Папаверин гидрохлориді раствор 20 мг/мл

Бір ампула (2 мл) ішінде: белсенді зат - 40 мг папаверин гидрохлориді; қосымша заттар: динатрий эдетаты, DL-Метионин, инъекцияға арналған су. Сыртқы түрінің, иісінің, дәмінің сипаттамасы Әлсіз сарғыштау реңді мөлдір сұйықтық.

Папаверин гидрохлориді ересектер мен 1 жастан асқан балаларда қолдануға арналған: -холециститте, спазмдық колитте, пилороспазмда ішкі ағзалардың тегіс бұлшықеттерінің түйілуінің алдын алу және басу үшін; -өт және бүйректің шаншуын басу үшін; -облитерациялық эндартеритті, ми мен аяқ-қол тамырларының түйілуін емдеу (кешенді ем құрамында).

Әсер ету механизмі Папаверин гидрохлориді гипотензиялық және спазмдық әсер береді. Әсер ету механизмі папаверин гидрохлоридінің IV типті фосфодиэстеразаның белсенділігін бөгеу қабілетіне байланысты. Ферментті бөгеу цАМФ гидролизінің тоқтауын және тамырлардың, ішкі азғалардың тегіс бұлшықетті жасушаларындағы оның концентрациясының жоғарылауына әкеледі; цАМФ кальций иондарының бұлшықет жасушасына түсуін шектейді және бұлшықет жиырылуын қамтамасыз ететін миозин-жиырғыш ақуыздың жеңіл тізбегі киназасын белсенділігін жояды. Фармакодинамикалық әсерлер Папаверин гидрохлориді тонусты төмендетеді және ішкі ағзалардың (АІЖ, тыныс алу жолдарының, несеп-жыныс жүйесінің) және қантамырлардың тегіс бұлшықеттерін босаңсытады. Папаверин гидрохлориді негізінен артериялық қантамырларды кеңейтеді және қан ағысының, соның ішінде церебральді қан ағысының артуына ықпал етеді.

Дозалау режимі Ересектер Ересек пациенттерге препарат тері астына және бұлшықет ішіне 0,5–2 мл (10-40 мг) 20 мг/мл ерітіндімен енгізіледі, ал вена ішіне өте баяу, 3-5 мл/мин жылдамдықпен енгізіледі, 1 мл 20 мг/мл папаверин гидрохлориді (20 мг) ерітіндісін 10-20 мл 0,9% натрий хлориді ерітіндісінде ерітеді. Вена ішіне енгізу ең тиімді болып табылады. Тері астына немесе бұлшықет ішіне енгізгенде ересектерге арналған ең жоғары дозалар: бір реттік – 100 мг (5 мл 20 мг/мл ерітінді), тәуліктік – 300 мг (15 мл 20 мг/мл ерітінді); вена ішіне енгізгенде: бір реттік – 20 мг (1 мл 20 мг/мл ерітінді), тәуліктік – 120 мг (6 мл 20 мг/мл ерітінді). Балалар 14 жас және одан асқан балалар мен жасөспірімдер 14 жастан асқан балалар үшін дозалау режимі және препаратты қолдану тәсілі ересек пациенттер үшін бірдей. 15 жасқа дейінгі балаларға препаратты вена ішіне енгізу ұсынылмайды. 1-ден 14 жасқа дейінгі балалар мен жасөспірімдер 1-ден 14 жасқа дейінгі балалар үшін препарат тәулігіне 2-3 рет қолданылады. Бір доза дене салмағының 0,7–1 мг/кг құрайды. Балаларға арналған ең жоғары тәуліктік доза (енгізу әдісіне қарамастан): • 1–2 жаста – 20 мг (1 мл 20 мг/мл ерітінді); • 3–4 жас – 30 мг (1,5 мл 20 мг/мл ерітінді); • 5–6 жас – 40 мг (2 мл 20 мг/мл ерітінді); • 7–9 жас – 60 мг (3 мл 20 мг/мл ерітінді); • 10–14 жас – 100 мг (5 мл 20 мг/мл ерітінді). 1 жасқа дейінгі балалар Папаверин гидрохлориді препаратын 1 жасқа дейінгі балаларға қолдануға болмайды. Енгізу әдісі мен жолы Препарат тері астына, бұлшықет ішіне және вена ішіне қолданылады.

