Панимун Биорал капсулы 25 мг

Бір капсуланың құрамында: белсенді зат – циклоспорин, сәйкесінше 25.00 мг, 50.00 мг және 100.00 мг; қосымша заттар: еріткіштің құрамы: пропиленгликоль, полиоксил 40 гидрогенделген майсана майы, пропиленгликоль монолаураты II, желатинді капсуланың құрамы: желатин, молекулалық салмағы төмен желатин (BYCO A), натрий мальтитолы, глицерин, тазартылған су, темірдің қызыл тотығы (E 172), темірдің қара тотығы (E 172) (50 мг дозасы үшін), соя майы, опакод WB (ақ): SDA 35A спирті (этанол) және этилацетат, титанның қостотығы (E 171), пропиленгликоль (Е 1520), поливинилацетат фталаты, тазартылған су, изопропил спирті, макрогол/ПЭГ (Е 1521), аммоний гидроксиді ерітіндісі (Е 527), стеарин қышқылы. Сыртқы түрінің, иісінің, дәмінің сипаттамасы Сопақша пішінді, қызыл-қоңыр түсті, ақ сиямен «РВ 25» деп жазылған жұмсақ желатинді капсулалар. Капсулалардың ішіндегісі - мөлдір сұйықтық (25 мг доза үшін). Сопақша пішінді, кофе-қоңыр түсті, ақ сиямен «РВ 50» деп жазылған жұмсақ желатинді капсулалар. Капсулалардың ішіндегісі - мөлдір сұйықтық (50 мг доза үшін). Сопақша пішінді, қызыл-қоңыр түсті, ақ сиямен «РВ 100» деп жазылған жұмсақ желатинді капсулалар. Капсулалардың ішіндегісі - мөлдір сұйықтық (100 мг доза үшін).

Трансплантациялық көрсетілімдер Тығыз ағзаларды трансплантациялау Тығыз ағзаларды трансплантациялағаннан кейін трансплантаттың қабылданбай ажырауының алдын алу. Бұрын басқа иммуносупрессиялық препараттарды қабылдаған науқастарда трансплантаттың жасушалық қабылданбай ажырауын емдеу. Сүйек кемігін трансплантациялау Аллогенді сүйек кемігі мен дің жасушаларын трансплантациялаудан кейін трансплантаттың қабылданбай ажырауының алдын алу. «Қожайынға қарсы трансплантат» ауруының алдын алу және емдеу. Трансплантациялық емес көрсетілімдер Эндогендік увеит Көру қабілетіне қаупі бар, этиологиясы инфекциялық емес ортаңғы немесе артқы увеитті емдеу, егер дәстүрлі емдеу әсер етпесе немесе ауыр жанама әсерлер дамыған кезде. Неврологиялық аурулардың белгілері жоқ пациенттерде торқабықтың қабынуының қайталанған ұстамаларымен Бехчет увеитін емдеу. Нефроздық синдром Өте аз өзгерістер нефропатиясы, ошақты және сегменттік гломерулосклероз, жарғақшалық гломерулонефрит сияқты бастапқы гломерулярлық аурулармен байланысты туындаған стероидқа тәуелді және стероидқа төзімді нефроздық синдром. Панимун Биорал препаратын ремиссияны индукциялау және қолдау үшін қолдануға болады. Сондай-ақ, оларды тоқтатуға мүмкіндік беретін стероидтардан туындаған ремиссияны қолдау үшін қолдануға болады. Ревматоидты артрит Белсенді ревматоидты артриттің ауыр түрлері. Псориаз Псориаздың ауыр түрлері, дәстүрлі терапия тиімсіз немесе мүмкін болмаған кезде. Атопиялық дерматит Панимун Биорал препараты атопиялық дерматиттің ауыр түрлерімен ауыратын пациенттерге арналған, жүйелі терапия қажет болған кезде.

Әсер ету механизмі Циклоспорин (сондай-ақ, циклоспорин А ретінде де белгілі) - 11 амин қышқылынан тұратын циклдік полипептид. Циклоспорин жануарларға жүргізілген зерттеулерде терінің, жүректің, бүйректің, ұйқы безінің, сүйек кемігінің, жіңішке ішектің, өкпенің аллогендік трансплантаттарының өмір сүру уақытын ұзартатын күшті әсер ететін иммуносупрессиялық препарат болып табылады. Зерттеу нәтижелері бойынша циклоспорин аллогрансплантатқа иммундық реакцияларды, кешіктірілген типтегі аса жоғары сезімталдық реакцияларын, аллергиялық энцефаломиелитті, Фройнд адъювантына байланысты артритті, «қожайынға қарсы трансплантат» реакцияларын (ҚҚТР) және Т-лимфоциттерге тәуелді антиденелердің түзілуін қоса, жасушамен байланысты реакциялардың дамуын тежейді деген болжам бар. Жасушалық деңгейде ол лимфокиндердің, соның ішінде интерлейкин 2 (Т-лимфоциттердің өсу факторы) түзілуін және босап шығуын тежейді. Циклоспорин жасушалық циклдің G0 немесе G1 фазасында тыныштық жағдайында лимфоциттерді бөгейді және Т-лимфоциттермен белсендірілген лимфокиндердің антигенге тәуелді босап шығуын тежейді. Барлық қолжетімді мәліметтерге сүйене отырып, циклоспорин лимфоциттерге спецификалы және қайтымды әсер етеді деген қорытынды жасауға болады. Цитостатиктерден айырмашылығы, циклоспорин қан өндіру процесін тежемейді және фагоцитарлық жасушалардың функциясына әсер етпейді. Циклоспорин адамда тығыз ағзалар мен сүйек кемігін трансплантациялау кезінде, қабылданбай ажыраудың және «қожайынға қарсы трансплантат» реакциясының алдын алу және емдеу кезінде сәтті орындалды. Циклоспорин С гепатиті вирусына (СГВ) оң және теріс көрсеткіштері бар пациенттерге бауыр трансплантациясы кезінде сәтті қолданылады. Циклоспорин терапиясының пайдалы әсері белгілі немесе шығуы күмәнді аутоиммундық әртүрлі жағдайларда да көрсетілген. Балалар мен жасөспірімдер Циклоспорин стероидқа тәуелді нефроз синдромында тиімді.

