Паллада-НС спрей 665 мкг/дозу

1 мл препараттың құрамында белсенді зат - 6.650 мг олопатадин гидрохлориді, қосымша заттар: сусыз динатрий фосфаты, натрий хлориді, динатрий эдетаты, хлорсутек қышқылы, натрий гидроксиді, бензалконий хлориді, тазартылған су. Сыртқы түрінің, иісінің, дәмінің сипаттамасы Мөлдір, түссіз ерітінді.

- маусымдық аллергиялық ринитте

Нұсқаулықта көрсетілмеген.

Дозалау режимі Ересектер мен 12 жас және одан жоғары жастағы жасөспірімдерде Ұсынылған доза тәулігіне екі рет әр танауға екі бүркуді құрайды. Пациенттердің ерекше топтары 6-дан 11 жасқа дейінгі балалар Ұсынылған доза тәулігіне екі рет әр танауға екі бүркуді құрайды. Егде жастағы пациенттер Егде жастағы пациенттерге арналған дозаны таңдағанда, бауыр, бүйрек немесе жүрек функциясының төмендеу жиілігін және қатар жүретін аурулардың пайда болуын немесе басқа препараттармен емдеуді ескере отырып, сақ болу керек. Енгізу әдісі мен жолы Паллада-НС препаратын тек мұрын ішіне қолданады. Паллада-НС препаратын алғаш қолданар алдында 5 рет бүрку арқылы немесе ұсақ түйіршекті тұман пайда болғанға дейін дайындайды. Егер препарат 7 күннен артық пайдаланылмаса, онда оны 2 рет бүрку арқылы қайтадан дайындайды. Паллада-НС препаратын көзге бүркіп алмау қажет.

- белсенді затқа немесе кез келген қосымша заттардың кез-келгеніне аса жоғары сезімталдық - қарапайым герпес секілді мұрынның шырышты қабығының емделмеген оқшауланған инфекциясы кезінде қолдануға - жақында хирургиялық араласуды немесе мұрын жарақатын бастан өткергендерге жарақаттар жазылғанға дейін мұрын кортикостероидтарын қолдануға болмайды

Клиникалық маңыздылығы жоғары жағымсыз реакцияларға мұрыннан қан кету және ауыз қуысының ойық жаралануы, мұрын қалқасының тесілуі, ұйқышылдық және ақыл-ой белсенділігінің бұзылуы жатады. Ересектер және 12 жас және одан асқан жастағы пациенттерде сипатталған жағымсыз реакциялар Өте жиі • ауыздағы ащы дәм Жиі • бас ауруы • мұрыннан қан кету, фаринголарингеальді ауырсыну, постназальді ісіну синдромы, жөтел • несеп шығару жолдарының инфекциясы Жиі емес • тұмау • ұйқышылдық • тамақтың тітіркенуі, назофарингит • ауыздың құрғауы • шаршау • креатинфосфокиназа деңгейінің жоғарылауы 6 жастан 11 жасқа дейінгі пациенттерде сипатталған жағымсыз реакциялар Жиі • бас ауруы, ауыздағы ащы дәм • мұрыннан қан кету, жоғарғы тыныс алу жолдарының жоғарғы бөліктерінің инфекциясы • бөртпе • ысыну Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Паллада-НС препаратын қолданғанда артық дозалану жағдайлары хабарланбаған. Осы түрде шығарылған кезде жедел артық дозалану ықтималдығы аз. Дегенмен, антигистаминнің артық дозалану симптомдары ересектерде ұйқышылдықты және балаларда мазасыздықпен болатын қозуды және одан кейінгі ұйқышылдықты қамтуы мүмкін. Спецификалық антидот жоқ. Артық дозалану кезінде симптоматикалық немесе бір мезгілде басқа препараттар қабылдауы ескерілген демеуші ем жүргізу ұсынылады.

Арнайы ескертулер Балаларда қолдану Паллада-НС препаратын 6 жасқа дейінгі балаларға қолданудың тиімділігі мен қауіпсіздігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Паллада-НС препаратын қолданғанда ұйқышылдық туындауы мүмкін. Сондықтан препаратты қолданғаннан кейін көлік құралдарын басқаруға немесе психомоторлық реакциялардың жоғары жылдамдығын талап ететін басқа механизмдермен жұмыс істеуге болмайды.

Жүкті әйелдер арасында жеткілікті және қатаң бақыланатын зерттеулер жүргізілмеген. Олопатадин пероральді қолданудан кейін емізетін егеуқұйрықтар сүтінде анықталған. Мұрынға жергілікті қолдану әйелдің емшек сүтінде анықталатын заттар мөлшерінің пайда болуы үшін жеткілікті жүйелік сіңірілуін туындата алатыны белгісіз. Сондықтан Паллада-НС препараты жүкті әйелдерде және лактация кезеңінде ана үшін потенциалды пайдасы, шаранаға немесе нәрестеге төнетін ықтимал қаупі негізделген жағдайда ғана қолданылуы мүмкін.

Паллада-НС препаратына дәрілік өзара әрекеттесулерге ресімді зерттеулер жүргізілген жоқ. Олопатадин негізінен бүйрек арқылы шығарылатын болғандықтан, бауыр ферменттері тежегіштерімен дәрілік өзара әрекеттесулердің туындауы күтілмейді. Цитохром Р450 тежелуіне және плазма ақуыздарымен байланысуына әсер ететін дәрілік өзара әрекеттесулер де күтілмейді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек.