат сайын 2 мг ондансетрон 10 кг астам — Әр 4 сағат сайын вена ішіне 0,15 мг/кг-ден 3 дозаға дейін — Әр 12 сағат сайын 4 мг ондансетрон Ескертпе: вена ішіне доза 8 мг-ден аспауы тиіс. Тәуліктік доза 32 мг-ден аспауы тиіс. Операциядан кейінгі жүрек айнуы мен құсудың профилактикасы және емі Ересектер Операциядан кейінгі жүрек айнуы мен құсудың профилактикасы үшін Ондансетронды вена ішіне немесе бұлшықет ішіне инъекция түрінде қолдануға болады. Ондансетронды бұлшықет ішіне бір рет 4 мг дозада немесе анестезия индукциясында вена ішіне баяу инъекциямен енгізуге болады. Операциядан кейінгі жүрек айнуы мен құсудың емі үшін бір рет бұлшықет ішіне немесе 4 мг дозада вена ішіне баяу енгізумен пайдаланады. Балалар 1 айдан асқан балалар мен жасөспірімдердегі операциядан кейінгі жүрек айнуы мен құсудың профилактикасы және емі Операциядан кейінгі жүрек айнуы мен құсудың профилактикасы және емі үшін Ондансетронды наркоз енгізуге дейін, енгізу кезінде немесе енгізуден кейін 0,1 мг/кг (ең көбі 4 мг) дозада баяу вена ішіне инъекция түрінде бір рет енгізумен пайдаланады. 2 жасқа дейінгі балаларда операциядан кейінгі жүрек айнуы мен құсудың емі үшін Ондансетрон қолдану туралы деректер жоқ. Егде жастағы пациенттер. 65 жастан 74 жасқа дейінгі пациенттерде дозаны түзету талап етілмейді. Операциядан кейінгі жүрек айнуы мен құсудың профилактикасы үшін 65 жастан асқан пациенттерде Ондансетрон қолданудың тәжірибесі шектеулі, алайда егде жастағы пациенттерде химиотерапиядан туындаған жүрек айнуы мен құсуды емдеу үшін тағайындалатын Ондансетрон жағымдылығы жақсы болатыны белгілі. 75 жастағы және одан үлкен жастағы пациенттерде ондансетронның бастапқы вена ішіне енгізілетін дозасы 8 мг-ден аспауы тиіс. Вена ішіне инфузияға арналған барлық дозаларды 50-100 мл натрий хлоридінің изотониялық ерітіндісінде немесе басқа үйлесімді инфузиялық сұйықтықта сұйылту керек және 15 минут ішінде енгізу керек. Бастапқы доза 8 мг екі қосымша вена ішіне енгізілетін 8 мг дозамен бірге жүруі мүмкін, олар 15 минут ішінде және 4 сағаттан кем емес аралықпен енгізілуі керек. Бүйрек жеткіліксіздігі бар пациенттер Препарат дозасын түзету талап етілмейді. Бауыр жеткіліксіздігі бар пациенттер Бауыр функциясының ауырлығы орташа және ауыр дәрежедегі бұзылуы бар пациенттерде Ондансетрон клиренсі едәуір төмен, ал жартылай шығарылу кезеңі елеулі ұзарған. Ондай пациенттерде Ондансетронның тәуліктік дозасы 8 мг-ден аспауы тиіс. Спартеин-дебризохин метаболизмі баяу пациенттер Спартеин-дебризохин метаболизмі баяу пациенттерде ондансетронның жартылай шығарылу кезеңі өзгермеген. Демек, мұндай пациенттерге ондансетрон қайта енгізілгенде, оның қан плазмасындағы концентрациясы жалпы популяциядағы пациенттерден ерекшеленбейді. Сондықтан осы жағдайда ондансетронның тәуліктік дозасын немесе дозалау жиілігін түзету қажет емес. Енгізу әдісі және жолы Инъекцияға арналған ерітіндіні дайындау, енгізу және сақтау ережелері. Ампулалардағы инъекцияға арналған ерітіндінің құрамында консерванттар жоқ, сондықтан бір рет пайдаланылуы тиіс. Оны ампула ашылған соң бірден енгізу немесе, қажет болса, тиісті еріткіштермен сұйылту қажет. Қалған ерітіндінің кез келген мөлшерін тастау керек. Фармацевтикалық практика стандарттарына (Good Pharmaceutical Practice) сәйкес, вена ішіне енгізуге арналған ерітінділерді тікелей инфузия алдында дайындап, 2-8°С температурада енгізу басталғанша 24 сағаттан асырмай сақтау керек. Инфузия жүргізу кезінде жарықтан қорғау қажет емес; сұйылтылған инъекциялық ерітінді өз тұрақтылығын табиғи жарықта немесе қалыпты жарықтандыруда 24 сағат бойы сақтайды. Инъекцияға арналған ерітінді түріндегі Ондансетрон мына инфузиялық ерітінділермен үйлеседі: • натрий хлориді 0,9 % ерітіндісі; • глюкоза 5 % ерітіндісі; • Рингер ерітіндісі; • 10 % маннитол; • калий хлориді 0,3 % ерітіндісі және натрий хлориді 0,9 % ерітіндісі; • калий хлориді 0,3 % ерітіндісі, глюкоза 5 % ерітіндісі.

