Периндид таблетки 2 мг/0,625 мг

Бір таблетканың құрамында: белсенді зат: периндоприл эрбумині - 2 мг және 4 мг, индапамид - 0,625 мг немесе 1,25 мг; қосымша заттар: микрокристалды целлюлоза, лактоза моногидраты, коллоидты кремнийдің қостотығы, магний стеараты; үлбірлі қабықтың құрамы: 2 мг/0,625 мг дозалар үшін: Винкоут WT-01985 бояғышы (қоңыр) (гипромеллоза, макрогол-400, титанның қостотығы (Е171), тальк, макрогол–6000, темірдің қызыл тотығы бояғышы (Е172); 4 мг/1,25 мг дозалар үшін: Винкоут WT-01097 бояғышы (қызғылт сары) (гипромеллоза, макрогол-400, титанның қостотығы (Е171), тальк, макрогол–6000, күн батар түстес сары бояғышы (Е110). Сыртқы түрінің, иісінің, дәмінің сипаттамасы Қызыл-қоңыр түсті (2 мг/0,625 мг дозалары үшін) немесе қызғылт сары түсті (4 мг/1,25 мг дозалары үшін) үлбірлі қабықпен қапталған, екі жақ беті дөңес, дөңгелек таблеткалар. Таблетканың көлденең кесіндісіндегі ядросы ақ немесе ақ дерлік түсті.

- біріктірілген ем көрсетілген пациенттердің артериялық гипертензиясында

Әсер ету механизмі Периндид – біріктірілген препарат, гипотензивтік, диуретикалық және вазодилатациялық әсер береді. Периндоприл АӨФ тежегіші болып табылады, оның әсер ету механизмі ангиотензин II түзілуінің азаюына әкеп соғатын АӨФ белсенділігінің тежелуімен байланысты, ангиотензин II-нің вазоконстриктивті әсерін жояды, альдостерон секрециясын төмендетеді. Ірі артериялық қантамырлардың созылғыштығының қалпына келуіне мүмкіндік береді, сол жақ қарынша гипертрофиясын, өкпе артерияларындағы қысымды азайтады. Миокардтың гипертрофиясын азайтады. Алдыңғы және соңғы жүктемені, сол жақ және оң жақ қарыншалардың толу қысымын, жалпы шеткергі қантамырлық кедергіні (ЖШҚК) төмендетеді, жүректің жиырылу жиілігін (ЖЖЖ) орташа азайтады, бұлшықеттерде аймақтық қан ағысын күшейтеді. Индапамид сульфонамид туындысына жатады және фармакологиялық қасиеттері бойынша тиазидтік диуретиктерге ұқсас. Индапамид бүйрек өзекшелерінің кортикальді сегментінде натрийдің сіңуін тежейді, бұл натрий және хлор иондарының несеппен бірге бөлініп шығуын арттырады, және диурездің күшеюіне әкеледі, аз дәрежеде калий мен магний иондарының шығарылуын арттырады. Өзінің диуретикалық әсеріне қосымша индапамид артериолярлы және жалпы шеткергі төзімділігінің төмендеуімен байланысты қантамырлық әсерге ие. Индапамид айқын диуретикалық әсерлері жоқ дозаларда гипертензияға қарсы әсер береді. Жоғары дозаларда, диурездің ұлғаюына қарамастан, артериялық қысымның (АҚ) төмендеу дәрежесіне ықпалын тигізбейді. Индапамид, басқа да тиазидтік диуретиктер сияқты, сол жақ қарыншаның гипертрофиясын азайтады. Фармакодинамикалық әсерлері Периндид препараты пациенттің жасына және дене қалпына қарамай-ақ, және рефлекторлы тахикардиямен қатар жүрмейтін, дозаға тәуелді айқын гипотензивтік әсер береді. Липидтердің (жалпы холестерин, тығыздығы төмен липопротеиндер (ТТЛП), тығыздығы өте төмен липопротеиндер (ТӨТЛП), тығыздығы жоғары липопротеиндер (ТЖЛП), триглицеридтер (ТГ)) және көмірсулардың метаболизміне, соның ішінде қант диабетімен ауыратын пациенттерде, ықпалын тигізбейді. Емдік дозаларда іс жүзінде көмірсудың алмасуына ықпал етпейді. Гипертензияға қарсы әсері 24 сағат бойы сақталады. Периндид препаратын 1 ай қолдану аясында, ЖЖЖ артпай-ақ, АҚ тұрақты төмендейді. Емдеуді доғару «тоқтату» синдромына әкелмейді. Клиникалық тиімділігі мен қауіпсіздігі Периндоприл гипертензияның барлық кезеңдерінде тиімді: жеңілден орташаға дейін немесе ауыр деңгейлерінде. Систолалық және диастолалық қан қысымының төмендеуі пациент жатқан күйінде де, тұрған күйінде де байқалады. Бір дозаның гипертензияға қарсы әсері 4-тен 6 сағатқа дейін өте жоғары және 24 сағатқа дейін сақталады. 