ОСЕЛЬТАМИВИР АВЕКСИМА капсулы 75 мг

30 мг бір капсуланың құрамында: белсенді зат: осельтамивир – 30 мг (осельтамивир фосфаты түрінде – 39.4 мг), қосымша заттар: желатинделген жүгері крахмалы, повидон К-30, натрий кроскармеллозасы, натрий стеарилфумараты, тальк, Капсула қабығының құрамы – корпус және қақпақ: титанның қостотығы (Е171), бриллиант көгі (Е133), азорубин (Е122), желатин. 45 мг бір капсуланың құрамында: белсенді зат: осельтамивир – 45 мг (осельтамивир фосфаты түрінде – 59.1 мг), қосымша заттар: желатинделген жүгері крахмалы, повидон К-30, натрий кроскармеллозасы, натрий стеарилфумараты, тальк, Капсула қабығының құрамы – корпус және қақпақ: титанның қостотығы (E171), керемет қызыл (E129), хинолинді сары (E104), бриллиант көгі (E133), желатин. 75 мг бір капсуланың құрамында: белсенді зат: осельтамивир – 75 мг (осельтамивир фосфаты түрінде – 98.5 мг), қосымша заттар: желатинделген жүгері крахмалы, повидон К-30, натрий кроскармеллозасы, натрий стеарилфумараты, тальк, Құрамы капсула қабығы – корпус және қақпақ: титанның қостотығы (E171), темірдің қара тотығы (E172), бриллиант көгі (E133), желатин. Сыртқы түрінің, иісінің, дәмінің сипаттамасы Корпусы және қақпағы ақшыл-көгілдір түсті, мөлдір емес, өлшемі №4, қатты желатинді капсулалар (30 мг доза үшін). Корпусы және қақпағы көгілдір түсті, мөлдір емес, өлшемі №4, қатты желатинді капсулалар (45 мг доза үшін). Корпусы және қақпағы көк түсті, мөлдір емес, өлшемі №2, қатты желатинді капсулалар (75 мг доза үшін). Капсуланың ішіндегісі – ақ немесе ақ дерлік түсті түйіршіктер мен ұнтақтың қоспасы немесе жеңіл қысқан кезде үгітілетін ақ немесе ақ дерлік түсті сығымдалған масса.

Тұмауды емдеу Препарат 18 жастан асқан ересектерде тұмауды емдеуге арналған. Осельтамивир А және В тұмауына қарсы тиімді, бірақ В тұмауы бойынша клиникалық деректер шектеулі. Тұмаудың профилактикасы Препарат 18 жастан асқан ересектерде А және В тұмауының профилактикасы үшін көрсетілген.

Осельтамивир фосфаты белсенді метаболиттің (осельтамивир карбоксилаты) ізашар дәрісі болып табылады. Белсенді метаболит нейраминидазы вирустың нейраминидаза ферменттерінің, вирион бетіндегі гликопротеин ферменттерінің селективті тежегіші болып табылады. Нейраминидаза вирустық ферментінің белсенділігі инфекцияланған жасушалардан вирустық бөлшектердің босап шығуы және организмде вирустың әрі қарай таралуы үшін маңызды. Осельтамивир карбоксилаты А және В тұмау вирустарының нейраминидазасын in vitro тежейді. Осельтамивир фосфаты тұмау вирусының өсуін тежейді және оның in vitro репликациясын басады. Осельтамивирді пероральді түрде қабылдау хайуандарда тұмау үлгілеріне жүргізілген сынақтарда, адамның күніне екі рет 75 мг қабылдауына ұқсас дозаларда А және В тұмау вирустарының репликациясын және патогенділігін in vivo тежейді. Осельтамивирдің А және В тұмауына қатысты вирусқа қарсы белсенділігі дені сау ерікті адамдарда өршітетін сынақтар жүргізілген экспериментальді зерттеулермен айғақталды. Клиникалық тұрғыдан оқшауланған А тұмауы үшін нейраминидаза ферментіне қатысты осельтамивирдің тежегіш концентрациясы (IC50) медианасының мәні 0.1 нМ-ден 1.3 нМ дейін құбылды, В тұмауы үшін 2.6 нМ болды. Жарияланған зерттеу нәтижелерінде В тұмауы үшін IC50 өте жоғары – 8.5 нМ дейінгі мәндері туралы мәлімделді. Клиникалық зерттеулер Тұмау вирусынан туындаған инфекциялардың емі А типті тұмау вирусы басым тұмаудың табиғи жағдайларына жүргізілген клиникалық зерттеулерде препаратты осы көрсетілімде қолдану зерттелді. Осельтамивир тұмау вирусынан туындаған ауруларда ғана тиімді. Сондықтан статистикалық талдау деректері тұмау вирусымен инфекцияланған пациенттерде ғана берілді. Тұмау вирусының (ITT) РНҚ-на кері-транскриптазалы полимеразалы тізбекті реакцияның оң және теріс нәтижелері бар пациенттер қамтылған зерттелетін популяцияда алғашқы тиімділік тұмау вирусын анықтаудың оң нәтижесі бар пациенттер санына пропорционалды түрде төмендеді. Ем қабылдап жүрген барлық популяцияда тұмау вирусымен инфекциялану қамтылған пациенттердің 67%-да (46%-дан 74%-ға дейін) айғақталды. Үлкен жастағы пациенттерде тұмау вирусының бар екендігі 64%-да зертханалық түрде айғақталды, жүрек функциясының созылмалы жеткіліксіздігі және/немесе респираторлық аурулары бар пациенттердің 62%-да зертханалық түрде айғақталды. ІІІ фазаға жүргізілген барлық клиникалық зерттеулерге осы аумақта тұмау вирусының айналымда болу кезеңіндегі пациенттер ғана қамтылды. Ересектер және 13 жастағы және одан үлкен жасөспірімдер: зерттеулерге респираторлық бір симптоммен (жөтел, назальді симптомдар, тамақтың ауыруы) болса да және, жүйелік бір симптоммен (бұлшықеттердің ауыруы, қалтырау/тершеңдік, дімкәстік, әлсіздік немесе бас ауыру) болса да қоса жүретін, ≥37.80С қызбасы бар, соңғы 36 сағатта ауру симптомдары мәлімделген пациенттер қамтылды. Осельтамивирді 5 күн бойы күніне екі рет 75 мг дозада қабылдаған, тұмау вирусын анықтау оң нәтиже берген барлық ересектер мен жасөспірімдердегі