Перам таблетки 8 мг/10 мг

Бір таблетканың құрамында белсенді зат: 4 мг/5 мг доза үшін 4 мг периндоприл терт-бутиламині (немесе периндоприл эрбумині), 6.935 мг амлодипин бесилаты (5 мг амлодипинге баламалы); 4 мг/10 мг доза үшін 4 мг периндоприл терт-бутиламині (немесе периндоприл эрбумині), 13.870 мг амлодипин бесилаты (10 мг амлодипинге баламалы); 8 мг/5 мг доза үшін 8 мг периндоприл терт-бутиламині (немесе периндоприл эрбумині), 6.935 мг амлодипин бесилаты (5 мг амлодипинге баламалы); 8 мг/10 мг доза үшін 8 мг периндоприл терт-бутиламині (немесе периндоприл эрбумині), 13.870 мг амлодипин бесилаты (10 мг амлодипинге баламалы), қосымша заттар: лактоза моногидраты, микрокристалды целлюлоза, натрий крахмалы гликоляты (А типі), коллоидты кремний қостотығы, магний стеараты. Сыртқы түрінің сипаттамасы Дөңгелек пішінді ақ түсті таблеткалар.

- периндоприл/амлодипин дәл сол дозаларда периндоприл мен амлодипинді бір мезгілде қабылдап жүрген пациенттерде эссенциялық гипертензия және/немесе жүректің тұрақты ишемиялық ауруын емдеу кезінде көрсетілген

Перам – периндоприл терт-бутиламині тұзының, АӨФ тежегішінің және амлодипиннің, дигидропиридин тобы кальций өзекшелері блокаторының біріктірілімі. Периндоприл – ферментті өзгертетін АӨФ тежегіші немесе I ангиотензинді тамыр тарылтатын II ангиотензинге айналдыратын және брадикинин вазодилататорының белсенді емес гептапептидтерге дейін ыдырауын туындататын киназа - экзопептидаза. АӨФ тежелуі II ангиотензин деңгейінің төмендеуіне әкеледі, бұл плазмада ренин белсенділігінің жоғарылауына (кері байланыс қағидасы бойынша) және альдостерон секрециясының төмендеуіне әкеледі. АӨФ брадикинин белсенділігін бөгейтіндіктен, АӨФ тежелуі калликреин-кинин жүйесін және простагландин жүйесін белсендіруге де әкеледі. Периндоприл әсері периндоприлат метаболитінің белсенділігімен жүзеге асады. Периндоприл артериялық гипертензияның кез келген сатысында тиімді: жұмсақ, орташа және ауыр. Диастолалық және систолалық артериялық қысым төмендеуі жатқан қалыпта да, тік тұрған күйде де басталады. Периндоприл жалпы шеткері тамыр кедергісін азайтады, бұл артериялық қысым төмендеуіне әкеледі. Соның салдарынан жүректің жиырылу жиілігіне ықпал етпестен, шеткері қан ағымы ұлғаяды. Бүйрек қан ағымы күшейеді, ал гломерулалық сүзілу жылдамдығы өзгермейді. Ең жоғары гипотензиялық әсері препаратты бір рет қабылдаудан кейін 4-6 сағаттан соң байқалады және 24 сағат бойы сақталады. Препаратты қабылдаудан кейін 24 сағат өткен соң АӨФ белсенділігінің қалдық тежелісінің 87-100% жоғары дәрежесі білінеді. Препарат әсеріне сезімтал пациенттерде артериялық қысымның қалыпқа түсуі рефлекторлық тахикардиямен қатар жүрмейді. Препаратты тоқтату гипертензиялық реакция дамуына әкелмейді. Периндоприл тамыр кеңейту әсерін көрсетеді, негізгі артериялар созылғыштығын қалыпқа келтіреді, төзімді артериялардағы гистоморфологиялық өзгерістерді түзетеді және жүректің сол жақ қарынша гипертрофиясының регрессиясын тудырады. Периндоприл жүрек-қантамыр өліміне ұшырауды және асқынулардың даму жиілігін сенімді төмендетеді. Амлодипин – баяу кальций өзекшелерінің блокаторы, дигидропиридин туындысы, кальций иондарының жарғақша арқылы миокард пен тамырлардың тегіс бұлшықеттеріне түсуін бөгейді. Амлодипиннің гипотензиялық әсер ету механизмі тамырлардың тегіс бұлшықеттерін тікелей босаңсыту әсерімен жүзеге асады. Амлодипин шеткері артериолаларды кеңейтеді, әрі осылайша жалпы шеткері тамыр кедергісін, яғни кейінгі жүктемені төмендетеді. Жүректің жиырылу жиілігі тұрақты күйде қалатындықтан, кейінгі жүктемені азайту миокардқа энергия мен оттегі қажеттілігінің төмендеуіне әкеледі. Амлодипин негізгі коронарлық артерияларды және оның ішінде ишемияланған миокард аймақтарындағы артериолаларды кеңейтеді, бұл вазоспазмдық стенокардия (Принцметалл стенокардиясы немесе нұсқалық стенокардия) бар пациенттерде миокардқа оттегінің көп түсуіне әкеледі. Артериялық гипертензия бар пациенттерде амлодипиннің бір реттік тәуліктік дозасы жатқан қалыпта да, тік тұрған күйде де 24 сағат бойы артериялық қысымның клиникалық мәнді төмендеуін қамтамасыз етеді. Әсерінің баяу басталуына орай, амлодипин жедел гипотензияны тудырмайды. Стенокардия бар пациенттерде амлодипиннің тәуліктік бір реттік дозасын қабылдау физикалық жүктемені жалпы орындау уақытын ұзартады, стенокардия ұстамасының басталу уақытын және оның орындалуы кезінде ST сегменті депрессиясының (1 мм) дамуын кідіртеді, стенокардия ұстамаларының жиілігін және нитроглицерин тұтынуды төмендетеді. Амлодипин зат алмасуға және қан плазмасы липидтерінің деңгейіне жайсыз әсерін көрсетпейді және бронх демікпесі, қант диабеті және оны подагра бар пациенттерге тағайындауға болады. Перам стенокардия ұстамаларының жиілігін, миокард инфарктісі мен инсульттің даму қаупін, сондай-ақ жүрек-қантамырдан болатын өлімді сенімді төмендетеді.

Дозалау режимі Компоненттерінің бекітілген дозасы бар препарат бастапқы емге сай келмейді. Егер дозаны түзету қажет болса, ол монокомпонентті препараттарды пайдаланумен әркімге жеке титрлеу арқылы жүргізілуі тиіс. Пациенттердің ерекше топтары Егде жастағы пациенттер Егде жастағы пациенттерде, сондай-ақ бүйрек жеткіліксіздігі бар пациенттерде периндоприл шығарылуы төмендеген. Сондықтан қан плазмасында креатинин концентрациясы мен калий мөлшерін жиі мониторингтеу талап етіледі. Бүйрек жеткіліксіздігі бар пациенттер Периндоприл/Амлодипинді креатинин клиренсі (КК) ≥ 60 мл/мин пациенттерге тағайындауға болады. КК < 60 мл/мин пациенттерге препараттың әрқайсысы бөлек компоненті үшін дозаны әркімге жеке титрлеуге кеңес беріледі. Плазмада амлодипин концентрациясының өзгеруі бүйрек функциясының бұзылу дәрежесімен өзара байланысты емес. Амлодипин диализ арқылы шығарылмайды. Бауыр жеткіліксіздігі бар пациенттер Бауыр функциясының бұзылуы бар пациенттер үшін дозалау режимі белгіленбеген. Периндоприл/амлодипин қолдану кезінде сақ болу керек. Балалар Периндоприл/Амлодипинді балалар мен жасөспірімдерде қолдануға болмайды, өйткені балалар мен жасөспірімдерде периндоприлдің дербес немесе амлодипинмен біріктірілімде тиімділігі мен жағымдылығы анықталмады. Енгізу әдісі және жолы Ішке қабылданады. Бір реттік доза ретінде тәулігіне бір таблетканы таңертең ас ішуге дейін қабылдауға кеңес беріледі. Дәрілік препаратты қолдану тәсілін түсініп алу үшін медициналық қызметкер кеңесіне жүгіну жөніндегі нұсқаулар Препаратты қолдану дәрігердің қадағалауымен жүзеге асу керек.

Периндоприлмен байланысты - периндоприлге немесе кез келген басқа АӨФ тежегішіне аса жоғары сезімталдық - бүйрек артерияларының екі жақты айқын стенозы немесе жалғыз жұмыс істейтін бүйрек артериясының стенозы - тұқым қуалайтын немесе идиопатиялық ангионевроздық ісіну немесе осының алдындағы АӨФ тежегішімен емдеуге байланысты ангионевроздық ісінудің анамнезде болуы - АӨФ тежегіштерімен емдеуден кейін ауыр анафилактоидты реакциялардың жоғары туындау қаупіне орай гидравликалық өткізгіштігі жоғары белгілі бір жарғақшалармен (мысалы, AN69 сияқты полиакрилонитрилді жарғақшалар) диализ немесе гемофильтрация және декстран сульфатымен тығыздығы төмен липопротеиндер аферезі сияқты қанның теріс зарядталған беткейлермен жанасуына алып келетін экстракорпоральді емдеу әдістері; сондықтан гипотензиялық препараттың басқа класын қолдану немесе жарғақшалардың басқа типін (мысалы, купрофан немесе полисульфон) пайдалану арқылы осындай біріктірілімнен аулақ болу керек - қант диабеті немесе бүйрек жеткіліксіздігі (ШСЖ < 60 мл/мин/1,73 м2) бар пациенттерде периндоприл/амлодипинді құрамында алискирен бар препараттармен бір мезгілде қолдану - периндоприл/амлодипинді сакубитрилмен және валсартанмен бір мезгілде қолдану, сакубитрил мен валсартанның соңғы дозасын қабылдау мен периндоприл/амлодипинмен емдеуді бастау арасында кемінде 36 сағат аралықты сақтау қажет. Амлодипинмен байланысты - ауыр артериялық гипотензия - амлодипинге немесе басқа дигидропиридин туындыларына аса жоғары сезімталдық - шок, кардиогенді шокты қоса - сол жақ қарыншадан шығу жолының обструкциясы (мысалы, қолқаның ауыр стенозы) - тұрақсыз стенокардия (Принцметалл стенокардиясын қоспағанда) - жедел миокард инфарктісінен кейінгі гемодинамикалық тұрақсыз жүрек жеткіліксіздігі Периндоприлмен/амлодипинмен байланысты - қосымша заттардың кез келгеніне аса жоғары сезімталдық - жүктілік және бала емізу кезеңі - лактоза жақпаушылығы, лактаза тапшылығы және глюкоза-галактозалық мальабсорбция синдромы (препарат құрамында лактоза бар). Жоғарыда атап көрсетілгендей, әрбір монокомпонентке қатысты барлық қарсы көрсетілімдер бекітілген периндоприл/амлодипин біріктіріліміне қатысты болады.

