Пефсал аэрозоль 25 /50 мкг/доза

Бір доза препараттың құрамында белсенді заттар: салметерол ксинафоаты 36.3 мкг (25 мкг салметеролға баламалы), флутиказон пропионаты 50 мкг, 125 мкг немесе 250 мкг, қосымша заттар: гидрофторалкан (HFA)134а, сусыз этанол 3709 мкг, олеин қышқылы. Сыртқы түрінің, иісінің, дәмінің сипаттамасы Ақтан ақ дерлік түске дейінгі біркелкі суспензия.

Пефсал препараты әсері ұзаққа созылатын β2-агонисімен және ингаляциялық глюкокортикостероидпен (иГКС) біріктірілген ем көрсетілген бронх демікпесі (БД) бар пациенттерде үнемі пайдалануға арналған: - иГКС емдеу және «талап ету бойынша» әсері қысқа β2-агонисін қолдану аясында ауруы жеткіліксіз бақыланатын пациенттерде; - иГКС және әсері ұзаққа созылатын β2-агонистімен емдеу аясында ауруы жеткілікті бақыланатын пациенттерде.

Пефсал - құрамында салметерол мен флутиказон пропионаты бар, әртүрлі әсер ету механизмдеріне ие және ингаляциялық кортикостероидтар мен -агонистердің анағұрлым ыңғайлы қолдану режимін қамтамасыз ететін, біріктірілген препарат. Салметерол бронх түйілуінің туындауына жол бермейді, флутиказон пропионаты сыртқы тыныс алу функциясын жақсартады және жай-күйдің өршуіне жол бермейді. Салметерол Салметерол- ұзақ әсер ететін (12 сағат) 2-адренорецепторлардың селективті агонисі. Салметерол молекуласының рецептордың сыртқы бөлігімен байланысатын ұзын бүйір тізбегі бар. Салметерол гистамин-индукцияланған бронх түйілуді алдын алуда тиімді, бронхдилатацияны туындатады, бронхтардың гиперреактивтілігін төмендетеді. Гистамин, лейкотриендер және простагландин D 2 сияқты жуан жасушалардың өкпе медиаторларының тіндерінде босап шығуын ұзақ уақыт бойы тежейді. Деммен ішке тартылған аллергендерге ерте және кеш реакция кезеңдерін тежейді. Бір дозаны енгізгеннен кейін кеш кезеңді басу 30 сағатқа дейін созылады. Салметеролды бір рет қолдану бронхиалды гипержауапты әлсіретеді, бұл салметеролдың қосымша, бронходилатациялық емес қасиетін көрсетеді, бірақ бұл қасиеттің клиникалық мәні белгісіз. Бұл механизм кортикостероидтардың қабынуға қарсы әсерінен ерекшеленеді. Флутиказон пропионаты Флутиказон пропионаты жергілікті әсер ететін ГКС тобына жатады және ұсынылған дозаларда ингаляциялық енгізу кезінде өкпеде қабынуға қарсы әсер етеді, бұл симптомдар айқындылығының азаюына және демікпенің өршу жиілігінің төмендеуіне әкеледі. Флутиказон пропионатының әсері жүйелік әсер ететін ГКС тән жағымсыз реакциялармен қатар жүрмейді. Флутиказон пропионатын ингаляция түрінде ең жоғары дозада ұзақ уақыт бойы қолданған кезде бүйрекүсті безі қыртысы гормондарының тәуліктік секрециясы ересектер мен балаларда қалыпты шекте қалған. Басқа ингаляциялық ГКС алатын пациенттерді флутиказон пропионатын қабылдауға ауыстырғаннан кейін, бұрын ГКС ішке қабылдағанына қарамастан, бүйрекүсті безі қыртысы гормондарының тәуліктік секрециясы біртіндеп нормаға дейін қалпына келеді. Бұл флутиказон пропионатын ингаляциялық қолдану аясында бүйрекүсті безі функциясының қалпына келуіне нұсқайды. Флутиказон пропионатын ұзақ уақыт бойы қолданған кезде бүйрекүсті безі қыртысының резервтік функциясы да қалыпты шекте қалады, бұл стимуляциялық тест нәтижелерімен расталады. Алайда, бүйрекүсті безінің резервтік функциясының қалдық төмендеуі жүргізілетін емнен кейін ұзақ уақыт бойы сақталуы мүмкін екенін ескеру қажет. Клиникалық тиімділігі және қауіпсіздігі Демікпені бақылауға арналған серетидтің тиімділігі туралы клиникалық зерттеулер Персистирлейтін демікпеге шалдыққан 3416 ересек пен жасөспірім қатысуымен жүргізілген он екі айлық зерттеу (Gaining Optimal Asthma ControL, GOAL) барысында демікпені бақылау мақсаттарына қол жеткізуге болатындығын-болмайтындығын анықтау үшін ингаляциялық кортикостероидпен жүргізілген монотерапия мен (флутиказон пропионаты) салметеролдың қауіпсіздігі мен тиімділігі салыстырылды. Емдеуді әр 12 апта сайын **толық бақылауға қол жеткізгенге дейін немесе зерттелетін препараттың ең жоғары дозасына жеткенге дейін ұлғайтқан. GOAL тек ИКС алған пациенттерге қарағанда салметеролмен ем алған пациенттердің көбі демікпені бақылауға қол жеткізгенін көрсетті және бұл бақылауға кортикостероидтардың анағұрлым төмен дозасы кезінде қол жеткізілген. * Тек ИКС қолдануға қарағанда салметеролды қолданған кезде жақсы бақыланатын демікпеге жылдамырақ қол жеткізілген. Алғашқы жеке жақсы бақыланатын аптаға қол жеткізу үшін субъектілердің 50%-ы үшін емдеу уақыты ИКС тобы үшін 37 күнмен салыстырғанда салметерол үшін 16 күнді құраған. Бұрын стероидтар қабылдамаған демікпемен ауыратындардың қосалқы тобында жеке жақсы бақыланатын аптаға дейінгі уақыт ИКС-пен емдеуден кейінгі 23 күнмен салыстырғанда серетидпен емдеу кезінде 16 күнді құраған. Зерттеудің жалпы нәтижелері келесіні көрсетті: 12 ай ішінде демікпені *дұрыс бақылауға (ДБ) және **толық бақылауға (ТБ) қол жеткізген пациенттердің пайызы Зерттеу