Парацетамол таблетки 500 мг

Бір таблетканың құрамында белсенді зат: парацетамол 500 мг; қосымша заттар - картоп крахмалы, кальций стеараты, Поливинилпирролидон К 30 Сыртқы түрінің, иісінің, дәмінің сипаттамасы Ақ немесе крем реңкті ақ түсті, жалпақ цилиндр тәрізді, бір жағында сызығы бар таблеткалар.

- инфекциялық-қабыну ауыруларында, ЖРВИ, тұмау кезінде ыстықты түсіретін дәрі ретінде; - айқындылығы орташа ауыру синдромында (невралгия, бас ауыруы, бас сақинасы, миалгия, тамақ ауыруы, артралгия, тіс ауыруы кезіндегі).

АТX коды N02BЕ01 Әсер ету механизмі Парацетамол – анальгетик - антипиретик. Ауырсыну және термореттеу орталығына әсер ете отырып, орталық жүйке жүйесінде циклооксигеназаны бөгейді. Парацетамолдың ауыруды басатын және ыстық түсіретін әсерінің дәл механизмі әліге дейін анықталмаған. Қабынуға қарсы әлсіз белсенділігі бар. Парацетамол шеткері тіндерде простагландиндердің синтезіне өте аз әсер етеді, сондықтан ол су-электролит алмасуын өзгертпейді және асқазан-ішек жолдарының шырышты қабығына зақым келтірмейді. Парацетамолдың бұл қасиеті препаратты анамнезінде асқазан-ішек жолдары аурулары бар пациенттерге (мысалы, анамнезінде асқазан-ішек жолынан қан кетулері бар пациенттерге немесе егде жастағы пациенттерге) немесе шеткері простагландиндердің тежелуі жағымсыз болуы мүмкін дәрі-дәрмектік емді қатарлас қабылдаған пациенттерге аса қолайлы етеді.

Дозалау режимі Ересектер (егделерді қоса) және 16 жастан үлкен балалар: 500-1000 мг (1-2 таблетка) қажет болғанда әрбір 4-6 сағат сайын. Қабылдау арасындағы аралық – кем дегенде 4 сағат. Ең жоғарғы тәуліктік дозасы – 4000 мг (8 таблетка). 10-15 жастағы балалар: 250-500 мг (½ - 1 таблетка) қажет болғанда әрбір 4-6 сағат сайын. Қабылдау арасындағы аралық – кем дегенде 4-6 сағат. Ең жоғарғы тәуліктік дозасы 24 сағаттың ішіндегі 10-15 мг/кг бір реттік дозасына бөлінген баланың дене салмағына қарай 60 мг/кг құрайды. Бір реттік дозаны 24 сағаттың ішінде 4 реттен асырмай қабылдауға болады. Енгізу әдісі және жолы Препарат тамақ ішкеннен кейін 1-2 сағаттан соң, көп мөлшердегі сұйықтықпен ішке қабылдауға (пероральді) арналған (тамақтан соң бірден қабылдау әсерінің басталуының іркілісіне әкеледі). Емдеу ұзақтығы Дәрігердің тағайындауынсыз және бақылауынсыз қолданудың ең жоғары ұзақтығы - 3 күн. Егер симптомдар сақталса, дәрігерге қаралу керек. Көрсетілген дозадан асырмаңыз.

- белсенді затына, қандай да бір қосымша заттарына аса жоғары сезімталдық; - бауыр және бүйрек функциясының ауыр бұзылулары; - 10 жасқа дейінгі балаларға; - қан ауруларының ауыр түрлері (анемияның ауыр түрі, лейкопения, тромбоцитопения).