Дозалау режимі Пероральді қабылдауға арналған дозалау диапазоны тек ұсыным ретінде ұсынылған. Панимун Биорал препаратының тәуліктік дозасын әрқашан екі бірдей қабылдауға бөледі. Панимун Биорал препаратын тәулік уақыты мен тамақтану уақытын ескере отырып, келісілген кесте бойынша қабылдау ұсынылады. Панимун Биорал препаратын иммуносупрессиялық терапия және (немесе) ағзаларды трансплантациялау саласында тәжірибесі бар дәрігер ғана, не осындай дәрігермен бірлесе отырып тағайындауы тиіс. Трансплантация Тығыз ағзаларды трансплантациялау Панимун Биорал препараты операцияға дейін 12 сағат бұрын дене салмағына шаққанда 10–15 мг/кг дозада, екі қабылдауға бөлініп тағайындалады. Операциядан кейін 1-2 апта ішінде препарат күн сайын сол дозада тағайындалады. Содан кейін қандағы заттардың концентрациясын және жергілікті иммуносупрессиялық терапиясы хаттамаларын ескере отырып, дозаны тәулігіне дене салмағына шаққанда 2–6 мг/кг демеуші дозаға (екі қабылдауға бөлінген) жеткенге дейін біртіндеп азайтады. Панимун Биорал препаратын басқа иммуносупрессанттармен (мысалы, біріктірілген үш компонентті немесе төрт компонентті терапия құрамында кортикостероидтармен) бірлесіп қолданған кезде препаратты аз мөлшерде қолдануға болады (мысалы, бастапқы ем кезеңінде тәулігіне дене салмағына 3–6 мг/кг дозада, екі қабылдауға бөлінген). Сүйек кемігін трансплантациялау Бастапқы дозаны трансплантациядан бір күн бұрын енгізу керек. Көп жағдайда инфузия үшін ерітіндіні дайындауға арналған таңдаулы препарат Циклоспорин концентраты болып табылады. Вена ішіне енгізу кезінде ұсынылатын доза тәулігіне 3–5 мг/кг құрайды. Инфузияны қолдануды трансплантациядан кейінгі жақын кезеңде дозаның осы деңгейін сақтай отырып, 2 аптаға дейін — 2 қабылдауға бөлінген шамамен 12,5 мг/кг тәуліктік дозада Панимун Биорал препаратымен пероральді терапияға ауысқанға дейін жалғастыру керек. Демеуші терапияны кем дегенде 3 ай (дұрысы 6 ай) жүргізу керек, содан кейін трансплантациядан соң 1 жыл ішінде дозаны препаратты толығымен тоқтатқанға дейін біртіндеп азайтады. Егер Панимун Биорал препараты терапияның бастапқы кезеңіне тағайындалса, онда ұсынылатын тәуліктік доза трансплантация алдындағы күннен бастап 12,5–15 мг/кг (2 қабылдауда) құрайды. Егер сіңірудің төмендеуіне әкелетін асқазан-ішек жолдарының аурулары болса, Панимун Биорал препаратының жоғары дозалары немесе циклоспорин препаратының вена ішіне инфузиясын қолдану қажет болуы мүмкін. Кейбір пациенттерде циклоспоринді қабылдауды тоқтатқаннан кейін «қожайынға қарсы трансплантат» ауруы пайда болуы мүмкін, ол көп жағдайда терапияны қайта бастағаннан кейін өтеді. Мұндай жағдайларда бастапқы дозаны 10-12,5 мг/кг пероральді, содан кейін бұрын қанағаттанарлық деп танылған күнделікті демеуші дозаны тағайындау керек. Бұл жағдайды оның айқындылығы әлсіз формадағы созылмалы ағымы кезінде емдеу үшін Панимун Биорал препаратын төмен дозаларда қолдану керек. Трансплантациялық емес көрсетілімдер Панимун Биорал препаратын кез келген белгіленген трансплантациялық емес көрсетілімдер кезінде қолданған кезде келесі жалпы ережелерді сақтау қажет. Емдеуді бастамас бұрын бүйрек функциясының параметрлерінің бастапқы сенімді деңгейі кем дегенде екі өлшемде белгіленеді. Ересектерде бүйрек функциясын бағалау үшін MDRD формуласы бойынша есептелген шумақтық сүзілу жылдамдығы (еШСЖ) қолданылуы мүмкін, ал балалар популяциясындағы еШСЖ-ны бағалау үшін тиісті формуланы қолдану керек. Панимун Биорал препараты бүйрек функциясының бұзылуына әкелуі мүмкін болғандықтан, оны жиі бағалау қажет. Егер еШСЖ төмендеуі бірнеше өлшемде бастапқы мәннің 25% -ынан асса, Панимун Биорал препаратының дозасын 25-50% - ға төмендету керек. Егер еШСЖ төмендеуі бастапқы мәннің 35% - ынан астамын құраса, Панимун Биорал препаратының дозасын одан әрі азайту мүмкіндігін қарастыру керек. Бұл ұсынымдарды креатинин концентрациясының мәндері зертханалық қалып шегінде қалса да орындау керек. Егер дозаны азайту бір ай ішінде еШСЖ жақсаруына әкелмесе, Панимун Биорал препаратымен емдеуді тоқтату керек. Артериялық қысымның көрсеткіштерін үнемі бақылау қажет. Билирубин деңгейі мен бауыр функциясын сипаттайтын параметрлердің мәндері емдеуді бастамас бұрын анықталуы тиіс және емдеу барысында әрі қарай мұқият мониторинг жүргізілуі қажет. Емдеуді бастамас бұрын және емдеу кезінде қан сарысуындағы липидтердің, калийдің, магнийдің және несеп қышқылының деңгейін үнемі өлшеу ұсынылады. Қандағы циклоспорин деңгейіне мезгіл-мезгіл мониторинг трансплантациялық емес көрсетілімдер бойынша қолданғанда, мысалы, Панимун Биорал препаратын циклоспориннің фармакокинетикасына әсер етуі мүмкін заттармен бірге қолданғанда немесе әдеттен тыс клиникалық жауап жағдайында (мысалы, тиімділіктің жеткіліксіздігі немесе бүйрек функциясының бұзылуына әкелетін препаратқа жақпаушылығының жоғарылауы) орынды болуы мүмкін. Препаратты қабылдаудың стандартты әдісі — пероральді. Инфузиялық ерітіндіге арналған концентратты қолданған кезде вена ішіне енгізу үшін пероральді дозаға сәйкес келетін дозаны мұқият анықтау керек. Циклоспоринмен емдеу тәжірибесі бар дәрігерден кеңес алу ұсынылады. Көру қабілетіне қауіп төндіретін эндогендік увеитпен ауыратын пациенттер мен нефроздық синдромы бар балаларды қоспағанда, жалпы тәуліктік доза 5 мг/кг-дан аспауы керек. Демеуші терапия үшін дозаны біртіндеп ең аз тиімді және жағымдылығы жақсы дозаға дейін азайту керек. Белгіленген қажетті кезеңде тиісті терапиялық жауап болмаған кезде (нақты ақпарат төменде келтірілген) немесе тиімді доза белгіленген қауіпсіздік ережелерімен сәйкес келмеген жағдайда Панимун Биорал препаратымен емдеуді тоқтату керек. Эндогендік увеит Ремиссияны индукциялау үшін препаратты белсенді увеалық қабыну белгілері жойылғанға дейін және көру жітілігі жақсарғанға дейін екі қабылдауда пероральді 5 мг/кг бастапқы тәуліктік дозада тағайындайды. Ем қиын қонатын жағдайларда қысқа мерзімге дозаны тәулігіне 7 мг/кг дейін арттыруға болады. Егер жағдайды бір Панимун Биорал препаратының көмегімен бақылау мүмкін болмаса, бастапқы ремиссияға қол жеткізу немесе көздегі қабыну ұстамасын тоқтату мақсатында жүйелі кортикостероидтарды -преднизолонның 0,2-0,6 мг/кг тәуліктік дозасын (немесе баламалы дозада басқа ГКС) қосуға болады. 3 айдан кейін кортикостероидтардың дозасын ең төменгі тиімді дозаға дейін төмендетуге болады. Демеуші терапия үшін дозаны біртіндеп ең төменгі тиімді дозаға дейін азайту керек. Аурудың ремиссиясы кезінде доза тәулігіне 5 мг/кг аспауы керек. Иммуносупрессанттарды қолданар алдында увеиттің инфекциялық себептерін жоққа шығару керек. Нефроздық синдромы Ремиссияны индукциялау үшін ұсынылатын тәуліктік доза пероральді 2 қабылдауға бөлінеді. Егер бүйрек функциясы қалыпты болса (протеинурияны қоспағанда), келесі ұсынылатын тәуліктік дозалар қолданылады: ересек пациенттер — 5 мг/кг; балалар — 6 мг/кг. Бүйрек функциясы бұзылған пациенттерде бастапқы доза тәулігіне 2,5 мг/кг аспауы тиіс. Егер бір Панимун Биорал препаратын қолданғанда қанағаттанарлық әсерге қол жеткізілмесе, әсіресе стероидқа төзімді пациенттерде, онда оны пероральді кортикостероидтардың төмен дозаларымен біріктіру ұсынылады. Жақсару уақыты гломерулопатия типіне байланысты 3 айдан 6 айға дейін болады. Егер осы кезеңде жақсару байқалмаса, Панимун Биорал препаратымен терапияны тоқтату керек. Дозалар тиімділік (протеинурия) және қауіпсіздік көрсеткіштерін ескере отырып, жеке таңдалуы тиіс, бірақ ересектер үшін тәулігіне 5 мг/кг және балалар үшін тәулігіне 6 мг/кг дозадан аспауы тиіс. Демеуші терапия үшін дозаны біртіндеп ең аз тиімді дозаға дейін азайту керек. Ревматоидты артрит Емдеудің алғашқы 6 аптасында ұсынылатын тәуліктік доза пероральді қабылдау үшін 3 мг/кг, 2 қабылдауға бөлініп тағайындалады. Әсер жеткіліксіз болған жағдайда, егер жағымдылығы мүмкіндік берсе, тәуліктік дозаны біртіндеп арттыруға болады, бірақ 5 мг/кг-дан асырмау керек. Толық тиімділікке жету үшін Панимун Биорал препаратымен 12 аптаға дейін ем жүргізу қажет болуы мүмкін. Демеуші терапия үшін ең төменгі тиімді дозаны препараттың жағымдылығына байланысты жеке таңдау керек. Панимун Биорал препаратын төмен дозалы кортикостероидтармен және/немесе қабынуға қарсы стероидты емес препараттармен бірге тағайындауға болады. Панимун Биоралын препаратын метотрексат монотерапиясына қанағаттанарлықсыз жауабы бар пациенттерде төмен дозалы метотрексаттың бір апталық курсымен біріктіруге болады. Панимун Биорал препаратының бастапқы дозасы тәулігіне 2,5 мг/кг құрайды (2 қабылдауда), бұл ретте дозаны жағымдылығымен шектелген деңгейге дейін арттыруға болады. Псориаз Панимун Биорал препаратымен емдеуді псориазға диагностика жасау және емдеу тәжірибесі бар дәрігер жүргізуі керек. Бұл аурудың өзгергіштігіне байланысты емдеу жеке таңдалуы керек. Ремиссияны индукциялау үшін ұсынылатын бастапқы доза 2 қабылдауда тәулігіне 2,5 мг/кг құрайды. 