Панзинорм® форте 20000 таблетки

Бір таблетканың құрамында белсенді зат – липазаның 20000 ӘБ* амилазаның 12000 ӘБ* протеазаның 900 ӘБ* белсенділіктеріне ие 269,12 мг - 279,44 мг панкреатин бар қосымша заттар: лактоза моногидраты, микрокристалды целлюлоза, кросповидон, сусыз коллоидты кремнийдің қостотығы, магний стеараты, үлбірлі қабық: гипромеллоза, метакрил қышқылы – этилакрилат сополимері, триэтилцитрат, титанның қостотығы (Е171), тальк, симетикон – эмульсия, Ванилин 501345 С хош иістендіргіші, Бергамот 501356 Т хош иістендіргіші, макрогол 6000, натрий кармеллозасы, полисорбат 80 *ӘБ ЕФ бойынша берілген Сыртқы түрінің, иісінің, дәмінің сипаттамасы Дөңгелек пішінді, екі беті дөңес, ақтан ақшыл-сұр түске дейінгі үлбірлі қабықпен қапталған, хош иісі бар таблеткалар. Көлденең кесіндісінде екі қабат көрініп тұрады.

• ұйқы безінің экзокриндік созылмалы жеткіліксіздігі

Панзинорм форте таблеткалары ұйқы безі ферменттерінің жеткіліксіздігін толықтырады, катаболизмдік метаболизмді жеделдетеді және бұзылған ас қорытудың клиникалық көрінісін жақсартады. Белсенді ферменттер жіңішке ішекте босап шығады, сонда өзінің әсерін көрсетеді. Липазаның жоғары белсенділігінде ұйқы безінің ас қорыту ферменттерінің жеткіліксіздігінен туындаған бұзылған ас қорытуды емдеуде шешуші мән бар. Липаза майларды май қышқылына және глицеринге гидролиздейді, осылайша олардың сіңірілуін, сондай-ақ майда еритін дәрумендерінің сіңірілуін қамтамасыз етеді. Амилаза көмірсуларды декстринге және қанттарға гидролиздейді, ал протеаза ақуыздардың ыдырауын қамтамасыз етеді. Панзинорм форте барлық тағам түрлерінің сіңірілуін арттырады және пациенттің ас қорытуын жақсартады. Ол стеатореяны, сондай-ақ ас қорытудың бұзылуы салдарынан болатын симптомдарды болдырмайды немесе төмендетеді. Ұйқы безі ферменттерін қамтитын препараттар созылмалы панкреатиті бар пациенттерде ауыру сезімдерінің төмендеуіне ықпал етеді. Бұл әсер ұйқы безі ферменттерінің секрециясын басатын протеазалармен түсіндіріледі. Бұл әсердің механизмі осы уақытқа дейін анықталмаған. Панзинорм форте 20000 құрамында үлбірлі қабықпен қапталған таблеткалар түріндегі шошқа текті панкреатин бар. Қабығы ұйқы безінің белсенді ферменттерін ауыз қуысы шырышты қабығының бұзылуынан қорғайды және ферменттерді асқазан сөлінен қорғайды.

Дозалау режимі Ересектер (егде жастағыларды қоса) және балалар Басында – әр тамақтануда бір немесе екі таблетка. Дозаны, қажет болған жағдайда жауап реакциясы мен симптоматиканы мұқият бақылаумен біртіндеп арттыру керек. Дозаны жеке таңдау қажет. Таблетканы тұтастай шайнамай жұтқан жөн. Панзинорм®форте 20000 қолданудың барлық кезеңінде пациенттердің жеткілікті гидратациясын қамтамасыз ету маңызды. Фиброзды колонопатия тәулігіне 10000 бірліктен астам липаза/кг қабылдайтын муковисцидозы бар пациенттерде тіркелген («Арнайы ескертулер» бөлімін қараңыз). Дәрілік препараттың бір немесе бірнеше дозасын жіберіп алғанда қажетті шаралар Егер сіз тамақпен бірге дозаны қабылдауды ұмытып кетсеңіз, келесі тамақтануды күтіп, әдеттегі кестеге сай препаратты қабылдауды жалғастырыңыз. Өткізіп алғанның орнын толтыру үшін препарат дозасын екі еселеп қабылдауға болмайды.

