Пикрэй® таблетки 50 мг

Бір таблетканың құрамында белсенді зат - алпелисиб 50 мг, 150 мг және 200 мг. қосымша заттар: микрокристалды целлюлоза (РН 102), маннитол, микрокристалды целлюлоза (РН 101), натрий крахмал гликоляты (А типі), гипромеллоза, магний стеараты, тазартылған су. капсуланың үлбірлі қабықшасының құрамы: қабықтың қара қоспасы: гипромеллоза, темірдің қара тотығы (E172), макрогол 4000, полиэтиленгликоль (ПЭГ) 4000, тальк, қабықтың қызыл қоспасы: гипромеллоза, темірдің қызыл тотығы (E172), макрогол 4000, полиэтиленгликоль (ПЭГ) 4000, тальк. қабықтың ақ қоспасы: гипромеллоза, титанның қостотығы (Е171), макрогол 4000, полиэтиленгликоль (ПЭГ) 4000, тальк, тазартылған су. Сыртқы түрінің иісінің, дәмінің сипаттамасы Үлбірлі қабықпен қапталған таблеткалар. 50 мг: дөңгелек, екі беті дөңес, қиғаш жиекті таблеткалар, үлбірлі қабықпен қапталған, ашық қызғылт түсті, сызығы жоқ, бір жағында «L7» және екінші жағында «NVR» өрнегі бар. 150 мг: сопақша, екі беті дөңес, қиғаш жиекті таблеткалар, үлбірлі қабықпен қапталған, ақшыл қызыл түсті, сызығы жоқ, бір жағында «UL7» және екінші жағында «NVR» өрнегі бар. 200 мг: сопақша, екі беті дөңес, қиғаш жиекті таблеткалар, үлбірлі қабықпен қапталған, ашық қызыл түсті, сызығы жоқ, бір жағында «YL7» және екінші жағында «NVR» өрнегі бар.

Фулвестрантпен біріктірілген Пикрэй препараты менопаузадан кейін әйелдерді және эндокриндік емдеу режимдері уақытында / кейін жүргізілген аурудың үдеуімен 2 типті адамның эпидермалық өсу факторы (HER2) рецепторы бойынша теріс (HR+) гормондық рецепторлар бойынша оң (HR+) PIK3CA (PIK3CA+) генінің мутациясымен таралған немесе метастаздық сүт безі обыры бар ер адамдарды емдеу үшін көрсетілген.

ATХ коды L01EM03 Әсер ету механизмі Алпелисиб I класты фосфатидилинозитол3-киназаның (PI3Kα) α-спецификалық тежегіші болып табылады. PI3K катализдік α-суббірлігін (PIK3CA) кодтайтын гендегі функцияның күшеюімен мутациялар PI3Kα және AKT-сигнализациясының белсендірілуіне, жасушалық трансформация мен әртүрлі in vitro және in vivo үлгілерде ісіктердің пайда болуына әкеледі [2]. Сүт безі обырының жасушалық желілерінде алпелисиб төменгі PI3K нысандарының, соның ішінде AKT фосфорлануын тежеді және PIK3CA мутациясын тасымалдайтын жасуша желілерінде белсенді болды. In vivo алпелисиб PI3K/AKT сигналдық жолын тежеді және ксеногрансплантат үлгілерінде, соның ішінде сүт безі обырының үлгілерінде ісіктің өсуін азайтты. Алпелисибпен емдеу кезінде PI3K тежелуі сүт безі обыры жасушаларында эстроген рецепторларының (ER) транскрипциясының жоғарылауына әкелетіні анықталды. Алпелисиб және фулвестрант біріктірілімі PIK3CA генінің мутациялары бар ER-оң сүт безі обырының жасушалық желілерінен алынған ксенотранслантаттар үлгілеріндегі монотерапия режиміндегі кез келген емдеумен салыстырғанда ісікке қарсы белсенділіктің жоғарылауын көрсетті. PI3K/AKT сигналдық жолы глюкоза гомеостазына сәйкес келеді, ал гипергликемия PI3K тежелуінің күтілетін нысаналы жағымсыз реакциясы болып табылады. Клиникалық тиімділік және қауіпсіздік Пикрэй препаратын қолдану ароматаза тежегіштерімен емдеу кезінде немесе одан кейін ауруы үдеген немесе қайталанған HR+, HER2– (жергілікті немесе метастаздық) сүт безі обыры бар постменопаузадағы ерлер мен әйелдерде алпелисибті фулвестрантпен біріктірілімде қолданудың III фазасының рандомизацияланған салыстырмалы жасырын, плацебо-бақыланатын зерттеуінде бағаланды (CDK4/6 біріктірілімімен немесе онсыз). Барлығы 572 пациент екі когортаға енгізілді: PIK3CA мутациясы бар 1 когортаға және сүт безі обыры кезіндегі PIK3CA мутациясы жоқ 1 когортаға . 1 : 1 қатынасындағы пациенттер фулвестрантпен біріктірілімде 300 мг Пикрэй препаратын немесе фулвестрантпен біріктірілімде плацебо алу үшін рандомизацияланған. Рандомизация өкпеге және/немесе бауырға метастаздардың болуы және CDK4/6 тежегішімен (тежегіштерімен) алдын ала емдеу арқылы стратификацияланды. PIK3CA мутациясы бар когортада бір немесе бірнеше PIK3CA C420R, E542K, E545A, E545D [тек 1635G >T], E545 G, E545K, Q546E, Q546R, H1047L, H1047R немесе H1047Y) мутациясы бар 169 пациент фулвестрантпен біріктірілімде алпелисиб алу үшін рандомизацияланған және 172 пациент фулвестрантпен біріктірілімде плацебо алу үшін рандомизацияланған. Бұл когортада 170 (49,9 %) пациентте бауыр/өкпе метастаздары болды және 20 (5,9 %) пациенттер бұрын CDK4/6 тежегіштерімен ем алды. Осы зерттеуге қатысқан пациенттер жасының медианасы 63 жасты құрады (25 пен 92 жас аралығында). Пациенттердің 44,9%-ның жасы 65 және ≤ 85 жасты құрады. Зерттеуге енгізілген пациенттер еуропалық нәсілге (66,3 %), моңғолоидтық нәсілге (21,7 %), негроидтық нәсілге тиесілі болды немесе афроамерикалықтар (1,2%) болды. Зерттелетін популяцияға PIK3CA мутация когортасында тіркелген және алпелисибпен және фулвестрантпен ем қабылдаған бір ер пациент кірді. Пациенттердің 66,0 және 33,4% -да ECOG шкаласы бойынша жалпы денсаулықты бағалау сәйкесінше 0 және 1 құрады. Бұрын пациенттердің 97,7% - ы эндокринотерапия алған болатын. Пациенттердің 67,7 % -да зерттеуге енгізу алдындағы соңғы емдеу эндокриндік емдеу болды. Летрозол мен анастрозол эндокриндік емдеуде ең көп қолданылатын препараттар болды. Зерттеуге енгізер алдындағы соңғы эндокриндік емдеуді тағайындау пациенттердің 47,8% - да терапиялық емдеу мен пациенттердің 51,9% -да адъювантты емдеу болды. Жалпы алғанда, пациенттердің 85,6 % - да эндокринге резистентті ауру болған; бастапқы эндокриндік резистенттілік (de novo резистенттілігі) пациенттердің 13,2%-да, ал екіншілік эндокриндік резистенттілік (бастапқы реакциядан кейінгі қайталану/үдеу) 72,4%—да тіркелді. Зерттелетін топтарда аурудың демографиялық және бастапқы сипаттамалары, ECOG статусы, ісік жүктемесі мен алдыңғы ісікке қарсы емдеу жақсы теңдестірілген. Рандомизацияланған емдеу кезеңінде алпелисиб 300 мг дозада немесе плацебо тәулігіне бір рет тұрақты негізде ішке қабылдау үшін тағайындалды. Фулвестрант 500 мг дозада бұлшықет ішіне 1 және 15 күндері 1 циклде, содан кейін емдеу кезеңінде 28 күнге созылатын 1 циклде енгізілді (±3 күн енгізу). Пациенттерге зерттеу барысында немесе аурудың үдеуінен кейін плацебо тобынан алпелисиб қабылдау тобына ауысу рұқсат етілмеді. Зерттеудің бастапқы соңғы нүктесі зерттеушінің PIK3CA мутациясы бар пациенттерде бағалауы негізінде «Тығыз ісіктер кезіндегі әсерді бағалау критерийлері» (RECIST v1.1) арқылы бағаланған аурудың үдеуісіз өміршеңдігі (ҮӨ) болды. Негізгі екінші соңғы нүкте PIK3CA мутациясы бар пациенттердің жалпы өміршеңдігі (ЖӨ) болды. Басқа қайталама соңғы нүктелерге PIK3CA мутациясы жоқ пациенттер үшін ҮӨ, PIK3CA мутациясы жоқ пациенттер үшін ЖӨ кіреді. Бастапқы тиімділікті талдау Зерттеу алпелисиб плюс фулвестрантпен емделген пациенттерде плацебо плюс фулвестрантпен емделген пациенттермен салыстырғанда алпелисиб плюс фулвестрант біріктірілімімен емдеу пайдасына аурудың үдеуі немесе өлім қаупі 35%-ға болжамды төмендеуімен PIK3CA мутациясымен когортадағы зерттеушінің бағалауы бойынша ҮӨ-тің статистикалық маңызды жақсарғанын көрсете отырып, ҮӨ-ті түпкілікті талдауда өзінің негізгі мақсатына қол жеткізді. (деректерді есепке алуды тоқтату күні 2018 жыл 12 маусым), (8 кестені қараңыз). 