Жиі емес: - жүрек айнуы, құсу, эпигастрийдегі ауырсынулар; - уытты нефропатия. Өте сирек: - анафилаксиялық шок; - агранулоцитоз, лейкопения, тромбоцитопения; - аллергиялық реакциялар (бөртпе түріндегі тері бөртуі, тері қышынуы, есекжем, Квинке ісінуі); - терінің ауыр реакциялары: ангиоэдема (ангионевроздық ісіну), Стивенс-Джонсон синдромы, уытты эпидермальді некролиз. - бронх түйілуі (ацетилсалицил қышқылына және басқа қабынуға қарсы стероидты емес препараттарға аса жоғары сезімталдығы бар пациенттер); - бауыр функциясының бұзылуы. Жиілігі белгісіз: - бүйрек функциясының бұзылуы, анурия, протеинурия, интерстициальді гломерулонефрит, асептикалық пиурия. - жоғары аниондық алшақтықпен жүретін метаболизмдік ацидоз (HAGMA)* * Қауіп факторлары бар пациенттерде парацетамолды қолдану кезінде пироглутамин қышқылының ацидозына байланысты жоғары аниондық алшақтықпен жүретін метаболизмдік ацидоз жағдайлары туралы хабарланған. Жағымсыз дәрілік реакциялар туындағанда медициналық қызметкеріне, фармацевтикалық қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК, http://www.ndda.kz.

Ұсынылған дозасы арттырылған жағдайда, тіпті өзін жақсы сезінсе де дереу медициналық көмекке жүгіну керек, өйткені, бауырдың ауыр зақымдануы қаупі бар. Парацетамолмен артық дозалану өлімге немесе бауыр трансплантациясы қажеттілігіне алып келетін бауыр жеткіліксіздігін тудыруы мумкін. Парацетамолмен улану қаупі әсіресе, егде жастағы пациенттерде, кішкентай балаларда, бауыр аурулары бар пациенттерде, сондай-ақ, созылмалы алкоголизм және сарқылу жағдайларында болады. Бұл жағдайларда артық дозалануы өліммен аяқталуға соқтыруы мүмкін. Парацетамолды 10 г және одан асырып қабылдағанда ересектерде бауырдың зақымдануы мүмкін. Парацетамолды 5 грамм және одан астам қабылдау мынадай: - карбамазепинмен, фенобарбиталмен, фенитоинмен, примидонмен, рифампицинмен, шілтер жапырақты шайқурай препараттарымен немесе бауыр ферменттерін стимуляциялайтын басқа препараттармен ұзақ емделу; - алкогольді шамадан тыс мөлшерде ұдайы қабылдау; - глутатион деңгейі төмендеуімен қатар жүретін жай-күйлер (тамақтанудың бұзылуы, муковисцидоз, АИТВ-инфекциясы, ашығу, жүдеу) сияқты қауіп факторлары бар пациенттерде бауырдың зақымдануына әкелуі мүмкін. Симптомдары Артық дозаланудан кейінгі алғашқы 24 сағат ішінде мыналар: жүрек айнуы, құсу, іштің ауыруы, глюкоза метаболизмінің бұзылуы (тершеңдік, бас айналу, естен тану), тері жабындарының бозаруы, тәбеттің төмендеуі, көмірсу алмасуының бұзылуы болуы мүмкін. Парацетамолдың ересектерде немесе балаларда бер рет енгізгенде артық дозалануы бауыр жасушаларының некрозын тудыруы мүмкін, бұл гепатоцеллюлярлық жеткіліксіздікке, глюкоза метаболизмінің бұзылуына, метаболизмдік ацидозға және энцефалопатияға (ми функциясының бұзылуы), қан кетулерге, гипогликемияға, мидың ісінуіне әкелетін толық және қайтымсыз некрозды тудыруы ықтимал, ол комаға және өлімге әкелуі мүмкін. Жүрек аритмиясы және панкреатит туралы хабарланды. Бауырдың зақымдануы артық дозаланғаннан кейін 12-48 сағаттан соң анықталады. Сонымен бірге бауыр трансаминазаларының (АСТ, АЛТ), лактатдегидрогеназа және билирубиннің жоғары деңгейлері, сондай-ақ протромбин деңгейінің жоғарылауы байқалады. Ұсынылған дозадан артық ұзақ уақыт қолданғанда гепатоуытты және нефроуытты әсерлері (бүйректің шаншуы, спецификалық емес бактериурия, интерстициальді нефрит, папиллярлы некроз) байқалуы мүмкін. Емі Қажетті дозадан асырып қолданған жағдайда, тез арада медициналық көмек көрсету қажет. Симптомдары жүрек айнуымен немесе құсумен шектелуі және артық дозалануының ауырлығын немесе ағзалардың зақымдану қаупін көрсетпеуі мүмкін. Артық дозаланудан кейінгі бірінші сағат ішінде асқазанды шаю және энтеросорбенттер (белсендірілген көмір) қабылдау ұсынылады. Қан плазмасындағы парацетамолдың деңгейін анықтау керек, бірақ артық дозаланудан кейін 4 сағат өткен соң ғана (одан ертерек нәтижелері нақты болмайды). N-ацетилцистеинмен емдеуді парацетамолды қабылдағаннан кейін 24 сағат ішінде жүргізуге болады, алайда, ол антидоттың ең жоғарғы әсеріне оны парацетамолды қабылдағаннан кейінгі 8 сағат ішінде қолданғанда қол жеткізуге болады. Аталған уақыттан кейін антидоттың тиімділігі күрт төмендейді. Қажет болған жағдайда пациентке N-ацетилцистеинді ұсынылған дозаларға сәйкес вена ішіне енгізеді. Құсу болмаса, пациент стационарға барып түскенге дейін балама ретінде метионин қолдануға болады.

