Панкреатин 8000 таблетки 0.24 г

Бір таблетканың құрамында белсенді зат - панкреатин 0.24 г, кем дегенде мынадай белсенділікке сәйкес 8000 липолитикалық Ph. Eur. U., 5800 амилолитикалық Ph. Eur.U. және 380 протеолитикалық Ph. Eur. U., қосымша заттар: микрокристалды целлюлоза, кросповидон, натрий хлориді, коллоидты кремнийдің қостотығы, магний стеараты, метакрилат сополимер дисперсиясы, тальк, полиэтиленгликоль (макрогол), титанның қостотығы (Е 171), кармоизин (Е 122). Сыртқы түрінің, иісінің, дәмінің сипаттамасы Екі беті дөңес, қызғылт түсті қабықпен қапталған дөңгелек пішінді таблеткалар. Сындырған кезде екі қабат көрінеді: теңбілдері бар бұдырлы ядро және қабық.

- ұйқы безінің экзокринді жеткіліксіздігін емдеу үшін

Әсер ету механизмі Ферменттік препарат. Тиісінше өсімдік және жануар майларын (глицерин мен май қышқылдарына дейін), полисахаридтерді (декстриндер мен моноқанттарға дейін) және ақуыздарды (дипептидтер мен амин қышқылдарына дейін) гидролиздейтін, олардың жіңішке ішекте толық сіңуіне ықпал ете отырып, ұйқы безі ферменттерінің (липазалардың, амилазалардың және протеазалардың) тапшылығын толтырады. Фармакодинамикалық қасиеттері Ұйқы безінің ауруларында препарат оның сыртқы секрециялық функциясының жеткіліксіздігін толтырады және ас қорыту үдерісін жақсартуға көмектеседі. Клиникалық тиімділігі және қауіпсіздігі Панкреатин 8000, қабықпен қапталған таблеткалар, генериктік дәрілік зат болып табылады. Панкреатин 8000 емдеудің артықшылықтары ұйқы безі жұмысының жеткіліксіздігінен және созылмалы панкреатиттен зардап шегетін адамдардың қатысуымен жүргізілген зерттеулерде көрсетілген. Созылмалы панкреатитпен ауыратын пациенттерді емдеудегі референттік препаратпен салыстырғанда «Тернофарм» ЖШҚ өндіретін таблеткалары, Панкреатин 8000 препаратының параллель топтарындағы тиімділігі мен төзімділігіне ашық клиникалық зерттеу жүргізілді. Зерттеу нысаны ауырлығы жеңіл немесе орташа дәрежедегі сыртқы секрециялық жеткіліксіздігімен ремиссия фазасындағы созылмалы панкреатит диагнозы бар, 18 жастан 65 жасқа дейінгі екі жыныстағы 64 пациент (32 негізгі және 32 бақылау пациенттерінен тұратын топ) болды. Жүргізілген клиникалық зерттеудің нәтижелері «Тернофарм» ЖШҚ өндірген таблеткалар, Панкреатин 8000 дәрілік заты созылмалы панкреатиті бар науқастардағы клиникалық көріністердің айқындылығын төмендететіндігі туралы қорытынды жасауға мүмкіндік береді, тиімділігі мен жағымдылығы көрсеткіштері бойынша референттік дәрілік затпен салыстыруға болады. Зерттелетін препараттың жағымдылығы негізгі топтың 29 пациентінде (90,6%) және бақылау тобының 29 пациентінде (90,6%) «жақсы»; негізгі топтың 3 пациентінде (9,4%) және бақылау тобының 3 пациентінде (9,4%) «қанағаттанарлық» деп бағаланды. Балалар Балалар мен 18 жасқа дейінгі жасөспірімдерде қолдануға болмайды