24 сағаттан кейін ангиотензин-айналдыратын ферменттің қалдық блокадасының деңгейі жоғары, шамамен 80%. Пациенттерде қалыпты қан қысымы бір айда тұрақтанады және тахифилаксиясыз сақталады. Емдеуді тоқтату гипертонияға әсер етпейді. Периндоприл тамыркеңейткіш әсерге ие және сол жақ қарыншаның гипертрофиясының төмендеуін тудырады. Индапамид гипотензивті әсерге ие, ол 24 сағатқа созылады. Бұл әсер диуретикалық қасиеттері ең аз мөлшерде пайда болады. Оның гипертензияға қарсы әсері артериялық серпімділіктің жақсаруына және артериолалардың шеткері қантамырлық және жалпы қантамырлық кедергінің төмендеуіне пропорционалды. Индапамид сол жақ қарыншаның гипертрофиясын төмендетеді. Тиазидті диуретиктің және тиазидпен байланысты диуретиктің мөлшері жоғарыласа, гипертензияға қарсы әсер шыңына жетеді, ал жағымсыз реакциялар күшейеді. Егер емдеу тиімсіз болса, дозаны көбейтуге болмайды. Сонымен қатар, гипертониямен ауыратын пациенттерде қысқамерзімді, орта мерзімді және ұзақ мерзімді болашақта индапамид көрсетілген: - май алмасуына әсер етпейді: триглицеридтер, ТТЛП-холестерон және ТЖЛП-холестерон - көмірсулар алмасуына: гипертониямен ауыратын пациенттерде да әсер етпейді. Екі ірі масштабты, рандомизацияланған бақыланатын зерттеулерде АӨФ тежегіші мен ангиотензин II рецепторлары блокаторының комбинациясының қолданылуы зерттелді . Зерттеу жүрек-қан тамырлары немесе цереброваскулярлық аурулары бар пациенттерде немесе нысана-ағзаның зақымдануы диагнозы қойылған 2 типті қант диабеті бар пациенттерде жүргізілді.VA NEPHRON-D зерттеуі 2 типті қант диабеті және диабеттік нефропатиясы бар пациенттерде жүргізілді. Монотерапиямен салыстырғанда гиперкалиемия, жедел бүйрек жеткіліксіздігі және / немесе гипотензия қаупі жоғары болғанына қарамастан, бұл зерттеулер бүйректің және / немесе жүрек-қантамыр жүйесінің зақымдану жөнінде айтарлықтай оң әсер көрсететінін қорытындылай алмады. Ұқсас фармакодинамикалық қасиеттерге байланысты бұл нәтижелер басқа AӨФ тежегіштері мен ангиотензин II рецепторларының блокаторларына да қатысты өзекті. AӨФ тежегіштері мен ангиотензин II рецепторларының блокаторларын диабеттік нефропатиясы бар пациенттерде бір мезгілде қолдануға болмайды. Балалар 18 жасқа дейінгі балаларда қолданылмайды, өйткені тиімділігі мен қауіпсіздігі анықталмаған.

Дозалау режимі Бастапқы дозасы – Периндид 2 мг/0,625 мг препаратын 1 таблеткадан тәулігіне 1 рет. Егер препаратты 1 ай қабылдағаннан кейін АҚ талапқа сай бақылауға қол жетпесе, препарат дозасын тәулігіне 1 рет Периндид 4 мг/1,25 мг препаратының 1 таблеткасына дейін арттырған жөн. Егде жастағы пациенттер Егде жастағы пациенттерде креатинин клиренсін (КК) олардың жасын, дене салмағын және жынысын есепке ала отырып есептейді. Бүйрек функциясы қалыпты егде жастағы пациенттерге 2 мг/0,625 мг Периндидті тәулігіне 1 рет 1 таблеткадан тағайындайды, мұндайда АҚ төмендеу дәрежесін бақылап отырған жөн. Бүйрек жеткіліксіздігі бар пациенттер Препаратты бүйректің орташа және ауыр жеткіліксіздігі бар (КК минутына 60 мл-ден кем) пациенттерге қолдануға болмайды («Қолдануға болмайтын жағдайлар» бөлімін қараңыз). Бүйрек жеткіліксіздігі бар пациенттерде (КК минутына 60 мл және одан астам) дозаны түзету талап етілмейді. Емдеу аясында қан плазмасындағы креатинин мен калий концентрацияларын үнемі бақылап отыру қажет. КК минутына 30-60 мл болатын пациенттер үшін Периндид препаратының ең жоғары дозасы тәулігіне 1 рет 2 мг/0,625 мг құрайды. Бауыр жеткіліксіздігі бар пациенттер Препаратты бауырдың ауыр жеткіліксіздігі бар пациенттерге қолдануға болмайды. Бауырдың орташа бұзылуы бар пациенттерде дозаларды түзету қажет емес. Балалар мен жасөспірімдер Периндидті 18 жасқа дейінгі балалар мен жасөспірімдерге қолданбаған жөн, өйткені тиімділігі және қауіпсіздігі анықталған жоқ. Енгізу әдісі және жолы Ішке, қажетті көлемдегі сумен қабылдайды. Қабылдау уақытын көрсете отырып қолдану жиілігі Күніне бір рет, жақсырақ таңертең таңғы ас алдында Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Сізде осы дәрілік препаратты қолдану бойынша қандай да бір қосымша сұрақтар туындаған жағдайда, өз дәрігеріңізге жүгініңіз.

