Памидекс концентрат 90 мг/30 мл

Бір мл концентрат құрамында: белсенді зат - 3 мг динатрий памидронаты (2.527 мг памидрон қышқылына баламалы) қосымша заттар: натрий гидроксиді ерітіндісі және/немесе хлорсутек қышқылы ерітіндісі, инъекцияға арналған су. Сыртқы түрінің, иісінің, дәмінің сипаттамасы Іс жүзінде көрінетін бөлшектері жоқ, мөлдір түссіз ерітінді

• қатерлі ісіктер себебінен болатын гиперкальциемия • сүт безінің обырында сүйек метастаздарының түзілуі салдарынан остеолизистік зақымданулар • III сатыдағы көптеген миелома кезіндегі остеолизистік зақымданулар.

ATХ коды M05BA03 Әсер ету механизмі Памидрон қышқылы остеокластар арқылы сүйек тінінің кері сіңірілу тежегіші болып табылады. Ол кальций фосфаты (гидроксиапатит) кристалдарымен берік байланысып, олардың еруін in vitro тежейді. Остеокластар сүйек тінінің кері сіңірілуін in vivo тежеуі кем дегенде ішінара препараттың сүйек тіні минералдарымен байланысуының салдары болуы мүмкін. Памидрон қышқылы остеокластар ізашарларының сүйек тініне көшуін бәсеңдетіп, олардың жетілуін бұзады. Алайда, олардың сүйек минералдық компоненттеріне тектестігінен болатын сүйек тінімен байланысқан бисфосфонаттардың қайта сіңірілуге қарсы жергілікті және тікелей әсері in vivo және in vitro үстемдік ететін әсер ету механизмі болып табылады. Тәжірибелік зерттеулерде памидрон қышқылының, ісік жасушаларын инокуляциялау немесе трансплантациялау алдында немесе кезінде енгізілген жағдайда, ісік индукциялайтын остеолизисті тежеуі көрсетілген. Памидрон қышқылының ісік индукциялаған гиперкальциемияны тежеу әсерін көріністейтін биохимиялық өзгерістер қан сарысуында кальций және фосфаттар концентрациясының төмендеуімен және, салдарлы түрде, кальций, фосфаттар және гидроксипролиннің несеппен экскрециясының төмендеуімен көрініс береді. Динатрий памидронатының 90 мг дозасында пациенттердің 90%-дан астамында нормокальциемияға қол жеткізіледі. Плазмадағы кальций деңгейін қалыпқа келтіру регидратациядан өткен пациенттерде плазмадағы паратиреоидты гормонның деңгейін де қалыпқа түсіруі мүмкін. Паратгормонмен (ПТГ) байланысты ақуыздың сарысулық деңгейлері памидрон қышқылының әсерімен кері пропорционалды түрде өзара байланыста болады. Өзекшелердегі кальцийдің реабсорбциясын немесе ПТГ секрециясын тежейтін препараттарды памидрон қышқылымен емдеуге жауап бермейтін пациенттерде қолдануға болады. Гиперкальциемия жасушадан тыс сұйықтық көлемінің азаюына және шумақшалық сүзілу жылдамдығының төмендеуіне әкелуі мүмкін. Гиперкальциемияның бақылануымен, памидрон қышқылы пациенттердің көпшілігінде шумақшалық сүзілу жылдамдығын арттырады және қан сарысуында креатининнің бастапқы жоғары концентрациясын төмендетеді. Химиялық ем алған сүт безі обыры, негізінен литикалық сүйек метастаздары бар немесе қатарлас остеолитикалық зақымданулармен көптеген миелома III сатысы бар пациенттердегі клиникалық зерттеулер динатрий памидронатының сүйек жүйесіне байланысты оқиғалардың (гиперкальциемия, сынықтар, сәулелік ем, сүйек хирургиясы, жұлынның компрессиясы) алдын алғанын немесе кешеуілдеткенін және сүйектердегі ауырсынуды азайтқанын көрсетті.

Дозалау режимі Препаратпен емдеуді емдік әсерін және биохимиялық көрсеткіштерін бақылау мүмкін болатын жағдайларда жүргізу керек. Ересектерде және егде жастағы пациенттерде қолдану Қатерлі ісіктер себеп болатын гиперкальциемия Памидекспен емдеуді бастар алдында және/немесе ем барысында 0.9 натрий хлориді ерітіндісінің көмегімен пациентке регидратация жүргізу ұсынылады. Памидекстің жиынтық курстық дозасы пациенттің қан сарысуындағы бастапқы кальций концентрациясына байланысты. Төменде берілген нұсқаулар кальций концентрацияларының түзетілмеген мәндері үшін жасалған. Дегенмен де, көрсетілген диапазондар шегіндегі дозаларды гидратацияланған пациенттерде сарысулық ақуыз немесе альбумин бойынша түзетілген мәндер үшін де қолдануға болады. Ең жоғары инфузия жылдамдығы 22.5 мг/сағаттан аспауы тиіс. 1 кесте Қан сарысуындағы кальцийдің бастапқы концентрациясы — Памидрон қышқылының ұсынылатын жалпы дозасы — Инфузияға арналған ерітінді концентрациясы ммоль/л — мг/% (мг/100 мл) — мг — мг/мл <3.0 — <12.0 — 15 - 30 — 30/125 3.0 - 3.5 — 12.0 - 14.0 — 30 - 60 — 30/125 60/250 3.5 - 4.0 — 14.0 - 16.0 — 60 - 90 — 60/250 90/500 >4.0 — >16.0 — 90 — 90/500 Памидекстің жиынтық дозасын бір реттік инфузия түрінде де, бірізді 2-4 күн ішінде бірнеше инфузиялар түрінде де тағайындауға болады. Ең жоғары курстық дозасы бастапқы ем үшін де, қайталанатын курстар үшін де 90 мг құрайды. Жоғарырақ дозалар емге берілетін клиникалық жауапты жақсартпайды. Қан сарысуында кальций концентрациясының едәуір төмендеуі әдетте Памидексті енгізуден кейін 24-48 сағаттан соң