Пантасан таблетки 40 мг

Бір таблетканың құрамында белсенді зат - натрий пантопразолы сесквигидраты 45.113 (40.00 мг пантопразолға баламалы) қосымша заттар: сусыз натрий карбонаты, маннитол (Powder grade), кросповидон (PPXL), гидроксипропилцеллюлоза – L, тазартылған су, маннитол (Pearlitol SD 200), микрокристалды целлюлоза (РН 112), кальций стеараты ішкі қабықтың құрамы: Opadry 02H52369 Yellow (Опадри 02Н52369 Сары): гипромеллоза 5 сР, пропиленгликоль, повидон, титанның қостотығы (Е 171), темірдің сары тотығы (Е 172) ішекте еритін қабықтың құрамы: метакрил қышқылы - этилакрилат кополимері (1:1) дисперсия 30 %, триэтилцитрат, натрий лаурилсульфаты, титанның қостотығы (Е 171), темірдің сары тотығы (Е 172), тальк, тазартылған су Сыртқы түрінің, иісінің, дәмінің сипаттамасы Сопақша пішінді, екі жақ беті дөңес, екі жағы тегіс, сары түсті ішекте еритін қабықпен қапталған таблеткалар.

Ересектер мен 12 жастағы және одан үлкен жасөспірімдер - гастроэзофагеальді рефлюкс ауруы (рефлюкс-эзофагит) Ересектер • бактерияға қарсы препараттармен біріктірілімде Helicobacter pylori эрадикациясында • асқазанның және он екі елі ішектің ойық жара ауруында • Золлингер-Эллисон синдромында немесе асқазанның патологиялық гиперсекрециясымен сипатталатын басқа да жағдайларда

Әсер ету механизмі Пантопразол асқазанда тұз қышқылының секрециясын париетальді жасушалардың протонды сорғыға спецификалық әсер ету жолымен басатын алмастырылған бензимидазол болып табылады. Париетальды жасушалардың қышқыл ортасы жағдайында пантопразол өзінің белсенді формасына айналады, онда ол H+, K+-АТФаза ферментінің белсенділігін басады, яғни асқазанда тұз қышқылының түзілуінің соңғы кезеңін бөгейді. Белсенділіктің төмендеуі дозаға тәуелді және нәтижесінде тұз қышқылының базальді және стимуляцияланған секрециясы төмендейді. Пациенттердің көпшілігінде симптомдар 2 апта ішінде жоғалады. Пантопразолды қолданғанда, протонды сорғының басқа тежегіштері мен H2-рецепторлардың тежегіштеріндегідей, асқазандағы қышқылдық төмендейді және сол арқылы қышқылдықтың төмендеуіне пропорционалды түрде гастрин деңгейі артады. Гастрин деңгейінің жоғарылауы қайтымды. Пантопразол ферментті жасушалық рецепторға қатысты дистальді түрде байланыстыратын болғандықтан, ол тұз қышқылының секрециясын, басқа заттармен (ацетилхолин, гистамин, гастрин) стимуляциялануына қарамай-ақ, тежеуі мүмкін. Бұл әсер препаратты пероральді немесе венаішілік енгізу әдісіне байланысты емес. Фармакодинамикалық әсерлері Пантопразолды қолданған кезде аш қарында гастриннің деңгейі жоғарылайды. Препаратты қысқа мерзімдік қолданғанда гастриннің деңгейі көптеген жағдайларда қалыптың жоғарғы шегінен аспайды. Ұзақ емдегенде гастриннің деңгейі көптеген жағдайларда екі есе жоғарылайды. Оның шамадан тыс жоғарылауы, әдетте, бірлі-жарым жағдайларда ғана туындайды. Осының салдары ретінде, ұзақ қолданған көптеген жағдайларда асқазанда энтерохромаффинге ұқсас жасушалар (аденоматоидты гиперплазия тәрізді) санының әлсіз немесе орташа артқаны білінеді. Алайда, осы сәтте жүргізілген зерттеулерге сәйкес, жануарларға