- әсер етуші заттарға немесе қосымша заттардың кез келгеніне аса жоғары сезімталдық - АӨФ басқа тежегіштеріне және сульфонамидтерге жоғары сезімталдық - калий жинақтаушы диуретиктермен, калий мен литий препараттарымен бір мезгілде қабылдау, және қан плазмасында калий иондарының мөлшері жоғарылаған пациенттерде - гипокалиемия - декомпенсация сатысындағы жүректің созылмалы жеткіліксіздігі (ЖСЖ) - QT аралығын ұзартатын препараттармен бір мезгілде қабылдау - “пируэт” типті қарыншалық аритмияны тудыратын препараттарды бір мезгілде қабылдау - анамнезінде ангионевроздық ісіну (Квинке ісінуі) (тұқым қуалайтын идиопатиялық немесе АӨФ тежегіштерін қабылдау салдарынан ангионевроздық ісіну) - бүйректің орташа және ауыр жеткіліксіздігі (КК минутына 60 мл-ден төмен), гемодиализді қоса - айқын бауыр жеткіліксіздігі (соның ішінде энцефалопатиямен бірге) - бүйрек артерияларының екі жақты тарылуы немесе жалғыз бүйрек артериясының тарылуы - жүктілік және лактация кезеңі - 18 жасқа дейінгі балалар мен жасөспірімдер - галактозаның тұқым қуалайтын көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Жағымсыз реакциялар жиілігінің сандық критерийлері және жүйелік-ағзалық жіктемесіне және олардың туындау жиілігіне сәйкес жағымсыз реакциялардың жіктелуі (Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Жиі: - АӨФ тежегіштерін қолдану аясында осы топтағы препараттарды қабылдау кезінде ұзақ сақталатын және оларды тоқтатқаннан кейін жоғалатын құрғақ жөтел пайда болуы мүмкін - ентігу - парестезиялар, бас ауыру, бас айналу, астения - ауыздың шырышты қабығының құрғақтығы, жүректің айнуы, құсу, іштің ауыруы, эпигастрияда ауыру, дәм сезімінің бұзылуы, тәбеттің нашарлауы, диспепсия, іш қату, диарея; тері бөртпесі, қышыну, макулопапулезді бөртпе - бұлшықеттердің түйілуі - көрудің нашарлауы, құлақтың шыңылдауы Жиі емес: - АҚ айқын төмендеуі, соның ішінде ортостатикалық гипотензия - бронхтың түйілуі - ұйқының бұзылуы, көңіл-күйдің құбылмалылығы, қатты терлеу - беттің, еріннің, аяқ-қолдардың, тілдің, іркістердің және/немесе көмейдің шырышты қабығының ангионевроздық ісінуі, есекжем («Айрықша нұсқаулар» бөлімін қараңыз). - демікпелік және аллергиялық реакцияларға бейім пациенттерде жоғары сезімталдық реакциялары - геморрагиялық васкулит - жүйелі қызыл жегінің жедел түрі бар пациенттерде ауру барысы нашарлауы мүмкін - бүйрек жеткіліксіздігі - импотенция Сирек: - ішектің ангионевроздық ісінуі, холестаздық сарғаю - гиперкальциемия Өте сирек: - жүрек ырғағының бұзылуы, соның ішінде, брадикардия, қарыншалық тахикардия, жыпылықтағыш аритмия, сондай-ақ стенокардия және миокард инфарктісі, жоғары қауіп тобындағы пациенттерде АҚ шамадан тыс төмендеуі салдарынан болуы мүмкін («Айрықша нұсқаулар» бөлімін қараңыз) - эозинофильді пневмония, ринит - тромбоцитопения, лейкопения/нейтропения, агранулоцитоз, апластикалық анемия, гемолитикалық анемия - естен тану - бауыр жеткіліксіздігі бар пациенттерде бауыр энцелопатиясы - сананың шатасуы - панкреатит - мультиформалы эритема, уытты эпидермальді некролиз, Стивенс-Джонсон синдромы - фотосезімталдық реакциясы - бүйрек жедел жеткіліксіздігі Жиілігі нақтыланбаған: - «пируэт» типті аритмиялар (өліммен аяқталуы ықтимал) - ЭКГ-де QT аралығының ұзаруы - препаратты қабылдау кезінде қандағы несеп қышқылы және глюкоза концентрацияларының жоғарылауы; «бауыр» ферменттері белсенділігінің жоғарылауы - емдеуді тоқтатқаннан кейін жоғалатын, көбіне бүйрек артерияларының стенозы бар пациенттерде, артериялық гипертензияны диуретиктермен емдегенде және бүйрек жеткіліксіздігінде несептегі және қан плазмасындағы креатинин концентрацияларының шамалы жоғарылауы - гипокалиемия, әсіресе қауіп тобына жататын пациенттер үшін маңызды - гиперкалиемия, көбіне өткінші - дегидратацияға және ортостатикалық гипотензияға әкеп соғатын гипонатриемия және гиповолемия - гипохлоремия - протеинурия Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Сақтықпен: бүйрек жеткіліксіздігінің жеңіл дәрежесі (КК минутына 60 мл-ден астам), дәнекер тіннің жүйелі аурулары (соның ішінде жүйелі қызыл жегі, склеродермия), иммунодепрессанттармен емдеу (нейтропенияның, агранулоцитоздың пайда болу қаупі бар), сүйек кемігі қан түзілуінің тежелуі. Айналымдағы қан көлемінің төмендеуі (диуретиктерді қабылдау, тұзсыз диета, құсу, диарея), стенокардия, цереброваскулярлы аурулар, реноваскулярлы гипертензия, қант диабеті, жүректің компенсацияланған жеткіліксіздігі, гиперурикемия (әсіресе подаграмен және уратты нефролитиазбен қатар жүретін), АҚ құбылмалылығы, егде жас, десенсибилизациялаушы ем жүргізу (аллергиялық аурулары бар пациенттерде) немесе ТТЛП аферезі емшарасы, бүйрек трансплантациясынан кейінгі жағдай, аортальді клапанның стенозы/гипертрофиялық кардиомиопатия. Арнайы сақтандырулар Литий препараттары Периндид препаратын литий препараттарымен