аясында алдын-ала емдеу — Салметерол/ФП — ФП ДБ — ТБ — ДБ — ТБ ИКС-сыз (тек KДБА) — 78% — 50% — 70% — 40% ИКС төмен дозалары (күніне беклометазон дипропионаты немесе балама ≤500 микрограмм) — 75% — 44% — 60% — 28% ИКС орташа дозалары (күніне беклометазон дипропионаты немесе балама > 500-ден 1000 микрограммға дейін) — 62% — 29% — 47% — 16% Емдеудің 3 деңгейі бойынша біріктірілген нәтижелер — 71% — 41% — 59% — 28% * Демікпені дұрыс бақылау; 1-ден артық симптомдарды бағалаумен 2 күн немесе одан аз (1-симптомдарды бағалау "күні бойы бір қысқа кезеңдегі симптомдар" ретінде анықталады), KДБА-ны аптасына 4 рет немесе одан аз немесе 2 күн немесе одан аз күн ішінде пайдалану, болжалды шекті таңертеңгі экспирация ағыны 80%-дан асады немесе оған тең, түнгі оянудың болмауы, емді өзгертуді талап ететін жағымсыз әсерлердің және өршулердің болмауы. ** Демікпені толық бақылау; симптомдардың болмауы, КДБА пайдаланудың болмауы, болжамды таңертеңгі шектік дем шығару жылдамдығы 80% - дан артық немесе оған тең, түнгі оянудың болмауы, емді өзгертуді талап ететін жағымсыз әсерлердің және өршулердің болмауы. Осы зерттеудің нәтижелері тәулігіне 2 рет 50/100 мкг дозадағы салметеролды демікпені жылдам бақылауды қажет ететін, орташа ауырлық дәрежедегі персистирлейтін демікпесі бар пациенттерде бастапқы демеуші ем ретінде қарастыруға болады деп болжауға мүмкіндік береді (4.2 бөлімін қараңыз). 18 жастан асқан персистирлейтін демікпеге шалдыққан 318 пациент қатысуымен жүргізілген салыстырмалы жасырын рандомизацияланған параллельді зерттеуде екі апта бойы күніне екі рет (қосарлы доза) екі салметерол ингаляциясының қауіпсіздігі мен жағымдылығы бағаланды. Зерттеу көрсеткендей, серетидтің әрбір концентрациясының ингаляция санын 14 күнге дейін екі есе ұлғайту β-агонистермен байланысты жағымсыз әсерлердің (тремор; 0-ға қарсы 1 пациент [1%], жүректің қағуы; 1-ге [ <1%] қарсы 6 [3%], бұлшықет құрысуы; 1-ге [<1%] қарсы 6[3%]) шамалы ұлғаюына және күніне екі рет бір ингаляциямен салыстырғанда ингаляциялық кортикостероидтармен байланысты жағымсыз құбылыстардың (мысалы, ауыз қуысының уылуы; 16-ға [8%] қарсы 6 [6%] , дауыстың қарлығуы; 4-ке [2%] қарсы 2 [2%]) ұқсас жиілігіне әкелді. Егер дәрігер қосымша қысқа мерзімді (14 күнге дейін) ингаляциялық кортикостероидтармен жүргізілетін емді қажет ететін ересек пациенттерде салметерол дозасын екі есе ұлғайтуды қарастырса, β-агонистермен байланысты жағымсыз құбылыстардың шамалы ұлғаюын назарға алу қажет. Демікпе Демікпені көп орталықты зерттеу (SMART) Salmeterol (SMART) демікпені көп орталықты зерттеу ересектер мен жасөспірімдердегі әдеттегі емге қосылған плацебомен салыстырғанда салметеролдың қауіпсіздігі бағаланған АҚШ-тағы 28 апталық зерттеу болды. Респираторлық аурулармен байланысты өмір үшін қауіптіліктер мен респираторлық аурулармен байланысты өлім-жітімнің жиынтық санының бастапқы нүктесінде айтарлықтай айырмашылықтар болмаса да, зерттеу салметеролмен емделген пациенттерде демікпеге байланысты өлімнің айтарлықтай ұлғайғанын (плацебо қабылдаған 13 179 пациенттің 3 өліммен аяқталған жағдайымен салыстырғанда салметеролмен емделген 13 176 пациенттің 13-і қайтыс болды) көрсетті. Зерттеу ингаляциялық кортикостероидтарды бір мезгілде қолдану әсерін бағалауға арналмаған және субъектілердің тек 47% - ы ғана бастапқы деңгейде ИКС қолданғанын хабарлады. Демікпені бақылау үшін тек флутиказон пропионатымен салыстырғанда салметерол-флутиказон пропионатын қолдану қауіпсіздігі мен тиімділігі Салметерол-флутиказон пропионаты және флутиказон пропионатымен (ФП) монотерапияның қауіпсіздігі мен тиімділігін салыстыру үшін екі көп орталықты 26-апталық зерттеулер, біреуі - ересектер мен жасөспірімдерде бір (AUSTRI сынағы), екіншісі - 4–11 жас аралығындағы балаларда (VESTRI сынағы) жүргізілді. Екі зерттеуде де қосылған субъектілер алдыңғы жылы демікпенің өршуіне немесе анамнездегі демікпеге байланысты ауруханаға жатқызумен орташадан ауыр дәрежеге дейін персистирлейтін демікпеден зардап шеккен. Әрбір зерттеудің негізгі мақсаты демікпемен байланысты күрделі оқиғалар қаупі (демікпеге байланысты ауруханаға жатқызу, эндотрахеальді интубация) тұрғысынан тек ИГКС-пен (ФП) жүргізілген емдеуге ИКС-пен (салметерол-ФП) емге КДБА қосылған емдеу тиімділігі төмен болғанын-болмағанын анықтау болып табылатын. Демікпенің ауыр өршуіне (кем дегенде 3 күн бойы жүйелі кортикостероидтарды қолдануды талап ететін демікпенің нашарлауы немесе жүйелі кортикостероидтарды қажет ететін демікпеге байланысты стационарлық ауруханаға жатқызу немесе жедел жәрдем бөліміне жүгіну ретінде анықталады) қатысты ИКС/KДБА (салметерол-ФП) емінен тек ИКС (ФП) жүргізілетін ем асып түсетінін-түспейтінін бағалау осы тиімділік зерттеулерінің екіншілік мақсаты болды. Жалпы алғанда, 11 679 және 6 208 пациент рандомизацияланды және AUSTRI мен сәйкесінше VESTRI зерттеулерінде ем алды. Бастапқы соңғы нүктеге қатысты екі зерттеуде де қауіпсіздік бірдей ретінде көрсетілді (төмендегі кестені қараңыз). 