Персен ночной капсулы

Бір капсуланың құрамында белсенді заттар: құрғақ шүйгіншөп тамырының экстрактісі ((4-7):1) 87.50 мг, құрғақ бұрыш жалбызы жапырақтарының экстрактісі ((3-6):1) 17.50 мг, құрғақ сермене жапырақтарының экстрактісі ((3-6):1) 17.50 мг қосымша заттар: магний тотығы, лактоза моногидраты, тальк, магний стеараты, сусыз коллоидты кремнийдің қостотығы. Желатинді капсуланың құрамы: корпусы - желатин, темірдің (III) қызыл тотығы (Е 172), титанның қостотығы (Е 171), темірдің (III) сары тотығы (Е 172), қақпағы - желатин, темірдің (III) қызыл тотығы (Е 172), титанның қостотығы (Е 171), темірдің (III) сары тотығы (Е 172) Сыртқы түрінің, иісінің, дәмінің сипаттамасы Қызыл-қоңыр түсті корпусы мен қақпағы бар, өлшемі 2, қатты желатинді капсулалар. Капсуланың ішіндегісі – қоңыр түсті теңбілдері бар ұнтақ немесе нығыздалған ұнтақ.

Дәстүрлі өсімдік тектес дәрілік препарат, оның тиімділігі нақты жағдайларда ұзақ қолдану шеңберінде дәлелденген. Персен ночной – бұл невроздың (шамадан тыс жүйке ширығуында, мазасыздық, қатты қозу) жеңіл түрлерін және мазасыздықты (ұйықтап кету қиындығы) емдеуде қолданылатын өсімдік тектес тыныштандыратын дәрі.

Әсер ету механизмі. Препараттың фармакодинамикалық әсері шүйгіншөп тамырының (Valeriana officinalis L.), сермене жапырағының (Melissa officinalis L.) және бұрыш жалбызы жапырағының (Mentha piperita L.) белсенді заттар кешенімен анықталады. Шүйгіншөп тамырының құрамында монотерпендермен, сесквитерпендермен эфир майы және валерен қышқылы мен оның туындылары, сондай-ақ хемо- және термолабильді валепотриаттар бар. Осы заттардың кешені тыныштандыратын және босаңсыту әсеріне ие, тышқандардың қозғалысы мен моторикасына әсер етеді, мидағы ГАМК метаболизміне кедергі келтіруі және ОЖЖ-ға тыныштандыратын әсерді жанамалап, рецепторларға әсер етуі мүмкін. Цитраль және нераль стереоизомерлі альдегидтер сермене эфир майының белсенді заттары болып табылады, сондай-ақ жапырақ құрамында полифенолдар (кофеин қышқылы, розмарин қышқылы, хлорогенді қышқыл) бар. Барлық осы заттар жеңіл түйілуді басатын әсерге және ОЖЖ-ға тыныштандыратын әсерге ие (липофильді компонент пен жарғақшаның спецификалық емес әсері). Жалбыз жапырағының құрамында эфир майы (ментолдың негізгі компоненті және оның ацетилденген туындылары), розмарин қышқылы, фенолкарбон қышқылдары (хлорогенді, кофеин), флавондар, тритерпен қышқылдары және басқа компоненттер бар. Бұрыш жалбызы құрамындағы заттардың түйілуді басатын, тұтқырлық, өт айдайтын және бактериостатикалық әсері бар. Персен өсімдік тектес әлсіз әсер ететін транквилизатор болып табылады, күшті әсер ететін транквилизаторларды қолдану орынсыз болғанда, жеңіл бұзылуларды емдеу кезінде алғашқы қадам ретінде қолайлы. • Фармакокинетикалық қасиеттері Ғылыми әдебиеттерде шүйгіншөп тамырының, сермене жапырақтары мен бұрыш жалбызы жапырақтарының фармакокинетикалық қасиеттері туралы мәліметтер жоқ. • Клиникаға дейінгі қауіпсіздік деректері Препараттың жеке белсенді ингредиенттері уытты болып табылмайды. Мутагендік, канцерогендік, тератогендік қаупі және ұрпақ өрбіту функциясына әсері туралы деректер жоқ.