бір мезгілде қолдануға кеңес берілмейді. Бүйрек жеткіліксіздігі Периндид препаратымен емдеуді бүйректің орташа және ауыр жеткіліксіздігі бар (КК минутына 60 мл-ден төмен) пациенттерге қолдануға болмайды. Бұған дейін бүйрек функциясының бұзылуларынсыз артериялық гипертензиясы бар кейбір пациенттерді Периндид препаратымен емдеу аясында бүйрек жедел жеткіліксіздігінің белгілері пайда болуы мүмкін. Мұндай жағдайда Периндид препаратымен емдеуді тоқтатқан жөн. Әрі қарай біріктірілген емді, Периндид препаратының төмен дозаларын, немесе периндоприл және индапамид препараттарын монотерапия түрінде қолдана отырып, қайта бастауға болады. Мұндай пациенттерде Периндид препаратымен емдеуді бастағаннан кейін әрбір 2 апта сайын және одан кейінгі әрбір 2 ай сайын қан сарысуындағы калий және креатинин мөлшерін үнемі бақылап отыру қажет. Ауыр жүректің созылмалы жеткіліксіздігі (ЖСЖ) бар немесе бастапқыдан бүйрек функциясы бұзылған пациенттерде, соның ішінде, бүйрек артерияларының екі жақты стенозында немесе қызмет жасап тұрған жалғыз бүйрек артерияларының стенозында бүйрек жедел жеткіліксіздігі жиі пайда болады. Бүйрек артерияларының екі жақты стенозы немесе қызмет жасап тұрған жалғыз бүйрек артерияларының стенозы бар пациенттерде Периндид препаратын қолдануға болмайды. Артериялық гипотензия және су-электролиттік теңгерімнің бұзылуы Гипонатриемия артериялық гипотензияның кенеттен пайда болу қаупімен байланысты (әсіресе бүйрек артерияларының екі жақты стенозы немесе қызмет жасап тұрған жалғыз бүйрек артерияларының стенозы бар, Периндид препаратын қолдануға болмайтын пациенттерде). Сондықтан пациенттерді динамикалық бақылағанда, мысалы, ұзаққа созылған диареядан немесе құсудан кейін, сусызданудың ықтимал симптомдарына және қан плазмасында электролиттер мөлшерінің төмендеуіне назар аударған жөн. Мұндай пациенттерде қан плазмасындағы электролиттерге үнемі бақылау жасау қажет. Айқын артериялық гипотензияда 0,9% натрий хлоридінің ерітіндісін к/і енгізу қажет етілуі мүмкін. Өткінші артериялық гипотензия емдеуді әрі қарай жалғастыру үшін қарсы көрсетілім болып саналмайды. Айналымдағы қан көлемі (АҚК) және АҚ қалпына келгеннен кейін, препараттың төмен дозаларын, немесе периндоприл және индапамид препараттарын монотерапия түрінде қолдана отырып, Периндид препаратымен емдеуді қайта бастауға болады. Калий мөлшері Периндоприл мен индапамидті біріктіріп қолдану, әсіресе қант диабеті немесе бүйрек жеткіліксіздігі бар пациенттерде гипокалиемияның пайда болуын қайтара алмайды. Гипотензивті дәрілер мен диуретикті біріктіріп қолданған кездегідей, қан плазмасындағы калий мөлшерін үнемі бақылап отыру қажет. Периндоприл Нейтропения/агранулоцитоз АӨФ тежегіштерін қабылдап жүрген пациенттерде нейтропения/агранулоцитоз, тромбоцитопения мен анемия жағдайлары пайда болу мүмкін. Бүйрек функциясы қалыпты пациенттерде басқа асқынулар жоқ болғанда нейтропения сирек пайда болады және АӨФ тежегіштерін тоқтатқаннан кейін өздігінен жоғалады. Периндоприлді дәнекер тіндерінің аурулары бар және бір мезгілде иммуносупрессивті ем, аллопуринол немесе прокаинамид қабылдап жүрген пациенттерге, әсіресе бүйрек функциясының бұзылуы бұрыннан бар болғанда, аса сақтықпен қолдану қажет. Мұндай пациенттерде антибиотиктермен қарқынды ем жүргізуге келмейтін ауыр инфекциялар пайда болуы мүмкін. Периндоприлді тағайындаған жағдайда қандағы лейкоциттерді мерзім сайын бақылап отыруға кеңес беріледі. Пациентке инфекциялық аурулардың қандай да бір белгілері (тамақтың ауыруы, температураның көтерілуі) пайда болған жағдайда дәрігерге дереу қаралу керектігі алдын ала ескертілуі тиіс. Жоғары сезімталдық/ангионевроздық ісіну (Квинке ісінуі) АӨФ тежегіштерін, соның ішінде периндоприлді, қабылдаған кезде сирек жағдайларда беттің, еріннің, тілдің, жоғарғы таңдай тілшесінің және/немесе көмейдің ангионевроздық ісінуі байқалуы мүмкін. Осы симптомдар пайда болған кезде препаратты қабылдау дереу тоқтатылуы, пациент ісіну белгілері түгел жойылганша бақылауда болуы тиіс. Егер ангионевроздық ісіну тек бет пен ерінде ғана болса, онда оның біліністері әдетте өздігінен жоғалады немесе оның симптомдары жойылуы үшін антигистаминдік препараттар қолданылуы мүмкін. Тілдің немесе көмейдің ісінуімен қатар жүретін ангионевроздық ісіну тыныс жолдарының обструкциясына және өлімге әкеп соғуы мүмкін. Мұндай симптомдар пайда болған кезде тері астына дереу эпинефрин (адреналин) (1:1000 сұйылтылған (0,3 немесе 0,5 мл) енгізу және/немесе тыныс жолдарының өткізгіштігін қамтамасыз ету керек. Анамнезінде АӨФ тежегіштерін қабылдаумен байланысты емес Квинке ісінуі байқалған пациенттерде, осы топтағы препараттарды қабылдағанда, оның пайда болу қаупі жоғарылауы мүмкін. Сирек жағдайларда АӨФ тежегіштерімен емдеу аясында ішектің ангионевроздық ісінуі пайда болады. Мұндайда пациенттерде оқшауланған