Жағымсыз реакциялар — жиілігі амлодипин — периндоприл — периндоприл/ амлодипин Конъюнктивит — жиі емес — - — - Ринит — жиі емес — өте сирек — - Эозинофилия* — жиі емес — - Лейкопения — жиі емес — өте сирек — - Агранулоцитоз, панцитопения — өте сирек — - Нейтропения — өте сирек — өте сирек — - Туа біткен G-6PDH жеткіліксіздігі бар пациенттердегі гемолиздік анемия — - — өте сирек Тромбоцитопения — жиі емес — өте сирек Аса жоғары сезімталдық — жиі емес — жиі емес Диурезге қарсы гормонның талапқа сай емес секреция синдромы (ДҚГТСС) — - — сирек Гипогликемия — - — жиі емес* Препаратты тоқтату кезінде қайтымды болатын гиперкалиемия — жиі емес* Гипонатриемия — жиі емес* Гипергликемия — жиі емес Тәбет болмауы — жиі емес Тәбет артуы — сирек Шөлдеу — жиі емес Ұйқының бұзылуы — - — жиі емес Ұйқысыздық — жиі емес — - Көңіл-күй өзгеруі — жиі емес — жиі емес Депрессия — жиі емес — жиі емес* Елестеулер — - — өте сирек Күйгелектік — жиі емес — - Мазасыздық — жиі емес — - Өзін-өзі танымау — жиі емес — - Апатия — сирек — - Ажитация — сирек — - Амнезия — сирек — - Атаксия — сирек — - — - Летаргия — жиі — жиі — жиі Постуральді бас айналу — жиі емес — - — - Ұйқышылдық (әсіресе, емдеудің басында) — жиі — жиі емес* Бас айналу (әсіресе, емдеудің басында) — жиі — жиі — өте жиі Бас ауыру (әсіресе, емдеудің басында) — жиі — жиі Дәм сезу қабілетінің бұзылуы — жиі — жиі емес Тремор — жиі емес — - Гипестезия — жиі емес — - Парестезия — жиі емес — жиі Қалғып кету — - — жиі Естен тану — жиі емес — жиі емес* Сананың шатасуы — сирек — өте сирек Бұлшықеттер тонусының көтерілуі — сирек — - Шеткері невропатия — сирек — - Қауіп тобындағы пациенттерде шамадан тыс АҚ төмендеуінен болуы мүмкін ми қан айналымының жедел бұзылуы — - — өте сирек Экстрапирамидалық бұзылыс (экстрапирамидалық синдром) — белгісіз — - Бас сақинасы — сирек — - Паросмия — сирек — - Көру бұзылулары — жиі — жиі Диплопия — жиі — - Көз ауыруы — жиі емес — - Көздің құрғап кетуі — сирек — - Аккомодация бұзылуы — сирек — - Құлақтағы шуыл — жиі емес — жиі Вертиго — жиі емес — жиі — жиі Брадикардия — - — - — жиі емес Жүрек жеткіліксіздігі — сирек Жүректің жүйесіз соғуы — сирек Экстрасистолия — сирек Кеуденің ауыруы — жиі Қызару — жиі — жиі Гипотензия (және гипотензиямен байланысты әсерлер) — жиі емес — жиі Васкулит — жиі емес — жиі Шеткері қан айналымының бұзылуы — - — жиі Суық және жабысқақ тері — сирек Аяқ-қолдың шеткері мұздауы — жиі емес — жиі емес — жиі емес Шеткері ишемия — жиі емес Ортостаздық гипотензия — жиі емес Рейно феномені — белгісіз Ентігу — жиі — жиі — жиі Жөтел — жиі емес — жиі — өте жиі Бронх түйілуі — - — жиі емес — - Эозинофилиялық пневмония — - — өте сирек — - Мұрыннан қан кету — жиі емес — жиі — - Дене жүктемесі кезінде жайсыздану — жиі Қызылиек гиперплазиясы — жиі емес — - — - Іштің ауыруы — жиі — жиі Жүрек айну — жиі — жиі Құсу — жиі емес — жиі Диспепсия — жиі — жиі Ішек перистальтикасының бұзылуы — жиі — - Ауыз кеберсуі — жиі емес — жиі Диарея — жиі — жиі — жиі Іш қату — жиі — жиі — - Панкреатит — жиі емес — өте сирек — - Гастрит — сирек — - — - Эпигастрий аумағының ауыруы — - — жиі — - Дисфагия — жиі емес — - — - Метеоризм — жиі емес — - — - Гепатит — сирек — өте сирек Цитолиздік немесе холестаздық гепатит — өте сирек Сарғаю — сирек — - Бет, аяқ-қол, ерін, шырышты қабықтар, тіл, дауыс саңылауы және/немесе көмейдің ангионевроздық ісінуі — жиі емес — жиі емес Квинке ісінуі — өте сирек Көп пішінді эритема — сирек — өте сирек Алопеция — жиі емес — - Пурпура — жиі емес — - Тері түсінің өзгеруі — жиі емес — - Қатты терлеп кету — жиі емес — жиі емес Қышыну — жиі емес — жиі Эритематозды бөртпе — жиі емес — - Есекжем — жиі емес — жиі емес Фотосезімталдық реакциялары — өте сирек — жиі емес* Пемфигоид — - — жиі емес* Псориаз өршуі — - — сирек Стивенс-Джонсон синдромы — өте сирек — - Уытты эпидермалық некролиз — белгісіз — - Эксфолиативті дерматит — өте сирек — - Дерматит — сирек Экзема — жиі емес — жиі Бөртпе — жиі емес — жиі Макулопапулезді бөртпе — жиі емес Терінің құрғауы — сирек Экзантема — жиі емес — жиі Буындар ісінуі (тобық ісінуі) — жиі — - — өте жиі Артралгия — жиі емес — жиі емес* Миалгия — жиі емес — жиі емес* Бұлшыеттер түйілуі — жиі — жиі Арқаның ауыруы — жиі емес — - Бұлшықет әлсіздігі — сирек Остеоартрит — жиі емес Бұлшықеттердің тартуы — сирек Бүйрек жеткіліксіздігі — жиі емес Жедел бүйрек жеткіліксіздігі — сирек* Несеп шығарудың бұзылуы, несеп шығарудың жиілеуі, никтурия — жиі емес Дизурия — сирек Анурия/олигурия — сирек* Эректильді дисфункция — жиі емес — жиі емес — жиі Гинекомастия — жиі емес — - — - Импотенция — жиі емес — - — - Ісіну — өте жиі — - — - Шеткері ісіну — жиі — жиі емес — өте жиі Қалжырау — жиі — - — жиі Кеуденің атипті ауыруы — жиі емес — жиі емес — жиі Астения — жиі — жиі — - Ауырсыну — жиі емес — - — - Дімкәстану — жиі емес — жиі емес* — - Қызба — - — жиі емес* — - Қалтырау — жиі емес — - — - Салмақтың артуы — жиі емес — - Салмақ төмендеуі — жиі емес Қандағы мочевина деңгейінің жоғарылауы — - — жиі емес* Қандағы креатинин деңгейінің жоғарылауы — - — жиі емес* Қандағы билирубин деңгейінің жоғарылауы — - — сирек Бауыр ферменттері белсенділігінің жоғарылауы — - — сирек Гемоглобин және гематокрит деңгейінің төмендеуі — - — өте сирек Құлап қалу — - — жиі емес* * Өздігінен келіп түскен хабарламалардан анықталған жағымсыз реакциялар үшін түпнұсқалық препараттың клиникалық сынақтары негізінде есептелген жиілік. Амлодипинмен байланысты қосымша ақпарат Кальций өзекшелерінің блокаторларын қабылдау кезіндегі экстрапирамидалық синдромның айрықша жағдайлары белгілі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Периндоприл/амлодипиннің артық дозалануы туралы ақпарат жоқ. Адамда амлодипиннің көзделмеген артық дозалануын емдеу тәжірибесі шектеулі. Қатты артық дозалану кейіннен әрі, ықтималды түрде, ұзаққа созылатын жүйелі гипотонияға ауысатын шамадан тыс шеткері вазодилатацияға әкелуі мүмкін. Амлодипиннің артық дозалануы туғызған гипотензия пациентті кардиологиялық қарқынды ем бөлімшесінде қадағалауды талап етеді. Вазоконстрикторлар оларды қолдану қарсы көрсетілімді болмаған жағдайда тамырлар тонусын және артериялық қысымды қалпына келтіруге көмектесуі мүмкін. Кальций өзекшелерінің бөгелісін жою үшін кальций глюконатын вена ішіне енгізу тиімді болуы мүмкін. Амлодипин гемодиализ кезінде шығарылмайды. Амлодипин жөніндегі қолда бар деректер едәуір артық дозаланудың шамадан тыс шеткері вазодилатацияға әрі, болжамды түрде, рефлекторлы тахикардияға әкелуі мүмкін екенін айғақтайды. Өліммен аяқталатын шокқа әкелуі мүмкін айқын әрі, ықтималды түрде, ұзаққа созылатын жүйелі гипотензия мәлімделді. Басталуының кеш білінуімен (қабылдаудан кейін 24-48 сағат өткен соң) көрініс беруі және өкпені жасанды желдету қажеттілігі болуы мүмкін амлодипиннің артық дозалануы салдарынан болатын өкпенің кардиогенді емес ісінуінің дамуы сирек мәлімделді. Өкпенің кардиогенді емес ісінуінің дамуына ықпал ететін факторлар перфузия мен жүрек лықсытуын демеуге арналған ерте реанимациялық іс-шаралар (айналымдағы қан көлемінің артық жүктемесін қоса) болуы мүмкін. Периндоприл үшін адамдарда артық дозалануына тән шектеулі деректер қолжетімді. АӨФ тежегіштерінің артық дозалану симптомдары гипотензия, айналымдық шок, электролиттік теңгерім бұзылуы, бүйрек жеткіліксіздігі, асқын желдетілу, тахикардия, жүректің жиі соғуы, брадикардия, бас айналу, үрейлену және жөтелді қамтуы мүмкін. Артық дозалануды емдеу үшін физиологиялық ерітіндінің вена ішіне инфузиясын жүргізуге кеңес беріледі. Гипотензия дамуында пациент «аяқтарын сәл көтеріп, шалқасынан жату» қалпына ауысуы тиіс. Мүмкіндігінше, II ангиотензинді инфузия түрінде және/немесе катехоламиндерді вена ішіне енгізу жүзеге асырылады. Периндоприлді жүйелі қан ағымынан гемодиализ арқылы шығаруға болады. Дәрілік емге берілмейтін брадикардияда пейсмейкер орнату көрсетілген. Өмірлік маңызды көрсеткіштерді, сондай-ақ сарысудағы креатинин мен электролиттер концентрациясын тұрақты бақылап отыру керек.