байқалады. Қалыпқа түсу 3 - 7 күн ішінде басталады. Егер осы кезеңде қандағы кальций концентрациясының қалыпқа түсуіне қол жетпесе, препараттың қосымша дозаларын енгізуге болады. Әртүрлі пациенттерде клиникалық жауап ұзақтығы өзгеріп отыруы мүмкін. Гиперкальциемия жаңғырғанда Памидекспен қайталап емдеу курстары өткізіледі. Памидрон қышқылымен емдеу курстары санының артуымен оның тиімділігі төмендеуі мүмкін. Көптеген миелома кезіндегі остеолизистік зақымданулар Памидекстің ұсынылатын дозасы 4 аптада бір рет 90 мг құрайды. Сүт безі обырында сүйек метастаздарының түзілуі салдарынан болатын остеолизистік зақымданулар Памидекстің ұсынылатын дозасы 4 аптада бір рет 90 мг құрайды. Осы дозаны, егер химиялық еммен үйлестіру қажет болса, 3 апталық аралықпен тағайындауға да болады. Қатерлі ісіктердің сүйектегі метастаздарында Памидекс 250 мл ерітіндідегі 2 сағаттық инфузия түрінде енгізіледі. Көптеген миелома кезіндегі сүйектердің остеолизистік зақымдануларында препарат 4 сағаттық инфузия түріндегі 500 мл ерітіндіде енгізіледі (2 кестені қараңыз). Емдеуді пациенттің жалпы жағдайының айтарлықтай жақсаруына дейін жалғастыру керек. 2 кесте Симптомдары — Емдеу сызбасы — Инфузияға арналған ерітінді — Инфузия жылдам- дығы Сүйек метастаздары — Әр 4 аптада 90 мг — 90 мг/ 250 мл — 2 сағат ішінде 45 мг/ сағ. Көптеген миелома — Әр 4 аптада 90 мг — 90 мг/ 500 мл — 4 сағат ішінде 22.5 мг/сағ. Бүйрек функциясының бұзылуы бар пациенттерде қолдану Егер емнің әлеуетті пайдасы болуы мүмкін асқынулар қаупінен артық болса, өмірге қатерлі гиперкальциемия жағдайларын қоспағанда, бүйректің ауыр жеткіліксіздігі бар (креатинин клиренсі 30 мл/мин аз) пациенттерге Памидекс тағайындауға болмайды. Вена ішіне қолданылатын басқа бисфосфонаттар жағдайындағы сияқты, динатрий памидронатын әр енгізу алдында бүйрек функциясын бақылау, мысалы, сарысулық креатинин концентрациясын анықтау ұсынылады. Сүйек метастаздарын немесе көптеген миеломаны емдеу үшін динатрий памидронатын қабылдайтын және бүйрек функциясының нашарлау белгілерін көрсететін пациенттерде препаратты қолдануды бүйрек функциясы бастапқы мәнінен 10% ауытқу шегіндегі мәндеріне дейін қалпына келгенше тоқтата тұру керек. Осы нұсқау бүйрек функциясының нашарлауы келесі үлгіде белгіленген клиникалық зерттеуге негізделген: - креатинин концентрациясының бастапқы мәндері қалыпты пациенттер үшін – концентрацияның 0,5 мг/дл ұлғаюы, - креатинин концентрациясының бастапқы мәндері өзгерген пациенттер үшін – концентрацияның 1,0 мг/дл ұлғаюы. Бүйрек функциясы бұзылуының жеңіл білінетін (креатинин клиренсі 61-ден 90 мл/мин) және орташа дәрежедегі айқындылығында (креатинин клиренсі 30-60 мл/мин) дозаны түзету қажет емес. Бұл жағдайларда препаратты енгізу жылдамдығы 90 мг/4 сағаттан (шамамен 20-22 мг/сағат) аспауы тиіс. Бауыр функциясының бұзылуы бар пациенттерде қолдану Жеңіл және орташа дәрежеде білінетін бауыр функциясының бұзылуы бар пациенттер үшін препаратты дозалау режимін түзету қажет емес. Қазіргі уақытта бауыр жеткіліксіздігі айқын пациенттерде памидрон қышқылын клиникалық пайдалану жөнінде деректер жоқ. Балаларда қолдану Балалар мен < 18 жастағы жасөспірімдерде памидрон қышқылының қауіпсіздігі мен тиімділігі анықталған жоқ. Қолдану тәсілі Инфузия түрінде вена ішіне. Қолданар алдында Памидекс әрдайым құрамында кальций болмайтын инфузияға арналған ерітіндіде (0.9% натрий хлориді немесе 5% глюкоза) сұйылтылуы тиіс. Тек жаңа дайындалған және мөлдір ерітінділерді пайдалану қажет! Бүйрек функциясының клиникалық маңызды бұзылуының даму қаупіне байланысты барлық жағдайларда Памидекстің бір реттік дозасы 90 мг-ден аспауы тиіс, сондай-ақ препаратты сұйылтудың ұсынылған нормалары мен енгізу жылдамдығы сақталуы тиіс. Әдетте Памидекс 90 мг дозада 250 мл инфузиялық ерітіндіде 2 сағат ішінде инфузиялық түрде енгізіледі. Көптеген миеломасы бар пациенттерде және қатерлі ісіктермен байланысты гиперкальциемия кезінде 90 мг Памидекс дозасын 500 мл көлемге дейін сұйылтады және инфузия үшін алынған ерітіндіні кемінде 4 сағат бойы енгізеді. Инфузия жылдамдығы қатаң түрде 60 мг/сағ (1 мг/мин) аспауы керек, ал динатрий памидронатының концентрациясы 90 мг /250 мл-ден аспауы тиіс. Экстравазациядан аулақ болу керек. Енгізу орнындағы реакциялардың айқындығын азайту үшін препараттың инфузиясын енгізуді салыстырмалы түрде үлкен венаға жүргізу керек. Енгізу әдісі және жолы Инфузия түрінде вена ішіне. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Дәрілік препаратты қолдану тәсілін түсіндіру үшін дәрігерге жүгіну керек. Вена ішіне енгізуге арналған. Препаратты тек маман енгізуі тиіс. Препаратты артерия ішіне енгізуден немесе қоршаған тіндерге түсуден аулақ болу керек.

