Пан IV лиофилизат 40 мг

Бір құтының ішінде белсенді зат – 40 мг пантопразолға баламалы натрий пантопразолы (маннитолмен стерильді лиофилизацияланған қоспа) Сыртқы түрінің, иісінің, дәмінің сипаттамасы Ақтан ақ дерлік түске дейінгі сусымалы лиофилизацияланған ұнтақ.

• асқазан мен он екі елі ішектің ойық жаралы ауруы • Золлингер-Эллисон синдромы және патологиялық гиперсекрециямен сипатталатын басқа жағдайлар • анамнездегі эрозиялық эзофагитпен байланысты гастроэзофагеальді рефлюксті (gastro-oesophageal reflux disease - GORD) ауруын қысқа мерзімді емдеу

ATХ коды А02ВС02 Әсер ету механизмі Пантопразол париетальді жасушалардың протонды сорғыларының ерекше блокадасы арқылы асқазанда тұз қышқылының секрециясын басатын бензимидазолмен алмастырылған болып саналады. Пантопразол париетальді жасушалардағы қышқылды орта жағдайында өзінің белсенді түріне айналады, онда ол H+, K+-АТФаза ферментінің белсенділігін басады, яғни асқазанда тұз қышқылы түзілуінің соңғы кезеңін бөгейді. Белсенділікті басу дозаға тәуелді, нәтижесінде базальді, әрі стимуляцияланған қышқыл секрециясы да төмендейді. Пациенттердің көпшілігінде симптомдар 2 апта ішінде жоғалады. Пантопразолмен емдеу кезінде, протон сорғысының басқа тежегіштері мен H2- рецепторларының блокаторларын қолдану сияқты, асқазандағы қышқылдық төмендейді, осылайша қышқылдықтың төмендеуіне пропорционалды түрде гастрин деңгейі артады. Гастрин деңгейінің жоғарылауы қайтымды. Пантопразол ферментті жасушалық рецепторға қатысты дистальді түрде байланыстыратындықтан, ол басқа заттармен (ацетилхолин, гистамин, гастрин) стимуляциялануына қарамастан тұз қышқылының секрециясын тежеуі мүмкін. Препаратты пероральді және вена ішіне қолданғанда әсері бірдей. Фармакодинамикалық әсерлері Пантопразолды пайдаланған кезде ашқарынға гастрин деңгейі жоғарылайды. Препаратты қысқа мерзімді қолданғанда гастрин деңгейі көп жағдайда норманың жоғарғы шегінен аспайды. Ұзақ мерзімді емдеу кезінде гастрин деңгейі көп жағдайда екі есе артады. Алайда, гастрин деңгейінің шамадан тыс жоғарылауы бірлі-жарым жағдайларда ғана байқалады. Осының салдарынан ұзақ емдеген кезде аздаған жағдайларда асқазанда (аденоматоидты гиперплазиядағыдай) ерекше эндокринді (энтерохромаффин тәрізді/ECL) жасушалар санының әлсіз немесе орташа артуы байқалады. Алайда, қазіргі уақытта жүргізілген зерттеулерге сәйкес, жануарларға жүргізілген тәжірибелерде анықталған обыр ісіктерінің (атипті гиперплазия) немесе асқазан ісіктерінің ізашар жасушаларының пайда болуы Жануарларға жүргізілген зерттеулердің нәтижелеріне сүйене отырып, пантопразолмен ұзақ (1 жылдан астам) емдеудің қалқанша безі эндокриндік параметрлеріне әсерін жоққа шығаруға болмайды. Антисекреторлық дәрілік препараттармен емдеу кезінде қышқыл секрециясының төмендеуіне жауап ретінде гастрин сарысуы артады. Сондай-ақ асқазан қышқылдығының төмендеуіне байланысты CgA жоғарылайды. CgA деңгейінің жоғарылауы нейроэндокриндік жаңа түзілімдерді зерттеуге әсер етуі мүмкін. Қолданыстағы жарияланымдар CgA зерттеуіне дейін протонды сорғы тежегіштерімен емдеуді 5 күннен 2 аптаға дейін тоқтату керек деп болжайды. Бұл CgA деңгейінің қалыпқа келуіне мүмкіндік береді, әйтпесе протон сорғысының тежегіштерін емдеуге байланысты жалған болуы мүмкін.

