Панкрим® 10000 таблетки

Бір таблетканың құрамында белсенді зат: 145.47 мг панкреатин белсенділігімен липаза ЕФ 10000 ӘБ кем емес, амилаза ЕФ 7500 ӘБ кем емес, протеаза ЕФ 375 ӘБ кем емес. қосымша заттар: натрий кроскармеллозасы, микрокристалды целлюлоза, лактоза моногидраты, желатинделген крахмал, натрий крахмалы гликоляты, магний стеараты, сусыз коллоидты кремнийдің қостотығы. қабықтың құрамы: «ACRYL-EZE®» қызғылт (метакрил қышқылы сополимері, тальк, титанның қостотығы (Е171), триэтилцитрат (Е1505), понсо 4R (Е124), коллоидты кремнийдің қостотығы (аэросил) (Е551), натрий гидрокарбонаты, натрий лаурилсульфаты). Сыртқы түрінің, иісінің, дәмінің сипаттамасы Қабықпен қапталған, қызғылт түсті, сопақша пішінді, өзіне тән иісі бар, екі жақ беті дөңес таблеткалар.

Ұйқы безінің экзокринді жеткіліксіздігіндегі ем үшін.

Панкрим 10000 құрамында панкреатин бар. Панкреатин - бұл сүтқоректілердің, әдетте шошқаның ұйқы бездерінен жасалған ұнтақ, онда ұйқы безінен бөлінетін липазамен, альфа-амилазамен, трипсинмен және химотрипсинмен бірге басқа ферменттер де бар. Панкреатиннің құрамында ферментативтік белсенділігі жоқ басқа да қатар жүретін заттар бар. Ас қорыту тиімділігі галендік түр сияқты ферменттердің белсенділігімен анықталады. Шешуші фактор липазаның ферментативті белсенділігі, сондай-ақ трипсиннің құрамы болып табылады, ал амилолитикалық белсенділіктің муковисцидозды емдеуде ғана маңызы бар, себебі созылмалы панкреатит кезінде де полисахаридтердің ыдырауы бұзылмайды. Панкреатиндік липаза май қышқылдарын триацилглицерид молекуласынан 1 және 3 қалыпта ыдыратады. Түзілетін еркін май қышқылдары және 2-моноглицеридтер негізінен өт қышқылдарының қатысуымен жіңішке ішектің жоғарғы бөлігінде тез сіңеді. Жануарлардың ұйқы безінің липазасы – адам липазасы сияқты, қышқылдардың әсеріне тұрақсыз, яғни оның липолитикалық функциясы рН 4-тен төмен болғанда белсенділігі қайтымсыз жойылады. Сондықтан Панкрим 10000 ішекте еритін дәрілік түрде шығарылады. Трипсин трипсиногеннен автокатализді немесе жіңішке ішектің энтерокиназасымен белсендіріледі және басқа протеолитикалық ферменттердің белсендірілуін тудырады. Эндопептидаза сияқты, ол лизин мен аргинин қатысатын пептид байланыстарын ыдыратады және осылайша, пептид байланыстарын ыдырату есебінен басқа ферменттермен қатар амин қышқылдары мен шағын пептидтердің протеолизін қамтамасыз етеді. Альфа-амилаза эндоамилаза сияқты құрамындағы глюкоза полисахаридтерін өте жылдам ыдыратады, сондықтан оның белсенділігі, әдетте, тіпті ұйқы безінің секреторлық белсенділігінің ауруға байланысты елеулі нашарлауы кезінде де жеткілікті.

Дозалау режимі Ересектер (егде жастағы пациенттерді қоса) 2-4 таблетка (20 000 – 40 000 ӘБ ЕФ липазаға сәйкес келеді). Панкрим® 10000 препаратының дозасы бұрыннан бар ұйқы безі функциясы жеткіліксіздігінің ауырлығына сәйкес анықталады. Әдетте ұсынылатын доза тамақ ішуге 20 000 – 40 000 ӘБ ЕФ липаза дозасы болып табылады, бірақ одан арттырылуы да мүмкін. Қажет болса, дозаны арттыруды дәрігер жауабын және симптоматологияны мұқия бақылай отырып, бірте-бірте жүзеге асырады. Панкрим® 10000 препаратымен ем кезінде кез келген жағдайда пациенттердің тиісті гидратациясына кепілдік беру маңызды. Муковисцидозы бар, күніне 10000 бірліктен асатын липаза/кг қабылдайтын пациенттерде фиброздық колонопатия туралы хабарланды. Қабылдаған кезде Панкрим® 10000 препаратын тұтастай жұтуды қадағалаңыз, өйткені шайнаған кезде оның тиімділігі азаюы мүмкін, ал препараттың құрамындағы ферменттер ауыз қуысында босап шыққан кезде соңғысының шырышты қабығын зақымдауы мүмкін. Енгізу әдісі және жолы Препарат ішке қабылданады Емдеу ұзақтығы Панкрим® 10000 препаратын қолдану ұзақтығы шектелмеген. Ол аурудың ағымына байланысты болады және дәрігер анықтайды. Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