8 кесте.C2301 Зерттеуі. Тиімділіктің бастапқы талдауы — RECIST негізіндегі нәтижелердің түйіндемесі (FAS, PIK3CA мутациясы бар когорта) деректерді есепке алуды тоқтату күні: 2018 жыл 12 маусым Пикрэй препараты + Фулвестрант (n = 169) — Плацебо + Фулвестрант (n = 172) Үдеусіз өміршеңдік медианасы (ҮӨ), айлар (95% СА) Зерттеушінің радиологиялық зерттеуді бағалауы # PIK3CA мутациясы бар когорта (N = 341) — 11,0 (7,5–14,5) — 5,7 (3,7–7,4) Қауіптер қатынасы (95 % СА) — 0,65 (0,50–0,85) p a мәні — 0,00065 Тәуелсіз бақылау комитетінің бағалауы *# PIK3CA мутациясы бар когорта (N = 173) — 11,1 (7,3–16,8) — 3,7 (2,1–5,6) Қауіптер қатынасы (95% СА) — 0,48 (0,32–0,71) р-мәні — Деректер жоқ СА-сенімділік аралығы; N-пациенттер саны; Д/Ж— деректер жоқ. a p-бір жақты стратификацияланған логранг критерийі арқылы есептелген мән. # RECIST 1.1 сәйкес. * Аудитке іріктемелі тәсілдің 50% негізінде. PIK3CA мутациясы бар когортада рандомизация факторларын қолдана отырып, зерттеушінің бағалауы бойынша ҮӨ кіші топтарының талдауы өкпе/бауыр метастаздарының болуына немесе болмауына қарамастан алпелисиб тобының пайдасына емдеудің жалпы тұрақты әсерін көрсетті. Бұрын CDK4/6 тежегіштерін қолданған 20 пациенттің ішінде ҮӨ үшін қауіптер қатынасы (ҚҚ) фулвестрантпен бірге алпелисибті қолдану тобында 5,5 аймен (95% СА: 1,6 16,8) салыстырғанда фулвестрант біріктірілімімен плацебо қолдану тобында 1,8 айға (95% СА: 1,7 3,6) тең медианалық ҮӨ-пен 0,48 (95 % ДИ: 0,17; 1,36) құрады. 2018 жылғы 12 маусымдағы деректерді жинауды тоқтату күнін пайдалана отырып, эндокриндік резистенттілігі бар пациенттердің (ҚҚ= 0,64; 95% СА: 0,49, 0,85, n = 292) және эндокринге сезімтал пациенттердің (ҚҚ= 0,87; 95% СА: 0,35, 2,17, n = 39) кіші тобы үшін ҮӨ нәтижелері алпелисиб + фулвестрант топтары пайдасына болды. PIK3CA мутациясы бар эндокринге сезімтал пациенттерде саны шектеулі болды (n = 39) және нәтижелерді сақтықпен түсіндіру керек. Деректерді жинауды тоқтату күнін 2018 жылдың 12 маусымында пайдалана отырып, бастапқы деңгейде өлшенетін ауруы бар пациенттерде жалпы жауап жиілігі фулвестрант біріктірілімімен алпелисиб тобында 35,7 % (95% СА: 27,4, 44,7) және фулвестрант біріктірілімімен плацебо қолдану тобында 16,2 % (95% СА: 10,4 23,5) құрады. ЖӨ түпкілікті талдауды жүргізу кезінде (деректерді жинауды тоқтату күні 2020 жылғы 23 сәуір) ҮӨ деректеріне қатысты тиімділікке сипаттамалық кейінгі талдау жүргізілді. Рандомизациядан бастап шамамен 42 ай ішінде деректерді жинауды тоқтатуға дейінгі орташа ұзақтықта алынған ҮӨ нәтижелері ҮӨ бастапқы талдауының нәтижелеріне сәйкес келді. Бағалау бойынша, аурудың үдеуі немесе өлім қаупі фулвестрантпен (ҚҚ= 0,64; 95% СА: 0,50, 0,81) біріктірілген алпелисибпен емдеудің пайдасына 36% - ға төмендеді (1сурет). 1 сурет.C2301 зерттеуі-зерттеушінің бағалауы бойынша ҮӨ үшін Каплан-Мейер кестесі (FAS, PIK3CA мутациясы бар когорта): 2020 жылдың 23 сәуірінде деректерді тоқтату күні бар сипаттамалық жаңарту Цензуралау мерзімдеріАлпелисиб + фулв. (n/N = 124/169)Алпелисиб + фулв. (n/N = 149/172)Цензуралау мерзімдеріАлпелисиб + фулв. (n/N = 124/169)Алпелисиб + фулв. (n/N = 149/172)Қауіптер қатынасы = 0,6495 % СА [0,50, 0,81]Қисық Каплан-Мейер медианасы (айлар)Алпелисиб + фулв. 11,0Плацебо + фулв. 5,7Қауіптер қатынасы = 0,6495 % СА [0,50, 0,81]Қисық Каплан-Мейер медианасы (айлар)Алпелисиб + фулв. 11,0Плацебо + фулв. 5,7 Пациентер саны Уақыты (айлар) Уақыт (айлар) — 0 — 4 — 8 — 12 — 16 — 20 — 24 — 28 — 32 — 36 — 40 — 44 — 48 — 52 — 56 Алпелисиб + фулв. — 169 — 123 — 85 — 66 — 54 — 44 — 37 — 29 — 24 — 18 — 12 — 6 — 1 — 0 — 0 Плацебо + фулв. — 172 — 89 — 67 — 51 — 40 — 33 — 22 — 13 — 10 — 7 — 4 — 1 — 1 — 1 — 0 Жалпы өміршеңдіктің соңғы талдауы Зерттеу ЖӨ түпкілікті талдауда өзінің негізгі екінші мақсатына жете алмады. 2020 жылдың 23 сәуіріндегі деректерді есепке алуды тоқтату күніндегі жағдай бойынша фулвестрантпен біріктірілімде алпелисибпен емдеу тобында 87 (51,5 %) және фулвестрантпен біріктірілімде плацебо тобында 94 (54,7 %) өлім жағдайы тіркелді. ҚҚ 0,86 құрады (95% СА: 0,64, 1,15; p = 0,15, біржақты зерттеу) және О'Брайена-Флеминга p тиімділігінің алдын ала белгіленген шегі ≤ 0,0161 аспады. ЖӨ медианасы фулвестрантпен біріктірілімде алпелисиб тобында 39,3 айды (95% СА: 34,1, 44,9) және фулвестрантпен біріктірілімде плацебо қолдану тобында 31,4 айды (95% СА: 26,8 41,3) құрады (2 сурет). Сурет 2.C2301 зерттеуінің негізгі қайталама талдауы-Каплан-Мейер ЖӨ кестесі (FAS, PIK3CA мутациялары бар когорта), 23 сәуір 2020 ж. Цензуралау мерзімдеріАлпелисиб + фулв. (n/N = 124/169)Алпелисиб + фулв. (n/N = 149/172)Цензуралау мерзімдеріАлпелисиб + фулв. (n/N = 124/169)Алпелисиб + фулв. (n/N = 149/172)Қауіптер қатынасы = 0,6495 % СА [0,50, 0,81]Қисық Каплан-Мейер медианасы (айлар)Алпелисиб + фулв. 11,0Плацебо + фулв. 5,7Қауіптер қатынасы = 0,6495 % СА [0,50, 0,81]Қисық Каплан-Мейер медианасы (айлар)Алпелисиб + фулв. 11,0Плацебо + фулв. 5,7 Әлі де қауіп тобындағы пациенттердің саны Уақыты(айлар) — 0 — 2 — 4 — 6 — 8 — 10 — 12 — 14 — 16 — 18 — 20 — 22 — 24 — 26 — 28 — 30 — 32 — 34 — 36 — 38 — 40 — 42 — 44 — 46 — 48 — 50 — 52 — 54 Алпелисиб + фулв. — 169 — 162 — 159 — 156 — 145 — 141 — 138 — 133 — 126 — 122 — 112 — 111 — 108 — 103 — 102 — 94 — 91 — 85 — 68 — 56 — 47 — 35 — 26 — 19 — 9 — 4 — 1 — 0 Плацебо + фулв. — 72 — 164 — 155 — 150 — 149 — 143 — 133 — 126 — 119 — 115 — 111 — 104 — 98 — 92 — 86 — 80 — 74 — 73 — 60 — 49 — 42 — 29 — 20 — 13 — 7 — 6 — 3 — 0 Бұрын CDK4/6I (N = 20) ем қабылдаған пациенттерде фулвестрантпен