Пантаз таблетки 40 мг

Бір таблетканың құрамында белсенді зат - пантопразол натрий сесквигидраты, 45,20 мг (40,00 мг пантопразолға баламалы), қосымша заттар: маннитол, гидроксипропилцеллюлоза, сусыз натрий карбонаты, кальций стеараты, кросповидон, қабығының құрамы: эудражит L-100 55, дибутилфталат, тазартылған тальк, гипромеллоза Е5, макрогол 6000, титанның қостотығы (Е171), темірдің сары тотығы (Е172). Сыртқы түрінің, иісінің, дәмінің сипаттамасы Дөңгелек, екі беті дөңес, ішекте еритін сары түсті қабықпен қапталған, екі жағы тегіс таблеткалар.

Дәрілік препарат ересектер мен 12 жастан асқан балаларда қолдануға арналған: - рефлюкс-эзофагитте Ересектерге: - Helicobacter pylori эрадикациясында бактерияға қарсы препараттармен біріктірілімде - асқазан мен он екі елі ішектің ойық жара ауруында • Золлингер-Эллисон синдромында немесе асқазанның патологиялық гиперсекрециясымен сипатталатын басқа да жағдайларда

Әсер ету механизмі Пантопразол париетальді жасушалардың протондық помпасына спецификалық әсер ету жолымен асқазанда тұз қышқылының секрециясын баяулататын орынбасқан бензимидазол болып табылады. Пантопразол париетальді жасушалардың қышқылды ортасында өзінің белсенді түріне айналады, мұнда ол Н+, К+-АТФ-аза ферментін бәсеңдетеді, яғни асқазанда тұз қышқылы өндірілуінің соңғы сатысын бөгейді. Тежегіштік әсері дозасына тәуелді және тұз қышқылының базальді секрециясына да, стимуляцияланған секрециясына да әсер етеді. Пациенттердің көпшілігінде симптомдар 2 апта ішінде жойылады. Пантопразолды қолданғанда протондық помпаның басқа тежегіштерімен және H2-рецепторлардың тежегіштерімен жағдайдағы сияқты, асқазандағы қышқылдылық төмендейді және осылайша гастрин секрециясы қышқылдылықтың төмендеуіне пропорционал жоғарылайды. Гастрин секрециясының жоғарлауы қайтымды болып табылады. Пантопразол жасушалық рецепторға қатысты ферментті дистальді түрде байланыстыратындықтан, ол басқа заттармен (ацетилхолин, гистамин, гастрин) стимуляциялануына байланыссыз, тұз қышқылының секрециясын тежеуі мүмкін. Пантопразолды пероральді және вена ішіне енгізген кездегі әсерлері бірдей. Фармакодинамикалық әсерлері Пантопразолды қолданған кезде ашқарындағы гастрин деңгейі жоғарылайды. Препаратты қысқа мерзімде қолданғанда гастриннің деңгейі көпшілік жағдайларда қалыптың жоғарғы шегінен аспайды. Ұзақ емдегенде гастриннің деңгейі көпшілік жағдайларда екі есе жоғарылайды. Оның шамадан тыс жоғарылауы, әдетте, бірен-саран жағдайларда ғана туындайды. Осының салдары ретінде, ұзақ емдегенде аздаған жағдайларда асқазанда энтерохромаффинге ұқсас жасушалар (аденоматоидтық гиперплазия тәрізді) санының аздап немесе орташа артуы байқалған. Алайда, сол сәтте жүргізілген зерттеулерге сәйкес, жануарларға жүргізілген эксперименттерде байқалған асқазанның нейроэндокриндік ісіктерінің ізашар жасушаларының (атипиялық гиперплазия) немесе асқазандағы нейроэндокриндік ісіктердің түзілуі, адамдарда байқалған жоқ. Жануарларға жүргізілген эксперименттер нәтижелері бойынша, пантопразолды ұзақ уақыт қолдану тәжірибесінің негізінде, қалқанша бездің эндокриндік параметрлеріне ықпал ететінін толығымен жоққа шығаруға болмайды. Секрецияны тежейтін препараттармен емдеу кезінде, қан сарысуындағы гастрин мөлшері қышқыл секрециясының төмендеуіне жауап ретінде жоғарылайды. Сонымен қатар, асқазан сөлі қышқылдылығының төмендеуі есебінен CgA мөлшері артады. CgA деңгейінің жоғарылауы нейроэндокриндік ісіктерді зерттеулерге кедергі келтіруі мүмкін. Қолда бар, жарияланған деректер, протондық помпа тежегіштерін қабылдауды CgA өлшегенге дейін 5 күннен 2 аптаға дейін тоқтату керек екендігін көрсетіп отыр. Бұл протондық помпа тежегіштерімен емдеумен байланысты кез-келген жалған жоғарылаған CgA деңгейілері қалыпты диапазонына орала алуы үшін қажет.

