Отирелакс капли 45.52 мг/11.38 мг/мл

1 мл препараттың құрамында белсенді заттар: 45.52 мг феназон, 11.38 мг лидокаин гидрохлориді, қосымша заттар: натрий тиосульфаты, 96% этил спирті, натрий гидроксидінің 0.1 М ерітіндісі, глицерол, тазартылған су. Сыртқы түрінің, иісінің, дәмінің сипаттамасы Мөлдір түссіз немесе сарғыш ерітінді.

Өзгермеген дабыл жарғағы бар ортаңғы құлақтың кейбір ауру жағдайларын жергілікті симптоматикалық емдеу: - жедел ортаңғы отит - фликтенулезді вирустық отит - барожарақатты отит.

Әсер ету механизмі Феназон қабынуға қарсы және ауыруды басатын әсері бар пиразолон туындысы болып табылады. Лидокаин амид типті жергілікті анестетик болып табылады. Фармакодинамикалық әсерлері Отологияда жергілікті қолдануға арналған, компоненттерінің әсер ету синергизмі арқылы ауыруды басатын және қабынуға қарсы әсері бар біріктірілген препарат. Феназон мен лидокаинді біріктіріп қолдану ауыруды сездірмейтін әсерінің басталу уақытын қысқартады, мұндайда оның айқындылығы және ұзақтығы артады, бұл отит кезінде ауыру синдромының тез қайтуына мүмкіндік береді. Ауырудын азаюы тамызғаннан кейін шамамен бес минуттан соң басталады. Ауыру синдромы 15–30 минут ішінде толық дерлік жоғалады.

Дозалау режимі Ұсынылатын доза: ересектерге – 4 тамшыдан күніне 2-3 рет; 1 айлық және одан үлкен балаларға - 1-2 тамшыдан күніне 2 рет. Енгізу тәсілі мен жолы Ауру құлақтың сыртқы есту жолына тамызу керек. Есту жолына салқын ерітіндіні енгізуден туындаған жағымсыз сезімді болдырмау үшін қолданар алдында құтыны алақанда дене температурасына дейін жылыту ұсынылады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолданар алдында дәрігерге немесе фармацевтке кеңесіңіз.

- белсенді заттарға, әсіресе лидокаин гидрохлоридіне немесе қосымша заттардың кез келгеніне жоғары сезімталдық - шығу тегі инфекциядан немесе жарақаттан болатын дабыл жарғағының перфорациясы.

Сирек - жергілікті аллергиялық реакциялар: есту жолының тітіркенуі немесе қызаруы. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары хабарланған жоқ. Қолдану тәсілі мен дозасын сақтаған жағдайда артық дозалануы мүмкін емес.

Препаратты пайдалануды бастау алдында дабыл жарғағының бүтіндігіне көз жеткізу қажет. Дабыл жарғағы тесілгенде препаратты қолданған жағдайда, препараттың жүйелік қан ағымына енуі және асқынулар туындауына әкелуі мүмкін. Арнайы ескертулер Препараттың құрамында допинг-бақылау кезінде оң тест бере алатын белсенді зат бар. Педиатрияда қолдану 1 айға дейінгі балаларда қолдану ұсынылмайды. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Дабыл жарғағының тұтастығының қандай да бір бұзылуы болмаған кезде жүйелік ену екіталай. Қажет болған жағдайда, барабан жарғағының зақымдануы болмаған жағдайда жүкті әйелдерде немесе бала емізетін аналарда пайдалануы мүмкін.

Препаратты жергілікті қолданғанда қандай да бір дәрілік заттармен өзара әрекеттесуі туралы хабарланбаған.

Сақтау мерзімі 3 жыл. Құтыны ашқаннан кейін қолдану мерзімін 4 аптадан асыруға болмайды. Жарамдылық мерзімі өткеннен кейін қолдануға болмайды. Сақтау шарттары 25 ºС-ден аспайтын температурада, түпнұсқалық қаптамада. Балалардың қолы жетпейтін жерде сақтау керек!