Препаратты ауыруды басатын және қызуды түсіретін дәрі ретінде дәрігердің кеңесінсіз 3 күннен артық қабылдауға болмайды. Құрамында парацетамол бар басқа дәрілік препараттармен бір мезгілде қабылдауға болмайды. Бауырдың алкогольдік ауруының цирроздық емес түрі бар пациенттерде артық дозалану қаупі жоғары. Глутатион деңгейі төмен пациенттерде бауыр функциясының бұзылуы жағдайлары туралы хабарланған. Пироглутамин қышқылының ацидозына байланысты жоғары аниондық алшақтықпен жүретін метаболизмдік ацидоз (HAGMA) жағдайлары туралы хабарланған, әсіресе флуклоксациллинмен бір мезгілде қолданғанда. Метаболизмдік ацидоз симптомдарына терең немесе жиілеген тыныс алу, жүрек айнуы, құсу және тәбеттің төмендеуі жатады. Мұндай симптомдар пайда болған жағдайда дереу дәрігерге қаралу қажет. Арнайы сақтандырулар Сақтықпен - бүйрек және бауыр жеткіліксіздігі, қатерсіз гипербилирубинемия (оның ішінде Жильбер синдромы, вирустық гепатит, бауырдың алкогольдік зақымдануы), алкоголизм, егде жас, глюкоза-6-фосфатдегидрогеназа ферментінің тапшылығы. 3 күн қолданғаннан кейін шеткері қан мен бауырдың функционалдық жағдайын бақылау қажет. Бауырдың уытты зақымдануын болдырмау үшін препаратты алкогольдік сусындарды қабылдаумен біріктіруге, сонымен қатар созылмалы алкоголизмге бейім тұлғаларға қабылдауға болмайды. Парацетамолдың артық дозалану қаупі бауырдың алкогольді ауруларының цирроздық емес түрі бар пациенттерде жоғары. Ас қорыту бұзылыстары, муковисцидоз, АИТВ–инфекциясының, ашығудың, жүдеуліктің салдарынан болған глутатион тапшылығы парацетамолдың аздаған (5 г және одан астам) артық дозаланулары кезінде бауырдың ауыр зақымдануының дамуы мүмкіндігіне түрткі болады. Глутатион қоры сарқылған пациенттерде қолданғанда, мысалы, сепсис кезінде сақ болу керек; парацетамолды қолдану метаболизмдік ацидоз қаупін арттыруы мүмкін. Тыныс алудың тереңдеп, жиілеуі немесе қиындауы, жүрек айнуы, құсу, тәбеттің болмауы метаболизмдік ацидоз симптомдары болып табылады. Аталған симптомдар пайда болған жағдайда, дереу дәрігерге қаралу керек. Бауырдың созылмалы немесе декомпенсацияланған аурулары, бауыр жеткіліксіздігі, созылмалы алкоголизмі бар пациенттерде, жүдеген пациенттерде және сусыздану кезінде тәуліктік доза 2,5-3 г аспауы тиіс. Педиатрияда қолдану Таблеткалар 10 жасқа дейінгі балаларға қолдануға арналмаған. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Парацетамол емдік дозаларында автомобиль немесе қауіптілігі зор механизмдерді басқару қабілетіне әсер етпейді.