-әсер етуші затқа немесе қосымша заттардың кез келгеніне аса жоғары сезімталдық -1 жасқа дейінгі балалар -тыныс алудың бәсеңдеуі немесе коматоздық жайдай -атриовентрикулярлық (AV) блокада -глаукома -75 жастан (гипертермия қаупі) -жүрек жеткіліксіздігі, миокард инфарктісі (жедел және жуырда бастан өткерген), жүрек ырғағының бұзылуы (брадикардия) -бассүйекішілік гипертензия -бауыр аурулары. Арнайы ескертулер және қолдану кезіндегі қажетті сақтық шаралары Бассүйек-ми жарақаты, бауыр мен бүйрек функциясының бұзылуы, гипотиреоз, бүйрек үсті безінің функциясының жеткіліксіздігі бар адамдарда папаверин гидрохлоридінің аз дозаларын ғана сақтықпен пайдалану керек, өйткені оларда папаверин гидрохлоридінің гипотензиялық әсері күшейеді. Қуық асты безінің қатерсіз гиперплазиясы бар адамдарда папаверин гидрохлоридінің жоғары дозалары жедел несеп іркілісін тудыруы мүмкін. Вена ішіне жылдам енгізу фатальді артерияның және апноэнің дамуына әкелуі мүмкін. Парентеральды емдеуге дейін және кезінде ЭКГ мониторингін жүргізген жөн. Анамнезде жүрек өткізгіштігінің бұзылулары немесе жүрек ырғағының бұзылу қаупіне байланысты жүрек-қантамыр ауруларының декомпенсациясы бар болса, сақтық таныту керек. Гепатоуыттылық симптомдары пайда болған кезде, папаверин гидрохлоридін енгізуді тоқтату керек. АІЖ моторикасы төмендеген пациенттерде ас қорыту функциясының бұзылуына бейімділігі басым болуына байланысты, папаверин гидрохлоридін аталған пациенттерге сақтықпен тағайындау керек. Қосымша заттар Натрий Бұл дәрілік препараттың құрамында ең жоғары бір реттік дозада (5 мл немесе 100 мг) 1 ммольден (23 мг) аз натрий бар, яғни іс жүзінде натрий жоқ.

Барлық дәрілік препараттар сияқты, Папаверин гидрохлориді де жағымсыз реакцияларды тудыруы мүмкін, бірақ олар әркімде бола бермейді. Осы жағымсыз реакциялардың кейбірі ауыр болуы мүмкін. Егер Сіз аталған жағымсыз реакциялардың кез келгенін байқасаңыз, дереу медициналық көмекке жүгініңіз: - жүрек жиырылу ырғағының бұзылуы (аритмия) және/немесе тыныс алудың тоқтауы (апноэ), әсіресе препаратты вена ішіне енгізгенде; - ішек өтімсіздігі (іштің қатты ауыруы, нәжіс пен газдың сақталуы, жиі құсу, іштің кебуі және шуыл ретінде көрінуі мүмкін). Папаверин гидрохлоридін қабылдаған емделушілерде басқа жағымсыз реакциялар да хабарланды, олар мыналарды қамтиды: Сирек (1000 адамнан 1-ге дейін әсер етуі мүмкін): - депрессия; - тыныс алу тереңдігін арттыру; - бас айналу; - бас ауруы; - ұйқышылдық; - седативті әсер (дәрілік препараттан туындаған сананы басу); - әлсіздік; - зейіннің бұзылуы; - жайсыздық; - AV-блокада (электрлік импульстің жүректің өткізгіш жүйесі арқылы өтуінің бұзылуын көрсететін ЭКГ өзгерістері); - тахикардия (жүрек соғу жиілігі қалыптыдан жоғары); - артериялардағы төмен немесе жоғары қан қысымы; - іш қату; - жүрек айну; - диарея; - анорексия; - құсу; - бауырдың токсикалық зақымдануы: гепатит (бауырдың қабынуы) және бауыр ферменттерінің деңгейінің жоғарылауы (биохимиялық қан анализінде); - қышу; - бөртпе; - жалпы ыңғайсыздық; - беттің қызаруы; - терлеу; - ауыз қуысының құрғауы. Өте сирек (10 000 адамнан 1-ге дейін әсер етуі мүмкін): - жоғары сезімталдық реакциялары (аллергиялық реакциялар). Жиілігі белгісіз: - диплопия; - инъекция орнындағы тромбоз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Уыттану симптомдары жоғары дозаларын енгізгенде, әсіресе бауыр және бүйрек патологиясы аясында байқалады. Диплопия, әлсіздік, ұйқышылдық, гипотензия, жүрек аритмиясы мен тахикардияның пайда болуы тән. Емі Спецификалық антидоты жоқ. Көмек шараларына препаратты тоқтату, асқазанды шаю, белсендірілген көмірді тағайындау, туындаған бұзылуларды жоюға бағытталған демеуші және симптоматикалық ем жүргізу кіреді.