біріктірілген талдауда (n=2413), плацебо тобымен салыстырғанда, аурудың орташа ұзақтығының 5.2 күннен (95% СА 4.9-5.5 күн) 4.2 күнге дейін (95% СА 4.0-4.4 күн; p≤0.0001) қысқарғаны байқалды. Бактерияларға қарсы препараттармен емдеуді қажет ететін тыныс алу жолдары тарапынан асқынулар (негізінен бронхит) туындаған пациенттердің үлесі плацебо тобындағы 12.7%-дан (135/1063) осельтамивирмен ем қабылдаған пациенттердегі 8.6%-ға дейін (116/1350) азайды (p=0.0012). Қаупі жоғары популяциялардағы тұмаудың емі: егде жастағы (≥65 жас) пациенттерде және 5 күн бойы күніне екі рет 75 мг осельтамивир қабылдаған, жүректің және/немесе тыныс алу жолдарының созылмалы аурулары бар пациенттерде тұмаудың орташа ұзақтығы елеулі түрде азайған жоқ. Осельтамивирмен емдеу тобында қызбаның ұзақтығы бір күнге азайды. Тұмау вирусын анықтау оң нәтиже берген егде жастағы пациенттерде осельтамивирдің әсер етуімен антибиотиктермен емдеуді қажет ететін төменгі тыныс алу жолдары тарапынан (негізінен бронхит) асқынулардың жиілігі плацебо тобындағы 19%-дан (52/268) осельтамивирмен ем қабылдаған пациенттердегі 12%-ға (29/250) дейін елеулі түрде азайды (p=0.0156). Жүректің және/немесе тыныс алу жолдарының созылмалы ауруларынан азап шегіп жүрген, тұмау вирусын анықтаудың оң нәтижесі бар пациенттерде антибиотиктермен емдеуді қажет ететін төменгі тыныс алу жолдары инфекцияларының (негізінен бронхит) пайда болуының біріктірілген жиілігі плацебо тобында 17%-ды (22/133) және оесельтамивир қабылдаған топта 14%-ды (16/118) (p=0.5976) құрады. Жүктілік кезіндегі тұмаудың емі: жүктілік кезеңінде осельтамивирді қолдануға бақыланатын клиникалық зерттеулер жүргізілген жоқ, алайда пациенттердің осы популяциясына осы дозалау режимінің артықшылықтарына тіркеуден кейінгі тәжірибе және аурушаңдық/өлім-жітім көрсеткіштерінің өте төмендігін көрсететін ретроспективті бақыланатын зерттеу деректеріне негізделген дәлелдер бар. Фармакокинетикалық талдау нәтижелері белсенді метаболит экспозициясының төмендігін көрсетеді, алайда жүктілік кезінде тұмауды емдегенде немесе профилактика жүргізгенде препараттың дозасын түзету ұсынылмайды (5.2. «Фармакокинетикасы», «Ерекше популяциялар» бөлімдерін қараңыз). Балалардағы тұмаудың емі: қызбасы (≥37.8 °C), жөтелі немесе мұрынның бітелуі бар 1-12 жастағы (орташа жасы 5.3 жас), қатар жүретін аурулары жоқ (тұмау инфекциясына қатысты 65% оң) балалардың қатысуымен жүргізілген зерттеулерде инфекцияланған 67% пациент А типті тұмау вирусын, 33%-ы В типті тұмау вирусын жұқтырған. Ауру симптомдары туындағаннан кейін 48 сағат ішінде басталған осельтамивирмен емдеу ауруды емдеуге қажет болатын уақытты плацебо тобымен салыстырғанда 1.5 күнге (95% СА 0.6-2.2 күн; p<0.0001) елеулі түрде қысқартты (бұл денсаулықтың қалыпты жағдайының белсенділігінің, дене температурасы төмендеуінің, жөтелдің және мұрынның бітелуі басылуының бір мезгілде қалпына келуі ретінде белгіленді). Осельтамивирді қабылдау жедел отиттің даму жиілігін плацебо тобындағы 26.5%-дан (53/200) осельтамивир тобындағы 16%-ға (29/183) дейін азайтты (p=0.013). Басқа зерттеуге 6-12 жастағы, демікпесі бар 334 сәби пациент қамтылды, олардың 53.6%-ы тұмау вирусына қатысты позитивті болды. Осельтамивир қабылдаған топта аурудың орташа ұзақтығы елеулі түрде азаймады. 6-шы күні (емдеудің соңғы күні) осы популяцияда 1 секунд ішіндегі жеделдетілген дем шығару көлемі, плацебо тобындағы 4.7%-бен салыстырғанда, осельтамивир қабылдаған топта 10.8%-ға артты (p=0.0148). Дәрілік заттардың Еуропалық агенттігі (EMA) тұмаумен ауырған педиатриялық популяцияның бір немесе көбірек қосымша топтарында препаратты зерттеу нәтижелерін беру қажеттілігін кейінге қалдырды. 1 жасқа дейінгі балаларға қолдануға көрсетілімдер жасы үлкен балалардағы препараттың тиімділігі туралы деректердің экстраполяциясына негізделген. (5.2 бөлімін қараңыз). В тұмауы инфекциясының емі: жалпы алғанда, тұмау вирусына қатысты 15% оң популяциялар В тұмау вирусымен инфекцияланды; әртүрлі зерттеулердің деректері бойынша – 1-ден 33%-ға дейін. В тұмауы бар пациенттерде аурудың орташа ұзақтығы бойынша емдеу топтары арасында елеулі айырмашылықтар болған жоқ. Талдау жүргізу үшін зерттеуге қамтылған В тұмау вирусымен инфекцияланған барлық 504 пациенттің деректері біріктірілді. Осельтамивирді қабылдау барлық симптомдарды басу үшін қажетті уақыттың 0.7 күнге қысқаруына (95% СА 0.1-1.6 күндер; p=0.022) әкелді және қызба (≥37.8 °C), жөтел және мұрынның бітелуі ұзақтығының, плацебомен салыстырғанда, бір күнге қысқаруына әкелді (95% СА 0.4-1.7 күн; p<0.001). Иммунитеті әлсіреген ересек пациенттердегі тұмаудың емі: Иммунитеті әлсіреген, тұмау вирусымен инфекцияланған ересек пациенттерде тұмаудың резистентті вирусының дамуына (алғашқы талдау) осельтамивирдің қауіпсіздігіне және әсер етуіне баға беруге қатысты рандомизацияланған, салыстырмалы жасырын зерттеуге осельтамивирдің тиімділігіне баға беруге жарайтын пациенттер (151) қатысты (салдарлық талдау, күшеймеген). Зерттеуге