Бұл препаратты тиісті медициналық бақылау болған кезде және дәрігер тағайындауы керек. Препаратты вена ішіне енгізу пантопразолды ішке қабылдау мүмкін болмаған жағдайда ғана ұсынылады. Пероральді ем мүмкін болғаннан кейін, венаішілік ем тоқтатылуы тиіс және пантопразолды 40 мг дозада пероральді тағайындау керек. Препаратты 7 күн бойы вена ішіне қолдану жөнінде деректер бар. Дозалау режимі Асқазан мен он екі елі ішектің ойық жаралы ауруы, анамнездегі эрозиялық эзофагитпен байланысты гастроэзофагеальді рефлюксті ауру Ұсынылатын доза 7-10 күн ішінде вена ішіне күніне бір рет 40 мг құрайды. Золлингер-Эллисон синдромы және патологиялық гиперсекрециямен сипатталатын басқа жағдайлар. Золлингер-Эллисон синдромын және патологиялық гиперсекрециямен сипатталатын басқа жағдайларды ұзақ уақыт емдеу үшін пациенттер емдеуді тәулігіне Пан IV 80 мг дозасынан бастауы керек. Осыдан кейін доза ұлғайтылуы немесе азайтылуы мүмкін. Препаратты 80 мг асатын тәуліктік дозада қолданған жағдайда дозаны бөлуге болады және күніне екі рет енгізіледі. Тәуліктік дозаны 160 мг дейін уақытша арттыруға болады, бірақ қышқыл секрециясын бақылауға қажетті уақыттан аспауы керек. Қышқылдықты (<10 мг-Экв/сағ) төмендету үшін көптеген пациенттерге бір сағат ішінде вена ішіне енгізілетін 160 мг бастапқы доза жеткілікті. Пациенттердің ерекше топтары Бауыр жеткіліксіздігі бар пациенттер Бауыр функциясының ауыр бұзылулары бар пациенттерде 20 мг пантопразолдың тәуліктік дозасынан аспауы керек. Бүйрек жеткіліксіздігі бар пациенттер Бүйрек жеткіліксіздігі бар пациенттерде дозаны түзету қажет етілмейді. Егде жастағы пациенттер Егде жастағы папациенттерге тәуліктік дозасын 40 мг асырмау керек. Балалар Пан IV препараты балаларда қолдану тәжірибесі шектеулі болғандықтан, 18 жасқа дейінгі балалар мен жасөспірімдерге тағайындалмайды. 18 жасқа дейінгі балалар мен жасөспірімдерде пантопразолды қолданудың қауіпсіздігі мен тиімділігі анықталмаған. Енгізу әдісі мен жолы Препаратты дайындау және енгізу ережелері Вена ішіне енгізуге арналған ерітінді: құрғақ, стерильді ұнтағы бар құтыға инъекцияға арналған 10 мл 0,9% натрий хлориді ерітіндісін қосады. Бұл ерітіндіні тікелей (вена ішіне сорғалатып) немесе 100 мл 0,9% натрий хлориді ерітіндісімен, сондай-ақ 5% глюкоза ерітіндісімен (вена ішіне, тамшылатып) араластырғаннан кейін қолдануға болады. Сұйылту үшін шыны немесе пластмасса контейнерлерді пайдалану керек. Пан IV препаратын жоғарыда көрсетілмеген қандай да бір еріткіштермен дайындауға немесе араластыруға болмайды. Енгізу ұзақтығы: 2-15 мин. Микробиологиялық тұрғыдан алғанда, препарат дайындалғаннан кейін бірден пайдаланылуы керек. Құтының ішіндегісі тек бір рет пайдалануға арналған. Контейнерде қалған немесе сыртқы түрі өзгерген (мысалы, егер бұлыңғырлық немесе шөгінді байқалса) кез келген өнімді жергілікті талаптарға сәйкес утилизациялау керек. Емдеу ұзақтығы Емдеу курсының ұзақтығын қолданылуға берілетін көрсетілімдерге байланысты белгілейді. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қабылдар алдында дәрігермен кеңесіңіз.