Дозалау режимі Ересектер мен 12 жастан асқан балаларға Рефлюкс-эзофагитті емдеу үшін тәулігіне 1 таблеткадан тағайындайды, қажет болған жағдайда, әсіресе емдеуге клиникалық реакция болмаған пациенттер үшін дозасын тәулігіне 2 таблеткаға дейін арттыруға болады. Ұсынылатын емдеу курсы 4 апта, қажет болған жағдайда емдеуді тағы 4 аптаға дейін ұзартуға болады. Ересектер Helicobacter pylori эрадикациясы Helicobacter pylori эрадикациясына асқазан мен он екі елі ішектің ойық жарасы бар пациенттерде қолайлы екі антибиотикпен біріктіріп емдеу арқылы қол жеткізуге болады. Бактериялардың резистенттілігіне және бактерияға қарсы препараттарды тиісінше пайдалану мен тағайындауға қатысты ресми нұсқаулықтарды (мысалы, ұлттық ұсынымдарды) ескеру керек. Резистенттіліктің сипатына байланысты, H. Pylori емдеу үшін келесі біріктірілімдерді ұсынуға болады: а) Пантаз 1 таблеткадан тәулігіне 2 рет + амоксициллин 1000 мг-ден тәулігіне 2 рет + кларитромицин 500 мг-ден тәулігіне 2 рет б) Пантаз тәулігіне 2 рет 1 таблеткадан + метронидазол тәулігіне 2 рет 400 - 500 мг-ден (немесе 500 мг тинидазол) + кларитромицин тәулігіне 2 рет 250 - 500 мг-ден в) Пантаз тәулігіне 2 рет 1 таблеткадан + амоксициллин тәулігіне 2 рет 1000 мг-ден + метронидазол тәулігіне 2 рет 400 - 500 мг-ден (немесе 500 мг тинидазол). H. pylori эрадикациясы үшін біріктірілген ем жағдайында екінші таблетка кешкі ас ішкенге дейін 1 сағат бұрын қабылдануы тиіс. Біріктірілген ем 7 күн бойы жүргізіледі және тағы 7 күн жалғастыруға болады (жалпы емдеу ұзақтығы 2 аптаға дейін). Препаратты он екі елі ішектің және асқазанның ойық жарасы кезінде дозалау жөніндегі нұсқауларды қарастырғаннан кейін ары қарай емдеуге болады. H. рylori-ге теріс нәтиже берген пациенттерде Пантаз препаратының монотерапиясында келесі дозалары пайдаланылуы мүмкін. Асқазанның ойық жара ауруын емдеу Тәулігіне 1 таблеткадан, кейбір жағдайларда, соның ішінде емдеу тиімсіз болғанда, Пантазды тәулігіне 2 таблеткадан тағайындауға болады. Асқазанның ойық жарасын емдеуге қажетті емдеу курсы 4 апта. Егер бұл жеткіліксіз болса, жақсаруына әдетте келесі 4 апта ішінде қол жеткізіледі. Он екі елі ішектің ойық жарасын емдеу Тәулігіне 1 таблеткадан, кейбір жағдайларда, соның ішінде емдеу тиімсіз болғанда, Пантаз тәулігіне 2 таблеткадан тағайындауға болады, онда жазылуға әдетте, емдеудің келесі 2 аптасында қол жеткізілуі мүмкін. Егер 2 апталық емдеу кезеңі жеткіліксіз болса, жақсаруға барлық жағдайларда дерлік, келесі 2 апта ішінде қол жеткізіледі. Золлингер-Эллисон