біріктірілімде алпелисиб тобындағы ЖӨ медианасы фулвестрантпен біріктірілімде плацебо қолдану тобындағы 12,9 аймен (95% СА: 6,7, 38,2) салыстырғанда 29,8 айды (95% СА: 2,5 34,6) құрады (ҚҚ = 0,67; 95% CА: 0,21; 2,18). PIK3CA мутациясы жоқ когорта Ісіктерінде PIK3CA тінінің мутациясы жоқ пациенттерде ҮӨ-ке қатысты артықшылықтар тіркелмеген. CBYL719X2102 зерттеуінде фулвестранттың алдыңғы қолданылуы. Бұрын фулвестрант қабылдаған пациенттер негізгі зерттеуге енгізілген жоқ. CBYL719X2101 I фазалық зерттеуінде 39 пациенттің фулвестрантты алдында қолданғаны тіркелді. PIK3CA мутациялары бар және бастапқы деңгейде өлшенетін ауруы бар 21 пациентте фулвестрантпен біріктірілімде алпелисибпен емдеуге ең жақсы жалпы әсер 7 пациенттегі ішінара әсер, 11 пациенттегі ауру тұрақтылығы және 2 пациенттегі аурудың үдеуі болды. Осылайша, бұрын фулвестрант қабылдаған пациенттерде осы емнің тиімділігі туралы дәлелдер қазіргі уақытта деректердің шектеулі болуына байланысты анықталған жоқ (4.4 бөлімді қараңыз). Бала пациенттер Еуропалық дәрілік заттар агенттігі сүт безі обырын емдеуде бала пациенттердің барлық кіші кластарында Пикрэй препаратын зерттеу нәтижелерін ұсыну бойынша міндеттемелерді орындауды талап ету құқығынан бас тартты (балаларда қолдану туралы ақпаратты алу үшін 4.2 бөлімді қараңыз).

Пикрэй препаратымен емдеуді тек ісікке қарсы препараттарды қолдану бойынша тәжірибесі бар дәрігердің бақылауымен жүргізу керек. Пикрэй препаратымен емдеу үшін ГР-оң, HER2-теріс таралған сүт безі обыры бар пациенттерді бекітілген тестті пайдалана отырып, ісік немесе қан плазмасы үлгілерінде PIK3CA мутациясының болуы негізінде таңдау керек. Егер қан плазмасы үлгісінде мутация табылмаса, ісік тінінің үлгісі, егер ол бар болса, зерттеледі. Дозалау режимі Пикрэй препаратының ұсынылатын дозасы тұрақты негізде ішке тәулігіне бір рет 300 мг (2 × 150 мг, үлбірлі қабықпен қапталған таблеткалар) құрайды. Пикрэй препаратын тамақтан кейін бірден, күнделікті шамамен бір уақытта қабылдау керек (5.2 бөлімді қараңыз). Пикрэй препаратының ең жоғары ұсынылатын тәуліктік дозасы 300 мг құрайды. Пикрэй препаратын фулвестрантпен бірге қолдану керек. Ұсынылған 500 мг фулвестрант дозасын бұлшықет ішіне 1-ші, 15-ші және 29-шы күндері және одан кейін айына бір рет енгізеді. Фулвестрант препаратын тағайындау туралы толық ақпаратты қараңыз. Дозаны түзету Ауыр немесе көтерімсіз жағымсыз дәрілік реакцияларды (ЖДР) түзету үшін Пикрэй препаратын уақытша тоқтату, дозасын азайту және/немесе толығымен тоқтату қажет болуы мүмкін. Жағымсыз дәрілік реакциялар (ЖДР) кезінде дозаны азайтуға (қажет болған жағдайда) арналған нұсқаулар 1 кестеде келтірілген. Дозаны ең көп дегенде 2 төмендету ұсынылады, содан кейін пациентке Пикрэй препаратымен емдеуді толығымен тоқтату керек. Дозаны төмендету алдыңғы ең жоғары уыттылық деректеріне негізделуі керек. 1 кесте.Пикрэй препаратын қабылдау кезінде ЖДР дамығанда дозаны төмендету бойынша ұсыныстар1 Пикрэй препараты дозасының деңгейі — Ұсынылатын доза және дозалау режимі — Таблеткалардың саны мен дозасы Бастапқы доза — Тәулігіне 300 мг үздіксіз — 2 таблетка x 150 мг Бірінші дозаны азайту — Тәулігіне 250 мг үздіксіз — 1 таблетка x 200 мг және 1 таблетка x 50 мг Екінші дозаны азайту — Тәулігіне 200 мг үздіксіз — 1 таблетка x 200 мг 1 Панкреатит кезінде бір ғана дозаны төмендетуге рұқсат етіледі. 2-5 кестелерде бөлек ЖДР түзету үшін Пикрэй препаратын уақытша тоқтату, дозасын азайту немесе толық тоқтату бойынша ұсыныстар берілген. Зертханалық көрсеткіштердің расталуын қоса алғанда, емдеуші дәрігердің клиникалық қорытындысы, егер бұл қажет болса, Пикрэй препаратымен емдеу кезінде пайда/қауіп арақатынасын жеке бағалау негізінде әрбір пациентті емдеу жоспарын анықтауы тиіс. Гипергликемия Гипергликемияны емдеу бойынша тәжірибесі бар дәрігермен кеңесу әрдайым диабет алды жағдайындағы пациенттерді немесе аш қарынға глюкоза деңгейі (FG) > 250 мг/дл немесе 13,9 ммоль/л, дене салмағының индексі (ДСИ ) ≥ 30 немесе ≥ 75 жастағыларды емдеу кезінде қарастырылуы және ұсынылуы керек. Қант диабеті бар пациенттерді емдеу кезінде гипергликемияны емдеу бойынша тәжірибесі бар диабетологпен немесе медициналық қызметкерлермен кеңесу әрқашан жүргізілуі керек. 2 кесте.Дозаны өзгерту және гипергликемияға қолдану Аш қарынға глюкоза деңгейінің мәндері (FG) 1 — Ұсыныстар Дозаны түзету және пациенттерді емдеу тек аш қарынға глюкоза деңгейіне (қан плазмасы/қан) негізделуі керек. > ҚЖШ-160 мг/дл немесе > ҚЖШ-8,9 ммоль/л — Пикрэй препаратының дозасын түзету талап етілмейді. Ішке қабылдауға арналған препараттармен диабетке қарсы емдеуді бастау немесе күшейту 2. > 160–250 мг/дл немесе > 8,9–13,9 ммоль/л — Пикрэй препаратының дозасын түзету талап етілмейді. Ішке қабылдауға арналған препараттармен диабетке қарсы емдеуді бастау немесе күшейту 2. Егер FG көрсеткіші пероральді диабетке қарсы емдеу 2, 3 кезінде 21 күн ішінде ≤ 160 мг/дл немесе 8,9 ммоль/л дейін төмендемесе, Пикрэй препаратының дозасын 1 доза деңгейіне азайтып, нақты FG мәндері негізінде ұсыныстарды орындау керек. > 250–500 мг/дл немесе > 13,9–27,8 ммоль/л — Пикрэй препаратымен емдеуді уақытша тоқтату. Ішке қабылдауға арналған препараттармен2 диабетке қарсы емдеуді бастау немесе күшейту және инсулин3 сияқты диабетке қарсы қосымша препараттарды қолдануды қарастыру Клиникалық көрсетілімдерге сәйкес гипергликемияны тоқтатқанға дейін 1-2 күн. Венаішілік гидратацияны жүргізіп, тиісті емдеу мүмкіндігін қарастырған жөн (мысалы, электролит теңгерімінің бұзылуы/кетоацидоз/гиперосмолярлық бұзылулар кезіндегі араласу). Егер FG тиісті диабетке қарсы емдеу кезінде 3-5 күн ішінде ≤ 160 мг/дл немесе 8,9 ммоль/л дейін төмендесе, Пикрэй препаратын келесі төменірек дозада қайта қабылдау керек. Егер FG тиісті диабетке қарсы емдеу кезінде 3-5 күн ішінде ≤ 160 мг/дл немесе 8,9 ммоль/л дейін төмендемесе гипергликемияны емдеу бойынша тәжірибесі бар дәрігермен кеңесу ұсынылады. Егер FG көрсеткіші ішке қабылдауға арналған препараттармен тиісті диабетке қарсы емдеу кезінде 21 күн ішінде ≤ 160 мг/дл немесе 8,9 ммоль/л дейін2,3 төмендемесе, Пикрэй препаратымен емдеуді тоқтату керек. > 500 мг/дл немесе > 27,8 ммоль/л. — Пикрэй препаратымен емдеуді уақытша тоқтату. Тиісті диабетке қарсы емдеуді 2, 3 бастау немесе күшейту керек (венаішілік гидратацияны жүргізіп, тиісті емдеу мәселесін қарастыру керек (мысалы, электролит