• препараттың белсенді затына немесе басқа орын басқан бензимидазолдарға аса жоғары сезімталдық • анафилаксия, анафилаксиялық шок, ангионевроздық ісіну, есекжем, бронх түйілуін қамтитын аса жоғары сезімталдық реакциялары • жедел интерстициальді нефритті қоса, бүйрек функциясының айқын бұзылулар • 18 жасқа дейінгі балалар мен жасөспірімдер • пантопразолды құрамында рилпивирин бар препараттармен (атазанавир, нелфинавир) бірге қолдану

Қауіпсіздік бейініне шолу Пациенттердің шамамен 5%-ында жағымсыз реакциялар дамиды деп күтілуде. Кестеде көрсетілген жағымсыз реакциялар тізімі Пантопразол қабылдаған кезде келесі жағымсыз реакциялар туралы хабарланды. Төмендегі кестеде жағымсыз реакциялар MedDRA бойынша олардың туындау жиілігі жіктеуіне сәйкес келтірілген: өте жиі (≥1/10); жиі (≥1/100, <1/10); сирек (≥1/1000, <1/100); сирек (≥1/10 000 және <1/1000); өте сирек (<1/10 000); жиілігі белгісіз (қолда бар деректер негізінде бағалау мүмкін емес). Кейбір топтарда жағымсыз реакциялар ауырлықтың төмендеу ретімен келтірілген. Жиі • фундальді бездер полиптері (қатерсіз) • инъекция орнындағы тромбофлебит Жиі емес • бас ауыруы, бас айналуы • ауыздың құрғауы, жүрек айнуы, құсу, іштің кебуі, абдоминальді ауыруы және жайсыздық, диарея (оның ішінде Clostridium difficile–астасқан диарея), іш қату • тері бөртпесі, қышыну, экзантема • астения, қажу және дімкәстік • бауыр ферменттері (трансаминазалар,-GT) белсенділігінің жоғарылауы • ұйқының бұзылуы • білезік сүйектері, ортан жілік және омыртқаның сынуы Сирек • агранулоцитоз • аса жоғары сезімталдық (анафилаксиялық реакциялар және анафилаксиялық шокты қоса) • гиперлипидемия, триглицеридтер, холестерин деңгейінің жоғарылауы • билирубин мөлшерінің жоғарылауы • салмақтың өзгеруі, дәмнің бұзылуы • депрессия (және қатар жүретін нашарлауы) • көру қабілетінің бұзылуы / бұлыңғыр көру • есекжем, ангионевроздық ісіну • артралгия, миалгия • гинекомастия • дене температурасының жоғарылауы; шеткері ісінулер Өте сирек • тромбоцитопения, лейкопения, панцитопения • бағдарсыздық (және барлық қатар жүретін нашарлау) Белгісіз • гипонатриемия, гипомагниемия, гипокальциемия1, гипокалиемия • елестеулер, сананың шатасуы (әсіресе осы жағдайларға бейім пациенттерде, сондай-ақ емдеу басталғанға дейін болған болса, бұл симптомдардың нашарлауы) • парестезия • гепатоцеллюлярлық зақымданулар, сарғаю, гепатоцеллюлярлық жеткіліксіздік • Стивенс-Джонсон синдромы, Лайелл синдромы, экссудативті көп формалы эритема, көздің қарығуы • эозинофилиямен және жүйелік симптомдармен дәрілік реакция (DRESS- синдромы), жеделге жуық терінің қызыл жегісі • бұлшықеттің түйілуі2 • тубулоинтерстициальді нефрит (TIN) (бүйрек жеткіліксіздігіне айналуы мүмкін) • микроскопиялық колит 1 гипокальциемия гипомагниемиямен бірге 2 электролиттік теңгерім бұзылуының салдары ретінде бұлшықеттің түйілуі Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамдарда артық дозалану симптомдары белгісіз. Екі минут ішінде инъекция арқылы енгізілетін 240 мг дейінгі дозалар жағымдылығы жақсы. Пантопразол елеулі дәрежеде ақуыздармен байланысатындықтан, диализ арқылы шығарылмайды. Уыттанудың клиникалық белгілері бар артық дозалану жағдайында симптоматикалық емдеу мен қолдаудан басқа нақты емдік ұсынымдар берілмейді.

