Панавир® раствор 0.04 мг/мл

5 мл ерітіндінің құрамында белсенді зат – *Панавир®, 200 мкг; қосымша заттар: натрий хлориді, инъекцияға арналған су. * Solanum tuberosum өсімдігі өскіндерінің тазартылған экстрактісі; негізгі әсер етуші заты – глюкозадан, рамнозадан, арабинозадан, маннозадан, ксилозадан, галактозадан, урон қышқылынан тұратын гексозалық гликозид. Сыртқы түрінің, иісінің, дәмінің сипаттамасы Мөлдір немесе сәл бозаңданған, түссіз немесе ақшыл-қоңыр реңді, иісі жоқ сұйықтық.

- әр түрлі жерлерге орныққан герпес вирустық инфекцияда (соның ішінде қайталанатын гениталий герпесінде, Зостер герпесінде немесе офтальмогерпесте) - инфекциялық аурулар аясындағы салдарлы иммун тапшылығы жағдайларында - цитомегаловирустық инфекцияда, соның ішінде, жүктіліктің соңына дейін жетпеуі дағдыға айналған пациенттер әйелдерде - жүктілікке дайындық кезеңінде созылмалы вирустық инфекциясы бар және интерферон тапшылығы жағдайындағы әйелдерде қолданылады - жүкті әйелдерде ІІ және ІІІ триместрінде өршу сатысындағы созылмалы цитомегаловирустық инфекцияның кешенді емінің құрамында - папилломавирустық инфекцияда (аногенитальді сүйелдерде) кешенді ем құрамында - кене энцефалитінде вирустық жүктемені төмендету және неврологиялық симптоматиканы (анизорефлексияны, рефлекстердің төмендеуін, бассүйек-ми жүйкелерінің шығу нүктелерінің аурушаңдығын, нистагмды) басу мақсатында кешенді ем құрамында - ревматоидтық артриті бар, иммунитеті түсіп кеткен пациенттердегі герпес вирустық инфекцияда (негізгі емнің ауыруды басатын және қабынуға қарсы әсерін күшейту үшін) кешенді ем құрамында - тұмауда, ЖРВИ-де кешенді ем құрамында - шығу тегі бактериялық созылмалы простатитте кешенді ем құрамында - гастродуоденальді аймақтың ойық жаралы ақауларын эпителизациялау үшін кешенді ем құрамында

Әсер ету механизмі Панавир - Solanum tuberosum өсімдігі өскіндернің тазартылған экстрактісі; негізгі әсер етуші заты – глюкозадан, рамнозадан, арабинозадан, маннозадан, ксилозадан, галактозадан, урон қышқылынан тұратын гексозалық гликозид. Панавир вирустарға қарсы және иммунитетті модуляциялайтын зат болып табылады. Вирустарға қарсы негізгі механизмі препараттың 1 және 2-ші типті қарапайым герпес вирусының шамадан тыс және ерте ақуыздарының синтезін басу қабілетімен байланысты. Организмнің түрлі инфекцияларға спецификалық емес резистенттілігін арттырады, альфа және -гамма интерферондардың қан лейкоциттерімен индукциялануына және вирустық инфекциялар кезінде иммунограмманың қалыпқа келуіне мүмкіндік береді.

