Пилобакт® нео комбинированный

Бір таблетка кларитромициннің құрамында белсенді зат – 518.0 мг кларитромицин (500.0 мг сусыз кларитромицинге баламалы) қосымша заттар: микрокристалды целлюлоза, повидон, тазартылған су, магний стеараты, стеарин қышқылы, тазартылған тальк, коллоидты кремнийдің қостотығы, натрий кроскармеллозасы қабығы: гидроксипропилметилцеллюлоза, гидроксипропилцеллюлоза, пропиленгликоль, сорбитан моноолеаты, титанның қостотығы (Е171), хинолинді сары лак (Е 104), ванилин, тазартылған су, тазартылған тальк сия: қара сия (Opacode S-1-17823 Қара) - шеллак Glaze -45 % (20%) этанолда, изопропилді спирт, темірдің қара тотығы (Е 172), N- бутилді спирт, пропиленгликоль, аммиак ерітіндісі 28%, изопропилді спирт Бір таблетка амоксицилиннің құрамында белсенді зат - 1149.42 мг амоксициллин тригидраты (1000.00 мг амоксициллинге баламалы) қосымша заттар: микрокристалды целлюлоза (бөлшектердің арнайы өлшемі), натрий крахмалының гликоляты, сусыз коллоидты кремнийдің қостотығы (аэросил 200), тазартылған тальк, магний стеараты қабығы: гипромеллоза (5 cps), титанның қостотығы (Е 171), бүркемелегіш Пермасил 11031-31 хош иістендіргіші, сансет сары лагы (Е 110), тазартылған тальк, полиэтиленгликоль 400, тазартылған су Бір капсула омепразолдың құрамында белсенді зат - омепразол пеллеті (8.5 %) 235.294 мг (20.000 мг омепразолға баламалы) қосымша заттар: нон-парель түйіршіктері капсула корпусы: метилпарагидроксибензоат, пропилпарагидроксибеноат, кармоизин (азорубин) (Е 122), желатин қабығы: бриллиантты көк (E133), кармоизин (азорубин) (Е 122), метилпарагидроксибензоат, пропилпарагидроксибеноат, желатин Сыртқы түрінің, иісінің, дәмінің сипаттамасы-ЩЕСТВОСС Кларитромицин Сопақша пішінді, екі жағы дөңес, ақшыл-сары түсті, бір жақ бетінде қара сиямен жазылған «CXT 500» жазуы бар үлбірлі қабықпен қапталған таблеткалар. Амоксициллин Капсула пішінді, екі жағы дөңес, қызғылт сары түсті үлбірлі қабықпен қапталған таблеткалар. Омепразол Көк түсті қақпағы және мөлдір қызғылт корпусы бар, өлшемі 2, қатты желатинді капсулалар. Капсуланың ішіндегісі – ақ немесе ақ дерлік сфералық түйіршіктер.

- асқазанның және 12 елі ішектің Н. рylori-ден астасқан аурулары (қабынуға қарсы стероидты емес препараттарды қабылдаумен индукцияланған және H. рylori-мен астасқан гастропатиялар, гастродуоденит, ойық жара ауруы) кезіндегі Н. рylori эрадикациясында

Әсер ету механизмі Омепразолмен, кларитромицинмен және амоксициллинмен үштік ем, оның жағымдылығы өте жақсы болғанда және емдеу үлгісінің нұсқауын тиімді орындаған жағдайда, эрадикацияның (85-94%) жоғары жиілікте болуын қамтамасыз етеді. Амоксициллин және кларитромицин Нelicobacter pylori-ге бактерицидтік әсер етеді. Емдеудің осы үлгісіндегі артықшылықтардың бірі – амоксициллинге төзімділіктің дамуы жөнінде мәлімдемелердің жоқ болуы. Бұл үлгі Нelicobacter pylori-ге қарсы нитроимидазолдарға сезімтал ретінде де, сондай-ақ төзімді ретінде де тиімді. Омепразол тұз қышқылының секрециясын төмендетеді, сөйтіп, Нelicobacter pylori-дің өсуін басып, микробтарға қарсы әсерге жағымды жағдайды қамтамасыз етеді. Кларитромицинді омепразолмен бір мезгілде енгізу екі препараттың да фармакокинетикалық қасиеттеріне жағымды ықпалын тигізетіні дәлелденген. Біріктірілімнің басқа артықшылығы – емдеу курсы қысқа (1 апта) болуында, осымен емдеу кезіндегі қолайлығын қамтамасыз етеді. Тағайындалған емнің үлгісін орындау Нelicobacter pylori-дің эрадикациясын қамтамасыз етеді және Нelicobacter pylori-дің антибиотиктерге төзімділігінің дамуына жол бермейді. Кларитромицин бактериялардың рибосомальді жарғақшаларының 50S суббірлігімен байланыса отырып, микроб жасушасында ақуыздың синтезін басады. Аэробтық және анаэробтық грамоң және грамтеріс микроорганизмдерге қатысы белсенді. Кларитромициннің ең төмен бәсеңдететін концентрациясы (ЕТБК) эритромициннің ЕТБК-нан екі есе төмен. Кларитромициннің метаболиті 14-гидроксикларитромициннің де бактерияларға қарсы белсенділігі бар. Белсенділігі кларитромициннің белсенділігінен 2 есе жоғары Haemophilus influenzae-ні қоспағанда, 14-гидроксикларитромициннің H.pylori үшін ЕТБК -сі кларитромициннің ЕТБК -не тең. Кларитромицин әдетте келесі организмдерге қарсы in vitrо белсенді. Грамоң бактериялар: Staphylococcus aureus (метициллинге сезімтал); Streptococcus pyogenes (А тобындағы гемолитикалық стрептококк) альфа-гемолитикалық стрептококк (viridans тобы); Streptococcus (Diplococcus) pneumoniae; Streptococcus agalactiae; Listeria monocytogenes. Грамтеріс бактериялар: Haemophilus influenzae, Haemophilus parainfluenzae, Moraxella (Branhamella) catarrhalis, Neisseria gonorrhoeae; Legionella pneumophila, Bordetella pertussis, Helicobacter pylori; Campylobacter jejuni. Mикоплазма: Mycoplasma pneumoniae; Ureaplasma urealyticum. Басқа да организмдер: Chlamydia trachomatis; Mycobacterium avium; Mycobacterium leprae; Mycobacterum kansasii; Mycobacterium chelonae; Mycobacterium fortuitum; Mycobacterium intracellulare. Aнаэробтар: макролидке сезімтал Bacteroides fragilis; Clostridium perfringens; Peptococcus species; Peptostreptococcus species; Propionibacterium acnes. 6 айлыққа толмаған балаларда кларитромициннің қауіпсіздігі және тиімділігі анықталған жоқ. Амоксициллин — бактериялардың жасушалық қабырғасының синтезін тежеу қабілетімен байланысты өрісі ауқымды бактерицидтік әсері бар пенициллиндер тобына жататын антибиотик. Aмоксициллин белсенді репликация сатысы кезіндегі сезімтал микроорганизмдерге қарсы бактерицидті әсер етуі жөнінен ампициллинге ұқсас. Ампициллиннің бактерицидтік әсеріне сезімтал микроорганизмдердің ауқымды өрісіне мыналар жатады: Грамоң аэробтар: Streptococcus faecalis, Streptococcus pneumonia, Streptococcus pyogenes, Streptococcus viridans, Staphylococcus aureus (пенициллинге сезімтал), Corynebacterium species, Bacillus anthracis, Listeria monocytogenes; Грамтеріс аэробтар: Haemophilus influenzae, Escherichia coli, Proteus тirabilis, Salmonella species, Shigella species, Bordetella pertussis, Brucella species, Neisseria gonorrhoeae, Neisseria meningitides, Vibrio cholerae, Pasteurella septica; Анаэробтар: Clostridium species; Helicobacter: Helicobacter pylori. Oмепразол асқазан шырышындағы париетальді жасушаларда асқазанның протонды сорғының тежегіші бола отырып, асқазан қышқылының секрециясын басады. Асқазанның париетальдық жасушаларының секреторлық бетіне ферментативті (H+-K+-АТФ-аза) жүйені спецификалық тежеу арқылы асқазан қышқылының секрециясын баса отырып, асқазанның рН-ын төмендетеді және ойық жараның жазылуына мүмкіндік береді. Омепразолдың бұл әсері оны қабылдағаннан кейін алғашқы сағаттың ішінде басталады және 24 сағат бойы сақталады. Омепразол тітіркендіргіштердің табиғатына қарамай-ақ, базальді және стимуляцияланған секреция деңгейін төмендетеді. 20 мг омепразолды ішке бір рет қабылдау емдеуден кейін 4-ші күні асқазан қышқылы секрециясының ең жоғары әсерге қол жеткізетіндей тез және тиімді түрде басылуын көздейді. Он екі елі ішектің пептидтік ойық жарасы бар науқастарда 24 сағат ішінде асқазандағы қышқыл секрециясының басылуы орта есеппен 80%-ға жетеді. Омепразолды қабылдағаннан кейін 24 сағаттан соң қышқыл өнімінің пентагастринмен стимуляциялағаннан кейінгі ең жоғары шекте төмендеуі 70%-ға жуықты құрайды.

Дозалау режимі Ересектер мен дене салмағы кемінде 40 кг болатын 12 жастан асқан балалар таблетка немесе капсуланы төменде көрсетілгендей қабылдайды: Күнделікті (таңертең және кешке) әр белсенді ингредиенттен 2 таблетка немесе капсуладан қабылдайды. 1 кесте: Дозалануы Белсенді ингредиент — Таблетка немесе капсула саны — Қабылдау уақыты Ұзақтығы: 7 күн 500 мг кларитромицин — 1 — таңертең және кешке 20 мг омепразол — 1 — таңертең және кешке 1000 мг амоксициллин — 1 — таңертең және кешке Тәуліктік доза 1 г кларитромициннен аспауы керек. Енгізу әдісі мен жолы Ішке қабылдауға арналған. Пилобакт нео препаратын жеткілікті сұйықтықпен (мысалы, бір стақан сумен), тамақтанудан 1 сағат бұрын (таңғы ас немесе кешкі ас) қабылдау керек. Емдеу ұзақтығы Қабылдау ұсынылған 7 күн кезеңінің ішінде бірізділікпен жүргізілуі керек, қолдану ұзақтығы 14 күннен аспауы керек. Дәрілік препаратты қолдану тәсілін түсіну үшін медицина қызметкерінен кеңес алуға бару жөніндегі нұсқаулар Қолданар алдында емдеуші дәрігерден міндетті түрде кеңес алыңыз. Сіз қандай да болсын басқа дәрілік препараттарды қабылдап жүрсеңіз, жақын арада қабылдасаңыз немесе қабылдауды бастауыңыз мүмкін болса, мұны емдеуші дәрігерге айтыңыз.

