Отофа капли 2,6 %

100 мл препараттың құрамында: белсенді зат - 2.60 рифамицин натрий, 2 000 000 ХБ рифамицинге баламалы қосымша заттар: макрогол 400 (полиэтиленгликоль 400), аскорбин қышқылы, динатрий эдетаты, калий метабисульфиті, литий гидроксиді, тазартылған су Сыртқы түрінің, иісінің, дәмінің сипаттамасы Қызғылт сары-қызыл түсті мөлдір сұйықтық.

ОТОФА препараты құлақтан шығатын іріңді бөлінділердің кейбір түрлерін жергілікті емдеуге арналған: - транстимпанитті аэратормен - қуысты дренаждаумен - дабыл жарғағы ашық, сүйектердің қабынуынсыз болатын созылмалы отит жағдайында. Ескертпе: рифамицин Pseudomonas aeruginosa (көкшіліріңді таяқша) қатысты белсенді емес, бұл бактерия осы ауру туындататын инфекциялардың кем дегенде 30% - дан астамын туындатады. Бактерияға қарсы дәрілерді дұрыс қолдану жөніндегі ресми нұсқаулар ескерілу керек.

Әсер ету механизмі Рифамицин ДНҚ-ға тәуелді РНҚ-полимеразамен тұрақты кешен құрады және осы түрінде және концентрациясына байланысты көбею фазасындағы микроорганизмдерге бактериостатикалық немесе бактерицидтік әсер етеді. Шектік концентрациялары сезімтал штаммдарды орташа сезімтал штаммдардан және соңғысын резистенттілерінен бөледі: Staphylococcus spp.: S = 0,5 мг/литр және R > 16 мг/литр Басқа да бактериялар: S = 4 мг/литр және R > 16 мг/литр Кейбір түрлер үшін жүре пайда болған тұрақтылықтың таралуы география мен уақытқа байланысты ауытқуы мүмкін. Сондықтан жергілікті резистенттіліктің таралымы туралы ақпараттың, әсіресе ауыр инфекцияларды емдегенде болуы пайдалы. Бұл деректер бактериялық штаммның осы антибиотикке сезімталдығының ықтималдығы туралы түсінік бере алады. Егер бактериялардың белгілі бір түрі үшін Франциядағы резитенттіліктің таралу өзгергіштігі белгілі болса, бұл төменде көрсетіледі: Санаттар — Франциядағы жүре пайда болған резистенттілік жиілігі (>10%) (шеткі мәндер) СЕЗІМТАЛ ТҮРЛЕР Грамоң аэробтар Bacillus anthracis Listeria monocytogenes Rhodococcus equi Staphilococcus aureus méti- S* Staphilococcus méti- R** — 2 – 30% Staphilococcus à coagulase négative — 0 – 25% Streptocoques A, B, C, G Streptococcus pneumoniae Streptococcus viridans ou non groupables Грамтеріс аэробтар Branhamella catarrhalis* Brucella Haemophilus ducreyi Haemophilus influenzae Neisseria gonorrhoeae Neisseria meningitidis Pasteurella Анаэробтар Bacteroides Clostridium difficile Clostridium perfringens Fusobacterium Peptostreptococcus Propionibacterium acnes Басқалар Chlamydia trachomatis Chlamydia psittaci Coxellia burnettii Legionella Mycobacterium africanum Mycobacterium bovis Mycobacterium bovis BCG — ? Mycobacterium kansasii — ? Mycobacterium tuberculosis ОРТАША СЕЗІМТАЛ ТҮРЛЕР (in vitro орташа сезімталдық) Грамоң аэробтар Энтерококктар ТҰРАҚТЫ ТҮРЛЕР Грамтеріс аэробтар Энтеробактериялар Pseudomonas aeruginosa Басқалар Mycobactéries atypiques (sauf Mycobacterium kansasii) * Сезімтал штамдар үшін бекітілген клиникалық көрсетілімдер бойынша клиникалық тиімділік көрсетілді. **Метициллинге резистенттілік жиілігі стафилококктардың жалпы санының шамамен 30-50% құрайды және негізінен стационар жағдайында кездеседі. Ескертпе: бұл спектр рифампициннің жүйелік түрлерінің спектріне сәйкес келеді. Жергілікті фармацевтикалық препараттарды қолданғанда in situ алынған концентрациялары плазмадағы концентрациясынан әлдеқайда жоғары. Концентрацияның кинетикасына in situ, антибиотиктің белсенділігі мен in situ өнімнің тұрақтылығын өзгерте алатын жергілікті физикалық-химиялық жағдайларға қатысты кейбір белгісіздіктер қалады.