26-апталық AUSTRI және VESTRI зерттеулерін жүргізу кезінде туындаған демікпеге байланысты күрделі жағымсыз құбылыстар AUSTRI — VESTRI Салметерол-ФП (n = 5 834) — Тек ФП (n = 5 845) — Салметерол-ФП (n = 3 107) — Тек ФП (n = 3 101) Біріктірілген соңғы нүкте (демікпеге байланысты ауруханаға жатқызу, эндотрахеальді интубация және өлім). — 34 (0,6%) — 33 (0,6%) — 27 (0,9%) — 21 (0,7%) Салметерол-ФП/ФП (95% CI) қолданумен байланысты қауіп коэффициенті — 1,029 (0,638-1,662)a — 1,285 (0,726-2,272)b Өліммен аяқталған жағдай — 0 — 0 — 0 — 0 Демікпеге байланысты ауруханаға жатқызу — 34 — 33 — 27 — 21 Эндотрахеальді интубация — 0 — 2 — 0 — 0 a Егер салыстырмалы қауіпке қатысты 95% CI қорытынды жоғарғы бағалау 2,0-ден аспаса, кем емес тиімділігі расталған. b Егер салыстырмалы қауіпке қатысты 95% CI қорытынды жоғарғы бағалау 2,675-тен аспаса, кем емес тиімділігі расталған. Тиімділіктің екіншілік соңғы нүктесіне қатысты салметерол-ФП қолданылған демікпенің ФП-ға қатысты алғашқы өршу уақытын азайту екі зерттеуде де байқалды, дегенмен тек AUSTRI статистикалық маңыздылыққа сәйкес келген: AUSTRI — VESTRI Салметерол-ФП (n = 5 834) — Тек ФП (n = 5 845) — Салметерол-ФП (n = 3 107) — Тек ФП (n = 3 101) Демікпенің өршуімен зерттеу субъектілерінің саны — 480 (8%) — 597 (10%) — 265 (9%) — 309 (10%) Салметерол-ФП/ФП (95% CI) қолданумен байланысты қауіп коэффициенті — 0,787 (0,698, 0,888) — 0,859 (0,729, 1,012) Балалар популяциясы: Демікпе симптомдары бар 6 мен 16 жас аралығындағы 158 бала қатысқан SAM101667 зерттеуінде салметерол / флутиказон пропионатын тең дәрежеде біріктірілген қолдану симптомдар мен өкпе функциясын бақылауға қатысты флутиказон пропионатының дозасын екі есеге арттыру үшін тиімді болып табылған. Бұл зерттеу өршулерге әсерді зерттеу үшін әзірленбеген.

Дозалау режимі Пациент оңтайлы әсер алуы үшін, тіпті аурудың клиникалық симптомдары жоқ болмағанның өзінде, Пефсал препаратын жүйелі түрде пайдалану қажеттілігі туралы хабардар болуы тиіс. Дәрігер препараттың дозалау режимі оңтайлы болып табылатынына сенімді болу үшін пациенттің жай-күйін үнемі бағалауы қажет, препаратты дозалау режимін өзгерту дәрігердің ұсынымы бойынша ғана мүмкін болады. Ауру симптомдарын тиімді бақылау сақталатын препараттың анағұрлым аз дозасын таңдау қажет. Егер ауру симптомдарын бақылау біріктірілген препаратты ең аз дозаларда қолдану арқылы қамтамасыз етілсе (қабылдау жиілігі тәулігіне 2 рет), онда келесі қадам монотерапия ретінде иГКС сынамалы қолдану болуы мүмкін. Егер емдеуші дәрігердің пікірі бойынша ем ауруды жеткілікті бақылауды қамтамасыз ететін болса, әсері ұзаққа созылатын β2-агонисімен ем көрсетілген пациенттерде баламалы ем ретінде Пефсал препаратымен емге ауысу (тәулігіне 1 рет қабылдау жиілігі) орын алуы мүмкін. Мұндай жағдайларда, егер пациентте аурудың түнгі симптомдары байқалса, препаратты түнде қабылдау керек, егер симптомдар негізінен күндізгі уақытта пайда болса, препаратты таңертең қабылдау керек. Флутиказон пропионатының дозасы пациент ауруының ауырлығына сәйкес келетін Пефсал препаратын дозалау режимін таңдаған жөн. Пефсал препараты (салметерол 25 мкг/флутиказон пропионаты 50 мкг) ересектер мен балаларда ауыр БД емдеу үшін арналмаған. β2-агонисі және / немесе ГКС, егер олар ұсынылған дозадан төмен болса, тиісті жекелеген дозаларда пайдалану керек. Ұсынылатын дозалар Ересектер және 12 жастағы және одан асқан жасөспірімдер Пефсал препаратының екі ингаляциясы (салметерол 25 мкг/флутиказон пропионаты 50 мкг) тәулігіне 2 рет немесе Пефсал препаратының екі ингаляциясы (салметерол 25 мкг/флутиказон пропионаты 125 мкг) тәулігіне 2 рет немесе Пефсал препаратының екі ингаляциясы (салметерол 25 мкг/флутиказон пропионаты 250 мкг) тәулігіне 2 рет. Ауруды бақылауды тез қамтамасыз ету қажет болған жағдайларда Пефсал препаратымен жүргізілетін қысқа мерзімді ем ауырлығы орташа персистирлейтін БД (ауру симптомдарының күнделікті дамуы, оларды тез басу үшін дәрілік заттарды күнделікті қолдану, өкпе функциясының орташа немесе айтарлықтай бұзылуы) шалдыққан ересектер мен жасөспірімдерде бастапқы демеуші ем ретінде қарастыруға болады. Мұндай жағдайларда ұсынылған бастапқы доза тәулігіне 2 рет Пефсал препаратының (салметерол 25 мкг/флутиказон пропионаты 50 мкг) екі ингаляциясын құрайды. БД бақылауына қол жеткізгеннен кейін монотерапия ретінде иГКС пайдалану мүмкіндігі туралы мәселені шешу үшін емдеуге қайта бағалау жүргізу керек. иГКС монотерапиясына ауысу кезінде пациенттің жай-күйіне үнемі мониторинг жүргізу керек. Аурудың ауырлық дәрежесін бағалау кезінде бір немесе екі критерий болмаған жағдайда, бастапқы демеуші ем ретінде флутиказон пропионатымен салыстырғанда салметерол/флутиказон пропионаты біріктірілімін ингаляциялық қолдану кезінде елеулі артықшылықтар табылған жоқ. Әдетте, иГКС пациенттердің көпшілігінде бірінші желідегі ем болып қала береді. Пефсал препараты ауырлығы жеңіл БД бастапқы емдеуге арналмаған; Пефсал препараты (салметерол 25 мкг/флутиказон пропионаты 50 мкг) ересектер мен балаларда ауыр БД емдеуге арналмаған. Ауыр БД шалдыққан пациенттерде кез келген біріктірілген препараттарды тіркелген дозаларда қолданар алдында иГКС тиісті дозасын анықтау ұсынылады. 