Остемакс 70 комфорт таблетки 70 мг

Бір таблетканың құрамында белсенді зат: 91.36 мг алендронат натрий тригидраты (70 мг алендрон қышқылына баламалы) қосымша заттар: лактоза моногидраты, микрокристалды целлюлоза, натрий кроскармеллозасы, сусыз коллоидты кремнийдің қостотығы, магний стеараты. Сыртқы түрінің, иісінің, дәмінің сипаттамасы Ақ түсті, ұзынша пішінді, екі беті дөңес таблеткалар.

• постменопаузадағы остеопорозды емдеу (омыртқалар мен ортан жілік сүйектері сыну қаупінің төмендеуі. Қолдану басталғанға дейін қажетті мәліметтер тізбесі

ATХ коды: M05BA04 Әсер ету механизмі Остемакс 70 комфорт препаратының әсер етуші заты, натрий алендронаты тригидраты - остеогенезге тікелей әсер етпестен остеокластардың сүйек тінінің резорбциясын бәсеңдететін бисфосфонат болып табылады. Клиникаға дейінгі зерттеулерде белсенді резорбция жүретін жерлерде алендронаттың басым орналасуы көрсетілді. Остеокластардың белсенділігі баяулайды, бірақ остеокластардың түзілуі мен байланысуы өзгеріссіз қалады. Алендронатпен емдеу кезінде қалыпты сүйек тіні пайда болады. Клиникалық тиімділігі және қауіпсіздігі Менопаузадан кейінгі остеопорозды емдеу Остеопороз омыртқаның немесе жамбастың сүйек тіні тығыздығы (МПК) ретінде, стандартты ауытқуы (CА) дені сау жас популяциядағы орташа мәннен 2,5 төмен немесе сүйек тіні тығыздығына қарамастан ерте төмен энергиялы сынықтар ретінде анықталады. Алендронаттың (70 мг таблетканы апта сайын қолдану) (N = 519) және алендронаттың күн сайын 10 мг дозада (N = 370) емдік баламалығы постменопаузадағы остеопорозы бар әйелдерде бір жылдық көп орталықты зерттеуде көрсетілді. Бір жылдан кейін омыртқа сүйек тіні тығыздығының (МПК) орташа өсуі препаратты аптасына бір рет 70 мг дозада қабылдаған топта 5,1% (95% сенімді аралық (СА): 4,8, 5,4%) және топта 5,4% (95% СА: 5,0, 5,8%) болды, олар препаратты күніне 10 мг дозада қабылдады. Препаратты аптасына бір рет 70 мг дозада қабылдаған топтағы сүйек тіні тығыздығының орташа өсуі, сондай-ақ препаратты күніне 10 мг дозада қабылдаған топта жамбас мойнында 2,3% және 2,9% және бүкіл ортан жілік сүйегінде 2,9% және 3,1% болды. Емдеудің екі тобы үшін қаңқаның басқа бөліктеріндегі сүйек тығыздығының жоғарылауына қатысты ұқсас деректер де анықталды. Алендронаттың сүйек тіні тығыздығына (МПК) және постменопаузадағы әйелдердің сыну жиілігіне әсері дизайны бірдей (N=994) екі бастапқы III фазалық зерттеуде, сондай-ақ сынықтарды емдеуде (Fracture intervention Trial (FIT) n=6459) зерттелді. Алендронатты күніне 10 мг дозада қолданған кезде сүйек тіні тығыздығы (МПК) плацебомен салыстырғанда үш жылдан кейін екі бастапқы III фазалық зерттеулерді жүргізу кезінде омыртқада, жамбас мойнында және ұршықта сәйкесінше 8,8%, 5,9% және 7,8% жоғары болды. Сүйек тінінің жалпы тығыздығының айтарлықтай өсуі байқалды. Алендронатпен емделген пациенттерде омыртқаның бір немесе одан да көп сынуы бар адамдардың үлесі 48%-ға төмендеді (плацебо үшін 6,2% салыстырғанда алендронат үшін 3,2%). Осы зерттеулердің екі жылдық жалғасында омыртқа мен ұршықтың сүйек тінінің тығыздығы арта берген. Сонымен қатар, жамбас мойнының және бүкіл организмнің сүйек тығыздығының жоғарылауы сақталды. FIT зерттеуі плацебо бақыланатын екі зерттеуді қамтыды, оның барысында алендронат күнделікті қабылданды (екі жыл ішінде күніне 5 мг дозада және келесі бір немесе екі жыл ішінде күніне 10 мг