• белсенді заттарға, шошқа текті ақуыздарға немесе қосымша заттардың кез келгеніне аса жоғары сезімталдық • жедел панкреатит немесе созылмалы панкреатиттің жедел басталуы • кистоздық фиброзы бар 15 жасқа дейінгі балалар • сирек тұқым қуалайтын галактоза жақпаушылығы, Лапп лактаза тапшылығы немесе глюкоза-галактаза сіңірілуінің бұзылуы проблемалары бар пациенттер

Сирек (≥ 1/10000 <1/1000 дейін) • диарея, құсу, жүрек айнуы, іш аумағының ауыруы, іш қату, ауыз қуысының немесе анустың маңында терінің тітіркенуі орын алуы мүмкін, әсіресе жоғарғы дозаларды қолданғаннан кейін • гиперурикемия, гиперурикозурия, фолий қышқылының тапшылығы Өте сирек (<1/10000) • илеоцекальді бұрыштың және жуан ішектің тарылуы (фиброздаушы колонопатия). • аса жоғары сезімталдық реакциялары (әсіресе тері бөртпесі және қышыну; сондай-ақ тыныс алу жолдарының обструкциясы, анафилаксиялық реакциялар болуы мүмкін). Күрделі жағымсыз әсерлер туындағанда емді тоқтату қажет. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: емдік дозадан едәуір асып кететін Панзинорм® форте 20000 дозалары гиперурикозурия және гиперурикемия, жүрек айнуын, құсу, диарея, анус маңындағы терінің тітіркенуін және өте сирек - негізінен муковисцидозы бар пациенттерде фиброздаушы колонопатияны туындатуы мүмкін. Емі: препаратты тоқтату, сұйықты жеткілікті қабылдау, демеуші шаралар.

Арнайы ескертулер Илеоцекалды бұрыштың және тоқ ішектің стриктурасы (фиброзданған колонопатия) панкреатиннің жоғары дозаларын қабылдайтын муковисцидозы бар пациенттерде сипатталған. Сақтық шаралары ретінде барлық ерекше симптомдарды немесе асқазан-ішек жолы тарапынан өзгерістерді тоқ ішектің зақымдануын жоққа шығару мақсатында мұқият медициналық тексеріс жасау ұсынылады. Әсіресе, егер пациент тәулігіне дене салмағының кг /липазаның 10000 бірлігінен астам қабылдайтын болса. Қосымша заттар туралы ерекше ақпарат Панзинорм® форте 20000 құрамында лактоза бар. Егер емдеуші дәрігер сізге қанттың белгілі бір түріне жақпаушылықтың бар екені туралы айтқан болса, бұл препаратты қолданар алдында дәрігеріңізден кеңес алыңыз. Бұл препараттың бір таблеткасының құрамында 1 ммоль аз натрий (23 мг) бар, яғни, құрамында натрий жоқ дерлік. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Панзинорм® форте 20000 автомобильді жүргізу және машиналар мен механизмдерді басқару қабілетіне әсер етпейді.

Жүктілік кезеңінде панкреатиндік ферменттерді қолдану жөнінде клиникалық деректер жоқ. Жүкті әйелдерге сақтықпен қолданған жөн. Ұйқы безінің ферменттерін бала емізу кезінде қолдануға болады. Қажет болған жағдайда, жүктілік немесе бала емізу кезеңінде Панзинорм® форте 20000 адекватты тамақтануды қамтамасыз етуге жеткілікті дозада қолданған жөн.

Ұйқы безі ферменттері фолий қышқылының сіңірілуін бәсеңдетеді. Басқа препараттарды осындай әсермен (мысалы, бикарбонат және циметидин) бірге қолданған жағдайда және ұйқы безі ферменттерінің жоғарғы дозаларымен ұзақ емдегенде қан сарысуындағы фолаттар концентрациясын мезгіл-мезгіл бақылау және/немесе фолий қышқылының жеткіліксіздігін толықтыру ұсынылады. Ұйқы безінің ферменттері темірдің сіңірілуін азайтуы мүмкін, алайда мұндай әрекеттесудің клиникалық мәні анықталмаған. Ұйқы безінің ферменттері акарбоза мен миглитол тиімділігін төмендетуі мүмкін. Панзинорм® форте таблеткаларының қышқылға тұрақты қабығы он екі елі ішекте бұзылады. Егер он екі елі ішектің ішіндегісі жоғарыласа ферменттер уақытында босап шықпайды. H2 рецептор антагонистерін немесе протондық помпа тежегіштерін қолданғанда жететін асқазан сөлі секрециясының төмендеуі кейбір пациенттерде қабылданған ұйқы безі ферменттерінің тиімділігін жақсартады және Панзинорм® фортенің төменірек дозаларын қолдануға мүмкіндік береді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 С-ден аспайтын температурада, ылғалдан қорғалған жерде сақтау керек. Балалардың қолы жетпейтін жерде сақтау керек.