4 жастағы және одан асқан балалар Пефсал препаратының екі ингаляциясы (салметерол 25 мкг/флутиказон пропионаты 50 мкг) тәулігіне 2 рет. Балаларда ингаляциялық қолдану кезінде біріктірілген дәрілік зат құрамындағы флутиказон пропионатының ең жоғары ұсынылған дозасы тәулігіне 2 рет 100 мкг құрайды. Пефсал препаратын 4 жасқа дейінгі балаларда қолдану қауіпсіздігі мен тиімділігі анықталмаған. 12 жасқа дейінгі балалар аэрозольді бүрку (ингалятордың іске қосылуын) мен дем алудың синхрондалуында қиындықтарға тап болуы мүмкін. Аэрозольді бүрку (ингалятордың іске қосылуын) мен дем алудың синхрондалуында қиындықтарға тап болған немесе тап болуы мүмкін пациенттерге спейсерді пайдалану керек. Жақында жүргізілген клиникалық зерттеу нәтижелері спейсерді пайдаланатын бала пациенттерде препараттың құрамына кіретін дәрілік заттардың қан плазмасындағы концентрациясының мәні Мультидиск (Diskus) құрылғысын пайдаланатын бала пациенттерге және спейсерді пайдаланбайтын ересек пациенттерге ұқсас екенін көрсетеді. Спейсерді қолдану ингаляторды пайдаланудың пысықталмаған техникасымен байланысты қиындықтарды болдырмауға көмектеседі. Волюматик (Volumatic) секілді спейсерлік құрылғын пайдалануға (ұлттық нұсқаулықтарда қамтылған ұсынымдарға байланысты) болады. Пациенттер ингалятор мен спейсерді пайдалану техникасы және оларды күтіп-ұстау ережелері туралы тиісті түрде хабардар етілуі тиіс; өкпеге препараттың қажетті мөлшерінің келіп түсуіне кепілдік берілгеніне көз жеткізу үшін пациенттерде ингалятор мен спейсерді қолдану техникасын меңгеру деңгейін тексеру керек. Пациенттерге спейсердің бір түрін пайдалану керек, өйткені спейсердің басқа түрін пайдалануға ауысқан кезде өкпеге түсетін препараттың дозасы өзгеруі мүмкін. Спейсерді пайдалануды бастағаннан кейін немесе спейсердің басқа түрін пайдалануға ауысқан кезде әрдайым препараттың ең аз тиімді дозасын қайта таңдау керек. Пациенттердің ерекше топтары Егде жастағы пациенттер Дозаны түзету қажет емес. Бүйрек жеткіліксіздігі бар пациенттер Дозаны түзету қажет емес. Бауыр жеткіліксіздігі бар пациенттер Бауыр функциясы бұзылған пациенттерде препаратты қолдану туралы деректер жоқ. Енгізу әдісі мен жолы Препарат тек ингаляция қолдануға арналған.

• әсер етуші затқа (заттарға) немесе қосымша заттардың кез келгеніне аса жоғары сезімталдық • 4 жасқа дейінгі балалар

Пефсал препаратының құрамына салметерол және флутиказон пропионаты кіретіндіктен, оны қолданған кезде олардың әрбір дәрілік заттарына жеке-жеке тән (ауырлық типі және дәрежесі) жағымсыз реакциялардың туындауын күтуге болады. Салметерол мен флутиказон пропионатын бір мезгілде қолданған кезде қосымша жағымсыз реакциялар байқалған жоқ. Өте жиі • бас ауыру* • назофарингит#,** Жиі • ауыз қуысы мен жұтқыншақтың кандидозы, пневмония#,*, бронхит#,* • гипокальциемия# • дауыстың қарлығуы/дисфония, жұтқыншақтың тітіркенуі, синусит#,* • соғылу#,* • бұлшықеттің түйілуі, артралгия, миалгия, жарақаттық сынықтар#,* Жиі емес • тері симптомдарының дамуымен аса жоғары сезімталдық реакциялары, респираторлық симптомдардың дамуымен аса жоғары сезімталдық реакциялары (ентігу) • үрей, ұйқының бұзылуы • тремор • катаракта • пальпитация, тахикардия, жүрекше фибрилляциясы, стенокардия • гипергликемия Сирек • жүрек аритмиясы (суправентрикулярлық тахикардияны және экстрасистолияны қоса алғанда) • өңеш кандидозы. • ангионевроздық ісіну (көбінесе бет пен ауыз-жұтқыншақтың ісінуі), респираторлық симптомдардың дамуымен аса жоғары сезімталдық реакциялары (бронх түйілуі), анафилаксиялық шокты қоса, анафилаксиялық реакциялар • Кушинг синдромы, кушингоидты белгілер, бүйрекүсті безінің функциясының тежелуі, балалар мен жасөспірімдерде бой өсуінің баяулауы, сүйек тінінің минералды тығыздығының төмендеуі • мінез-құлықтың бұзылуы, оның ішінде психомоторлы қозу және ашушаңдық (негізінен балаларда) • глаукома • парадоксальді бронх түйілуі Жиілігі белгісіз • көрудің бұзылуы • депрессия, озбырлық (негізінен балаларда). # ӨСОА-мен ауыратын пациенттер қатысқан зерттеуде үш жыл ішінде байқалған жағымсыз реакциялар. * Плацебо қабылдаған топтарда жиі байқалған жағымсыз реакциялар. ** Плацебо қабылдаған топтарда өте жиі байқалған жағымсыз реакциялар. Жекелеген жағымсыз реакциялардың сипаттамасы β 2-агонистерді қолданумен байланысты тремор, пальпитация және бас ауыруы сияқты жағымсыз реакциялар туралы хабарламалар