1 айлық терапиядан кейін жақсару болмаса, тәуліктік дозаны біртіндеп арттыруға болады, бірақ 5 мг/кг-дан аспауы керек. Егер тәулігіне 5 мг/кг дозамен 6 апта емдеуден кейін псориаз көріністеріне қанағаттанарлық жауап болмаса немесе тиімді доза белгіленген қауіпсіздік параметрлеріне сәйкес келмесе, емдеуді тоқтату керек. Тәулігіне 5 мг/кг бастапқы дозаны жағдайы тезірек жақсартуды талап ететін пациенттерге қолданған дұрыс. Егер қанағаттанарлық жауапқа қол жеткізілсе, онда Панимун Биорал препаратын тоқтатуға болады, ал кейінгі қайталануды алдыңғы тиімді дозада Панимун Биорал препаратын қайта тағайындау арқылы емдеуге болады. Кейбір пациенттерге ұзақ мерзімді демеуші терапия қажет болуы мүмкін. Демеуші терапия үшін дозалар ең төменгі тиімді деңгейге дейін жеке таңдалады және тәулігіне 5 мг/кг-дан аспауы керек. Атопиялық дерматит Панимун Биорал препаратымен емдеуді атопиялық дерматитті диагностика жасау және емдеу тәжірибесі бар дәрігер жүргізуі керек. Бұл аурудың өзгергіштігіне байланысты емдеу жеке таңдалуы керек. Ұсынылатын бастапқы доза 2 қабылдауда тәулігіне 2,5-5 мг/кг құрайды. Егер тәулігіне 2,5 мг/кг бастапқы доза 2 апта ішінде қанағаттанарлық жауапқа қол жеткізуге мүмкіндік бермесе, онда тәуліктік дозаны ең жоғары — 5 мг/кг-ға дейін тез арттыруға болады. Өте ауыр жағдайларда тәулігіне 5 мг/кг бастапқы дозаны қолдану арқылы ауруды жылдам және адекватты бақылауға қол жеткізуге болады. Егер қанағаттанарлық жауапқа қол жеткізілсе, дозаны біртіндеп азайту керек, мүмкін болса, Панимун Биорал препаратын тоқтату керек. Рецидив пайда болған жағдайда Панимун Биорал препаратымен емдеу курсы қайта жүргізілуі мүмкін. 8 аптаға созылатын емдеу курсы тері жамылғысын тазарту үшін жеткілікті болуы мүмкін болса да, ұзақтығы 1 жылға созылған терапия тиімді және барлық қажетті көрсеткіштерге міндетті түрде мониторинг жүргізген жағдайда жағымдылығы жақсы екендігі дәлелденді. Циклоспориннің бір пероральді дәрілік түрінен екіншісіне ауысу Циклоспориннің түпнұсқа дәрілік түрін қабылдаудан 1:1 доза арақатынасын сақтай отырып, Панимун Биорал препаратына ауысқан кезде қандағы анықталатын концентрациялар циклоспориннің қалдық концентрацияларының мәндерімен салыстырмалы болып табылады. Дегенмен, көптеген пациенттерде ең жоғары концентрацияның жоғары мәндері (Cmax) және препараттың әсер ету ұзақтығының артуы («концентрация-уақыт» қисық астындағы аудан - AUC) байқалуы мүмкін. Бұл өзгерістер пациенттердің аз санында ғана байқалады және клиникалық маңызды болуы мүмкін. Панимун Биорал пероральді түрінің сіңуі аз өзгергіш, ал қалдық концентрациялар мен әсер ету арасындағы корреляция (AUC мәндері бойынша) циклоспориннің түпнұсқа дәрілік түрін қолданғанға қарағанда әлдеқайда айқын. Циклоспориннің түпнұсқа дәрілік түрінен Панимун Биорал препаратына ауысу циклоспориннің әсерінің жоғарылауына әкелуі мүмкін болғандықтан, келесі ережелерді сақтау керек. Трансплантациядан кейінгі пациенттерде Панимун Биорал препаратымен емдеуді циклоспориннің түпнұсқа дәрілік түрінің алдында қолданған тәуліктік дозадан бастау ұсынылады. Қандағы циклоспориннің қалдық концентрациясын Панимун Биорал препаратына ауысқаннан кейін 4-7 күн ішінде бақылау қажет. Сонымен қатар, бүйрек функциясының көрсеткіштері мен артериялық қысымы сияқты клиникалық қауіпсіздік параметрлерін ауысқаннан кейінгі алғашқы 2 айда бақылау керек. Егер қандағы циклоспориннің қалдық концентрациясы терапевтік диапазоннан тыс болса және / немесе клиникалық жағдайдың қауіпсіздік параметрлерінің нашарлауы байқалса, дозаны сәйкесінше түзету қажет. Трансплантациямен байланысты емес ем қабылдап жүрген пациенттерде Панимун Биорал препаратымен емдеуді циклоспориннің түпнұсқа дәрілік түрін қолданған кезде анықталған тәуліктік дозадан бастау керек. Ауысқаннан кейін 2, 4 және 8 апта өткен соң бүйрек функциясы мен артериялық қысымның көрсеткіштерін бақылау қажет. Егер артериялық қысымның деңгейі ауысуға дейін тіркелген көрсеткіштермен салыстырғанда айтарлықтай жоғарыласа немесе есептік ШСЖ мәндері циклоспориннің түпнұсқа дәрілік түрімен бірнеше рет өлшенген емдеуге дейінгі көрсеткіштермен салыстырғанда 25% - дан аса төмендесе, онда дозаны азайту керек. Уытты реакциялар дамыған жағдайда немесе циклоспориннің клиникалық әсері болмаған жағдайда қандағы циклоспориннің қалдық концентрациясының көрсеткіштерін бақылау қажет. Циклоспориннің пероральді формалары арасында ауысу Циклоспориннің бір пероральді түрінен екіншісіне ауысу трансплантациядан кейінгі пациенттердің қанындағы циклоспорин деңгейіне мониторинг жүргізуді қоса алғанда, дәрігердің бақылауымен жүзеге асырылуы керек. Пациенттердің ерекше топтары Бүйрек функциясының жеткіліксіздігі бар пациенттер Бүйрек функциясының жеткіліксіздігі фармакокинетикаға айтарлықтай әсер етпейді, өйткені циклоспорин бүйрек арқылы минималды шығарылады. Алайда, циклоспориннің нефроуытты әлеуетіне байланысты бүйрек функциясына мұқият мониторинг жүргізу ұсынылады. Трансплантациялық емес көрсетілімдер Нефроздық синдромы бар пациенттерді қоспағанда, трансплантациямен байланысты емес көрсетілімдер бойынша бүйрек функциясы бұзылған пациенттер циклоспоринді қабылдамауы керек. Бүйрек функциясы бұзылған пациенттерде нефроздық синдром кезінде бастапқы доза тәулігіне 2,5 мг/кг аспауы тиіс. Бауыр функциясының жеткіліксіздігі бар пациенттер Циклоспорин бауырда едәуір дәрежеде метаболизденеді. Бауыр функциясы бұзылған пациенттерде циклоспорин экспозициясының шамамен 2-3 есе артуы байқалуы мүмкін. Бауыр функциясының ауыр бұзылулары бар пациенттерде қандағы циклоспорин деңгейін ұсынылған диапазонда шегінде ұстап тұру үшін дозаны азайту қажет болуы мүмкін. Қандағы циклоспорин деңгейін тұрақты деңгейге жеткенше бақылау ұсынылады. Балалар Клиникалық зерттеулер шеңберінде препараттың 1 жастан асқан балаларға әсері зерттелді. Бірнеше зерттеулерде балалар мен жасөспірімдерге ересек пациенттерде қолданылатын дозалармен салыстырғанда циклоспориннің дене салмағының килограммына жоғары дозалары қажет болды және жағымдылығы жақсы болды. Нефроздық синдромы бар пациенттерді қоспағанда, трансплантациямен байланысты емес көрсетілімдері бар балаларға Панимун Биорал препаратын қолдану ұсынылмайды. Егде жастағы пациенттер (65 және одан жоғары жастағы) Егде жастағы пациенттерде Панимун Биорал препаратын қолдану тәжірибесі шектеулі. Циклоспоринді қолдана отырып ревматоидты артритті емдеудің клиникалық зерттеулерінің нәтижелері бойынша 65 жастағы және одан асқан пациенттерде терапияны жүргізуге жауап ретінде систолалық гипертензияның дамуы, сондай-ақ 3 айдан 4 айға дейінгі терапия курсынан кейінгі бастапқы көрсеткіштермен салыстырғанда сарысудағы креатинин концентрациясының ≥50% - ға жоғарылауы жиі байқалды. Егде жастағы пациенттер үшін дозаны мұқият таңдау керек, ал ең төменгі дозадан бастап, бауыр, бүйрек немесе жүрек функциясының төмендеуінің жоғары жиілігін, қатар жүретін аурудың немесе қатар жүретін терапияның болуын, сондай-ақ инфекцияларды қабылдағыштықтың жоғарылауын ескеру қажет. Енгізу әдісі мен жолы Ішке қабылдауға арналған. Панимун Биорал капсуласын бүтін күйінде жұту қажет.