Асқазанның қатерлі жаңа түзілімдері Пантопразолға симптоматикалық жауабы асқазанның қатерлі жаңа түзілімдері симптомдарын бүркемелеуі және диагностика жасалуын кідіртуі мүмкін. Үрей тудыратын симптомдар болған кезде (мысалы, айтарлықтай байқаусызда салмақ жоғалту, қайталанатын құсу, дисфагия, қан қоспасы бар құсу, анемия немесе мелена) және асқазан жарасына күмән болған кезде қатерлі процесті болдырмау керек. Симптомдар сақталса, жүргізілген емге қарамастан, қосымша тексеру жүргізу керек. Бауыр жеткіліксіздігі Бауырдың ауыр жеткіліксіздігі бар пациенттерде препаратпен емдеу кезінде бауыр ферменттерінің деңгейін бақылау керек. Бауыр ферменттерінің деңгейі жоғарылаған жағдайда емдеуді тоқтату керек. АИТВ протеаза тежегіштерімен бірге қолдану Пантопразолды сіңірілуі асқазанішілік рН-қа байланысты АИТВ протеаза тежегіштерімен, мысалы, биожетімділігінің айтарлықтай төмендеуіне байланысты атазанавирмен бірге қолдану ұсынылмайды Бактериялардан туындаған асқазан-ішек инфекциялары Асқазан қышқылдығының төмендеуі, әдетте асқазан-ішек жолында болатын асқазан бактериялары санын жоғарылатады. Пантопразолмен емдеу Salmonella, Campylobacter және Clostridium difficile сияқты бактериялар туындататын асқазан-ішек инфекциялары көлемінің елеусіз артуына әкелуі мүмкін. Гипомагнемия Кемінде 3 ай ішінде, ал көп жағдайда бір жыл ішінде ПСТ алған пациенттерде ауыр гипомагниемияның дамуы туралы хабарламалар бар. Шаршау, тетания, делирий, құрысулар, бас айналу және қарыншалық аритмия сияқты гипомагниемияның ауыр көріністері байқалмай басталуы мүмкін және оларды көруге болады. Гипомагнемиясы бар пациенттердің көпшілігінде магний препараттарымен ауыстыратын емінен және ПСТ тоқтатылғаннан кейін ол азаяды. Ұзақ ем қолдануы тиіс пациенттерге немесе дигоксинмен немесе гипомагнемияны туындатуы мүмкін (мысалы, диуретиктер) дәрілік заттармен бірге протонды сорғы тежегіштерін қабылдайтын пациенттерге протонды сорғы тежегіштерімен емдеуді бастар алдында және емдеу кезінде мезгіл-мезгіл магний деңгейін анықтап отыру ұсынылады. Гипомагниемия гипокальциемияға және /немесе гипокалиемияға әкелуі мүмкін. Сүйектің сынуы Протон сорғысы тежегіштері, әсіресе жоғары дозаларды қолданғанда және ұзақ уақыт бойы (>1 жыл), көбінесе егде жастағы адамдарда немесе басқа жалпы танылған қауіп факторлары болған кезде ортан жілік сүйектерінің, білезік сүйектерінің және омыртқаның сыну қаупін біршама арттыруы мүмкін. Бақылау зерттеулерінің деректері протонды сорғының тежегіштері сынудың жалпы қаупін 10-40% арттыруы мүмкін екенін көрсетеді. Кейбір жағдайларда мұндай өсу басқа қауіп факторларының болуына байланысты