• шошқа панкреатиніне, шошқа ақуызына немесе қосымша заттарының кез келгеніне аса жоғары сезімталдық • жедел панкреатит немесе өршу фазасындағы созылмалы панкреатит. • тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге • 18 жасқа дейінгі балалар мен жасөспірімдер

Өте сирек • жедел типті аллергиялық реакциялар • ұйқы бездерінен алынған ұнтақты қабылдағаннан кейінгі асқазан-ішек жолы тарапынан аллергиялық реакциялар (диарея, асқазан тарапынан бұзылулар және жүрек айнуы сияқты) • муковисцидозы бар пациенттерде ұйқы бездерінен алынған ұнтақтың жоғары дозасын тағайындағаннан кейін илеоцекальді аймақта және тоқ ішектің жоғары бөлігінде стриктуралардың түзілгені байқалды Белгісіз • муковисцидозы бар пациенттерде, әсіресе препараттың жоғары дозаларын қабылдағаннан кейін несеп қышқылының несеппен экскрециялануы артуы мүмкін. Сондықтан мұндай пациенттерде несеп қышқылы тастарының түзілуіне жол бермеу үшін, несеп қышқылының несеппен шығарылуын тексеріп отыру керек • азорубин аллергиялық реакцияларды туғызуға қабілетті Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Препараттың жағымсыз әсері күшеюі мүмкін, емдік дозасынан әлдеқайда артық дозалары гиперурикозурия мен гиперурикемияны тудыруы мүмкін. Емі Симптоматикалық. Препаратты тоқтату, сұйықтықты жеткілікті мөлшерде ішу, демеуші шаралар. Дәрілік препараттың бір немесе бірнеше дозаларын өткізіп алғанда қажет болатын шаралар Ұмытылған дозаның орнын толтыру үшін қосарлы дозасын қабылдамаңыз.

Панкрим® 10000 препаратының құрамында белсенді ферменттер бар, олар ауыз қуысында босап шыққан кезде (мысалы, шайнаған кезде), шырышты қабықта ойық жараның түзілуі мүмкіндігімен зақымдануға алып келуі мүмкін. Сондықтан Панкрим® 10000 препаратын шайнамай, таблетканы тұтастай жұту керек. Муковисцидоз кезінде панкреатиннің қажетті дозасынан асып кеткен жағдайда, илеоцекальді бөлікте және тоқ ішектің өрлемелі бөлігінде стриктуралар (фиброзды колонопатия) дамуы мүмкін. Арнайы сақтандырулар Қосымша заттар Панкрим® 10000 құрамында лактоза бар. Галактоза жақпаушылығының сирек тұқым қуалайтын бұзылулары, Лапп лактаза тапшылығы және глюкоза мен галактоза мальабсорбциясы синдромы бар науқастар бұл препаратты қабылдамауы керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Ерекше сақтық шаралары талап етілмейді.

Панкрим® 10000 препаратының жүкті әйелдерде қолданылуы жөнінде жеткілікті деректер жоқ. Жануарларға жүргізілген эксперименттерден алынған, жүктілік ағымына, эмбрионның/ұрықтың дамуына, тууға немесе туғаннан кейінгі дамуға қатысты деректер жеткіліксіз. Сондықтан адам үшін ықтимал қаупі белгісіз. Осыған байланысты жүктілік және лактация кезінде Панкрим® 10000 препаратын аса қажет болған жағдайлардан басқасында қабылдамаған дұрыс.

Панкрим® 10000 препаратын қабылдаған кезде фолий қышқылы мен темірдің сіңуі азаюы мүмкін. Панкрим® 10000 препаратымен қатарлас қабылдағанда, диабетке қарсы пероральді препараттар акарбоза мен миглитолдың әсері төмендеуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек Балалардың қолы жетпейтін жерде сақтау керек!