теңгерімінің бұзылуы /кетоацидоз/гиперосмолярлық бұзылулары кезіндегі араласу)), 24 сағат ішінде және клиникалық көрсетілімдерге сәйкес қайта тексеру керек. Егер FG ≤ 500 мг/дл немесе ≤ 27,8 ммоль/л дейін төмендесе, FG < 500 мг / дл мәндері бойынша арнайы нұсқауларды орындаңыз. Егер 24 сағаттан кейін FG деңгейі > 500 мг/дл немесе > 27,8 ммоль/л болып расталса, Пикрэй препаратымен емдеуді тұрақты негізде тоқтату керек. Аш қарынға глюкоза деңгейі CTCAE 4.03 CTCAE нұсқасына сәйкес гипергликемияның жіктелуін көрсетеді = Жағымсыз құбылыстардың жалпы терминологиялық критерийлері Метформин, SGLT2 тежегіштері немесе инсулин сенсибилизаторлары (мысалы, тиазолидиндиондар немесе дипептидилпептидаза-4 тежегіштері) сияқты диабетке қарсы препараттарды қабылдауды бастау және қант диабетін емдеу жөніндегі жергілікті нұсқауларды қоса алғанда, дозалау режимі мен дозаны титрлеу жөніндегі нұсқаулар үшін тиісті тағайындау туралы ақпаратты зерттеу керек. Метформинді қолдану III фазалық клиникалық зерттеуде келесідей ұсынылады: метформинді тәулігіне бір рет 500 мг ингаляциялау. Жағымдылығына қарай метформин дозасын тәулігіне екі рет 500 мг-ға дейін, содан кейін таңғы ас кезінде 500 мг және кешкі ас кезінде 1000 мг, содан кейін қажет болған жағдайда тәулігіне екі рет 1000 мг-ға дейін арттыруға болады (4.4 бөлімді қараңыз). III фазалық клиникалық зерттеудің ұсыныстарына сәйкес инсулинді гипергликемия басылғанға дейін 1-2 күн ішінде қолдануға болады. Алайда, Пикрэй препаратын қабылдаудан туындаған гипергликемия жағдайының көпшілігінде Пикрэй препаратының жартылай шығарылуының қысқа мерзімін және Пикрэй препаратын қабылдауды уақытша тоқтатқаннан кейін қандағы глюкоза деңгейінің күтілетін қалыпқа келуін ескере отырып, бұл қажет болмауы мүмкін. Пикрэй препаратын қабылдайтын бастапқы деңгейдегі диабеттік және диабет алды статус, бастапқы деңгейдегі ДСИ ≥ 30 және ≥ 75 жас пациенттерде гипергликемияның даму қаупінің факторлары болып табылатыны анықталды. Бұл қауіп факторлары гипергликемияның кез келген дәрежесі бар пациенттердің 74,7% -да және 3-ші немесе 4-ші дәрежелі гипергликемиясы бар пациенттердің 84,7% -да тіркелген. Бөртулер Антигистаминді препараттарды ішке қолдануды Пикрэй препаратымен емдеуді бастаған кезде профилактикалық тұрғыдан қарастыруға болады. Сонымен қатар, бөртпе симптомдарын емдеу үшін антигистаминді препараттарды қолдану ұсынылады. Кортикостероидтармен жергілікті емдеуді бөртпенің алғашқы белгілерінен бастау керек, ал жүйелік кортикостероидтармен емдеуді бөртпенің орташа және ауыр дәрежесінде қарастыру керек. Бөртпенің ауырлығына қарай 3 кестеде сипатталғандай Пикрэй препаратын уақытша тоқтату, дозасын азайту немесе қолдануды тоқтату қажет болуы мүмкін. 3кесте.Дозаны өзгерту және бөртпе кезінде қолдану Ауырлық дәрежесі 1 — Ұсыныстар Барлық ауырлық дәрежесі — Әрдайым дерматологпен кеңесу мүмкіндігін қарастыру керек. 1 дәреже (Терінің белсенді уыттылығы бар дене беткейінің ауданы < 10% (ДБА)) — Пикрэй препаратының дозасын түзету талап етілмейді. Кортикостероидтармен жергілікті емдеуді бастау. Симптомдарды жеңілдету үшін антигистаминді препараттарды ішке қолдану мүмкіндігін ескеру қажет. Егер тиісті емдеуден кейін 28 күн ішінде белсенді бөртпе кетпесе, жүйелік кортикостероидтардың төмен дозаларын қолдану керек. 2 дәреже (Терінің белсенді уыттылығы бар ДБА 10-30%) — Пикрэй препаратының дозасын түзету талап етілмейді. Ішке қабылдауға арналған кортикостероидтармен және антигистаминді препараттармен жергілікті емдеуді бастау немесе күшейту. Жүйелік кортикостероидтардың төмен дозаларымен емделу мүмкіндігін қарастырыңыз. Егер бөртпе симптомдары 10 күн ішінде ≤ 1 дәрежеге дейін жақсарса, жүйелік кортикостероидтарды қолдануды тоқтатуға болады. 3 дәреже (мысалы, дәрі-дәрмектік емдеуге басылмайтын ауыр бөртпе) (>терінің белсенді уыттылығы бар ДБА 30%) — Бөртпе симптомдары ≤ 1 дәрежеге дейін жақсарғанға дейін Пикрэй препаратын қолдануды уақытша тоқтату. Кортикостероидтармен және антигистаминді препараттармен жергілікті/жүйелік емдеуді бастау немесе күшейту. Бөртпе симптомдары ≤ 1 дәрежеге дейін жақсарған кезде келесі төмен доза деңгейінен бастап Пикрэй препаратын қолдануды қайта бастау. 4 дәреже (мысалы, ауыр буллезді, күлдіреуікті немесе қабыршақтануды тудыратын тері аурулары) (венаішілік антибиотиктерді қолдану көрсеткішімен ауқымды суперинфекцияға байланысты кез келген % ДБА; өмір үшін қауіп төндіретін салдарға ие) — Пикрэй препаратын тұрақты негізде қолдануды тоқтату. 1CTCAE 5.0 нұсқасына сәйкес ауырлық дәрежесі. Диарея немесе колит 4 кесте.Дозаны өзгерту және диарея немесе колит кезінде қолдану Ауырлық дәрежесі 1 — Ұсыныстар 1 дәреже — Пикрэй препаратының дозасын түзету талап етілмейді. Тиісті дәрі-дәрмектік емдеуді бастап, қолданылуына сәйкес мониторинг жүргізіңіз. 2 дәреже 2 — Пикрэй препаратымен емдеуді уақытша тоқтату. Тиісті дәрі-дәрмектік емдеуді бастау немесе күшейту және клиникалық көрсетілімдеріне сәйкес мониторингті жүргізу. Егер диарея немесе колит симптомдары ≥1 дәрежеге дейін жақсарған кезде Пикрэй препаратын сол дозада қолдануды жалғастыру. Диарея немесе ≥ 2 дәрежелі колит симптомдары қайталанған жағдайда, симптомдар ≤ 1 дәрежеге дейін жақсарғанға дейін Пикрэй препаратын қолдануды уақытша тоқтату керек, содан кейін келесі төмен дозадан бастап Пикрэй препаратын қолдануды қайта бастау керек. 3 дәреже 2, 3 — Пикрэй препаратымен емдеуді уақытша тоқтату. Тиісті дәрі-дәрмектік емдеуді бастау немесе күшейту және клиникалық көрсетілімдерге сәйкес мониторингті жүргізу. Егер диарея немесе колит симптомдары ≥1 дәрежеге дейін жақсарған кезде Пикрэй препаратын сол дозада қолдануды жалғастыру. 4 дәреже 2, 3 — Пикрэй препаратын тұрақты негізде қолдануды тоқтату. CTCAE 5.0 нұсқасына сәйкес 1 ауырлық дәрежесі. ≥ 2 дәреже кезінде стероидтарды қолдану сияқты қосымша емдеуді қарастырыңыз. Пациенттерге электролиттерді бақылауды, құсуға қарсы және диареяға қарсы дәрілік заттарды енгізуді және/немесе сұйықтықты толтыруды және клиникалық көрсетілімдерге сәйкес электролиттерді қосуды қоса алғанда, жергілікті стандарттарға сәйкес қосымша емді көрсету қажет. Препарат уыттылығының басқа көріністері 5 кесте.Дозаны өзгерту және уыттылықтың басқа түрлер кезінде қолдану (гипергликемия, бөртпе және диарея немесе колиттен басқа) Ауырлық дәрежесі 1 — Ұсыныстар 1 немесе 2 дәреже — Пикрэй препаратының дозасын түзету талап етілмейді. Тиісті дәрі-дәрмектік емдеуді бастап, қолданылуына сәйкес 2, 3 мониторинг жүргізіңіз. 