• циклоспоринге және/ немесе «Құрамы» бөлімінде аталған қосымша заттардың кез келгеніне жоғары сезімталдық • құрамында шілтер жапырақты шайқурай (Hypericum Рerforatum) бар препараттармен біріктірілімде • Р-гликопротеиннің эффлюксті тасымалдаушылары және ақуыздардың органикалық анион тасымалдаушылары болып табылатын және плазмадағы концентрациясының жоғарылауы ауыр және/немесе өмірге қауіп төндіретін жағдайларға әкелетін препараттармен біріктірілімі, мысалы, бозентан, дабигатранэтексилат және алискирен. Қолдану үшін қажетті сақтық шаралары Дәрігердің бақылауы Панимун Биорал препаратын иммуносупрессиялық терапияны жүргізу тәжірибесі бар және пациенттерді адекватты бақылауды, соның ішінде тұрақты толық физикалық тексеруді, артериялық қысымды өлшеуді және зертханалық қауіпсіздік көрсеткіштерін бақылауды қамтамасыз ету мүмкіндігі бар дәрігерлер ғана тағайындауы керек. Трансплантация жасалған және препаратты қабылдап жүрген пациенттерді бақылау тек адекватты зертханалық және басқа ресурстармен қамтамасыз етілген мекемелерде ғана жүргізілуі тиіс. Демеуші терапияға жауапты дәрігер пациентті емдеу туралы толық ақпарат алуы керек.

Жағымсыз реакциялар мынадай белгілеулерді пайдалана отырып жиілік бойынша жіктелген: өте жиі (≥ 1/10); жиі (≥1/100-ден < 1/10-ға дейін); жиі емес (≥1/1000-нан < 1/100-ге дейін); сирек (≥1/10 000-нан < 1/1000-ға дейін); өте сирек (< 1/10 000); белгісіз (қолда бар деректер бойынша бағалау мүмкін емес). Өте жиі - Гиперлипидемия - Тремор, бас ауыруы - Артериялық гипертензия - Гирсутизм - Бүйрек функциясының бұзылуы Жиі - Лейкопения - Гипергликемия, анорексия, гиперурикемия, гиперкалиемия, гипомагниемия - Құрысулар, парестезия - Ысынулар - Жүрек айнуы, құсу, іш аймағының жайсыздығы/ ауыруы, диарея, қызыл иектің гиперплазиясы, пептидтік ойықжара - Бауыр функциясының бұзылуы - Акне, гипертрихоз - Миалгия, бұлшықет спазмы - Қызба, шаршағыштық Жиі емес - Тромбоцитопения, анемия - Энцефалопатия, соның ішінде артқы реверсивті энцефалопатиялық синдром (PRES), сондай-ақ құрысулар, сананың шатасуы, бағдардың бұзылуы, сезімталдықтың төмендеуі, қозу, ұйқысыздық, көру қабілетінің бұзылуы, қыртыстық соқырлық, кома, парездер және мишық атаксиясы сияқты белгілер мен симптомдар - Аллергиялық бөртпе - Ісіну, дене салмағының артуы Сирек - Гемолиздік-уремиялық синдром, микроангиопатиялық гемолиздік анемия - Моторлық полинейропатия - Панкреатит - Бұлшықет әлсіздігі, миопатия - Етеккір циклінің бұзылуы, гинекомастия Өте сирек - Көру жүйкесі дискісінің ісінуі, соның ішінде бассүйекішілік қатерсіз гипертензияға қатысты салдарлы, көру қабілетінің ықтимал бұзылуымен көру жүйкесі бүртігінің ісінуі Белгісіз (қолда бар деректер негізінде бағалау мүмкін емес) - Тромбоздық микроангиопатия, тромбоздық тромбоцитопениялық пурпура - Бас сақинасы - Есту қабілетінің бұзылуы - Гепатоуыттылық және бауыр функциясының бұзылуы, соның ішінде холестаз, сарғаю, гепатит және кейбір өлімге әкеп соқтыратын бауыр жеткіліксіздігі - Аяқтардың ауыруы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Пероральді қабылданған циклоспориннің жартылай өлімге әкелетін дозасы (LD50) тышқандар үшін 2329 мг/кг, егеуқұйрықтар үшін 1480 мг/кг және үй қояндары үшін >1000 мг/кг құрайды. Вена ішіне енгізілетін циклоспориннің жартылай өлімге әкелетін дозасы (LD50) тышқандар үшін 148 мг/кг, егеуқұйрықтар үшін 104 мг/кг және үй қояндары үшін 46 мг/кг құрайды. Симптомдары Циклоспоринмен жедел артық дозалану туралы мәліметтер шектеулі. 10 г дейін (шамамен 150 мг/кг) дозаны пероральді қабылдау салыстырмалы түрде аз клиникалық салдарға (құсу, ұйқышылдық, бас ауыруы, тахикардия) және кейбір пациенттерде орташа ауырлық дәрежесіндегі бүйрек функциясының қайтымды бұзылуына әкелді. Шала туылған нәрестелердегі циклоспориннің кездейсоқ парентеральды артық дозалануы ауыр уыттануға әкелді. Емі Артық дозаланудың барлық жағдайларында симптоматикалық емдеу және жалпы демеуші шаралар жүргізілуі керек. Артық дозаланғаннан кейінгі алғашқы сағаттарда құстыру және асқазанды шаю керек. Циклоспорин диализ және белсендірілген көмірді қолдану арқылы гемоперфузия кезінде іс жүзінде шығарылмайды.