дозада): • FIT 1: Зерттеу басталғанға дейін омыртқаның кем дегенде бір сынуы (компрессиялық) сынуы болған 2027 пациенттің қатысуымен үш жылдық зерттеу. Бұл зерттеуде алендронатты күнделікті қолдану омыртқа сынуының ≥1 жаңа жағдайының 47% төмендеуіне (15,0% плацебомен салыстырғанда алендронат 7,9%) әкелді. Сонымен қатар, жамбас сынуы жиілігінің айтарлықтай статистикалық маңызды төмендеуі байқалды (2,2%-бен салыстырғанда 1,1%; 51%-ға төмендеуі). • FIT 2: Сүйек массасы төмендеген, бірақ зерттеу басталған кезде омыртқаның сынуы болмаған 4432 пациентті қамтитын төрт жылдық зерттеу. Бұл зерттеуде остеопорозбен ауыратын әйелдер арасындағы кіші топтарда талдау кезінде (жоғарыда көрсетілген остеопороз анықтамасына сәйкес келетін жалпы халықтың 37%) жамбас сыну жиілігінде (2,2% плацебомен салыстырғанда алендронат 1,0%, төмендеуі 56%) және ≥1 омыртқа сыну жиілігінде (5,8% салыстырғанда 2,9%, төмендеуі 50%) сенімді айырмашылықтар байқалды. Зертханалық көрсеткіштер Клиникалық зерттеулер жүргізу кезінде алендронатты күніне 10 мг/кг дозада қабылдаған пациенттерде сарысудағы кальций мен фосфат деңгейінің симптомсыз, орташа және қайтымды төмендеуі байқалды. Плацебо қабылдаған пациенттердің 12% салыстырғанда, алендронатпен емделген пациенттердің 1%-да сарысудағы кальций деңгейі төмендеді, сонымен қатар плацебо қабылдаған пациенттердің 3% салыстырғанда алендронатпен емделген пациенттердің 10%-да сарысудағы фосфат деңгейі төмендеді. Дегенмен, сарысудағы кальций деңгейін 2,0 ммоль/л дейін және сарысудағы фосфат деңгейін 0,65 ммоль/л дейін төмендету екі топта да салыстырмалы болды. Балалар Натрий алендронатын қолдану остеогенез жетілмеген 18 жасқа дейінгі пациенттердің аз санында зерттелді. Нәтижелер остеогенез жетілмеген балаларда натрий алендронатын қолдану үшін жеткіліксіз.

Дозалау режимі Ересектер. Остемакс 70 комфорт аптасына бір рет 70 мг 1 таблеткадан ішке қабылданады. Енгізу әдісі мен жолы Остемакс 70 комфорт препаратын алғашқы тамақтанудан, сусын ішуден немесе басқа дәрілік заттарды ішке қабылдағанға дейін кемінде жарты сағат бұрын, бір стақан қайнаған сумен ішіп қабылдау керек. Басқа сусындар (минералды суды қоса), тамақ пен кейбір дәрілік препараттар дәрілік өнімнің сіңуін төмендетуі мүмкін. Таблетканың асқазанға түсуін жеңілдету және жеделдету және сол арқылы өңештің жергілікті тітіркену қаупін, сондай-ақ жағымсыз реакцияларды азайту үшін мына ұсынымдарды ұстану қажет: • Остемакс 70 комфорт препаратын таңертең, төсектен тұрған бойда бірден, толық бір стақан қайнаған сумен ішіп қабылдау керек (200 мл-ден кем емес) • таблетканы тұтастай жұту керек, ауыз қуысы мен жұтқыншақтың ойық жаралану қаупінің болу мүмкіндігіне байланысты, таблетканы шайнауға немесе ауызда ерітуге болмайды, • таблетканы жұтқаннан кейін пациент таблетканы қабылдағаннан кейін 30 минуттан ерте болмайтын бірінші тамақтануға дейін кемінде 30 минут бойы жатпауы тиіс, • Остемакс 70 комфорт препаратын ұйықтар алдында немесе оянғаннан кейін төсектен тұрмас бұрын қабылдауға болмайды. Емдеу кезінде пациенттер кальцийдің қажетті мөлшерін тамақпен бірге қабылдауы керек, ал тамақпен жеткіліксіз түскен жағдайда - қосымша кальций мен D дәруменін қабылдауы керек (әсіресе, глюкокортикостероидтермен емдеу кезінде маңызы зор). Сондай-ақ шылым шегуден бас тартқан жөн және ұдайы дене белсенділігімен шұғылдану керек. Егде жастағы