• памидрон қышқылына немесе басқа бисфосфонаттарға, сондай-ақ препарат құрамына кіретін басқа ингредиенттерге аса жоғары сезімталдық • бала емізу кезеңі

Қауіпсіздік бейінінің түйіндемесі Памидрон қышқылының жағымсыз әсерлері әдетте жеңіл білінеді және өтпелі болады. Ең жиі жағымсыз әсерлері әдетте препарат инфузиясынан кейін алғашқы 48 сағатта дамитын симптомсыз гипокальциемия, тұмау тәрізді симптомдар және субфебрильді температура (дене температурасының 1-2°C көтерілуі) болып табылады. Субфебрильді температура әдетте өткінші сипатта болады және арнайы емдеуді талап етпейді Тұмау тәрізді реакциялар әдетте памидрон қышқылын бірінші қолданғанда ғана байқалады. Симптоматикалық гипокальциемия жиі кездеседі. Сондай-ақ, енгізу орнында, әсіресе ең жоғары дозаны пайдаланған кезде жұмсақ тіндердің жергілікті қабынуы пайда болады. Жақсүйек остеонекрозы (ЖОН) Остеонекроз жағдайлары (жақсүйектегі), Памидекс сияқты сүйек резорбциясын тежейтін дәрілер қабылдаған обыры бар пациенттерде көбірек хабарланды. Бұл пациенттердің көбі сондай-ақ химиотерапия мен кортикостероидтарды қабылдады және остеомиелитті қоса, жергілікті инфекция белгілерін көрсетті. Есептердің көпшілігі тіс экстракциясынан немесе басқа стоматологиялық хирургиядан кейін обыры бар науқстарға қатысты. Жүрекшелер фибрилляциясы Клиникалық зерттеуде золедрон қышқылының (4 мг) және памидронаттың (90 мг) тиімділігін салыстырған кезде, памидронат тобында (12/556; 2,2%) золедрон қышқылы тобына қарағанда (3/563; 0,5%) жүрекше фибрилляциясымен жағымсыз реакциялар саны жоғары болды. Постменопаузада остеопорозы бар пациенттерде золедрон қышқылын (5 мг) қабылдаған пациенттерде жүрекшелер фибрилляциясының күрделі жағымсыз реакция ретінде плацебомен салыстырғанда жоғары екендігі байқалды (0,6% - бен салыстырғанда 1,3 %). Золедрон қышқылы мен памидронатпен емдеуге байланысты жүрекше фибрилляция жиілігінің жоғарылау механизмі белгісіз. Бұлшықет, қаңқа және дәнекер тіндердің тарапынан бұзылулар Препаратты енгізгеннен кейін келесі жағымсыз әсерлер туралы хабарланды (жиілігі сирек (≥ 1/10000, < 1/1000)): ортан жілік сүйегінің ұршықбасы астының және диафизінің атипиялық сынулары (бисфосфонат класы заттарының жағымсыз әсерлері). Жағымсыз әсерлерінің туындау жиілігі: өте жиі (≥ 1/10), жиі (≥ 1/100, < 1/10), жиі емес (≥ 1/1000, < 1/100), сирек (≥ 1/10000, < 1/1000), өте сирек (< 1/10000, жекелеген хабарламаларды қоса), жиілігін бағалау мүмкін емес (қолда бар деректер негізінде жиілігін анықтау мүмкін емес). Инфекциялар және инвазиялар: Өте сирек - Herpes simplex, Herpes zoster қайта белсенділенуі Қан және лимфа жүйесі тарапынан бұзылулар: Жиі - анемия, тромбоцитопения, лимфоцитопения Өте сирек - лейкопения Иммундық жүйе тарапынан бұзылулар: Жиі емес - аса жоғары сезімталдық реакциялары, анафилактоидтық реакцияларды, бронх түйілуін, ентігу, Квинке ісінуін (ангионевроздық ісіну) қоса Өте сирек - анафилаксиялық шок Метаболизм және тамақтану бұзылулары: Өте жиі: - гипокальциемия, гипофосфатемия. Жиі: - гипокалиемия, гипомагниемия. Өте сирек: - гиперкалиемия, гипернатриемия. Жүйке жүйесі тарапынан бұзылулар: Жиі - гипокальциемияның клиникалық көріністері (парестезиялар, тетания), бас ауыруы, ұйқысыздық, қатты ұйқышылдық Жиі емес - құрысулар, ажитация, бас айналуы, летаргия Өте сирек - сананың шатасу белгілері, көру арқылы елестеулер Белгісіз: - мидағы жалған ісік Көру мүшесі тарапынан бұзылулар: Жиі - коньюнктивит Жиі емес - увеит (ирит, иридоциклит) Өте сирек - склерит, эписклерит, ксантопсия (сары түсте көру) Белгісіз: - көз шарасының қабынуы. Жүрек тарапынан бұзылулар Өте сирек - сол жақ қарынша жеткіліксіздігі (ентігу, өкпе ісінуі), артық сұйықтық жүктемесі салдарынан болатын іркілісті жүрек жеткіліксіздігі (шеткері ісінулер) Белгісіз - жүрекшелер фибрилляциясы Тамырлар тарапынан бұзылулар: Жиі: - артериялық гипертензия. Жиі емес: - артериялық гипотензия. Тыныс алу жүйесі, кеуде қуысы және көкірек ортасы ағзалары тарапынан бұзылулар: Өте сирек - жедел респираторлық дистресс-синдром, интерстициялық өкпе ауруы Асқазан-ішек бұзылулары: Жиі - жүрек айну, құсу, анорексия, іштің ауыруы, диарея, іш қату, гастрит Жиі емес - диспепсия Тері және тері асты тіндері тарапынан бұзылулар: Жиі - бөртпе Жиі емес - қышыну Бұлшықет, қаңқа және дәнекер тін тарапынан бұзылулар: Жиі - сүйектер, буындар және бұлшықеттердің өткінші ауыруы, бұлшықет ауыруы, жалпы ауыру Жиі емес - бұлшықеттердің