Арнайы ескертулер Педиатрияда қолдану Папаверин гидрохлоридін өмірдің 1-ші жылындағы балаларда қолдану гипертермияның даму қаупіне байланысты ұсынылмайды. 15 жасқа дейінгі балаларда препаратты венар ішіне енгізу ұсынылмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Автокөлік жүргізу және механизмдерді басқару кезінде папаверин гидрохлоридін қабылдағанда жағымсыз әсерлердің, мысалы, ұйқышылдық пен бас айналуының дамуы мүмкіндігіне байланысты сақ болу қажет

Жүктілік кезінде дәрілік препаратты ананың күтілетін пайдасы ұрық/бала үшін ықтимал қауіптен асып кеткен жағдайда ғана қолдану ұсынылады. Бала емізу кезеңінде дәрілік препаратты ананың күтілетін пайдасы ұрық/нәресте үшін ықтимал қауіптен асып кеткен жағдайда ғана қолдану ұсынылады.

Папаверин гидрохлоридін бір мезгілде қолданғанда алкогольдің әсерін күшейтеді, метилдопаның гипотензивті әсерін әлсіретеді. Темекі тартатын адамдарда папаверин гидрохлоридінің метаболизмі жылдам жүреді, ал оның қан плазмасындағы концентрациясы және фармакологиялық әсері азаяды. Никотин папаверин гидрохлоридінің вазодилатациялық әсерін азайтуы немесе толығымен жоюы мүмкін. Фентоламин бірге енгізілгенде жыныс мүшесінің қуысты денелеріне папаверин гидрохлоридінің әсер етуін күшейтеді. Дифенгидрамин (димедрол), метамизол (анальгин) және диклофенак папаверин гидрохлоридінің түйілуді басатын әсерін күшейтеді. Папаверин гидрохлоридінің ерітіндісі глюкоза ерітіндісімен (папаверин гидрохлоридінің белсенділігі ішінара жойылады) фармацевтикалық тұрғыдан үйлесімсіз. Папаверин гидрохлориді леводопаның (паркинсон ауруына қарсы дәрілердің) емдік әсерін әлсіретуі мүмкін. Папаверин гидрохлориді кальций өзекшелері блокаторларының әсерін күшейтуі мүмкін. Аритмияға қарсы және гипертензияға қарсы препараттармен біріктіріп қолданғанда гипотензиялық әсері күшеюі мүмкін. Папаверин гидрохлориді орталық жүйке жүйесін бәсеңдететін препараттардың әсерін күшейтуі және морфинмен үйлестірілгенде синергизм байқатуы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!