ПАНАШ® крем 0.25 %

Бір грамм кремнің құрамында белсенді зат – тиоколхикозид 2.5 мг, қосымша заттар: карбомер (карбопол 940), динатрий эдетаты, жеңіл сұйық парафин, изопропил спирті, пропиленгликоль, глицерин (глицерол), натрий гидроксиді пеллеттер, изопропилмиристат (Kollicream IPM), полиоксил 40 (гидрогенделген майсана майы (Cremophor RH40)), тазартылған су. Сыртқы түрінің, иісінің, дәмінің сипаттамасы Бозғылт сарыдан сары түске дейінгі тұтқыр крем.

- ауырсындыратын бұлшықет спазмдарын симптоматикалық емдеу

Әсер ету механизмі In-vitro тиоколхикозид ГАМКА және стрихнинге сезімтал глицин рецепторларымен байланысады. ГАМКА-рецептордың антагонисті ретінде әрекет ететін тиоколхикозид супражұлындық деңгейдегі реттеуші кешенді механизмдердің көмегімен өзінің тиімді миорелаксациялаушы әсерін көрсете алады, алайда оның әсер етуінің глицинергиялық механизмдерін жоққа шығаруға болмайды. Тиоколхикозидтің ГАМКА-рецепторларымен өзара әрекеттесу сипаттамалары сапалы және сандық түрде қанағымындағы негізгі метаболит болып табылатын глюкуронидтің туындысымен бірдей. Фармакодинамикалық әсерлер Тиоколхикозид - табиғи псевдоалкалоид колхицин мен күкірттің жартылай синтетикалық заты, бұлшықетті босаңсытатын фармакологиялық белсенділігі бар колхикозид туындысы. Тиоколхикозид бұлшықетті босаңсытатын әсерге ие (бұлшықет релаксанты), шығу тегі орталықтық бұлшықет спазмдарын азайтады немесе жояды. Бұлшықет босаңсытатын әсері висцеральды бұлшықеттерде де байқалады. Кураре тәрізді әсері жоқ. Әсер ету механизміне сәйкес ол орталық әсер ететін миорелаксанттарға жатады, паралич тудырмайды және бұлшықеттің соңғы қозғалтқыш пластинкасының әсер ету потенциалының амплитудасының төмендеуіне әкелмейді. Тиоколхикозидтің орталық миорелаксациялық әсерінің GABA агонисті және глицинергиялық рецепторлар ретіндегі селективтілігі анықталды. Тиоколхикозидтің глициномиметикалық қасиеттері жүйке жүйесінің әртүрлі деңгейлеріндегі әрекетті анықтайды, бұл ревматизм немесе жарақат кезінде туындайтын рефлекторлық спазмдарда да, церебральды этиологиялы бұлшықет спазмында да маңызды. Препарат жүрек-қантамыр және тыныс алу жүйесіне әсер етпейді.

Дозалау режимі Ересектер мен 18 жастағы жасөспірімдерде ПАНАШ® кремі емдеуші дәрігердің бақылауымен күніне 2-3 рет қолданылады. Кремнің жолағын теріге жағады және аздап ысқылайды Қолданылатын препараттың мөлшері ауырсындыратын аймақтың көлеміне байланысты. Препаратты жаққаннан кейін қолды жуу керек. Емдеу ұзақтығы көрсетімдер мен емнің тиімділігіне байланысты Пациенттердің ерекше топтары Балалар ПАНАШ® кремін 15 жасқа дейінгі балалар мен жасөспірімдерге қолдану ұсынылмайды. Егде жастағы пациенттер Егде жастағы пациенттерде препаратты қолданудың қауіпсіздігі мен тиімділігі туралы деректердің жеткілікті саны жоқ. Бүйрек/бауыр жеткіліксіздігі бар пациенттер Бүйрек/бауыр жеткіліксіздігі бар пациенттерде препаратты қолданудың қауіпсіздігі мен тиімділігі туралы деректердің жеткілікті саны жоқ. Енгізу әдісі мен жолы ПАНАШ® кремі сыртқа қолданылады.