синдромы және басқа да патологиялық гиперсекрециялық жағдайлар Золлингер-Эллисон синдромын немесе басқа да патологиялық гиперсекрециялық жағдайларды ұзақ емдеу үшін емдеуді 80 мг тәуліктік дозадан (40 мг-ден 2 таблетка) бастаған жөн. Содан соң, қажет болған жағдайда, дозаны асқазан сөлі қышқылдылығының көрсеткіштеріне байланысты арттыруға немесе азайтуға болады. Тәулігіне 80 мг асатын дозаларын бөлу және тәулігіне екі рет қолдану керек. Пантопразолдың дозасын уақытша 160 мг-ден арттыруға болады, бірақ ол қышқылдылықтың жеткілікті бақылануына қол жеткізу үшін талап етілетіннен ұзаққа созылмауы тиіс. Золлингер-Эллисон синдромы немесе басқа да патологиялық гиперсекрециялық жағдайлар кезінде емдеу ұзақтығы шектеулі емес, және емдеу мерзімі клиникалық қажеттілікке байланысты анықталуы мүмкін. Балалар Аталған жас тобындағы қауіпсіздігі мен тиімділігі жөнінде деректердің жеткіліксіздігіне байланысты, пантапразол 12 жасқа толмаған балаларда қолдану үшін ұсынылмайды. Басқа көрсетілімдер кезінде балалар мен 18 жасқа дейінгі жасөспірімдерде қолданылуының клиникалық деректері жоқ. Егде жастағы пациенттер Егде жастағы пациенттерге дозаны түзету қажет емес Бауыр жеткіліксіздігі бар пациенттер Бауыр функциясының айқын бұзылулары бар пациенттерде пантопразолдың тәуліктік дозасын 20 мг (20 мг пантопразолдың 1 таблеткасы) асырмау керек. Осыған байланысты, пациенттердің аталған тобында пантопразолды 40 мг дозада қолдану ұсынылмайды. Пантапрозолмен емдеу кезінде, әсіресе, препаратты ұзақ қолданғанда бауыр ферменттерінің деңгейін тұрақты түрде бақылау керек. Бауыр ферменттерінің деңгейі жоғарылаған жағдайда емдеуді тоқтату керек. Пантопразол бауырдың орташа немесе ауыр дисфункциясы бар пациенттерде H. pylori эрадикациясы үшін біріктірілген емде пайдаланылмауы тиіс, өйткені қазіргі уақытта осы пациенттердегі біріктірілген ем кезінде пантопразолдың тиімділігі мен қауіпсіздігі туралы деректер жоқ. Бүйрек жеткіліксізділігі бар пациенттер Бүйрек функциясы бұзылған пациенттерде дозаны түзету қажет емес. Пантопразол бүйрек функциясы бар пациенттерде H. Pylori жою үшін біріктірілген емде пайдалануға болмайды, себебі қазіргі уақытта осы уақытта осы пациенттердегі біріктірілген ем кезінде пантопразолдың тиімділігі мен қауіпсіздігі туралы деректер жоқ. Енгізу әдісі және жолы Ішекте еритін Пантаз таблеткаларын шайнамау немесе тістеп уатпау керек; олар тұтастай жұтылуы және сұйықтықтың жеткілікті мөлшерімен ішіп қабылдануы тиіс. Препаратты тамақтанар алдында 1 сағат бұрын қабылдау қажет.