пациенттерде және бүйрек жеткіліксіздігі жағдайында қолданылуы Егде жастағы және жеңіл дәрежедегі бүйрек жеткіліксіздігі бар пациенттерде (шумақтық сүзілу коэфициенті минутына 35 мл жоғары) дозалауды түзету қажет емес. Егер шумақтық сүзілу коэфициенті минутына 35 мл-ден төмен болса, алендронатты қолдану ұсынылмайды. Дәрілік препараттың балалар мен жасөспірімдерге қолданылуы Алендронатты қолдануға байланысты зерттеулер туа біткен остеосклерозы бар 18 жасқа дейінгі аздаған пациенттердің қатысуымен жүргізілген. Пациенттердің бұл тобында қолдану ұсынылмайды. Дәрілік препараттың бір немесе бірнеше дозасын өткізіп алған кездегі қажетті шаралар Препараттың бір дозасын өткізіп алған жағдайда оны келесі күні таңертең қабылдау керек. Өткізіп алған дозаны толтыру мақсатында екі еселенген дозаны қабылдауға болмайды. Содан кейін сіз препараттың тағайындалған режиміне оралуыңыз керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Дәрілік затты қабылдамас бұрын дәрігермен немесе фармацевтпен кеңесіңіз.

• алендронат немесе қандай да бір қосымша заттарына жоғары сезімталдық • өңештің аномалиялары және ол арқылы өтуді баяулататын өңештің тарылуы мен ахалазиясы сияқты аурулары • тұрған немесе отырған қалпын кемінде 30 минут бойы сақтай алмау • гипокальциемия.

Өте жиі • бұлшықет-қаңқа ауыруы (сүйектерде, бұлшықеттерде немесе буындарда), кейбір жағдайларда айқын Жиі • бас ауыруы • бас айналуы, оның ішінде шығу тегі лабиринтті бас айналу, дәм сезудің бұзылысы • іштің ауыруы, диспепсия, іш қату, диарея, метеоризм, өңеш ойық жаралануы, дисфагия, іштің кебуі, қышқылды кекіру • алопеция, қышыну • буындардың ісінуі • астения, шеткері ісіну Жиі емес • дисгевзия • көздің қабыну аурулары (увеит, склерит, эписклерит) • жүрек айнуы, құсу, гастрит, эзофагит, өңештің ойықжаралары, нәжістің қара май тәрізді болуы • бөртпе, эритема • жедел сатыдағы реакциялар (миалгиялар, көңіл-күйдің нашарлауы және сирек қызба) сияқты әдетте, емдеудің басталуымен байланысты транзиторлық симптомдар Сирек • есекжем мен ангионевроздық ісінуді қоса, жоғары сезімталдық еакциялары • көбінесе ауруларға бейімділікпен байланысты симптоматикалық гипокальциемия • өңештің стриктурасы, ауыз қуысы мен жұтқыншақтың ойықжаралануы, тесілулер, асқазан және (немесе) он екі елі ішектің ойықжаралы ауруы және асқазан-ішек жолының жоғарғы бөлігінен қан кету • фотосезімталдық реакциялары бар бөртпе, терінің ауыр реакциялары, оның ішінде Стивенс-Джонсон синдромы және уытты эпидермальді некролиз • бисфосфонаттар, атипті надвертельные және диафиздік жамбас сынықтары бар пациенттерде жақ сүйегі некрозының дамуы (препараттар класы ретінде бисфосфонаттарға тән жағымсыз реакция) Өте сирек • жақ остеонекрозы, жамбастың атипті ұршықүсті және диафизарлы сынықтары (дәрілік класс ретінде бисфосфонаттарға тән жағымсыз реакция) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану гипокальциемияны (қандағы кальций концентрациясының төмендеуі), гипофосфатемияны (қандағы фосфат концентрациясының төмендеуі) және асқазан-ішек жолы жоғарғы бөлігі тарапынан симптомдарды тудыруы мүмкін, мысалы: диспепсия, қыжыл, эзофагит, гастрит немесе асқазан ойық жарасы. Емі: алендрон қышқылын байланыстыру үшін сүт ішкен немесе антацидтік препараттарды қабылдаған жөн. Өңешті тітіркендіру қаупіне байланысты құстырмаған жөн. Науқас тік қалпын (тұру немесе отыру) сақтауы тиіс.