Дозалау режимі Препараттың дозасы он екі елі ішектегі панкреатиндік ферменттердің тапшылығына байланысты және жеке тағайындалады Егер басқа ұсыныстар болмаса, сондай-ақ ауыр сіңірілетін өсімдіктен жасалған тамақты, майлы немесе әдеттен тыс тағамды жеген кезде 1-2 таблеткадан қабылдайды. Жоғарыда аталған басқа жағдайларда, ас қорыту бұзылыстары пайда болған кезде, ұсынылған доза 2-4 таблетканы құрайды. Қажет болса, препараттың дозасын арттыруға болады. Аурудың симптомдарын азайту мақсатында, мысалы, стеаторея немесе іштің ауыруы кезінде дозаны арттыру тек дәрігердің бақылауымен жүргізілуі керек. Липазаның тәуліктік дозасы 15000-20000 липолитикалық Ph. Eur. U. 1 кг дене салмағынан аспауы керек. 18 жастағы пациенттерге ферменттердің тәуліктік дозасы 15000-20000 липолитикалық Ph. Eur. U. 1 кг дене салмағына липазалар аспауы керек. Енгізу әдісі және жолы Таблеткаларды тұтастай жұтып, көп мөлшердегі сұйықтықпен, мысалы, бір стақан сумен ішеді. Қабылдау уақытын көрсете отырып қолдану жиілігі Таблеткаларды тамақтану кезінде қабылдайды

- әсер етуші затқа немесе қосымша заттардың кез келгеніне аса жоғары сезімталдық - асқыну сатысындағы жедел панкреатит немесе созылмалы панкреатит (бірақ эпизодтық асқынуы ұйқы безі функциясының бұзылысы бар болса, диетаны кеңейткенде бәсеңдеген асқыну фазасында туындайды) - балалар мен 18 жасқа дейінгі жасөспірімдер

Өте жиі (≥ 1/10): іш аумағының ауыруы Жиі (≥ 1/100, <1/10): жүрек айнуы, құсу, іш қату, іштің кебуі, диарея (панкреатин әсерінен бұл реакциялардың себеп-салдарлық байланысы анықталған жоқ, себебі аталған реакциялар ұйқы безінің сыртқы секрециялық жеткіліксіздігінің симптомдарына жатады) Жиі емес(≥ 1/1000, <1/100): бөртпе. Жиілігі белгісіз: препараттың жоғары дозасын қабылдаған муковисцидозы бар мықын, соқыр және тоқ ішектің стриктурасы (фиброзды колонопатия). қышыну, есекжем, аса жоғары сезімталдық (анафилаксиялық реакциялар). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: гиперурикозурия, гиперурикемия, іш қату. Емі: симптоматикалық ем.

- панкреатиннің жоғары дозаларын қабылдаған муковисцидозбен ауыратын науқастарда ішек пен тоқ ішектің илеоцекальды бөлігінің тарылуы (фиброзды колонопатия) және колит байқалды, сондықтан, осы жағдайды еске түсіретін симптомдар болған кезде, ішектің стриктурасы мүмкін екенін есте сақтау керек. Науқаста әдеттен тыс абдоминальді симптомдар пайда болған кезде немесе негізгі ауру симптомдарының сипаты өзгерген кезде, әсіресе пациент 10000 липолитикалық Ph. Eur. U./кг/тәулігіне артық дозаны қолданған жағдайда тоқ ішектің зақымдану мүмкіндігін болдырмау ұсынылады. - препарат құрамында белсенді ферменттер бар, олар ауыз қуысының шырышты қабығын зақымдауы мүмкін, сондықтан таблеткаларды шайнамай жұту керек - муковисцидозға байланысты препаратпен ұзақ ем алатын балалар үнемі дәрігердің бақылауында болуы керек Арнайы сақтандырулар Педиатрияда қолдану Балалар мен 18 жасқа дейінгі жасөспірімдерде қолдануға болмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлікті немесе басқа қауіпті механизмдерді басқару кезінде реакция жылдамдығына әсер етпейді

Жүктілік кезінде панкреатинді қолдану қауіпсіздігі жеткіліксіз зерттелген. Ана үшін күтілетін пайда шарана үшін ықтимал қауіптен асқан жағдайда қолдануға болады. Лактация кезінде препаратты тағайындау қажет болған жағдайда бала емізуді тоқтату туралы мәселені шешу керек

Темірдің сіңірілуін төмендетеді (әсіресе ұзақ уақыт қолданғанда). Құрамында кальций карбонаты және / немесе магний гидроксиді бар антацидті дәрілерді бір мезгілде қолдану панкреатин тиімділігінің төмендеуіне әкелуі мүмкін

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамада, 25 °С-ден аспайтын температурада сақтау керек. Балалардың қолы жетпейтін жерде сақтау керек!