Пантенол аэрозоль 4.63%

100 г құрамында, граммен белсенді зат- декспантенол 4,63 г. қосымша заттар: цетостеарил спирті (А типі), эмульгациялайтын, жеңіл сұйық балауыз (2-этилгексил лаурат), жеңіл сұйық парафин, асқын сірке қышқылы1, 5.5 бар пропеллент 2, тазартылған су. 1 100 г құрамында: асқын сірке қышқылы - 36.9 г, сутегі пероксиді-14.8 г, сірке қышқылы-18.0 г, су - 30.3 г 2 100 г құрамында: пропан - 45.0 г, бутан - 52.0 г, изобутан - 3.0 г Сыртқы түрінің , иісінің, дәмінің сипаттамасы Әлсіз қышқыл иісі бар ақ көбік.

Пантенол тері мен шырышты қабық зақымдануларының жазылуын демеуші емдеу үшін қолданылады

Жаралар мен ойық жараларды емдеуге арналған препарат. Жарақатты жазатын препараттар. Жарақаттарды жазатын басқа препараттар. Декспантенол. АТХ коды D03AX03 Декспантенол - Пантенол препаратының белсенді заты. Организмде декспантенол пантотен қышқылына өтеді, ол А коферментінің құрамдас бөлігі бола отырып, ацетилдену және тотығу процестерінде маңызды рөл атқарады, көмірсу, май алмасуына және ацетилхолин синтезіне қатысады. Қабынуға қарсы әсері бар және тіндердің регенерациясын жақсартады.

Енгізу әдісі мен жолы Пантенол сыртқа, тәулігіне бір немесе бірнеше рет бүрку арқылы (құтыны тігінен ұстап), 10-20 см қашықтықтан, барлық зақымдалған беткейі көбікпен жабылатындай етіп қолданылады. Әр қолданардың алдында құтыны мұқият шайқап жіберу керек. Бетке қолданған кезде оны теріге тікелей бүркімеңіз. Оның орнына қолыңызға бүркіп, көбікті беттің зақымдалған аймағына жағыңыз. Көзге бүркімеңіз! Тікелей ауыз немесе мұрын қуысы жанына бүркімеңіз! Емдеу курсының ұзақтығы аурудың сипаты мен ауырлығына байланысты.

Декспантенолға немесе қосымша заттардың кез келгеніне аса жоғары сезімталдық. Пантенол офтальмологияда қолдануға арналмаған.

Белгісіз • аллергиялық жанаспалы дерматит • қышыну немесе бөртпе Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Декспантенол көбігін ұсынылған шамада пайдаланғанда артық дозалануы күтілмейді. Уытты әсері декспантенол көбігінің көп мөлшерін кездейсоқ жұту салдарынан болу мүмкіндігі екіталай. Асқазан-ішектің ықтимал тітіркенуін емдеу симптоматикалық болуы тиіс.

Арнайы ескертулер Қолданар алдында құтыны мұқият шайқау қажет. Баллонда қысым бар. Күн сәулесінің тіке түсуінен және 50 °С-ден жоғары температурадан қорғау керек. Қолданылып болғаннан кейін баллонды күш салып ашуға және өртеуге болмайды. Ашық отқа жақын жерде немесе қызып тұрған заттарға шашуға болмайды. Тұтану көздерінен алыс сақтау керек, баллонды соғылудан және құлатып алудан қорғау керек. Көбіктің көзге түсуіне жол бермеу керек. Көбік кездейсоқ байқаусызда көзге тиіп кеткен жағдайда, оны сумен жуу керек. Препаратты ауқымды іріңді экссудациямен жүретін іріңді жарақаттар мен трофикалық ойық жараларға қолдануға болмайды. Нашар жазылатын тері трансплантаттары мен трофикалық ойық жаралардың емделуі дәрігердің қадағалауында жүргізіледі. Бронх демікпесімен немесе бронх-өкпе ауруларымен ауыратын пациенттер бүріккіштің буымен дем алмау керек, өйткені бұл шырышты қабықтың тітіркенуіне әкелуі мүмкін және тіпті бронх демікпесі ұстамасына ықпал етуі мүмкін. Препарат құрамында цетостеарил спирті бар, бұл жергілікті тері реакцияларына келтіру мүмкін. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару және қауіптілігі зор механизмдермен жұмыс істеу қабілетіне әсер етпейді. Қолдану жөніндегі ұсыныстар Балалар Балаларға препаратты ересектердің бақылауымен қолдану керек. Емшектегі балаларға препарат ішкі киімді әр ауыстырғаннан кейін немесе су процедурасынан кейін қолданылады. Егде жастағы адамдар Егде жастағы адамдарда қолдану бойынша шектеулер жоқ. Бала емізу кезеңі Бала емізетін аналарға препаратты емізіктің бетіне әр емізуден кейін қолдану ұсынылады.

Препаратты ішке қабылдаған жүкті әйелдердің шектеулі саны туралы деректер пантотенаттың жүктілік ағымына немесе шарананың / жаңа туған нәрестенің денсаулығына әсері туралы нақты қорытынды жасауға мүмкіндік бермейді. Пантотенат плацента арқылы белсенді тасымалданып енеді және оның организмге енуі пропорционалды түрде емшек сүтімен шығарылады. Жануарларға жүргізілген клиникаға дейінгі зерттеулерде пероральді қолданғанда тератогендік немесе фетоуытты әсердің белгілері анықталмаған. Сыртқа қолдану кезінде пантотенаттың жүйелі сіңу дәрежесі белгісіз болғандықтан, препаратты жүктілік және бала емізу кезінде терінің ауқымды емес аймақтарына пайдаланған кезде ана үшін болжамды пайдасын және шарана немесе бала үшін ықтимал қаупін мұқият бағалау керек. Фертильділік Декспантенолдың адам фертильділігіне әсері туралы деректер жоқ.

Сыртқа қолдануға арналған басқа дәрілік заттармен өзара әрекеттесуі белгісіз. Гениталий аймағында немесе анустық аймақта мүшеқаптар мен декспантенол көбігін бір уақытта қолдану мүшеқаптардың тиімділігін төмендетуі мүмкін, өйткені құрамында парафиннің болуына байланысты олардың созылуға төзімділігі төмендеуі мүмкін.

Сақтау мерзімі 30 ай Жарамдылық мерзімі өткеннен кейін қолдануға болмайды! Сақтау шарттары 25◦С-ден аспайтын температурада. Тұтану көздерінен алыс сақтау керек. Балалардың қолы жетпейтін жерде сақтау керек!