симптом ретінде немесе жүректің айнуымен және құсумен бірге, кейбір жағдайларда бұған дейінгі беттің ангионевроздық ісінуінсіз және С1-эстераза қалыпты деңгейде болғанда, іш ауыруы білінеді. Диагноз құрсақ қуысына компьютерлік томография, ультрадыбыстық зерттеулер жәрдемімен немесе хирургиялық араласым жасаған сәтте анықталады. АӨФ тежегіштерін қабылдауды тоқтатқан кезде симптомдар жойылады. АӨФ тежегіштерін қабылдап жүрген іші ауыратын пациенттерде дифференциальді диагноз жүргізген кезде ішектің ангионевроздық ісінуінің пайда болуы мүмкін екендігін ескеру қажет. Десенсибилизация емшараларын жүргізген кездегі анафилактоидтық реакциялар Жарғақ қанатты жәндіктердің (аралар, соналар) уымен десенсибилизациялаушы ем жүргізу кезінде АӨФ тежегіштерін қабылдап жүрген пациенттерде өмірге қауіп төндіретін ұзақ анафилактоидтық реакциялардың пайда болғаны жөнінде жекелеген мәлімдемелер бар. Десенсибилизация емшарасын қабылдап жүрген, аллергиялық реакцияларға бейім пациенттерге АӨФ тежегіштерін сақтықпен қолдану қажет. Жарғақ қанатты жәндіктердің уымен иммунотерапия қабылдап жүрген пациенттерге АӨФ тежегішін тағайындамаған жөн. Дегенмен, анафилактоидтық реакциялардың пайда болуына, десенсибилизация емшарасын жүргізуден кем дегенде 24 сағат бұрын, АӨФ тежегіштерін уақытша тоқтату арқылы жол бермеуге болады ТТЛП аферезін жүргізген кездегі анафилактоидтық реакциялар Сирек жағдайларда АӨФ тежегіштерін қабылдап жүрген пациенттерде декстран сульфатын пайдаланып ТТЛП аферезін жүргізген кезде өмірге қауіп төндіретін анафилактоидтық реакциялар пайда болуы мүмкін. Анафилактоидтық реакцияларды болдырмау үшін ағыны жоғары жарғақшаларды пайдаланып жүргізілетін ТТЛП аферезінің әрбір емшарасы алдында АӨФ тежегішімен емдеуді тоқтатқан жөн. Гемодиализ АӨФ тежегіштерін қабылдап жүрген пациенттерде ағыны жоғары жарғақшаларды (мысалы, AN69®) пайдалана отырып гемодиализ жүргізген кезде (периндоприл артық дозаланған жағдайларда) анафилактодтық реакциялар білінді. Калий жинақтаушы диуретиктер және калий препараттары Периндоприл мен калий жинақтаушы диуретиктерді, сондай-ақ калий препараттарын және ас тұзының құрамында калий бар алмастырғыштарын бір мезгілде қолдануға болмайды. Жөтел АӨФ тежегіштерімен емдеу аясында құрғақ жөтел пайда болуы мүмкін, ол осы топтағы препараттарды тоқтатқан кезде жойылады. Құрғақ жөтел пайда болған кезде осы симптомның АӨФ тежегіштерін қабылдаумен ықтимал байланысын ескерген жөн. Егер дәрігер АӨФ тежегіштерімен емдеу пациентке қажет деп есептесе, Периндид препаратын қабылдау жалғастырылуы мүмкін. Артериялық гипотензия және/немесе бүйрек жеткіліксіздігі қаупі (ЖСЖ бар, су-электролиттік теңгерімі бұзылған пациенттер және т.б). Ісінулермен және асцитпен, артериялық гипертензиямен, ЖСЖ қатар жүретін бауыр циррозында, әсіресе айқын гиповолемияда және қан плазмасындағы электролиттер мөлшері төмендегенде (тұзсыз диета немесе диуретиктерді ұзақ қабылдау аясында) ренин-ангиотензин-альдостерон жүйесінің (РААЖ) едәуір белсенділенгені байқалуы мүмкін. АӨФ тежегішін қолдану РААЖ блокадасын тудырады, осыған байланысты АҚ күрт төмендеуі және/немесе бүйрек жедел жеткіліксіздігінің пайда болғанын айғақтайтын, қан плазмасындағы креатинин концентрациясы жоғарылауы мүмкін, бұл Периндид препаратының алғашқы дозасын қабылдағанда немесе емдеудің алғашқы екі аптасы ішінде жиі байқалады. Егде жастағы пациенттер Периндид препаратын қабылдар алдында бүйрек функциясына және қан плазмасындағы калий мөлшеріне бағалау керек. Периндид препаратының бастапқы дозасын, әсіресе АҚК азайғанда, АҚ төмендеу дәрежесіне сай іріктейді. Осыған ұқсас шаралар АҚ күрт төмендеуін болдырмауға мүмкіндік береді. Атеросклероз Артериялық гипотензия қаупі барлық пациентте бар, алайда жүректің ишемиялық ауруы бар және ми қан айналымы жеткіліксіздігі бар пациенттерге Периндид препаратын қолданғанда аса сақ болған жөн. Мұндай пациенттерде емдеуді Периндид препаратының 2 мг/0,625 мг дозасынан бастаған жөн (бастапқы доза). Реноваскулярлы гипертензия Бүйрек артериясының анықталған немесе болжам жасалған стенозы бар пациенттерді Периндид препаратымен емдеуді стационар жағдайында, бүйрек функциясын және қан плазмасындағы калий мөлшерін бақылай отырып, Периндид препаратының 2 мг/0,625 мг дозасынан бастаған жөн. Кейбір пациенттерде бүйрек жедел жеткіліксіздігі пайда болуы мүмкін, ол препаратты тоқтатқаннан кейін қайтымды болады. Қант диабеті бар пациенттер Периндид препаратын ішке қабылдауға арналған гипогликемиялық дәрілер немесе инсулин қабылдап жүрген пациенттерге тағайындағанда емнің алғашқы айы ішінде қандағы глюкоза концентрациясын жүйелі түрде бақылап отыру қажет. Этникалық ерекшеліктері Периндоприл (басқа да АӨФ тежегіштері сияқты), басқа нәсіл өкілдерімен салыстырғанда, негроид нәсілді пациенттерде гипертензияға қарсы айқындылығы азырақ әсер берді. Хирургиялық араласымдар/Жалпы анестезия Жалпы анестезия қолдану арқылы хирургиялық араласым жасалған пациенттерде АӨФ тежегіштерін қолдану, әсіресе гипотензивті әсер беретін жалпы анестезияға арналған дәрілерді қолданғанда, АҚ айқын төмендеуіне әкеп соғуы мүмкін. АӨФ тежегіштерін, соның ішінде периндоприлді қабылдауды, АӨФ тежегіштерін қолданып жүргенін дәрігер-анестезиологқа ескертіп, хирургиялық араласымнан 12 сағат бұрын тоқтату керек. Аортальді стеноз/Митральді стеноз/Гипертрофиялық обструктивті кардиомиопатия АӨФ тежегіштері сол жақ қарыншаның шығар жолының обструкциясы бар бар пациенттерге сақтықпен қолданылуы тиіс. Бауыр жеткіліксіздігі Сирек жағдайларда АӨФ тежегіштерін қабылдау аясында холестаздық сарғаю пайда болады, ол өршіген кезде бауырдың фульминантты некрозы пайда болады, кейде өліммен аяқталады. Синдромның пайда болу механизмі анық емес. АӨФ тежегіштерін қабылдау аясында сарғаю пайда болғанда немесе «бауыр» трансаминазасының белсенділігі елеулі жоғарылағанда Периндид препаратын қабылдауды тоқтатқан жөн. Бауыр ауыр жеткіліксіздігінде Периндид препаратын қолдануға болмайды. Анемия Анемия адамдарда бүйрек трансплантациясынан кейін пайда болуы мүмкін. Гиперкалиемия АӨФ тежегіштерімен, соның ішінде, периндоприлмен, емдеу кезінде пайда болуы мүмкін. Гиперкалиемия қаупінің факторлары бүйрек жеткіліксіздігі, егде жас, қант диабеті, кейбір қатар жүретін жағдайлар (АҚК төмендеуі, жедел жүрек жеткіліксіздігінің декомпенсация сатысы, метаболизмдік ацидоз), калий жинақтаушы диуретиктерді (спиронолактон, эплеренон, триамтерен, амилорид сияқты), сондай-ақ калий препараттарын немесе ас тұзының құрамында калий бар алмастырғыштарын және қан плазмасында калий мөлшерінің артуына мүмкіндік беретін басқа да препараттарды (мысалы, гепарин) қолдану болып табылады. Гиперкалиемия жүрек ырғағының ауыр бұзылуларына, кейде өліммен аяқталуына әкеп соғуы мүмкін. Жоғарыда аталған препараттарды біріктіріп қолдануды сақтықпен жүргізу қажет. Индапамид Фотосезімталдық Тиазидті және тиазид тәрізді диуретиктерді қабылдау аясында фотосезімталдықтың жоғарылағаны жөнінде мәлімдемелер бар. Периндид препаратын қабылдау аясында фотосезімталдық реакциясы пайда болғанда емдеуді тоқтату қажет. Егер Периндид препаратын қолдануды қайта жаңғырту қажеттілігі туындаса, терінің ашық жерлерін күннің тура түсуі әсерінен және жасанды ультракүлгін сәулелерден қорғаған жөн. Су-электролиттік теңгерім Қан плазмасындағы натрий мөлшері Периндид препаратымен емдеуді бастағанға дейін қан плазмасындағы натрий мөлшерін анықтау және препаратты қабылдау аясында электролиттерге жүйелі бақылау жүргізу қажет. Барлық диуретикалық дәрілер ауыр асқынуларға әкеп соғатын гипонатриемияны тудыруға қабілетті. Қан плазмасындағы калий мөлшері Тиазидтік және тиазид тәрізді диуретиктермен емдеу мына пациенттерде: егде жастағы, жүдеу пациенттерде, бауыр циррозы, шеткергі ісінулері, асциті, жүректің ишемиялық ауруы, ЖСЖ бар пациенттерде гипокалиемияның (3,4 ммоль/л-ден кем) пайда болу қаупімен байланысты. Осы пациенттерде гипокалиемия жүрек гликозидтерінің уытты әсерін күшейтеді және аритмияның пайда болу қаупін арттырады. Жоғары қауіп тобына ЭКГ-де QT аралығы ұзарған пациенттер жатады. Гипокалиемия, брадикардиядағы сияқты, жүрек ырғағының ауыр бұзылуларының, әсіресе «пируэт» типті аритмияның пайда болуына мүмкіндік береді, ол өліммен аяқталуы мүмкін. Осыған байланысты, емге Периндид препаратын қолдануға болмайды. Қан плазмасындағы кальций мөлшері Тиазидтік және тиазид тәрізді диуретиктер кальцийдің бүйректер арқылы шығарылуын азайтып, қан плазмасындағы кальций мөлшерінің шамалы және уақытша жоғарылауына әкеледі. Айқын гиперкальциемия жасырын гиперпаратиреоздың салдары болуы мүмкін. Қалқанша маңы безі функциясын зерттеу алдында Периндид препаратын қабылдауды тоқтатқан жөн. Қан плазмасындағы глюкоза концентрациясы Қант диабеті бар пациенттерде глюкозаның концентрациясын тексерген жөн. Несеп қышқылы Қан плазмасында несеп қышқылының концентрациялары жоғарылаған пациенттерде Периндид препаратымен емдеу аясында подагра ағымының өршу жиілігі артуы мүмкін. Диуретикалық дәрілер және бүйрек функциясы АҚК төмендеуі нәтижесінде гиповолемия немесе диуретиктерді қабылдаудан туындаған гипонатриемия Периндид препаратымен емдеуді бастаған кезде шумақтық сүзілу жылдамдығының төмендеуіне әкеп соғуы және қан плазмасында креатинин мен мочевина концентрацияларының жоғарылауымен қатар жүруі мүмкін. Спортшылар Индапамид допинг-бақылау жүргізген кезде оң реакция беруі мүмкін. Құрамындағы лактоза Тұқым қуалайтын лактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамадарға қарсы көрсетілімді. 18 жасқа дейінгі балалар мен жасөспірімдер Периндидті 18 жасқа дейінгі балалар мен жасөспірімдерге қолданбаған жөн, өйткені тиімділігі және қауіпсіздігі анықталған жоқ.