Арнайы сақтандырулар Лимфомалар және басқа жаңа түзілімдер Басқа иммуносупрессанттар сияқты, циклоспорин лимфомалардың және басқа жаңа түзілімдердің, әсіресе терінің, даму қаупін арттырады. Қауіптің жоғарылауы белгілі бір агенттерді қолданудан гөрі иммуносупрессияның дәрежесі мен ұзақтығына байланысты екені анық. Иммуносупрессанттармен (соның ішінде циклоспоринмен) кешенді емдеуді сақтықпен тағайындау керек, өйткені лимфопролиферативті бұзылулар мен тығыз ағзалардың ісіктерінің даму мүмкіндігі бар, олар кейбір жағдайларда өлімге әкелуі мүмкін. Терінің қатерлі өзгерістері туындауының ықтимал қаупіне байланысты Панимун Биорал препаратын қабылдайтын пациенттерге, атап айтқанда псориазға немесе атопиялық дерматитке ем қабылдайтындарға тиісті қорғаныссыз күннің астында шамадан артық жүрудің зияны туралы ескертілуі керек және бір мезгілде В типті ультракүлгін сәулеленуді немесе ПУВА- терапиясын (псораленультракүлгін сәулелену) алмауы керек. Инфекциялар Басқа иммуносупрессанттар жағдайындағы сияқты, циклоспоринді қолдану, көбінесе оппортунистік патогендердің қатысуымен әртүрлі бактериялық, зеңдік, паразиттік және вирустық инфекциялардың дамуына әкеледі. Циклоспорин қабылдаған пациенттерде жасырын полиомавирустық инфекция белсендірілді, бұл полиомавируспен (PVAN) байланысты нефропатияға, атап айтқанда КБ (Кох бацилласы) бар вирустық нефропатияға (BKVN) немесе JC-вирусымен (PML) байланысты үдемелі мультифокусты лейкоэнцефалопатияға әкелуі мүмкін. Бұл жағдайлар иммуносупрессиялық препараттардың жалпы жүктемесінің жоғары болуына байланысты. Мұндай жағдайлардың дамуын иммуносупрессиялық ем қабылдайтын пациенттердің бүйрек функциясы мен жүйке жүйесінің бұзылуының себептерін дифференциалды диагностикалау кезінде ескеру қажет. Ауыр және/немесе өлімге әкелетін жағдайлар туралы хабарланды. Тиімді профилактикалық және терапиялық шараларды енгізу қажет, әсіресе біріктірілген иммуносупрессиялық терапияны ұзақ уақыт қолданған жағдайда. Нефроуыттылық Панимун Биорал препаратымен емдеу кезінде сарысулық креатинин мен мочевина деңгейінің жоғарылауы жиі және ықтимал ауыр асқыну болып табылады. Бұл функционалдық өзгерістер дозаға байланысты және қайтымды сипатқа ие; әдетте, дозаны азайтқан кезде көрсеткіштер қалыпты жағдайға оралады. Кейбір пациенттерде препаратты ұзақ уақыт қолдану бүйректерде құрылымдық өзгерістердің пайда болуына әкелуі мүмкін (мысалы, интерстициялық фиброз), оны бүйрек трансплантациясы жасалған пациенттерде созылмалы қабылданбай ажырау белгілерінен ажырату керек. Сондықтан осы көрсетілім бойынша жергілікті ұсынымдарға сәйкес бүйрек функциясына жиі мониторинг жүргізу қажет. Гепатоуыттылық Панимун Биорал препараты сонымен қатар қайтымды сипатқа ие сарысудағы билирубин мен бауыр ферменттерінің дозаға тәуелді жоғарылауын тудыруы мүмкін. Циклоспорин қабылдаған пациенттерде холестаз, сарғаю, гепатит және бауыр функциясының жеткіліксіздігін қоса, гепатоуыттылық және бауыр функциясының бұзылуы жағдайлары тіркелді. Хабарламалардың көпшілігі әртүрлі бастапқы жағдайлармен және басқа да ауырлататын факторлармен, соның ішінде инфекциялық асқынулар мен ықтимал гепатоуытты препараттарды қатар қолдануды қоса, қатарлас ауыр аурулары бар пациенттерге қатысты. Кейбір жағдайларда, негізінен трансплантациядан кейін пациенттерде өлім жағдайлары тіркелді. Бауыр функциясының тиісті көрсеткіштеріне мұқият тұрақты бақылау жүргізу керек; қажет болған жағдайда, осы көрсеткіштердің қалыптан ауытқуы тіркелген кезде дозаны азайту керек. Егде жастағы пациенттер (65 және одан жоғары жастағы) Егде жастағы пациенттерде әсіресе бүйрек функциясын мұқият бақылау қажет. Циклоспорин деңгейін бақылау Трансплантациядан кейін пациенттерге Панимун Биорал препаратын қолданған кезде маңызды қауіпсіздік шарасы ретінде қандағы циклоспорин деңгейін мұқият мерзімді бақылау қажет. Қандағы циклоспорин деңгейін спецификалық моноклоналды антиденелерді қолдану арқылы анықтаған жөн (өзгермеген препараттың мөлшерін анықтау) немесе жоғары тиімді сұйық хроматографияны (ЖТСХ) қолданған жөн, ол арқылы да өзгермеген препараттың мөлшері анықталады. Плазмада немесе сарысуда сандық анықтау кезінде стандартты бөлу әдісін (уақыт пен температура) қолдану керек. Бауыры трансплантацияланған реципиенттерде емдеудің басында қандағы циклоспорин деңгейін бақылау тек спецификалық моноклоналды антиденелердің немесе иммуносупрессияның тиісті дәрежесін қамтамасыз ету үшін спецификалық және спецификалық емес моноклоналды антиденелерді қолданып параллель анықтамалардың көмегімен жүргізілуі керек. Трансплантация жасалмаған пациенттер үшін қандағы циклоспорин концентрациясын мерзімді бақылау ұсынылады, мысалы, Панимун Биорал препаратын циклоспориннің фармакокинетикасына араласуы мүмкін заттармен бірге қолданғанда немесе әдеттен тыс клиникалық реакция кезінде (мысалы, тиімділіктің жеткіліксіздігі немесе бүйрек функциясының бұзылуына әкелетін препаратқа жақпаушылығының жоғарылауы). Қандағы, плазмадағы немесе сарысудағы циклоспориннің деңгейі пациенттің клиникалық жағдайына әсер ететін көптеген факторлардың бірі ғана екенін есте ұстаған жөн. Сондықтан нәтижелерді басқа да бірқатар клиникалық және биохимиялық көрсеткіштер аясында емдеу бойынша ұсынымдар ретінде қарастырған жөн. Артериялық гипертензия Панимун Биорал препаратымен емдеу кезінде артериялық қысымның көрсеткіштерін үнемі бақылап отыру керек. Егер артериялық гипертензия анықталса, артериялық қысымды төмендету үшін тиісті ем жүргізілуі керек. Циклоспориннің фармакокинетикасына әсер етпейтін гипертензияға қарсы дәріге, мысалы, исрадипинге басымдық беру керек. Қандағы липидтер деңгейінің жоғарылауы Панимун Биорал препаратын қабылдаған кезде қандағы липидтердің шамалы қайтымды жоғарылау жағдайлары тіркелгендіктен, липидтердің деңгейін емдеу басталғанға дейін және емдеу басталған соң бір айдан кейін өлшеу керек. Егер липидтердің жоғары деңгейі анықталса, рациондағы майлардың үлесін азайту және қажет болған жағдайда дозаны төмендетуді қарастыру керек. Гиперкалиемия Циклоспоринді қабылдаған кезде гиперкалиемияның даму қаупі артады, әсіресе бүйректің дисфункциясы бар пациенттерде. Циклоспоринді калий сақтайтын препараттармен (мысалы, калий сақтайтын диуретиктермен, ангиотензин өзгертетін фермент тежегіштерімен, ангиотензин II рецепторларының антагонистерімен) немесе құрамында калий бар препараттармен, сондай-ақ пациенттер калийге бай диетада болса, сақтықпен тағайындайды. Мұндай жағдайларда калий деңгейін бақылау ұсынылады. Гипомагниемия Циклоспоринді қабылдау магний клиренсін жоғарылатады. Бұл ең алдымен перитрансплантация кезеңінде симптоматикалық гипомагниемияның дамуына әкелуі мүмкін. Перитрансплантация кезеңінде, ең алдымен неврологиялық симптомдар/белгілер болса қан сарысуындағы магний деңгейін бақылау ұсынылады. Қажет болса, магний препараттарын қосымша тағайындау керек. Гиперурикемия Гиперурикемиясы бар пациенттерді емдеу кезінде сақ болу керек. Тірі аттенуирленген вакциналар Циклоспоринмен емдеу кезінде вакцинацияның тиімділігі төмен болуы мүмкін. Тірі аттенуирленген вакциналарды қолданудан аулақ болу керек. Өзара әрекеттесу Циклоспоринді CYP3A4 және/немесе P-гликопротеинді басу немесе белсендіру арқылы қан плазмасындағы циклоспорин концентрациясының айтарлықтай жоғарылауына немесе төмендеуіне әкелетін препараттармен бірге қолданғанда сақ болу керек. Циклоспоринді циклоспориннің деңгейін жоғарылататын немесе синергияның нефроуыттылық әсерін көрсететін белсенді заттармен бірге тағайындаған кезде нефроуыттылыққа мұқият мониторинг жүргізу қажет. Пациенттің клиникалық жағдайын мұқият бақылау қажет. Қандағы циклоспорин деңгейіне мониторинг жүргізу және оның дозасын түзету қажет болуы мүмкін. Циклоспорин мен такролимусты бірге қолданудан аулақ болу керек. Циклоспорин - бұл Р-гликопротеиннің мультидәрілік эффлюксті тасымалдаушысы және органикалық аниондардың тасымалдаушы протеиндерінің CYP3A4 тежегіші болып табылады және осы ферменттің және/немесе тасымалдаушылардың субстраттары болып табылатын қан плазмасындағы қатарлас препараттардың концентрациясын арттыруы мүмкін. Циклоспоринді осындай препараттармен біріктірілімде мұқият тағайындау керек немесе оларды бір мезгілде қабылдаудан аулақ болу керек. Циклоспорин HMG-CoA