3 дәреже — Симптомдар ≤ 1 дәрежеге жақсарғанға дейін Пикрэй препаратын қолдануды уақытша тоқтату, содан кейін келесі төмен доза деңгейінен бастап Пикрэй препаратын қолдануды жалғастыру2. 4 дәреже — Пикрэй препаратын тұрақты негізде қолдануды тоқтату 3. CTCAE 5.0 нұсқасына сәйкес ауырлық дәрежесі. 2 2-ші және 3-ші дәрежелі панкреатит кезінде Пикрэй препаратын қолдануды ≤ 1 дәрежеге жақсарғанға дейін уақытша тоқтатып, келесі төмен доза деңгейінен бастап қолдануды қайта бастау керек. Дозаны бір рет ғана төмендетуге рұқсат етіледі. Уытты әсерлердің қайталануы кезінде Пикрэй препаратын тұрақты негізде қолдануды тоқтату керек. 2-ші дәрежелі жалпы билирубин жоғарылаған кезде Пикрэй препаратын симптомдар ≤ 1 дәрежеге жақсарғанға дейін қолдануды уақытша тоқтату керек және басылу ≤ 14 күн ішінде болса, сол дозада қабылдауды қайта бастау немесе басылу > 14 күн ішінде болса, дозаның келесі төменгі деңгейінен бастап қабылдауды қайта бастау керек. Енгізу әдісі мен жолы Пикрэй препаратын тамақтан кейін бірден, күн сайын шамамен бір уақытта қабылдау керек. Емдеу ұзақтығы Препаратпен емдеу клиникалық әсер сақталғанға дейін немесе қолайсыз уыттылық дамығанға дейін жалғасады. Жағымдылықты жақсарту үшін дозаны түзету қажет болуы мүмкін. Дәрілік препараттың бір немесе бірнеше дозасын өткізіп алған жағдайда қажетті шаралар Егер Пикрэй препаратын қабылдау өткізіліп алынса, оны тамақтан кейін бірден және әдеттегі қабылдаудан кейін 9 сағат ішінде қабылдауға болады. 9 сағаттан астам уақыт өткен болса, сол күнгі дозаны өткізіп жіберу керек. Келесі күні Пикрэй препаратын қалыпты уақытта қабылдау керек. Егер пациент Пикрэй препараты дозасын қабылдағаннан кейін құсатын болса, ол сол күні қосымша дозаны қабылдамауы керек және келесі күні әдеттегі дозалау режимін қалыпты уақытта қайта бастауы керек. Пациенттердің ерекше топтары Егде жастағы пациенттер 65 жастан асқан пациенттерде дозаны түзету талап етілмейді. Препаратты ≥ 75 жастағы пациенттерде, атап айтқанда ≥ 85 жастағы пациенттерде қолдану жөніндегі деректер шектеулі. Бүйрек функциясы бұзылған пациенттер Бүйректің жеңіл немесе орташа жеткіліксіздігі бар пациенттерде популяциялық фармакокинетикалық талдау негізінде дозаны түзету талап етілмейді (5.2 бөлімді қараңыз). Осы популяцияда Пикрэй препаратын қолдану тәжірибесі болмағандықтан, бүйректің ауыр жеткіліксіздігі бар пациенттерде препаратты қолданғанда сақ болу керек. Бауыр функциясы бұзылған пациенттер Бауыр функциясы бұзылған қатерлі ауруы жоқ пациенттердің қатысуымен бауыр функциясының бұзылуын зерттеу негізінде жеңіл, орташа немесе ауыр дәрежедегі бауыр функциясы бұзылған пациенттерде (Чайлд-Пью жіктемесі бойынша А, В және С кластары) дозаны түзету талап етілмейтіні анықталды. Бала пациенттер Туғаннан бастап 18 жас аралығындағы балаларда Пикрэй препаратының қауіпсіздігі мен тиімділігі анықталған жоқ. Деректер жоқ. Қолдану тәсілі Пикрэй препараты ішке қабылдауға арналған. Таблеткаларды толығымен жұту керек. Таблеткаларды жұтпас бұрын шайнауға, сындыруға және бөлуге болмайды. Зақымдалған таблеткаларды (сынған, жарылған немесе басқа зақымдану белгілері бар) қабылдауға болмайды.

- әсер етуші затқа немесе қосымша заттардың кез келгеніне аса жоғары сезімталдық

Өте жиі - несеп шығару жолдарының инфекциясы1 - анемия - лимфоциттер санының төмендеуі - тромбоциттер санының төмендеуі - қан плазмасындағы глюкоза деңгейінің жоғарылауы - қан плазмасындағы глюкоза деңгейінің төмендеуі - тәбеттің төмендеуі - гипокалиемия - гипокальциемия - магний деңгейінің төмендеуі - бас ауыруы - дисгевзия4 - диарея - жүрек айнуы - стоматит6 - құсу - іштің ауыруы - диспепсия - бөртпе7 - алопеция - қышу - терінің құрғауы8 - шаршау11 - шырышты қабықтың қабынуы - шеткері ісіну - пирексия - шырышты қабықтың құрғауы12 - дене салмағының төмендеуі - артериялық гипертензия - қандағы креатинин деңгейінің жоғарылауы - гамма-глутамилтрансфераза деңгейінің жоғарылауы - аланинаминотрансфераза деңгейінің жоғарылауы - липаза белсенділігінің жоғарылауы - ішінара белсендірілген тромбопластин уақытының ұлғаюы (ІБТУ) - альбумин деңгейінің төмендеуі Жиі - аса жоғары сезімталдық2 - сусыздандыру - ұйқысыздық - анық көрмеу - көздің құрғау синдромы - лимфа ісінуі - пневмонит5 - тіс ауыруы - гингивит - қызыл иектің ауруы - хейлит - эритема9 - дерматит10 - алақан-табандық эритродизестезия - мультиформалы эритема - бұлшықет түйілуі - миалгия - жақ остеонекрозы - бүйректің жедел жеткіліксіздігі - ісіну13 - гликозилденген гемоглобин деңгейінің жоғарылауы - кетоацидоз3 Жиі емес - панкреатит - Стивенс-Джонсон синдромы Белгісіз - гиперосмолярлы гипергликемиялық кетоздық емес синдром (HHNKS) - колит - эозинофилиямен және жүйелік симптомдармен дәрілік реакция (DRESS) - ангионевроздық ісіну - увеит 1 «Несеп шығару жолдарының инфекциясы» термині уросепсистің бірлі-жарым жағдайын қамтиды. 2 « Аса жоғары сезімталдық» термині сонымен бірге аллергиялық дерматитті қамтиды. 3 «Кетоацидоз» термині сонымен бірге диабеттік кетоацидозды қамтиды. 4 «Дисгевзия» термині сонымен бірге агевзия, гипогевзияны қамтиды. 5 «Пневмонит» термині сонымен бірге өкпенің интерстициалық ауруын қамтиды. 6 «Стоматит» термині сонымен бірге афтозды жаралар мен ауыз қуысының жараларын қамтиды. 7 «Бөртпе» термині сонымен бірге макулопапулезді бөртпе, макулярлы бөртпе, жайылған бөртпе, папулезді бөртпе, қышыма бөртпені қамтиды. 8 «Терінің құрғауы» термині сонымен бірге терінің жарықтары, ксероз және ксеродерманы қамтиды. 9 «Эритема» термині сонымен бірге жайылған эритеманы қамтиды. 10 «Дерматит» термині сонымен бірге акне тәрізді дерматитті қамтиды. 11 «Қажу» термині онымен бірге астенияны қамтиды. 12 «Шырышты қабықтың құрғауы» термині сонымен бірге ауыз қуысының құрғауын, вульвовагиналды құрғақтықты қамтиды. 13 «Ісіну» термині сонымен бірге беттің ісінуін, қабақтың ісінуін қамтиды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар Артық дозалануға байланысты жағымсыз реакциялар Пикрэй препаратының қауіпсіздік бейініне сәйкес келді және гипергликемия, жүрек айну, астения және бөртпелерді қамтыды. Емдеу Қажет болған кезде артық дозаланудың барлық жағдайларында жалпы симптоматикалық және демеу шараларын қабылдау керек. Пикрэй препаратының артық дозалануы кезіндегі антидот белгісіз.