Парацетамолды жүктілік кезінде клиникалық қажеттілігіне қарай қолдануға болады, алайда оны ең аз тиімді дозасында, барынша қысқа уақыт мерзімі ішінде және мүмкіндігінше өте аз жиілікпен қабылдау керек. Парацетамол плацентарлық бөгет арқылы елеусіз мөлшерде өтеді және емшек сүтіне енеді. Жүктілік және лактация кезеңінде працетамолды қолданған жағдайда шарана мен сәбиге потенциалды қаупі мен анасы үшін күтілетін емнің пайдасын зерделеу қажет.

Парацетамолды флуклоксациллинмен бір мезгілде қолданғанда сақтық таныту қажет, себебі олардың бірге қолданылуы пироглутамин қышқылының ацидозына байланысты жоғары аниондық алшақтықпен жүретін метаболизмдік ацидоздың даму қаупімен байланысты болуы мүмкін, әсіресе қауіп факторлары бар пациенттерде. Парацетамол мен басқа қабынуға қарсы стероидты емес препараттарды бірге ұзақ пайдалану "анальгетиктік" нефропатияның және бүйректің папиллярлық некрозының дамуының, бүйрек жеткіліксіздігінің терминалдық сатысының басталу қаупін арттырады. Парацетамолды жоғары дозаларда салицилаттармен бір мезгілге ұзақ уақытқа тағайындау бүйрек немесе қуық обырының даму қаупін арттырады. Парацетамолды 4 күннен артық бірнеше рет қабылдау варфарин мен басқа кумариндердің антикоагулянттық әсерін арттырады. Парацетамолды бір мезгілде қолдану кезінде және қолдану аяқталғаннан кейін (әсіресе жоғары дозаларда және/немесе ұзақ уақыт бойы) халықаралық қалыптасқан қатынастарға (ХҚҚ) мониторинг жүргізген жөн. Парацетамолды тұрақсыз қабылдау айтарлықтай әсер етпейді. Дифлунисал парацетамолдың плазмалық концентрациясын 50%-ға жоғарылатады - гепатоуыттылықтың даму қаупі болады. Миелоуытты дәрілік препараттар парацетамолдың гематоуыттылығын байқалуын күшейтеді. Бауырдағы микросомальді тотығу индукторлары (фенитоин, этанол, барбитураттар, рифампицин, фенилбутазон, трициклді антидепрессанттар), этанол және гепатоуытты дәрілік заттар гидроксилденген белсенді метаболиттердің өнімін арттырады, бұл тіпті шамалы артық дозалану кезінде де ауыр уланудың даму мүмкіндігіне себепші болады. Барбитураттарды ұзақ қолдану парацетамолдың тиімділігін төмендетеді. Метоклопрамид және домперидон парацетамолдың сіңірілу жылдамдығын арттырады. Холестирамин - егер парацетамолмен бір сағат ішінде қабылдаса, абсорбциясын төмендетуі мүмкін. Иматиниб - парацетамолды иматинибпен бір мезгілде тұрақты қабылдауды шектеу немесе болдырмау керек. Этанол жедел панкреатиттың дамуына әсер етеді. Препарат урикозуриялық дәрілік заттардың тиімділігін төмендетеді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 оС-ден аспайтын температурада сақтау керек. Балалардың қолы жетпейтін жерде сақтау керек!