Панкреазим таблетки

Бір таблетканың құрамында белсенді зат: кем дегенде 8000 липолитикалық ӘБ F.I.P., 5600 амилолитикалық ӘБ F.I.P., 370 протеолитикалық ӘБ F.I.P. ферментативті белсенділігі бар панкреатин; қосымша заттар: натрий хлориді, сусыз коллоидты кремнийдің қостоты- ғы, микрокристалды целлюлоза, кросповидон, натрий кроскармеллозасы, повидон 25, магний стеараты, метакрилат сополимері дисперсиясы, тальк, пропиленгликоль, титанның қостотығы (Е 171), кармоизин (Е 122) Сыртқы түрінің, иісінің, дәмінің сипаттамасы Дөңгелек пішінді, екі беті дөңес, ішекте еритін қызғылт түсті қабықпен қапталған, өзіне тән әлсіз иісі бар таблеткалар.

Ұйқы безінің экзокринді жеткіліксіздігін емдеу үшін.

Әсер ету механизмі Панкреазим – ферменттік препарат. Ұйқы безінің аурулары кезінде препарат оның сыртқы секреторлық функциядағы жеткіліксіздігінің орнын толтырады және ас қорыту үдерісінің жақсаруына ықпал етеді. Фармакодинамикалық әсерлері Құрамында экскреторлық панкреатиндық ферменттер: липаза, альфа-амилаза, трипсин, химотрипсин бар. Панкреатин құрамына кіретін ферменттер жіңішке ішектің сілтілік ортасында босап шығады, өйткені асқазан сөлінің әсерінен қабықпен қорғалған. Липаза тамақ майларын – триглицеридтерді глицерин мен жоғарғы май қышқылдарына ыдыратады. Альфа-амилаза полисахаридтердің (крахмал, гликоген) төмен молекулалы көмірсуларға дейін ыдырауын катализдейді. Трипсин ұйқы безінің стимуляцияланған секрециясын тежеп, Панкреазимнің ауыруды басатын әсеріне түрткі болады. Химотрипсин трипсинмен бірге тамақ ақуыздарының протеолизіне қатысады.

Дозалау режимі Панкреазимді ересектерге, тәулігіне 3-4 рет 2-4 таблеткадан тағайындайды. Дозасы ас қорытудың бұзылу дәрежесіне байланысты жекелей белгіленеді. Енгізу әдісі және жолы Ішке қабылдауға арналған. Таблеткаларды тұтастай, көп мөлшерде сұйықтық (су, жеміс шырындары) ішіп жұту керек. Емдеу ұзақтығы Емдеу ұзақтығы бірнеше күннен (қорыту үдерісі диетадағы ауытқушылықтардың салдарынан бұзылған кезде) бірнеше айға немесе жылға дейін (тұрақты алмастыру емі қажет болған жағдайда) ауытқып отыруы мүмкін. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Осы препаратты қолдану бойынша қандай да бір қосымша сұрақтар туындаса, өз емдеуші дәрігеріңізге кеңес алу үшін жүгініңіз.

- шошқадан алынған панкреатинге немесе препараттың кез келген басқа қосымша заттарға жекелей жоғары сезімталдық - жедел панкреатит - өршу сатысындағы созылмалы панкреатит - асқазан-ішек жолының обструкциялық аурулары (ішек бітелісі, жаңа түзілімдер) - балалар мен 18 жасқа дейінгі жасөспірімдер