- белсенді заттарға көрсетілген кез келген қосымша заттарға, орын басқан бензимидазолдарға, макролидті антибиотиктерге немесе кез келген басқа пенициллинге аса жоғары сезімталдықта - анамнезінде басқа бета-лактамдарға (мысалы, цефалоспорин, карбапенем немесе монобактам) жедел дамитын типті аса жоғары сезімталдықтың ауыр реакциясы (мысалы, анафилаксия) - омепразолмен және кларитромицинмен өзара әрекеттесуіне байланысты атазанавирмен бір мезгілде қолданғанда - нельфинавирмен бір мезгілде қолданғанда - QT аралығының ұзаруына байланысты астемизол, цизаприд, домперидон, пимозид немесе терфенадинмен бір мезгілде қолданғанда және жүрек аритмиясы, соның ішінде қарыншалық тахикардия, қарыншалық жыпылықтау, пируэтті қарыншалық тахикардия - тикагрелормен, ивабрадинмен немесе ранолазинмен бір мезгілде қолданғанда - пероральді мидазоламмен бір мезгілде қолданғанда - анамнезінде QT аралығының ұзаруы (туа біткен немесе белгіленген жүре пайда болған QT ұзаруы) немесе қарыншалық аритмиясы («пируэтті қарыншалық тахикардияны» қоса) бар пациенттер - электролиттік бұзылулары бар пациенттер (гипокалиемия немесе гипомагниемия) (QT аралығының ұзару қаупі) - ГМГ-КоА-редуктаза тежегіштерімен (статиндермен) бір мезгілде қолданғанда, олар елеулі дәрежеде CYP3A4 (ловастатин немесе симвастатин) метаболизденеді және осылайша миопатияның, соның ішінде рабдомиолиздің даму қаупін арттырады - колхицинмен бір мезгілде қолданғанда - эрготамин туындыларымен (дигидроэрготамин немесе эрготамин) бір мезгілде қолданғанда, бұл эргоуыттылықты тудыруы мүмкін - ломитапидпен бір мезгілде қолданғанда - бүйрек және бауыр жеткіліксіздігі бар пациенттер

Бұл препарат, барлық басқа дәрілік препараттар сияқты, барлық пациенттерде болмаса да, жағымсыз әсерлер тудыруы мүмкін. Пациентке төменде көрсетілген симптомдар пайда болса, дереу дәрігерге қаралу қажет: Омепразол Жиі • бас ауыруы • іштің ауыруы, іш қату, диарея, метеоризм, жүрек айнуы/құсу, фундальді полиптер (қатерсіз) Жиі емес • ұйқысыздық • бас айналу, парестезия, ұйқышылдық • бас айналу • бауыр ферменттерінің жоғарылауы • дерматит, қышыну, бөртпе, есекжем • дімкәстік, шеткері ісіну Сирек • тромбоцитопения, лейкопения • аса жоғары сезімталдық реакциялары, оның ішінде қызба, ангионевроздық ісіну және анафилаксиялық реакция/шок • гипонатриемия • қозу, сананың шатасуы, депрессия • дәм сезудің өзгеруі • көрудің бұлыңғырлануы • бронх түйілуі • ауыздың құрғауы, стоматит, АІЖ кандидозы • сарғаюмен және онсыз гепатит • шаштың түсуі, фотосенсибилизация, жедел жайылған пустулезді экзантема (AGEP), эозинофилия және жүйелі симптомдармен (DRESS) дәрілік реакция • буын ауыруы, бұлшықет ауыруы • тубулоинтерстициальды нефрит (бүйрек жеткіліксіздігіне дейін өршуі мүмкін) • қатты терлеу Өте сирек • панцитопения, агранулоцитоз • озбырлық, елестеулер • бауыр жеткіліксіздігі, бұрыннан бауыр аурулары бар пациенттердегі энцефалопатия • көп пішінді эритема, Стивенс-Джонсон синдромы, уытты эпидермалық некролиз (УЭН) • бұлшықет әлсіздігі • гинекомастия Белгісіз • гипомагниемия – ауыр гипомагниемия, гипокальциемияға әкелуі мүмкін; гипомагниемия сондай ақ гипокалиемиямен байланысты болуы мүмкін • микроскопиялық колит • жеделге жуық терілік қызыл жегі Амоксициллин Жиі • диарея және жүрек айну* • бөртпе* Жиі емес • құсу* • есекжем және қышыну* Өте сирек • тері-шырышты қабық кандидозы • қайтымды лейкопения (ауыр нейтропения немесе агранулоцитозды қоса), қайтымды тромбоцитопения және гемолиздік анемия, қан кету уақытының және протромбин уақытының ұзаруы • басқа антибиотиктер жағдайындағыдай, ауыр аллергиялық реакциялар, оның ішінде ангионевроздық ісіну, анафилаксия, сарысу құю ауруы сияқты аса жоғары сезімталдық және аллергиялық васкулит (егер аса жоғары сезімталдық реакциясы туралы хабарланса, емдеуді тоқтату керек) • гиперкинез, бас айналу және құрысу (ұстамалар бүйрек проблемалары бар пациенттерде немесе жоғары дозаларды қабылдайтындар да болуы мүмкін) Тіркеуден кейінгі деректер: антибиотикпен астасқан колит (жалған жарғақшалы колит және геморрагиялық колитті қоса), қара түкті тіл • гепатит және холестаздық сарғаю, АСТ және/немесе АЛТ деңгейінің орташа жоғарылауы (АСТ және/немесе АЛТ деңгейінің жоғарылауы белгісіз). Маркетингтен кейінгі деректер: мультиформалы эритема, Стивенс-Джонсон синдромы, уытты эпидермалық некролиз, буллезді және эксфолиативті дерматит, жедел жайылған экзантематозды пустулез (ЖЖЭП) және эозинофилиямен және жүйелік симптомдармен дәрілік реакция (DRESS) сияқты тері реакциялары • интерстициальді нефрит Белгісіз • асептикалық менингит • Кунис синдром • дәрілік энтероколит синдромы • IgA желілік ауруы • кристаллурия (бүйректің жедел жеткіліксіздігін қоса) * клиникалық зерттеулер деректері Кларитромицин Жиі • ұйқысыздық • дисгевзия, бас ауыруы, дәм сезудің бұзылуы • вазодилатация 1 • диарея, құсу, диспепсия, жүрек айну, іштің ауыруы • аномальді функционалдық бауыр сынамалары • бөртпе, гипергидроз Жиі емес • флегмона1, кандидоз, гастроэнтерит2, инфекция3, қынаптық инфекция • лейкопения, нейтропения4, тромбоцитемия3, эозинофилия4 • анафилактоидты реакция1, аса жоғары сезімталдық • анорексия, тәбеттің төмендеуі • мазасыздық, күйгелектік3, • есін жоғалту, дискинезия1, ұйқышылдық, ұйқышылдық5, тремор • бас айналу, естімей қалу, құлақтың шуылдауы • жүрек тоқтауы1, жыпылықтағыш аритмия1, ЭКГ-де QT аралығының ұзаруы, экстрасистолия1, жүрек соғуы • демікпе1, мұрыннан қан кету2, өкпе артериясының тромбоэмболиясы 1 • эзофагит1, гастроэзофагеальді рефлюкс ауруы2, гастрит, прокталгия2, стоматит, глоссит, іштің кебуі4, іш қату, ауыздың құрғауы, кекіру, метеоризм • холестаз4, гепатит4, аланинаминотрансфераза деңгейінің жоғарылауы, аспартатаминотрансфераза деңгейінің жоғарылауы, гамма-глутамилтрансфераза деңгейінің жоғарылауы4 • буллезді дерматит1, қышыну, есекжем, макулопапулезді бөртпе3 • бұлшықет түйілуі3, қаңқа-бұлшықеттік қимыл қозғалыстың шектелуі1, миалгия2 • қанда креатинин жоғарылауы1, қанда мочевина жоғарылауы1 • дімкәстік4, қызба3, астения, кеуде қуысының ауыруы4, қалтырау4, прострация4 • альбумин және глобулиннің аномалиялық арақатынасы1, қанда сілтілі фосфатазаның жоғарылауы4, қанда лактатдегидрогеназаның жоғарылауы 4 Белгісіз* • жалған жарғақшалы колит, тілмелі қабыну • агранулоцитоз, тромбоцитопения • анафилаксиялық реакция, ангионевроздық ісіну • психоздық бұзылыс, сананың шатасуы5, өзін өзі танымау, депрессия, бағдардан адасу, елестеулер, түнгі қорқынышты түстер; мания • құрысу, агевзия, паросмия, аносмия, парестезия • көру қабілетінің бұзылуы, көрудің бұлыңғырлануы • естімей қалу (әдетте препарат қабылдауды тоқтатқаннан кейін қайтымды) • torsade de pointes, қарыншалық тахикардия, қарыншалар фибрилляциясы • қан кету • жедел панкреатит, тіл түсінің өзгеруі, тіс түсінің өзгеруі • бауыр дисфункциясы, гепатоцеллюллярлық және/немесе сарғаюмен немесе онсыз холестаздық гепатит • дәрілік ауыр тері реакциялары (SCAR) (мысалы, жедел жайылған экзантематозды пустулез [AGEP]), Стивенс-Джонсон синдромы, уытты эпидермалық некролиз, аса жоғары сезімталдықтың жүйелі симптомдармен және эозинофилиямен аса жоғары сезімталдық реакциялары (DRESS), акне • рабдомиолиз 2, 6, миопатия • бүйрек жеткіліксіздігі, интерстициальді нефрит • ХҚҚ (халықаралық қалыптасқан қатынас) жоғарылаған, протромбин уақыты ұзарған, несеп түсі қалыпты емес * бұл реакциялар туралы өздігінен хабарланды 1 ДОПОГ тек инъекцияға ерітінді дайындауға арналған ұнтақ үшін тіркелген 2 ЖР тек босап шығуы ұзаққа созылатын таблеткалар үшін тіркелген 3 жағымсыз реакциялар пероральді суспензияға арналған түйіршіктер үшін тіркелген 4 жағымсыз реакциялар тек босап шығуы жылдам таблеткалар үшін тіркелген 5, 6 бөлімін қараңыз Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Кларитромицин Симптомдары Аллергиялық реакциялар және асқазан-ішек симптомдары. Кларитромицинді 8 г дозада қабылдаған кезде пациентте биполярлық көру бұзылысы байқалды. Мұндайда ментальді жағдайдың өзгеруі, параноидальді мінез-құлық, гипокалиемия және гипоксемия білінді. Амоксициллин Симптомдары Жүректің айнуы, құсу, диарея, амоксициллинді кристаллурия (кейбір жағдайларда бүйрек жеткіліксіздігі). Oмепразол Симптомдары Жүректің айнуы, құсу, бас айналу, іштің ауыруы, диарея, бас ауыру, жекелеген жағдайларда: апатия, депрессия және мазасыздық (өткінші симптомадар). Емдеу Асқазанды шаю, симптоматикалық ем. Қосымша су-электролиттік теңгерімді түзету, амоксициллинді кристаллурияны азайту үшін сұйықтықпен талапқа сай қамтамасыз ету көрсетіледі, қажет жағдайда, гемодиализ жүргізіледі (амоксициллинмен артық дозаланғанда). Гемодиализ және перитонеальді диализ тиімсіз (кларитромицинмен артық дозаланғанда). Спецификалық антидоты жоқ (омепразолмен артық дозаланғанда).