Лактоза жақпаушылығы Препарат құрамында лактоза бар. Тұқым қуалайтын галактоза жақпаушылығының сирек кездесетін кінәраттары, глюкоза-галактоза мальабсорбциясы немесе жалпы лактаза жеткіліксіздігі бар пациенттерге осы препаратты қабылдауға кеңес берілмейді. Төменде тізбеленген әр монокомпонентке қатысты барлық алдын ала сақтану шаралары бекітілген периндоприл/амлодипин біріктіріліміне де қатысты болуы тиіс. Периндоприлмен байланысты Гиперкалиемия АӨФ тежегіштерінің ангиотензин II түзілуін төмендетіп, бұл альдостерон секрециясының төмендеуіне әкелетіндіктен, периндоприлді қоса, АӨФ тежегіштерін қабылдаған кейбір пациенттерде қан сарысуында калий деңгейінің жоғарылауы байқалды. Бұл әсер, әдетте, бүйрек функциясы қалыпты пациенттерде мардымсыз. АӨФ тежегіштері тағайындалғанда, әсіресе, диуретиктерді бір мезгілде қолдану кезінде емдеу қан сарысуындағы электролиттер мөлшерін (натрий, калий және мочевинаны қоса) жүйелі бақылаумен жүргізілуі тиіс Гиперкалиемия жүрек ырғағының күрделі, кейде өлімге ұшырататын бұзылуларына алып келуі мүмкін. Гиперкалиемияның қауіп факторлары бүйрек жеткіліксіздігі, бүйрек функциясының төмендеуі, 70 жастан асқан кезең, қант диабеті, кейбір қатарлас жай-күйлер (дегидратация, жедел жүрек жеткіліксіздігі, метаболизмдік ацидоз), калий жинақтаушы диуретиктерді (спиронолактон, эплеренон, триамтерен, амилорид сияқты), тағамдық калий қоспаларын немесе құрамында калий бар ас тұзын алмастырғыштарды бір мезгілде қабылдау немесе қандағы калий мөлшерінің жоғарылауын туындататын басқа препараттарды қолдану (мысалы, гепарин, триметоприм/сульфаметоксазол ретінде де белгілі ко-тримоксазол, басқа АӨФ тежегіштері, ангиотензин рецепторларының блокаторлары, ≥ 3 г/тәулік ацетилсалицил қышқылы, ЦОГ-2 тежегіштері және басқа селективті емес ҚҚСП, иммунодепрессанттар, мысалы, циклоспорин немесе такромилус) болып табылады. Тағамдық калий қоспаларын, калий жинақтаушы диуретиктерді, құрамында калий бар ас тұзын алмастырғыштарды қолдану, әсіресе, бүйрек функциясы төмендеген пациенттерде қандағы калий мөлшерінің айтарлықтай артуына алып келуі мүмкін. Гиперкалиемия жүрек ырғағының күрделі, кейде өлімге ұшырататын бұзылуларына әкелуі мүмкін. Калий жинақтаушы диуретиктер мен ангиотензин рецепторларының блокаторларын АӨФ тежегіштерін қабылдап жүрген пациенттерде абайлап қолдану керек; осы орайда, қан сарысуындағы калий деңгейін және бүйрек функциясын бақылау қажет. Егер периндоприл мен жоғарыда көрсетілген препараттарды бір мезгілде қабылдау қажет болса, емдеу қан сарысуындағы калий деңгейін жүйелі бақылау аясында сақтықпен жүргізілуі тиіс. Кейбір пациенттерде гипонатриемия гиперкалиемиямен бірге болуы мүмкін. Қант диабеті бар пациенттер Ішуге арналған гипогликемиялық препараттар немесе инсулин қабылдап жүрген қант диабеті бар пациенттерге АӨФ тежегішімен емделген алғашқы ай ішінде қандағы қант мөлшерін жүйелі бақылап отыру қажет. Литий Периндоприл мен литий препараттарын бір мезгілде қолдану ұсынылмайды. Калий жинақтаушы препараттар, калий қоспалары, құрамында калий бар ас тұзын алмастырғыштары Периндоприл мен калий жинақтаушы препараттарды, калий қоспаларын, құрамында калий бар ас тұзын алмастырғыштарды бір мезгілде қолдану ұсынылмайды. Дантролен Периндоприл мен дантроленді бір мезгілде қолдану ұсынылмайды. Аса жоғары сезімталдық/Ангионевроздық ісіну Анамнезінде кез келген басқа препараттарды қабылдаумен байланысты ангионевроздық ісінуі бар пациенттерге АӨФ тежегіштерін қолдануға болмайды, өйткені АӨФ тежегішімен емдеу кезінде оның даму қаупі жоғары болуы мүмкін. АӨФ тежегіштерінің көпшілігін қолдану кезінде өмірге қатерлі ангионевроздық ісіну туралы мәлімделді. Жалпы ауруға шалдығу шамамен 0,1-0,2% құрайды. Туындау себебі иммуногенді емес болып саналады және брадикинин белсенділігінің күшеюімен байланысты болуы мүмкін. Ангионевроздық ісіну, әдетте, терінің, шырышты қабықтың және тері асты шелінің тығыз ісінуі түрінде болады. Периндоприлді қоса, АӨФ тежегіштерімен емдеуден өтіп жүрген пациенттерде бет, аяқ-қол, ерін, шырышты қабықтар, тіл, дауыс саңылауы және/немесе көмейдің ангионевроздық ісінуі туралы сирек хабарламалар бар. Бұл реакциялар емдеу кезінде кез келген сәтте басталуы мүмкін. Осындай жағдайларда препаратты қабылдауды дереу тоқтату және симптомдар толық басылғанша пациентті мұқият қадағалау керек. Басқа АӨФ тежегіштерін қолдану кезінде ісіну тек бет пен ерінді жайласа, антигистаминдік препараттар симптомдарды жеңілдетуге көмектессе де, ол қандай да бір емдеусіз басылды. Көмей ісінуімен қатар жүретін ангионевроздық ісіну өліммен аяқталуға әкелуі мүмкін. Көпшілік жағдайларда симптомдар емдеудің алғашқы аптасының ішінде көрініс берді, ал ауруға шалдығу екі жыныста да немесе жүрек жеткіліксіздігі немесе гипертензия бар пациенттерде бірдей болды. Тыныс жолдарының обструкциясы ықтималды болатын тіл, дауыс саңылауы немесе көмей ісінуінде дереу алғашқы көмек көрсетілу керек, ол адреналин (эпинефрин) тағайындау және/немесе тыныс жолдарының өткізгіштігін қамтамасыз етуді қамтуы мүмкін. Үдемелі ангионевроздық ісінуді емдеу қарқынды болуы тиіс, ал дәрі-дәрмекпен емдеуге жылдам жауап болмаса, ауқымды ісінудің ауыз ішіндегі немесе мұрын ішіндегі интубацияны асқындыруына дейін тыныс жолдарының өткізгіштігін қамтамасыз етуге арналған механикалық әдістерді қолдану керек. Пациент симптомдар толық және түпкілікті басылғанша қырағы медициналық қадағалауда болуы тиіс. АӨФ тежегіштерін қолданумен байланысты ангионевроздық ісінудің басталуы апталар немесе айлар өткенде кеш білінуі мүмкін. Пациенттерден симптомдарсыз ұзақ уақыт аралықтарымен ангионевроздық ісінудің көптеген көріністерін байқауға болады. Ангионевроздық ісіну есекжеммен болуы немесе онсыз туындауы мүмкін. АӨФ тежегіштерін қабылдап жүрген пациенттерде ішектің ангионевроздық ісінуі туралы сирек хабарламалар келіп түсті. Осы пациенттерде іштің ауыруы (жүрек айнумен және құсумен немесе оларсыз) туындады; кейбір жағдайларда осының алдында беттің ангионевроздық ісінуі болмады және С-1 эстераза деңгейлері қалыпты болды. Ангионевроздық ісіну диагнозы компьютерлік томография, ультрадыбыс қамтылған рәсімдер көмегімен немесе хирургиялық операция кезінде қойылды; симптомдар АӨФ тежегішін қабылдауды тоқтатудан кейін басылды. Ішектің ангионевроздық ісінуі іштің ауыруымен АӨФ тежегіштерін қабылдап жүрген пациенттерде дифференциялық диагноз қоюда қамтылуы тиіс. Ангионевроздық ісінудің туындау қаупі артатындықтан, препаратты сакубитрил/валсартанмен бір мезгілде қолдану қарсы көрсетілімді. Сакубитрил/валсартанды қабылдауды периндоприлмен емдеудің соңғы дозасын қабылдаудан кейін 36 сағатқа дейін бастауға болмайды. Периндоприлмен емдеуді сакубитрил/валсартанның соңғы дозасын қабылдаудан кейін 36 сағатқа дейін бастауға болмайды. Препаратты NEP бейтарап эндопептидаза тежегіштерімен, сүт қоректілерде рапамицин нысанасының тежегіштерімен (mTOR) (мысалы, сиролимус, эверолимус, темсиролимус) және глиптиндермен (мысалы, линаглиптин, саксаглиптин, ситаглиптин, вилдаглиптин, алоглиптин) бір мезгілде қолдану ангионевроздық ісінудің (мысалы, респираторлық бұзылулармен қатар жүретін немесе оларсыз тыныс жолдарының немесе тілдің ісінуі) туындау қаупін арттыруы мүмкін. Осы препараттарды, әсіресе, АӨФ тежегішін қабылдап жүрген пациенттерге тағайындағанда сақ болу керек. ТТЛП-аферез кезіндегі анафилактоидты реакциялар Сирек жағдайларда декстрансульфатты сіңірілу көмегімен ТТЛП аферезі емшарасынан өтіп жүрген пациенттерде АӨФ тежегіштері тағайындалғанда өмірге қатерлі анафилаксиялық реакциялар дамыған жағдайлар болды. Әр жолы аферез өткізу алдында АӨФ тежегішін уақытша тоқтату жолымен осы реакцияларды болдырмаудың сәті түсті. АӨФ тежегішімен ем қабылдап, гидравликалық өткізгіштігі