бар, олар, әдетте, өтпелі сипатта болады және емді жалғастырған кезде жоғалады. Ингаляциялық препараттарды қолданған кезде парадоксальді бронх түйілу дамуы мүмкін, бұл ингаляциядан кейін сырылдың жоғарылауымен және ентігумен көріністеледі. Парадоксальді бронх түйілуді жылдам әсер ететін бронходилататордың көмегімен дереу басу керек. Парадоксальді бронх түйілуі дамыған жағдайда Пефсал препаратын қолдануды дереу тоқтату, пациенттің жай-күйін бағалау және қажет болған жағдайда, баламалы дәрілік заттарды пайдалану керек. Препарат құрамында флутиказон пропионатының болуына байланысты кейбір пациенттерде оны қолданған кезде дауыстың қарлығуы және ауыз қуысы мен жұтқыншақтың, және сирек жағдайларда өңештің кандидозы (уылу) байқалуы мүмкін. Егер дәрілік затты әрбір қолданғаннан кейін ауызды сумен шайып және/немесе тісті тазаласа, ауыз қуысы мен жұтқыншақ кандидозының және дауыс қарлығуының туындау қаупі төмендеуі мүмкін. Ауыз қуысы мен жұтқыншақтың симптоматикалық кандидозында препаратпен емдеуді жалғастыра отырып, жергілікті зеңге қарсы дәрілерді қолдануға болады. Балалар Жүйелік әсерлерге мыналар кіруі мүмкін: Кушинг синдромы, кушингоидты белгілер, бүйрекүсті безінің тежелуі және балалар мен жасөспірімдерде бой өсуінің баяулауы. Сондай-ақ, балаларда мазасыздық, ұйқының бұзылуы және мінез-құлықтың бұзылуы, соның ішінде қозу және ашуланшақтық болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Клиникалық зерттеулерде ингаляцияға арналған дозаланған аэрозоль түріндегі салметерол/флутиказон пропионаты біріктірілімінің артық дозалануы туралы деректер жоқ, біріктірілімнің жекелеген компоненттерінің артық дозалануы туралы деректер төменде келтірілген. Салметеролмен артық дозалану Салметеролмен артық дозаланудың белгілері мен симптомдары: бас айналу, систолалық артериялық қысымның жоғарылауы, тремор, бас ауыруы және тахикардия. Препарат құрамына кіретін β2-агонистің артық дозалануы себебінен препат Пефсал емін тоқтату қажет болған жағдайда, ГКС-ті тиісті ауыстыру емін жүргізу туралы мәселені қарау керек. Гипокалиемияның ықтимал дамуына байланысты қан сарысуындағы калий деңгейін бақылау және қажет болған жағдайда құрамында калий бар препараттармен орын басу емін жүргізу керек. Флутиказон пропионатының жедел артық дозалануы Флутиказон пропионатын ұсынылған дозалардан асатын дозаларда ингаляциялық қолданғанда бүйрекүсті безі функциясының уақытша бәсеңдеуі байқалуы мүмкін. Мұндай жағдайларда жедел шаралар қажет емес, өйткені бүйрекүсті безінің функциясы бірнеше күн ішінде қалпына келеді, оны қан плазмасындағы кортизол концентрациясын өлшеу арқылы растауға болады. Ингаляциялық қолданғанда флутиказон пропионатының созылмалы артық дозалануы Флутиказон пропионатының ингаляция түріндегі созылмалы артық дозаланғанда бүйрекүсті бездерінің функциясын бақылау керек, жүйелік ГКС қолдану қажеттілігі туындауы мүмкін. Пациенттің жай-күйі тұрақтанғаннан кейін ұсынылған дозада иГКС емін жалғастыру керек. Флутиказон пропионатымен жедел және созылмалы артық дозаланған жағдайда БД симптомдарын бақылауды қамтамасыз ететін дозада Пефсал препаратымен емдеуді жалғастыру керек.

Пефсал препараты БД жедел симптомдарын басуға арналмаған, олар дамыған кезде жылдам және қысқа әсер ететін бронходилататорды пайдалану қажет. Арнайы сақтандырулар Пефсал препараты БД жедел симптомдарын басуға арналмаған, олар дамыған кезде жылдам және қысқа әсер ететін бронходилататорды пайдалану қажет. Пациенттер БД жедел ұстамасын басуға арналған дәрілік заттың әрқашан өзімен бірге болуы қажет екендігі туралы хабардар болуы тиіс. БД симптомдарының өршуі, елеулі нашарлауы немесе жылдам өршуі кезеңінде Пефсал препаратымен емді бастауға болмайды. Препаратты қолданған кезде БД-мен байланысты ауыр жағымсыз реакциялар, сондай-ақ аурудың өршуі байқалуы мүмкін. Пациенттерді емдеуді жалғастыру қажеттілігі туралы және егер БД симптомдары бақыланбаған немесе Пефсал препаратын қолдану басталғаннан кейін нашарлаған жағдайда емдеуші дәрігерге қаралу қажеттілігі туралы хабардар ету керек. БД жедел ұстамаларын (қысқа әсер ететін бронходилататорлар) тоқтату үшін дәрілік заттарды анағұрлым жиі пайдалану қажеттілігі, сондай-ақ емге жауаптың төмендеуі ауруды бақылаудың нашарлағанын айғақтайды, осындай жағдайларда пациент дәрігерге қаралуы тиіс. БД бақылауының кенеттен және үдемелі нашарлауы пациенттің өміріне ықтимал қауіп төндіреді, мұндай жағдайларда пациентті шұғыл медициналық тексеруден өткізу қажет. ГКС дозасын арттыру қажеттілігі туралы мәселені қараған жөн. БД тиісті бақылауға қол жеткізгеннен кейін препарат дозасын біртіндеп төмендету туралы мәселені қарауға болады; дозаны төмендеткен кезде пациенттің жай-күйіне тұрақты мониторинг жүргізу қажет. Пефсал препаратын ең аз тиімді дозада қолдану керек. БД асқыну қаупіне байланысты Пефсал препаратымен емді кенеттен тоқтатпаған жөн; препараттың