• әсер етуші затқа және серотониннің 5НТ3-рецепторларының басқа селективті антагонистеріне немесе қосымша заттардың кез келгеніне аса жоғары сезімталдық • ондансетронды апоморфинмен бір мезгілде қолдану • құрсақ қуысына жасалатын хирургиялық операциялар • бауыр функциясының айқын жеткіліксіздігі • фенилкетонуриясы бар пациенттерге қолдануға болмайды • жүктілік және бала емізу кезеңі • 4 жасқа дейінгі балаларға химиялық және сәулемен емдеу кезінде • 2 жасқа дейінгі балаларға анестезия кезінде

Өте жиі • бас ауыруы Жиі • іш қату • вена ішіне енгізу кезіндегі жергілікті реакциялар Жиі емес • құрысулар, қимыл-қозғалыс бұзылыстары (дистония, окулогирлі криз және дискинезия сияқты экстрапирамидалық симптомдарды қоса)1 • аритмия, ST сегментінің депрессиясы бар немесе депрессиясыз кеуде қуысының ауыруы, брадикардия • ықылық • бауыр ферменттері белсенділігінің симптомсыз жоғарылауы3 Сирек • шұғыл типті аса жоғары сезімталдық реакциялары, бірқатар жағдайларда ауыр дәрежеде, анафилаксияны қоса • вена ішіне жылдам енгізу кезінде бас айналу • көрудің өтпелі бұзылулары (көрудің бұлыңғырлануы), ең алдымен, вена ішіне енгізу кезінде • QT аралығының ұзаруы (Torsade de Pointes қоса) Өте сирек • транзиторлы соқырлық, ең алдымен, вена ішіне енгізу кезінде2 Белгісіз (қолда бар деректердің негізінде анықтау мүмкін емес) • миокард ишемиясы 1 Тұрақты клиникалық салдарлары болмаған жағдайда 2 Соқырлық жағдайларының көпшілігі 20 минут ішінде сәтті басылған. Пациенттердің көпшілігі құрамында цисплатин бар химиотерапиялық препараттарды қабылдаған. Кей жағдайларда өтпелі соқырлықтың шығу тегі кортикальді болған. 3 Негізінен, цисплатинмен химиотерапия қабылдаған пациенттерде байқалған Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қазіргі уақытта ондансетронмен артық дозалану туралы деректер шектеулі. Симптомдары: көрудің бұзылулары, ауыр іш қату, артериялық гипотензия және екінші дәрежедегі уақытша жүрекше-қарынша блокадасы бар вазовагальді көріністер. Ондансетрон QT аралығының дозаға тәуелді ұзаруын туындатады. Ондансетронмен артық дозаланған жағдайда электрокардиографияны мониторингтеу ұсынылады. 2 жасқа дейінгі балаларда ондансетронды 4 мг/кг астам дозаларда енгізу серотониндік синдромының дамуымен білінетін уыттану туындатқан.Емі: арнайы антидоты жоқ. Болжамды артық дозалану жағдайларында симптоматикалық және демеуші ем көрсетілген. Артық дозалануды емдеуге ипекакуананы қолдану ұсынылмайды. Дәрілік препараттың бір немесе бірнеше дозаларын өткізіп алғанда қажет болатын шаралар Өткізіп алған дозасының орнын толтыру үшін екі қосарлы дозасын қабылдамаңыз.