- пантопразолға, басқа орынбасқан бензимидазолдарға немесе қосымша заттардың кез келгеніне аса жоғары сезімталдық - пантопразолды атазанавирмен бірге қолдану - жүктілік және емшек емізу кезеңі - 12 жасқа дейінгі балалар мен жасөспірімдер

Жиі (≥ 1/100 < 1/10) - асқазанның қатерсіз полиптері Жиі емес (≥ 1/1000 < 1/100) - ұйқының бұзылуы - бас ауыруы, бас айналуы - диарея, жүрек айнуы, құсу, абдоминальді ауыру сезімі, іш кебуі, іш қату, ауыздың құрғауы, жайсыздық - бауыр ферменттері (трансаминазалар, γ-GT) белсенділігінің жоғарылауы - тері бөртпесі, экзантема, бөртулер, қышыну - сан, білезік және омыртқа сүйегінің сынуы - астения, қажу және дімкәстік Сирек (≥ 1/100000 < 1/1000) - агранулоцитоз - аса жоғары сезімталдық (анафилаксиялық реакциялар мен анафилаксиялық шокты қоса алғанда) - гиперлипидемия, липидтер деңгейінің жоғарылауы (триглицеридтер, холестерин), дене салмағының өзгеруі - депрессия (және барлық қатарлас нашарлаулар) - дәм сезудің өзгеруі - көрудің бұзылуы / анық көрмеу - билирубин деңгейінің жоғарылауы - есекжем, ангионевроздық ісіну - артралгия, миалгия - гинекомастия - дене температурасының жоғарылауы, шеткері ісінуілер Өте сирек (< 1/10000) - тромбоцитопения, лейкопения, панцитопения - бағдарсыздық (және барлық қатарлас нашарлаулар) Белгісіз (қолда бар деректердің негізінде бағалау мүмкін емес) - гипонатриемия, гипомагниемия, гипокальциемия (гипомагниемиямен бірге), гипокалиемия - елестеулер, сананың шатасуы (әсіресе, осыған бейім жай-күйдегі пациенттерде, сондай-ақ, симптомдары емдеу басталғанға дейін болған болса, олардың нашарлауы) - парестезия - гепатоцеллюлярлық зақымданулар, сарғаю, гепатоцеллюлярлық жеткіліксізділік - Стивенс-Джонсон синдромы, Лайелл синдромы, экссудативтік мультиформалы эритема, жарыққа сезімталдық, терінің жеделге жуық қызыл жегісі - бұлшықет құрысулары - интерстициальді нефрит (бүйрек жеткіліксізділігінің дамуы мүмкіндігімен) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Адамда артық дозалануының симптомдары белгісіз. Вена ішіне 2 минуттан артық енгізгенде 240 мг дейінгі дозаларының жағымдылығы жақсы. Емі Пантопразол қан ақуыздарымен жақсы байланысатындықтан, диализ жүргізілмейді.