болуы мүмкін. Остеопороз қаупі бар пациенттер қолданыстағы клиникалық нұсқауларға сәйкес емдеуді және D дәрумені мен кальцийдің жеткілікті мөлшерін алуы тиіс. Жеделге жуық терінің қызыл жегісі (ЖТҚЖ) Протонды сорғы тежегіштерімен емдеу кезінде ЖТҚЖ дамуы өте сирек кездеседі. Зақымдану пайда болған кезде, әсіресе күн сәулесінің әсеріне ұшыраған тері учаскелерінде, сондай-ақ қатар жүретін артралгия болған кезде пациент дереу медициналық көмекке жүгінуі тиіс және медицина қызметкері Пан IV препаратымен емдеуді тоқтату қажеттілігін бағалауы керек. Протонды сорғы тежегіштерімен алдыңғы емдеуден кейін ЖТҚЖ пайда болуы протонды сорғының басқа тежегіштерімен емдеу кезінде ЖТҚЖ даму қаупін арттыруы мүмкін. Зертханалық зерттеулердің нәтижелеріне әсері. Хромогранин А (CgA) деңгейінің жоғарылауы нейроэндокриндік ісіктерге диагностика кезінде зерттеу нәтижелеріне әсер етуі мүмкін. Мұндай әсерді болдырмау үшін пантопразолмен емдеуді CgA деңгейін бағалау жүргізілгенге дейін кемінде 5 күн бұрын уақытша тоқтату керек. Егер бастапқы өлшеуден кейін CgA және гастрин деңгейлері қалыпты мәндер диапазонына оралмаса, протонды сорғы тежегіштерімен емдеуді тоқтатқаннан кейін 14 күннен соң қайта өлшеу жүргізілуі керек. Педиатрияда қолдану Пан IV, вена ішіне енгізу үшін ерітінді дайындауға арналған лиофилизат препаратын 18 жасқа дейінгі балалар мен жасөспірімдерге қолдану жөніндегі деректер жоқ. Натрий Бұл дәрілік препаратта құтыда 1 ммольден аз натрий (23 мг) бар, яғни ол іс жүзінде "натрийсіз". Арнайы ескертулер Жүктілік Жүкті әйелдердегі деректердің орташа мөлшері (300-ден 1000-ға дейін жүктілік) шарананың немесе жаңа туған нәрестенің даму ақауларын немесе уыттылығын анықтаған жоқ. Жануарларға жүргізілген зерттеулер репродуктивті уыттылық белгілерін көрсетті (5.3 бөлімін қараңыз). Сақтық шарасы ретінде жүктілік кезінде пантопразолды қолданудан аулақ болған жөн. Лактация кезеңі Жануарларды зерттеу пантопразолдың емшек сүтіне енетінін көрсетті. Пантопразолдың емшек сүтіне шығарылуы туралы деректер жоқ, бірақ препараттың адамда емшек сүтіне енуі туралы хабарланды. Жаңа туған нәрестелер/емшектегі балалар үшін қауіпті жоққа шығаруға болмайды. Сондықтан бала емізуді тоқтату немесе пантопразолмен емдеуді тоқтату/бас тарту туралы шешім бала үшін емшек сүтін емізудің пайдасын және әйел үшін пантопразолмен емдеудің пайдасын ескере отырып қабылдануы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналу және көру қабілетінің бұзылуына байланысты көбірек назар аударуды қажет ететін көлік құралдарын және басқа механизмдерді басқарудан аулақ болу керек.

Нұсқаулықта көрсетілмеген.