жүргізілген эксперименттерде байқалған асқазанның нейроэндокриндік ісіктерінің ізашар жасушаларының (атипиялық гиперплазия) немесе асқазандағы нейроэндокриндік ісіктердің түзілуі, адамдарда байқалған жоқ. Пантопразолмен ұзақ 1 жылдан көбірек емдеу кезінде қалқанша бездің эндокриндік параметрлеріне ықпалын жоққа шығаруға болмайды. Антисекрециялық препараттармен емдеу кезінде гастриннің сарысулық деңгейі қышқыл секрециясының төмендеуіне жауап ретінде жоғарылайды. Сондай-ақ, асқазан қышқылының төмендеуіне байланысты хромогранин А (CgA) деңгейі жоғарылайды. CgA деңгейінің жоғарылауы нейроэндокринді ісіктерді тексеруге кедергі келтіруі мүмкін. Протонды сорғы тежегіштерімен емдеуді CgA анықтағанға дейін 5-14 күн бұрын тоқтату керек деп хабарланды. Егер деңгейлер осы уақытқа дейін қалыпқа келмесе, анықтауды қайталау керек.

Дозалау режимі Рефлюкс-эзофагит Күніне 1 рет 1 таблеткадан (40 мг) қолдану ұсынылады. Жекелеген жағдайларда доза күніне 2 таблеткаға дейін ұлғайтылуы мүмкін. Рефлюкс-эзофагитін емдеу үшін 4 апталық емдеу курсы қажет. Қажет болса, емдеу тағы 4 апта бойы жалғасады. Ересектерге Helicobacter pylori эрадикациясы H. pylori-мен байланысты асқазан мен он екі елі ішектің ойық жарасы бар пациенттерде бактерияның эрадикациясын біріктірілген ем арқылы жүргізілуі керек. Тағайындау кезінде емдеудің ресми жергілікті қағидаттарын, бактерияларға резистенттілікке, бактерияға қарсы дәрілердің тиісінше пайдалануға және тағайындауға қатысты ұлттық ұсынымдарды ескеру керек. Резистенттілікті байланысты H. pylori эрадикациясы үшін мынадай біріктірілімдер ұсынылады: 1)Пантасан тәулігіне 2 рет 40 мг + амоксициллин тәулігіне 2 рет 1000 мг + кларитромицин тәулігіне 2 рет 500 мг 2)Пантасан тәулігіне 2 рет 40 мг + метронидазол тәулігіне 2 рет 400 - 500 мг (немесе 500 мг тинидазол) + кларитромицин тәулігіне 2 рет 250– 500 мг 3)Пантасан тәулігіне 2 рет 40 мг + амоксициллин тәулігіне 2 рет 1000 мг + метронидазол тәулігіне 2 рет 400-500 мг (немесе 500 мг тинидазол). H. pylori эрадикациясы үшін біріктірілген ем кезінде Пантасанның екінші таблеткасын (40 мг) кешкі асқа дейін 1 сағат бұрын қабылдау керек. Біріктірілген ем әдетте 7 күнге тағайындалады, бірақ жалпы ұзақтығы 2 аптаға дейін тағы 7 күнге ұзартылуы мүмкін. Ойық жараларды емдеу үшін пантопразолмен одан әрі емдеуді тағайындаған кезде асқазан мен он екі елі ішектің ойық жарасы кезінде дозалау жөніндегі ұсыныстарды қарау қажет. Асқазанның және он екі елі ішектің ойық жара ауруында күніне 1 таблеткадан (40 мг). Кейбір жағдайларда дозаны күніне 2 таблеткаға (80 мг) дейін, әсіресе басқа препараттармен емдеу тиімділігі болмаған кезде, арттыруға болады. Асқазан жарасын емдеу үшін 4 апталық емдеу курсы қажет. Егер бұл жеткіліксіз болса, курс келесі 4 аптаға созылады. Золлингер-Эллисон синдромы және басқа патологиялық гиперсекреторлық жағдайлар Золлингер-Эллисон синдромын және басқа патологиялық гиперсекреторлық жағдайларды ұзақ емдегенде емдеуді 80 мг тәуліктік дозадан (40 мг-нан 2 таблетка) бастаған жөн. Осыдан кейін дозаны тұз қышқылының секреция деңгейіне байланысты