тығыз ағзалардың транспланттары [SOT] бар пациенттер, гемопоэздік дің жасушалары [HSCT] ауыстырып салынған пациенттер, CD4+ жасушалар саны <500 жасуша/мм3 болатын АИТВ-оң пациенттер, жүйелік иммуносупрессиялық ем қабылдап жүрген пациенттер, сондай-ақ гемобластоздары бар пациенттер қамтылды. Пациенттер симптомдар пайда болған сәттен бастап 96 сағат ішінде емдеу үшін 10 күн бойы осельтамивирдің стандартты дозасын (73 пациент) немесе екі еселенген дозасын (78 пациентов) пайдаланып емдеу үшін рандомизацияланды. Симптомдар қайтқанға дейінгі уақыт медианасы (TTRS) стандартты доза қабылдаған топта (103 сағат [90% СА 75.4-110.0]) және екі еселенген доза қабылдаған топта ұқсас болды (104 сағат [90% СА 65.8-131.0]). Салдарлық инфекциялары бар пациенттердің саны стандартты доза және екі еселенген доза қабылдаған топтарда ұқсас болды (8.2% қарсы 5.1%). Тұмаудың профилактикасы Табиғи жағдайларда тұмаудың профилактикасында осельтамивирдің тиімділігі отбасындағы жанасудан кейінгі зерттеулерде және профилактикаға жүргізілген маусымдық екі зерттеуде көрсетілді. Барлық зерттеулерде тиімділігінің алғашқы көрсеткіші зертханалық тұрғыдан диагностикаланған тұмаудың туындау жиілігі болды. Тұмау вирусының вируленттілігі болжанбайды және ол аймақ шегінде және маусымнан маусымға дейін құбылады, сондықтан тұмауға жол бермеу үшін емді қажет ететін адамдар саны да (NNT – number needed to treat) құбылып отырады. Қарым-қатынастан болғаннан кейінгі профилактика: бір зерттеуде тұмау ауруы бар пациентпен жанасқан адамдарға (12.6%-ы тұмауға қарсы вакцинацияланған), 75 мг осельтамивирді пациентте симптомдар дамығаннан кейін екі тәулік бойы күніне бір рет қолдануды бастады және емдеуді 7 күн бойы жалғастырды. Тұмау диагнозы 377 жағдайдың 163-де айғақталды. Осельтамивир тұмау инфекциясы айғақталған пациенттермен жанасқан адамдарда клиникалық тұрғыдан айқын тұмаудың жиілігін плацебо тобындағы 24/200-ден (12%) осельтамивир тобындағы 2/205-ға (1%) дейін едәуір азайтты (азаю 92% [95% СА 6-16, p≤0.0001]). Тұмау инфекциясы айғақталған пациенттермен жанасқан адамдарда емдеуді қажет ететін жағдайлар (NNT – number needed to treat) саны 10 (95% СА 9-12) құрады; инфекцияның жұғу көздеріне тәуелділіктен тыс зерттеуге (ITT) қатысушылардың барлығында 16 (95% СА 15-19) құрады. Табиғи жағдайларда тұмауға жол бермеуде осельтамивирдің тиімділігі жұғу көздері ретінде де, сонымен қатар жанасқан адамдар ретінде де ересектердің, жасөспірімдерді және 1-ден 12 жасқа дейінгі балалардың қатысуымен жүргізілген зерттеулерде көрсетілді. Осы зерттеу тиімділігінің алғашқы көрсеткіші отбасындағы зертханалық және клиникалық тұрғыдан диагностикаланған тұмаудың жиілігі болды. Осельтамивирмен профилактика 10 күнге созылды. Отбастарындағы барлық популяцияда зертханалық және клиникалық тұрғыдан диагностикаланған тұмаудың жиілігі профилактикалық ем қабылдамаған топтағы 20%-дан (27/136) профилактика қабылдаған топтағы 7%-ға (10/135) дейін азайды (62.7% азайды [95% СА 26.0-81.2; p=0.0042]). Тұмаудың жұғу көздері бар отбастарында тұмаудың туындау жиілігі профилактикалық ем қабылдамаған топтағы 26%-дан (23/89) профилактика қабылдаған топтағы 11%-ға (9/84) дейін азайды (58.5% азайды [95% СА 15.6-79.6; p=0.0114]). 1-12 жастағы балалардың қосымша тобында тұмаудың зертханалық және клиникалық тұрғыдан диагностикаланған жағдайлары профилактикалық ем қабылдамаған топтағы 19%-дан (21/111) профилактика қабылдаған топтағы 7%-ға (7/104) дейін азайды (азаю 64.4% [95% СА 15.8-85.0; p=0.0188]). Зерттеудің бас кезінде әлі тұмау жұқпаған балалар арасында тұмаудың зертханалық және клиникалық тұрғыдан диагностикаланған жағдайлары профилактикалық ем қабылдамаған топтағы 21%-дан (15/70) профилактика қабылдаған топтағы 4%-ға (2/47) дейін азайды (азаю 80.1% [95% СА 22.0-94.9; p=0.0206]). Балалар популяциясында NNT жалпы зерттеулердегі популяциялардың барлығы (ITT) үшін 9 (95% СА 7-24) және айғақталған жұғудың қайнар көздерімен жанасқан балалар популяциясында 8 (95% СА 6, жоғары шегі анықталмайды) құрады. Пандемия кезіндегі 1 жасқа дейінгі сәбилерде тұмаудың жанасудан кейінгі профилактикасы: Пандемия кезінде тұмауға профилактика жүргізу үшін препаратты қолдануға жасы 0-ден 12 айлыққа дейінгі балалардың қатысуымен бақыланатын клиникалық зерттеулер жүргізілген жоқ. Тұмау эпидемиясы кезіндегі профилактикасы: вакцинацияланбаған және қатар жүретін аурулары жоқ ересектер қатысқан екі зерттеудің жинақтап қорытылған талдауында тұмаудың өршу кезінде алты апта бойы күніне бір рет 75 мг осельтамивир қабылдау клиникалық тұрғыдан айқын тұмаудың даму жиілігін плацебо тобындағы 25/519-дан (4.8%) бастап, осельтамивир тобындағы 6/520-ға (1.2%) дейін едәуір азайтқаны көрсетілді (76% азаю (95% СА 1.6-5.7); p=0.0006). Осы зерттеуде NNT 28 (95% СА 24-50) құрады. Қарттар үйінде тұратын егде жастағы адамдар арасында, зерттеу жүргізу кезеңінде вакцинация алған 80% қатысушыға жүргізілген зерттеулерде алты ай бойы күніне бір рет 75 мг