Папаверин гидрохлориді суппозитории 20 мг

Бір суппозиторийдің құрамында белсенді зат – папаверин гидрохлориді, 20,0 мг; қосымша заттар: эмульгатор № 1, стеарин қышқылы, қатты май. Сыртқы түрінің, иісінің, дәмінің сипаттамасы Ақ немесе ақтан сарғыш түске дейінгі торпеда тәрізді суппозиторийлер.

Препарат ересектерге қолдануға арналған. • құрсақ қуысы ағзаларының тегіс бұлшықеттерінің спазмы (холецистит, пилороспазм, спазмдық колит, бүйрек шаншуы) • шеткері тамырлардың спазмы (эндартериит) • ми тамырларының спазмы • жүрек тамырларының спазмы (стенокардия кезінде - кешенді емдеудің бөлігі ретінде) • бронх қантамырларының спазмы (бронхоспазм кезінде)

Әсер ету механизмі Спазмолитикалық дәрі, гипотензиялық әсер етеді. ФДЭ тежейді, жасушада цАМФ жинақталуын және Са2+ мөлшерінің азаюын туындатады. Фармакодинамикалық әсерлері Тонусты төмендетеді және ішкі ағзалар (асқазан-ішек жолы, тыныс алу және несеп-жыныс жүйесі) мен қан тамырларының тегіс бұлшықеттерін босаңсытады. Жоғары дозаларда жүрек бұлшықетінің қозуын төмендетеді және жүрекішілік өткізгіштігін баяулатады. Орталық жүйке жүйесіне әсер етуі әлсіз көріністеледі (жоғары дозаларда седативті әсер етеді).

Дозалау режимі Ішек өздігінен босағаннан немесе тазартатын клизмадан кейін 1-2 суппозиторийден күніне 2-3 рет ректальді қолданады. Енгізу әдісі және жолы Ректальді Емдеу ұзақтығы Емдеу курсын емдеуші дәрігер жеке тағайындайды Дәрілік препараттың бір немесе бірнеше дозасын өткізу кезінде қажетті шаралар Қатысты емес. Тоқтату симптомдары қатерінің болуын көрсету Қатысты емес. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты дәрігердің тағайындауы бойынша қолданады.

• әсер етуші затына немесе қосымша заттардың кез келгеніне аса жоғары сезімталдық • атриовентрикулярлық блокада • глаукома • бауырдың ауыр жеткіліксіздігі • егде жас (гипертермия даму қаупі) • 18 жасқа дейінгі балалар мен жасөспірімдер • жүктілік және лактация кезеңі

Жиілігі белгісіз (қолда бар деректер негізінде бағалау мүмкін емес): • аллергиялық реакциялар • атриовентрикулярлық блокада • қарыншалық экстрасистолия • «бауыр» трансаминазалары белсенділігінің артуы • артериялық қысымның төмендеуі • ұйқышылдық • іш қату • эозинофилия Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диплопия, әлсіздік, артериялық қысымның төмендеуі, ұйқышылдық. Емі: симптоматикалық (артериялық қысымды бір қалыпта ұстау).

Сақтықпен • бассүйек-ми жарақатынан кейінгі жай-күйі • созылмалы бүйрек жеткіліксіздігі • бүйрекүсті безі функциясының жеткіліксіздігі • гипотиреоз • қуықасты безінің гиперплазиясы • қарыншаүстілік тахикардия • шок жай-күйі Арнайы ескертулер Емдеу кезеңінде этанолды қолдануға болмайды. Шылым шеккен кезде вазодилатациялайтын әсері төмендейді. Педиатрияда қолданылуы Препарат 18 жасқа дейінгі балаларға қолдануға болмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Емдеу кезеңінде көлік құралдарын басқаруға және жоғары зейін қою мен психомоторлық реакциялар жылдамдығын қажет ететін басқа қауіптілігі зор қызмет түрлерімен айналысқанда сақ болу керек.

Препаратты жүктілік кезінде және лактация кезеңінде қолдануға болмайды (қолдану қауіпсіздігі анықталмаған).

Папаверин гидрохлориді леводопаның паркинсон ауруына қарсы әсерін және метилдопаның гипотензиялық әсерін төмендетеді. Барбитураттармен біріктірген кезде папаверин гидрохлоридінің спазмолитикалық әсері күшейеді. Трициклді антидепрессанттармен, прокаинамидпен, резерпинмен, хинидинмен бірге қолданған кезде папаверин гидрохлоридінің гипотензиялық әсері күшеюі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 15°С-ден аспайтын температурада сақтау керек. Балалардың қолы жетпейтін жерде сақтау керек!