қажет болған жағдайда көбейтуге немесе азайтуға болады. Күніне 80 мг жоғары дозаларда дозаны күніне екі қабылдауға бөлу керек. Пантопразолдың тәуліктік дозасын 160 мг-ден артық, бірақ асқазан секрециясын талапқа сай бақылау кезеңіне қажет мөлшерден артық емес мерзімге уақытша арттыруға болады. Золлингер-Эллисон синдромын және асқазан секрециясының жоғарылауымен байланысты басқа патологиялық жағдайларды емдеу ұзақтығы шектелмейді және клиникалық қажеттілікке байланысты бейімделуі керек. Енгізу әдісі мен жолы Ішке қабылдауға арналған. Таблеткаларды шайнауға немесе ұсақтауға болмайды, тамақ ішуге 1 сағат бұрын, аз мөлшерде сумен жұту керек. Егер препарат қабылданбаса, кейінге қалдырылған доза қабылданбауы тиіс. Емдеу тағайындалған дозаға сәйкес келесі қабылдаудан жалғастырылуы тиіс. Қабылдау уақыты көрсетілген қолдану жиілігі Препаратты тамақтану алдында қабылдау керек. Емдеу ұзақтығы Науқастардағы симптоматикалық жақсару препаратпен емдеудің шамамен бір күнінен кейін басталуы мүмкін, бірақ симптомдардың толық жойылуына қол жеткізу үшін 7 күн қажет болуы мүмкін. Пациенттердің ерекше топтары Бүйрек жеткіліксіздігі бар пациенттер Бүйрек функциясы бұзылған жағдайда дозаны түзету қажет емес. Бүйрек функциясы бұзылған пациенттерде H. pylori эрадикациясы үшін бактерияға қарсы препараттармен біріктірілген емде Пантасанды қолдануға болмайды, өйткені қазіргі уақытта аталған пациенттерде біріктірілген ем кезінде препараттың тиімділігі мен қауіпсіздігі туралы деректер жоқ. Бауыр жеткіліксіздігі бар пациенттер Бауырдың ауыр жеткіліксіздігі бар пациенттерде тәуліктік доза 20 мг пантопразолдан (20 мг пантопразолдың 1 таблеткасы) аспауы тиіс. Емдеу кезінде, әсіресе ұзақ уақыт қолданғанда, бауыр ферменттерінің деңгейін үнемі бақылау керек. Бауыр ферменттерінің деңгейі жоғарылаған жағдайда Пантасанды тоқтату керек. Орташа немесе ауыр бауыр дисфункциясы бар пациенттерде H. pylori эрадикациясы үшін біріктірілген емде Пантасанды қолдануға болмайды, өйткені қазіргі уақытта аталған пациенттерде біріктірілген ем кезінде препараттың тиімділігі мен қауіпсіздігі туралы деректер жоқ. Бала жастағы пациенттер Балаларда қолдану қауіпсіздігі мен тиімділігі бойынша деректердің жеткіліксіздігіне байланысты рефлюкс-эзофагит, симптоматикалық гастроэзофагеальді рефлюкс ауруы кезінде 12 жасқа дейінгі балаларда пантопразолды қолдану ұсынылмайды. Асқазан мен он екі елі ішектің ойық жара ауруы, Helicobacter pylori эрадикациясы, Золлингер-Эллисон синдромы кезінде, селективті емес ҚҚСП туындатқан асқазан мен он екі елі ішектің эрозиялық-ойық жаралы зақымдануларының алдын алу үшін 18 жасқа дейінгі балалар мен жасөспірімдерде пантопразолды қолдану туралы деректер жоқ. Егде жастағы пациенттер Егде жастағы пациенттерде дозаны түзету қажет емес. Дәрілік препаратты қолдану тәсілін түсіндіру үшін медицина қызметкерінен кеңес алу үшін жүгіну бойынша ұсынымдар Қолданар алдында емдеуші дәрігермен кеңесу қажет. Емдеуші дәрігерге не қабылдап жатқаныңыз, жақында қабылдағаныңыз немесе басқа препараттарды қабылдауды бастауыңыз мүмкін екенін айтыңыз.