Фулвестрант Бұрын фулвестрант қабылдаған пациенттер туралы шектеулі деректерге байланысты (n = 39, CBYL719X2101 зерттеуі) бұл популяциядағы тиімділік анықталған болып саналмайды. Аса жоғары сезімталдық реакциялары (анафилаксиялық реакцияларды қоса) Басқалардан бөлек, келесілерді қоса алғанда, ентігу, ысыну, бөртпе, қызба немесе тахикардия сияқты симптомдармен көрініс тапқан (анафилаксиялық реакция мен ангионевроздық ісінуді қоса) аса жоғары сезімталдықтың ауыр реакциялары Пикрэй препаратымен емделген пациенттерде тіркелді. Аса жоғары сезімталдықтың ауыр реакциялары бар пациенттерге Пикрэй препаратын қолдануды толығымен тоқтату керек және оны қайта тағайындауға болмайды. Тиісті емді дереу бастау керек. Ауыр тері реакциялары Пикрэй препаратын қолдану кезінде терінің ауыр реакциялары туралы хабарламалар тіркелген. III фазалық клиникалық зерттеуде Стивенс-Джонсон синдромы (ССД) мен мультиформалы эритема (МЭ) сәйкесінше 1 (0,4 %) және 3 (1,1 %) пациенттерде тіркелді. Қолданудың тіркеуден кейінгі кезеңінде эозинофилиямен және жүйелік симптомдармен (DRESS) дәрілік реакция туралы хабарланды. Пикрэй препаратымен емдеуді анамнезінде ауыр тері реакциясы бар пациенттерде бастауға болмайды. Пациенттерге терінің ауыр реакцияларының белгілері мен симптомдары (мысалы, қызбаның продромалдық кезеңі, тұмауға ұқсас симптомдар, шырышты қабықтың зақымдануы немесе үдемелі тері бөртпесі) туралы хабарлау керек. Терінің ауыр реакцияларының белгілері немесе симптомдары болған кезде реакция этиологиясы анықталғанға дейін Пикрэй препаратын қолдануды уақытша тоқтату керек. Дерматологпен кеңесу ұсынылады. Терінің ауыр реакциясы расталған кезде Пикрэй препаратын қолдануды толығымен тоқтату керек. Пикрэй препаратын анамнезінде ауыр тері реакциялары бар пациенттерге қайта қолдануға болмайды. Егер терінің ауыр реакциясы расталмаса, Пикрэй препаратымен емдеуді уақытша тоқтату, дозасын азайту немесе 3 кестеде көрсетілгендей емдеуді толық тоқтату талап етілуі мүмкін. Гипергликемия Пикрэй препаратымен ем алған пациенттерде кейбір жағдайларда гипергликемиялық гиперосмолярлы кетоздық емес синдромға (ГГКЕС) немесе кетоацидозға байланысты ауыр гипергликемия тіркелді. Тіркеуден кейінгі қолдану кезеңінде өлімге әкелетін кетоацидоздың бірнеше жағдайлары туралы хабарланды. III фазалық клиникалық зерттеуде қант диабеті бар (1-2 дәрежесі бар 12 пациенттің 0-де [0 %] және 3-4 дәрежесі бар12 пациенттің 10-да [83,3 %]), 1-2 дәрежесі бар диабет алдындағы 159 пациенттің 43-нде [27,0 %] және 3-4 дәрежесі бар диабет алдындағы 159 пациенттің 77-сінде [48,4%], скрининг кезінде ДСМ ≥ 30 (1-2 дәрежесі бар 74 пациенттің 14-інде [17,6 %] және 3-4 дәрежесі бар 74 пациенттің 38-інде [51,4 %]) немесе ≥ 75 жастағыларда (1-2 дәрежесі бар 34 пациенттің 6-нда [18,9 %] және 3-4 дәрежесі бар 34 пациенттің 19-нда [55,9%]) гипергликемия жиі тіркелді Емдеу басталғаннан кейін гипергликемия тез дамитын болғандықтан, алғашқы 4 аптада, әсіресе клиникалық көрсетілімдер бойынша емдеудің алғашқы 2 аптасында өзін-өзі жиі бақылау ұсынылады. 6 кестеде аш қарынға глюкоза деңгейін бақылаудың ұсынылған нақты кестесі келтірілген. III фазалық клиникалық зерттеуде анамнезінде қант диабеті бар пациенттерде Пикрэй препаратымен емдеу кезінде диабетке қарсы препараттарды қабылдау күшейтілді. Барлық пациенттерге гипергликемия симптомдарын (мысалы, диеталық шектеулер және физикалық белсенділік) азайтуға себеп болатын өмір салтын өзгертулер туралы нұсқаулық берілуі тиіс. Таблица 6.Аш қарынға глюкоза деңгейін бақылау кестесі Пикрэй препаратымен емделетін барлық пациенттерде аш қарынға глюкоза деңгейін және HbA1c деңгейін бақылаудың ұсынылатын кестесі — Пикрэй препаратымен емделетін қант диабеті бар, диабет алды пациенттердің, ДСИ ≥ 30 немесе ≥75 жастағы пациенттердің аш қарынға глюкоза деңгейін және HbA1c деңгейін бақылаудың ұсынылатын кестесі Скрининг кезінде, Пикрэй препаратымен емдеу басталғанға дейін — Аш қарынға қан плазмасындағы глюкозаны анықтау талдауы (АПГ), HbA1c және пациент қанындағы глюкоза деңгейін оңтайландыру (2 кестені қараңыз). Пикрэй препаратымен емдеуді бастағаннан кейін — Аш қарынға глюкоза деңгейін бақылауды ем басталғаннан кейін 1, 2, 4, 6 және 8 аптадан кейін, содан кейін ай сайын жүргізу керек. Аш қарынға глюкоза деңгейін үнемі бақылау/өзін-өзі бақылау, көбінесе алғашқы 4 аптада, әсіресе емдеудің алғашқы 2 аптасында, медицина қызметкерінің нұсқаулықтарына сәйкес жүргізілуі керек *. — Емдеудің алғашқы 2 аптасында аш қарынға глюкоза деңгейінің күнделікті бақылауы/өзін-өзі бақылауы жүргізілуі керек. Содан кейін медицина қызметкерінің нұсқаулықтарына сәйкес гипергликемияны бақылау үшін қажет болғанға дейін жиі аш қарынға глюкоза деңгейін бақылауды жалғастырыңыз*. HbA1c көрсеткішін әр 3 ай сайын 4 аптадан кейін бақылау керек. Пикрэй препаратымен емдеуді бастағаннан кейін гипергликемия дамыған кезде — Жергілікті медициналық көмек стандарттарына сәйкес ең болмағанда аш қарынға глюкоза деңгейі қалыпты деңгейге төмендегенге дейін аш қарынға глюкозаны тұрақты бақылау керек. Диабетке қарсы препараттармен емдеу кезінде аш қарынға глюкоза деңгейін аптасына кемінде бір рет 8 апта бойы, содан кейін 2 апта сайын бір рет бақылауды жалғастыру керек және гипергликемияны емдеуде тәжірибесі бар медицина қызметкерінің нұсқаулықтарына сәйкес аш қарынға глюкоза деңгейін бақылау керек. * Глюкоза деңгейінің барлық мониторингісі клиникалық көрсетілімдерге сәйкес дәрігердің қарауы бойынша жүргізілуі керек. Пациенттерге гипергликемияның белгілері мен симптомдары (мысалы, шамадан тыс шөлдеу, әдеттегіден тыс жиі несеп шығару немесе әдеттегіден тыс көп несеп шығару, дене салмағының жоғалуымен тәбеттің жоғарылауы). туралы хабарлау керек Гипергликемиясы бар 191 пациенттің 86,9%-ы (166/191) диабетке қарсы препараттарды қабылдады, ал 75,9%-ы (145/191) метформинді монотерапия ретінде немесе басқа диабетке қарсы препараттармен (мысалы, инсулин, дипептидилпептидаза-4 тежегіштері (DPP-4), SGLT2 және сульфонилмочевина туындылары) біріктіріп қолданғанын хабарлады. Пероральді диабетке қарсы препараттарды 157 пациент қолданды. Осы 154 пациенттің 17-сі (11,0 %) гипергликемияға байланысты зерттелетін препаратты қабылдауды тоқтатты. Инсулинмен қатар емді 54 пациент қолданды; оның 13-і (24,1 %) гипергликемияға байланысты зерттелетін препаратты қабылдауды тоқтатты. ≥ 2 дәрежелі гипергликемиясы бар 164 пациенттің 155-інде кем дегенде 1 дәрежеге жақсарғаны тіркелді, бірінші құбылыста жақсаруға дейінгі орташа уақыт 8 күнді құрады (95% СА: 8-ден 10 күнге дейін). Пикрэй препаратын (n = 61) тоқтатқаннан кейін фулвестрантпен емдеуді жалғастырған жоғары АПГ деңгейі бар барлық пациенттерде 93,4 % (n = 57) АПГ деңгейі бастапқы деңгейдегі көрсеткіштерге қайта оралды. 