жоғары жарғақшалармен диализде жүрген пациенттерде анафилактоидты реакциялар хабарланды. Қанның теріс зарядталған беткейлермен жанасуына алып келетін (мысалы, AN69 сияқты полиакрилонитрилді жарғақшалар) экстракорпоральді емдеу әдістері қарсы көрсетілімді. Осындай емдеу қажет болса, жарғақшалардың басқа типін (мысалы, купрофан немесе полисульфон) пайдалану немесе гипертензияға қарсы препараттың басқа класын қолдану керек. Десенсибилизация жүргізу кезіндегі анафилактоидты реакциялар АӨФ тежегіштерін қабылдап жүрген пациенттерде десенсибилизациялау емін жүргізу кезінде (мысалы, жарғақ қанаттылар уымен) анафилактоидты реакциялар байқалды. Осы пациенттерде АӨФ тежегіштерін қабылдауды уақытша тоқтатқанда симптомдардың жоғалуы байқалды; симптомдар препаратты алдын ала көздеусіз қайталап қолданғанда қайта пайда болды. Гипотензия АӨФ тежегіштерімен емдеудің басында пациенттерде гипотензия туралы мәлімделді. Симптоматикалық гипотензия артериялық гипертензия ағымы асқынбаған пациенттерде сирек дамиды, бірақ тұз/айналымдағы қан көлемінің көп жоғалуы болған пациенттерде, мысалы, диуретиктермен қарқынды ем алып жүрген пациенттерде, диализде жүрген, бүйрек функциясының бұзылуымен, ауыр диареядан немесе құсудан кейінгі пациенттерде, қатаң тұзсыз диетаны қадағалау кезіндегі пациенттерде немесе ренинге тәуелді ауыр гипертензия бар пациенттерде периндоприлді қолдану салдарынан болады. Ауырлығы жеңіл және орташа дәрежедегі жүрек жеткіліксіздігі бар пациенттерге периндоприлдің бастапқы 2,5 мг дозасын тағайындау артериялық қысымның елеулі төмендеуімен астаспады. Симптоматикалық артериялық гипотензия қатарлас бүйрек жеткіліксіздігімен немесе онсыз симптоматикалық жүрек жеткіліксіздігі бар пациенттерде көбірек ықтималды. Симптоматикалық гипотензия туындауы ілмекті диуретиктерді жоғары дозаларда қабылдап жүрген ауырлау дәрежедегі жүрек жеткіліксіздігі, гипонатриемия немесе функционалдық сипаттағы бүйрек жеткіліксіздігі бар пациенттерде көбірек ықтималды. Бұл естен танумен, неврологиялық тапшылықпен, олигуриямен және/немесе үдемелі азотемиямен және сирек бүйректің жедел жеткіліксіздігімен және/немесе өліммен байланысты болуы мүмкін. Осындай пациенттерді емдеу артериялық қысымның төмендеу қаупіне орай мұқият медициналық қадағалаумен ең төмен дозаларды тағайындаумен басталуы тиіс. Осындай пациенттер емдеудің алғашқы екі аптасының ішінде және дозаны арттыру немесе тағайындау кезінде әр жолы мұқият қадағалауда болуы тиіс немесе диуретик дозасы арттырылады. Осындай пациенттер емдеудің алғашқы екі аптасының ішінде және дозаны арттыру кезінде немесе диуретикпен емдеудің басында немесе дозасын арттырғанда мұқият қадағалауда болуы тиіс. Артериялық қысымның күрт түсуі миокард инфарктісін немесе инсульт туғызуы мүмкін жүректің ишемиялық ауруы және цереброваскулярлық аурулар бар пациенттер емдеудің алғашқы екі аптасының ішінде және периндоприл және/немесе диуретик дозасын әр жолы арттыру кезінде мұқият қадағалауда болуы тиіс. Артериялық қысымы қалыпты немесе төмен созылмалы жүрек жеткіліксіздігі бар кейбір пациенттерде периндоприл жүйелі артериялық қысымның қосымша төмендеуін туғызуы мүмкін. Бұл әсері жорамалды болады және әдетте препаратты тоқтатуды талап етпейді. Егер артериялық гипотензия симптоматикалық сипатта болса, препарат дозасын төмендету немесе тоқтату қажеттілігі туындауы мүмкін. Гипотензия дамыған жағдайда пациентті шалқасынан жатқызып, ал қажет болса, натрий хлоридінің 0,9% ерітіндісін вена ішіне енгізу жолымен АҚК толықтыру қажет. Өткінші гипотензия, әдетте, АҚК көбейту салдарынан жүйелі артериялық қысымның қайта көтерілуінен кейін сенімді жалғастыруға болатын препаратты одан әрі қолдануға қарсы көрсетілім болып табылмайды. Реноваскулярлы гипертензия Реноваскулярлы гипертензия болғанда емдеуді ең төмен дозасынан бастау керек және оны абайлап түзете отырып, осы орайда мұқият медициналық қадағалауды қамтамасыз етуге кеңес беріледі. Ауыр гипотензия мен бүйрек жеткіліксіздігінің жоғары қаупі бар. Диуретиктермен емдеу жоғарыда аталған құбылыстардың дамуына ықпал етуші фактор болуы мүмкін, периндоприлмен емдеудің алғашқы апталарында диуретиктерді тоқтату және осы орайда бүйрек функциясын бақылап отыру керек. Бүйрек функциясының төмендеуі тіпті бүйрек артериясының бір жақты стенозы бар пациенттерде де қан сарысуындағы креатинин деңгейінің мардымсыз ғана өзгерістерімен қатар жүруі мүмкін. Бүйрек трансплантациясы Таяуда бүйрек трансплантациясы жасалған пациенттерде препаратты қолдану тәжірибесі жоқ. Бауыр жеткіліксіздігі Сирек жағдайларда АӨФ тежегіштерін қолдану холестаздық сарғаюдан басталатын және фульминантты бауыр некрозына дейін үдейтін және (кейде) өлімге ұшыраумен аяқталатын синдроммен қатар жүреді. Осы синдром механизмі әзірге түсініксіз. Сарғаю дамыған немесе бауыр ферменттерінің деңгейі едәуір жоғарылаған АӨФ тежегіштерін қабылдап жүрген пациенттер АӨФ тежегішін қабылдауды тоқтатуы және тиісті медициналық тексеруден өтуі тиіс. Нәсілі АӨФ тежегіштерімен емдеу кезіндегі ангионевроздық ісіну, басқа нәсілді пациенттерге қарағанда, қара нәсілді пациенттерде жиірек болады. Басқа АӨФ тежегіштеріндегі сияқты, периндоприлдің қара нәсілді пациенттердегі гипотензиялық тиімділігі, басқа нәсіл пациенттеріне қарағанда, төмен болуы мүмкін. Оның себебі қара нәсілді пациенттердегі гипертензияның төмен ренин мөлшері аясында өте жиі кездесуінен болуы мүмкін. Диабет бар пациенттер Диабетке қарсы пероральді препараттар немесе инсулин қабылдап жүрген диабет бар пациенттерге АӨФ тежегішімен емдеудің алғашқы айының ішінде гликемияға мұқият бақылау жүргізген жөн. Жөтел Басқа АӨФ тежегіштерін қолдану кезіндегі сияқты, әдетте, дозаны тоқтатудан немесе төмендетуден кейін ғана басылатын тұрақты құрғақ жөтел туындауы мүмкін. Осылай болуы мүмкін екенін жөтелді дифференциациялық диагностикалау кезінде есте сақтау керек. Жөтел жатқан қалыпта немесе түнде жиі күшейеді, ал ол жөнінде әйелдер жиірек хабарлайды (2/3 жағдай). Жөтел туындайтын пациенттерде бронхтардың қайта белсенділенуі жоғары болуы ықтимал. Темекі тартушыларда жөтел туындаған жағдайлардың көпшілігі шылымқорлардың өте жоғары деңгейде жөтелге төзімділігі салдарынан болуы мүмкін. Жөтелдің туындауына, сірә, АӨФ тежелісі салдарынан кининдердің (брадикинин) және/немесе простагландиндердің жиналуы себеп болады. Егер пациентте шыдамайтын жөтел дамып, АӨФ тежегішін басқасына ауыстыру қажет болғанда, егер реакция қайталанса, гипотензиялық препараттардың басқа класына ауыстыру керек. Протеинурия Периндоприлмен емдеу кейде жеңіл немесе өткінші протеинуриямен байланысты. Периндоприл қолданған, протеинурия бұрыннан бар пациенттердің көпшілігінде протеинурия жойылды немесе тұрақты күйде қалды. АӨФ тежегіштері диабет немесе артериялық гипертензия бар пациенттерде нефропатия үдеуін баяулатуға қабілетті. Нейтропения/агранулоцитоз/тромбоцитопения/анемия АӨФ тежегіштерін қабылдап жүрген пациенттерде нейтропения, агранулоцитоз, тромбоцитопения және анемия білінді. Бүйрек функциясы қалыпты пациенттерде және басқа асқындырушы факторлар болмаса, нейтропения сирек болады. Периндоприлді қолдану кезінде коллагенозды-тамыр аурулары бар пациенттерге, иммунодепрессанттық емнен, аллопуринолмен немесе прокаинамидпен емдеуден өтіп жүрген немесе осы асқындырушы факторлардың бәрі болатын пациенттерге, әсіресе, бауыр функциясының бұрыннан бар бұзылуларында аса сақ болу керек. Осы пациенттердің кейбіреуінде күрделі инфекциялар дамыды. Жекелеген жағдайларда антибиотиктермен қарқынды ем сәтсіз болды. Осындай пациенттерге периндоприл тағайындалғанда лейкоциттер санын мезгіл-мезгіл бақылап отыру, ал пациенттерге инфекцияның кез келген белгілері (мысалы, тамақ ауыруы, қызба) туралы хабарлау қажеттілігі жөнінде нұсқау беру ұсынылады. Тері реакциялары Басқа АӨФ тежегіштерін қолдану кезінде макула-папулезді бөртпенің және, сирек фотосезімталдық реакцияларының туындауы хабарланды. Терінің ауыр реакциялары (лихеноидты бөрту, псориаз, пемфигус, розацеа, Стивенс-Джонсон синдромы және т.