Ұйқы безі ферменттерінің препараттарын қолдану кезінде байқалатын негізгі күрделі жағымсыз реакциялар анафилаксиялық реакциялар және фиброзды колонопатия болып табылады («Қолдану кезіндегі қажетті сақтандыру шаралары» бөлімін қараңыз). Неғұрлым жиі хабарланатын жағымсыз құбылыстар жеңіл және орташа дәрежедегі асқазан-ішек жолдарының бұзылыстары болды. Клиникалық зерттеулер барысында пайда болған жағымсыз реакциялар және олардың жиілігі төменде келтірілген. Өте жиі - іштің ауыруы Жиі - жүрек айнуы, құсу, іш қатуы, іштің кебуі, диарея Жиі емес - бөртпе Жиілігі белгісіз - аса жоғары сезімталдық*, анафилаксиялық реакциялар* - ішек және жуан ішектің илеоцекальды бөлігінің тарылуы (фиброзды колонопатия) - қышыну, есекжем * Маркетингтен кейінгі кезеңде аса жоғары сезімталдықтың келесі симптомдары байқалды: жайылған тері бөртпесі, ангионевроздық ісіну, еріннің ісінуі, ауыздың шырышты қабығының және беттің ісінуі, көз айналасының ашып күйдіруі және ісінуі, демікпе симптомдары. Бұдан бөлек, анафилаксиялық шокта тахикардия және гипотония туралы хабарланды. Балалар Балаларда ерекше спецификалық жағымсыз реакциялар анықталмаған. Муковисцидозбен ауыратын балалардағы жағымсыз реакциялардың жиілігі, түрі және ауырлығы ересектердікіне ұқсас. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диарея, іш қатулар, гиперурикозурия, гиперурикемия. Емі: препаратты тоқтату, сұйықтықты жеткілікті мөлшерде тұтыну, симптоматикалық ем.

Фиброзды колонопатия Панкреатин препараттарын жоғары дозада қабылдаған, муковисцидозбен ауыратын науқастарда ішек және жуан ішектің илеоцекальды бөлігінің тарылуы (фиброзды колонопатия) байқалды. Ескерту шарасы ретінде іштің әдеттен тыс симптомдар пайда болған немесе олардың сипаты өзгерген жағдайда, әсіресе пациент тәулігіне 10 000 бірліктен астам липаза/кг қабылдаса, фиброзды колонопатия мүмкіндігін болдырмау үшін медициналық кеңеске жүгіну ұсынылады. Анафилаксиялық реакциялар Ұйқы безі ферменттері препараттарына анафилаксиялық реакциялар болуының сирек жағдайлары туралы хабарланды. Мұндай реакция пайда болған жағдайда, пациенттерге емдеуді дереу тоқтатып, шұғыл медициналық көмекке жүгіну ұсынылу керек. Аса жоғары сезімталдыққа байланысты жағымсыз реакциялар қаупін азайту үшін шошқа ақуызына аллергиясы бар пациенттерге сақ болу ұсынылады. Ауыз қуысының шырышты қабығының тітіркенуі Егер таблеткалар шайналатын болса және/немесе ауызда тым ұзақ ұсталатын болса, ауызда ауырсыну, тітіркену (стоматит), қан кету және ауыз қуысында ойық жаралар пайда болуы мүмкін. Ауызды шаю және бір стақан су ішу ауыз қуысының тітіркенуінің алғашқы белгілері пайда болғанда көмектесуі мүмкін. Қосымша заттар Бұл дәрілік препараттың таблеткасының құрамында 1 ммоль мөлшерінен аз натрий (23 мг) бар, яғни оның «құрамы натрийсіз» дерлік екенін білдіреді. Арнайы сақтандырулар Педиатрияда қолдану Балалар мен 18 жасқа дейінгі жасөспірімдерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қабылдау пациенттің автокөлік құралын немесе қауіптілігі зор механизмдерді басқару қабілетіне әсерін тигізбейді.

Ұрпақ өрбіту функциясы мен шарана дамуына уытты әсері туралы деректер жоқ. Панкреазимді жүкті әйелдерге тек, егер анасы үшін пайдасы шарана үшін қаупінен асып түсетін болса ғана тағайындау керек. Препаратты лактация кезеңінде тағайындағанда сақтық таныту керек.

Бір мезгілде қабылдағанда фолий қышқылы мен темір препараттарының сіңуі төмендейді, бұл олардың дозасын арттыруды қажет етеді. Панкреазим акарбоза және миглитол препараттары әсерінің азаюына ықпал етеді. Құрамында кальций карбонаты және/немесе магний гидроксиді бар антацидтік дәрілерді бір мезгілде қолдану панкреатин тиімділігінің төмендеуіне алып келуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25С-ден аспайтын температурада сақтау керек. Балалардың қолы жетпейтін жерде сақтау керек!