Асқазан-ішек жолының жоғары бөлімдері тарапынан жағымсыз реакциялар Алендронат асқазан-ішек жолының жоғары бөлімдерінің шырышты қабықтарының жергілікті тітіркенуін туындатуы мүмкін. Асқазан-ішек жолының жоғары бөлімдерінің аурулары асқынған кезде (дисфагия, өңештің ауруы, гастрит, дуоденит, ойық жаралар) немесе соңғы жыл ішінде орын алған азқазан ойық жарасы, асқазан-ішектік белсенді қан кетуі сияқты немесе асқазан-ішек жолының жоғары бөлімдеріне хирургиялық араласым (пилоропластикадан басқа) бар пациенттерге алендронат тағайындағанда аса сақтық танытқан жөн, өйткені осы аурулардың ағымы нашарлауы мүмкін. Барретта өңеші бар пациенттерге препаратты тағайындай отырып, дәрігер нақты пациентке алендронатты қолданудың пайдасы мен қаупін ескертуі тиіс. Алендронат қабылдаған пациенттерде кейде ауыр болатын және ауруханаға жатқызуды қажет ететін, бірақ сирек жағдайларда стриктураның пайда болуына әкелетін эзофагит, өңештің ойық жарасы немесе өңеш эрозиясының пайда болуы туралы хабарланды. Сондықтан дәрігерлер өңештің реакциясын көрсететін кез келген белгілер мен симптомдарға мұқият болуы керек, ал пациенттерге дисфагия, жұтыну кезінде ауырсыну немесе төс артының ауыруы, қыжылдың пайда болуы немесе оның күшеюі сияқты өңештің тітікену симптомдары дамуы кезінде кезде алендронат қабылдауды тоқтату және дәрігермен кеңесу керек. Өңештің зақымдану қаупі алендронатты қабылдау тәртібін сақтамаған, және/немесе өңештің тітіркену белгілерінің пайда болуына қарамастан, алендронат қабылдауды жалғастырған пациенттерде жоғары болады. Пациенттің препаратты қабылдауға арналған нұсқаулықтағы толық тізімді алғаны және түсінуі өте маңызды. Пациенттерге осы нұсқауларды орындамау өңеш ауруы қаупін арттыруы мүмкін екенін ескерту керек. Тіркеуден кейінгі бақылау кезеңінде кейбір жағдайларда ауыр ағымды және асқынулармен асқазан мен он екі елі ішек ойық жарасының дамуы туралы сирек хабарламалар болды. Жақ остеонекрозы Негізінен венаішілік бисфосфонаттарды қамтылған емдеу сызбаларын алған онкологиялық ауруы бар пациенттерде тіс экстракциясымен және/немесе жергілікті инфекциямен (остеомиелитті қоса) жиі астасқан жақ остеонекрозының даму жағдайлары байқалған. Бұл пациенттердің көбі химиялық ем мен кортикостероидтарды да қабылдаған. Сондай-ақ, бисфосфонаттарды пероральді қабылдаған остеопорозбен ауыратын пациенттерде жақ остеонекрозы туралы хабарламалар болды. Жақ остеонекрозының жеке қауіпін бағалау кезінде келесі қауіп факторларын қарастыру қажет: • бисфосфонат белсенділігі (золедрон қышқылы ең жоғары белсенділікке ие), енгізу жолы (жоғарыдан қараңыз) және жинақталған доза; • онкологиялық ауру, химиотерапия, сәулемен емдеу, кортикостероидтарды, ангиогенез тежегіштерін қабылдау, шылым шегу; • стоматологиялық анамнез, ауыз қуысының қанағаттанғысыз гигиенасы, периодонт ауруы, инвазивті стоматологиялық емшаралар және нашар шақталған протездер. Пероральді бисфосфонаттар қабылдауды бастар алдында тістерінің күйіне нашар пациенттерді стоматолог тексеруі және ауыз қуысын санация жүргізуі керек. Емдеу кезінде бұл пациенттер мүмкіндігінше стоматологиялық емшаралардан аулақ болғандары дұрыс. Бисфосфонат қабылдаған пациенттерде жақ остеонекрозына хирургиялық араласым жағдайды нашарлатып жіберуі мүмкін. Стоматологиялық емшараны қажет ететін пациенттерде бисфосфонатты тоқтату араласымнан кейін жақ остеонекроздың даму қаупін төмендететіні туралы деректер жоқ. Әр пациенттің емдеу жоспарын әзірлеу кезінде