түйілуі, остеонекроз Сирек - ортан жілік сүйегінің ұршықбасы астының және диафизінің атипиялық сынулары Өте сирек - сыртқы құлақ жолының сүйектерінің остеонекрозы (бисфосфонаттар класынын жағымсыз әсері) Белгісіз - жақсүйек остеонекрозы Бүйрек және несеп шығару жолдары тарапынан бұзылулар: Жиі емес - бүйректің жедел жеткіліксіздігі Сирек - фокальді сегментарлық гломерулосклероз, коллаптоидты нұсқасын қоса, нефроздық синдром Өте сирек - гематурия, бүйрек өзекшелері функциясының бұзылуы, тубулоинтерстициялық нефрит, гломерулонефропатия Жалпы бұзылулар және енгізген жердегі реакциялар: Өте жиі - қызба және кейде дімкәстанумен, қалтыраумен, қатты қажумен және «ысынулармен» қатар жүретін тұмау тәрізді симптомдар Жиі: - инфузия орнындағы реакциялар (ауыру, қызару, ісіну, тығыздану, флебит, тромбофлебит), дененің жалпы ауырсынуы Зертханалық және құралмен тексеру деректері: Жиі - қан сарысуындағы креатинин деңгейінің жоғарылауы Жиі емес - бауырдың қалыпты емес функционалдық тесттері, қан сарысуындағы мочевина деңгейінің жоғарылауы. Осы бөлімде атап көрсетілген жағымсыз әсерлердің көбі негізгі аурудан туындауы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препарат ұсынылатын дозаларынан асып кеткенде пациенттің жай-күйін мұқият бақылау қажет. Клиникалық айқын гипокальциемияның (парестезия, тетания, артериялық қысымның айқын төмендеуімен қатар жүретін) дамуында кальций глюконаты инфузиясын жасаған жөн. Препарат енгізуден кейін қан плазмасындағы кальций концентрациясы бірнеше күн ішінде біртіндеп төмендейтіндіктен, жедел гипокальциемия ықтималдығы аз.

Памидекспен ем ісікке қарсы ем жүргізу тәжірибесі бар дәрігердің бақылауымен жүргізілуі керек. Памидексті болюсті инъекция түрінде енгізуге болмайды, бірақ тек алдын ала сұйылтудан кейін, вена ішіне баяу инфузия жолымен енгізу керек (4.2 бөлімін қараңыз). Памидексті тағайындар алдында пациенттерді тексеріп, олардың талапқа сай регидратацияланғанына көз жеткізу қажет; бұл диурездік ем қабылдап жүрген пациенттер жағдайында өте маңызды. Памидекстпен емдеу барысында (әрбір инфузия алдында) бүйрек функциясына (креатининнің, мочевинаның сарысулық концентрацияларын анықтау) және қан сарысуының электролиттеріне (кальций, фосфор) бақылау жүргізу қажет. Памидексті қоса, бисфосфонаттарға бүйрек функциясы нашарлауымен, бүйрек жеткіліксіздігінің потенциалды дамуымен байқалатын нефроуыттылық тән. Бастапқы дозаны алған пациенттерде немесе Памидексті бір рет енгізгенде бүйрек жеткіліксіздігі мен диализге дейін өршіп, бүйрек функциясының нашарлағаны туралы хабарланған. Бүйрек функциясының нашарлауы (бүйрек жеткіліксіздігін қоса) туралы көптеген миеломасы бар пациенттерде Памидекспен ұзақ емделгеннен кейін де хабарланған. Памидекс негізінен өзгермеген түрде бүйрекпен шығарылады (5.2 бөлімін қараңыз), тиісінше, бүйрек функциясы бұзылған пациенттерде бүйрек тарапынан жағымсыз реакциялар қаупі жоғары. Бүйрек функциясының бүйрек жеткіліксіздігіне дейін үдеу мүмкіндігі бар клиникалық мәнді бұзылулар даму қаупі салдарынан, Памидекстің дозасы бір реттік енгізгенде 90 мг-ден аспауы тиіс, сонымен бірге, инфузияның ұсынылған уақытын ұстануы қажет (4.2 бөлімін қараңыз). Басқа бисфосфонаттарды вена ішіне енгізу үшін қолданған жағдайдағы сияқты, бүйрек функциясын бақылау ұсынылады, мысалы, Памидексті әрбір енгізер алдында сарысулық креатинин мөлшерін анықтау керек. Ұзақ уақыт кезеңінде Памидекстің көп реттік инфузиясын алатын пациенттерді емдеген кезде, әсіресе бүйректің қатар жүретін аурулары немесе бүйрек жеткіліксіздігінің дамуына бейімділік болған кезде (мысалы, ісік үдерісімен байланысты көптеген миеломасы және/немесе гиперкальциемиясы бар пациенттер) Памидексті әрбір енгізер алдында бүйрек функциясының стандартты зертханалық және клиникалық көрсеткіштеріне баға беру қажет Сүйек метастаздарын немесе көптеген миеломаларды емдеу үшін Памидекс алатын пациенттерде бүйрек функциясының көрсеткіштері нашарлаған кезде препаратпен емдеу тоқтатыла тұруы тиіс (4.2 бөлімін қараңыз). Памидекстің тағайындалуын басқа бисфосфонаттармен біріктіруге болмайды, себебі оларды біріктіріп қолданудың әсері зерттелмеген. Памидекспен емдеу аясында бүйрек функциясы нашарлаған жағдайда препаратын қолдану тоқтатылуы тиіс. Бауырдың ауыр жеткіліксіздігі бар пациенттерде препаратты қолдану туралы клиникалық деректердің болмауына байланысты пациенттердің осы тобы үшін ерекше ұсынымдар жоқ (4.2 