Дозалау режимі Ересектер Препараттың бір реттік емдік дозасы күніне 1 рет енгізілетін 200 мкг әсер етуші затты (бір ампуланың ішіндегіні) құрайды. Герпесвирустық инфекцияны және кене энцефалитін емдеу үшін Панавир® препаратын 48 немесе 24 сағат аралықпен екі рет қолданады. Қажет болса, емдеу курсын 1 айдан кейін қайталауға болады. Ревматоидтық артриті бар, иммунитеті түсіп кеткен пациенттердегі герпесвирустық инфекцияда 24-48 сағат аралықпен венаішілік 5 инъекциясын қолданады, қажет болған жағдайда курсты 2 айдан кейін қайталау керек. Инфекциялық аурулар аясындағы салдарлы иммун тапшылығы жағдайын емдеу үшін Панавир® препараты 48 сағат аралықпен үш рет, содан кейін 72 сағат аралықпен екі рет қолданылады. Цитомегаловирустық және папилломавирустық инфекцияларды емдеу үшін Панавир® препаратын алғашқы апта ішінде 48 сағат аралықпен үш рет және екінші апта ішінде 72 аралықпен екі рет қолданады. Жүкті әйелдерде І және ІІІ триместрде өршу сатысындағы созылмалы цитомегаловирустіқ инфекцияны емдеу үшін алғашқы апта ішінде 48 сағат аралықпен үш рет және екінші апта ішінде 72 аралықпен екі рет қолданады. Гастродуоденальді аймақтың ойық жаралы ақауларын эпителизациялау үшін 10 күн бойы күнара венаішілік 5 инъекциясын қолданады. ЖРВИ-ді және тұмауды емдеу үшін 18-24 сағат аралықпен венаішілік 2 инъекциясын қолданады. Созылмалы бактериялық простатиті бар науқастарды емдеу үшін 48 сағат аралықпен венаішілік 5 инъекциясын қолданады. Енгізу әдісі және жолы Вена ішіне енгізуге арналған. Панавир® препаратын вена ішіне сорғалатын баяу енгізу керек. Дәрілік препараттың бір немесе бірнеше дозасын өткізіп алған жағдайда қажетті шаралар Препаратың дозасын өткізіп алған жағдайда емдеуші дәрігермен кеңесу керек. Келесі қабылдауда қосарлы дозасын енгізуге немесе препараттың емдеу курсын өздігінен арттыруға немесе қысқартуға болмайды. Дәрілік препаратты қолдану тәсілін түсіну үшін медицина қызметкерінің кеңесіне жүгіну жөніндегі нұсқаулар Осы дәрілік препаратты қолдану жөнінде қосымша сұрақтар туындаған жағдайда дәрігерге немесе фармацевтке жүгіну керек.

- әсер етуші затына немесе қосымша заттарының кез келгеніне аса жоғары сезімталдық - жүктіліктің I триместрі және лактация кезеңі (өршу сатысындағы созылмалы цитомегаловирустық инфекцияда) - жүктілік және лактация кезеңі (қалған көрсетілімдер бойынша) - 18 жасқа дейінгі балалар мен жасөспірімдерге.

Препараттың жағымдылығы жақсы, ықтимал асқынулар жекелей жақпаушылықпен және препараттың құрамындағыларға жоғары сезімталдықпен байланысты болуы мүмкін. Сирек (≥1/10 000 және <1/1 000) - аллергиялық реакциялар (бөртпе, есекжем, қышыну) Өте сирек (<1/10 000) - артериялық қысымның қысқа мерзімді төмендеуі - аздап бас айналуы Қандай-да бір жағымсыз әсерлер пайда болған жағдайда препаратты енгізуді тоқтату және дәрігермен кеңесу қажет. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары тіркелген жоқ. Клиникаға дейінгі зерттеу нәтижелері препарат уыттылығының төмен екендігін көрсетіп отыр.

Арнайы ескертулер Қандай-да бір жағымсыз әсерлер пайда болған кезде препарат енгізуді тоқтату және дәрігерден кеңес алу қажет. Ерітінді бұлыңғырланған жағдайда, препарат қолдануға жарамсыз деп саналады. Созылмалы вирустық инфекциясы бар және интерферон тапшылығы жағдайындағы әйелдерде жүктілікке дайындық кезеңінде қолданылады. Жүктілікке дайындық кезеңінде қолданғанда цитомегаловирустық және герпесвирустық инфекцияларда репродукциялық жоғалтулар жиілігін азайтуға ықпал етеді. Панавир® препаратын пациенттерге препараттың құрамындағы компоненттерге: глюкозаға, маннозаға, рамнозаға, арабинозаға, ксилозға аллергиясы бар болған жағдайда қолданбау керек Педиатрияда қолданылуы 18 жасқа дейінгі балалар мен жасөспірімдерде препараттың қауіпсіздігі мен тиімділігі анықталған жоқ. Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері Көлік құралдарын басқару және айрықша зейін қою мен психомоторлық реакциялардың жылдамдығын қажет ететін қауіптілігі зор қызмет түрлерін жүзеге асыру қабілетіне препараттың теріс ықпал ету ықтималдылығы туралы деректер жоқ

II және III триместрде өршу сатысындағы созылмалы цитомегаловирустық инфекция көрсетілімі бойынша кешенді ем құрамында қолдануға болады. Қалған жағдайларда, егер ана үшін болжамды пайдасы шарана үшін ықтимал қаупінен басым болса ғана қолдануға болады. Лактация кезеңінде препаратты қолдану қажет болған жағдайда, препаратты қабылдап жүрген кезде емшек емізуді тоқтату керек.

Анықталған жоқ.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 2°С-ден 25°С-ге дейінгі температурада сақтау керек. Балалардың қолы жетпейтін жерде сақтау керек!