Сіңу фармакокинетикасы рН тәуелді дәрілік препараттар Сіңуі рН-тәуелді болып табылатын препараттармен, мысалы, кетоконазол, итраконазол, позаконазол, эрлотиниб, оның ішінде бұл препараттар сіңірілуінің өзгерістерін ескере отырып, Пан IV препаратымен емдеу курсына дейін таяуда тағайындалған препараттармен бір мезгілде қабылдануына көңіл аударған жөн. АИТВ протеаза тежегіштері Пантопразолды АИТВ-протеаза тежегіштерімен, олардың биожетімділігінің айтарлықтай төмендеуіне байланысты атазанавир сияқты рН-тәуелді сіңірілу препараттарымен бір мезгілде қабылдау ұсынылмайды. Егер АИТВ протеаза тежегіштерінің протонды сорғы тежегіштерімен біріктірілімі қажет деп саналса, мұқият клиникалық мониторинг (мысалы, вирустық жүктеме) ұсынылады. Күніне 20 мг пантопразол дозасынан аспауы керек. Метотрексат Жоғары дозаларда (мысалы, 300 мг) протонды сорғы тежегіштерімен бір мезгілде қолданғанда кейбір пациенттерде қандағы метотрексат деңгейінің жоғарылағаны туралы хабарлар бар. Сондықтан метотрексаттың жоғары дозаларын, мысалы, псориазы және қатерлі жаңа түзілулері бар пациенттерге пайдаланғанда пантопразолды уақытша тоқтату туралы мәселені қарастыру қажеттілігі туындауы мүмкін. Кумариндік антикоагулянттар (фенпрокумон немесе варфарин) Фенпрокумонды немесе варфаринді бірге қолданған кезде Халықаралық қалыптастырылған қатынас (ХҚҚ немесе INR) өзгеруінің бірлі-жарым жағдайлары болған. Сондықтан кумаринді антикоагулянттармен (мысалы, фенпрокумонмен немесе варфаринмен) емделіп жүрген пациенттер үшін, Пан IV препаратын бастаған соң, аяқтағаннан кейін немесе жүйесіз қолданудан кейін протромбин уақытын/ХҚҚ бақылап отыру ұсынылады. Дәрілік өзара әрекеттесудің басқа зерттеулері Пантопразол Р450 цитохромы ферменттік жүйесінің әсерінен бауырда метаболизденеді. Р450 цитохромының ферменттік жүйесі. Метаболизмнің негізгі жолы CYP2C19 әсерінен деметилдену және метаболизмнің басқа жолдары CYP3A4 әсерінен тотығуды қамтиды. Карбамазепин, диазепам, глибенкламид, нифедипин және ұрықтануға қарсы дәрі нифедипин құрамында левоноргестрел мен этинилэстрадиол бар пероральді контрацептивтерді қоса, арнайы зерттеулерде клиникалық маңызды өзара әрекеттесулер байқалмады. Пантопразол мен метаболизденетін басқа препараттар немесе қосылыстар арасындағы өзара әрекеттесу бірдей ферменттік жүйе арқылы метаболизденеді, оны жоққа шығаруға болмайды. Өзара әрекеттесудің бірқатар кинетикалық зерттеулерінің нәтижелері пантопразолдың CYP1A2 метаболизденетін белсенді заттарға (мысалы, кофеин, теофиллин), CYP2C9 (мысалы, пироксикам, диклофенак, напроксен), CYP2D6 (мысалы, метопролол), CYP2E1 (мысалы, этанол) әсер етпейтінін көрсетті. Пантопразол Р-гликопротеинмен байланысты дигоксиннің сіңуіне әсер етпейді. Антацидтермен бір мезгілде қабылдағанда өзара әрекеттесуі болмаған. Пантопразолды және әртүрлі антибиотиктерді (кларитромицин, метронидазол, амоксициллин) бір мезгілде қабылдау кезінде өзара әрекеттесуіне зерттеулер жүргізілді. Клиникалық маңызды өзара әрекеттесуі анықталмаған. CYP2C19 тежейтін немесе индукциялайтын дәрілік заттар Флувоксамин сияқты CYP2C19 тежегіштері пантопразолдың жүйелік әсерін күшейте алады. Пантопразолдың жоғары дозаларымен ұзақ уақыт емделіп жүрген пациенттерге немесе бауыр жеткіліксіздігі бар пациенттерге дозаны төмендету қажет болуы мүмкін. Рифампицин және шілтер жапырақты шайқурай (Hypericum perforatum) сияқты CYP 2C19 және CYP 3A4 әсер ететін ферменттердің индукторлары осы ферментті жүйелер арқылы метаболизденетін қан плазмасындағы протонды сорғы тежегіштерінің концентрациясын төмендетуі мүмкін

Сақтау мерзімі 2 жыл Жарамдылық мерзімі өткеннен кейін қолдануға болмайды Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!