Анамнезінде 5HT3-рецепторлардың басқа селективті антагонистеріне жоғары сезімталдығы бар пациенттерде ондансетронға аса жоғары сезімталдық реакциялары байқалған. Респираторлық бұзылулар дер кезінде симптоматикалық емделуі тиіс, олар аса жоғары сезімталдық реакцияларының хабаршылары болып табылатындықтан, ондай бұзылуларға дәрігерлер ерекше көңіл бөлуі тиіс. Ондансетрон алған пациенттерде миокард ишемиясы жағдайлары туралы хабарламалар бар. Кейбір пациенттерде, әсіресе вена ішіне енгізген жағдайда, симптомдар ондансетрон енгізілгеннен кейін бірден пайда болды. Пациенттерге миокард ишемиясының белгілері мен симптомдары туралы ескертілген болуы тиіс. Ондансетрон QT аралығының дозаға тәуелді ұзаруын туындатады. Бұдан басқа, тіркеуден кейінгі бақылау кезеңінде ондансетрон алатын пациенттер арасында «пируэт» типті қарыншалық тахикардия жағдайлары жөнінде хабарламалар түскен. Ондансетрон енгізер алдында гипокалиемия мен гипомагниемияны түзету қажет. Ондансетрон мен басқа серотонинергиялық препараттарды біріктіріп қолданғанда серотониндік синдромның даму қаупінің артуы анықталған. Егер ондансетронды басқа серотонинергиялық дәрілік препараттармен біріктіріп қолдану клиникалық тұрғыда негізделген болса, пациенттің жай-күйін жүйелі бақылаумен қамтамасыз ету қажет. Ондансетрон тоқ ішек бойымен ішіндегісінің өту уақытын ұзартатындықтан, жеделге жуық ішек бітелісі симптомдары бар пациенттерде ондансетрон қолданған жағдайда ұдайы бақылау қажет. Бадамша безге операциялар жасалғанда ондансетрон көмегімен жүрек айну мен құсуды болдырмау жасырын қан кетуді бүркемелеуі мүмкін. Сондықтан, ондай пациенттерді ондансетрон енгізілген соң мұқият бақылау керек. Гепатоуытты химиотерапия препараттарымен ондансетрон алатын балалар бауыр функциясының бұзылуын анықтау тұрғысынан мұқият қадағалауда болуы тиіс. Арнайы сақтандырулар Қосымша заттар Бұл препаратта 1 ампуланың ішінде 7,23 мг (0,315 моль), 1 ммольден (23 мг) аз натрий бар, яғни натрий жоқ дерлік. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты тағайындаған кезде пациенттерде орталық жүйке жүйесі тарапынан жағымсыз реакциялар (бас ауыру, бас айналу, көрудің уақытша бұзылуы) дамитындықтан, жоғары зейін қоюды және шапшаң реакцияны талап ететін жұмыстарды орындаудан аулақ болуға кеңес беріледі.

Ондансетронның шаранаға әсерін тигізуі белгісіз екеніне байланысты, препарат жүктілік кезінде қолдануға болмайды. Ондансетрон ана сүтімен бөлінеді, осыған байланысты препарат қабылдау кезінде бала емізуді тоқтату керек.

Ондансетронның әдетте өзімен бір мезгілде тағайындалатын басқа препараттар метаболизмін индукциялауы немесе тежеуі туралы деректер жоқ. Ондансетрон фармакокинетикалық тұрғыда этанол, темазепам, фуросемид, алфетанил, трамадол, морфин, лидокаин, тиопентал немесе пропофолмен өзара әрекеттеспейді. Ондансетрон бауырда Р450 цитохромы жүйесінің бірқатар изоферментерімен метаболизденеді: СYP3А4, СYP2D6 және CYP1A2. Ондансетронды метаболиздеуге қабілетті изоферменттердің алуан түрлілігіне байланысты, изоферменттер тежелісі немесе изоферменттердің біреуінің белсенділігін азайтуы (мысалы, СYP2D6 генетикалық тапшылығында), әдетте, басқа изоферменттермен компенсацияланады, соның нәтижесінде ондансетронның жалпы клиренсінде өзгеріс болмайды немесе олар болымсыз және іс жүзінде дозаны түзетуді талап етпейді. Ондансетронды QT аралығының ұзаруына ықпал ететін және/немесе электролит теңгерімнің бұзылуын туындататын препараттармен қолданғанда сақтық