• әсер етуші затқа және орнын алмастыратын басқа да бензимидазолдарға немесе қосымша заттардың кез келгеніне аса жоғары сезімталдық • пантопразолды атазанавирмен бірге қолдану

Жиі емес - бас ауыруы, бас айналу - ауыздың құрғауы, жүрек айнуы, құсу, іштің кебуі, іштің ауыруы және жайсыздық, диарея, іш қату - тері бөртпесі, қышыну, экзантема - астения, қажу және дімкәстік - бауыр ферменттері (трансаминазалар, -GT) белсенділігінің жоғарылауы - ұйқының бұзылуы - ортан жіліктің, білезіктің, омыртқаның сынуы Сирек - агранулоцитоз - препараттың белсенді және қосымша компоненттеріне жоғары сезімталдық (есекжем; анафилаксиялық реакцияларды және анафилаксиялық шокты қоса, ангионевроздық ісіну) - гиперлипидемия, триглицеридтер, холестерин деңгейінің жоғарылауы - билирубин мөлшерінің жоғарылауы - салмақтың өзгеруі, дәм сезудің бұзылуы - депрессия (және барлық қатар жүретін нашарлаулар) - көрудің бұзылуы/ көрудің бұлыңғырлануы - есекжем, ангионевроздық ісіну - артралгия, миалгия - гинекомастия - дене температурасының жоғарылауы, шеткері ісінулер Өте сирек - тромбоцитопения, лейкопения, панцитопения - бағдардан адасу (және барлық қатар жүретін нашарлаулар) Белгісіз - гипонатриемия, гипомагниемия - елестеулер, сананың шатасуы (әсіресе осы жағдайларға бейім науқастарда, сондай-ақ егер осы симптомдар емдеуді бастағанға дейін бар болса, олардың нашарлауы) - гепатоцеллюлярлық зақымданулар, сарғаю, гепатоцеллюлярлы жеткіліксіздік - Стивенс-Джонсон синдромы, Лайелл синдромы, экссудативті көп формалы эритема, жарыққа сезімталдық - тубулоинтерстициальді нефрит (TIN) (бүйрек жеткіліксіздігіне дейін үдеуі мүмкін) - микроскопиялық колит Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: белгісіз Емі: артық дозалануға күдіктенгенде демеуші және симптоматикалық ем жүргізу ұсынылады. Препарат гемодиализ арқылы шығарылмайды

Асқазанның қатерлі жаңа түзілімдері Пантопразолға симптоматикалық жауап асқазанның қатерлі жаңа түзілім симптомдарын бүркемелеуі және диагноз анықтауды кешіктіруі мүмкін. Үрейлі симптомдар туындаған кезде (мысалы, еріксіз айтарлықтай салмақ жоғалту, қайталанатын құсу, дисфагия, қан аралас құсу, анемия немесе мелена) және асқазан ойық жарасына күдік болған кезде қатерлі процесті жоққа шығару қажет. Симптомдар сақталған жағдайда, жүргізілген емге қарамастан, қосымша тексеру жүргізу керек. Бауыр жеткіліксіздігі Бауырдың ауыр жеткіліксіздігі бар пациенттерде препаратпен емдеу кезінде бауыр ферменттерінің деңгейін бақылау керек. Бауыр ферменттерінің деңгейі жоғарылаған жағдайда емдеуді тоқтату керек. АИТВ протеаза тежегіштерімен бірге қолдану Пантопразолды сіңірілуі интрагастральді рН-ға байланысты АИТВ протеаза тежегіштерімен бірге, мысалы, атазанавирмен, олардың биожетімділігінің айтарлықтай төмендеуіне байланысты қолдану