дозасын дәрігердің бақылауымен біртіндеп төмендету керек. Құрамында ГКС бар басқа ингаляциялық препараттар сияқты Пефсал препаратын белсенді немесе латентті өкпе туберкулезі, зеңді, вирустық немесе тыныс алу жолдарының басқа инфекциялары бар пациенттерде сақтықпен пайдалану керек. Қажет болған жағдайда дереу тиісті ем жүргізген жөн. Сирек жағдайларда ингаляцияға арналған дозаланған аэрозоль түріндегі салметерол/флутиказон пропионатының біріктірілімін пайдаланған кезде суправентрикулярлы тахикардия, экстрасистолия және жүрекше фибрилляциясы сияқты жүрек аритмиялары пайда болуы мүмкін, сондай-ақ жоғары емдік дозаларда қолданған кезде қан сарысуындағы калий деңгейінің шамалы транзиторлы төмендеуі байқалуы мүмкін. Пефсал препаратын ауыр жүрек-қантамыр аурулары немесе жүрек ырғағының бұзылуы бар пациенттерде, қант диабеті, тиреотоксикозы бар пациенттерде, қан сарысуындағы калий деңгейін төмендетуге бейімділігі бар пациенттерде немесе тиісті түрде түзетілмеген гипокалиемияда сақтықпен пайдалану керек. Өте сирек жағдайларда ингаляцияға арналған дозаланған аэрозоль түріндегі салметерол/флутиказон пропионатының біріктірілімін қолдану кезінде қандағы глюкоза деңгейінің жоғарылауы байқалды, мұны қант диабеті бар пациенттерде Пефсал препаратын пайдалану кезінде ескеру керек. Ингаляциялық препараттарды қолданған кезде парадоксальді бронх түйілуі дамуы мүмкін, ол ингаляциядан кейін бірден сырыл мен ентігудің жоғарылауымен көрінеді. Парадоксальді бронх түйілуді жылдам әсер ететін бронходилататордың көмегімен дереу басу керек. Парадоксальді бронх түйілуі дамыған жағдайда Пефсал препаратын қолдануды дереу тоқтату, пациенттің жай-күйін бағалау және қажет болған жағдайда, баламалы дәрілік заттарды пайдалану керек. β2-агонистерді қолданумен байланысты тремор, пальпитация және бас ауыруы сияқты жағымсыз реакциялар туралы хабарламалар бар, олар, әдетте, өтпелі сипатта болады және емді жалғастырған кезде жоғалады. Кез келген иГКС қолданғанда, әсіресе ұзақ уақыт бойы жоғары дозаларда пайдаланғанда, жүйелік әсерлер дамуы мүмкін. иГКС қолданған кезде мұндай әсерлердің пайда болу ықтималдығы пероральді ГКС қолданғанға қарағанда әлдеқайда төмен. Жүйелік әсерлерге мыналар кіруі мүмкін: Кушинг синдромы, кушингоидты белгілері, бүйрекүсті безінің тежелуі, сүйек минералды тығыздығының төмендеуі, катаракта және глаукома, сондай-ақ сирек жағдайларда психомоторлы қозу, ұйқының бұзылуы, мазасыздық, депрессия және озбырлық сияқты психологиялық және мінез-құлықтың бұзылуы (әсіресе балаларда). Сондықтан пациенттің клиникалық жағдайына үнемі мониторинг жүргізу және БД тиімді бақылауды қамтамасыз ететін иГКС дозасын ең төменгі дозаға дейін төмендету қажет. Жоғары дозаларда иГКС ұзақ емдеу бүйрекүсті безі функциясының бәсеңдеуіне және жедел адреналды криздің дамуына әкелуі мүмкін. Өте сирек жағдайларда бүйрекүсті безі функциясының бәсеңдеуі және жедел адреналды криз, сондай-ақ флутиказон пропионатын 500 мкг-ден 1000 мкг-ға дейінгі дозалар ауқымында қолданғанда тіркелді. Жедел адреналды криздің дамуына әсер ететін факторлар: жарақат, хирургиялық араласым, инфекциялық ауру немесе иГКС дозасының күрт төмендеуі. Бұл жағдайда пайда болатын белгілер әдетте анық анықталмайды және анорексия, іштің ауыруы, дене салмағының төмендеуі, шаршау, бас ауыруы, жүрек айнуы, құсу, артериялық гипотензия, сананың шатасуы, гипогликемия және құрысуды қамтуы мүмкін. Стресстік жағдайлар немесе жоспарлы операциялық араласулар кезеңінде ГКС қосымша қолдану қажеттілігі туралы мәселені қарау керек. Салметерол мен флутиказон пропионатының жүйелі қан ағымына сіңуі негізінен өкпеде орын алады. Спейсерді дозаланған ингалятормен бірге пайдаланған кезде дәрілік заттардың өкпеге түсуі артуы мүмкін, соның нәтижесінде жағымсыз жүйелік реакциялардың пайда болу қаупі артуы мүмкін. Флутиказон пропионатымен ингаляциялық емнің артықшылықтары пероральді ГКС қабылдау қажеттілігін барынша азайтуға мүмкіндік береді, алайда пероральді ГКС емінен аударылатын пациенттер елеулі уақыт кезеңі ішінде бүйрекүсті безі функциясының бәсеңдеуі бойынша қауіп тобында болуы мүмкін. Мұндай пациенттерде Пефсал препаратымен емдеуді аса сақтықпен жүргізген жөн, бұл ретте бүйрекүсті безі қыртысының функциясын үнемі бақылау қажет. Анамнезінде жоғары дозаларда ГКС шұғыл ем қабылдаған пациенттер де қауіп тобында болуы мүмкін. Бүйрекүсті безі функциясының қалдық бұзылыстарының болу ықтималдығын шұғыл және жоспарлы стресс жағдайларында әрқашан назарға алу керек, сондай-ақ ГКС тиісті емінің қажеттілігі туралы мәселені қарау керек. Жоспарлы хирургиялық араласымдар алдында бүйрекүсті безі функциясының бұзылу дәрежесін бағалау үшін маманның кеңесі қажет болуы мүмкін. Ритонавирмен бірге қолданғанда қан плазмасындағы флутиказон пропионатының концентрациясы едәуір артуы мүмкін. Пациент үшін әлеуетті пайдасы ГКС жүйелік