бөлімін қараңыз). Қалқанша безіне хирургиялық араласуды бастан өткерген науқастарда қатарлас гипопаратиреоидизм салдарынан гипокальциемияның даму қаупі жоғары. Ісіктен индуцирленген гиперкальциемия және оны тиімді емдеуге байланысты электролиттер деңгейінің өзгерістеріне орай кейбір пациенттерде құрысулары байқалды. Жүрек ауруларынан зардап шегетін, әсіресе, егде жастағы пациенттерде физиологиялық ерітіндінің қосымша мөлшерін енгізу жүрек жеткіліксіздігі симптомдарының (жедел сол жақ қарыншалық немесе созылмалы) пайда болуына немесе күшеюіне әкелуі мүмкін. Қызба да (немесе тұмау тәрізді симптомдар) осы асқынудың дамуына ықпал етуі мүмкін. Анемия, лейкопения, тромбоцитопениядан зардап шегетін пациенттерде гематологиялық көрсеткіштерді жүйелі бағалау қажет. Кальций немесе D дәруменінің тапшылығы қаупіне ұшыраған, көбінесе остеолизистік сипаттағы сүйек метастаздары немесе миелома ауруы бар пациенттер, сондай-ақ Педжет сүйек ауруына шалдыққан пациенттер гиперкальциемия болмаған жағдайда гипокальциемия қаупін барынша азайту үшін ішуге арналған кальций препараттарын және D дәруменін қабылдауы тиіс. Жақсүйек остеонекрозы (ЖОН) жағдайлары бисфосфонаттар қамтылған ісікке қарсы ем аясындағы онкологиялық науқастарда сипатталған. Жақсүйек остеонекрозын дамытатын қауіп факторлары қатерлі ісіктер, қатарлас ем (мысалы, химиялық ем, бас және мойын аумағын сәулемен емдеу, глюкокортикостероидтар, ангиогенез тежегіштері (4.5 бөлімін қараңыз)), қатарлас жай-күйлер (мысалы, анемия, коагулопатия, инфекциялар), шылым шегу, стоматологиялық аурулар, стоматологиялық инвазиялық емшаралар (мысалы, тіс экстракциясы), ауыз қуысының гигиенасы нашар болуы, нашар орнатылған тіс протездері, бисфосфонаттардың жоғары дозаларымен емдеу (дозаны арттырумен қауіп артады) болып табылады. Шұғыл жағдайларды қоспағанда, пациентте ауыз қуысының жұмсақ тіндерінің емделмеген ашық зақымданулары болған жағдайда емдеудің немесе кезекті емдеу курсының басталуы кейінге қалдырылуы тиіс. Барлық пациенттер ауыз қуысының талапқа сай гигиенасын сақтау, ауыз қуысының дағдылы ағымдағы тексерулерінен өту, сондай-ақ тістің қозғалғыштығы, ауыруы немесе ісінгіштігі сияқты кез келген стоматологиялық симптомдар, жазылып болмайтын ойық жаралар немесе іріңдеп кету туралы кідіріссіз мәлімдеу қажеттілігінен хабардар болуы тиіс. Памидекспен емдеудің алдында ауыз қуысы тексеруден өткізілуі тиіс. Емделу кезінде инвазиялық стоматологиялық емшаралар оқиғаны мұқият бағалаудан кейін ғана жүргізілуі тиіс, олар мен памидронат қолдану арасында уақыт аралығы аз болған жағдайда осы емшаралардан аулақ болу керек. Памидекспен ем аясында жақсүйек остеонекрозы дамығанда стоматологиялық хирургиялық ем жағдайдың нашарлауына түрткі болуы мүмкін. Стоматологиялық емшаралар жүргізу қажет болатын науқастарда бисфосфонаттармен емді тоқтатудың жақсүйек остеонекрозы қаупін төмендететіні туралы деректер жоқ. Жақсүйек остеонекрозы бар пациенттерді емдеу жоспары емдеуші дәрігермен және стоматологпен немесе жақсүйек остеонекрозы бар пациенттерді емдеу тәжірибесі бар хирург-стоматологпен тығыз өзара ынтымақтастықта жүргізілуі тиіс. Егер мүмкін болса, пациент жағдайы жақсарғанша және қауіп факторлары азайғанша памидронатпен емделуді уақытша тоқтату мәселесін қарастыру керек. Бисфосфонаттармен емдеу аясында, бірінші кезекте, ұзақ мерзімді ем жағдайында сыртқы есту жолының остеонекрозы жағдайлары туралы хабарланған. Осы жай-күй дамуының қауіп факторлары қатарлас химиялық ем, глюкокортикостероидтар қолдану және инфекция немесе жарақаттану сияқты жергілікті қауіп факторлары болып табылады. Созылмалы құлақ инфекцияларын қоса, құлақ тарапынан симптомдар дамыған жағдайда бисфосфонаттармен ем қабылдайтын пациенттерде сыртқы есту жолының болжамды остеонекрозын анықтау тұрғысынан тексеру өткізу қажет. Памидекс құрамында натрий (90 мг препаратқа 0.65 ммоль) бар, препарат бақыланатын натрий диетасында жүрген пациенттерге тағайындалғанда осыны ескеру қажет. Бисфосфонаттармен емдеу аясында, көбінесе ұзақ уақыт остеопороз емін қабылдаған пациенттерде ортан жіліктің атипиялық ұршық асты және диафизді сынуының жағдайлары хабарланды. Көлденең және қысқа қисық сынықтар кіші ұршық басынан айдаршық үсті томпағына дейін ортан жіліктің ұзына бойы шоғырлануы мүмкін. Атипиялық сынықтардың пайда болуы өздігінен немесе аздаған жарақаттар нәтижесінде жүреді. Кейбір пациенттер стрестік сынудың рентгенологиялық белгілерімен