Дозалау режимі Ұйқысыздық кезінде ұйықтағанға дейін Персен® ночной 1 капсуласын жарты сағат-бір сағат бұрын қабылдау ұсынылады. Ересектер мен 12 жастан асқан балалар үшін қатты қозу, шамадан тыс жүйкенің ширығуы кезінде Персен® ночной 2 капсуласын күніне 2 рет қабылдау ұсынылады. Енгізу әдісі және жолы Тамақтану уақытына қарамастан, аз мөлшерде су ішіп, Персен® ночной қабылдау керек. Емдеу ұзақтығы Персен® ночной препаратының емдік әсері бара-бара білінеді. Оңтайлы әсерге қол жеткізу үшін Персен® ночной препаратын кемінде 14 күн қабылдау керек. Емдеуді тоқтатқаннан кейін тәуелділік симптомдары немесе абстиненция синдромы дамымайды. 14 күн өткеннен кейін емдік әсер байқалмаса немесе симптомдар нашарласа, пациент дәрігерге қаралу керек.

Әсер етуші заттарға, ментолға немесе қосымша заттардың кез келгеніне аса жоғары сезімталдық

Жиілігі келесідей анықталды: (өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), белгісіз (қолда бар деректер бойынша бағалау мүмкін емес). Белгісіз - жүрек айнуы, қыжыл немесе бар қыжылдың күшеюі, іштің шаншуы - ГЭРА симптомдарының нашарлауы Егер жоғарыда айтылмаған басқа жағымсыз реакциялар пайда болса, дәрігермен немесе фармацевтпен кеңесу керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: шаршау, іштің түйілуі, үрей, қолдың дірілдеуі, қарашықтың кеңеюі. Бұл симптомдар 24 сағат ішінде жоғалады. Емі: симптоматикалық - асқазанды шаю, адсорбенттерді қабылдау. Шамамен 20 г дозада (шамамен 40 капсула) шүйгіншөп тамыры 24 сағат ішінде жоғалған әлсіз айқындалған симптомдарды (шаршау, іштің түйілуі, кеуде аймағының қысылуы, бас айналу, қол треморы және мидриаз) туындатты. Симптомдар пайда болған кезде емдеу қолдау көрсетуі керек. Сермене жапырақтары мен бұрыш жалбызы жапырақтарының ешқандай артық дозалану жағдайлары туралы хабарланған жоқ.

Персен ночной препаратты осы жас тобында қолдану бойынша деректердің болмауына байланысты 12 жасқа дейінгі балаларға қолдануға ұсынылмайды. Құрамында бұрыш жалбызының жапырақтары бар препараттарды немесе олардың препараттарын, өт-тас ауруы және өт шығару жолдарының басқа аурулары бар пациенттерге қолданған кезде сақ болу керек. Гастроэзофагеальді рефлюкспен ауыратын пациенттерге бұрыш жалбызын қолданудан аулақ болу керек, себебі бұл қыжылды өршітуі мүмкін. Қосымша заттар туралы айрықша сақтандырулар Персен ночной капсулаларының құрамында лактоза бар, сондықтан оларды сирек тұқым қуалайтын галактоза көтере алмаушылығы, Лапп лактаза жеткіліксіздігі немесе глюкоза-галактоза мальабсорбция синдромы бар пациенттерде қолдануға болмайды.

Препаратты жүктілік кезінде қолдану ұсынылмайды. Препаратты лактация кезінде қолдану ұсынылмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлікті және қауіптілігі зор механизмдерді басқару қабілетіне әсер етеді. Емдеу кезінде автокөлікті басқару және қауіптілігі зор механизмдермен жұмыс істеу ұсынылмайды.

Осы дәрілік заттың басқа дәрілік заттармен өзара әрекеттесу зерттеулері жүргізілген жоқ. Басқа дәрілік заттармен фармакологиялық өзара әрекеттесу туралы шектеулі деректер ғана қолжетімді. CYP2D6, CYP3A4 / 5, CYP1A2 немесе CYP2E1 жолдарымен метаболизденетін белсенді заттармен клиникалық маңызды өзара әрекеттесу байқалған жоқ. Пациенттер Дәрілік сермене /Бұрыш жалбызы/ Дәрілік шүйгіншөп дәрілік препаратын қабылдау кезінде алкогольді тұтынудан аулақ болу керек. Дәрігермен кеңеспей, синтетикалық тыныштандыратын препараттармен бір мезгілде қолдану ұсынылмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25оС-ден аспайтын температурада, ылғалдан қорғалған жерде сақтау керек. Балалардың қолы жетпейтін жерде сақтау керек!