Жүктілік Периндидті жүктілік кезеңінде қолдануға болмайды. Жүктілікті жоспарлағанда немесе препаратты қабылдау аясында жүкті болып қалғанда препарат қабылдауды дереу тоқтатқан және басқа гипотензивті емді тағайындаған жөн. Жүкті әйелдерде АӨФ тежегіштеріне тиісті бақыланатын зерттеулер жүргізілген жоқ. Жүктіліктің I триместрінде препараттың әсер етуі жөнінде қолда бар шектеулі деректер препараттың фетоуыттылыққа байланысты кемістіктің туындауына әкелмегенін айғақтайды. Периндидті жүктіліктің I триместрінде қолданбаған жөн, препаратты жүктіліктің II және III триместрлерінде қолдануға болмайды. АӨФ тежегіштерінің жүктіліктің ІІ және ІІІ триместрлерінде ұрыққа ұзақ әсер етуі, оның дамуының бұзылуына (бүйрек функциясының төмендеуіне, олигогидрамнионға, бас сүйектің оссификациясының баяулауына) және жаңа туған нәрестелерде асқынулардың пайда болуына (бүйрек жеткіліксіздігіне, артериялық гипотензияға, гиперкалиемияға) әкеп соғуы мүмкін екендігі белгілі. Жүктіліктің ІІІ триместрінде тиазидтік диуретиктерді ұзақ қолдану әйелде гиповолемияны тудыруы және жатырлық-плаценталық қан ағынын төмендетуі мүмкін, бұл фетоплацентарлы ишемияға және ұрықтың дамуының кідіруіне әкеп соғады. Сирек жағдайларда, босануға дейінгі шамалы уақыт ішінде диуретиктерді қабылдау аясында, жаңа туған нәрестелерде гипогликемия және тромбоцитопения пайда болады. Егер пациент әйел жүктіліктің ІІ және ІІІ триместрлерінде Периндид қабылдаған болса, бас сүйек және бүйрек функциясы жағдайына баға беру үшін ультрадыбыстық зерттеу жүргізу ұсынылады. Анасы АӨФ тежегіштерімен ем қабылдаған жаңа туған нәрестелерде артериялық гипотензия байқалуы мүмкін, осыған байланысты жаңа туған нәрестелер мұқият медициналық бақылауда болуы тиіс. Лактация кезінде Периндидті бала емізу кезеңінде қолдануға болмайды. Периндоприлаттың аздаған мөлшері емшек сүтімен бірге бөлініп шығады. Индапамид емшек сүтімен бірге бөлініп шығады. Тиазидтік диуретиктерді қабылдау емшек сүтінің мөлшерін азайтуы немесе лактацияны бәсеңдетуі мүмкін. Жаңа туған нәрестелерде мұндайда сульфонамид туындыларына жоғары сезімталдық, гипокалиемия және «ядролық» сарғаю пайда болуы мүмкін. Периндоприл мен индапамидті лактация кезеңінде қолдану емшек еметін нәрестеде ауыр асқынуларды туындататын болғандықтан, анасын емдеудің маңыздылығына баға беру және емшек емізу жөнінде немесе препаратты қабылдау жөнінде шешім қабылдау қажет. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Артериялық қысымның өзгеруімен байланысты, әсіресе емнің бас кезінде немесе гипертензияға қарсы басқа дәрілерді қосқанда жекелей реакциялар болуы ықтимал. Соның нәтижесінде автомобильді басқару және зейінді жұмылдыруды талап ететін механизмдермен жұмыс жасау қабілеті төмендеуі мүмкін.

Периндид Потенциальді қауіпті дәрілермен өзара әрекеттесулері Литий препараттары Литий және АӨФ тежегіштерін бір мезгілде қолданғанда қан плазмасында литий концентрациясы және осымен байланысты уытты әсерлер қайтымды түрде жоғарылауы мүмкін. Тиазидтік диуретиктерді қосымша тағайындау литий концентрациясының әрі қарай жоғарылауына мүмкіндік беруі және уыттылықтың біліністері қаупін арттыруы мүмкін. Периндоприл мен индапамид біріктірілімін литий препараттарымен бір мезгілде қолдануға болмайды. Айрықша назар аударуды талап ететін препараттарды біріктіру Баклофен Гипертензияға қарсы әсері күшеюі мүмкін. АҚ және бүйрек функциясын бақылаған жөн, гипотензивті дәрілердің дозасын түзетуді қажет етеді. Қабынуға қарсы стероидты емес препараттар (ҚҚСП), ацетилсалицил қышқылының жоғары дозаларын қоса (тәулігіне 3 г-ден астам) ҚҚСП тағайындау (қабынуға қарсы әсер ететін дозадағы ацетилсалицил қышқылы, циклооксигеназа-2 (ЦОГ-2) тежегіштері және селективті емес ҚҚСП) диуретикалық, натрийуретикалық және гипертензияға қарсы әсерлердің төмендеуіне әкеп соғуы мүмкін. Сұйықтықтарды едәуір жоғалтқанда, сондай-ақ егде жастағы пациенттерде бүйрек жедел жеткіліксіздігі (шумақтық сүзілу жылдамдығының төмендеуі салдарынан) пайда болуы және қан сарысуында калий мөлшері артуы мүмкін. Пациенттерге жоғалған сұйықтықтың орнын толтыру және емнің бас кезінде , сонымен қатар емдеу барысында бүйрек функциясын үнемі бақылау қажет. Назар аударуды талап ететін препараттарды біріктіру Трициклдық антидепрессанттар, психозға қарсы дәрілер (нейролептиктер) Осы топтың препараттары гипертензияға қарсы әсерді күшейтеді және ортостатикалық гипотензия қаупін арттырады (аддитивті әсер). Глюкокортикостероидтар, тетракозактид Гипертензияға қарсы әсердің төмендеуі (глюкокортикостероидтардың әсер етуі нәтижесінде сұйықтықтың және натрий иондарының іркілуі). Басқа да гипотензивті дәрілер: гипертензияға қарсы әсері күшеюі мүмкін. Периндоприл Потенциальді қауіпті дәрілермен өзара әрекеттесулері Калийжинақтаушы диуретиктер (амилорид, спиронолактон, триамтерен, монотерапия