б.) сирек туындайды. Егер пациентте тері реакциясы дамыса, айқаспалы қайта белсенділену болуы мүмкін екендіктен, оны басқа АӨФ тежегішіне ауыстыру мақсатқа сай емес. Дәм сезу бұзылулары (дисгевзия) АӨФ тежегіштерінің жоғары дозаларын қолдану кезінде дәм сезудің бұзылуы (дәм сезудің бәсеңдеуі немесе ауыздың темір татуын сезіну) жиі мәлімделді. Дисгевзия, әдетте, емдеудің алғашқы аптасында туындайды және көпшілік жағдайларда бір-үш ай ішінде басылады. Рениннің босап шығуын туындататын препараттар Периндоприл әсері рениннің босап шығуын туындататын гипертензияға қарсы препараттармен бір мезгілде қолдану кезінде күшеюі мүмкін. Ренин-ангиотензин-альдостерон жүйесін (РААЖ) қосарлы бөгеу Сезімтал пациенттерде ренин-ангиотензин-альдостерон жүйесін тежеу нәтижесі ретінде, әсіресе, осы жүйеге ықпал ететін препараттарды бір мезгілде қолдану кезінде гипотензия, естен танулар, гиперкалиемия және бүйрек функциясының өзгерістері (жедел бүйрек жеткіліксіздігінің дамуын қоса) мәлімделді. Сондықтан ренин-ангиотензин-альдостерон жүйесін қосарлы бөгеуді қолдану (мысалы, АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану) ұсынылмайды. Егер қосарлы бөгеумен емдеу абсолютті қажеттілік болып саналса, әркімдегі жеке жағдайлармен шектелу және оны бүйрек функциясын, электролиттер мен артериялық қысымды мұқият бақылаумен жүргізу керек. Қант диабеті немесе бүйрек жеткіліксіздігі (ШСЖ < 60 мл/мин/1,73 м²) бар пациенттерге периндоприлді алискиренмен бір мезгілде қолдану қарсы көрсетілімді. Диабет нефропатиясы бар пациенттерде ангиотензин II рецепторларының блокаторларын АӨФ тежегіштерімен бір мезгілде қолдану қарсы көрсетілімді. Хирургия және анестезия Периндоприл ауқымды хирургиялық араласу жасалған пациенттерде немесе гипотензия туғызатын препараттармен анестезиялау және одан әрі артериялық қысымды төмендету кезінде рениннің компенсаторлық босап шығу салдарынан ангиотензин II түзілуін бөгеуі мүмкін. Емдеуді операцияға дейін бір тәулік бұрын тоқтату керек. Гипотензияны айналымдағы қан көлемін көбейтумен түзетуге болады. Қолқа немесе митральді стеноз/гипертрофиялық кардиомиопатия Митральді клапан стенозы және қолқа стенозы сияқты сол жақ қарыншадан шығу жолының обструкциясы немесе гипертрофиялық кардиомиопатия бар пациенттер, АӨФ тежегіштерін қоса, тамыр кеңейтетін препараттармен емдеу кезінде коронарлық перфузияның ерекше төмендеу қаупіне ұшырауы мүмкін. Тамыр кеңейтетін препараттар, әдетте, тамырлар кеңеюімен қатар жүретін миокардқа оттегі қажеттілігінің қатарлас төмендеуін туындатпай диастолалық қысымды, ал, демек коронарлық перфузиялық қысымды төмендетуі мүмкін. Оның шынайы маңыздылығы айқын емес. Жүректің тұрақты ишемиялық ауруы Егер периндоприлмен емдеудің алғашқы айының ішінде ауырлығына қарамастан тұрақсыз стенокардия көрінісі орын алса, емдеуді жалғастыру мәселесін шешпес бұрын пайда/қауіп арақатынасын мұқият бағалау қажет. Бастапқы гиперальдостеронизм Ренин-ангиотензин жүйесін бәсеңдететін гипертензияға қарсы препараттар, әдетте, бастапқы гиперальдостеронизм бар пациенттерде тиімсіз. Сондықтан препаратты қолдану ұсынылмайды. Амлодипинмен байланысты Стенокардия нашарлауы Амлодипиннің бастапқы дозасын қолданудан немесе оны арттырудан кейін, әсіресе, коронарлық артерияның ауыр обструкциялық ауруы бар пациенттерде стенокардия жиілігі, ұзақтығы және/немесе ауырлығының артуы дамуы мүмкін. Шығу жолының обструкциясы (қолқа стенозы) Амлодипинді сол жақ қарыншадан шығу жолының анықталған обструкциясы (қолқа стенозы) болғанда абайлап қолдану керек. Созылмалы жүрек жеткіліксіздігі Амлодипинді қоса, кальций өзекшелерінің блокаторлары созылмалы жүрек жеткіліксіздігі бар пациенттерде сақтықпен қолданылуы тиіс. Амлодипин қолдану өкпе ісінуінің дамуы туралы хабарламалардың көбеюімен байланысты болды. Шеткері ісіну Амлодипиннің ең көп жиі жағымсыз әсері мардымсыз немесе орташа айқын шеткері ісіну болып табылады. Шеткері ісінулердің туындау жиілігі дозаны көбейтумен артады (амлодипинді тәулігіне 5 мг-ден 10 мг дейінгі дозада қолданғанда ісінулер пациенттердің, тиісінше, 3% және 10,8%-да туындады). Амлодипин қолданумен байланысты шеткері ісінулерді сол жақ қарыншалық жүрек жеткіліксіздігінің үдеу симптомдарынан мұқият дифференциациялау керек. Бауыр жеткіліксіздігі Периндоприлмен байланысты Негізінен бауырда периндоприлдің периндоприлатқа дейінгі биотрансформациясы жүреді. Бүйрек жеткіліксіздігі бар пациенттерде периндоприлдің кинетикалық параметрлері өзгермейді. Биожетімділік артады, периндоприлаттың кинетикалық параметрлері де (Tmax қоса) өзгермейді. Биожетімділігінің артуы периндоприлаттан ерекшеленетін периндоприл метаболиттерінің түзілуін тежеумен байланысты болуы мүмкін. Периндоприл қолдану бауыр арқылы алғашқы өту әсерінің есебінен периндоприлаттың глюкуроноконъюгатты туындысының түзілуіне алып келеді. Бүйрек жеткіліксіздігі бар пациенттерде периндоприлат глюкуронидінің кинетикалық параметрлері өзгермейді. Бауыр жеткіліксіздігі бар пациенттердің көпшілігінде, периндоприлат кинетикасының аздаған өзгерістеріне орай, дозаны түзету қажет емес Амлодипинмен байланысты Бүйрек жеткіліксіздігінің жеңіл және орташа дәрежесіндегі пациенттерде 5 мг дозаны қолданғанда амлодипиннің жартылай шығарылу кезеңі ұзарады. Бауырдың функционалдық сынамаларының көрсеткіштері өзгеруі мүмкін. Амлодипинді сақтықпен тағайындау және мұқият бақылау жүргізу керек. Емдеуді амлодипиннің ең төмен дозаларымен бастауға кеңес беріледі. Бүйрек жеткіліксіздігі Периндоприлмен байланысты РААЖ тежелісі салдарынан бүйрек функциясының өзгерістерін осыған бейімділігі бар пациенттерден күтуге болады. РААЖ белсенділігіне тәуелді бүйрек функциясымен созылмалы жүрек жеткіліксіздігі бар пациенттерде АӨФ тежегіштерімен емдеу олигурия дамуымен және/немесе үдемелі азотемиямен және/немесе сирек жедел бүйрек жеткіліксіздігімен және/немесе өліммен байланысты болуы мүмкін. Симптоматикалық жүрек жеткіліксіздігі бар пациенттерде гипотензия АӨФ тежегіштерімен емдеудің басталуынан кейін бүйрек функциясының одан әрі нашарлауына алып келуі мүмкін. Осындай жағдайда, әдетте, қайтымды болатын жедел бүйрек жеткіліксіздігі мәлімделді. Бүйрек артериясының белгілі немесе күмәнді стенозы бар пациенттерге АӨФ тежегіштерін қолдануға кеңес берілмейді. Бүйрек артериясының бір жақты немесе екі жақты стенозымен артериялық гипертензия бар пациенттерде қан сарысуында мочевина, азот және креатинин деңгейі артуы мүмкін. Бүйректің жедел жеткіліксіздігі туындауы мүмкін. Бұл өзгерістер, әдетте, препаратты қолдануды тоқтатудан кейін қайтымды. Трансплантацияланған бүйрек артериясының стенозы бар пациенттерде бүйрек функциясы төмендеуі мүмкін. Бүйрек артериясының стенозы афферентті шумақтық артериоладағы қысымды төмендетеді, ал артынан трансгломерулярлы гидростатикалық қысым ангиотензин II туғызған артериоланың шығару жолының тарылуы есебінен сақталады. Эфферентті артериола АӨФ тежегішін қолдану кезінде босаңсиды, шумақтық сүзілу қысымы түсіп кетеді, бұл бүйрек жеткіліксіздігіне әкелуі мүмкін. АӨФ тежегіштерін қолдану кезінде стеноздалған бүйрек артериясының тромбоздық окклюзиясы туындауы мүмкін. Осының алдында бүйрек тамырлары ауруының болуына көрсетілімсіз артериялық гипертензия бар кейбір пациенттерде, әсіресе, диуретикті бір мезгілде қолдану кезінде қан сарысуында мочевина, азот және креатинин концентрациясы жоғарылауы мүмкін; осындай өзгерістер, әдетте, болымсыз білінеді және қайтымды сипатта болады. Осы бұзылулардың даму