1 типті қант диабеті және бақыланбайтын 2 типті қант диабеті бар пациенттер III фазалық клиникалық зерттеуден шығарылғандықтан, оларда Пикрэй препаратының қауіпсіздігі анықталмаған. Зерттеуге анамнезінде 2 типті қант диабеті бар пациенттер кірді. Анамнезінде қант диабеті бар пациенттерге диабеттің күшейтілген емі қажет болуы мүмкін және олар мұқият бақылауда болуы тиіс. Гипергликемия ауырлығына қарай 2 кестеде сипатталғандай Пикрэй препаратын уақытша тоқтату, дозасын азайту немесе қолдануды тоқтату қажет болуы мүмкін. Пневмонит Клиникалық зерттеулерде Пикрэй препаратымен емделген пациенттерде пневмониттің/өкпенің жедел интерстициалық ауруының ауыр жағдайлары, пневмонит жағдайлары туралы хабарланды. Пациенттерге барлық жаңа респираторлық симптомдар немесе жай-күйдің нашарлауы туралы дереу хабарлау ұсынылады. Респираторлық симптомдарға немесе пневмониттің дамуына күдік туғызуға байланысты жаңа симптомдары немесе жай-күйінің нашарлауы бар пациенттерде Пикрэй препаратымен емдеуді дереу уақытша тоқтатып, пациентте пневмониттің бар-жоғын тексеру керек. Инфекциялық емес пневмонит диагнозын пациенттерде рентгенологиялық зерттеу кезінде гипоксия, жөтел, ентігу немесе интерстициялық инфильтраттар сияқты тыныс алу жүйесі ағзаларының спецификалық емес белгілері мен симптомдары дамыған кезде, сондай-ақ инфекциялық, ісіктік және осындай көріністердің басқа да себептерінің тиісті диагностикалық зерттеулері арқылы жоққа шығарған кезде болжау керек. Пикрэй препаратын қолдануды расталған пневмониті бар барлық пациенттерде толығымен тоқтату керек. Диарея немесе колит Пациенттерді диареяға және іштің ауыруы, нәжісте шырыш немесе қанның болуы сияқты колиттің басқа симптомдарына бақылау керек. Пикрэй препаратымен емдеу кезінде дұрыс емдеу кезінде шешімін тапқан ауыр диарея және сусыздану және бүйректің жедел жеткіліксіздігі сияқты клиникалық асқынулар туралы хабарланды. Пикрэй препаратымен емдеу кезінде пациенттердің 59,9 % -да (n = 170) диарея тіркелген. 3-ші дәрежелі диарея 4-ші дәрежелі диарея жағдайлары анықталмаған пациенттердің 7,4 % - да (n = 21) тіркелді. 2-ші немесе 3-ші дәрежелі диареясы бар пациенттерде (n = 79) аурудың басталуына дейінгі уақыт медианасы 54 күнді құрады (ауқымы: 1-954 күн). Пикрэй препараты дозасын төмендету пациенттердің 6,3% - да қажет болды, ал пациенттердің 2,8% - ы диареяның дамуына байланысты Пикрэй препаратын қабылдауды тоқтатты. Диареясы бар 170 пациенттің 65,3% -да (111/170) симптомдарды жеңілдету үшін диареяға қарсы препараттарды (мысалы, лоперамид) қабылдау қажет болды. Диареяның немесе колиттің ауырлығына қарай 4 кестеде сипатталғандай Пикрэй препаратын уақытша тоқтату, дозасын азайту немесе қолдануды тоқтату қажет болуы мүмкін. Пациенттерге диареяға қарсы препараттармен емдеуді бастап, сұйықтықты пероральді қабылдау мөлшерін көбейту және Пикрэй препаратын қабылдау кезінде диарея немесе колиттің басқа симптомдары пайда болса, бұл туралы өз дәрігеріне хабарлау ұсынылады. Колит жағдайында клиникалық көрсетілімдерге сәйкес стероидтарды қолдану сияқты қосымша емдеу туралы шешім қабылдануы мүмкін. Жақ остеонекрозы Пикрэй препаратын және бисфосфонаттарды немесе RANK-лиганд тежегіштерін (мысалы, деносумаб) бір мезгілде немесе бірізді қолданғанда сақ болу керек. Пикрэй препаратымен емдеуді бисфосфонаттармен/деносумабпен алдыңғы немесе бір мезгілде емдеу салдарынан жалғасып жатқан жақтың остеонекрозы бар пациенттерде бастауға болмайды. Пациенттерге Пикрэй препаратымен емдеу кезінде ауыз қуысының кез келген жаңа немесе нашарлататын симптомдары (тістердің қозғалғыштығы, ауырсыну немесе ісіну, ауыздың жазылмайтын жаралары немесе бөліністері) туралы дереу хабарлауды кеңес ету керек. Дамып келе жатқан жақ остеонекрозы бар пациенттерде стандартты дәрі-дәрмекпен емдеуді бастау керек. Ішкі ағзалардың симптоматикалық ауруы Ішкі ағзалардың симптоматикалық ауруы бар пациенттерде осы препаратты қолданудың тиімділігі мен қауіпсіздігі зерттелмеген. Натрий Бұл дәрілік препараттың құрамында үлбірлі қабықпен қапталған бір таблеткаға 1 ммольден аз натрий (23 мг) бар, яғни, іс жүзінде «құрамында натрий жоқ» дерлік. Арнайы ескертулер Пикрэй препараты менопаузадан кейінгі ерлер мен әйелдерге арналған. Препарат жүкті немесе бала емізетін әйелдерде қолдануға ұсынылмайды. Бала туу жасындағы әйелдер / әйелдер мен еркектерге арналған контрацепция Ұрпақ өрбітуге қабілетті әйелдерге жануарларға жүргізілген зерттеулер мен әсер ету механизмі Пикрэй препаратының өсіп келе жатқан шаранаға зиян тигізуі мүмкін екенін көрсеткенін хабарлау керек. Егеуқұйрықтар мен үй қояндары эмбрионы мен ұрығының дамуына жасалған зерттеулер органогенез кезінде Пикрэй препаратын пероральді енгізу эмбриоуыттылықты, фетоуыттылықты және тератогенділікті тудыратынын мүмкін екенін анықтады. Егер ұрпақ өрбітуге қабілетті жастағы әйелдер Пикрэй препаратын қабылдайтын болса, оларға Пикрэй препаратын қабылдау кезінде және Пикрэй препаратымен емдеуді тоқтатқаннан кейін кемінде 1 апта ішінде тиімді контрацепцияны (мысалы, қосарлы бөгет әдісін) қолдану керек. Жүкті жыныстық серіктестері бар немесе жүкті болуы мүмкін серіктестері бар ер жынысты пациенттер Пикрэй препаратымен емдеу кезінде және Пикрэй препаратын қабылдауды тоқтатқаннан кейін кем дегенде 1 апта бойы жыныстық қатынаста мүшеқаптарды қолдануы керек. Фулвестрант препаратын қолдану жөніндегі нұсқаулықты «Арнайы