Панкреатин таблетки 25 Единица действия

Бір таблетканың құрамында белсенді зат - панкреатин, 100 мг; қосымша заттар: картоп крахмалы, желатин, кальций стеараты, лактоза моногидраты (сүтті қант); қабықтың құрамы: метакрил қышқылы және этилакрилат сополимері [1:1] (Kollicoat® MAE 100P), тальк, полисорбат-80 (твин-80), повидон (коллидон 30), титанның қостотығы (титанды қостотық) Е171, азорубин (қышқылды қызыл бояғыш 2С) Е 122. Сыртқы түрінің, иісінің, дәмінің сипаттамасы Екі беті дөңес, қызғылт немесе күңгірт-қызғылт түсті қабықпен қапталған таблеткалар. Көлденең кесіндісінде екі қабат көрінеді: сыртқы – қызғылт немесе күңгірт-қызғылт, ішкі-ақ сарғыштан немесе қошқылтым реңкке дейін, ашық-қоңырдан қою қоңырға дейін теңбілдермен. Тән иісі болуына жол беріледі.

Препарат ересектерге қолдануға көрсетілген. • орын басушы ем ретінде ұйқы безінің сыртқы секрециялық жеткіліксіздігінде

Ас қорытуға ықпал ететін препараттар, ферменттерді қоса. Ферментті препараттар. Мультиферменттер (липаза, протеаза және т.б.). АТХ коды: A09AA02 Әсер ету механизмі Ас қорыту ферментті дәрілік зат ұйқы безінің сыртқы секреторлық функциясының жеткіліксіздігін өтейді, протеолитикалық, амилолитикалық және липолитикалық әсер етеді. Асқазан-ішек жолдарының функционалдық жай-күйін жақсартады, ас қорыту үдерістерін қалыпқа келтіреді. Фармакодинамикалық әсері Құрамына кіретін панкреатинді ферменттер (липаза, амилаза, трипсин, химотрипсин) ақуыздардың амин қышқылдарына дейін, майлардың глицеринге және май қышқылдарына, крахмалды декстриндерге және моносахаридтерге дейін ыдырауына ықпал етеді. Трипсин ауыруды басатын әсер бере отырып, ұйқы безінің стимуляцияланған секрециясын тежейді.

Дозалау режимі Дозасы ас қорытудың бұзылу дәрежесіне байланысты жекелей белгіленеді. Ересектерге әдетте - 2-4 таблеткадан тәулігіне 3-6 рет. Тәуліктік ең жоғары доза - 16 таблетка. Енгізу әдісі және жолы Препаратты шайнамай және сілтілік емес сұйықтықпен (су, жеміс шырындары) іше отырып, тамақтану уақытында немесе тамақтан кейін ішке қабылдайды. Қабылдау уақыты көрсетілген қолдану жиілігі Препаратты тәулігіне 3-6 рет қолданған жөн. Емдеу ұзақтығы Емнің ұзақтығын емдеуші дәрігер анықтайды. Дәрілік препараттың бір немесе бірнеше дозасын өткізу кезінде қажетті шаралар Жоқ. Тоқтату симптомдары қатерінің болуын көрсету Жоқ. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты дәрігердің тағайындауы бойынша қолданады.

• препарат компоненттеріне аса жоғары сезімталдық • жедел панкреатит, созылмалы панкреатит асқынуы • галактоза жақпаушылығы, лактаза тапшылығы немесе глюкоза - галактоза мальабсорбциясы синдромымен байланысты тұқым қуалайтын сирек аурулар • 18 жасқа дейінгі балалар және жасөспірімдер • жүктілік және лактация кезеңі

• аллергиялық реакциялар сирек: • диарея, іш қатуы, асқазан аумағында жайсыздық сезіну, жүрек айнуы (бұл реакциялардың дамуының панкреатин әсерімен себеп-салдарлы байланысы анықталмаған, себебі аталған құбылыстар ұйқы безінің сыртқы секрециялық жеткіліксіздігі симптомдарына жатады) • гиперурикозурия, гиперурикемия (жоғары дозаларда ұзақ уақыт қолданғанда) • муковисцидозда өрлемелі ішектің илеоцекальді бөлігінде стриктуралар (фиброзды колонопатия) дамуы панкреатиннің қажетті дозасын жоғарылатқан жағдайда Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: гиперурикозурия, гиперурикемия, іштің қатуы. Емі: препаратты тоқтату, симптоматикалық ем.

Жоқ. Арнайы ескертулер Муковисцидозда стриктуралар (фиброзды колонопатия) даму қаупі жоғарылығы салдарынан препаратты жоғары дозаларда қолдану ұсынылмайды. Доза пайдаланылатын тамақтың сапасы мен мөлшерін ескере отырып, майдың сіңуі үшін қажетті ферменттер мөлшеріне сай болуы тиіс. Талапқа сай таңдалған дозасының критерийлері: дене салмағының артуы, нәжістің қалыпқа түсуі (тәулігіне 3 реттен аз, консистенциясының қалыпқа түсуі), іш кебуінің азаюы. Ұзақ уақыт қолданғанда, бір мезгілде темір препараттарын тағайындайды. Лактоза Препарат құрамында лактоза бар (бір таблеткадағы ең көп мөлшер 0,16974 г болуы мүмкін). Препарат лактозаны көтере алмаушылықпен, туа біткен Lapp-лактаза жеткіліксіздігімен немесе глюкоза/галактоза сіңірілуінің бұзылуымен байланысты сирек тұқым қуалайтын аурулары бар пациенттерге қарсы көрсетілімді. Педиатрияда қолдану Препарат 18 жасқа дейінгі балалар мен жасөспірімдерде қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік құралдарын басқару және зейін қою мен психомоторлық реакциялардың жылдамдығын қажет ететін қауіптілігі зор басқа қызмет түрлерімен шұғылдану қабілетіне әсер етпейді.

Препарат құрамында балалар үшін тыйым салынған бояғыш (азорубин) бар болғандықтан оны жүктілер мен бала емізетіндерге қолдануға болмайды.

Панкреатинді қолданғанда темірдің және фолий қышқылының сіңуі төмендеуі мүмкін. Құрамында кальций карбонаты және/немесе магний гидроксиді бар антацидті дәрілерді бір уақытта қолдану панкреатин тиімділігінің төмендеуіне алып келуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!