ықтималдығы анамнезінде бүйрек жеткіліксіздігі бар пациенттерде немесе диуретиктер қабылдап жүрген пациенттерде жоғары. АӨФ тежегішін және/немесе диуретик дозасын тоқтату немесе азайту қажет болуы мүмкін. Бүйрек жеткіліксіздігі бар пациенттерде периндоприлдің бастапқы дозасын креатинин клиренсін ескере отырып таңдау және бүйрек функциясын жүйелі бақылап отыру керек. Қандағы калий мен креатинин деңгейін дағдылы ағымда мониторингтеу әдеттегі медициналық практиканың бір бөлігі болып табылады. Бір АӨФ тежегішімен емдеуден кейін, мейлі басқасымен емдегенде де бүйрек функциясы нашарлап кетсе, гипертензияға қарсы препараттардың басқа класын қолдану бәрінен дұрыс. Бүйрек функциясының нашарлауы тіпті бүйрек артериясының бір жақты зақымдануы бар пациенттерде де сарысудағы мочевина мен креатинин деңгейінің мардымсыз өзгерістерімен ғана туындауы мүмкін. Келесі жай-күйлердің біреуі немесе бірнешеуі бар пациенттерде кейбір АӨФ тежегіштерін қолданумен (0,7% дейін) протеинурияның пайда болуы және/немесе бүйрек функциясының төмендеуі байланыстырылады: егде жас, бұрыннан бар бүйрек ауруы, калий жинақтаушы диуретиктермен немесе басқа диуретиктердің жоғары дозаларымен бір мезгілде емделу, жүрек жеткіліксіздігі немесе қабынуға қарсы стероидты емес препараттармен емдеу. Анемия бүйрек трансплантациясынан кейінгі пациенттерде немесе диализде жүрген тұлғаларда дамуы мүмкін. Осы орайда гемоглобин төмендеуі оның бастапқы көрсеткіші қанша жоғары болса, сонша көбірек болды. Осы әсері дозаға тәуелді емес, бірақ АӨФ тежегіштерінің әсер ету механизмімен байланысты болуы мүмкін. Гемоглобиннің мардымсыз төмендеуі алғашқы 6 ай ішінде жүреді, артынан ол тұрақты күйде қалады және препаратты тоқтатудан кейін толық қалпына келеді. Емдеуді жалғастыруға болады, алайда гематологиялық зерттеулер жүйелі жүргізілуі тиіс. Периндоприл 70 мл/мин клиренсімен диализ арқылы шығарылады. Амлодипинмен байланысты Амлодипин негізінен белсенді емес метаболиттер түзілуімен метаболизденеді, 10%-ы өзгермеген күйде несеппен шығарылады. Қан плазмасындағы амлодипин концентрациясының өзгеруі бүйрек функциясының бұзылу дәрежесімен өзара байланысты емес. Бүйрек функциясының бұзылулары бар пациенттерге амлодипиннің әдеттегі дозаларын қолдануға болады. Амлодипин диализ арқылы шығарылмайды. Егде жастағы пациенттерде қолдану Периндоприлмен байланысты Егде жастағы пациенттерде бүйрек жеткіліксіздігі жиірек байқалады. Артериялық гипертензия бар егде жастағы пациенттерге құрамында периндоприл бар препараттарды қолдану кезінде сақ болу керек. Егде жастағы пациенттерде бастапқы тәуліктік доза ең төмен болуы немесе бір ғана компоненттен құралуы тиіс, ал пациенттер емдеудің бастапқы сатыларында мұқият бақылауда болуы тиіс. Орташа 71,9 жастағы пациенттерде қолданғанда қан сарысуында калий деңгейі жоғарылады, бұл емдеудің алғашқы айының ішінде болды, ал кейіннен калий деңгейі тұрақты күйде қалды. Қан мочевинасы, креатинині немесе креатинин клиренсінің көрсеткіштері өзгермеді. Бүйрек және/немесе бауыр жеткіліксіздігі болатын созылмалы жүрек жеткіліксіздігі бар егде жастағы пациенттерге периндоприл ерекше сақтықпен тағайындалу керек. Амлодипинмен байланысты Егде жастағы пациенттерде (> 65 жас) AUC артуына алып келетін амлодипин клиренсінің төмендеуі байқалады. Егде жастағы пациенттерде жағымсыз реакциялар жиілігі, жас пациенттерге қарағанда, шамамен 6% жоғары. Ең көп жиі жағымсыз реакциялар - ісіну, бұлшықеттер құрысуы және бас айналу. Амлодипин егде жастағы пациенттерде сақтықпен қолданылу керек. Балалар Препаратты, қолдану қауіпсіздігі мен тиімділігі туралы деректер болмауына орай, балаларға тағайындау ұсынылмайды. Зертханалық тестілерге әсері Периндоприлмен байланысты - қан сарысуында натрий концентрациясының төмендеуі - препаратты тоқтатудан кейін қайтымды болатын қан плазмасындағы мочевина мен креатинин концентрациясының аздап жоғарылауы (әсіресе, бүйрек артерияларының стенозы, диуретиктермен емделген артериялық гипертензия, бүйрек жеткіліксіздігі бар пациенттерде) - әдетте, өткінші болатын қан сарысуындағы калий концентрациясының жоғарылауы - сирек - қан сарысуындағы бауыр ферменттері мен билирубин белсенділігінің жоғарылауы. Амлодипинмен байланысты - өте сирек - бауыр ферменттері: АЛТ, АСТ белсенділігінің жоғарылауы (көпшілік жағдайларда холестазбен қатар жүреді). Натрий Препарат құрамында әр дозасында 1 ммольден (23 мг) аз натрий бар, яғни шын мәнінде «натрийден бос». Арнайы сақтандырулар Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Периндоприл/амлодипиннің автокөлік басқару және машинаны пайдалану қабілетіне әсер ету зерттеулері жүргізілмеді. Көлік құралдарын немесе пайдалануға берілген машиналарды басқару кезінде кейде бас айналу немесе шаршау туындауы мүмкін екенін ескеру керек.

Нұсқаулықта көрсетілмеген.

Периндоприлмен байланысты Ренин-ангиотензин-альдостерон жүйесін (РААЖ) қосарлы бөгеу АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану арқылы РААЖ қосарлы бөгеу, РААЖ-ға әсер ететін бір препаратты пайдаланумен салыстырғанда, гипотензия, гиперкалиемия және бүйрек функциясының төмендеуі (жедел бүйрек жеткіліксіздігінің дамуын қоса) сияқты жағымсыз реакциялар жиілігінің артуымен қатар жүреді. Бір мезгілде қолдану қарсы көрсетілімді Алискирен Қант диабеті немесе бүйрек жеткіліксіздігі (ШСЖ < 60 мл/мин/1,73 м2) бар пациенттерде гипотензия, естен тану, инсульт, гиперкалиемия, бүйрек функциясының нашарлау (жедел бүйрек жеткіліксіздігін қоса) қаупі артады. Экстракорпоральді емдеу әдістері Гидравликалық өткізгіштігі жоғары белгілі бір жарғақшалармен (мысалы, AN69 сияқты полиакрилонитрилді жарғақшалар) диализ немесе гемофильтрация және декстран сульфатымен тығыздығы төмен липопротеиндер аферезі сияқты қанның теріс зарядталған беткейлермен жанасуына алып келетін экстракорпоральді емдеу әдістері, АӨФ тежегіштерімен емдеуден кейін ауыр анафилактоидты реакциялардың жоғары туындау қаупіне орай, қарсы көрсетілімді; осындай емдеу қажет болса, жарғақшаның басқа типін (мыcaлы, купрофан немесе полисульфон) пайдалану немесе гипертензияға қарсы препараттың басқа класын қолдану керек. Сакубитрил/валсартан Бір мезгілде неприлизин мен АӨФ тежелуі ангионевроздық ісінудің туындау қаупін арттыруы мүмкін екендіктен, периндоприлді сакубитрил/валсартанмен бір мезгілде қолдану қарсы көрсетілімді. Сакубитрил/валсартан қабылдауды периндоприлмен емнің соңғы дозасын қабылдаудан кейін 36 сағатқа дейін бастауға болмайды. Периндоприлмен емдеуді сакубитрил/валсартан соңғы дозасын қабылдаудан кейін 36 сағатқа дейін бастауға болмайды. Бір мезгілде қолдану ұсынылмайды Алискирен Қант диабетінен немесе бүйрек жеткіліксіздігінен зардап шегіп жүрген пациенттерде гиперкалиемия, бүйрек функциясының нашарлауы және жүрек-қантамыр ауруына көп шалдығу және өлімге ұшырау қаупі артады. АӨФ тежегішін және ангиотензин рецепторларының блокаторын бір мезгілде қолдану Әдебиетте расталған атеросклероз, жүрек жеткіліксіздігі немесе нысана-ағзалардың зақымдануымен диабет бар пациенттерде АӨФ тежегішімен және ангиотензин рецепторларының блокаторымен біріктірілген емнің, ренин-ангиотензин-альдостерон жүйесіне әсер ететін бір препаратты пайдаланумен салыстырғанда, гипотензия, естен тану, гиперкалиемия және бүйрек функциясының нашарлауы (жедел жүрек жеткіліксіздігіне дейін апаратын) жиілігін арттыратыны туралы хабарламалар бар. Қосарлы бөгеу (мысалы, АӨФ тежегішін ангиотензин II рецепторларының антагонисімен біріктіру) бүйрек функциясының, калий және артериялық қысым деңгейінің мұқият бақылауымен тек жекелеген жағдайларда мүмкін болады. Ко-тримоксазол (триметоприм/сульфаметоксазол) Бір мезгілде ко-тримоксазол (триметоприм/сульфаметоксазол) қабылдап жүрген пациенттер гиперкалиемияның жоғары қаупіне ұшырауы