редуктаза тежегіштерінің (статиндер) әсерінің жоғарылауына әкеледі. Циклоспоринмен бір мезгілде қолданғанда осы статиндердің дозасын азайту керек, сондай-ақ қолдану жөніндегі тиісті нұсқаулықта келтірілген нұсқауларға сәйкес осы статиндерді бір мезгілде қолданудан аулақ болу керек. Статиндермен емдеу миопатия симптомдары бар пациенттерде немесе рабдомиолиз нәтижесінде дамитын бүйрек функциясының қайталама жеткіліксіздігін қоса алғанда, бүйрек функциясының ауыр бұзылуларының даму қаупі факторлары бар пациенттерде уақытша тоқтатылуы немесе тоқтатылуы мүмкін. Циклоспорин мен лерканидипинді бірге қабылдағаннан кейін лерканидипиннің қисық астындағы ауданы (AUC) үш есе, ал циклоспориннің AUC 21% - ға өсті. Сондықтан циклоспорин мен лерканидипинді бір мезгілде қолданудан аулақ болу керек. Лерканидипиннен кейін 3 сағаттан соң циклоспоринді қабылдау лерканидипиннің AUC өзгеруіне әкелмеді, ал циклоспориннің AUC 27% - ға өсті. Бұл препараттарды біріктірілімде, кем дегенде 3 сағат аралықты сақтай отырып, сақтықпен қолдану керек. Трансплантациямен байланысты емес көрсетілімдер кезіндегі қосымша сақтандыру шаралары Бүйрек функциясы бұзылған (бүйрек функциясының бұзылуының рұқсат етілген дәрежесімен Нефроздық синдромы бар пациенттерді қоспағанда), бақыланбайтын артериялық гипертензиясы, бақыланбайтын инфекциялары және қатерлі ісіктердің кез келген түрі бар пациенттер циклоспоринді алмауы тиіс. Емдеуді бастамас бұрын, еШСЖ кем дегенде екі өлшемінде бүйрек функциясының параметрлерінің бастапқы сенімді деңгейі белгіленеді. Дозаны түзету үшін бүйрек функциясы терапия кезінде үнемі бағалануы керек. Эндогендік увеит кезіндегі қосымша сақтандыру шаралары Бехчет неврологиялық синдромы бар пациенттерге Панимун Биорал препаратын сақтықпен тағайындау керек. Бехчет неврологиялық синдромы бар пациенттердің неврологиялық жағдайын мұқият бақылау керек. Эндогендік увеитпен ауыратын балаларда Панимун Биорал препаратын қолдану тәжірибесі шектеулі. Нефроздық синдромы кезіндегі қосымша сақтандыру шаралары Емдеудің бастапқы кезеңінде бүйрек функциясының бастапқы мәндері қалыптан тыс пациенттер препаратты тәулігіне 2,5 мг/кг дозада қабылдауы керек. Мұндай пациенттердің жағдайын үнемі бақылау қажет. Нефроздық синдромына байланысты бүйрек функциясындағы өзгерістерге байланысты кейбір пациенттерде Панимун Биорал препаратынан туындаған бүйрек функциясының бұзылуын анықтау қиынға соғады. Бұл кейбір жағдайларда Панимун Биорал препаратымен байланысты бүйректегі құрылымдық өзгерістер сарысу креатининінің жоғарылауынсыз байқалғанын түсіндіреді. Бүйрек биопсиясы бір жылдан астам уақыт бойы Панимун Биорал препаратымен демеуші ем қабылдаған минималды өзгерістердің стероидқа тәуелді нефропатиясы бар пациенттерге жасалуы керек. Иммуносупрессанттарды (циклоспоринді қоса) қабылдайтын нефроздық синдромы бар пациенттерде қатерлі жаңа түзілімдердің (Ходжкин лимфомасын қоса) дамуының жекелеген жағдайлары тіркелді. Ревматоидты артрит кезіндегі қосымша сақтандыру шаралары 6 айлық терапиядан кейін аурудың тұрақтылығына, қабылданатын басқа препараттарға және қатар жүретін ауруларға байланысты әр 4-8 апта сайын бүйрек функциясына бағалау жүргізу қажет. Панимун Биорал препаратының дозасын жоғарылатқанда, қабынуға қарсы стероидты емес препараттармен қатар ем тағайындағанда немесе олардың дозасын жоғарылатқанда жиі бақылау жүргізу қажет. Панимун Биорал препаратымен емдеу кезінде бақыланбайтын артериялық гипертензия пайда болған жағдайда да емдеуді тоқтату қажет. Басқа ұзақ мерзімді иммуносупрессиялық емдеу кезіндегі сияқты, лимфопролиферативті бұзылулардың пайда болу қаупінің жоғарылауын есте ұстаған жөн. Панимун Биорал препаратын метотрексатпен біріктірілімде қолданғанда, нефроуытты синергияға байланысты ерекше сақ болу керек. Псориаз кезіндегі қосымша сақтандыру шаралары Емдеу кезінде бақыланбайтын артериялық гипертензия пайда болған жағдайда Панимун Биорал препаратымен емдеуді тоқтату ұсынылады. Егде жастағы пациенттерге препаратты тағайындау мүгедектікке соқтыруы мүмкін псориаз жағдайында ғана мүмкін болады; бұл ретте бүйрек функциясын мұқият бақылау қажет. Псориазбен ауыратын балаларда Панимун Биорал препаратын қолдану тәжірибесі шектеулі. Циклоспоринмен ем алатын, псориазбен ауыратын пациенттерде, басқа ұзақ мерзімді иммуносупрессиялық емдеу сияқты, қатерлі жаңа түзілімдердің, әсіресе терінің пайда болуы туралы хабарланды. Псориазға тән емес тері зақымданулары болған кезде, сондай-ақ олардың қатерлілігіне немесе обыралдындағы жағдайға күдік болған кезде, Панимун Биорал препаратымен емдеуді бастамас бұрын биопсия жасау керек. Қатерлі немесе обыралдындағы зақымдануы бар пациенттерді Панимун Биорал препаратымен емдеу осы зақымдануларды тиісті емдегеннен кейін және балама тиімді терапия болмаған жағдайда ғана мүмкін болады. Панимун Биорал препаратымен емделген, псориазбен ауыратын бірнеше пациентте лимфопролиферативті аурулар байқалды. Бұл жағдайларда препаратты дереу тоқтату қажет болды. Панимун Биорал препаратын қабылдайтын пациенттер қатарлас В типті ультракүлгін сәулеленуді немесе ПУВА- фотохимиотерапияны алмауы керек. Атопиялық дерматит кезіндегі қосымша сақтандыру шаралары Емдеу кезінде бақыланбайтын артериялық гипертензия пайда болған жағдайда Панимун Биорал препаратымен емдеуді тоқтату ұсынылады. Атопиялық дерматитпен ауыратын балаларда Панимун Биорал препаратын қолдану тәжірибесі шектеулі. Егде жастағы пациенттерге препаратты тағайындау мүгедектікке соқтыруы мүмкін атопиялық дерматит жағдайында ғана мүмкін болады; бұл ретте бүйрек функциясын мұқият бақылау қажет. Қатерсіз лимфоаденопатия әдетте атопиялық дерматит кезіндегі қан кернеумен байланысты және үнемі өздігінен немесе ауру ағымының жалпы жақсаруымен өтеді. Циклоспоринмен емдеу аясында пайда болған лимфоаденопатияны үнемі бақылау керек. Аурудың белсенділігі төмендеген кезде де сақталатын лимфоаденопатияға лимфоманың жоқтығына көз жеткізу үшін биопсия жасалуы керек. Қарапайым герпестің белсенді ағымын Панимун Биорал препаратымен емдеуді бастамас бұрын емдеу керек. Қарапайым герпестің пайда болуы, егер емдеу басталса, ауыр жағдайларды қоспағанда, препаратты тоқтатуға себеп болмайды. Алтын стафилококктан (Staphylococcus aureus) туындаған терінің инфекциялық аурулары Панимун Биорал препаратымен емдеуге абсолютті қарсы көрсетілім емес, бірақ бактерияға қарсы тиісті препараттармен бақылануы керек. Эритромицинді пероральді тағайындаудан аулақ болу керек, өйткені ол циклоспориннің қандағы концентрациясын жоғарылатады. Альтернативті терапия болмаған жағдайда қандағы циклоспориннің концентрациясын, бүйрек функциясын және циклоспориннің жанама әсерлерінің болуын мұқият бақылау ұсынылады. Панимун Биорал препаратын қабылдайтын пациенттер қатарлас В типті ультракүлгін сәулеленуді немесе ПУВА- фотохимиотерапияны алмауы керек. Препаратты трансплантациямен байланысты емес көрсетілімдер кезінде педиатриялық популяция пациенттеріне қолдану Панимун Биорал препараты Нефроздық синдромын емдеу үшін қолданылған; басқа жағдайларды емдеу үшін препаратты қолданудың адекватты тәжірибесі жоқ. Нефроздық синдромы бар пациенттерді қоспағанда, препаратты трансплантациямен байланысты емес көрсетілімдер бойынша 16 жасқа дейінгі балаларға қолдану ұсынылмайды. Қосымша заттар Бұл препараттың құрамында пропиленгликоль бар, ол алкогольге ұқсас әсер тудыруы мүмкін.Бұл дәрілік препарат құрамында асқазанның бұзылуы мен диареяны тудыруы мүмкін полиоксил 40 гидрогенделген кастор майы бар. Бұл дәрілік препараттың құрамында аз мөлшерде этанол бар. Бұл препараттың құрамында тұқым қуалайтын фруктозаны көтере алмаушылығы бар адамдарда қарсы көрсетілген мальтитол бар. Фертильділік Панимун Биорал препаратының адамның фертильділігіне әсері туралы қолда бар деректер шектеулі. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Панимун Биорал неврологиялық және көру бұзылыстарын туындатуы мүмкін. Препарат көлік құралын басқару және механизмдермен жұмыс істеу қабілетіне орташа әсер етуі мүмкін, сондықтан мұндай жағдайда сақтық таныту қажет. Көлік жүргізу немесе техникамен жұмыс істеу кезінде абай болу керек. Циклоспориннің көлік құралдарын басқару және механизмдермен жұмыс істеу қабілетіне әсері бойынша зерттеулер жүргізілмеген.