жиі қатар жүретін санның немесе шап аумағының ауыруын оның туындауына дейін бір апта немесе ай бұрын сезінді. Сынық көбіне екі жақты болатындықтан, бисфосфонаттармен ем қабылдайтын ортан жіліктің диафизді сынулары бар пациенттерде аяқ-қолдың қарсы қапталының сүйек тінінің жай-күйін бақылауға алу керек. Бұл сынықтардың нашар бітуі де хабарланған. Атипиялық сынық барынан күдіктенгенде және тексеру нәтижелері алынғанша әрбір нақты жағдайда емнен болуы мүмкін пайданың болжамды қауіпке қатынасын бағалау негізінде бисфосфонаттармен емді тоқтату мәселесін қарастыру керек. Пациенттерге Памидекспен емделу кезінде сандағы немесе шап аумағындағы кез келген ауыру туралы хабарлау қажеттілігі ескертілуі тиіс. Осындай симптомдар болғанда санның сүйек тіні бүтіндігінің бұзылу мүмкіндігін анықтауға тексеру өткізу қажет. Бисфосфонаттармен ем алатын пациенттерде еңбекке қабілеттілікті мезгіл-мезгіл бұзатын сүйектердің, буындардың және/немесе бұлшықеттердің ауырулары туындағаны туралы хабарланған. Алайда осындай хабарламалардің кездесуі жиі емес. Симптомдардың білінетін уақыты препаратты қолдану басталған соң бір күннен бірнеше айға дейін ауытқиды. Пациенттердің көпшілігінде емді тоқтатудан кейін симптомдар айқындылығының азаюы байқалды. Пациенттердің бір бөлігінде сол препаратты немесе басқа бисфосфонат қолдануды жаңғыртқан соң симптомдардың қайталануы болды. Арнайы сақтандырулар Памидекспен ем ісікке қарсы ем жүргізу тәжірибесі бар дәрігердің бақылауымен жүргізілуі керек. Памидексті болюсті инъекция түрінде енгізуге болмайды, бірақ тек алдын ала сұйылтудан кейін, венаішілік баяу инфузия жолымен енгізу керек. Памидексті тағайындар алдында пациенттерді бақылап-тексеріп, олардың тиісті регидратацияланғанына көз жеткізу қажет; бұл диурездік ем қабылдап жүрген пациенттер жағдайында өте маңызды. Памидекстпен емдеу барысында (әр инфузия алдында) бүйрек функциясын (креатинин, мочевинаның сарысу концентрациясын анықтау) және қан сарысуының электролиттерін (кальций, фосфор) бақылау қажет. Қалқанша безіне хирургиялық араласуды бастан өткерген науқастарда қатарлас гипопаратиреоидизм салдарынан гипокальциемияның даму қаупі жоғары. Ісіктен туындаған гиперкальциемиясы бар кейбір пациенттерде гиперкальциемияның өзі және оны тиімді емдеу нәтижесінде құрысуларға әкелуі мүмкін электролиттік өзгерістер болады. Жүрек ауруларынан зардап шегетін, әсіресе, егде жастағы пациенттерде физиологиялық ерітіндінің қосымша мөлшерін енгізу жүрек жеткіліксіздігі симптомдарының (жедел сол жақ қарынша немесе созылмалы) пайда болуына немесе күшеюіне әкелуі мүмкін. Қызба да (немесе тұмау тәрізді симптомдар) осы асқынудың дамуына ықпал етуі мүмкін. Анемия, лейкопения, тромбоцитопениядан зардап шегетін пациенттерде гематологиялық көрсеткіштерді жүйелі бағалау қажет. Балалар мен жасөспірімдерге (< 18 жас) динатрий памидронатын қолданудың қауіпсіздігі мен тиімділігі дәлелденбеген. Памидекс құрамында натрий (90 мг препаратқа 0.65 ммоль) бар, препарат бақыланатын натрий диетасында жүрген пациенттерге тағайындалғанда осыны ескеру қажет. Бүйрек жеткіліксіздігі Памидексті қоса, бисфосфонаттарға бүйрек функциясы нашарлауымен, бүйрек жеткіліксіздігінің әлеуетті дамуымен байқалатын нефроуыттылық тән. Бастапқы дозаны алған пациенттерде немесе Памидексті бір рет енгізгенде бүйрек жеткіліксіздігі мен диализге дейін үдеген, бүйрек функциясының нашарлауы туралы хабарланған. Бүйрек функциясының нашарлауы (бүйрек жеткіліксіздігін қоса) туралы көптеген миеломасы бар пациенттерде Памидекспен ұзақ емделгеннен кейін де хабарланған. Памидекс негізінен өзгермеген түрде бүйрекпен шығарылады, тиісінше, бүйрек функциясы бұзылған пациенттерде бүйрек тарапынан жағымсыз реакциялар қаупі жоғары. Бүйрек функциясының бүйрек жеткіліксіздігіне дейін үдеу мүмкіндігі бар клиникалық мәнді бұзылуларының даму қаупі салдарынан, Памидекстің дозасы бір реттік енгізгенде 90 мг-ден аспауы тиіс, сонымен бірге, инфузияның ұсынылған уақытын ұстануы қажет. Басқа бисфосфонаттарды вена ішіне енгізу үшін қолданған жағдайдағы сияқты, бүйрек функциясын бақылау ұсынылады, мысалы, Памидексті әрбір енгізердің алдында сарысулық креатинин мөлшерін анықтау. Ұзақ уақыт кезеңінде Памидекстің көп мәрте инфузиясын алатын пациенттерді емдеген кезде, әсіресе бүйректің қатар жүретін аурулары немесе бүйрек жеткіліксіздігінің дамуына бейімділік болған кезде (мысалы, ісік үдерісімен байланысты көптеген