Отипакс® капли

1 құты препарат құрамында: белсенді заттар: феназон 0.64 г, лидокаин гидрохлориді 0.16 г, қосымша заттар: натрий тиосульфаты, сусыз этанол, глицерин, тазартылған су. Сыртқы түрінің, иісінің, дәмінің сипаттамасы Спирт иісі бар мөлдір, түссіз немесе сәл сарғыш ерітінді.

Келесі жағдайларда жергілікті симптоматикалық емдеу және ауыруды басу: • жедел кезеңдегі ортаңғы отитте • тұмаудан кейінгі асқыну сияқты отит, фликтенулярлық отит • барожарақаттық отитте (дабыл жарғақшасының бүтіндігінің бұзылуынсыз).

Әсер ету механизмі Препарат қабынуға қарсы, жергілікті жансыздандыратын және ауыруды басатын әсер білдіреді. Дабыл жарғақшасының ауыруы мен қабынуының азаюы тамызғаннан кейін шамамен бес минуттан соң басталады. Іс жүзінде ауыру синдромы 15-30 минут ішінде толық қайта бастайды. Фармакодинамикалық әсерлері Фармакодинамикасы Жергілікті жансыздандыратын және қабынуға қарсы әсері бар біріктірілген препарат. Феназон – қабынуға қарсы стероидты емес дәрі, қабынуға қарсы әсері бар анальгетик. Циклооксигеназаны бөгейді және простагландиндер синтезін бәсеңдетеді. Лидокаин – жергілікті анестетик. Жүйке талшықтары жарғақшасының натрий және кальцийімен антагонизмі есебінен ауырсыну импульсінің жүріп өтуін бұзады. Екі белсенді заттың сәтті біріктірілімі ауырсынуды тез басатын әсеріне ықпал етеді, оның қарқындылығы мен ұзақтығын арттырады. Препарат шырыштың сұйылуын және оның евстахиев түтігі мен дабыл жарғақшасы арқылы ортаңғы құлақ қуысынан шығуын стимуляциялайды.

Дозалау режимі Ересектер: тәулігіне 2-3 рет 4 тамшыдан сыртқы есту жолына тамызу керек. 1 айдан бастап және одан үлкен балаларға: тәулігіне 2 рет 1-2 тамшыдан сыртқы есту жолына тамызу керек. Емдеу курсы 10 күннен аспауы керек. Енгізу әдісі және жолы Есту жолына, суретті қараңыз. Қажет болса, дәрілік препаратты қолдану әдісін түсіндіру үшін медициналық қызметкерден кеңес сұраңыз. Тамшылатқыш-құтыны қалай пайдалануға болады: •Құтының қалпақшасын шешіңіз •Тамшылатқышты құтыға кигізіңіз •Тамшылатқыштың қалпақшасын шешіңіз •Құтыны төңкеріңіз және 1 тамшы пайда болу үшін ұштықты мұқият қысыңыз •4 тамшы пайда болғанға дейін қысыңыз •Пайдаланғаннан кейін қалпақшаны тамшылатқыштың ұштығына кигізіңіз. Суық ерітіндінің құлаққа жағымсыз әсерінен қорғану үшін құтыны қолда ұстап жылытыңыз. Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар Егер сізде осы дәрі-дәрмекті қолдануға қатысты қосымша сұрақтар туындаса, дәрігерден немесе фармацевттен сұраңыз.

• 1 айға дейінгі балалар • препарат компоненттеріне жоғары сезімталдық • дабыл жарғақшасының инфекциялық немесе жарақаттық зақымдануы.

Өте сирек • жергілікті реакциялар: тітіркену, қызару, қышыну. Осы немесе басқа жағымсыз реакциялары пайда болғанда препаратты қолдануды тоқтату және дереу дәрігерге қаралу керек! Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Қолдану тәсілі сақталған жағдайда артық дозалануы мүмкін емес.

Препаратты тесілген дабыл жарғақшасында қолданған жағдайда препарат ортаңғы құлақ мүшелерімен байланысқа түсуі және асқынулардың туындауына әкелуі мүмкін. Сақтық мақсатында, кез келген қолдану алдында дабыл жарғақшасының бүтіндігін тексеру керек. Арнайы ескертулер Тағайындар алдында дәрігер дабыл жарғақшасының бүтіндігін тексеруі тиіс. Егер дабыл жарғақшасы тесілген болса, препаратты енгізу осы тіндерде жағымсыз реакциялар тудырып, препараттың ортаңғы құлақ құрылымдарымен жанасуына әкелуі мүмкін.

Дабыл жарғақшасының бүтіндігінде препарат организмге өту ықтималдығы аз. Қазіргі кезде препаратты жүктілік және лактация кезінде қолдануға қатысты қарсы көрсетілімдері жайлы деректер жоқ, потенциалды қаупі мен пайдасын саралағаннан кейін жүкті немесе бала емізетін әйелдерге тағайындалуы мүмкін. Препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Егер сіз тағы басқа дәрілік заттарды қабылдап жүрсеңіз, міндетті түрде дәрігерге хабарлаңыз. Препаратты жергілікті қолданғанда қандай да бір дәрілік заттармен өзара әрекеттесуі байқалмаған.

Сақтау мерзімі 3 жыл. Құтыны ашқаннан кейін 30 күн ішінде қолдану керек. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 30 °C-ден аспайтын температурада сақтау керек. Балалардың қолы жетпейтін жерде сақтау керек!