ескертулер» бөлімінен қараңыз. Жүктілік Пикрэй препаратын жүкті әйелдерде немесе жүкті болуы мүмкін әйелдерде қолдануға ұсынылмайды және болмайды. Жүкті әйелдерде Пикрэй препаратын қолдану туралы деректер жоқ. Жануарларға жүргізілген зерттеулер репродуктивті функцияға уытты әсер ететіндігін көрсетті. Пикрэй препаратын жүктілік кезінде және контрацепция әдістерін қолданбайтын ұрпақ өрбіту қабілеті сақталған әйелдерде қолдану ұсынылмайды. Ұрпақ өрбітуге қабілетті әйелдердің жүктілік статусы Пикрэй препаратымен емдеуді бастағанға дейін расталуы тиіс. Бала емізу Пикрэй препаратының емшек сүтімен шығарылуы туралы деректер жоқ. Еметін балаларда ауыр жағымсыз дәрілік реакциялардың даму ықтималдығына байланысты әйелдерге емделу кезінде және Пикрэй препаратының соңғы дозасынан кейін кемінде 1 апта бойы баланы емізуден бас тарту ұсынылады. Фертильділік Пикрэй препаратының ұрпақ өрбіту функциясына әсері туралы клиникалық деректер жоқ. Жануарларға жүргізілген бірнеше дозаның уыттылығын зерттеу негізінде Пикрэй препараты ұрпақ өрбітуге қабілетті ерлер мен әйелдерде ұрпақ өрбіту функциясын төмендетуі мүмкін екені анықталды. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Пикрэй препараты көлік құралдары мен механизмдерді басқару қабілетіне болмашы әсер етеді. Пациенттер емделу кезінде шаршауды немесе анық көрмеуді сезінетін болса, оларға көлік құралдары мен механизмдерді басқарғанда сақ болу керектігін ескерту керек.

Нұсқаулықта көрсетілмеген.

Қан плазмасында Пикрэй препаратының концентрациясын арттыруға қабілетті препараттар Сүт безі обырына резистенттілік ақуызының тежегіштері Алпелисиб in vitro BCRP субстраты болып табылады. BCRP Пикрэй препаратының гепатобилиарлы экспортына және ішектік секрециясына қатысады, сондықтан элиминация кезінде бауыр мен ішекте BCRP тежелуі Пикрэй препаратының жүйелік әсерінің жоғарылауына әкелуі мүмкін. Осы себепке байланысты BCRP тежегіштерімен (мысалы, элтромбопаг, лапатиниб, пантопразол) бір мезгілде емдегенде абай болу және уыттылықты бақылау ұсынылады. Қан плазмасындағы Пикрэй препаратының концентрациясын төмендетуге қабілетті препараттар Антацидтік препараттар Н2-ранитидин рецепторларының антагонистін ішке 300 мг бір реттік дозамен біріктіріп қолдану Пикрэй препаратының биожетімділігі мен жалпы экспозициясын аздап төмендетті. Майсыз, төмен калориялы (LFLC) тағамның қатысуымен AUCinf орташа есеппен 21% — ға, ал Cmax ранитидин қабылдағанда 36% - ға төмендеді. Тамақ болмаған кезде әсер AUCinf 30% - ға төмендеуімен және ранитидинді бір мезгілде қабылдамай, аш қарынмен салыстырғанда ранитидин қабылдаған кезде Cmax 51% - ға төмендеуімен айқынырақ болды. Популяциялық фармакокинетикалық талдау протон сорғысының тежегіштерін, H2-рецепторларының антагонистерін және антацидтерді қоса, қышқылдықты төмендететін заттарды бір мезгілде қолданғанда Пикрэй препаратының фармакокинетикасына айтарлықтай әсерді анықтамады. Осылайша, Пикрэй препаратын тамақтан кейін бірден қабылдау кезінде қышқылдықты төмендететін препараттармен бір мезгілде тағайындауға болады. CYP3A4 индукторлары 600 мг рифампинді (күшті CYP3A4 индукторы) тәулігіне бір рет 7 күн бойы, содан кейін 8 күн күніне 300 мг бір реттік дозаны бірге қабылдау дені сау ересектерде Пикрэй препаратының Cmax 38%-ға және AUC 57%-ға төмендетті (N = 25). Рифампицинді тәулігіне бір рет 600 мг дозада қабылдау 15 күн ішінде Пикрэй препаратымен бірге тәулігіне бір рет 300 мг дозада, 8-ші күннен 15-ші күнге дейін, Пикрэй препаратының Cmax- 5 59% - ға және AUC-ті тепе-теңдік жағдайында 74% - ға төмендетті. Күшті CYP3A4 индукторымен бір мезгілде қолдану алпелисиб тиімділігін төмендетуі мүмкін Пикрэй препаратының AUC деңгейін төмендетеді. Пикрэй препаратын күшті CYP3A4 индукторларымен (мысалы, апалутамид, карбамазепин, энзалутамид, митотан, фенитоин, рифампин, шайқурай) бір мезгілде қолданудан аулақ болу керек және CYP3A4 нөлдік немесе ең төмен индукциялық потенциалы бар баламалы қатар жүретін дәрілік препаратты таңдау керек. Пикрэй препаратының қан плазмасындағы концентрациясын өзгерте алатын дәрілік заттар CYP3A4, CYP2C8, CYP2C9, CYP2C19 және CYP2B6 субстраттары Пикрэй препаратын CYP3A4 субстраттарымен (мысалы, эверолимус, мидазолам), CYP2C8 субстраттарымен (мысалы, репаглинид), CYP2C9 субстраттарымен (мысалы, варфарин), CYP2C19 субстраттарымен (мысалы, омепразол) бір мезгілде қолданғанда дозаны түзету қажет емес. CYP2B6 субстраты үшін Пикрэй препаратымен бір мезгілде қолданғанда экспозицияның елеулі өзгерістері байқалмады, алайда деректердің шектелуіне байланысты нәтижелерге сақтықпен қарау керек (5.2 бөлімді қараңыз). Дәрілік өзара әрекеттесуді зерттеуде Пикрэй препаратын CYP3A4 сезімтал субстраты эверолимуспен бірлесіп қолдану Пикрэй препаратын мен CYP3A4 субстраттары арасында клиникалық маңызды фармакокинетикалық өзара әрекеттесулердің (AUC 11,2% - ға артуы) жоқтығын растады. Пикрэй препараты 250-300 мг дозаларында эверолимус экспозициясында ешқандай өзгерістер тіркелген жоқ. Дені сау еріктілерде алпелисибпен бірге CYP2C9 (S-варфарин) субстратын бір мезгілде қолдану алпесилибтің CYP2C9 тежегішінің жеңіл препараты екенін көрсете отырып, S-варфариннің әсерін тек S-варфаринді тағайындаумен салыстырғанда AUCinf және Cmax үшін орта есеппен 34% және 19% арттырды. Тасымалдаушылардың субстраттары болып табылатын дәрілік препараттар In vitro зерттеулер Пикрэй препаратының (және/немесе оның BZG791 метаболиті) OAT3 және ішектік BCRP және P-gp дәрілік тасымалдаушыларының белсенділігін тежей алатынын көрсетті. Пикрэй препараты осы субстраттардың жүйелік әсерін арттыруы мүмкін болғандықтан, Пикрэй препаратын емдік индексі тар осы тасымалдаушылардың сезімтал субстраттарымен біріктіргенде сақтықпен қолдану керек. Гормондық контрацептивтер Пикрэй препараты мен гормондық контрацептивтер арасындағы ықтимал дәрілік өзара әрекеттесуді бағалау бойынша клиникалық зерттеулер жүргізілген жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан қорғалған жерде 30 °С-ден аспайтын температурада сақтау керек. Балалардың қолы жетпейтін жерде сақтау керек!