миеломасы және/немесе гиперкальциемиясы бар пациенттер) Памидексті әрбір енгізер алдында бүйрек функциясының стандартты зертханалық және клиникалық көрсеткіштеріне баға беру жүргізілу қажет. Сүйек метастаздарын немесе көптеген миеломаларды емдеу үшін Памидекс алатын пациенттерде бүйрек функциясының көрсеткіштері нашарлаған кезде препаратпен емдеу тоқтатылуы тиіс. Памидекстің тағайындалуын басқа бисфосфонаттармен біріктіруге болмайды, себебі оларды біріктіріп қолданудың әсері зерттелмеген. Памидекспен емдеу аясында бүйрек функциясы нашарлаған жағдайда препаратын қолдану тоқтатылуы тиіс. Бауыр жеткіліксіздігі Бауырдың ауыр жеткіліксіздігі бар пациенттерде препаратты қолдану туралы клиникалық деректердің болмауына байланысты пациенттердің осы тобы үшін ерекше ұсынымдар жоқ . Кальций мен D дәруменінің орнын толтыру Кальций немесе D дәруменінің тапшылығы қаупіне ұшыраған, көбінесе остеолизистік сипаттағы сүйек метастаздары немесе миелома ауруы бар пациенттер, сондай-ақ Педжет сүйек ауруына шалдыққан пациенттер гиперкальциемия болмаған жағдайда гипокальциемия қаупін азайта түсу үшін ішуге арналған кальций препараттарын және D дәруменін қабылдауы тиіс. Жақсүйек остеонекрозы (ЖОН) Жақсүйек остеонекрозы (ЖОН) жағдайлары бисфосфонаттар қамтылған ісікке қарсы ем аясындағы онкологиялық науқастарда сипатталған. Жақсүйек остеонекрозын дамытатын қауіп факторлары қатерлі ісіктер, қатарлас ем (мысалы, химиялық ем, бас және мойын аумағын сәулемен емдеу, глюкокортикостероидтар, ангиогенез тежегіштері), қатарлас жай-күйлер (мысалы, анемия, коагулопатия, инфекция), шылым шегу, стоматологиялық аурулар, стоматологиялық инвазиялық емшаралар (мысалы, тіс экстракциясы), ауыз қуысының гигиенасы нашар болуы, нашар жасалған тіс протездері, бисфосфонаттардың жоғары дозаларымен емдеу (дозаны арттырумен қауіп артады) болып табылады. Шұғыл жағдайларды қоспағанда, пациентте ауыз қуысының жұмсақ тіндерінің емделмеген ашық зақымданулары болған жағдайда емдеудің немесе кезекті емдеу курсының басталуы кейінге қалдырылуы тиіс. Барлық пациенттер ауыз қуысының талапқа сай гигиенасын сақтау, ауыз қуысының дағдылы ағымдағы тексерулерінен өту, сондай-ақ тістің қозғалғыштығы, ауыруы немесе ісінгіштігі сияқты кез келген стоматологиялық симптомдар, жазылып болмайтын ойық жаралар немесе іріңдеп кету туралы кідіріссіз мәлімдеу қажеттілігінен хабардар болуы тиіс. Памидекспен емдеудің алдында ауыз қуысы тексеруден өткізілуі тиіс. Емделу кезінде инвазиялық стоматологиялық емшаралар оқиғаны мұқият бағалаудан кейін ғана жүргізілуі тиіс, олар мен памидронат қолдану арасында уақыт аралығы аз болған жағдайда осы емшаралардан аулақ болу керек. Памидекспен ем аясында жақсүйек остеонекрозы дамығанда стоматологиялық хирургиялық емдеу жағдайдың нашарлауына түрткі болуы мүмкін. Стоматологиялық емшаралар өткізу қажет болатын науқастарда бисфосфонаттармен емді тоқтатудың жақсүйек остеонекрозы қаупін төмендететіні туралы деректер жоқ. Жақсүйек остеонекрозы бар пациенттерді емдеу жоспары емдеуші дәрігермен және стоматологпен немесе жақсүйек остеонекрозы бар пациенттерді емдеу тәжірибесі бар хирург-стоматологпен тығыз өзара ынтымақтастықта жүргізілуі тиіс. Егер мүмкін болса, пациент жағдайы жақсарғанша және қауіп факторлары азайғанша памидронатпен емделуді уақытша тоқтату мәселесін қарастыру керек. Сыртқы есту жолының остеонекрозы Бисфосфонаттармен емдеу аясында, бірінші кезекте, ұзақ мерзімді ем жағдайында сыртқы есту жолының остеонекрозы жағдайлары туралы хабарланған. Осы жай-күй дамуының қауіп факторлары қатарлас химиялық ем, глюкокортикостероидтар қолдану және инфекция немесе жарақаттану сияқты жергілікті қауіп факторлары болып табылады. Созылмалы құлақ инфекцияларын қоса, құлақ тарапынан симптомдар дамыған жағдайда бисфосфонаттармен ем қабылдайтын пациенттерде сыртқы есту жолының болжамды остеонекрозын анықтау тұрғысынан тексеру өткізу қажет. Ортан жіліктің атипиялық сынулары Бисфосфонаттармен емдеу аясында, көбінесе ұзақ уақыт остеопороз емін қабылдаған пациенттерде ортан жіліктің атипиялық ұршық асты және диафизді сынуының жағдайлары хабарланды. Көлденең және қысқа қисық сынықтар кіші ұршық басынан айдаршық үсті томпағына дейін ортан жіліктің ұзына бойы шоғырлануы мүмкін. Атипиялық сынықтардың пайда болуы өздігінен немесе аздаған жарақаттар нәтижесінде жүреді. Кейбір пациенттер стрестік сынудың рентгенологиялық белгілерімен жиі қатар жүретін санның немесе