осельтамивир қабылдау клиникалық тұрғыдан айқын тұмаудың даму жиілігін плацебо тобындағы 12/272-ден (4.4%) бастап, осельтамивир тобындағы 1/276 (0.4%) дейін едәуір азайтты (азаю 92% [95% СА 1.5-6.6; p=0.0015]). Осы зерттеуде NNT 25 (95% СА 23-62) құрады. Иммун тапшылығы бар пациенттерде тұмаудың профилактикасы: Тұмаудың маусымдық профилактикасына салыстырмалы жасырын, плацебо бақыланатын, рандомизацияланған зерттеуге иммун тапшылығы бар 475 пациент (паренхиматоздық ағазалардың трансплантациясы бар 388 пациент [195 – плацебо, 193 – осельтамивир], дің жасушаларының трансплантациясы бар 87 пациент [43 – плацебо, 44 – осельтамивир], иммун тапшылықтың басқа да жағдайлары бар пациенттер), соның ішінде 1-12 жастағы 18 пациент зерттеуге қамтылған жоқ. Осы зерттеуде баға беруде негізгі критерий өсіріндіде айғақталған зертханалық және клиникалық тұрғыдан және/немесе серологиялық тұрғыдан диагностикаланған тұмаудың жиілігі болды (антиденелер титрінің 4 есе артуы). Тұмаудың зертханалық және клиникалық тұрғыдан диагностикаланған жиілігі плацебо тобында 2.9% (7/238) және осельтамивир тобында 2.1% (5/237) болды (95% СА 2.3%-4.1%; р=0.772). Болуы мүмкін асқынулар қаупінің төмендеуіне баға беруге бағытталған арнайы зерттеулер жүргізілген жоқ. Осельтамивирге резистенттілік Клиникалық зерттеулер: осельтамивирге сезімталдығы төмендеген немесе айқын төзімділігі бар тұмау вирустарының пайда болу қаупі клиникалық зерттеулер барысында зерттелді. Емдеу барысында осельтамивирге резистенттіліктің дамуы, ересектерге қарағанда, балаларда жиі білінді, мұндайда резистенттіліктің туындау жиілігі ересектерде <1%-дан бастап және 1 жасқа дейінгі сәбилерде 18%-ға дейін өзгерді. Осельтамивирге төзімді вирусты тасымалдаушы балалар, осы препаратқа сезімтал вирустарды тасымалдаушыларға қарағанда, жалпы алғанда вирусты өте ұзағырақ уақыт бөліп шығарды. Алайда емдеу барысында осельтамивирге дамыған төзімділік емдеудің тиімділігіне ықпалын тигізбеді және тұмау симптомдарының ұзақ сақталуын туындатқан жоқ. Жалпы алғанда, осельтамивирге төзімділіктің дамуы, осельтамивир қабылдаған, қатар жүретін аурулары жоқ ересек пациенттердің қатысуымен жүргізілген зерттеу деректерімен салыстырғанда, 10 күн бойы осельтамивирдің стандартты дозасын немесе екі еселенген дозасын қабылдаған иммунитеті әлсіреген ересек пациенттерде [стандартты дозаны қабылдаған топта 14.9% (10/67) және екі еселенген дозаны қабылдаған топта 2.8% (2/71)] жиі байқалды. Резистенттілік дамыған пациенттердің көбісі трансплантаттардың реципиенттері болды (стандартты дозаны қабылдаған топта 8/10 пациент және екі еселенген дозаны қабылдаған топта 2/2 пациент). Осельтамивирге резистентті вирусы бар пациенттердің көбісі А типті тұмау вирусымен инфекцияланған және ұзақ уақыт вирусты бөліп шығаруға бейім. Клиникалық зерттеулерде осельтамивирге резистенттіліктің даму жиілігі Пациенттердің популяциясы — Резистенттілікке әкелетін мутациялары бар пациенттер (%) Фенотиптену* — Гено- және фенотиптері* Ересектер және жасөспірімдер — 0.88% (21/2382) — 1.13% (27/2396) Балалар (1-12 жас) — 4.11% (71/1726) — 4.52% (78/1727) Сәбилер (<1 жас) — 18.31% (13/71) — 18.31% (13/71) * Зерттеулердің бірде-біреуінде толық генотиптеу жүргізілмеді. Тұмаудың профилактикасы Қазіргі сәтте иммунитеті қалыпты пациенттерде араласымнан кейін (7 күн), бала-шаға топтарындағы жанасудан кейін (10 күн) және тұмаудың маусымдық (42 күн) профилактикасына жүргізілген клиникалық зерттеулерде препаратты қолданумен байланысатын дәрілік төзімділіктің дамуына айғақтамалар жоқ. Иммун тапшылығы бар пациенттерде 12 апталық профилактикалық қолдану кезеңінде резистенттілік байқалған жоқ. Клиникалық деректер және бақылау деректері: осельтамивирге in vitro сезімталдығының төмендеуімен астасқан табиғи мутациялар осельтамивир қабылдамаған пациенттерде бөлініп шыққан А және В тұмауының вирустарынан табылды. Осельтамивирмен емдеу кезінде алынған резистентті штаммдар иммунитеті қалыпты пациенттерде де, сонымен қатар иммун тапшылығы бар пациенттерде де бөлінді. Иммун тапшылығы бар пациенттерде және ерте жастағы балаларда емдеу кезінде осельтамивирге төзімді вирустардың даму қаупі жоғарылады. Осельтамивир қабылдаған пациенттерде бөлініп шыққан осельтамивирге төзімді вирустарында, және осельтамивирге төзімді тұмау вирустарының зертханалық штаммдарында нейраминидазаның N1 және N2 мутациялары болды. Төзімділік мутацияларында вирустың қосымша типтеріне тән беталыс болды. 2007 жылдан бастап табиғатта кездесетін H1N1 маусымдық штаммдарының H275Y мутациясымен байланысты төзімділік кездейсоқ байқалатын болды. Осельтамивирге сезімталдық және осындай вирустардың таралуы маусымға және аймағына байланысты өзгереді. 2008 жылы H275Y Еуропада тұмаудың айналымдағы H1N1 штаммдарының >99%-да табылды. 2009 жылы тұмау H1N1 («шошқа тұмауы») осельтамивирге тепе-тең дерлік сезімтал болды, емдік те, сонымен қатар профилактикалық режимде де төзімділік туралы тек кездейсоқ мәлімдемелер болды.