Панимун Биорал препаратын жүктілік кезінде қолдануға болмайды, тек анаға зор пайдасы шаранаға төнетін ықтимал қауіптен басым болған жағдайларды қоспағанда. Панимун Биорал препараттарындағы этанол мөлшері жүкті әйелдерде де ескерілуі керек. Егер сіз бала емізетін болсаңыз, дәрігеріңізге хабарлаңыз. Циклоспоринмен емдеу кезінде бала емізу ұсынылмайды. Себебі циклоспориннің белсенді заты емшек сүтіне енеді. Бұл сіздің балаңызға әсер етуі мүмкін.

Дәрілермен өзара әрекеттесуі Көптеген дәрілік препараттардың циклоспоринмен өзара әрекеттесу жағдайлары тіркелген. Төменде циклоспоринмен өзара әрекеттесуі расталған және клиникалық маңызды препараттар берілген. Бірқатар препараттар бауыр ферменттерінің, әсіресе циклоспориннің метаболизміне қатысатын CYP3A4 әсерін бәсекелес тежеу немесе индукциялау арқылы плазмадағы немесе жаңа алынған қандағы циклоспориннің концентрациясын арттырады немесе азайтады. Циклоспорин, бұдан басқа, бұл Р-гликопротеиннің мультидәрілік эффлюксті тасымалдаушысы және органикалық аниондардың тасымалдаушы протеиндерінің CYP3A4 тежегіші болып табылады және осы ферменттің және/немесе тасымалдаушылардың субстраттары болып табылатын қан плазмасындағы қатарлас препараттардың концентрациясын арттыруы мүмкін. Циклоспориннің биожетімділігін төмендететін немесе арттыратын дәрілер: трансплантаты бар пациенттерде қандағы циклоспорин деңгейін жиі өлшеу және қажет болған жағдайда оның дозасын түзету қажет, әсіресе қатарлас препаратты тағайындаған немесе тоқтатқан уақытта. Трансплантатсыз пациенттерде қан деңгейі мен клиникалық әсерлер арасындағы байланыс айқын емес. Егер пациент циклоспорин деңгейін жоғарылататын препараттарды бір уақытта қабылдаса, онда бүйрек функциясын жиі бағалау және циклоспориннің жанама әсерлерін мұқият бақылау қан құрамындағы циклоспорин деңгейін өлшеуге қарағанда қажет. Циклоспориннің концентрациясын төмендететін препараттар Барлық CYP3A4 және/немесе Р-гликопротеин индукторлары циклоспориннің концентрациясын төмендетеді деп болжануда. Циклоспориннің концентрациясын төмендететін препараттардың мысалдары: барбитураттар, карбамазепин, окскарбазепин, фенитоин, нафциллин, вена ішіне сульфадимидин, пробукол, орлистат, құрамында шайқурай бар препараттар, тиклопидин, сульфинпиразон, тербинафин, бозентан. Құрамында шілтер жапырақты шайқурай бар препараттарды қан құрамындағы циклоспорин деңгейінің төмендеу қаупіне және тиімділігінің төмендеуіне байланысты Панимун Биорал препаратымен бірге қолдануға болмайды. Рифампицин ішек пен бауырда циклоспориннің метаболизмін индукциялайды. Рифампицинмен бір мезгілде қолданғанда циклоспориннің дозасын 3-5 есе арттыру қажет болуы мүмкін. Октреотид ішке қабылдаған кезде циклоспориннің сіңуін төмендетеді және циклоспориннің дозасын 50% - ға арттыру немесе вена ішіне қолдануға ауысу қажет болуы мүмкін. Циклоспориннің концентрациясын жоғарылататын препараттар Барлық CYP3A4 және/немесе Р-гликопротеин тежегіштері циклоспорин концентрациясының жоғарылауына әкелуі мүмкін. Мысалдар: никардипин, метоклопрамид, пероральді контрацептивтер, метилпреднизолон (жоғары дозаларда), аллопуринол, холий қышқылы және оның туындылары, протеаза тежегіштері, иматиниб, колхицин, нефазодон. Антибиотиктер-макролидтер: эритромицин циклоспориннің экспозициясын 4-7 есе арттыруы мүмкін, кейде нефроуыттылыққа әкеледі. Кларитромицин циклоспориннің экспозициясын екі есеге арттырғаны туралы хабарланды. Азитромицин циклоспориннің деңгейін шамамен 20%-ға арттырады. Азолды антибиотиктер: кетоконазол, флуконазол, итраконазол және вориконазол циклоспориннің экспозициясын екі еседен астам арттыруы мүмкін. Верапамил қан құрамындағы циклоспориннің концентрациясын 2-3 есе арттырады. Телапревирмен бір мезгілде қолдану циклоспориннің (AUC) қалыпқа келтірілген дозасының экспозициясының шамамен 4,64 есе артуына әкелді. Амиодарон қан сарысуындағы креатинин мөлшерінің жоғарылауымен бір мезгілде плазмадағы циклоспорин концентрациясын едәуір арттырады. Бұл өзара әрекеттесу амиодаронды қабылдауды тоқтатқаннан кейін ұзақ уақыт бойы болуы мүмкін, себебі оның жартылай ыдырау кезеңі өте ұзақ (шамамен 50 күн). Даназол қандағы циклоспориннің концентрациясын шамамен 50%-ға арттыратыны хабарланды. Дилтиазем (тәулігіне 90 мг дозада) плазмадағы циклоспориннің концентрациясын 50%-ға дейін арттыруы мүмкін. Иматиниб циклоспориннің экспозициясы мен Cmax шамамен 20%-ға арттырады. Каннабидиол (P-gp тежегіші): каннабидиолмен бір мезгілде қолданғанда кальциневриннің басқа тежегішінің қан құрамындағы деңгейінің жоғарылағаны туралы хабарламалар болды. Бұл өзара әрекеттесу ішектен Р-гликопротеин ағынының тежелуіне байланысты болуы мүмкін, бұл кальциневрин тежегіші биожетімділігінің жоғарылауына әкеледі. Сондықтан циклоспорин мен каннабидиолды жанама әсерлерді мұқият қадағалап, сақтықпен тағайындау керек. Трансплантат реципиенттерінде жаңа алынған қан құрамындағы циклоспориннің минималды концентрациясын бақылау және қажет болған жағдайда циклоспориннің дозасын түзету керек. Трансплантациясыз пациенттерде қажет болған жағдайда дозаны түзетумен қан құрамындағы циклоспориннің деңгейіне мониторинг жүргізуді қарастыру керек. Тағамдық өзара әрекеттесулер Препаратты грейпфрутпен немесе грейпфрут шырынымен бір мезгілде қолданғанда циклоспориннің биожетімділігі артады. Нефроуыттылықтың әлеуетті жоғарылауына әкелетін біріктірілімдер Циклоспоринді нефроуытты синергияны тудыруы мүмкін препараттармен біріктірілімде абайлап қабылдау керек: аминогликозидтер (гентамицин мен тобрамицинді қоса), амфотерицин В, ципрофлоксацин, ванкомицин, триметоприм (+сульфаметоксазол), фиброй қышқылының туындылары (мысалы, безафибрат, фенофибрат), ҚҚСП (соның ішінде диклофенак, напроксен, сулиндак), мелфалан, гистаминді H2-рецепторларының антагонистері (мысалы, циметидин, ранитидин), метотрексат. Синергиялық әсерімен нефроуыттылықты тудыруы мүмкін препараттарды бір мезгілде қабылдайтын пациенттерде бүйрек функциясына мұқият мониторинг жүргізу қажет. Бүйректің айтарлықтай бұзылуы жағдайында басқа препараттың дозасын азайту немесе балама емдеуді қарастыру қажет. Циклоспоринді такролимуспен бірге қолданудан аулақ болу керек, өйткені нефроуыттылық пен CYP3A4 және (немесе) P-гликопротеинмен фармакокинетикалық өзара әрекеттесу қаупі артады. ТӘВҚП (Тікелей әсер ететін вирусқа қарсы препараттар) терапияға әсері Циклоспориннің фармакокинетикасына С гепатиті вирусының клиренсімен байланысты ТӘВҚП терапиясы кезінде бауыр функциясының өзгеруі әсер етуі мүмкін. Мұқият мониторинг жүргізу және тиімділігін қамтамасыз ету үшін циклоспориннің дозасын түзету қажет болады. Циклоспориннің басқа препараттарға әсері Циклоспорин-CYP3A4, мультидәрілік эффлюксті тасымалдау Р-гликопротеині және органикалық аниондардың тасымалдау протеиндерінің тежегіші болып табылады. Циклоспоринмен бірге CYP3A4, Р-гликопротеин және органикалық аниондарды тасымалдаушы ақуыздардың субстраттары болып табылатын дәрілік препараттарды қолдану осы ферменттің және/немесе тасымалдаушылардың субстраттары болып табылатын қатарлас препараттардың қан плазмасындағы концентрацияны арттыруы мүмкін. Төменде кейбір мысалдар берілген. Циклоспорин сонымен қатар дигоксин, колхицин, ГМГ-КоА редуктаза (статиндер) тежегіштері мен этопозидтің клиренсін төмендетуі мүмкін. Егер осы препараттардың кез келгені циклоспоринмен бірге қолданылса, дәрілік препараттардың уытты әсерінің белгілерін уақтылы анықтау үшін мұқият клиникалық бақылау жүргізу қажет. Мұндай жағдайларда дозаны азайту немесе терапияны тоқтату қажет. Циклоспоринмен бір мезгілде қолданғанда осы статиндердің дозасын азайту керек, сонымен бірге қолдану жөніндегі тиісті нұсқаулықта келтірілген нұсқауларға сәйкес осы статиндерді бір мезгілде қолданудан аулақ болу керек. Әдетте циклоспоринмен қолданылатын статиндердің экспозициясының өзгеруі туралы жиынтық ақпарат 1-кестеде берілген. Статиндермен емдеу миопатия белгілері мен симптомдары бар пациенттерде немесе рабдомиолиз нәтижесінде дамитын бүйрек функциясының қайталама жеткіліксіздігін қоса алғанда, бүйрек функциясының ауыр бұзылуларының даму қаупі факторлары бар пациенттерде уақытша тоқтатылуы немесе тоқтатылуы мүмкін. 1-кесте.Әдетте циклоспоринмен қолданылатын статиндердің экспозициясының өзгеруі туралы жиынтық ақпарат Статин — Қолжетімді дозалар — Циклоспоринді қолдану арқылы экспозицияның өзгеру жиілігі Аторвастатин — 10–80 мг — 8–10 Симвастатин — 10–80 мг — 6–8 Флувастатин — 20–80 мг — 2–4 Ловастатин — 20–40 мг — 5–8 Правастатин — 20–80 мг — 5–10 Розувастатин — 5–40 мг — 5–10 Питавастатин — 1–4 мг — 4–6 Сондықтан циклоспорин мен лерканидипинді бір мезгілде қолдануды сақтықпен тағайындау ұсынылады. Циклоспорин мен алискиренді, P-гликопротеин субстратын бір мезгілде қолданғаннан кейін, алискиреннің Cmax шамамен 2,5 есе және AUC шамамен 5 есе өсті. Дегенмен, циклоспориннің фармакокинетикалық бейіні айтарлықтай өзгермейді. Циклоспорин мен алискиренді бір мезгілде қолдану ұсынылмайды. Дабигатран этексилаты және циклоспоринді циклоспориннің P-gp тежеуші белсенділігіне байланысты бір мезгілде қолдану ұсынылмайды. Нифедипин мен циклоспоринді бір мезгілде қолдану тек бір циклоспоринді қолданумен салыстырғанда қызылиек гиперплазиясы жағдайларының артуына әкелуі мүмкін. Диклофенак пен циклоспоринді бір мезгілде қолдану қайтымды сипаттағы бүйрек функциясы жеткіліксіздігінің ықтимал дамуымен диклофенактың биожетімділігінің айтарлықтай өсуіне әкеледі. Диклофенактың биожетімділігінің жоғарылауы оның «бірінші өту» метаболизмінің төмендеуінен болады деп болжануда. Циклоспорин мен «бірінші өту» әсері төмен ҚҚСП бір мезгілде қолдану (ацетилсалицил қышқылы сияқты) олардың биожетімділігінің күтілетін артуына әкелмейді. Эверолимусты немесе сиролимусты және циклоспориннің толық дозаларын микроэмульсия түрінде бір мезгілде қолданғанда сарысулық креатинин жоғарылайды. Циклоспорин дозаларын азайтқан кезде бұл әсер жиі қайтымды болады. Эверолимус пен сиролимус циклоспориннің фармакокинетикасына аз әсер етеді. Циклоспоринді бір мезгілде қолдану қан құрамындағы эверолимус пен сиролимустың концентрациясын едәуір арттырады. Циклоспорин мен калий сақтайтын препараттарды (мысалы, калий сақтайтын диуретиктер, AӨФ тежегіштері, ангиотензин II рецепторларының антагонистері) немесе құрамында калий бар препараттарды сақтықпен тағайындау керек, себебі бұл қан сарысуындағы калий деңгейінің айтарлықтай жоғарылауына әкелуі мүмкін. Циклоспорин сонымен қатар репаглинидтің плазмалық деңгейін жоғарылатып, гипогликемияның туындау қаупін арттырады. Дені сау еріктілерде бозентан мен циклоспоринді бірлесіп қолдану бозентанның экспозициясын бірнеше есе арттыруға ықпал етеді; бұл ретте циклоспориннің экспозициясы 35% - ға төмендейді. Циклоспорин мен бозентанды бір мезгілде қолдану ұсынылмайды. Дені сау еріктілерге амбрисентан мен циклоспориннің бірнеше дозасын енгізу амбрисентан экспозициясының шамамен 2 есе артуына әкелді, ал циклоспориннің экспозициясы шамалы (шамамен 10%) өсті. Антрациклин тобындағы антибиотиктердің (мысалы, доксорубицин, митоксантрон, даунорубицин) экспозициясы онкологиялық науқастарда антрациклин тобындағы антибиотиктерді және циклоспориннің өте жоғары дозаларын вена ішіне бір мезгілде қолданғанда айтарлықтай артады. Циклоспоринмен емдеу кезінде вакцинацияның тиімділігі төмен болуы мүмкін; тірі әлсіретілген вакциналарды қолданудан аулақ болу керек. Басқа препараттардың деңгейінің төмендеуіне әкелетін өзара әрекеттесулер Циклоспорин мен натрий микофенолатын немесе микофенолат мофетилін бір мезгілде қолдану трансплантаттары бар пациенттерде микофенол қышқылының орташа экспозициясын басқа иммуносупрессанттармен салыстырғанда 20–50%-ға дейін төмендетуі мүмкін. Бұл ақпаратты, әсіресе циклоспоринмен емді уақытша тоқтату немесе тоқтату жағдайында ескеру қажет. Циклоспориннің бір реттік дозасын (200 мг немесе 600 мг) элтромбопагтың бір реттік дозасымен (50 мг) бір уақытта қабылдау элтромбопагтың плазмадағы AUCinf көрсеткішін 18–24%-ға, ал Cmax — 25–39%-ға дейін төмендеткен. Емдеу кезінде пациенттің тромбоциттер деңгейіне байланысты элтромбопаг дозасын түзетуге жол беріледі. Циклоспоринмен бір мезгілде қолданған кезде тромбоциттер деңгейін аптасына кемінде бір рет, 2–3 апта бойы бақылау қажет. Тромбоциттер деңгейіне байланысты элтромбопаг дозасын арттыру қажет болуы мүмкін. Балалар Дәрілік заттардың өзара әрекеттесуін зерттеу тек ересек пациенттерде жүргізілді.

Сақтау мерзімі 2 жыл Сақтау шарттары 30 ºС-ден аспайтын температурада сақтау керек. Балалардың қолы жетпейтін жерде сақтау керек!