ұсынылмайды. Бактериялардан туындаған асқазан-ішектік инфекциялар Пантасан препаратымен емдеу Salmonella, Campylobacter немесе C.difficile сияқты бактериялар туындатқан шамалы гастроинтестинальді инфекцияға әкелуі мүмкін. Гипомагнемия Кемінде 3 ай ішінде, ал көп жағдайда бір жыл ішінде ПСТ алған пациенттерде ауыр гипомагниемияның дамуы туралы хабарламалар бар. Шаршау, тетания, делирий, құрысулар, бас айналу және қарыншалық аритмия сияқты гипомагниемияның ауыр көріністері байқалмай басталуы мүмкін және оларды байқамай қалуға болады. Гипомагнемиясы бар пациенттердің көпшілігінде магний препараттарымен алмастыру емінен және ПСТ тоқтатылғаннан кейін ол азаяды. Ұзақ ем қолдануы тиіс пациенттерге немесе протонды сорғы тежегіштерін дигоксинмен немесе гипомагнемияны туындатуы мүмкін дәрілік заттармен (мысалы, диуретиктер) бірге қабылдайтын пациенттерге протонды сорғы тежегіштерімен емдеуді бастар алдында және емдеу кезінде мезгіл-мезгіл магний деңгейін анықтау ұсынылады. Сүйек сынуы Протон сорғысының тежегіштері, әсіресе жоғары дозаларды және ұзақ уақыт бойы (>1 жыл) пайдаланғанда, көбінесе егде жастағы адамдарда немесе басқа да жалпы танылған қауіп факторлары болған кезде ортан жілік сүйегінің, білезік сүйегінің және омыртқаның сыну қаупін біршама арттыруы мүмкін. Бақылау зерттеулерінің деректері протонды сорғының тежегіштері сынудың жалпы қаупін 10-40%-ға арттыруы мүмкін екенін көрсетеді. Кейбір жағдайларда мұндай өсу басқа қауіп факторларының болуына байланысты болуы мүмкін. Остеопороздың даму қаупі бар пациенттер қолданыстағы клиникалық нұсқауларға сәйкес емдеуді және D дәрумені мен кальцийдің жеткілікті мөлшерін алуы тиіс. Жеделге жуық терінің қызыл жегісі (ЖЖТҚЖ) Протонды сорғының тежегіштерімен емдеу кезінде ЖЖТҚЖ дамуы өте сирек кездеседі. Зақымдану пайда болған кезде, әсіресе күн сәулесінің әсеріне ұшыраған тері учаскелерінде, сондай-ақ қатарлас артралгия болған кезде пациент дереу медициналық көмекке жүгінуі тиіс және медицина қызметкері Пантасан препаратпен емдеуді тоқтату қажеттілігін бағалауы керек. Протонды сорғының тежегішімен алдыңғы емдеуден кейін ЖЖТҚЖ пайда болуы протонды сорғының басқа тежегіштерімен емдеу кезінде ЖЖТҚЖ даму қаупін арттыруы мүмкін. Зертханалық зерттеулермен өзара әрекеттесу Хромогранин А (CgA) деңгейінің жоғарылауы нейроэндокринді жаңа түзілімдерді зерттеуге кедергі келтіруі мүмкін. Бұл кедергіні болдырмау үшін CgA зерттеуіне дейін кемінде 5 күн бұрын Пантасан препаратымен емдеуді тоқтату керек. Егер бастапқы зерттеуден кейін CgA және гастрин деңгейі қалпына келмесе, талдауларды протонды сорғы тежегішін емдеуді тоқтатқаннан кейін 14 күн өткен соң қайталау керек. Біріктірілген ем Біріктірілген ем жағдайында тиісті дәрілік заттардың қысқаша сипаттамаларын сақтау керек. В12 дәруменінің сіңуіне әсері