Дозалау режимі Тұмауды емдеу Емдеу тұмау симптомдары пайда болғаннан кейін бірінші немесе екінші күні (ең дұрысы 36 сағат ішінде) басталуы керек. Ересектер Ересектерге арналған осельтамивирдің ұсынылатын пероральді дозасы 5 күн ішінде тәулігіне 2 рет 75 мг құрайды. Қандай да бір себептермен капсулаларды жұта алмайтын ересектерге препаратты 6 мг/мл (12,5 мл суспензияға баламалы) ішуге арналған суспензия түрінде қабылдау ұсынылады («Суспензияны экстемпоральді дайындау» тармақты қараңыз) 5 күн ішінде тәулігіне 2 рет. 13-17 жас аралығындағы жасөспірімдер ОСЕЛЬТАМИВИР АВЕКСИМА препаратын 6 мг/мл (12,5 мл суспензияға баламалы) ішуге арналған суспензия түрінде қабылдауы керек («Суспензияны экстемпоральді дайындау» тармақты қараңыз) 5 күн ішінде тәулігіне 2 рет. Тұмаудың профилактикасы Қарым-қатынас болғаннан кейінгі профилактика Ересектер Инфекцияланған адамдармен тығыз қарым-қатынаста болғаннан кейін тұмаудың профилактикасы үшін осельтамивирдің ұсынылатын пероральді дозасы 10 күн ішінде күніне 1 рет 75 мг құрайды. Препаратты инфекцияланған адамдармен қарым-қатынаста болғаннан кейін екі күн ішінде бастау керек. Қандай да бір себептермен капсулаларды жұта алмайтын ересектерге препаратты 6 мг/мл (12,5 мл суспензияға баламалы) ішуге арналған суспензия түрінде қабылдау ұсынылады («Суспензияны экстемпоральді дайындау» тармақты қараңыз) 10 күн ішінде тәулігіне 1 рет. Тұмау эпидемиясы кезіндегі профилактикасы Ересектер Тұмау эпидемиясы кезінде профилактикасы үшін ұсынылатын доза тәулігіне 1 рет 75 мг құрайды, ең көбі 6 апта ішінде (қауіпсіздік пен тиімділік алты аптаға дейін байқалды, препарат қабылданғанға дейін қорғаныс әсері сақталады). Қандай да бір себептермен капсулаларды жұта алмайтын ересектерге препаратты 6 мг/мл (12,5 мл суспензияға балама) ішуге арналған суспензия түрінде қабылдау ұсынылады («Суспензияны экстемпоральді дайындау» тармақты қараңыз) ең көбі 6 апта ішінде тәулігіне 1 рет. Пациенттердің ерекше топтары Бауыр жеткіліксіздігі Бауыр функциясы жеңіл немесе орташа дәрежеде бұзылған пациенттерде тұмауды емдеу және оның профилактикасы кезінде препарат дозасын түзету талап етілмейді. Бауыр функциясы ауыр дәрежеде бұзылған пациенттердегі қауіпсіздік пен фармакокинетика зерттелмеген. Бүйрек жеткіліксіздігі Тұмауды емдеу Бүйрек жеткіліксіздігі орташа және ауыр дәрежедегі ересектер үшін препарат дозасын төмендету ұсынылады. Келесі кестеде осы пациенттерде дозаны түзету бойынша ұсыныстар берілген. Креатинин клиренсі — Ұсынылатын доза (емдеу) >60 (мл/мин) — 75 мг тәулігіне 2 рет 5 күн ішінде >30-60 (мл/мин) — 30 мг тәулігіне 2 рет 5 күн ішінде >10 - 30 (мл/мин) — 30 мг күніне 1 рет 5 күн ішінде 10 (мл/мин) — Ұсынылмайды (деректер жоқ) Гемодиализ алатын пациенттер — Плазмадағы емдік концентрацияны ұстап тұру үшін диализ сеансын бастамас бұрын 30 мг және әрбір гемодиализ сеансынан кейін 30 мг бастапқы дозаны тағайындауға болады Перитонеальді диализ алатын пациенттер — Диализ басталғанға дейін 30 мг, содан кейін 5 күн сайын 30 мг қосымша дозаны қабылдау Тұмаудың профилактикасы Келесі кестеде бүйрек жеткіліксіздігі орташа және ауыр ересектерде тұмаудың профилактикасы кезінде препараттың дозасын түзету бойынша ұсыныстар берілген. Креатинин клиренсі — Ұсынылатын доза (профилактика) >60 (мл/мин) — 75 мг тәулігіне 1 рет >30-60 (мл/мин) — 30 мг тәулігіне 1 рет >10 - 30 (мл/мин) — Күнара 30 мг 10 (мл/мин) — Ұсынылмайды (деректер жоқ) Гемодиализ алатын пациенттер — Плазмадағы емдік концентрацияны ұстап тұру үшін диализ сеансын бастамас бұрын 30 мг және әрбір екінші гемодиализ сеансынан кейін 30 мг бастапқы дозаны тағайындауға болады Перитонеальді диализ алатын пациенттер — Диализ басталғанға дейін 30 мг, содан кейін 7 күн сайын 30 мг қосымша дозаны қабылдау Егде жастағы пациенттер Пациентте бүйрек жеткіліксіздігінің орташа немесе ауыр дәрежесінің белгілері болған жағдайларды қоспағанда, дозаны түзету талап етілмейді. Иммун тапшылығы бар пациенттер Емі: ересектерге ұсынылатын доза 10 күн ішінде тәулігіне 2 рет 75 мг құрайды («Қолдану кезіндегі қажетті сақтық шаралары» және «ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылданатын шаралар» тармағын қараңыз). Емдеуді тұмау симптомдары пайда болғаннан кейінгі алғашқы екі күнде мүмкіндігінше тез бастау керек. Маусымдық профилактика: иммун тапшылығы бар пациенттерде 12 аптаға дейінгі ұзақ мерзімді маусымдық профилактика бағаланды («Қолдану кезіндегі қажетті сақтық шаралары» және «ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылданатын шаралар» тармағын қараңыз). Қолдану тәсілі Препарат ішке қабылдауға арналған. Осельтамивирді тамаққа қарамастан қабылдауға болады. Алайда, кейбір пациенттерде жағымдылықты тамақтану кезінде препаратты қабылдай отырып, жақсартуға болады. Капсуланы жұта алмайтын пациенттерге ішуге арналған суспензия түрінде (6 мг/мл) ОСЕЛЬТАМИВИР АВЕКСИМА тиісті дозаларын беруге болады. Суспензияны экстемпоральді дайындау Егер пероральді суспензия жасауға арналған ұнтақ болмаса Капсулаларды жұтуда