шарасын қадағалау керек. Ондансетронды QT аралығын ұзартатын препараттармен пайдалану QT аралығының қосымша ұзаруына әкелуі мүмкін. Ондансетронды кардиоуытты препараттармен [мысалы, антрациклиндермен (мысалы, доксорубицин, даунорубицин), немесе трастузумаб], антибиотиктермен (мысалы, эритромицин), зеңге қарсы дәрілермен (мысалы, кетоконазол), аритмияға қарсы дәрілермен (мысалы, амиодарон) және бета-блокаторлармен (мысалы, атенолол, тимолол) бір мезгілде қолдану аритмиялардың даму қаупін арттыруы мүмкін. Серотонинергиялық дәрілік препараттар [мысалы, СКҚСТ (серотонинді кері қармайтын селективті тежегіштер) және СНКҚСТ (серотонин мен норадреналинді кері қармайтын селективті тежегіштер)]. СКҚСТ және СНКҚСТ қоса, басқа да серотонинергиялық дәрілік препараттар мен ондансетронды бірге қолданғанда серотониндік синдромның даму қаупі артатыны анықталған (психикалық статус өзгерісі, вегатативті тұрақсыздық, жүйке-бұлшықет бұзылулары) Апоморфин Ондансетронды апоморфин гидрохлоридімен қолдану кезінде алынған терең гипотензия және естен тану туралы деректердің негізінде ондансетронды апоморфинмен бір мезгілде қолдануға болмайды. Фенитоин, карбамазепин және рифампицин CYP3A4 қуатты индукторларын (фенитоин, карбамазепин және рифампицин) алатын пациенттерде қандағы ондансетрон концентрациясы төмен болды. Трамадол Ондансетрон трамадолдың ауыруды басу әсерін азайтуы мүмкін екенін көрсететін шағын зерттеулер деректері бар. Басқа дәрілік заттармен фармацевтикалық үйлесімділік Ондансетрон препараты 16 мкг/мл және 160 мкг/мл концентрацияда (бұл, тиісінше, 8 мг/500 мл және 8 мг/50 мл сәйкес келеді) келесі дәрілік заттармен фармацевтикалық үйлеседі және олармен бірге Y-тәрізді инжектор арқылы вена ішіне тамшылатып енгізуге болады: • цисплатин 0,48 мг/мл дейінгі концентрацияда (мысалы, 500 мл-дегі 240 мг) 1-8 сағат ішінде; • 5-фторурацил 0,8 мг/мл дейінгі концентрацияда (мысалы, 3 л-дегі 2,4 г немесе 500 мл-дегі 400 мг) 20 мл/сағат жылдамдықпен – 5-фторурацилдің жоғарырақ концентрациялары ондансетронның шөгінді түзуін туындатуы мүмкін; • карбоплатин 0,18 мг/мл дейінгі концентрацияда – 9,9 мг/мл (мысалы, 500 мл-дегі 90 мг-ден 1 л-дегі 990 мг дейін) 10-60 минут бойы; • этопозид 0,14 мг/мл-ден 0,25 мг/мл дейінгі концентрацияда (мысалы, 500 мл-дегі 72 мг-ден 1 л-дегі 250 мг дейін) 30-60 минут ішінде; • өндіруші нұсқауларына сәйкес инъекцияға арналған сумен сұйылтылған 0,25 г - 2 г дозадағы цефтазидим (мысалы, 250 мг цефтазидимге 2.5 мл немесе 2 г 10 мл) 5 минут бойы вена ішіне болюсті инъекция түрінде; • циклофосфамид өндіруші нұсқауларына сәйкес инъекцияға арналған сумен сұйылтылған 0,1 г-1,0 г дозада (100 мг циклофосфамидке 5 мл), 5 минут бойы вена ішіне болюсті инъекция түрінде; • доксорубицин өндіруші нұсқауларына сәйкес инъекцияға арналған сумен сұйылтылған 10 мг-100 мг дозада (10 мг доксорубицинге 5 мл), 5 минут бойы вена ішіне болюсті инъекция түрінде; • дексаметазон: 20 мг дексаметазонды баяу 2-5 минутта вена ішіне енгізуге болады. Дәрілік заттарды бір тамшылатқыш арқылы енгізуге болады, бұл орайда ерітіндідегі дексаметазон натрий фосфаты концентрациялары 32 мкг-ден 2,5 мг/мл дейін, ондансетронда - 8 мкг-ден 1 мг/мл дейін құрауы мүмкін. Инъекцияға арналған ондансетронды басқа дәрілік препараттар енгізілген бір шприц немесе тамшылатқыш арқылы енгізуге болмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25С-ден аспайтын температурада сақтау керек. Балалардың қолы жетпейтін жерде сақтау керек!