Дозалау режимі Ересектер: күніне 2 рет 5 тамшыдан. Күн сайын таңертең зақымданған құлаққа құлақ түтігіне 5 тамшыдан тамызу керек және кешке осы әрекетті қайталау керек. Балалар: күніне 2 рет 3 тамшыдан. Күн сайын таңертең зақымданған құлаққа құлақ түтігіне 3 тамшыдан тамызу керек және кешке осы әрекетті қайталау керек. Егде жастағы пациенттер Дозаны түзету қажет емес. Бауыр жеткіліксіздігі бар пациенттер Дозаны түзету қажет емес. Бүйрек жеткіліксіздігі бар пациенттер Дозаны түзету қажет емес. Енгізу әдісі мен жолы Жергілікті қолдануға арналған. Құлақ қалқанына тамызу. Құлаққа салқын ерітіндінің жағымсыз енуіне жол бермеу үшін пайдаланған кезде құтыны алақанда бірнеше минут ұстап жылытыңыз. Басыңызды еңкейтіп, құлақ қалқанын бірнеше рет тарту арқылы зақымданған құлаққа тамшыны тамызыңыз. Тамшының есту жолына оңай енуі үшін басыңызды шамамен 5 минутқа бір жағыңызға қарай еңкейтіңіз. Қажет болса, емшараны екінші құлаққа қайталаңыз. Емдеу курсы аяқталғаннан кейін құтыны тастаңыз; кейін қайта пайдалану мақсатында қалдықтарын сақтамаңыз. Киіміңізге тигізбеңіз, себебі ерітінді тоқыма матаны былғауы мүмкін. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер Сізде бұл дәрілік препаратты қолдану туралы қосымша қандай да бір сұрақтар туындаса, өз дәрігеріңізге жүгініңіз.

- әсер етуші затқа (заттарға) немесе қосымша заттардың кез келгеніне аса жоғары сезімталдық

Белгісіз (қолда бар деректер негізінде бағалау мүмкін емес) - дәрілік препарат отоскоп көмегімен тексерген кезде көрінетін құлақ қалқанының қызғылт түске боялуын туындатады - бұл препараттың құрамында сульфиттер болғандықтан, анафилаксиялық реакцияны немесе бронх түйілуін қоса, аллергиялық реакциялардың туындау қаупі бар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Тоқтату синдромы қаупінің болуына көрсетілім

Антибиотикті жергілікті қолдану әсер етуші затқа аллергиялық реакцияны және жүйелі реакцияларды туындатуы мүмкін. Егер Сізде тері бөртпесі немесе аллергиялық реакцияның басқа жергілікті немесе жүйелі белгілері пайда болса, препаратты қолдануды дереу тоқтатыңыз. Ерітіндіні инъекция ретінде енгізуге тыйым салынады. Жұтуға болмайды. Дәрілік препаратты қолданған кезде тамшылатқыштың ұшы саусағыңызға немесе құлағыңызға тиіп кетуінен сақтаңыз, бұл инфекцияның оған ену қаупін азайтады. Ерітінді жоғары қысымда пайдаланылмауы керек. Ерітіндінің киімге тиіп кетуіне жол бермеңіз, себебі бұл дақтардың пайда болуын туындатуы мүмкін. Бұл дәрілік препараттың құрамында ауыр аллергиялық реакциялар мен бронх түйілуін туындатуы мүмкін сульфиттер бар. Бұл препаратты басқа жергілікті емдеумен біріктірмеген дұрыс. Егер 10 күн өткеннен соң симптомдар сақталса, патологияны және емдеуді қайта бағалау үшін пациентті қайтадан тексеру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын және аса қауіпті механизмдерді басқару қабілетіне әсер етпейді.

Нашар жүйелі сіңуін, сондай-ақ рифамициндер класына жататын заттар үшін алынған үміт беретін кейбір клиникалық деректерді ескере отырып, рифамицинді жүктілік кезінде құлаққа тамызатын дәрі ретінде, мерзіміне қарамастан қолдануға болады. Рифамициннің емшек сүтіне өте төмен енуін ескере отырып, рифамицинмен құлаққа тамызатын дәрі ретінде емдеу кезінде бала емізуге болады.

Басқа дәрілік препараттармен өзара әрекеттесуіне және өзара әрекеттесудің басқа түрлеріне зерттеулер жүргізілген жоқ.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25 ºС-ден аспайтын температурада сақтау керек. Балалардың қолы жетпейтін жерде сақтау керек!