шап аумағының ауыруын оның туындауына дейін бір апта немесе ай бұрын сезінді. Сынық көбіне екі жақты болатындықтан, бисфосфонаттармен ем қабылдайтын ортан жіліктің диафизді сынулары бар пациенттерде аяқ-қолдың қарсы қапталының сүйек тінінің жай-күйін бақылауға алу керек. Бұл сынықтардың нашар бітуі де хабарланған. Атипиялық сынық барынан күдіктенгенде және тексеру нәтижелері алынғанша әрбір нақты жағдайда емнен болуы мүмкін пайданың болжамды қауіпке қатынасын бағалау негізінде бисфосфонаттармен емді тоқтату мәселесін қарастыру керек. Пациенттерге Памидекспен емделу кезінде сандағы немесе шап аумағындағы кез келген ауыру туралы хабарлау қажеттілігі ескертілуі тиіс. Осындай симптомдар болғанда санның сүйек тіні бүтіндігінің бұзылу мүмкіндігін анықтауға тексеру өткізу қажет. Қаңқа-бұлшықет тіндері тарапынан болатын ауыру Бисфосфонаттармен ем алатын пациенттерде еңбекке жарамсыздыққа әкелетін сүйектер, буындар және/немесе бұлшықеттердің мезгіл-мезгіл ауыруларының туындағаны туралы хабарланған. Алайда осындай хабарламалар кездесуі жиі емес. Симптомдардың білінетін уақыты препаратты қолдану басталған соң бір күннен бірнеше айға дейін ауытқиды. Пациенттердің көпшілігінде емді тоқтатудан кейін симптомдар айқындылығының азаюы байқалды. Пациенттердің бір бөлігінде сол препаратты немесе басқа бисфосфонат қолдануды жаңғыртқан соң симптомдар қайталануы болды. Бала туу әлеуеті бар әйелдер Памидекс препаратымен емдеу кезінде бала туатын жастағы әйелдер контрацепцияның тиімділігі жоғары әдістерін қолдануы тиіс. Жүктілік Жүкті әйелдерде памидрон қышқылын қолдану жөнінде жеткілікті көлемде деректер жоқ. Жануарларға жасалған тәжірибелерде тератогенділіктің нақты дәлелдері анықталмаған. Памидекс препараты кальций алмасуға фармакологиялық әсер ететіндіктен шарана/жаңа туған нәрестеге қауіп төндіруі мүмкін. Памидрон қышқылын жануарларда қолданғанда буаздықтың бүкіл кезеңі бойына Памидекс препараты, әсіресе ұзын сүйектердің минералдану ақауларының дамуын туындатуы мүмкін, бұл олардың бұрыш жасап деформациялануына әкеледі. Адам үшін әлеуетті қаупі анықталмаған. Памидекс препаратын, өмірге қатерлі гиперкальциемия жағдайларын қоспағанда, жүкті әйелдерге тағайындауға болмайды. Балалар туғаннан кейінгі алғашқы бірнеше күн ішінде гипокальциемияға байланысты бақылауда болуы тиіс. Бала емізу Қолдану тәжірибесінің өте шектеулі болуына сәйкес, памидрон қышқылының ана сүтіндегі концентрациясы анықталу шегінен төмен. Оған қоса, ішу арқылы қолданғанда препараттың биожетімділігі төмен болуына байланысты, еметін сәбиге памидрон қышқылының толық сіңу ықтималдығы аз. Дегенмен, қолдану тәжірибесі аса шектеулі және Памидекс препаратының сүйектердің минералдануына елеулі ықпал ету қабілеті зор болуына байланысты, емделу кезеңінде бала емізу ұсынылмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Емделу кезінде зейін қою қабілетіне және психомоторлық реакциялар жылдамдығына ықпал ететін жағымсыз реакциялардың (бас айналу және/немесе ұйқышылдық сияқты) даму қаупіне байланысты көлік құралдарын басқару және механизмдерді пайдаланудан бас тартуға кеңес беріледі.

Нұсқаулықта көрсетілмеген.

Басқа бисфосфонаттармен, гиперкальциемияға қарсы препараттармен және кальцитонинмен бірге қолдану айқын клиникалық көріністері (парестезия, тетания, артериялық қысымның төмендеуі) бар гипокальциемияның дамуына әкелуі мүмкін. Айқын гиперкальциемиясы бар пациенттерде памидрон қышқылын кальцитонинмен бірге қолдану қан сарысуындағы кальций концентрациясының тез төмендеуіне әкеледі. Памидекс сүйекпен байланысатындықтан, ол теориялық тұрғыдан сүйек сцинтиграфиясына кедергі келтіруі мүмкін. Памидекс кеңінен пайдаланылатын ісікке қарсы препараттармен маңызды өзара әрекеттесусіз бір мезгілде тағайындалады. Памидрон қышқылын басқа әлеуетті нефроуытты препараттармен бірге қолданғанда сақ болу керек. Егер памидрон қышқылы талидомидпен үйлесімде енгізілсе көптеген миеломасы бар пациенттерде бүйрек жеткіліксіздігі қаупі жоғары болуы мүмкін. Антиангиогенді препараттармен Памидексті тағайындау кезінде сақ болу ұсынылады, өйткені осы препараттармен бір мезгілде емделген пациенттерде ЖОН пайда болу жиілігінің жоғарылауы байқалды.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 С-ден аспайтын температурада сақтау керек. Дайындалған инфузиялық ерітіндіні 2 0С – 8 0С температурада 24 сағаттан асырмай сақтау керек. Балалардың қолы жетпейтін жерде сақтау керек!