емдеуші дәрігермен пайдасы мен қауіптерін ескере отырып клиникалық жағдайды бағалауды басшылыққа алу қажет. Бисфосфонаттарды қабылдайтын барлық пациенттер ауыз қуысының гигиенасына көп көңіл бөліп, тіс дәрігеріне үнемі барып, тістердің қозғалғыштығы, ауыруы немесе ісінуі туралы хабарлауы керек. Сыртқы есту жолының остеонекрозы Бисфосфонаттарды қолдану кезінде сыртқы есту жолының остеонекрозы жағдайлары, негізінен ұзақ еммен байланысты хабарланды. Сыртқы есту жолы остеонекрозының ықтимал қауіп факторлары кортикостероидтар, химиотерапия қолдануды және/немесе инфекция немесе жарақат сияқты жергілікті қауіп факторларын қамтиды. Құлақ тарапынан, оның ішінде созылмалы құлақ инфекцияларында симптомдар пайда болған кезде, бисфосфонаттар қабылдайтын пациенттерде сыртқы құлақ арнасы остеонекрозының дамуын жоққа шығару керек. Қаңқа-бұлшықет ауыруы Бисфосфонаттарды қабылдап жүрген пациенттердің сүйектерінде, буындарында және/немесе бұлшықеттерінде ауырудың пайда болғаны жөнінде мәлімделді. Тіркеуден кейінгі қолдану барысында бұл симптомдар сирек ауыр болды және/немесе еңбекке жарамдылық қабілетінің жоғалуына әкеп соқты. Емдеуді бастағаннан кейін симптомдардың пайда болуына дейінгі кезең бір күннен бірнеше айға дейін созылды. Пациенттердің көпшілігінде бұл симптомдар емдеуді тоқтатқаннан кейін қайтымды. Кей пациенттерде емдеуді сол препаратпен немесе басқа бисфосфонатпен жаңғыртқанда симптомдар асқынған. Ортан жіліктің патологиялық сынықтары Бисфосфонат емі аясында ортан жілік диафизінің сынуы және ұршық асты аумағындағы атипті сынықтар туралы, негізінен остеопорозбен ұзақ уақыт емделетін пациенттерде хабарланды. Мұндай көлденең немесе қысқа қиғаш сынықтар ортан жілік сүйегінің кез келген деңгейінде тікелей кіші ұршық астындағы деңгейден айдаршықүсті өсіндіден жоғары деңгейге дейін пайда болуы мүмкін. Мұндай сынықтар азғантай жарақаттан кейін немесе жалпы жарақаттайтын әсер болмаған кезде пайда болады. Кейбір пациенттерде ортан жіліктің толық сынуынан бірнеше апта немесе ай бұрын жамбас немесе шап ауруы пайда болады, бұл ретте көзбен шолу әдістері көмегімен стресс-сыну белгілері жиі анықталады. Сынықтар көбінесе екі жақты болады; сондықтан ортан жілік диафиздік сынығын өткерген бисфосфонат қабылдайтын пациенттерде контралатеральді ортан жілікті тексеру керек. Сондай-ақ, мұндай сынықтардың баяу біту мерзімі туралы хабарланды. Ортан жіліктің патологиялық сынуына күдікті пациентті тексеру нәтижелерін күту кезінде «пайда-қауіп» арақатынасын жеке бағалау негізінде бисфосфонатты тоқтату туралы мәселені қарастыру керек. Пациенттер ортан жіліктің немесе шаптың кез келген ауыруы туралы хабарлауы керек және мұндай симптомдары бар кез келген пациент ортан жілік сүйегінің толық сынбауына тексерілуі тиіс. Тері реакциялары Тіркеуден кейінгі қолдану кезінде Стивенс-Джонсон синдромы және уытты эпидермалық некролизді қоса, терінің ауыр реакциялары туралы сирек хабарламалар болды. Бүйрек функциясының бұзылуы Креатинин клиренсі 35 мл/мин аз болған кезде бүйрек функциясы бұзылған пациенттерге алендронат ұсынылмайды. Сүйек пен минералды заттардың метаболизмі Эстроген тапшылығы мен жасқа байланысты өзгерістерден басқа остеопороздың басқа себептері әрқашан ескерілуі керек. Гипокальциемия алендронатпен емдеуді бастағанға дейін түзетілуі қажет. Сонымен қатар, минералдық заттардың метаболизмі бұзылған (мысалы, D дәрумені тапшылығы және гипопаратиреоз) басқа жағдайларды түзету қажет етіледі. Мұндай