Пилобакт нео препаратын пайдаланған кезде микробқа қарсы препараттарды тиісті қолдану бойынша жалпыға бірдей танылған ұлттық және халықаралық ұсынымдарды ескеру қажет. Пилобакт нео бар ем сызбасын таңдау пациенттің жағымдылығы мен емдік ұсынымдарға негізделуі керек. Helicobacter pylori сәтті эрадикациясы ем аяқталғаннан кейін 4-6 аптадан соң тиісті тексерулермен расталуы керек. Егер эрадикация сәтсіз болған жағдайда, резистенттілікті анықтау үшін одан әрі емдеу циклінің алдында асқазанның шырышты қабығының биопсиясын жасау керек. Антибиотиктерді ұзақ уақыт қолдану көптеген сезімтал емес бактериялар мен зеңдердің колонизациясына әкелуі мүмкін. Егер суперинфекция пайда болса, тиісті емді тағайындау керек. Тұрақты және айқын диарея мен шаншулар Макролидтерді қоса алғанда, барлық дерлік бактерияға қарсы дәрілік заттар жағдайындағыдай, жалған жарғақшалы колиттің жеңіл түрінен өмірге қауіп төндіретінге дейін өзгеруі мүмкін екені хабарланды. Clostridioides difficile-астасқан диарея (CDAD) барлық дерлік антибиотиктерді, соның ішінде кларитромицинді қолданғанда тіркелген және жеңіл дәрежедегі диареядан өлімге әкелетін колитке дейін өзгеруі мүмкін. Антибиотиктермен емдеу ішектің қалыпты микрофлорасын өзгертеді, бұл C. difficile шамадан тыс өсуіне әкелуі мүмкін. Сондықтан антибиотикті қолдану кезінде немесе одан кейін диарея дамыған пациенттерде осы диагнозды есте ұстаған жөн. CDAD ем аяқталғаннан кейін 2 айдан кейін де пайда болуы мүмкін. Сондықтан мұқият анамнез қажет. Пилобакт нео емінің үзілуі көрсетілімдерге қарамастан қарастырылуы керек. Микробиологиялық зерттеулер жүргізіп, қажет болған жағдайда дереу тиісті емді бастау керек (мысалы, осы көрсетілімдерде тиімділігі клиникалық дәлелденген тиісті антибиотиктерді/химиотерапиялық дәрілерді қабылдау). Ішектің перистальтикасын тежейтін дәрілік заттарды қолдануға болмайды. Оральді антикоагулянттар Пилобакт нео варфаринмен немесе фенпрокумонмен бір мезгілде қолданғанда ауыр қан кету және ХҚҚ мен протромбин уақытының айтарлықтай арту қаупі бар. Пациенттер Пилобакт нео мен пероральді антикоагулянттарды бір мезгілде қабылдайтын кезеңде ХҚҚ мен протромбин уақытын үнемі бақылап отыру керек. Қажетті антикоагуляция деңгейіне жету үшін пероральді антикоагулянттардың дозасын түзету қажет. Балалар және жасөспірімдер Пилобакт нео компоненттердің күшті әсеріне байланысты, Пилобакт нео эрадикация емі 12 жасқа дейінгі және дене салмағы 40 кг-нан аз балаларға ұсынылмайды. Омепразол Егер үрейлену симптомдары пайда болса (мысалы, елеулі әдейі емес салмақ жоғалту, мезгіл-мезгіл құсу, дисфагия, қан аралас құсу немесе қара май тәрізді нәжіс) және пептидтік ойық жараға күдіктенсе немесе болса, қатерлі жаңа түзілімді жоққа шығару керек, өйткені емдеу симптомдарды жеңілдетіп, диагноз қоюды кешіктіруі мүмкін. Асқазанда қышқылдықтың төмендеуі, себептеріне қарамастан, тіпті протон сорғысының тежегіштерін қолданғанда да, асқазан-ішек жолындағы бактериялардың санын көбейтеді. Қышқылды басатын дәрілік заттармен емдеу ауруханаға жатқызылған пациенттерде Salmonella және Campylobacter, сондай-ақ Clostridioides difficile сияқты асқазан-ішек инфекциялары қаупінің аздап жоғарылауына әкелуі мүмкін. Омепразол CYP2C19 тежегіші болып табылады. Омепразолмен емдеудің басында немесе соңында CYP2C19 метаболизденетін заттармен өзара әрекеттесу мүмкіндігін ескеру қажет. Клопидогрел мен омепразолдың өзара әрекеттесуі байқалды. Бұл өзара әрекеттесудің клиникалық маңыздылығы анық емес. Қауіпсіздік мақсатында омепразол мен клопидогрелді бір мезгілде қолданудан аулақ болу керек. Омепразолды егде жастағы пациенттерде, әсіресе жоғары дозаларда сақтықпен қолдану керек. Көру және есту функциясын жай күйі өте ауыр пациенттерде үнемі бақылау керек, өйткені омепразолды инъекция түрінде қолданған кезде соқырлық пен кереңдіктің жекелеген жағдайлары туралы хабарланған. Терінің ауыр жағымсыз реакциялары (SCAR), соның ішінде Стивенс-Джонсон синдромы (SJS), уытты эпидермалық некролиз (TEN), эозинофилиямен және жүйелік симптомдармен дәрілік реакция (DRESS) және өмірге қауіп төндіретін немесе өлімге әкелетін себеп болатын жедел жайылған пустулезді бөртпе (AGEP) омепразолмен емдеуге байланысты өте сирек немесе сирек хабарланған. Бүйрек функциясының бұзылуы Жедел тубулоинтерстициальды нефрит (TIN) омепразол қабылдаған пациенттерде байқалды және омепразолмен емдеу кезінде кез келген уақытта пайда болуы мүмкін («Қолдануға болмайтын жағдайлар» бөлімін қараңыз). Жедел тубулоинтерстициальды нефрит бүйрек жеткіліксіздігіне әкелуі мүмкін. Егер TIN күдік болса, омепразолды қабылдауды тоқтатып, дереу тиісті емдеуді бастау керек. Жеделге жуық терінің қызыл жегісі (ЖЖТҚЖ) Протон сорғы тежегіштері өте сирек ЖЖТҚЖ жағдайларымен байланысты. Егер зақымданулар пайда болса, әсіресе терінің күн сәулесі әсеріне бейім аймақтарында және егер олар артралгиямен бірге жүрсе, пациент дереу медициналық көмекке жүгінуі керек және медициналық қызметкер Пилобакт нео қабылдауды тоқтатуды қарастыруы керек. Протон сорғысының тежегішімен алдыңғы емдеуден кейін ЖЖТҚЖ басқа протон сорғысының тежегіштерін қабылдағанда ЖЖТҚЖ қаупін арттыруы мүмкін. Зертханалық зерттеулер Хромогранин А (CgA) деңгейінің жоғарылауы нейроэндокриндік ісік тестілеріне кедергі келтіруі мүмкін. Бұл әсерді болдырмау үшін омепразолмен емдеуді CgA өлшеуге дейін кемінде 5 күн бұрын уақытша тоқтату керек. Егер бірінші өлшеуден кейін CgA және гастрин деңгейлері референтті диапазонда болмаса, өлшеуді протон сорғы тежегішін қабылдауды тоқтатқаннан кейін 14 күннен соң қайталау керек. Амоксициллин Аса жоғары сезімталдық реакциялары Амоксициллинмен емдеуді бастамас бұрын пенициллиндерге, цефалоспориндерге немесе бета-лактамды препараттарға осыған дейінгі аса жоғары сезімталдық реакциясы туралы мұқият анықтау керек. Пенициллиндермен емделген пациенттерде анафилактоидты және терінің ауыр реакцияларын қоса, күрделі және кейде өліммен аяқталуы туралы хабарланды. Аса жоғары сезімталдық реакциялары сонымен қатар миокард инфарктісіне әкелуі мүмкін, ауыр аллергиялық реакция, Кунис синдромына әкелуі мүмкін. Бұл реакциялар анамнезінде пенициллинге аса жоғары сезімталдық реакциясы бар адамдарда және атопиясы бар адамдарда жиі кездеседі. Егер аллергиялық реакция пайда болса, амоксициллинмен емдеуді тоқтатып, тиісті балама емді бастау керек. Дәрілік затты қабылдаумен байланысты энтероколит синдромы (DIES) негізінен амоксициллинмен емделген балаларда хабарланды. Бұл терінің немесе респираторлық аллергиялық симптомдар болмаған кезде тұрақты құсумен (препаратты қабылдағаннан кейін 1-4 сағаттан кейін) сипатталатын аллергиялық реакция. Басқа симптомдарға іштің ауыруы, диарея, гипотензия немесе нейтрофилиямен лейкоцитоз кіруі мүмкін. Ауыр жағдайлар болды, соның ішінде шокқа дейін үдеуі. Құрысулар Құрысулар бүйрек жеткіліксіздігі бар пациенттерде немесе жоғары дозада емделген адамдарда немесе бейімділік факторлары бар пациенттерде (мысалы, анамнезінде құрысулар бар, емделген эпилепсия немесе менингеальді бұзылыстар) туындауы мүмкін. Тері реакциялары Емдеудің басында пустулалармен бірге фебрильді жайылған эритеманың пайда болуы жедел жайылған экзантематозды пустулездің (ЖЖЭП) симптомы болуы мүмкін. Бұл реакция амоксициллин қабылдауды тоқтатуды талап етеді және кез келген кейінгі қолдану қарсы көрсетілімде. Инфекциялық мононуклеозға күдік