мүмкін. Калий жинақтаушы диурездік препараттар (мысалы, триамтерен, амилорид), калий тұздары Гиперкалиемия (өліммен аяқталуы мүмкін), әсіресе, бүйрек функциясының бұзылуында (гиперкалиемиямен байланысты қосымша әсерлері). Периндоприлді жоғарыда аталған препараттармен бір мезгілде қабылдау ұсынылмайды. Егер, дегенмен де, бір мезгілде қолдану көрсетілсе, оларды алдын ала сақтану шарасын қадағалаумен және қан сарысуындағы калий мөлшерін жүйелі бақылауға алып, қолдану керек. Жүрек жеткіліксіздігінде спиронолактон мен эплеренон қолдану туралы ақпаратты төменнен қараңыз. Литий Литий препараттарын және АӨФ тежегіштерін бір мезгілде қолданғанда қан плазмасында литий мөлшерінің қайтымды жоғарылауы және уыттылығы (ауыр нейроуыттылығы) байқалды. Периндоприл мен литий препараттарын бір мезгілде қабылдау ұсынылмайды. Егер осындай біріктірілім бәрібір қажет болса, қан плазмасындағы литий мөлшеріне мұқият мониторинг өткізу ұсынылады. Ерекше назар аударуды талап ететін бір мезгілде қолдану Қабынуға қарсы стероидты емес препараттар (ҚҚСП), ≥ 3 г/күн аспиринді қоса АӨФ тежегіштерін және простагландинсинтетаза тежегішін (мысалы, индометацин) немесе қабынуға қарсы стероидты емес препараттарды (мысалы, қабынуға қарсы дозаларда ацетилсалицил қышқылын, селективті емес ҚҚСП немесе ЦОГ-2 тежегішін) бір мезгілде қабылдау гипертензияға қарсы әсерін әлсіретуі мүмкін. Алайда периндоприл, индометацин немесе басқа ҚҚСП арасындағы өзара әрекеттесу анықталмады. Емдеу, әсіресе, осының алдында бүйрек функциясының бұзылуы болған пациенттерде жедел бүйрек жеткіліксіздігінің даму және қан плазмасындағы калий мөлшерінің арту мүмкіндігін қоса, бүйрек функциясының нашарлау қаупінің артуымен қатар жүруі мүмкін. Біріктірілім, әсіресе, егде жастағы пациенттерде сақтықпен қолданылуы тиіс. Пациенттер организмнің жеткілікті гидратациясын қамтамасыз ету қажет, сондай-ақ қатарлас емдеуге кіріскенде бүйрек функциясына бақылау жүргізу және осы емді жүргізу кезінде жүйелі бақылау қажет. Гипогликемиялық препараттар (инсулин, гипогликемиялық сульфонамидтер) Каптоприл мен эналаприл туралы хабарланды. АӨФ тежегіштерін және гипогликемиялық препараттарды (инсулиндер, гипогликемиялық сульфонамидтер) бір мезгілде қабылдау гипогликемиялық әсерінің күшеюіне әкелуі мүмкін. Гипогликемия көріністерінің дамуы өте сирек байқалады (мүмкін, инсулинге қажеттілік төмендеуімен глюкоза жағымдылығының жақсаруы жүреді), бір мезгілде емдеудің алғашқы апталары ішінде және бүйрек жеткіліксіздігі бар пациенттерде жиірек туындайды. Калий жинақтаушы диурездік препараттар Әсіресе, айналымдағы қан көлемін және/немесе тұзды шығаратын диуретиктер қабылдап жүрген пациенттер АӨФ тежегішімен емдеу басталған соң кейде артериялық қысымның шамадан тыс төмендеуін сезінуі мүмкін. АӨФ тежегішінің төмен дозасын тағайындаумен емдеуді бастар алдында оны біртіндеп арттыра отырып, диуретик қабылдауды тоқтату арқылы немесе айналымдағы қан көлемін жоғалтуды немесе тұзды толықтырумен гипотензиялық әсер ету мүмкіндігін барынша азайтуға болады. Егер бұл мүмкін болмаса, АӨФ тежегішінің бастапқы дозасын азайту және бастапқы дозасын қабылдаудан кейін және артериялық қысым тұрақтанатын сәтке дейін бірнеше сағат бойы пациентті мұқият қадағалау керек. Осының алдындағы диуретиктермен емдеудің тұз/айналымдағы қан көлемін шығаруы мүмкін болатын артериялық гипертензия бар пациенттерге АӨФ тежегішін қолдануды бастар алдында диуретиктер қабылдауды тоқтату немесе АӨФ тежегішімен емдеуді төмен дозадан бастап, оны біртіндеп арттыру керек. Диуретик қолданып жүрген созылмалы жүрек жеткіліксіздігі бар пациенттерге АӨФ тежегішімен емдеуді, мүмкін, калий жинақтаушы диуретик дозасын төмендетуден кейін ең төмен дозадан бастау керек. Барлық жағдайда АӨФ тежегішімен емдеудің алғашқы бірнеше аптасы ішінде бүйрек функциясын (креатинин деңгейін) бақылап отыру қажет. Калий жинақтаушы диуретиктер (эплеренон, спиронолактон) Периндоприл мен калий жинақтаушы препараттар (мысалы, эплеренон және спиронолактон), калий қоспаларын немесе калий жинақтаушы тұз алмастырғыштарын бір мезгілде қолдану ұсынылмайды: - емдеуді бастар алдында пациенттерде гиперкалиемия немесе бүйрек жеткіліксіздігі жоқ екеніне көз жеткізіңіз. - бұрын АӨФ тежегіштері мен ілмекті диуретиктер қабылдаған NYHA шкаласы бойынша II-IV функционалдық класты жүрек жеткіліксіздігімен және лықсыту фракциясы төмендеген пациенттерде, әсіресе, осындай біріктірілімді тағайындау жөніндегі нұсқаулар қадағаланбаған жағдайда өліммен аяқталу қаупі зор гиперкалиемияның туындау қаупі болады. - емдеудің алғашқы айының ішінде апта сайын және әріқарай ай сайын сарысудағы калий мен креатинин деңгейіне мұқият бақылау жүргізу ұсынылады. АӨФ тежегіштерін, қабынуға қарсы препараттар мен тиазидті диуретиктерді бір мезгілде қолдану АӨФ тежейтін препаратты (АӨФ тежегіші немесе ангиотензин рецепторларының блокаторы), қабынуға қарсы препаратты (ҚҚСП немесе ЦОГ-2 тежегіші) және тиазидті диуретикті бір мезгілде қолдану бүйрек жеткіліксіздігі қаупін арттырады. Аталған біріктірілім, әсіресе, егде жастағы пациенттерде және бұрын бүйрек жеткіліксіздігі болған пациенттерде тағайындалғанда сақтық шарасын қадағалау керек. Сарысудағы креатинин деңгейін, әсіресе, емдеудің басында мұқият бақылап отыруға кеңес беріледі. Циклоспорин Гиперкалиемия АӨФ тежегіштерін циклоспоринмен бір мезгілде қолдану кезінде туындауы мүмкін. Сарысудағы калий деңгейін мұқият бақылап отыру ұсынылады. Гепарин Гиперкалиемия АӨФ тежегіштерін гепаринмен бір мезгілде қолдану кезінде туындауы мүмкін. Сарысудағы калий деңгейін мұқият бақылап отыру ұсынылады. Сүт қоректілердегі (mTOR) рапамицин үшін нысана тежегіштері (мысалы, темсиролимус, сиролимус, эверолимус) АӨФ тежегіштері мен mTOR тежегіштерін бір мезгілде қабылдап жүрген пациенттерде ангионевроздық ісінудің даму қаупінің артуы байқалды. Глиптиндер (мысалы, линаглиптин, саксаглиптин, ситаглиптин, вилдаглиптин, алоглиптин) АӨФ тежегіштері мен глиптинді бір мезгілде қабылдап жүрген пациенттерде, дипептидилпептидаза IV (ДПП-IV) белсенділігінің төмендеуіне орай, ангионевроздық ісінудің даму қаупінің артуы болады. Назар аударуды талап ететін бір мезгілде қолдану Гипертензияға қарсы және тамыр кеңейтетін препараттар Бір мезгілде қолдану периндоприлдің гипотензиялық әсерін күшейтуі мүмкін. Нитроглицеринмен және басқа нитраттармен немесе басқа тамыр кеңейтетін препараттармен бір мезгілде қолдану артериялық қысымның одан әрі төмендеуіне әкелуі мүмкін. Симпатомиметикалық препараттар Симпатомиметикалық препараттар АӨФ тежегіштерінің гипертензияға қарсы әсерін төмендетуі мүмкін. Алтын Инъекциялық алтын препараттарын (натрий ауротиомалаты) қабылдап жүрген пациенттерде, периндоприлді қоса, АӨФ тежегіштерін бір мезгілде қабылдағанда сирек жағдайларда нитритоидты реакциялар (бет қызаруы, жүрек айну, құсу және артериялық қысым төмендеуі) байқалды. Ацетилсалицил қышқылы, тромболитиктер, бета-адреноблокаторлар, нитраттар Периндоприлді ацетилсалицил қышқылымен (тромболитик ретінде тағайындалған), бета-адреноблокаторлармен және/немесе нитраттармен бірге қолдануға болады. Тетрациклин және магниймен өзара әрекеттесетін басқа препараттар Тетрациклинді АӨФ тежегішімен бір мезгілде қолдану препараттың қосымша заты ретінде магний болуы есебінен тетрациклин сіңуін төмендетеді. Бір мезгілде қолдану кезінде осындай өзара әрекеттесу мүмкіндігін ескеру керек. Амлодипинмен байланысты Амлодипиннің тиазидті диуретиктер, альфа-блокаторлар, бета-блокаторлар, АӨФ тежегіштері, әсері ұзаққа созылатын нитраттар, нитроглицериннің тіл астына салатын түрімен, қабынуға қарсы стероидты емес препараттар, антибиотиктер, пероральді гипогликемиялық препараттармен қауіпсіз қолдану жөніндегі деректер бар. Бір мезгілде қолдану ұсынылмайды Дантролен (инфузия) Жануарларда верапамил енгізілгенде және дантролен в/і енгізілгенде өліммен аяқталуға алып келетін қарыншалар фибрилляциясы және гиперкалиемиямен біріккен жүрек-қантамыр жеткіліксіздігі байқалады. Болжамды қатерлі гипертермия бар пациенттерде және қатерлі гипертермияны емдеу кезінде, гиперкалиемияның басталу қаупіне байланысты, амлодипин сияқты кальций өзекшелерінің блокаторларымен біріктіруден сақтануға кеңес беріледі. Ерекше назар аударуды талап ететін бір мезгілде қолдану CYP3A4 индукторлары (рифампицин, шілтер жапырақты шайқурай, құрысуға қарсы препараттар, мысалы, карбамазепин, фенобарбитал, фенитоин, фосфенитоин, примидон): Белгілі CYP3A4 индукторларын бір мезгілде қолдану оның бауырдағы метаболизмінің күшеюі салдарынан плазмадағы амлодипин концентрациясының төмендеуіне әкелуі мүмкін. Амлодипин мен CYP3A4 индукторларын бір мезгілде қолдану кезінде және амлодипин дозасын түзету қажет болғанда сақ болу керек, CYP3A4 тежегіштері (жас кезеңдегі пациенттерде эритромицин, егде жастағы пациенттерде кларитромицин, верапамил немесе дилтиазем) Амлодипин мен қуатты немесе орташа әсер ететін CYP3A4 тежегіштерін (протеаза тежегіштері, мысалы, ритонавир, зеңге қарсы азол препараттары, мысалы, флуконазол мен итраконазол, макролидтер, мысалы, эритромицин немесе кларитромицин, кальций өзекшелерінің блокаторлары, мысалы, верапамил немесе дилтиазем) бір мезгілде қолдану гипотензияның туындау қаупімен амлодипин концентрациясының едәуір жоғарылауына әкелуі мүмкін. Егде жастағы пациенттерде осы фармакокинетикалық өзгерістер өте айқын болуы мүмкін. Пациенттерді мұқият қадағалап отыруға және қажет болса, дозаны түзетуге кеңес беріледі. Кларитромицин мен амлодипин қабылдап жүрген пациенттерде гипотензия қаупі артады. Амлодипин мен кларитромицинді бір мезгілде қолдану кезінде пациенттерді мұқият қадағалауға кеңес беріледі. Назар аударуды талап ететін бір мезгілде қолдану Амлодипиннің гипотензиялық әсері гипертензияға қарсы қасиеттері бар басқа дәрілік препараттардың гипотензиялық әсерін күшейтеді. Такролимус Амлодипинмен бір мезгілде қолдану кезінде қандағы такролимус концентрациясының жоғарылау қаупі бар. Такролимус қабылдап жүрген пациентке амлодипин такролимуспен уыттану профилактикасы үшін тағайындалғанда қандағы такролимус концентрациясын бақылап отыру және қажет болса, дозаны түзету талап етіледі. Рапамицин (mTOR) тежегіштері mTOR тежегіштері (мысалы, сиролимус, темсиролимус және эверолимус) CYP3A субстраттары болып табылады. Амлодипин – әлсіз CYP3A тежегіші. mTOR тежегіштерімен бір мезгілде қолданғанда амлодипин mTOR тежегіштерінің концентрациясын жоғарылатуы мүмкін. Циклоспорин Циклоспорин концентрациясының әртүрлі жоғарылауы байқалған бүйрек трансплантациясы жасалған пациенттерді қоспағанда, дені сау еріктілерде немесе басқа топтарда циклоспорин мен амлодипин арасындағы өзара әрекеттесу зерттеулері жүргізілмеді. Бүйрек трансплантациясы жасалған және амлодипин алып жүрген пациенттерде циклоспорин концентрациясын бақылап отыру және қажет болса, оның дозасын төмендету керек. Симвастатин Бір мезгілде 10 мг амлодипин мен 80 мг симвастатинді көп рет қолдану, симвастатин монотерапиясымен салыстырғанда, симвастатин концентрациясының 77% жоғарылауына алып келді. Амлодипин қабылдап жүрген пациенттерде симвастатин дозасын тәулігіне 20 мг дейін шектеу керек. Жүрек жеткіліксіздігінде қолданылатын бета-блокаторлар (бисопролол, карведилол, метопролол) Бақыланбайтын немесе жасырын өтетін жүрек жеткіліксіздігі (теріс инотропты әсерінің күшеюі) бар пациенттерде бір мезгілде қолдану гипотензияның даму және жүрек жеткіліксіздігі ағымының нашарлау қаупін арттырады. Бұдан бөлек, β-адреноблокаторлар қатарлас жүрек жеткіліксіздігі аясында жүректің рефлекторлы симпатикалық белсенуін азайтуы мүмкін. Гипертензияға қарсы препараттар (мысалы, бета-блокаторлар) және тамыр кеңейтетін препараттар Бір мезгілде қолдану периндоприл мен амлодипиннің гипотензиялық әсерін күшейтуі мүмкін. Нитроглицеринмен және басқа нитраттармен немесе тамыр кеңейтетін басқа препараттармен бір мезгілде қолдану артериялық қысымның одан да көп төмендеуіне әкелуі мүмкін, ал демек, абайлап тағайындалуы тиіс. Кортикостероидтар, тетракозактид Гипертензияға қарсы әсерінің азаюы (кортикостероидтар әсерінен болатын тұз және су іркілісі). Альфа-адреноблокаторлар (празозин, тамсулозин, теразозин, альфузозин, доксазозин) Гипертензияға қарсы әсерінің күшеюі және ортостаздық гипотензияның даму қаупінің артуы. Амифостин Амлодипиннің гипертензияға қарсы әсері күшеюі мүмкін. Басқа бір мезгілде қолдану Басқа препараттармен жүргізілген арнайы зерттеулерде амлодипинге әсері анықталмады. Циметидин Амлодипин мен циметидинді бір мезгілде қолдану амлодипин фармакокинетикасын өзгертпейді. Силденафил Гипертониялық ауруы бар 16 пациентте силденафилді 100 мг дозада бір рет қабылдау амлодипин фармакокинетикасына әсер етпеді, амлодипин мен силденафил бір мезгілде қолданылғанда әрқайсысы дербес өзінің артериялық қысымын төмендететін төл әсерін көрсетті. Алюминий/магний (антацид) Антацидті амлодипиннің бір реттік дозасымен бір мезгілде қолдану амлодипин фармакокинетикасына елеулі ықпалын тигізбеді. Грейпфрут шырыны Грейпфрут шырыны кальций өзекшелері блокаторларының фармакокинетикасына ықпал етіп, Р450 цитохромы жүйесін тежейді. 240 мл грейпфрут шырынын 10 мг амлодипиннің бір реттік пероральді дозасымен бір мезгілде қолдану амлодипин фармакокинетикасына елеулі ықпалын тигізбеді. Аторвастатин Көп реттік 10 мг амлодипин мен 80 мг аторвастатин дозаларын бір мезгілде қолдану тепе-тең күйдегі аторвастатин фармакокинетикалық параметрлерінің елеулі өзгерістеріне әкелмеді. Дигоксин Амлодипин мен дигоксинді бір мезгілде қолдану дені сау еріктілерде дигоксиннің сарысудағы концентрациясын немесе дигоксиннің бүйрек клиренсін өзгертпеді. Варфарин Ер жынысты дені сау еріктілерде амлодипинді бір мезгілде қолдану варфарин әсерімен протромбин уақытының жауап беру өзгерістерін айтарлықтай өзгертпеді. Амлодипинді варфаринмен бір мезгілде қолдану варфарин әсерімен протромбин уақытының жауап беру өзгерістерін өзгертпеді. Этанол 10 мг амлодипиннің бір реттік және көп реттік дозалары этанол фармакокинетикасына елеулі ықпалын тигізбеді. Периндоприл/амлодипинмен байланысты Ерекше назар аударуды талап ететін дәрілік заттарды пайдалану Баклофен Гипертензияға қарсы әсері күшеюі мүмкін. Артериялық қысым мен бүйрек функциясын бақылап отыру, қажет болса, гипотензиялық дәрі дозасын түзету керек. Назар аударуды талап ететін бір мезгілде қолдану Гипотензиялық дәрілер (мысалы, бета-адреноблокаторлар) және тамыр кеңейтетін препараттар Периндоприл мен амлодипиннің гипотензиялық әсері күшеюі мүмкін. Нитроглицеринмен, басқа нитраттармен немесе басқа тамыр кеңейтетін препараттармен бір мезгілде тағайындағанда сақ болу керек, өйткені бұл ретте артериялық қысым қосымша төмендеуі мүмкін. Кортикостероидтар, тетракозактид Гипертензияға қарсы әсерінің төмендеуі (кортикостероидтар әсері нәтижесінде сұйықтық пен натрий иондарының іркілісі). Альфа-адреноблокаторлар (празозин, альфузозин, доксазозин, тамсулозин, теразозин) Гипертензияға қарсы әсерінің күшеюі және ортостаздық гипотензия қаупінің артуы. Амифостин Амлодипиннің гипертензияға қарсы әсері күшеюі мүмкін. Трициклды антидепрессанттар/нейролептиктер/жалпы анестезияға арналған дәрілер Кейбір анестетиктер, трициклды антидепрессанттар мен психозға қарсы препараттарды АӨФ тежегіштерімен немесе амлодипинмен бір мезгілде қолдану гипертензияға қарсы әсерінің күшеюіне әкелуі мүмкін.

25°С-ден аспайтын температурада сақтау керек. Балалардың қолы жетпейтін жерде сақтау керек. Сақтау мерзімі 2 жыл Жарамдылық мерзімі өткеннен кейін қолдануға болмайды.