қиындықтары бар ересектер, препаратты төмендетілген дозада көрсетілген адамдар, ОСЕЛЬТАМИВИР АВЕКСИМА препаратын 6 мг/мл ішуге арналған суспензия түрінде қабылдау керек. Үйде емес, дәріханада дайындалған суспензияны қолдану ұсынылады. Үй жағдайында суспензия дайындау Суспензияны дайындау үшін тиісті көлемдегі және градуирленген шприцтерді дайындау қажет. Екі жағдайда да суспензияны дайындау үшін қолданылатын шприцтерде қажетті көлемдерді ерекше түрде белгілеу ұсынылады. Қажетті суспензия дозасын алу үшін капсулаларды олардың ішіндегісін аз мөлшерде (ең көбі бір шай қасық) қолайлы тәтті тағаммен ашып, араластыру арқылы пайдалануға болады. Ащы дәмді қант суы, шоколад шәрбаты, шие шәрбаты, десерттерге арналған соустар (мысалы, карамель немесе кілегейлі помадка дәмі бар) сияқты өнімдермен жасыруға болады. Қоспаны араластыру керек, содан кейін пациент оны толығымен қабылдауы керек. Қоспаны дайындағаннан кейін бірден жұту керек. Егер пациенттерге 75 мг доза қажет болса, онда келесі нұсқауларды орындау қажет: • Бір 75 мг капсуланы кішкене ыдыстың үстінде ұстап, капсуланы ақырын ашып, ұнтақты ыдысқа себіңіз. • Аз мөлшерде (1 шай қасықтан аспайтын) қолайлы тәттілендірілген тағамды қосып, жақсылап араластырыңыз. • Қоспаны мұқият араластырыңыз және оны дайындағаннан кейін бірден ішіңіз. Егер ыдыста қоспаның аз мөлшері қалса, онда ыдысты аздап сумен шайып, қалған қоспаны ішу керек. Егер пациенттерге 30-60 мг дозалар қажет болса – 30 мг бір немесе 2 капсула. Егер 45 мг доза қажет болса – 45 мг капсуланы қолданыңыз, бұл үшін 30 мг капсуланы қолданбаңыз! Енгізу жолы және тәсілі Ішке. Капсулаларды жұтуда қиындықтары бар ересектерге, препарат азайтылған дозаларда көрсетілген адамдарға ОСЕЛЬТАМИВИР АВЕКСИМА препараты 6 мг/мл ішуге арналған суспензия түрінде қабылдау керек. Емдеу ұзақтығы Тұмауды емдеу: 5 күн. Қарым-қатынаста болғаннан кейінгі профилактика: 10 күн. Тұмау эпидемиясы кезіндегі профилактика: ең көбі 6 апта. Емдеуді тұмау симптомдары пайда болғаннан кейінгі алғашқы екі күнде мүмкіндігінше тез бастау керек. Дәрілік препараттың қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолдану тәсілінің түсіндірмесі бойынша кеңес алу үшін медициналық қызметкерге жүгіну керек.

Әсер етуші затқа немесе қосымша заттардың кез келгеніне аса жоғары сезімталдық. 18 жасқа дейінгі балалар (осы дәрілік түрі үшін).

Ересектер мен жасөспірімдерді емдеу бойынша зерттеулерде ең жиі ЖР жүрек айнуы, құсу және бас ауыруы болды. Профилактика бойынша зерттеулерде ересектер мен жасөспірімдерде ең жиі ЖР жүрек айнуы, құсу, бас ауыруы және ауырсыну болды. Пациенттердің көпшілігінде ЖР деректері осельтамивир қолдануды тоқтатуға әкелмеді. Төмендегі жағымсыз реакциялар келесі санаттарға бөлінеді: өте жиі (≥1/10), жиі (≥1/100, бірақ <1/10), жиі емес (≥1/1000, бірақ <1/100), сирек (≥1/10000, бірақ <1/1000), өте сирек (<1/10000). Тиісті санат клиникалық зерттеулердің біріктірілген талдауы негізінде ЖР беріледі. Ересектер мен жасөспірімдерде тұмауды емдеу және профилактикасы Өте жиі • бас ауыруы • жүрек айнуы Жиі • бронхит, Herpes simplex, назофарингит, жоғарғы тыныс алу жолдарының инфекциясы, синусит • ұйқысыздық • жөтел, тамақ ауруы, ринорея • құсу, іштің ауыруы (іштің жоғарғы бөлігіндегі ауырсынуды қоса), диспепсия • ауырсыну, бас айналуы (вертигоны қоса), қажу, қызба, аяқ-қолдың ауыруы Тіркеуден кейінгі кезеңде алынған жағымсыз реакциялар Аллергиялық реакциялар, анафилаксиялық немесе анафилактоидты реакциялар және беттің ісінуі сирек байқалды. Осельтамивирді қолданғанда, әсіресе балалар мен жасөспірімдерде құрысулар мен делирий жағдайлары (сананың өзгеру белгілері, сананың шатасуы, қалыптан тыс мінез-құлық, сандырақ, елестеу, мазасыздық, үрей, түнде қорқынышты түс көру) туралы хабарланды. Сирек жағдайларда бұл ЖР күтпеген жарақаттарға әкелді. Осельтамивирді қолданумен тікелей байланыс белгісіз. Осындай психоневрологиялық бұзылулар осельтамивир алмаған тұмау тиген пациенттерде байқалды. Көру қабілетінің бұзылуы байқалды (жиілігі белгісіз). Жүрек аритмиясы байқалды (жиілігі белгісіз). Осельтамивирді қабылдағаннан кейін асқазан-ішектен қан кету жағдайлары байқалды. Атап айтқанда, тұмаудан айыққаннан немесе осельтамивирмен емдеуді тоқтатқаннан кейін басылған геморрагиялық колит жағдайлары туралы хабарланды. Тұмауға ұқсас инфекциялары бар пациенттерде гепатит және «бауыр» ферменттерінің белсенділігінің жоғарылауы туралы хабарланды. Бұл жағдайларға бауыр жеткіліксіздігі де жатады. Аллергиялық тері реакциялары, оған қоса дерматит, бөртпе, экзема, есекжем, мультиформалы эритема, аллергия, анафилаксиялық/ анафилактоидты реакциялар, бет ісінуі, Стивенс-Джонсон синдромы, уытты эпидермальді некролиз сияқты аса жоғары сезімталдық реакциялары туралы хабарланды. Кейбір жағдайларда панкреатит, ангионевроздық ісіну, көмейдің ісінуі, бронх түйілуі, эозинофилия, лейкопения және гематурия туралы хабарланды. Балалар Балаларда ең көп таралған ЖР құсу болды. Өте жиі • жөтел • мұрынның бітелуі • құсу Жиі • ортаңғы отит • бас ауыруы • конъюнктивит (көздің қызаруы, көзден жас ағу және көздің ауыруы) • құлақтың ауыруы • ринорея • іштің ауыруы (іштің жоғарғы бөлігіндегі ауырсынуды қоса), диспепсия, жүрек айнуы Жиі емес • құлақ қалқанының аурулары • дерматит (аллергиялық және атопиялық дерматитті қоса). Күтілетін жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Клиникалық зерттеулер барысында және препараттың тіркеуден кейін қолдану кезеңінде мәлімделген артық дозалану жағдайларының көбісі қандай да болсын жағымсыз құбылыстармен қоса жүрген жоқ. Артық дозалану жағдайларындағы жағымсыз реакциялар «ДП стандартты қолдану кезінде пайда болатын жағымсыз реакциялардың сипаттамасы және осы жағдайда қабылдануы тиіс шаралар» тармағында көрсетілген емдік дозаларда препаратты қолдану кезінде байқалған ЖР-мен туындау жиілігі бойынша ұқсас және салыстырмалы болды.

Препаратты енгізгенге дейін қосымша парақты толығымен оқып шығыңыз, өйткені онда Сіз үшін маңызды ақпарат бар. Қосымша парақты сақтаңыз. Сізге оны тағы бір рет оқу қажет болуы мүмкін. Егер Сізде қосымша сұрақтар туындаса, емдеуші дәрігерге немесе мейіргерге хабарласыңыз. Егер Сізде жағымсыз реакциялар болса, емдеуші дәрігерге немесе мейіргерге хабарласыңыз. Бұл ұсыныс кез-келген ықтимал жағымсыз реакцияларға, соның ішінде қосымша парақтың «ДП стандартты қолдану кезінде пайда болатын жағымсыз реакциялардың сипаттамасы» бөлімінде көрсетілмегендерге қолданылады. Арнайы ескертулер Психоневрологиялық бұзылулар Осельтамивир қабылдаған пациенттерде (негізінен балалар мен жасөспірімдерде) құрысу және делирий сияқты психоневрологиялық бұзылулар тіркелді. Сирек жағдайларда бұл бұзылулар күтпеген жарақаттарға, ал өте сирек жағдайларда өлімге әкелді. Осельтамивирдің бұл бұзылулардың пайда болуына қаншалықты ықпал еткені белгісіз, өйткені мұндай психоневрологиялық бұзылулар осельтамивирмен емделмеген тұмаумен ауыратын пациенттерде де байқалады («ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылданатын шаралар» тармағын қараңыз). Пациенттерді мінез-құлқындағы өзгерістер үшін мұқият бақылау керек, емді жалғастырудың қаупі мен пайдасы әр пациент үшін жеке бағалануы керек, әсіресе балалар мен жасөспірімдерді қалыптан тыс мінез-құлық белгілері үшін мұқият бақылау қажет. Осельтамивир тек А және В типті тұмау вирусынан туындаған ауруға қатысты тиімді. Басқа қоздырғыштар тудырған ауруларды емдеуде осельтамивирдің тиімділігі туралы деректер жоқ. Ауыр қатарлас аурулар Ауруханаға жатқызуды болжайтын ауырлығы күрделі қатарлас ауруы немесе жағдайы тұрақсыз пациенттерде осельтамивирді қолданудың қауіпсіздігі мен тиімділігі туралы деректер жоқ. Жүректің және тыныс алу ағзаларының аурулары Осельтамивирдің созылмалы жүрек және/немесе тыныс алу аурулары бар пациенттерде тұмауды емдеудегі тиімділігі анықталмаған. Пациенттердің бұл популяциясында асқынулардың пайда болу жиілігі Осельтамивирмен емдеу тобымен және плацебо тобымен салыстырымды болды. ОСЕЛЬТАМИВИР АВЕКСИМА препаратын қолдану вакцинацияны алмастырмайды. Осельтамивирді қолдану жыл сайынғы тұмауға қарсы вакцинация жүргізу кезінде пациенттердің бағалауына әсер етпеуі тиіс. Тұмаудан қорғау тек осельтамивир қолданылғанға дейін созылады. Осельтамивирді тұмауды емдеу және профилактикасы үшін ғана қолдану керек, егер сенімді эпидемиологиялық дәлелдер тұмау вирусының жалпы популяцияда таралатынын көрсетсе ғана. Тұмау вирусының айналымдағы штамдарының осельтамивирге сезімталдығы айтарлықтай өзгеруі мүмкін. Осылайша, препаратты тағайындау кезінде айналымдағы вирустың Осельтамивирге сезімталдығы туралы ең соңғы ақпаратты ескеру қажет. Иммун тапшылығы бар пациенттер Иммун тапшылығы бар пациенттерде тұмауды емдеуде немесе профилактикасында осельтамивирдің тиімділігі нақты анықталмаған. Алайда, иммун тапшылығы бар ересек пациенттерде тұмауды емдеу 10 күн бойы жүргізілуі керек, өйткені препаратты емнің ұзақтығы азырақ курсында қолдану бойынша зерттеулер жүргізілмеген. Бүйректің ауыр жеткіліксіздігі Бүйрек функциясы бұзылған пациенттерге арналған дозалау режимін «Қолдану жөніндегі нұсқаулар» тармағынан қараңыз. Бүйрек жеткіліксіздігі бар балаларға арналған дозалау режимі бойынша ұсыныстар жоқ. Натрий Осы дәрілік препаратта бір капсулада натрий 1 ммольден (0.68-1.70 мг) аз, яғни құрамында натрий жоқ. Капсула қабығының құрамында балаларға арналған дәрілік препараттарда қолдануға тыйым салынған бояғыштар бар: Бриллиантты көк (Е133), Азорубин (Е122), Хинолинді сары (Е104). Жүктілік Препаратты жүктілік кезінде қолдану қажет болғанда және тұмау вирусының айналымдағы штаммының қауіпсіздігі мен пайдасы, сондай-ақ патогенділігі туралы қолда бар ақпаратты бағалағаннан кейін мүмкін болады. Бала емізу Емшекпен емізу кезеңінде осельтамивир тек емізетін ананың күтілетін пайдасы нәресте үшін қауіптен асып кеткен жағдайда ғана қолданылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ОСЕЛЬТАМИВИР АВЕКСИМА препараты көлік құралдарын басқару және механизмдермен жұмыс істеу қабілетіне әсер етпейді.