жағымсыз реакцияларының пайда болу қаупінен асатын жағдайларды қоспағанда, жоғарыда көрсетілген дәрілік заттарды бір мезгілде пайдалануға болмайды. Жүйелік жағымсыз реакциялардың даму қаупі флутиказон пропионатын CYP3A басқа күшті тежегіштерімен бірге қолданғанда да артады. Үш жылдық клиникалық зерттеу нәтижелері бойынша плацебо қабылдаған пациенттер тобындағы жағдайға қарағанда төменгі тыныс алу жолдарының инфекцияларының, әсіресе пневмония мен бронхиттің пайда болу жиілігі созылмалы обструктивті өкпе ауруы (ӨСОА), салметерол/флутиказон пропионатымен бекітілген дозаларда ингаляция түрінде Мультидиск (Diskus)/Аккухалер (Accuhaler) құрылғысы арқылы ингаляция түрінде ем алған пациенттерде жоғары болды. Бұл зерттеуде ем түріне қарамастан пневмонияның анағұрлым жоғары қаупі егде жастағы пациенттерде, дене салмағының индексі төмен пациенттерде (25 кг/м2-ден аз) және аурудың өте ауыр түріне шалдыққан пациенттерде байқалады (қарқынды дем алу көлемі 1 сек (ҚДК 1) тиісті мәндердің 30% - нан аз). Дәрігер ӨСОА-мен ауыратын пациенттерде пневмонияның және төменгі тыныс алу жолдарының басқа инфекцияларының даму мүмкіндігін әрдайым ескеруі керек, өйткені жоғарыда аталған аурулардың клиникалық көріністеулері мен БД өршуі бір-біріне ұқсас. Егер ауыр дәрежедегі ӨСОА бар пациентте пневмония дамитын болса, салметерол/флутиказон пропионаты біріктірілімімен емге қайта бағалау жүргізу керек. ӨСОА бар пациенттерде Пефсал препаратын қолданудың қауіпсіздігі мен тиімділігі анықталмаған, сондықтан ӨСОА бар пациенттерде осы препаратпен емдеу көрсетілмеген. Кетоконазолмен бірге пайдаланған кезде (жүйелі қолдану) қан плазмасындағы салметеролдың концентрациясы едәуір артады, соның нәтижесінде жүйелік жағымсыз реакциялардың даму жиілігі артуы мүмкін (мысалы, QTc аралығының ұзаруы және пальпитация). Пациент үшін әлеуетті пайдасы соңғысының жүйелік жағымсыз реакцияларының пайда болу қаупінен асатын жағдайларды қоспағанда, кетоконазолды немесе CYP3A4 басқа күшті тежегіштерін салметеролмен біріктіріп пайдалануға болмайды. Көрудің бұзылуы ГКС жергілікті және жүйелі қолданған кезде көрудің бұзылуы пайда болуы мүмкін. Егер пациентте көру жітілігі бұзылса немесе көрудің басқа да бұзылулары дамыса, оның ішінде катарактаны, глаукоманы немесе сирек кездесетін ауруларды, мысалы, ГКС жүйелі және жергілікті қолдану кезінде туындағаны туралы хабарланған орталық серозды хориоретинопатияны (CSCR) қоса алғанда, олардың ықтимал себептерін анықтау мақсатында офтальмологтан кеңес алу қажет. Балалар Жоғары дозаларда (әдетте тәулігіне 1000 мкг және одан жоғары) флутиказон пропионатымен ем алатын 16 жастан кіші балалар мен жасөспірімдер, әсіресе дәрілік затты ұзақ уақыт бойы жоғары дозаларда пайдаланған кезде, жүйелік әсерлердің дамуы бойынша ерекше қауіп тобына енгізілуі мүмкін. Жүйелік әсерлерге мыналар кіруі мүмкін: Кушинг синдромы, кушингоидты белгілер, бүйрекүсті безінің тежелуі, жедел адреналды криз және балалар мен жасөспірімдерде бой өсуінің баяулауы, сондай-ақ сирек жағдайларда психомоторлы қозу, ұйқының бұзылуы, үрей, депрессия және озбырлық сияқты психологиялық және мінез-құлық бұзылыстары (әсіресе балаларда). Балалар мен жасөспірімдерде тыныс алу ағзаларының ауруларын емдеуге мамандандырылған педиатрмен кеңесу туралы мәселені қарау керек. Ұзақ уақыт бойы иГКС емін қабылдаған балаларда өсу қарқынына тұрақты мониторинг жүргізу ұсынылады. иГКС дозасын БД тиімді бақылауды қамтамасыз ететін ең төменгі дозаға дейін төмендету керек. Қосымша заттар Пефсал препаратының құрамында этанолдың (алкогольдің) аздаған мөлшері бар, бір дозада 100 мг-нан кем (2 ингаляция). Спортшылар Пефсал препаратының құрамында допинг-бақылау жүргізу кезінде оң нәтиже беруі мүмкін екі белсенді зат бар екенін назарға алуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне әсер етпейді немесе болмашы әсер етеді.

Жүкті әйелдерде ингаляцияға арналған дозаланған аэрозоль түріндегі салметерол/флутиказон пропионаты біріктірілімін қолдану туралы деректердің едәуір саны бар (жүктіліктің 1000-нан астам нәтижесі), олар оны пайдалану кезінде дамудың туа біткен ауытқулары туындамайтынын және шаранаға және неонатальді дамуға теріс әсер етпейтінін көрсетеді. Пефсал препаратын жүктілік кезеңінде әйелдерде ана үшін күтілетін пайда шарана үшін әлеуетті қауіптен асқан жағдайларда ғана пайдалану керек. Жүкті әйелдерде флутиказон пропионатын анағұрлым аз тиімді дозада қолдану керек, ол БД-ны жеткілікті бақылауды қамтамасыз етеді. Бала емізу Адамдарда салметерол мен флутиказон пропионаты/олардың метаболиттері емшек сүтімен бөлінетіні-бөлінбейтіні белгісіз. Жаңа туған нәрестелер/сәбилер үшін қауіпті жоққа шығаруға болмайды. Бала емізуді тоқтату туралы немесе Пефсал препаратын қолдануды тоқтату туралы шешімді бала үшін бала емізудің пайдасы мен ана үшін емнің пайдасын ескере отырып қабылдау қажет.