Золлингер-Эллисон синдромы және ұзақ емдеуді талап ететін басқа да патологиялық гиперсекреторлық жай-күйлері бар пациенттерде пантопразол, барлық қышқыл бөгейтін препараттар сияқты, гипо- немесе ахлоргидрияға байланысты B12 дәруменінің (цианокобаламин) сіңірілуін төмендетуі мүмкін. Мұны дене салмағы төмен немесе В12 дәрумені сіңірілуінің төмендеу қаупі жоғары немесе, егер тиісті клиникалық симптомдар байқалса, пациенттерде ұзақ емдеу кезінде ескеру керек. Ұзаққа созылатын ем Ұзаққа созылатын емдеу кезінде, әсіресе емдеу кезеңі 1 жылдан асқан кезде пациенттер тұрақты бақылауда болуы тиіс. Натрий Пантасан препаратының құрамында бір таблеткаға 1 ммольден (23 мг) аз натрий бар; яғни оның құрамында натрий жоқ. Маннитол Пантасан препаратының құрамында әрбір таблеткада 10 г-дан (71,47 мг) аз маннитол бар. Осы себепті іш жүргізетін әсер күтілмейді. Арнайы ескертулер Педиатрияда қолдану Қауіпсіздік және тиімділік бойынша деректер санының жеткіліксіздігіне байланысты 12 жасқа дейінгі балаларда Пантасан препаратын рефлюкс-эзофагит кезінде қолдану ұсынылмайды. Асқазан мен он екі елі ішектің ойық жарасы, Helicobacter pylori эрадикациясы және Золлингер-Эллисон синдромы кезінде 18 жасқа дейінгі балалар мен жасөспірімдерде Пантасан препаратын қолдану туралы деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралын және зейін қоюды қажет ететін басқа механизмдерді басқаруды, бас айналу және көрудің бұзылулары орын алуы мүмкін болғандықтан, тоқтата тұрған жөн.

Егер анық қажеттілігі болмаса, Пантасан жүктілік кезінде қолданылмауы керек. Препаратпен емдеу кезеңінде лактация тоқтатылады.

Фармакокинетикасы pH-қа тәуелді дәрілік препараттар Асқазан сөлі секрециясының терең және ұзақ тежелуіне байланысты пантопразол мысалы, кетоконазол, итраконазол, позаконазол және эрлотиниб сияқты басқа да азольді зеңге қарсы дәрілер үшін асқазанның рН биожетімділігінің маңызды детерминанты болып табылатын басқа препараттардың сіңірілуін қиындатуы мүмкін. АИТВ протеаза тежегіштері Пантопразолды сіңірілуі интрагастральді рН-ға байланысты АИТВ протеаза тежегіштерімен бірге, мысалы, атазанавирмен, олардың биожетімділігінің айтарлықтай төмендеуіне байланысты қолдану ұсынылмайды. Егер АИТВ протеаза тежегішін протонды сорғының тежегішімен біріктіріп пайдалану әлі де қажет деп есептелсе, мұқият клиникалық бақылау жүргізу ұсынылады (мысалы, вирустық жүктемені анықтау). Пантопразолдың дозасы күніне 20 мг-дан аспауы тиіс. АИТВ протеаза тежегішінің дозасын түзету қажет болуы мүмкін. Кумариндік қатардың антикоагулянттары (фенпрокоумон немесе варфарин) Пантопразолды фенпрокумонмен немесе варфаринмен бірге қолданғанда клиникалық маңызды өзара әрекеттесулер анықталған жоқ. Алайда, варфарин немесе фенпрокумон қосылған протонды сорғының тежегіштерін қабылдаған пациенттерде