Панавир® гель 0.002 %

100 г гельдің құрамында белсенді зат: Панавир® (Solanum tuberosum өркендерінің полисахаридтері) - 0,002 г; қосымша заттар: глицерол, макрогол 4000, макрогол 400, этанол 95 %, натрий гидроксиді, лантан нитраты гексагидраты, тазартылған су. Сыртқы түрінің, иісінің, дәмінің сипаттамасы Өзіне тән әлсіз спецификалық иісі бар ақ түсті біртекті масса.

- I және II типтегі Herpes simplex қарапайым герпестің вирустары (соның ішінде генитальді герпес) туындатқан терінің және/немесе шырышты қабықтардың инфекциялық-қабыну ауруларында - өткір ұшты кондиломаның лазерлік деструкциясымен біріктірілімде гениталий және перианальді аймақ терісін және/немесе шырышты қабықтарының папилломавирустық инфекциясында

Дерматологияда қолдануға арналған антибиотиктер және химиотерапиялық препараттар. Жергілікті қолдануға арналған химиотерапиялық препараттар. Вирусқа қарсы препараттар. АТХ коды D06BB. Әсер ету механизмі Панавир - Solanum tuberosum өсімдігі өркендерінің тазартылған экстрактісі; негізгі әсер етуші заты - глюкозадан, рамнозадан, арабинозадан, маннозадан, ксилозадан, галактозадан, урон қышқылдарынан тұратын гексоздық гликозид. Панавир препараты вирусостатикалық әсер етеді. I және II типтегі Herpes simplex вирустарына қатысты белсенді. Тері және/немесе шырышты қабықтардың зақымданған жасушаларындағы вирустық ДНК-ның синтезін бөгей отырып, вирустардың өсуін және полимеразды реакцияларды бәсеңдетеді.

Дозалау режимі Гельді тері және/немесе шырышты қабықтың зақымданған жерлеріне жұқа қабатпен жағады I және II типтегі Herpes simplex қарапайым герпестің вирустары (соның ішінде генитальді герпес) туындатқан терінің және/немесе шырышты қабықтардың инфекциялық-қабыну ауруларын емдеу үшін – тәулігіне 5 рет 4-5 күн ішінде. Емдеу курсы 10 күнге дейін ұзартылуы мүмкін. Папиллома вирустық инфекцияны емдеу үшін – тәулігіне 2 рет кондиломаның лазерлік деструкциясына дейін 5 күн және кейін 10 күн. Енгізу әдісі және жолы Сыртқа және жергілікті. Дәрілік препараттың бір немесе бірнеше дозасын өткізіп алған жағдайда қажетті шаралар Препаратың дозасын өткізіп алған жағдайда емдеуші дәрігермен кеңесу керек. Дәрілік препаратты қолдану тәсілін түсіну үшін медицина қызметкерінің кеңесіне жүгіну жөніндегі нұсқаулар Осы дәрілік препаратты қолдану жөнінде қосымша сұрақтар туындаған жағдайда дәрігерге немесе фармацевтке жүгіну керек.

- жеке көтере алмаушылық және препараттың компоненттеріне жоғары сезімталдық - 18 жасқа дейінгі балаларға

Гельді жаққан жердің терісінің және/немесе шырышты қабықтарының жылдам қайтатын қызаруы мен қышуы пайда болуы мүмкін Егер Сіз нұсқаулықта көрсетілмеген кез келген басқа жағымсыз әсерлерді байқасаңыз, дәрігерге хабарлаңыз. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары тіркелген жоқ. Клиникаға дейінгі зерттеу нәтижелері препарат уыттылығының төмен екендігін көрсетіп отыр.

Арнайы ескертулер Емдеуді мүмкіндігінше аурудың ерте сатысында, белгілері (қышу, шаншу, қызару, ширығу сезімі) алғаш білінген сәтте бастаған дұрыс, бұл жағдайда аурудың күлбіреуікті сатысының дамуын толықтай болдырмауға болады. Панавир® препаратын офтальмологияда қолдануға болмайды. Гельді бетке жаққанда оның көзге түсуін болғызбау керек.

Жүктілік кезінде қолдану шарана үшін әлеуетті қауіптен ана үшін күтілетін пайда артық болған жағдайда тағайындайды. Препаратты лактация кезеңінде қолдану қажеттілігі болғанда емшек емізуді препаратты қабылдау уақытына тоқтатқан жөн. Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Анықталған жоқ.

Сақтау мерзімі 3 жыл. Қаптамасында көрсетілген жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 2оС-ден 25оС-ге дейін температурада сақтау керек. Балалардың қолы жетпейтін жерде сақтау керек!