β-блокаторлар салметеролдың әсерін әлсіретуі немесе жоюы мүмкін. Селективті емес және селективті β-блокаторларды БД шалдыққан пациенттерде, оларды қолдану өте қажет болып табылатын жағдайларды қоспағанда, пайдалануға болмайды. β2-агонистерімен емдеу ауыр гипокалиемияның дамуына әкелуі мүмкін; ауыр БД жедел ұстамалары кезінде ерекше сақтық шараларын сақтау керек, өйткені бұл әсер ксантин туындыларымен, стероидтармен және диуретиктермен бір мезгілде қолданғанда күшеюі мүмкін. Құрамында β-адреномиметикалық дәрілер бар басқа препараттармен біріктіріп қолданған кезде аддитивті әсер байқалуы мүмкін. Флутиказон пропионаты Қалыпты жағдайларда қан плазмасында ингаляция түрінде қолданғаннан кейін флутиказон пропионатының төмен концентрациясы байқалады, бұл оның қарқынды жүйеалды метаболизмімен және CYP3A4 изоферментімен байланысты ішекте және бауырда жоғары жүйелік клиренсімен байланысты. Осылайша, флутиказон пропионатының басқа дәрілік заттармен клиникалық маңызды өзара әрекеттесуіне қатысу ықтималдылығы аз. Дені сау еріктілердің қатысуымен дәрілік өзара әрекеттесуді зерттеуде ритонавир (CYP3A4 күшті тежегіші) тәулігіне 2 рет 100 мг дозада қан плазмасындағы флутиказон пропионатының (интраназальді қолдану) концентрациясын бірнеше жүз есе арттыруы мүмкін екендігі анықталды, бұл қан сарысуындағы кортизол концентрациясының айтарлықтай төмендеуіне әкеледі. Ингаляция түріндегі флутиказон пропионатын пайдалану кезінде осындай өзара әрекеттесу туралы мәліметтер жоқ, дегенмен ритонавирмен біріктіріп қолдану кезінде қан плазмасындағы флутиказон пропионаты концентрациясының елеулі жоғарылауы күтіледі. Кушинг синдромының дамуы және бүйрекүсті безі функциясының тежелу жағдайлары болды. Пациент үшін әлеуетті пайдасы ГКС жүйелік жағымсыз реакцияларының пайда болу қаупінен асатын жағдайларды қоспағанда, жоғарыда көрсетілген дәрілік заттарды бір мезгілде пайдалануға болмайды. Дені сау еріктілердің қатысуымен жүргізілген шағын клиникалық зерттеу нәтижелеріне сәйкес кетоконазолмен бір мезгілде қолданғанда (CYP3A күшті тежегіші; ритонавирге қарағанда аз дәрежеде изоферментті тежейді) қан плазмасындағы флутиказон пропионатының концентрациясы (бір реттік ингаляция) 150% - ға артты. Дәрілік заттарды біріктіріп қолданған кезде қан плазмасындағы кортизол деңгейі флутиказон пропионатын жеке пайдаланғанға қарағанда едәуір төмендеді. Итраконазолды, құрамында кобицистат бар препараттарды және CYP3A орташа тежегіштерін (мысалы, эритромицин) қоса алғанда, басқа күшті CYP3A тежегіштерімен бір мезгілде қолданған кезде, сондай-ақ қан плазмасындағы флутиказон пропионаты концентрациясының жоғарылауы және оның жүйелік жағымсыз реакцияларының туындау қаупінің ұлғаюы күтіледі. Емделуші үшін емдеудің ықтимал пайдасы ГКС жүйелік жағымсыз реакцияларының пайда болу қаупінен асатын жағдайларды қоспағанда, жоғарыда көрсетілген дәрілік заттардың біріктірілімдерін пайдаланбау керек, бұл ретте осы жағымсыз жүйелік реакцияларды анықтау мақсатында пациенттерге мониторинг жүргізу қажет. Салметерол CYP3A4 күшті тежегіштері 7 күн ішінде кетоконазолдың (тәулігіне бір рет 400 мг, ішке қабылдау) және салметеролдың (тәулігіне 2 рет 50 мкг, ингаляциялық қолдану) біріктірілімін алған 15 дені сау еріктілерде қан плазмасындағы соңғысының концентрациясы едәуір артты (қан плазмасындағы ең жоғары концентрация мәндері (Cmax) және «концентрация-уақыт» қисығының астындағы аудан (AUC) тиісінше 1,4 есе және 15 есе ұлғайды. Бұл салметеролмен немесе кетоконазолмен монотерапия кезінде байқалмайтын салметеролды қолданумен байланысты жүйелік әсерлердің пайда болу жиілігінің артуымен (мысалы, QTc аралығының ұзаруы және пальпитация) қатар жүруі мүмкін. Артериялық қысымға, жүректің жиырылу жиілігіне, қандағы глюкоза мен калий деңгейіне клиникалық маңызды әсер анықталған жоқ. Кетоконазолмен бірге қолданғанда салметеролдың жартылай шығарылу кезеңі ұлғаймады, сондай-ақ қайталап қолданған кезде организмде салметеролдың жинақталуы да байқалмады. Кетоконазолды, пациент үшін ықтимал пайдасы соңғысының жүйелік жағымсыз реакцияларының пайда болу қаупінен асатын жағдайларды қоспағанда, салметеролмен біріктіріп пайдалануға болмайды. Салметеролды басқа күшті CYP3A4 тежегіштерімен (мысалы, итраконазол, телитромицин, ритонавир) біріктіріп қолданғанда осындай дәрілік өзара әрекеттесу қаупі бар болуы мүмкін. CYP3A4 орташа тежегіштері 6 күн ішінде эритромициннің (тәулігіне 3 рет 500 мг, ішке қабылдау) және салметеролдың (тәулігіне 2 рет 50 мкг, ингаляциялық қолдану) біріктірілімін алған 15 дені сау еріктілерде қан плазмасындағы соңғысының концентрациясы жоғарылаған, бірақ бұл өзгерістердің статистикалық маңызы болмаған (Cmax және AUC мәндері 1,4 есе және тиісінше 1,2 есе артқан). Эритромицин мен салметеролды бірге қолданғанда ауыр жағымсыз реакциялар тіркелген жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!