жағдайлары бар пациенттерде Остемакс 70 комфорт препаратымен емдеу кезінде қан сарысуындағы кальций концентрациясын және гипокальциемия симптомдарын үнемі бақылап отыру қажет. Алендронатты қабылдау кезінде сүйек минералдануының жоғарылауына байланысты пациенттерде, әсіресе кальцийдің сіңуін тежейтін глюкокортикоидтарды қабылдау кезінде қан сарысуындағы кальций мен фосфат концентрациясының төмендеуі байқалуы мүмкін. Әдетте, төмендеуі шамалы және симптомсыз жүреді. Дегенмен, симптоматикалық гипокальциемия туралы сирек хабарлар болды, олар кейде ауыр болуы мүмкін және гипопаратиреоз, D дәруменінің тапшылығы және кальцийдің сіңуінің бұзылуы сияқты жағдайларға есебінен бейімділігі бар пациенттерде жиі туындайды. Кальций мен D дәруменінің жеткілікті мөлшерде қабылдануы әсіресе глюкокортикоидтарды қабылдайтын пациенттер үшін өте маңызды. Арнайы ескертулер Қосымша заттар Остемакс 70 комфорт құрамында лактоза бар. Препаратты лактаза тапшылығы (Лапп типті) немесе глюкоза-галактоза мальабсорбция синдромымен сирек кездесетін тұқым қуалайтын галактоза жақпаушылығы бар пациенттерге тағайындауға болмайды. Бұл препараттың бір таблеткасында 1 ммольден (23 мг) аз натрий бар, яғни оның құрамында натрий жоқ деуге болады. Жүктілік Алендронаттың жүкті әйелдердің қабылдағаны туралы деректер жоқ немесе жеткіліксіз. Жануарларға жүргізілген зерттеулерде препараттың ұрпақ өрбітуге уыттылығы байқалды. Буаз егеуқұйрықтарға алендронат енгізген кезде гипокальциемия аясында дистоция байқалған. Остемакс 70 комфорт препаратын жүктілік кезінде қабылдамаған жөн. Бала емізу Алендронат немесе оның метаболиттері емшек сүтіне шығарылатыны белгісіз. Остемакс 70 комфорт препаратын емізетін әйелдерге қолдануға болмайды. Фертильділік Бисфосфонаттар сүйек матрицасына еніп, олар бірнеше жылдар бойы біртіндеп шығарылады. Ересектердің сүйек тініне енетін бисфосфонаттың мөлшері, демек, жүйелік қан айналымға қайта шығарылатын мөлшері бисфосфонаттың дозасына және оны қолдану ұзақтығына байланысты. Адам ұрығына әсер етуі туралы деректер жоқ. Алайда, егер әйел бисфосфонатпен емдеу курсын аяқтағаннан кейін жүкті болса, ұрықтың, негізінен сүйек тінінің зақымдануының теориялық қаупі бар. Бисфосфонатпен емдеуді тоқтату мен тұжырымдаманың арасындағы уақыттың, қолданылған бисфосфонаттың ерекшеліктері мен енгізу бағыты (вена ішіне немесе пероральді) сияқты ауыспалылардың әсері зерттелмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Остемакс 70 комфорт көлік құралдары мен механизмдерді басқару қабілетіне әсер етпейді немесе аз әсер етеді. Алайда, кейбір пациенттерде көлік құралдары мен механизмдерді басқару қабілетіне әсер етуі мүмкін алендронаттың кейбір жағымсыз реакциялары туралы хабарланды. Пациенттер Остемакс 70 комфорт препаратына әр түрлі реакция көрсетуі мүмкін.

Нұсқаулықта көрсетілмеген.

Кальций препараттары (минералды суды қоса), антацидтік препараттар мен кейбір дәрілік препараттарды бірге қабылдағанда алендронаттың сіңірілуін нашарлатуы мүмкін. Сондықтан Остемакс 70 комфорт препаратын қабылдағаннан кейін кез келген басқа дәрілік препаратты ішке қабылдар алдында кемінде жарты сағат күте тұру қажет. Алендронатты қабынуға қарсы стероидты емес препараттармен бір мезгілде, олардың асқазан-ішек жолына тітіркендіргіштік әсерін назарда ұстай отырып, сақтықпен қабылдау керек.

Сақтау мерзімі 3 жыл Препаратты жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. • Балалардың қолы жетпейтін жерде сақтау керек!