болса, амоксициллинді қабылдаудан аулақ болу керек, себебі бұл жағдай амоксициллинді қолданғаннан кейін қызылша бөртпесінің пайда болуына әкелуі мүмкін. Антибиотикпен астасқан колит Антибиотикпен астасқан колит жағдайлары барлық дерлік антибиотиктерді қолданған кезде тіркелді және ауырлық дәрежесі жеңілден өмірге қауіп төндіретінге дейін өзгеруі мүмкін. Сондықтан антибиотикті қолдану кезінде немесе одан кейін диарея дамыған пациенттерде бұл диагнозды есте ұстаған жөн. Антибиотикпен астасқан колит дамыған жағдайда амоксициллинді қабылдауды дереу тоқтатып, дәрігерге жүгініп, тиісті емді бастау керек. Бұл жағдайда перистальтикаға қарсы препараттарды қолдануға болмайды. Кристаллурия Кристаллурия (жедел бүйрек жеткіліксіздігін қоса алғанда) несеппен экскрециясы төмендеген пациенттерде, негізінен парентеральді емде өте сирек байқалды. Амоксициллин кристаллуриясының қаупін азайту үшін амоксициллиннің жоғары дозаларын енгізу кезінде талапқа сай гидратация мен несеп шығаруды демеу керек. Несеп шығару катетері бар пациенттерде катетердің өткізгіштігін үнемі тексеріп отыру керек. Зертханалық зерттеулер Сарысу мен несептегі амоксициллин деңгейінің жоғарылауы кейбір зертханалық тестілерге әсер етуі мүмкін. Несептегі амоксициллиннің жоғары концентрациясына байланысты химиялық әдістер көбінесе жалған оң нәтиже береді. Амоксициллинмен емдеу кезінде глюкозаны анықтау үшін ферменттік глюкоза-оксидаза әдістерін қолдану ұсынылады. Амоксициллиннің болуы жүкті әйелдерде эстриол тестінің нәтижелерін бұрмалауы мүмкін. Кларитромицин Жүкті әйелдерге кларитромицинді қауіп және пайда арақатынасын мұқият бағалағаннан кейін ғана тағайындау керек, әсіресе жүктіліктің алғашқы үш айында. Бауырдың өлімге әкелетін жеткіліксіздігі туралы хабарланды. Кейбір пациенттерде бұрыннан бауыр ауруы бар болуы мүмкін немесе олар басқа гепатоуытты препараттарды қабылдаған болуы мүмкін. Пациенттерге тәбеттің төмендеуі, сарғаю, несептің күңгірттенуі, қышыну немесе іштің ауырсынуы сияқты бауыр ауруының белгілері немесе симптомдары болған кезде емдеуді тоқтату және дәрігерге жүгіну қажеттілігі туралы хабарлау керек. Басқа макролидті антибиотиктерді, сондай-ақ линкомицин мен клиндамицинді қабылдау Қоздырғыштардың кларитромицинге және басқа макролидті антибиотиктерге (мысалы, эритромицин), сондай-ақ линкомицин мен клиндамицинге ықтимал айқаспалы төзімділігіне назар аудару керек. Сондықтан заттардың осы тобынан бірнеше препараттарды бір мезгілде қолдану ұсынылмайды. H. pylori инфекциясын емдеу үшін микробқа қарсы емді (мысалы, кларитромицин) пайдалану антибиотиктерге төзімді микроорганизмдер селекциясына әкелуі мүмкін. Вена ішіне енгізу немесе шырышты қабық арқылы енгізу үшін кларитромицин мен триазолобензодиазепиндерді, мысалы, триазолам мен мидазоламды бір мезгілде қолданғанда сақ болу керек. Жүрек-қантамыр аурулары Макролидтермен, соның ішінде кларитромицинмен емделген пациенттерде жүректің реполяризациясын көрсететін QT аралығының ұзаруы байқалды. Бұл жүрек аритмиясы және torsades de pointes даму қаупімен байланысты. QT аралығының ұзару және қарыншалық аритмия қаупінің жоғарылауына байланысты ("пируэтті қарыншалық тахикардия" қоса алғанда) кларитромицин астемизол, цизаприд, домперидон, пимозид және терфенадин қабылдаған пациенттерде, гипокалиемия бар пациенттерге және анамнезінде QT аралығының ұзаруы немесе қарыншалық аритмия бар пациенттерге қолдануға болмайды. Сонымен қатар, кларитромицинді сақтықпен қолдану керек: • жүректің ишемиялық ауруы, жүректің ауыр жеткіліксіздігі, өткізгіштік бұзылулары немесе клиникалық маңызды брадикардиясы бар пациенттер • қолдануға болмайтын жағдайлардан басқа, QT аралығын ұзартатын басқа препараттарды бір мезгілде қабылдайтын пациенттер. Макролидтерді тағайындау кезінде қолайсыз жүрек-қан тамырлары оқиғаларының қаупін зерттейтін эпидемиологиялық зерттеулер бір мәнді нәтижелер берді. Кейбір обсервациялық зерттеулер макролидтерді, соның ішінде кларитромицинді қолданғанда аритмия, миокард инфарктісі және жүрек-қан тамырлары ауруларынан болатын өлімінің сирек қысқа мерзімді қаупін көрсетті. Бұл өзара байланысты қауіп пен пайданы бағалау шеңберінде кларитромицинді тағайындау кезінде ескеру қажет. Анафилаксия, дәрілік ауыр тері реакциялары (SCAR) сияқты ауыр жедел жоғары сезімталдық реакциялары жағдайында (мысалы, жедел жайылған экзантематозды пустулез [AGEP], Стивенс-Джонсон синдромы, уытты эпидермалық некролиз және эозинофилиямен және жүйелік симптомдармен дәрілік бөртпе [DRESS синдромы]) кларитромицинмен емдеуді дереу тоқтату керек және шұғыл түрде тиісті емдеуді бастау керек. Кларитромицинді CYP3A4 цитохром ферменттерін индуциялайтын белгілі дәрілік заттармен бір мезгілде қолданғанда сақ болу керек. Оральді антикоагулянттар Кларитромицинді дабигатран, ривароксабан, апиксабан және эдоксабан сияқты тікелей пероральді антикоагулянттармен бір мезгілде қолданғанда, әсіресе қан кету қаупі жоғары пациенттерде сақ болу керек. Пероральді диабетке қарсы препараттар/инсулин Кларитромицин мен пероральді диабетке қарсы дәрілерді (мысалы, сульфонилмочевина) және/немесе инсулинді бір мезгілде қолдану айқын гипогликемияға әкелуі мүмкін. Қандағы глюкоза деңгейін мұқият мониторинг жасау ұсынылады. ГМГ-КоА-редуктаза тежегіштері (статиндер) Кларитромицин мен ловастатинді немесе симвастатинді бір мезгілде қолдануға болмайды. Кларитромицинді басқа статиндермен бір мезгілде тағайындағанда сақ болу керек. Кларитромицин мен статиндерді бір мезгілде қабылдайтын пациенттерде рабдомиолиздің дамығаны туралы хабарланды. Миопатияның белгілері мен симптомдарын анықтау үшін пациенттерді бақылау керек. Кларитромицинді статиндермен бір мезгілде қолданудан аулақ болу мүмкін емес жағдайларда статиннің ең аз мақұлданған дозасын тағайындау ұсынылады. CYP3A (мысалы, флувастатин) тәуелсіз метаболизденетін басқа статинді қолдануды қарастырған жөн. Рабдомиолизге байланысты жағымсыз реакциялар туралы кейбір хабарламаларда, кларитромицин статиндермен, фибраттармен, колхицинмен немесе аллопуринолмен бір мезгілде қолданылған. Арнайы ескертулер Балаларда қолданылуы Пилобакт нео компоненттердің күшті әсеріне байланысты, эрадикация емі 12 жасқа дейінгі және дене салмағы 40 кг-нан аз балаларға ұсынылмайды. Егде жастағы пациенттер Егде жастағы пациенттерда сақтықпен қолдану керек. Бүйрек және бауыр жеткіліксіздігі бар пациенттер Деректердің болмауына байланысты пайдалану ұсынылмайды. Амоксициллиннің белсенді ингредиентке тән иісі және өнімге тән дәмі бар, олар қарқындылығы бойынша әр түрлі болуы мүмкін және тиімділікке әсер етпейді. Белсенді ойық жарасы бар пациенттерде омепразолмен монотерапияны жалғастыру мүмкіндігін қарастыру керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Кларитромицин Кларитромициннің көлікті немесе басқа механизмдерді басқару қабілетіне теріс ықпал етуі туралы ешқандай мәліметтер алынған жоқ. Амоксициллин Амоксицилиннің көлікті немесе басқа механизмдерді басқару қабілетіне ықпал етуі туралы ешқандай мәліметтер алынған жоқ. Омепразол Омепразолдың көлікті немесе басқа механизмдерді басқару қабілетіне ықпал ету мүмкіндігі екіталай. Дегенмен, бас айналуы, көрудің бұзылуы сияқты жағымсыз әсерлердің дамуы мүмкін. Осы сияқты жағымсыз әсерлер пайда болған жағдайда, пациенттер көлікті немесе қауіптілігі зор көліктерді және механизмдерді басқарудан бас тарту керек.