ХҚҚ және протромбиндік уақыттың арту жағдайлары белгілі екенін атап өткен жөн. ХҚҚ және протромбиндік уақыттың ұлғаюы патологиялық қан кетуге және тіпті өлімге әкелуі мүмкін. Пантопразол мен варфарин немесе фенпрокумон алатын пациенттер ХҚҚ және протромбиндік уақыттың ұлғаюын уақтылы анықтау мақсатында дәрігердің бақылауында болуы тиіс. Метотрексат Кейбір пациенттерде оны жоғары дозаларда (мысалы, 300 мг) протонды сорғы тежегіштерімен бірге қолданған кезде қандағы метотрексат деңгейінің жоғарылауы туралы хабарламалар бар. Сондықтан метотрексаттың жоғары дозаларын пайдаланған кезде, мысалы, қатерлі жаңа түзілімдері бар және псориазға шалдыққан пациенттерде пантопразолды уақытша тоқтату туралы мәселені қарау қажеттілігі туындауы мүмкін. Өзара әрекеттесудің басқа зерттеулері Пантопразол P450 цитохромының ферменттік жүйесінің көмегімен бауырда белсенді метаболизденеді. Метаболизмнің негізгі жолы CYP2C19 изоферментімен деметилдену болып табылады, ал метаболизмнің басқа жолдарының арасында CYP3A4 изоферментімен тотығу байқалады. Осы изоферменттердің (карбамазепин, диазепам, глибенкламид, нифедипин және құрамында левоноргестрел және этинилэстрадиол бар пероральді контрацептивтер) көмегімен метаболизденетін басқа дәрілік препараттармен өзара әрекеттесуді зерттеуде клиникалық маңызды өзара әрекеттесу анықталған жоқ. Пантопразолдың басқа дәрілік препараттармен немесе сол ферменттік жүйенің көмегімен метаболизденетін заттармен өзара әрекеттесуін жоққа шығаруға болмайды. Өзара әрекеттесудің әртүрлі зерттеулерінің нәтижелері пантопразолдың CYP1A2 (мысалы, кофеин, теофиллин), CYP2C9 (мысалы, пироксикам, диклофенак, напроксен), CYP2D6 (мысалы, метопролол), CYP2E1 (мысалы, этанол) изоферменттерінің көмегімен метаболизденетін белсенді заттардың метаболизміне әсер етпейтінін және p-гликопротеинмен байланысты дигоксиннің сіңуіне кедергі келтірмейтінін көрсетеді. Бірге қабылданған антацидтермен өзара әрекеттесуі байқалмады. Сондай-ақ, пантопразолдың тиісті бірге қабылданған антибиотиктермен (кларитромицин, метронидазол, амоксициллин) өзара әрекеттесуіне зерттеулер жүргізілді. Клиникалық маңызды өзара әрекеттесу табылған жоқ. CYP2C19 изоферментінің белсенділігін басатын немесе күшейтетін дәрілік препараттар: Флувоксамин сияқты CYP2C19 изоферменті белсенділігінің тежегіштері пантопразолдың жүйелік экспозициясын арттыруы мүмкін. Пантопразолдың жоғары дозаларымен ұзақ уақыт бойы ем алатын пациенттерге немесе бауыр жеткіліксіздігі бар пациенттерге дозаны төмендету қажет болуы мүмкін. Рифампицин және шайқурай (Hypericum perforatum) сияқты CYP2C19 және CYP3A4 изоферменттерінің белсенділік индукторлары осы ферменттік жүйелер арқылы метаболизденетін ПСТ плазмасындағы концентрацияны төмендетуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!