Пантенол Фармстандарт пена 5%

Бір баллон құрамы белсенді зат – декспантенол (100% затқа шаққанда)– 2,50 г, қосымша заттар: эмульгациялайтын цетостеарил спирті А типі, макрогол глицерилкокоаты, пропиленгликоль, метилпарагидроксибензоат, калий дигидрофосфаты, натрий гидрофосфат додекагидраты, тазартылған су, тетрафторэтан (хладон 134а). Сыртқы түрінің, иісінің, дәмінің сипаттамасы Препарат баллоннан шыққанда өзіне тән әлсіз иісі бар ақ түсті көбік түзеді.

• терінің құрғауы Тері жабыны бүтіндігінің бұзылуы: • ұсақ зақымданулар • күйіктер (соның ішінде күнге күю) • сыдырылу • буллезді дерматит • абсцесс • фурункул • аяқтың трофикалық ойық жарасы • ойылу • сызат • операциядан кейінгі асептикалық жаралар • бітісуі қиын тері трансплантаттары • жатыр мойны эрозиясы • лактация кезеңіндегі емшек күтімі (сүт безінің емізіктерінің сызаттары және қабынуы) • емшек еметін балалардың күтімі (баздану)

Пантотен қышқылының туындысы. Декспантенол организмде пантотен қышқылына айналады, ол коэнзим А-ның құрамдас бөлігі және ацетилдену үдерістерінде, көмірсуда, май алмасуында, ацетилхолин, кортикостероидтар, порфирин синтезіне қатысады; терінің, шырышты қабықтың қайта регенерациясын стимуляциялайды, жасуша метаболизмін қалпына келтіреді, митозды жылдамдатады және коллагенді талшықтардың беріктілігін арттырады. Регенерациялайтын, метаболиздік және қабынуға қарсы әлсіз әсер етеді.

Дозалау режимі Ересектер Клапанның штогына кигізілген саптаманы зақымданған жерге жақындатып, саптаманы ақырын басып, препаратты зақымданған беткейге көбікпен толық жабылатындай 10-20 см арақашықтықта 1-2 секунд бойы бүркеді. Пациенттердің ерекше топтары 18 жасқа дейінгі балалар Дозалау режимі ересектерге арналған дозалау режиміне ұқсас. Қолдану тәсілі Сыртқа қолдануға арналған. Зақымданған жерге жергілікті қолданылады. Қолданар алдында аэрозольдік баллонды бірнеше рет қаттырақ сілкіп, қорғайтын қалпақшаны алады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолданар алдында дәрігердің немесе фармацевттің кеңесіне жүгініңіз.

- әсер етуші затқа немесе қосымша заттардың кез келгеніне аса жоғары сезімталдық.

Сирек: - терінің аллергиялық реакциялары. Тері бөртулері пайда болған жағдайда препаратты қабылдауды тоқтатып, дәрігерге жүгіну керек. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз ҚР ДСМ Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратпен артық дозалану жағдайлары анықталмады. Препарат тек сыртқа қолдануға арналған болғандықтан, артық дозалану симптомдарының дамуы екіталай.

Аэрозольдік баллон қысыммен тұр! Сондықтан оны құлап қалудан, соққылардан және тікелей күн сәулесінің әсерінен қорғау керек. Қолданып болғаннан кейін баллонды ашуға және өртеуге болмайды. Препаратты ашық оттың қасында немесе қызып тұрған заттарға жақын бүркуге болмайды. Препаратты қолданған кезде баллонды тігінен ұстау керек (суретті қараңыз). Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын және әр түрлі механизмдерді басқару қабілетіне, сондай-ақ аса зейін қоюды және психикалық және қимыл реакцияларының жылдамдығын талап ететін басқа да қауіпті қызмет түрлерімен айналысуға әсер етпейді.

Жүктілік Пантенол Фармстандарт препаратын жүктілік кезінде көрсетілімдер бойынша қолдануға болады. Бала емізу кезеңі Пантенол Фармстандарт препаратын бала емізу кезеңінде көрсетілімдер бойынша қолдануға болады.

Пантенол Фармстандарт көбік препаратының басқа дәрілік заттармен өзара әрекеттесуі анықталған жоқ. Әдебиеттердегі деректер бойынша Пантенол Фармстандартты жүйелі қолданғанда сукцинилхолиннің әсерін ұзартуы мүмкін

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!