Адамның иммун тапшылығы вирусы (АИТВ) протеазасының тежегіштерімен бірге қолдану Пантопразолды, олардың биожетімділігі төмендеуіне байланысты, сіңірілуі асқазанішілік қышқылы pH-ортасына тәуелді АИТВ протеазасы тежегіштерімен (атазанавир сияқты) қолдану ұсынылмайды. Арнайы сақтандырулар Бауыр жеткіліксіздігі Бауыр функциясының ауыр бұзылулары бар пациенттерде, Пантаз препаратын, әсіресе ұзақ кезең бойы қабылдағанда, бауыр ферменттерінің деңгейіне жүйелі бақылау жүргізу ұсынылады. Бауыр ферменттерінің деңгейі жоғарылаған жағдайда препаратты қолдануды тоқтатқан жөн. Біріктірілген ем Біріктірілген ем жағдайында қолданылып отырған дәрілік заттардың қысқаша сипаттамасына сүйену қажет. Асқазан обыры Пантопразол асқазанның қатерлі жаңа түзілімінің симптомдарын бүркемелеуі және диагноз қойылуын кідіртуі мүмкін. Пациенттер келесі жағдайларда дәрігермен кеңесуі тиіс: дене салмағының өздігінен төмендеуі, анемия, асқазан-ішек жолынан қан кету, дисфагия, тұрақты түрде құсу немесе қан аралас құсу, бұл жағдайларда қатерлі үдерістің бар-жоқтығын анықтау керек. Егер, талапқа сай ем жүргізілгеніне қарамастан симптомдар сақталып қалса, ары қарай тексеру қарастырылуы тиіс. В12 дәруменінің сіңірілуіне әсері Золлингер-Эллисон синдромы немесе ұзақ емдеуді қажет ететін басқа да патологиялық гиперсекрециялық жағдайлары бар пациенттерде, пантопразол асқазандағы қышқыл секрециясын бөгейтін барлық препараттар сияқты, гипо- немесе ахлогидрия салдарынан В12 дәруменінің (цианокобаламин) сіңуін азайтуы мүмкін. Мұны организмде осы дәруменнің қоры төмендеген пациенттерді емдегенде немесе В12 дәрумені тапшылығының даму қаупінің факторлары бар пациенттерді ұзақ емдегенде, сондай-ақ тиісінше клиникалық симптомдар байқалған жағдайда ескеру керек. Ұзақ емделу Препаратты қабылдау ұзаққа созылған, әсіресе 1 жылдан асатын кезеңде, пациенттер жүйелі түрде бақылауда болуы тиіс. Бактериялар туындатқан асқазан-ішек жолы инфекциялары Пантаз барлық протондық помпа тежегіштері сияқты, әдетте асқазан-ішек жолында болатын Salmonella, Campylobacter немесе C.difficile сияқты асқазан бактериялары мөлшерінің болар-болмас артуына алып келуі мүмкін. Гипомагниемия Протондық помпа тежегіштерін үш айдан бір жылға дейінгі кезеңде қабылдаған пациенттерде ауыр гипомагниемия дамығаны туралы хабарланған. Гипомагниемияның шаршау, тетания, сандырақтау, құрысу, бас айналуы сияқты күрделі көріністері және қарыншалық аритмия кенеттен немесе байқаусыз көрініс беруі мүмкін. Гипомагниемиясы бар көптеген пациенттердің жағдайы магниймен алмастыру емін тағайындаған соң және протондық помпа тежегіштерін тоқтатқаннан кейін жақсарған. Ұзақ ем қолданылуы тиіс пациенттер немесе протондық помпа тежегіштерін дигоксинмен немесе гипомагниемия туындатуы мүмкін дәрілік заттармен (мысалы, диуретиктер) бірге қабылдап жүрген пациенттерде протондық помпа тежегіштерімен емдеуді бастар алдында және емдеу кезінде мезгіл-мезгіл магний деңгейін анықтап