Нұсқаулықта көрсетілмеген.

Осельтамивирдің фармакологиялық және фармакокинетикалық зерттеу деректері клиникалық маңызды өзара әрекеттесу екіталай екенін көрсетеді. Осельтамивир негізінен бауырда орналасқан эстеразалардың әсерінен іс жүзінде толығымен белсенді метаболитке (осельтамивир карбоксилаты) айналады. Эстеразалар үшін бәсекелестікке негізделген дәрілік өзара әрекеттесулер әдебиетте іс жүзінде сипатталмаған. Осельтамивир мен оның белсенді метаболитінің ақуыздармен төмен байланысуы препараттың ығысуынан туындаған өзара әрекеттесу екіталай екенін көрсетеді. In vitro зерттеулер осельтамивирдің де, оның белсенді метаболитінің де Р450 немесе глюкуронилтрансфераза аралас функциялары бар оксидазалар үшін қолайлы субстраттар емес екенін көрсетті. Оральді контрацептивтермен өзара әрекеттесудің механизмдік негізі жоқ. Циметидин Циметидин, цитохром Р450 изоформаларының спецификалық емес тежегіші және сілтілік немесе катиондық заттардың бүйрек секрециясының бәсекелесі, осельтамивирдің немесе оның плазмадағы белсенді метаболиттерінің деңгейіне әсер етпейді. Осылайша, асқазанның рН (антацидтер) өзгеруін тудыратын немесе осы метаболизмдік жолдармен шығарылатын препараттармен клиникалық маңызды өзара әрекеттесу екіталай. Бүйрек экскрециясы Мұндай препараттардың көпшілігінің қауіпсіздік резервін, осельтамивирдің белсенді метаболитін (шумақтық сүзіліс және анионды өзекшелік секреция) шығарылу жолдарын, сондай-ақ жолдардың әрқайсысының шығару қабілетін ескере отырып, бүйректің өзекшелік секрециясы үшін бәсекелестікке байланысты клиникалық маңызды дәрілік өзара әрекеттесу екіталай. Алайда, осельтамивирді емдік диапазоны тар препараттармен (мысалы, хлорпропамид, метотрексат, фенилбутазон) біріктіріп қолдану сақтықпен жүруі қажет.Пробенецид Бүйректегі анионды өзекшелік секрецияның күшті тежегіші пробенецидпен бір мезгілде қолдану осельтамивирдің белсенді метаболитінің экспозициясының шамамен 2 есе артуына әкеледі. Бүйрек функциясы қалыпты пациенттерде пробенецидпен бір мезгілде қолданғанда дозаны түзету талап етілмейді. Амоксициллин Осельтамивир мен амоксициллиннің кинетикалық өзара әрекеттесуі (осельтамивир шығатын жолмен шығарылады) жоқ. Осельтамивирдің бүйрек арқылы шығарылуы үшін бәсекелестігі төмен деп болжануда. Ганцикловир Кейбір жағдайларда ганцикловирмен, сондай-ақ өзекшелерден бөлінетін затпен, етеккір алдындағы синдром фазасында (ЕАС) өзара әрекеттесу туралы хабарланды. Ацетилсалицил қышқылы Осельтамивирдің, оның белсенді метаболитінің (осельтамивир карбоксилаты) және ацетилсалицил қышқылының фармакокинетикалық параметрлерінде осельтамивирді (4 күн бойы күніне екі рет 75 мг) және аспиринді бір рет қолданғанда айтарлықтай өзгерістер байқалмады. Қосымша ақпарат 150 мг осельтамивирдің бір реттік дозасын және құрамында магний гидроксиді/алюминий гидроксиді немесе кальций карбонаты бар антацидтік препараттың бір реттік дозасын, сондай-ақ парацетамол, ацетилсалицил қышқылы, циметидин, варфарин, римантадин немесе амантадиннің бір реттік дозасын бір мезгілде қолданғанда бастапқы осельтамивирдің немесе оның белсенді метаболитінің фармакокинетикалық параметрлерінде елеулі өзгерістер анықталған жоқ. III фазадағы клиникалық зерттеулерде осельтамивир ангиотензин өзгертуші фермент (АӨФ) тежегіштері (эналаприл, каптоприл), тиазидтік диуретиктер (бендрофлуазид), антибиотиктер (пенициллин, цефалоспорин, азитромицин, эритромицин және доксициклин), H2-гистаминдік рецепторлар блокаторлары (ранитидин, циметидин), бета-блокаторлар (пропранолол), ксантиндер (теофиллин), симпатомиметиктер (псевдоэфедрин), апиындар (кодеин), кортикостероидтар, ингаляциялық бронходилататорлар және анальгетиктер (ацетилсалицил қышқылы, ибупрофен және парацетамол) сияқты кеңінен қолданылатын препараттармен бірге емдеу және профилактика үшін қолданылды. Осельтамивирді осы препараттармен бір мезгілде қолданғанда жағымсыз реакциялардың бейіні мен жиілігінде өзгерістер байқалмады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!