Панкреатин таблетки 25 Единица действия

Бір таблетканың құрамында белсенді зат: панкреатин 0.1 г (протеолитикалық белсенділігі 25 ӘБ кем емес, липолитикалық белсенділігі 140 ӘБ кем емес, амилолитикалық белсенділігі 1500 ӘБ кем емес); қосымша заттар: лактоза моногидраты, метилцеллюлоза МЦ-16, кальций стеараты; қабықтың құрамы: целацефат, қышқылды қызыл 2С Е122, титанның қостотығы Е171, полисорбат-80. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, өзіне тән иісі бар, қызғылт немесе қоңыр-қызғылт түсті қабықпен қапталған таблеткалар. Таблетканың көлденең қимасында теңбілдер болуына жол беріледі.

Ұйқы безінің экзокринді (ферментті) жетіспеушілігін алмастыратын ем.

Ұйқы безінің сыртқы сөліністік функциясы жеткіліксіздігінің орнын толтырып, протеолитикалық, амилолитикалық және липолитикалық әсер етеді. Панкреатиннің құрамына кіретін ферменттер (липаза, альфа-амилаза, трипсин, химотрипсин) ақуыздарды аминқышқылдарына дейін, майларды глицеринге және майлы қышқылдарға дейін, крахмалды декстриндер мен моносахаридтерге дейін ыдыратады, олардың жіңішке ішекте барынша толық сіңуіне ықпал етеді. Сондай-ақ препарат ұйқы безі, асқазан мен жіңішке ішектің жеке ферменттерінің, сондай-ақ өттің бөлінуін көтермелейді. Асқазан-ішек жолының функционалдық жағдайын жақсартады, ас қорыту үдерістерін қалыпқа келтіреді.

Дозалау режимі Ересектер: 50-100 ӘБ 2-4 таблеткадан тәулігіне 3-4 рет. Енгізу әдісі және жолы Препаратты шайнамай, тамақтану кезінде немесе тамақтан кейін ішке қабылдайды. Емдеу ұзақтығы Препаратты қабылдау ұзақтығын ауру ағымына байланысты дәрігер белгілейді. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

- әсер етуші затқа немесе қосымша заттардың кез келгеніне аса жоғары сезімталдық - галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы - жедел панкреатит, созылмалы панкреатиттің өршуі - 18 жасқа дейінгі балалар мен жасөспірімдер

Асқазан-ішек жолы тарапынан бұзылулар: Өте жиі: іш аймағының ауыруы. Жиі: жүрек айнуы, құсу, іш қату, іштің кебуі, диарея (панкреатин әсерімен бұл реакциялар дамуының себеп-салдарлы байланысы анықталған жоқ, өйткені көрсетілген құбылыстар ұйқы безінің сыртқы секреторлық жеткіліксіздікте білінетін симптомдарға жатады) Белгісіз: препараттың жоғары дозаларын алған муковисцидозы бар пациенттерде мықын, бүйен және жуан ішек (фиброзданатын колонопатия) стриктурасы Тері және тері асты тіндері тарапынан бұзылулар Жиі емес: бөртпе. Белгісіз: қышыну, есекжем. Иммундық жүйе тарапынан бұзылулар: Белгісіз: аса жоғары сезімталдық (анафилаксиялық реакциялар). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: гиперурикозурия, гиперурикемия. Емі: препаратты тоқтату, симптоматикалық ем.

• муковисцидозда – жүктілік кезеңінде Арнайы ескертулер Муковисцидоз кезінде стриктураның (фиброзды колонопатия) даму қатері артатындықтан панкреатинді жоғары дозада қолдануға болмайды. Доза қабылданатын тағамның сапасы мен көлемі ескерілген майлардың сіңіуіне қажетті ферменттердің мөлшеріне сай болуы керек. Ұзақ уақыт бойы қолданған кезде онымен бірге темір препараттарын тағайындайды. Педиатрияда қолдану Панкреатинді қолдану 18 жасқа дейінгі балаларға қолдануға болмайды. Жүктілік Қолдану ана үшін күтілетін пайдасы шарана үшін ықтимал қауіптен асатын жағдайларда мүмкін болады. Лактация Ұйқы безінің ферменттерін емшек сүтімен емізу кезеңінде әйелдер қабылдауы мүмкін. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті және қауіптілігі зор механизмдерді басқару қабілетіне әсер етпейді.

Нұсқаулықта көрсетілмеген.

Панкреатинді темір препараттарымен бір мезгілде қолданған кезде соңғыларының сіңуі төмендеуі мүмкін. Құрамында кальций карбонаты және/немесе магний гидроксиді бар антацидті дәрілерді бір мезгілде қолдану панкреатин тиімділігінің төмендеуіне әкелуі мүмкін.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Пішінді ұяшықты қаптаманы қорапшада, 25 °С-ден аспайтын температурада сақтау керек. Балалардың қолы жетпейтін жерде сақтау керек!