Жүктілік Пилобакт Нео препаратын, егер тек потенциалды пайдасы шарана үшін ықтимал қаупін ақтайтын болса және сәйкес баламалы ем болмаған жағдайды қопағанда, жүктілік кезінде қолдануға болмайды. Кларитромицин Жүктілік кезінде кларитромициннің қауіпсіздігі зерттелмеген. Тышқандарда, егеуқұйрықтарда, үй қояндарында және маймылдарда жарияланған зерттеулердің әртүрлі нәтижелеріне сүйене отырып, эмбриофетальді дамуға жағымсыз әсер ету мүмкіндігін жоққа шығаруға болмайды. Сондықтан жүктілік кезінде артықшылықтар мен ықтимал қауіптерді мұқият бағалаусыз қолдану ұсынылмайды. Амоксициллин Жануарларға жүргізілген зерттеулер репродуктивті уыттылық тұрғысынан тікелей немесе жанама жағымсыз әсерлерді көрсеткен жоқ. Адамның жүктілігі кезінде амоксициллинді қолдану туралы жарияланған шектеулі деректер туа біткен даму ақауларының жоғары қаупін көрсетпейді. Амоксициллинді жүктілік кезінде мүмкін болатын пайдасы емдеуге байланысты ықтимал қауіптерден асып түсетін кезде қолдануға болады. Омепразол Үш перспективалы эпидемиологиялық зерттеулердің нәтижелері (әсер етудің 1000-нан аса жағдайы) омепразолдың жүктілікке немесе ұрықтың/нәрестенің денсаулығына жағымсыз әсерінің дәлелдерін анықтаған жоқ. Лактация Кларитромицин Кларитромицин және оның белсенді метаболиті аз мөлшерде емшек сүтімен шығарылады. Тек емшек сүтімен қоректенетін нәресте салмағына байланысты анасы қабылдаған кларитромицин дозасының шамамен 1,7% алады деп есептеледі. Сондықтан емшек сүтімен қоректенетін нәрестелерде диареямен және зеңдердің өсуімен бірге ішек флорасында өзгерістер туындауы мүмкін, яғни емшек сүтімен емізуді тоқтату қажет болуы мүмкін. Амоксициллин Амоксициллин сенсибилизациялану қаупі болуымен емшек сүтіне аз мөлшерде енеді. Демек, емшек сүтімен қоректенетін нәрестелерде диарея және шырышты қабықтың зеңдік инфекциясы дамуы мүмкін. Сондықтан емшек сүтімен емізуді тоқтату керек. Амоксициллинді емшек сүтімен емізу кезінде пайда/қауіп арақатынасын бағалағаннан кейін және емдеуші дәрігермен кеңескеннен кейін ғана қолдану керек. Омепразол Омепразол емшек сүтімен бөлінеді, бірақ емдік дозаларда қолдану кезінде балаға әсер етуі екіталай. Қосымша заттар Омепразол Метилпарагидроксибензоат, пропилпарагидроксибензоат Кешеуілдеген аллергиялық реакцияларды тудыруы мүмкін. Бриллиантты көк (E133), кармоизин (азорубин) (E 122) Аллергиялық реакцияларды тудыруы мүмкін. Амоксициллин Натрий Амоксициллиннің үлбірлі қабықпен қапталған әрбір таблетка құрамында бір үлбірлі қабықпен қапталған таблеткаға 1 ммольден (23 мг) аз натрий бар, яғни іс-жүзінде «натрий жоқ». Сансет сары лагы (E110) Аллергиялық реакцияларды тудыруы мүмкін. Пропиленгликоль Препарат құрамындағы пропиленгликоль өте төмен деңгейде. Кларитромицин Натрий Кларитромицин, үлбірлі қабықпен қапталған әрбір таблетканың құрамында, үлбірлі қабықпен қапталған таблеткаға 1 ммольден (23 мг) аз натрий бар, яғни «натрий жоқ» дерлік. Пропиленгликоль, этанол Препарат құрамында аз мөлшерде пропиленгликоль және этанол бар. Сия (Opacode S-1-17823 Қара), шеллак Glaze -45 % (20%), хинолинді сары лагы (Е 104), изопропил спирті, N-бутил спирті, аммиак ерітіндісі Аллергиялық реакциялар тудыруы мүмкін.

Пилобакт нео емдеу кезінде аса сақ болу керек, өйткені дәрілік өзара әрекеттесу аддитивті немесе потенциальді болуы мүмкін. Пилобакт нео препаратының басқа дәрілік заттарға әсері әлі жүйелі түрде зерттелмеген. Сондықтан, мүмкін болса, 1 апталық емдеу кезінде басқа дәрілерді қабылдауға болмайды. Дигоксин Дені сау еріктілерде омепразолмен (тәулігіне 20 мг) және дигоксинмен бір мезгілде емдеу асқазанның рН жоғарылауына байланысты плазмадағы дигоксин деңгейінің 10% жоғарылауына әкеледі. Дигоксинмен улану туралы сирек хабарланған. Алайда, омепразолдың жоғары дозаларын егде жастағы пациентерде сақтықпен қолдану керек. Содан кейін дигоксин деңгейін барынша емдік жолмен бақылау керек. Дигоксин Р-гликопротеиннің (P-gp) шығуын тасымалдау үшін субстрат болып табылады. Кларитромицин P-gp тежейтіні белгілі. Сарысудағы дигоксин деңгейінің жоғарылауы туралы тіркеуден кейінгі хабарламалар кларитромицин мен дигоксинмен бір уақытта емделген пациенттерде тіркелді. Кейбір пациенттерде дигоксинмен уланудың клиникалық белгілері байқалды, соның ішінде өлімге әкелуі ықтимал аритмия. Кларитромицин мен дигоксинді бір мезгілде қабылдайтын пациенттерде қан сарысуындағы дигоксин деңгейін мұқият бақылау керек. Дигоксин дозасын түзету қажет болуы мүмкін. Пероральді антикоагулянттар (мысалы, варфарин, фенпрокумон, аценокумарол, ривароксабан, апиксабан) Кейбір жағдайларда Пилобакт нео мен пероральді антикоагулянттарды біріктіріп қабылдау әсердің күшеюіне (протромбин уақытының ұзаруына) осы препараттардың уытты әсер етуіне дейін әкелуі мүмкін. Егер антикоагулянттар бір мезгілде тағайындалса, плазмадағы деңгейлерді немесе протромбиндік уақытты және халықаралық қалыптасқан қатынасты [ХҚҚ] жиі тексеру қажет. Қажетті антикоагуляция деңгейіне жету үшін пероральді антикоагулянттардың дозасын түзету қажет болуы мүмкін. Пероральді антикоагулянттар мен пенициллин қатарындағы антибиотиктер тәжірибеде кеңінен қолданылады және олардың өзара әрекеттесуі туралы хабарланған жоқ. Алайда, әдебиеттерде амоксициллинмен ем тағайындалған аценокумарол немесе варфаринмен емделген пациенттерде халықаралық қалыптасқан қатынас (ХҚҚ) мәндерінің жоғарылау жағдайлары туралы хабарланды. Егер бір мезгілде қолдану қажет болса, протромбин уақытын немесе ХҚҚ амоксициллинмен емдеудің басында және соңында мұқият бақылау керек. Сонымен қатар, пероральді антикоагулянттардың дозасын түзету қажет болуы мүмкін. Нелфинавир, атазанавир Омепразолмен бір мезгілде қолданғанда атазанавир мен нелфинавирдің плазмалық деңгейі төмендейді. Пилобакт нео омепразолмен және кларитромицинмен өзара әрекеттесуіне байланысты атазанавирмен бір мезгілде қолдануға болмайды. Кларитромицин де, атазанавир де CYP3A субстраттары мен тежегіштері болып табылады және екі бағытты дәрілік өзара әрекеттесу туралы деректер бар. Кларитромицинді (күніне екі рет 500 мг) атазанавирмен (күніне бір рет 400 мг) бір мезгілде қолдану кларитромицин экспозициясының екі есе артуына және атазанавир концентрациясының жоғарылауымен 14(R)-гидроксикларитромициннің экспозициясының 70% төмендеуіне әкелді. ҚАА 28 %. Кларитромициннің кең емдік диапазонына байланысты бүйрек функциясы қалыпты пациенттерде дозаны төмендетудің қажеті жоқ. Бүйректің орташа жеткіліксіздігі болған кезде (креатинин клиренсі 30-дан 60 мл/мин-ге дейін) кларитромицин дозасын 50% - ға азайту керек. Креатинин клиренсі <30 мл/мин пациенттерде кларитромицин дозасын тиісті дәрілік түрлерде пайдаланған кезде 75% - ға азайту керек. Егер протеаза тежегіштері бір мезгілде қабылданса, кларитромицин 1000 мг ең жоғары тәуліктік дозасынан аспауы керек. M. avium кешенінің инфекциясымен байланысты емес көрсетілімдер кезінде балама емді қарастырған жөн. Атазанавир мен кларитромицинді бір мезгілде қабылдайтын пациенттер күшейтілген немесе ұзаққа созылған фармакологиялық әсердің кез келген белгілері немесе симптомдары үшін бақылауда болуы керек. Дені сау еріктілерде омепразолды (тәулігіне бір рет 40 мг) және атазанавирді 300 мг/ритонавирді 100 мг бір мезгілде қолдану атазанавирдің әсерін 75% төмендетуге әкелді. Атазанавирдің дозасын 400 мг-ға дейін арттыру омепразолдың атазанавирдің экспозициясына әсерін толықтырмады. Омепразолды (тәулігіне бір рет 20 мг) және атазанавирді 400 мг/ритонавирді 100 мг бір мезгілде енгізу атазанавирмен тәулігіне бір рет 300 мг/ритонавирмен 100 мг салыстырғанда сау еріктілерде атазанавирдің экспозициясын шамамен 30% - ға төмендетті. Омепразол мен нелфинавирді бір мезгілде қолдануға болмайды. Омепразолды бір мезгілде қолдану (тәулігіне 1 рет 40 мг) нелфинавирдің