отыру ұсынылады. Сүйектердің сынуы Протондық помпа тежегіштері, әсіресе, жоғары дозаларда және ұзақ уақыт (> 1 жыл) қолданғанда көбіне егде жастағы адамдарда немесе басқа қауіп факторлары болғанда жамбас, білек және омыртқа бағаны сынуының туындау қаупін біршама арттыруы мүмкін. Зерттеу деректері, протондық помпа тежегіштері жалпы сынулар қаупін 10-40%-ға арттыруы мүмкін деп болжам жасауға мүмкіндік беріп отыр. Кейбір қауіптер басқа да қауіп факторларымен байланысты болуы ықтимал. Остеопороз дамуына бейім пациенттер қолданыстағы клиникалық ұсынымдарға сәйкес емделуі және D дәрумені мен кальцийдің жеткілікті мөлшерін қабылдауы тиіс. Жеделге жуық жүйелі қызыл жегі (ЖҚЖ) Протондық помпа тежегіштері өте сирек жағдайларда жеделге жуық ЖҚЖ байланысты. Егер зақымдану, әсіресе терінің күн сәулесінен қорғалмаған жерлерінде орын алса, және егер олар артралгиямен қатар жүретін болса, пациент дереу медициналық көмекке жүгінуі тиіс. Осының алдында протондық помпа тежегішімен емдеуден кейінгі жеделге жуық ЖҚЖ протондық помпаның басқа тежегіштерімен жеделге жуық ЖҚЖ қаупін арттыруы мүмкін. Зертханалық зерттеу нәтижелеріне әсері Хромогранин А (CgA) деңгейінің жоғарылауы нейроэндокриндік жаңа түзілімдерге тексеріс жасауға кедергі болуы мүмкін. Бұл кедергіден аулақ болу үшін Пантаз препаратымен емдеуді хромогранин А (CgA) зерттеуге дейін ең кемі 5 күн бұрын тоқтату керек. Егер бастапқы зерттеуден кейін хромогранин А (CgA) деңгейі мен гастрин деңгейі қалыпқа келмесе, талдауларды протондық помпа тежегішінің емін тоқтатқаннан кейін 14 күннен соң қайталау керек. Маннитол Препарат құрамында бір реттік дозасында 96.40 мг мөлшерде маннитол бар, ол жеңіл іш жүргізетін әсер беруі мүмкін. Педиатрияда қолдану Аталған жас тобындағы қауіпсіздігі мен тиімділігі туралы деректер шектеулі болғандықтан, Пантаз препараты 12 жасқа дейінгі балаларда қолдану үшін ұсынылмайды. Балалар мен 18 жасқа дейінгі жасөспірімдерде асқазанның ойық жарасы және он екі елі ішектің ойық жарасы, H. Рylori эрадикациясы және Золлингер-Эллисон синдромы кезінде Пантаз препаратының қолданылғаны туралы қолжетімді клиникалық деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналу мен көрудің бұзылуы дамуы мүмкіндігіне байланысты, көлік құралдарын және зейін қоюды қажет ететін басқа механизмдерді басқарудан бас тартқан жөн.

Жүкті әйелдерге қатысты клиникалық деректердің орташа пантопразолды қолданғанда шарана/жаңа туған нәресте үшін даму ақауларына немесе уыттылығына әсер етпейтіндігін көрсетіп отыр. Репродуктивті уыттылық туралы мәліметтер бар. Сақтық шарасы ретінде жүктілік кезінде қолдануға болмайды.Пантопразолдың емшек сүтімен бөлінуі туралы мәліметтер бар. Жаңа туылған нәрестелер/балалар үшін қауіптілігін жоққа шығаруға болмайды. Емшекпен емізуді тоқтату немесе пантопразолмен емдеуді тоқтату туралы шешім бала үшін емшекпен емізудің пайдасын әйел үшін пантопразолмен емдеудің пайдасымен салыстыру арқылы бағалануы тиіс.