- әсер етуші затқа немесе қосымша заттарының кез келгеніне аса жоғары сезімталдық - тері жамылғыларының бүтіндігінің бұзылуы - бұлшықет гипотониясы - жеңіл паралич - антикоагулянттармен емдеу және қан құйылуға бейімділік - жүктілік және лактация кезеңі - балалар мен 18 жасқа дейінгі жасөспірімдер

Сирек - жанаспалы дерматит, бөртпе, есекжем, бронх демікпесі, ангионевроздық ісіну - бас айналу, ұйқышылдық - жүрек айну, құсу, іштің ауыруы, іш өту Өте сирек - анафилаксиялық шок, терінің аллергиялық реакциялары Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі мүмкін. Емі: симптоматикалық және демеуші ем.

Аса жоғары сезімталдық реакциялары дамыған жағдайда препаратпен емдеуді тоқтату керек. ПАНАШ® кремін ашық жараларға тигізбей, тек зақымдалмаған теріге ғана жағу керек. Жаққаннан кейін окклюзиялық таңғышты қолдануға болмайды. Препараттың көзге және шырышты қабықтарға түсуіне жол бермеу керек. Тиоколхикозид эпилепсиясы бар пациенттерде немесе эпилепсиялық ұстамалар қаупі бар пациенттерде құрысуды тудыруы мүмкін. Пациенттер жүктілік басталған жағдайда ықтимал қауіп туралы және контрацепцияның тиімді әдістерін пайдалану қажеттілігі туралы хабардар етілуі керек. Дәрігерлер мен пациенттердің қауіпсіздігі туралы жаңа ақпаратты уақтылы алу үшін кез келген жағымсыз реакциялар туралы хабарлауды сұрайды. Арнайы сақтандырулар Қосымша заттар ПАНАШ® кремінің құрамында препараттың әр грамында 50 мг пропиленгликоль бар, бұл 50 мг/г-ға баламалы. Пропиленгликоль теріні тітіркендіруі мүмкін. ПАНАШ® құрамында пропиленгликоль бар болғандықтан, оны ашық жараларға немесе жарақаттанған немесе зақымдалған терінің үлкен бөліктеріне (мысалы, күйік) емдеуші дәрігермен немесе фармацевтпен кеңеспей пайдаланбаңыз. Препарат құрамында көмекші зат ретінде кастор майы бар, бұл терінің реакциясын тудыруы мүмкін. Педиатрияда қолдану Дәрілік зат балалар мен 18 жасқа дейінгі жасөспірімдерге қолданылмауы тиіс. Жүктілік кезінде қолдану Жүкті әйелдерде тиоколхикозидті қолдану туралы деректер шектеулі. Препаратты жүктілік кезінде және контрацепцияны қолданбайтын бала туатын жастағы әйелдерге қолдануға болмайды. Лактация кезінде қолдану Тиоколхикозидтің емшек сүтіне енуіне байланысты оны бала емізу кезеңінде қолдануға болмайды. Фертильділік Тиоколхикозид және оның әртүрлі концентрациядағы метаболиттері анеуплоидияны тудыруға қабілетті, бұл адамның фертильділігін төмендетудің қауіп факторы болуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емдеу кезеңінде автокөлікті басқару және назардың жоғары шоғырлануын және психомоторлық реакциялардың жылдамдығын талап ететін басқа да ықтимал қауіпті қызмет түрлерін орындау кезінде сақ болу қажет.

Нұсқаулықта көрсетілмеген.

Дәрілік өзара әрекеттесу туралы деректер жоқ. Алайда, басқа миорелаксанттармен бір мезгілде қолданған кезде сақ болу керек. Орталық жүйке жүйесін тежейтін препараттармен, оның ішінде алкогольмен, антигипертензивті препараттармен, кураре тәрізді препараттармен бір мезгілде қолданғанда миорелаксацияның күшеюі және ОЖЖ бәсеңдеуі, гипотонияның дамуы мүмкін. Антикоагулянттармен бір мезгілде қолданған кезде қан кету қаупі артады.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25ºС-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды!