Панкрасан® форте таблетки

Бір таблетканың құрамында белсенді зат – панкреатин, сәйкесінше ферментті белсенділігі: амилаза – ЕФ 4620 ӘБ кем емес, липаза – ЕФ 3850 ӘБ кем емес, протеаза – ЕФ 275-500 ӘБ; қосымша заттар: натрий карбоксиметилкрахмалы (примогель), картоп крахмалы, желатин, магний стеараты, коллоидты кремнийдің қостотығы (аэросил), лактоза моногидраты (сүт қанты); қабығының құрамы: метакрил қышқылы және этилакрилат сополимері [1:1], повидон (коллидон 30), полисорбат (твин-80), тальк, темірдің қоңыр тотығының бояғышы (ферронат Р Е172). Сыртқы түрінің, иісінің, дәмінің сипаттамасы Екі беті дөңес пішінді, қоңыр немесе күңгірт-қоңыр түсті қабықпен қапталған дөңгелек таблеткалар. Өзіне тән иісі болуына жол беріледі. Көлденең қимасында екі қабаты көрінеді: сыртқы – қоңыр немесе күңгірт-қоңыр түсті, ішкі – ашық-қоңыр түсті, ішкі қабатында теңбілдері болуына жол беріледі.

• ұйқы безінің ас қорыту бұзылыстарымен бірге жүретін экзокриндік жеткіліксіздігін емдеу үшін

Панкреатин ұнтағы сүтқоректілердің, әдетте шошқаның ұйқы безінен дайындалады, онда экскреторлық ферменттермен қатар (липаза, альфа-амилаза, трипсин және химотрипсин) басқа да ферменттер бар. Сонымен қатар, ұйқы безінен жасалған ұнтақтың құрамында ферментті белсенділігі жоқ басқа да қатарлас заттар болады. Ұйқы безінен жасалған ұнтақ асқазан-ішек жолында сіңірілмейді. Оның үлкен бөлігі ас қорыту сөлдерімен немесе бактерияларымен ыдырауға немесе денатурацияға ұшырайды және нәжіспен шығарылады. Ас қорыту белсенділігі ферменттердің белсенділігіне, сондай-ақ дәрілік түріне қарай анықталады. Шешуші фактор - липазаның ферментті белсенділігі, сондай-ақ құрамында трипсин болуы, ал амилолизистік белсенділік тек муковисцидозды емдеуде ғана маңызды, өйткені созылмалы панкреатитте де полисахаридтердің ыдырауы бұзылмайды. Ұйқы безінің липазасы триацилглицерид молекуласынан 1 және 3 қалыптарда май қышқылдарын ажыратады. Осылайша түзілетін үш май қышқылы және 2-моноглицерид өт қышқылдарының қатысуымен жіңішке ішектің жоғарғы бөлігінен жылдам сіңіріледі. Жануарлардың ұйқы безінің липазасы - адам липазасы сияқты - қышқылдардың әсеріне тұрақсыз, яғни оның липолизистік функциясы рН мәні 4-тен төмен болған кезде белсенділігін қайтымсыз жоғалтады. Трипсин трипсиногеннен аутокатализдік реакцияда немесе жіңішке ішектің энтерокиназасының әсерінен түзіледі және содан кейін басқа протеолизистік ферменттерді белсендіреді. Эндопептидаза ретінде ол лизин мен аргинин қатысатын пептидтік байланыстарды ыдыратады, осылайша басқа ферменттермен бірге аминқышқылдары мен ұсақ пептидтерге дейінгі протеолизді қамтамасыз етеді. Соңғы зерттеулерге сәйкес, теріс кері байланыс механизмі бойынша трипсин жіңішке ішектің жоғарғы бөліктерінде белсендірілгеннен кейін өзі ынталандыратын ұйқы безінің секрециясын бәсеңдетеді. Кейбір жұмыстарда сипатталған панкреатин препараттарының аналгезиялық ықпалы дәл осы әсермен түсіндіріледі. Эндоамилаза сияқты, альфа-амилаза құрамында глюкоза бар полисахаридтерді өте тез ыдыратады және сондықтан оның белсенділігі, тіпті ауру жағдайында ұйқы безінің секреторлық белсенділігі айтарлықтай төмендесе де, әдетте жеткілікті түрде жоғары күйде қалады.

Дозалау режимі Ересектер Тамақты бір қабылдауға ұсынылатын доза: тамақтанудың басында 1-2 таблетка. Препараттың дозасы ас қорыту жүйесінің бұзылу дәрежесіне қарай анықталады. Қолайлы доза әдетте жеке таңдалады. Тағамның сипатына байланысты, сондай - ақ тамақтану кезіндегі ас қорытудың бар немесе күтілетін бұзылыстарының ауырлық дәрежесін ескере отырып, препараттың 2-4 таблеткасы қосымша қабылданады. Қажет болса, препараттың дозасы көрсетілгеннен едәуір жоғары болуы мүмкін. Дозаны жоғарылату тек дәрігердің бақылауымен жүзеге асырылуы тиіс және симптомдардың қарқындылығын төмендетуге бағытталуы керек (мысалы, стеаторея, асқазандағы ауырсынуды сезіну сияқты). Егер дозаны одан әрі арттыру қажет болса, белсенді зат құрамы жоғарырақ басқа дәрілік түрі, атап айтқанда панкреатин бар. Балалар Препаратты 3 жасқа дейінгі балаларға қолдануға балмайды. 3 жастан асқан балалар – балаларға препараттың дозасы туралы шешімді дәрігер қабылдау керек. Енгізу әдісі және жолы Ішке. Таблеткаларды тұтас күйде, шайнамай және жеткілікті мөлшердегі сұйықтықпен іше отырып, қабылдау керек. Емдеу ұзақтығы Препаратты қолдану ұзақтығы аурудың барысына байланысты және оны емдеуші дәрігер анықтайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану бойынша сұрақтар туындаған кезде медициналық қызметкерінің кеңесіне жүгіну қажет.

• белсенді затқа, шошқа етіне (шошқа етіне аллергия) немесе препараттың қосымша заттарының кез келгеніне аса жоғары сезімталдық • жедел панкреатит және өршу фазасындағы созылмалы панкреатиттің жедел ұстамалары. Алайда, аурудың бәсеңдеу фазасында диетаны кеңейту кезінде - егер ас қорытудың бұрыннан қалған немесе сақталған бұзылыстарының белгілері болса-препаратты ара арасында қабылдаған дұрыс болады • тұқым қуалайтын галактоза жақпаушылығы, лактаза тапшылығы немесе глюкоза - галактоза мальабсорбциясы синдромы • 3 жасқа дейінгі бала жасы

Өте сирек • дереу типті аллергиялық реакциялар (тері бөртпесі, есекжем, түшкіру, көзден жас ағу, бронх түйілуі, диспноэ сияқты) • диарея, абдоминальді жайсыздану, іштің ауыруы, жүрек айнуы, құсу • құрамында панкреатиттік ферменттері көп препараттарды қабылдаған муковисцидозы бар пациенттерде ішектің илеоцекальді бөлімінде және өрлемелі тоқішекте стриктуралар түзілуі сипатталған (фиброзды колонопатия) Белгісіз • муковисцидозы бар пациенттерде, әсіресе құрамында панкреатиттік ферменттері көп препараттарды қабылдағанда несеппен несеп қышқылы шығарылуының жоғары болуы ықтимал. Осыған байланысты, бұл пациенттерде несеп қышқылының тастарының түзілуін болдырмау үшін несептегі несеп қышқылының бөлінуін бақылау керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы уақытқа дейін артық дозалану және уыттану симптомдары белгісіз және препараттың құрамын ескере отырып, ықтималдығы аз.

Панкрасан® форте препаратты қабылдау алдында емдеуші дәрігерге кеңес алу үшін дәрігерден немесе дәріхана қызметкерінен кеңес алыңыз. Таблетканы шайнамаңыз немесе сындырмаңыз! Панкрасан® форте препаратының құрамында белсенді ферменттер бар, олар ауыз қуысында босап шыққан кезде, мысалы, шайнау кезінде ауыз қуысының шырышты қабығын зақымдауы (ойық жаралар пайда болуына дейін) мүмкін. Арнайы сақтандырулар Педиатрияда қолдану Препаратты 3 жасқа дейінгі балаларға қолдануға болмайды. Ересектеу жастағы балаларда препарат дәрігердің тағайындауы бойынша қолдану керек. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат жоғары зейін қою мен психомоторлық реакциялардың жылдамдығын талап ететін қауіптілігі зор қызмет түрлерін орындау қабілетіне әсер етпейді (оның ішінде көлік құралдарын басқару, қозғалмалы материалдармен жұмысқа).

Егер Сіз жүкті болсаңыз немесе бала емізетін болсаңыз, жүкті болуым мүмкін деп ойласаңыз немесе жүктілікті жоспарласаңыз препаратты қолдануды бастар алдында емдеуші дәрігермен ақылдасыңыз. Жүктілік кезінде және бала емізу кезінде панкреатинді қолдану туралы деректер жоқ. Жүктілік кезінде және бала емізу кезінде емдеуші дәрігер панкреатинді тек ана үшін күтілетін пайдасы шаранаға немесе балаға болжамды қаупінен астам болған жағдайда ғана тағайындауы мүмкін.

Сіз қандай да бір басқа препаратты қабылдап жүргеніңіз, жақында қабылдағаныңыз немесе қабылдауды бастауыңыз мүмкіндігі туралы емдеуші дәрігерге немесе дәріхана қызметкеріне хабарлаңыз. Фолий қышқылы Панкреатин В9 дәруменінің (фолий қышқылы) сіңуін төмендетуі мүмкін, бұл емдеу кезінде дәруменді қосымша қабылдауды қажет етуі мүмкін. Акарбоза, миглитол Препараттың құрамына кіретін ас қорыту ферменттері қант диабетін емдеуге арналған кейбір дәрілік заттардың - акарбоза және миглитолдың әсерін төмендетуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25оС-ден аспайтын температурада сақтау керек. Балалардың қолы жетпейтін жерде сақтау керек!