түрінде де, сонымен қатар біріктіргенде де) және калий препараттары АӨФ тежегіштері калийдің диуретиктер әсерінен бүйректер арқылы жоғалуын азайтады. Калий жинақтаушы диуретиктерді (мысалы, спиронолактон, триамтерен, амилорид), калий препараттарын және ас тұзының құрамында калий бар алмастырғыштарын бір мезгілде қабылдау қан плазмасында калий мөлшерінің өліммен аяқталатын елеулі жоғарылауына әкеп соғуы мүмкін. Периндоприл мен индапамид біріктірілімін калий препараттарымен бір мезгілде қолдануға болмайды. Айрықша назар аударуды талап ететін препараттарды біріктіру Ішке қабылдауға арналған гипогликемиялық дәрілер (сульфонилмочевина туындылары) және инсулин Төменде көрсетілген әсерлер каптоприл және эналаприл үшін сипатталған. АӨФ тежегіштері қант диабеті бар пациенттерде инсулиннің және сульфонилмочевина туындыларының гипогликемиялық әсерін күшейтуі мүмкін. Гипогликемияның пайда болуы өте сирек байқалады (глюкозаға төзімділіктің және инсулинге қажеттіліктің төмендеуі есебінен). Назар аударуды талап ететін препараттарды біріктіру Аллопуринол, цитостатикалық және иммуносупрессивті дәрілер, глюкокортикостеродтар (жүйелі қолданған кезде) және прокаинамид АӨФ тежегіштерімен бір мезгілде қолдану лейкопения қаупінің жоғарылауымен қатар жүруі мүмкін. Жалпы анестезияға арналған дәрілер АӨФ тежегіштерін және жалпы анестезияға арналған дәрілерді біріктіріп қолдану гипертензияға қарсы әсердің күшеюіне әкеп соғуы мүмкін. Диуретиктер (тиазидтік және «ілмектік») Диуретиктерді жоғары дозаларда қолдану гиповолемияға, ал емдеуге периндоприлді қосу артериялық гипотензияға әкеп соғуы мүмкін. Алтын препараттары АӨФ тежегіштерін, соның ішінде, периндоприлді, инфузиялық түрде алтын препараттарын (натрий ауротиомалаты) қабылдап жүрген пациенттерге тағайындағанда нитратқа ұқсас реакциялар (бет терісінің гиперемиясы, жүректің айнуы, құсу, артериялық гипотензия) байқалды. Индапамид Потенциальді қауіпті дәрілермен өзара әрекеттесуі «Пируэт» типті аритмияны туындатуға қабілетті дәрілік заттар Гипокалиемияның пайда болу қаупіне байланысты, индапамидті «пируэт» типті аритмияны туындатуға қабілетті препараттармен, мысалы, аритмияға қарсы дәрілермен (хинидин, гидрохинидин, дизопирамид, амиодарон, дофетилид, ибутилид, бретилия тозилат, соталол); кейбір нейролептиктермен (хлорпромазин, циамемазин, левомепромазин, тиоридазин, трифлуоперазин); бензамидтермен (амисульприд, сульпирид, сультоприд, тиаприд); бутирофенондармен (дроперидол, галоперидол); басқа да нейролептиктермен (пимозид); бепридил, цизаприд, дифеманил метилсульфаты, венвішілік (в/і) эритромицин, галофантрин, мизоластин, моксифлоксацин, пентамидин, спарфлоксацин, в/і винкамин, метадон, астемизол, терфенадин сияқты басқа препараттармен бір мезгілде қолдануға болмайды («Қолдануға болмайтын жағдайлар» бөлімін қараңыз). Гипокалиемияны туындатуға қабілетті дәрілік заттар Амфотерицин В (в/і), глюко- және минералокортикостероидтар (жүйелік тағайындау кезінде), тетракозактид, асқазан-ішек жолының (АІЖ) моторикасын стимуляциялайтын іш жүргізгіш дәрілер: гипокалиемияның пайда болу қаупі ұлғаяды (аддитивті әсер). Қан плазмасындағы калий мөлшерін бақылау, қажеттілік болғанда оны түзету керек. Жүрек гликозидтерін бір мезгілде қабылдап жүрген пациенттерге айрықша көңіл бөлген жөн. АІЖ моторикасын стимуляцияламайтын іш жүргізгіш дәрілерді қолданған жөн. Жүрек гликозидтері Гипокалиемия жүрек гликозидтерінің уытты әсерін күшейтеді. Индапамидті және жүрек гликозидтерін бір мезгілде қолданғанда қан плазмасындағы калий мөлшерін және ЭКГ көрсеткіштерін бақылаған жөн және, қажет болғанда, емді түзету керек. Назар аударуды талап ететін препараттарды біріктіру Метформин Бүйрек функциясының жеткіліксіздігі әсіресе «ілмектік» диуретиктерді қабылдау аясында пайда болуы мүмкін, метформинді бір мезгілде тағайындағанда сүтқышқылды ацидоздың пайда болу қаупі жоғарылайды. Егер қан плазмасындағы еркектерде креатинин концентрациясы 15 мг/л-ден (135 мкмоль/л) және әйелдерде 12 мг/л-ден (110 мкмоль/л) асып кетсе, метформинді қолданбаған жөн. Құрамында йоды бар контрастты дәрілер Диуретикалық дәрілерді қабылдау аясында организмнің сусыздануы бүйрек жедел жеткіліксіздігінің пайда болу қаупін арттырады, әсіресе құрамында йоды бар контрастты дәрілерді пайдаланған кезде. Пациенттер құрамында йоды бар контрастты заттарды қолданар алдында жоғалған сұйықтықтың орнын толтыруы қажет. Кальций тұздары Бір мезгілде тағайындаған кезде кальций иондарының бүйректер арқылы шығарылуының төмендеуі салдарынан гипокальциемия пайда болуы мүмкін. Циклоспорин Айналымдағы циклоспорин мөлшерінің өзгеруінсіз қан плазмасында креатинин концентрациясы, тіпті сұйықтық пен натрий иондарының мөлшері қалыпты болса да, жоғарылауы мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!