Сіңірілу фармакокинетикасы рН-тәуелді дәрілік заттар. Сіңірілуі рН-тәуелді болып табылатын препараттармен, мысалы кетоконазол, итраконазол, позаконазол сияқты азолдардың кейбір туындыларымен және эрлотиниб сияқты басқа да препараттармен бір мезгілде қабылдануына назар аудару керек. АИТВ протеаза тежегіштері Пантопразолды сіңірілуі рН-тәуелді болып табылатын АИТВ протеазасы тежегіштерімен (мысалы, атаназавир), олардың биожетімділігінің едәуір төмендейтіндігіне байланысты, бірге қолдану ұсынылмайды. АИТВ протеазасы тежегіштері мен протондық помпа тежегіштерін қалай болғанда да бірге қолдану қажет болған жағдайда, мұқият клиникалық бақылау жүргізу ұсынылады (мысалы, вирус жүктемесін анықтау). Мұндай жағдайларда пантопразолдың дозасы тәулігіне 20 мг-ден аспауы тиіс. Сонымен қатар, АИТВ протеазасы тежегішінің дозасын түзету қажет болуы мүмкін. Кумариндік антикоагулянттар (варфарин немесе фенпрокумон) Пантопразолды фенпрокумон немесе варфаринмен бірге қолданғанда соңғылардың фармакокинетикасына әсері анықталмаған. Дегенмен, протондық помпа тежегіштерін варфаринмен немесе фенпрокумонмен қабылдаған пациенттерде халықаралық қалыптасқан қатынастың (ХҚҚ) және протомбиндік уақыттың ұзару жағдайлары белгілі болғандығын атап өту керек. ХҚҚ және протомбиндік уақыттың ұзаруы өмірге қауіпті патологиялық қан кетулерге алып келуі мүмкін. Осыған байланысты, мұндай пациенттер ХҚҚ және протомбиндік уақыттың ұзаруын дер кезінде анықтау мақсатында дәрігердің бақылауында болуы тиіс. Метотрексат Жоғары дозаларда (мысалы, 300 мг) протондық помпа тежегіштерімен бір мезгілде қолданғанда кейбір пациенттерде қандағы метотрексат деңгейінің жоғарылағаны туралы хабарламалар бар. Сондықтан метотрексаттың жоғары дозаларын, мысалы, псориаз немесе қатерлі жаңа түзілімдері бар пациенттерде пайдаланғанда, пантапразолды уақытша тоқтату туралы мәселені қарастыру қажеттілігі туындауы мүмкін. Дәрілермен өзара әрекеттесулерін басқа да зерттеулер Пантопразол P450 цитохромы ферменттік жүйесінің көмегімен бауырда белсенді метаболизденеді. Метаболизмінің негізгі жолы CYP2C19 изоферментінің көмегімен деметилдену болып табылады, метаболизмінің басқа жолдары арасында CYP3A4 изоферментінің көмегімен тотығу атап өтіледі. Арнайы зерттеулерден пантапрозолдың кофеинмен, карбамазепинмен, диазепаммен, этанолмен, диклофенакпен, глибенкламидпен, напроксенмен, метопрололмен, нифедипинмен, фенитоинмен, пироксикаммен, теофиллинмен, құрамында левоноргестрел және этинилэстрадиол бар оральді контрацептивтермен клиникалық тұрғыдан маңызды өзара әрекеттесулерін анықталмады. Пантопразолдың сол ферменттік жүйенің көмегімен метаболизденетін басқа да дәрілік препараттармен немесе заттармен өзара әрекеттесуін жоққа шығаруға болмайды. Өзара әрекеттесулерін түрлі зерттеулердің нәтижелері пантопразол CYP1A2 (мысалы, кофеин, теофиллин), CYP2C9 (мысалы, пироксикам, диклофенак, напроксен), CYP2D6 (мысалы, метопролол), CYP2E1 изоферменттері (мысалы, этанол) көмегімен метаболизденетін белсенді заттар метаболизміне әсер етпейтінін көрсетті. Пантопразол дигоксиннің p-гликопротеинге тәуелді сіңірілуін бұзбайды. Антацидтермен бірге қолданғанда өзара әрекеттесулері анықталмаған. Кларитромицин, амоксициллин сияқты антибиотиктермен, метронидазолмен бір мезгілде қабылдағанда өзара әрекеттесулері анықталмады. CYP2C19 тежейтін немесе индукциялайтын препараттар Флувоксамин сияқты CYP2C19 изоферменті белсенділігінің тежегіштері пантопразолдың жүйелі әсерін арттыруы мүмкін. Пантаздың дозасын төмендету пантопразолдың жоғары дозаларымен ұзақ уақыт емделіп жүрген пациенттерге немесе бауыр жеткіліксіздігі бар пациенттерге қажет болуы мүмкін. Рифампицин және шайқурай (Hypericum perforatum) сияқты CYP2C19 және CYP3A4 изоферменттері белсенділігінің индукторлары осы ферменттік жүйенің көмегімен метаболизденетін протондық помпа тежегіштерінің плазмадағы концентрациясын төмендетуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!