орташа экспозициясын шамамен 40% - ға, ал М8 фармакологиялық белсенді метаболитінің орташа экспозициясын шамамен 75-90% - ға төмендетті. Бұл өзара әрекеттесуге CYP2C19 тежелуі де қатысуы мүмкін. Итраконазол және кетоконазол Асқазандағы қышқылдықтың төмендеуіне байланысты омепразол басқа антацидтермен емдеу кезіндегідей, кетоконазол мен итраконазолдың сіңуін төмендетуі мүмкін. Кларитромицин де, итраконазол да CYP3A субстраттары мен тежегіштері болып табылады және дәрілік заттардың екі бағытты өзара әрекеттесуі туралы деректер бар. Кларитромицин қан плазмасындағы итраконазол деңгейін жоғарылатуы мүмкін, ал итраконазол қан плазмасындағы кларитромицин деңгейін жоғарылатуы мүмкін. Итраконазолдың кларитромицинге әсеріне келетін болсақ, жағдай туралы жарияланған есепте итраконазолды бір мезгілде қабылдағанда кларитромицин концентрациясы күтілгеннен жоғары болған 3 пациент туралы хабарланды. АИТВ-мен ауыратын пациенттерде жүргізілген шағын фармакокинетикалық зерттеуде кларитромицин қан плазмасындағы итраконазол концентрациясын жоғарылататыны көрсетілген. Итраконазол мен кларитромицинді бір мезгілде қабылдайтын пациенттер фармакологиялық әсері күшейтілген немесе ұзаққа созылған кез келген белгілері немесе симптомдар үшін бақылауда болуы керек. Метотрексат Метотрексатты протонды сорғы тежегіштерімен (ПСТ) қолданған кезде кейбір пациенттерде метотрексат деңгейінің жоғарылауы туралы хабарланды. Метотрексатты жоғары дозада қолданған кезде омепразолды уақытша тоқтату қажет болуы мүмкін. Пенициллиндер метотрексат клиренсін төмендетуі мүмкін, бұл уыттылықтың жоғарылауына әкелуі мүмкін. Пилобакт® нео мен метотрексатты бір мезгілде қабылдайтын пациенттерде қан сарысуындағы метотрексат деңгейін мұқият бақылау керек. Омепразол Омепразолдың басқа препараттардың фармакокинетикасына әсері рН-ға тәуелді сіңірілетін белсенді ингредиенттер Омепразолмен емдеу кезіндегі асқазанішілік қышқылдықтың төмендеуі асқазанның рН-ға тәуелді сіңуімен белсенді заттың сіңуін жоғарылатуы немесе төмендетуі мүмкін. Клопидогрель Дені сау еріктілердегі зерттеу нәтижелері клопидогрел (жүктеме дозасы 300 мг/ демеуші дозасы тәулігіне 75 мг) мен омепразол (күнделікті 80 мг) арасындағы фармакокинетикалық (ФК)/фармакодинамикалық (ФД) өзара әрекеттесуді көрсетті. Клопидогрелдің белсенді метаболитінің биожетімділігі орта есеппен 46% - ға төмендеді, ал тромбоциттер агрегациясының ең жоғары тежелуі (АДФ-индукцияланған) орта есеппен 16% - ға төмендеді. Бұл ФК/ФД омепразолдың негізгі жүрек-қантамырлары оқиғаларына қатысты өзара әрекеттесуінің клиникалық маңыздылығы туралы қарама-қайшы деректер обсервациялық және клиникалық зерттеулерде алынды. Қауіпсіздік мақсатында омепразол мен клопидогрелді бір мезгілде қолдану ұсынылмайды. Басқа белсенді ингредиенттер Позаконазол мен эрлотинибтің сіңуі айтарлықтай төмендейді, сондықтан клиникалық тиімділігі төмендеуі мүмкін. Бір уақытта қолданудан аулақ болу керек. CYP2C19 метаболизденетін препараттар Омепразол, омепразол метаболизмінің негізгі ферменті CYP2C19 орташа тежегіші болып табылады. Сондықтан CYP2C19 метаболизденетін қатарлас белсенді заттардың метаболизмі төмендеуі және осы заттардың жүйелік әсері артуы мүмкін. Мұндай препараттардың мысалдары R-варфарин және К дәруменінің басқа антагонистері, цилостазол, диазепам және фенитоин болып табылады. Цилостазол 40 мг дозада дені сау субъектілерге тағайындалған омепразолды айқаспалы зерттеуде цилостазолдың Cmax және AUC сәйкесінше 18% және 26%, ал оның белсенді метаболиттерінің бірін сәйкесінше 29% және 69% арттырады. Фенитоин Омепразолмен емдеуді бастағаннан кейінгі алғашқы екі апта ішінде плазмадағы фенитоин концентрациясын бақылау ұсынылады. Егер фенитоин дозасын түзету жүргізілсе, омепразолмен емдеу аяқталғаннан кейін дозаны бақылау және одан әрі түзету жүргізілуі керек. Белгісіз механизм Саквинавир АИТВ-инфекциясы бар пациенттерде омепразол мен саквинавир/ритонавирді бірге қолдану жағымдылығы жақсы болғанда, плазмадағы саквинавир деңгейін шамамен 70% - ға дейін арттырды. Такролимус Омепразолмен бір мезгілде қолданғанда қан сарысуындағы такролимус деңгейінің жоғарылауы туралы хабарланды. Такролимус концентрациясын және бүйрек функциясын (креатинин клиренсі) мұқият бақылап, қажет болған жағдайда такролимус дозасын түзету керек. Басқа әсер етуші заттардың омепразол фармакокинетикасына әсері CYP2C19 және/немесе CYP3A4 тежегіштері Омепразол CYP2C19 және CYP3A4 метаболизденетіндіктен, CYP2C19 немесе CYP3A4 тежейтіні белгілі белсенді заттар (мысалы, кларитромицин және вориконазол) омепразолдың метаболизм жылдамдығын төмендету арқылы сарысудағы омепразол деңгейінің жоғарылауына әкелуі мүмкін. Вориконазолмен қатар емдеу омепразолдың экспозициясын екі еседен астам арттырды. Омепразолдың жоғары дозаларының жағымдылығы жақсы болғандықтан, әдетте омепразол дозасын түзету қажет емес. CYP2C19 және/немесе CYP3A4 индукторлары CYP2C19 немесе CYP3A4 индукциялайтыны белгілі белсенді заттар немесе екеуі де (мысалы, рифампицин және шілтер жапырақты шайқурай) омепразолдың метаболизм жылдамдығын арттыру арқылы сарысудағы омепразол концентрациясының төмендеуіне әкелуі мүмкін. Амоксициллин Пробенецид Пробенецидті бір мезгілде қолдану ұсынылмайды. Пробенецид амоксициллиннің бүйрек арқылы өзекшелік секрециясын төмендетеді. Пробенецидті бір мезгілде қолдану қандағы амоксициллин деңгейінің жоғарылауына және ұзаққа созылуына әкелуі мүмкін. Аллопуринол Амоксициллинмен емдеу кезінде аллопуринолды бір мезгілде қолдану терінің аллергиялық реакцияларының ықтималдығын арттыруы мүмкін. Тетрациклиндер Тетрациклиндер және басқа бактериостатикалық препараттар амоксицилиннің бактерицидтік әсеріне кедергі болуы мүмкін. Кларитромицин Ықтимал күрделі дәрілік өзара әрекеттесуіне байланысты келесі препараттарды қабылдауға қатаң түрде болмайды: Астемизол, цизаприд, домперидон, пимозид және терфенадин Кларитромицин мен цизапридті бір мезгілде қабылдаған пациенттерде цизаприд деңгейінің жоғарылауы туралы хабарланды. Бұл қарыншалық аритмияға, қарыншалық фибрилляцияға және torsades de pointes қоса алғанда, QT аралығының ұзаруына және жүрек аритмиясына әкелуі мүмкін. Ұқсас әсерлер кларитромицин мен пимозидті бір мезгілде қабылдаған пациенттерде байқалды. Макролидтер терфенадин метаболизмін өзгертеді, бұл терфенадин деңгейінің жоғарылауына әкеледі. Бұл кейде QT аралығының ұзаруы, қарыншалық тахикардия, қарыншалық фибрилляция және torsades de pointes сияқты жүрек аритмиясымен байланысты болды. Зерттеуде 14 сау еріктіде кларитромицин мен терфенадинді бірге қолдану қан сарысуындағы терфенадин қышқылы метаболитінің екі немесе үш есе жоғарылауына және клиникалық анықталатын әсерсіз QT аралығының ұзаруына әкелді. Ұқсас әсерлер астемизолды және басқа макролидтерді бір мезгілде қабылдағанда байқалды. Эрготамин туындылары Тіркеуден кейінгі есептер кларитромицин мен дигидроэрготаминді немесе гидрогенделмеген қастауыш алкалоидтарын бір мезгілде қолдану, орталық жүйке жүйесін қоса алғанда, аяқ-қолдағы және басқа тіндердегі тамырлардың түйілуі және ишемиясымен сипатталатын жедел уланумен байланысты екенін көрсетеді. Кларитромицин мен эрготамин туындыларын бір мезгілде қолдануға болмайды. Ломитапид Трансаминазалар деңгейінің айтарлықтай жоғарылауына байланысты, кларитромицин мен ломитапидті бір мезгілде қолдануға болмайды. Оральді мидазолам Мидазоламды кларитромицин таблеткаларымен (күніне екі рет 500 мг) бір мезгілде қолданғанда, мидазоламды пероральді қабылдағаннан кейін, мидазолам AUC 7 есе өсті. Мидазоламды бір мезгілде ішке қабылдауға болмайды. ГМГ-КоА-редуктаза тежегіштері (статиндер) Кларитромицинді ловастатинмен немесе симвастатинмен бір мезгілде қолдануға болмайды, өйткені бұл статиндер негізінен CYP3A4 метаболизденеді және кларитромицинді бір мезгілде қолдану олардың плазмадағы концентрациясын арттырады, бұл миопатияның, соның ішінде рабдомиолиздің даму қаупінің жоғарылауына әкеледі. Осы екі статинмен бір мезгілде кларитромицин қабылдаған пациенттерде рабдомиолиз жағдайлары туралы хабарланды. Егер кларитромицинмен емдеу мүмкін болмаса, емдеу курсы кезінде ловастатин немесе симвастатинмен емдеуді тоқтату керек. Кларитромицинді статиндермен тағайындағанда сақ болу керек. Кларитромицинді статиндермен бір мезгілде қолдану мүмкін болмаған жағдайларда статиннің ең төменгі мақұлданған дозасын тағайындау ұсынылады. CYP3A (мысалы, флувастатинге) тәуелсіз метаболизденетін басқа статинді қолдануды қарастырған жөн. Пациенттерді миопатияның белгілері мен симптомдарына бақылау керек. Колхицин Колхицин CYP3A және P-гликопротеин (P-gp) шығуын тасымалдау үшін субстрат болып табылады. Кларитромицин және басқа макролидтер CYP3A және P-gp тежейтіні белгілі. Кларитромицинді колхицинмен бір мезгілде қолданғанда CYP3A және/немесе P-gp кларитромицинмен тежелуі колхициннің жүйелік қолжетімділігінің артуына әкелуі мүмкін. Кларитромицин мен колхицинді бір мезгілде қолданғанда, әсіресе егде жастағы пациенттерде колхицинмен улану туралы маркетингтен кейінгі хабарламалар болды. Кейбір колхицинмен улану бүйрек функциясы бұзылған пациенттерде болды. Мұндай пациенттердің кейбірінде өліммен аяқталғаны туралы хабарланды. Кларитромицин мен колхицинді бір мезгілде қолдануға болмайды. Кларитромициннің басқа препараттарға әсері Келесі препараттар плазмадағы кларитромицин концентрациясына әсер ететіні белгілі немесе болжанады. Кларитромицин дозасын түзету немесе балама емдеу мүмкіндігін қарастыру керек. CYP3A индукциялайтын дәрілік препараттар (мысалы, рифампицин, фенитоин, карбамазепин, фенобарбитал, шайқурай) кларитромицин метаболизмін индукциялауы мүмкін. Бұл кларитромициннің субтерапиялық деңгейіне және оның тиімділігінің төмендеуіне әкелуі мүмкін. Сонымен қатар, деңгейді мониторингілеу қажет болуы мүмкін плазмадағы CYP3A индукторлары, өйткені ол кларитромицинмен CYP3A тежелуіне байланысты жоғарылауы мүмкін (сонымен қатар енгізілген CYP3A4 индукторы туралы тиісті ақпаратты қараңыз). Кларитромицин мен рифабутинді бір мезгілде қолдану рифабутин деңгейінің жоғарылауына және сарысудағы кларитромицин деңгейінің төмендеуіне әкелді, бұл өз кезегінде увеиттің даму қаупінің жоғарылауына әкелді. Флуконазол Флуконазолды тәулігіне 200 мг дозада және кларитромицинді тәулігіне екі рет 500 мг дозада 21 сау еріктіде бірге қабылдау кларитромициннің орташа тепе-теңдік ең төмен концентрациясының (Cmin ) жоғарылауына және AUC сәйкесінше 33% және 18% өсуіне әкелді. Флуконазолмен бірге қолдану белсенді метаболит 14(R)-гидроксикларитромициннің тепе-теңдік концентрациясына айтарлықтай әсер еткен жоқ. Кларитромицин дозасын түзету қажет емес. Ритонавир Фармакокинетикалық зерттеу ритонавирді 200 мг дозада (әр 8 сағат сайын) және кларитромицинді 500 мг дозада (әр 12 сағат сайын) бір мезгілде қолдану кларитромицин метаболизмінің айқын тежелуіне әкелетінін көрсетті. Ритонавирді бір мезгілде қолдану кларитромициннің ең жоғары концентрациясын (Cmax) 31% - ға, кларитромициннің ең төменгі концентрациясын (Cmin) 182% - ға және AUC 77% - ға арттырды. Іс жүзінде 14-ОН-кларитромициннің түзілуінің толық тежелуі байқалды. Кларитромициннің кең емдік индексіне байланысты бүйрек қызметі қалыпты пациенттерде дозаны төмендетудің қажеті жоқ. Дегенмен, бүйрек жеткіліксіздігі бар пациенттерде дозаны түзетудің келесі нұсқаларын қарастырған жөн: креатинин клиренсі (КК) 30-60 мл/мин бар пациенттерде кларитромицин дозасын 50% - ға азайту керек. Cl CR < 30 мл/мин пациенттерде кларитромицин дозасын 75% - ға азайту керек. Ритонавир сияқты протеаза тежегіштерін бір мезгілде қолданғанда тәулігіне 1 г кларитромицин дозасынан аспауы тиіс. Эфавиренц, невирапин, рифампицин, рифабутин мен рифапентин Р450 цитохромының метаболизмдік жүйесінің күшті индукторлары, мысалы, невирапин, рифампицин, рифабутин, рифапентин және эфавиренз кларитромициннің метаболизмін жеделдете алады және осылайша қан плазмасындағы деңгейлерді және кларитромициннің биожетімділігіне ұқсас микробиологиялық белсенді метаболит-14(R) - гидрокси - кларитромицин салыстырғанда шамамен 30-40% - ға төмендетеді және артуы да сондай. Кларитромицин мен оның негізгі метаболитінің микробиологиялық белсенділігінің арақатынасы бактериялар арасында әртүрлі болғандықтан, фермент индукторлары мен кларитромицинді бір мезгілде тағайындау кезінде, бұл факт болжамды емдік табысты нашарлата алмайтынын әрбір жеке жағдайда тексеру қажет. Этравирин Этравирин кларитромицин деңгейін төмендетеді; дегенмен, 14-ОН-кларитромициннің белсенді метаболит концентрациясы жоғарылатады. 14-ОН-кларитромициннің Mycobacterium avium (MAC) кешеніне қатысты белсенділігі төмендегендіктен, оның осы патогенге қатысты жалпы белсенділігі өзгереді. Кларитромициннің басқа препараттарға әсері Егер келесі препараттардың кез келгені кларитромицинмен бір мезгілде қабылданса, осы препараттардың дозасын немесе дозалау режимін түзету немесе пациентті бақылау/бақылау жүргізу қажет. CYP3A негізіндегі өзара әрекеттесулер CYP3A-ны тежейтіні белгілі кларитромицинді және негізінен CYP3A метаболизденетін дәрілік затты бірге қолдану, қатарлас қабылданатын дәрілік заттың емдік және жағымсыз әсерлерін күшейтетін немесе бәсеңдететін дәрілік зат концентрациясының жоғарылауымен байланысты болуы мүмкін. Кларитромицинді QT аралығының ұзару қаупіне байланысты және жүрек аритмиясында, соның ішінде қарыншалық тахикардияда, қарыншалық фибрилляцияда және «пируэт» типті қарыншалық тахикардияда, CYP3A субстраттары астемизол, цизаприд, домперидон, пимозид және терфенадин қабылдайтын пациенттерге қолдануға болмайды. Кларитромицинді, сондай ақ негізінен CYP3A4 (мысалы, ловастатин және симвастатин), колхицин, тикагрелор, ивабрадин және ранолазинмен метаболизденетін эрготамин алкалоидтарымен, пероральді мидазоламмен, ГМГ-КоА редуктаза тежегіштерімен қолдануға болмайды. Кларитромицинді CYP3A ферментінің субстраттары болып табылатыны белгілі басқа дәрілік заттармен бір мезгілде қолданғанда, әсіресе CYP3A субстратының емдік индексі тар болса (мысалы, карбамазепин) және/немесе субстрат осы ферментпен белсенді метаболизденсе, сақ болу керек. Дозаны түзету туралы мәселені қарастыруға болады және мүмкіндігінше кларитромицинді бір мезгілде қабылдайтын пациенттерде, негізінен CYP3A метаболизденетін дәрілік заттардың сарысудағы концентрациясын мұқият бақылау керек. Бір CYP3A изоферментімен метаболизденетіні белгілі немесе болжанатын дәрілер класына немесе дәрілік заттарға мыналар жатады (бірақ бұл тізім толық емес): алпразолам, карбамазепин, цилостазол, циклоспорин, дизопирамид, ибрутиниб, метилпреднизолон, мидазолам (вена ішіне), омепразол, пероральді антикоагулянттар (мысалы, варфарин, ривароксабан, апиксабан), атипті нейролептиктер (мысалы, кветиапин), хинидин, рифабутин, силденафил, сиролимус, такролимус, триазолам және винбластин. Р450 цитохром жүйесіндегі басқа изоферменттер арқылы ұқсас механизмдермен өзара әрекеттесетін дәрілік заттарға фенитоин, теофиллин және вальпроат жатады. Аритмияға қарсы дәрілер Кларитромицин мен хинидинді немесе дизопирамидті бір мезгілде қолданғаннан кейін пируэтті қарыншалық тахикардия туралы хабарланды. Кларитромицинді осы дәрілік заттармен бір мезгілде қабылдаған кезде электрокардиограммаларды QTc аралығының ұзаруы мәніне тексеру керек. Қан сарысуындағы осы белсенді заттардың концентрациясын емдеумен байланысты мониторинг ұсынылады. Кларитромицин мен дизопирамидті бір мезгілде қолданғанда гипогликемия туралы маркетингтен кейінгі хабарламалар мәлімделді. Сондықтан кларитромицин мен дизопирамидті бір мезгілде қолданғанда қандағы глюкоза деңгейін бақылау керек. Пероральді диабетке қарсы препараттар/инсулин Кларитромицин мен пероральді диабетке қарсы дәрілерді және/немесе инсулинді бір мезгілде қолдану айқын гипогликемияға әкелуі мүмкін. Гипогликемияға әкелуі мүмкін CYP3A ферментінің кларитромицинмен тежелуі натеглинид және репаглинид сияқты кейбір диабетке қарсы дәрілерді бір мезгілде қабылдағанда пайда болуы мүмкін. Қандағы глюкоза деңгейін мұқият бақылау ұсынылады. Тікелей пероральді антикоагулянттар (ТОАК) Дабигатран ТОАК P-gp шығуын тасымалдау субстраты болып табылады. Ривароксабан мен апиксабан CYP3A4 арқылы метаболизденеді және де P-gp субстраттары болып табылады. Кларитромицинді осы белсенді заттармен бір мезгілде қолданғанда, әсіресе қан кету қаупі жоғары пациенттерде сақ болу керек. Кортикостероидтар Кларитромицинді CYP3A басым түрде метаболизденетін жүйелік және ингаляциялық кортикостероидтермен бір мезгілде қолданған кезде кортикостероидтердің жүйелік әсерінің ұлғаю ықтималдылығына байланысты сақ болу керек. Бір мезгілде қолданған кезде пациенттерді кортикостероидтердің жағымсыз жүйелік жанама әсерлеріне мұқият бақылау қажет. Омепразол Дені сау ересек еріктілер 40 мг омепразолмен бірге әр 8 сағат сайын 500 мг кларитромицин қабылдады. Плазмадағы омепразолдың тепе-теңдік концентрациясы кларитромицинмен бір мезгілде қолданғанда жоғарылады (омепразолдың ең жоғары концентрациясы [Cmax], жүйенің қолжетімділігі [AUC 0-24 ] және жартылай шығарылу кезеңі сәйкесінше 30%, 89% және 34% артты). 24 сағат ішінде асқазанның орташа рН мәні омепразол монотерапиясында 5,2 және кларитромицинмен бірге қолданғанда 5,7 болды. Силденафил, тадалафил, варденафил Бұл фосфодиэстераза тежегіштерінің барлығы кем дегенде ішінара CYP3A метаболизденеді, ал CYP3A кларитромицинмен бір мезгілде қолданғанда тежелуі мүмкін. Эритромицин силденафилдің жүйелік қолжетімділігін (қисық астындағы аудан, AUC) арттыратыны хабарланды. Кларитромицинді силденафилмен, тадалафилмен немесе варденафилмен бір мезгілде қолдану фосфодиэстераза тежегіші деңгейінің жоғарылауына әкелуі мүмкін. Варденафилді эритромицинмен (күніне 3 рет 500 мг) бірге қолданған зерттеуде, варденафилдің AUC төрт есе жоғарылауы және варденафилдің ең жоғары концентрациясының (Cmax) үш есе жоғарылауы байқалды. Қажет болса, кларитромицинмен бір мезгілде қолданылса, силденафил, тадалафил және варденафил дозасын азайту керек. Теофиллин, карбамазепин Кларитромицинмен емдеу кезінде теофиллин немесе карбамазепин метаболизмі тежелуі мүмкін. Нәтижесінде қан сарысуындағы теофиллин немесе карбамазепин концентрациясының жоғарылауы мүмкін және қажет болған жағдайда дозаны азайту туралы мәселені қарастыру керек. Толтеродин Толтеродин метаболизмінің негізгі жолы P450 цитохромының (CYP2D6) 2D6 изоферменті болып табылады. Алайда, CYP2D6 жоқ еуропалық популяцияның қосалқы тобында метаболизм негізінен CYP3A арқылы жүзеге асырылады. Бұл популяцияда CYP3A тежелуі сарысудағы толтеродиннің айтарлықтай жоғары концентрациясына әкеледі. CYP2D6 тапшылығы бар метаболизмі әлсіз пациенттерде толтеродин дозасын төмендетуге кларитромицин сияқты CYP3A тежегіштерінің қатысуы қажет болуы мүмкін. Триазолобензодиазепиндер (мысалы, алпразолам, мидазолам, триазолам) Мидазоламды кларитромицин таблеткаларымен (күніне екі рет 500 мг) бірге қабылдаған кезде мидазоламның AUC вена ішіне енгізгеннен кейін 2,7 есе және пероральді қабылдағаннан кейін 7 есе өсті. Пероральді мидазолам мен кларитромицинді бір мезгілде қолдануға болмайды. Егер кларитромицинмен емдеу кезінде мидазолам вена ішіне немесе ауыз арқылы, шырышты қабық арқылы енгізілсе, пациент мұқият бақылауда болуы керек, сондықтан қажет болған жағдайда дозаны түзетуге болады. Мидазоламды ауыз қуысының шырышты қабығы арқылы енгізу препараттың жүйеге дейінгі элиминациясын айналып өтуі мүмкін және пероральді енгізілгенге қарағанда, вена ішіне енгізу кезіндегіге ұқсас өзара әрекеттесулерге әкелуі мүмкін. Дәл осындай сақтық шаралары CYP3A метаболизденетін басқа бензодиазепиндерді, соның ішінде триазолам мен альпразоламды қолдануға қатысты. Кларитромицинмен өзара әрекеттесу CYP3A (темазепам, нитразепам, лоразепам) арқылы метаболизденбейтін бензодиазепиндер үшін екіталай. Кларитромицин мен триазоламды бір мезгілде қабылдау кезінде дәрілік өзара әрекеттесу және ОЖЖ-ге әсері (мысалы, ұйқышылдық және сананың шатасуы) туралы тіркеуден кейінгі хабарламалар бар. Сондықтан пациенттерді ОЖЖ тарапынан фармакологиялық әсерлердің күшеюіне бақылау ұсынылады. Қажет болса, кларитромицинмен емдеу кезінде бензодиазепиндердің дозасын азайту керек. Басқа дәрілік өзара әрекеттесулер Зидовудин АИТВ жұқтырған ересектерде кларитромицин мен зидовудинмен қатарлас пероральді ем кезінде ішектің сіңуінің төмендеуі нәтижесінде қан сарысуындағы зидовудин деңгейінің төмендеуі байқалды. Осылайша, бұл пациенттерде 4 сағат ішінде кезең-кезеңімен қабылдау керек. Кларитромициннің келесі дәрілік заттармен өзара әрекеттесуі туралы in vivo деректер жоқ: апрепитант, элетриптан, галофантрин және зипразидон. Дегенмен, in vitro деректері бұл дәрілік заттардың CYP3A субстраттары екенін көрсетеді, сондықтан кларитромицинмен бір мезгілде қолданғанда сақ болу ұсынылады. Фенитоин және вальпроат Сонымен қатар, эритромициннің немесе кларитромициннің, CYP3A арқылы метаболизденбейтін препараттарымен өзара әрекеттесуі туралы хабарламалар болды. Оларға гексобарбитал, фенитоин және вальпроат жатады. Кларитромицинмен бір мезгілде қолданғанда осы препараттардың қан сарысуындағы деңгейін анықтау ұсынылады. Сарысудағы деңгейдің жоғарылауы туралы хабарланды. Гидроксихлорохин және хлорохин Жүрек-қантамыр жүйесінің тарапынан жүрек аритмиялары мен ауыр жанама әсерлерінің даму мүмкіндігіне байланысты кларитромицинді QT аралығын ұзартатыны белгілі, осы препараттарды қабылдап жүрген пациенттерде сақтықпен қолдану қажет. Басқа маңызды ықтимал фармакокинетикалық өзара әрекеттесулер Кальций өзекшелерінің блокаторы Гипотензия қаупіне байланысты CYP3A4 (мысалы, верапамил, амлодипин, дилтиазем) арқылы метаболизденетін кларитромицин мен кальций антагонистерін бір мезгілде қолданғанда сақ болу керек. Қан плазмасындағы кларитромицин мен кальций өзекшелерінің блокаторының концентрациясы өзара әрекеттесу нәтижесінде жоғарылауы мүмкін. Кларитромицин мен верапамилді бір мезгілде қабылдаған пациенттерде артериялық гипотензия, брадиаритмия және лактоацидоз байқалды. Саквинавир Кларитромицин де, саквинавир де CYP3A субстраттары мен тежегіштері болып табылады және екі бағытты дәрілік өзара әрекеттесу туралы деректер бар. Кларитромицинді (күніне екі рет 500 мг) және саквинавирді (жұмсақ желатинді капсулалар, күніне үш рет 1200 мг) бірге енгізу 12 дені сау еріктілерге тепе-теңдік жүйелік экспозицияға (AUC) және саквинавирдің ең жоғары концентрациясына (Cmax) әкелді, олар сәйкесінше бір саквинавирге қарағанда 177% және 187% жоғары болды. Кларитромициннің AUC және Cmax мәндері тек кларитромицинмен салыстырғанда шамамен 40% жоғары болды. Егер екі дәрілік зат зерттелген дозаларда және дәрілік түрлерінде шектеулі уақыт ішінде бір мезгілде қабылданса, дозаны түзету талап етілмейді. Зерттеу Жұмсақ желатинді капсулаларды пайдалану арқылы дәрілік өзара әрекеттесуді зерттеуде саквинавир таблеткаларын қолдануға ауыстыру міндетті емес. Күшейтілмеген саквинавирмен дәрілік өзара әрекеттесуін зерттеудегі бақылаулар саквинавирмен/ритонавирмен байқалған әсерлерге сәйкес келуі міндетті емес. Саквинавир мен ритонавирді бір мезгілде қолданғанда ритонавирдің кларитромицинге ықтимал әсерін ескеру қажет.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25˚С-ден аспайтын температурада сақтау керек. Балалардың қолы жетпейтін жерде сақтау керек!