Пимафуцин® крем 2%

1 г кремнің құрамында белсенді зат – натамицин 20,0 мг, қосымша заттар: цетостеарил спирті, натрий лаурилсульфаты, пропиленгликоль, цетил эфирлерінің негізіндегі балауыз, децил олеаты (цетиол), метилпарагидроксибензоат, пропилпарагидроксибензоат, тазартылған су. Сыртқы түрінің, иісінің, дәмінің сипаттамасы Ақ немесе сәл сарғыш түсті крем

- тері мен шырыштардың сезімтал ашытқы, ашытқы тәрізді зеңдер және дерматофиттерден болған инфекцияларында, оның ішінде баланопоститте, отомикозда Дәрілік препаратты қолданудың басталуына дейінгі қажетті мәліметтер тізбесі

Тері ауруларын емдеуге арналған зеңге қарсы препараттар. Жүйелі қолдануға арналған зеңге қарсы препараттар. Зеңге қарсы антибиотиктер. Натамицин. АТX коды D01AA02 Әсер ету механизмі Зеңге қарсы фунгицидті әсер ететін полиенді антибиотик. Натамицин жасуша жарғақшаларының стеролдарымен байланысып, олардың тұтастығын және функциясын бұзады, бұл микроорганизмдердің қырылуына әкеп соғады. Натамицинге көптеген патогенді ашытқы зеңдері, әсіресе Candida spp. сезімтал. Дерматофиттер сезімталдығы аздау. Клиникалық тәжірибеде ашытқы зеңдері арасында натамицинге төзімділік кездеспейді.

Дозалану режимі Тері мен шырышты қабаттардың кандидоздарында кремді бір немесе бірнеше рет, әдетте тәулігіне 4 ретке дейін жағады. Сыртқы есту жолының кандидозды микозында зақымданған жеріне кремді бір немесе бірнеше рет, әдетте тәулігіне 4 ретке дейін жағады. Препаратты қолданар алдында құлақты тазартады. Препаратты қолданғаннан кейін есту жолына табиғи материалдан (мақта, жүннен) жасалған турунда салады. Крем түріндегі Пимафуцинді жұптастардың жыныс мүшесінің кандидозды зақымдануын емдеу үшін пайдаланады. Баланопоститте кремді терінің зақымданған жеріне бір немесе бірнеше рет, әдетте тәулігіне 4 ретке дейін жағады. Енгізу әдісі мен жолы Кремді терінің зақымдалған жерлеріне немесе шырышты қабаттарға жұқа қабатпен жаққан жөн. Емдеу ұзақтығы Емдеу курсының ұзақтығын дәрігер жеке белгілейді. Аурудың симптомдары жойылғаннан кейін емдеуді тағы бес күн бойы жалғастыру ұсынылады. Дәрігерге тұрақты түрде баруы қажет. Тоқтату симптомдары қаупінің болуын көрсету Дәрігермен алдын-ала кеңеспей емдеуді үзбеңіз. Қолдануды тоқтатқан кезде симптомдар қайталануы мүмкін. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Егер сізде осы дәрілік препаратты қолдану жөнінде қосымша сұрақтарыңыз болса, дәрігерге жүгініңіз.

- әсер етуші затқа немесе қосымша заттардың кез келгеніне аса жоғары сезімталдық.

Сирек - қолдану орнында аллергиялық реакциялар, күйдіру және тітіркену сезімі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дәрілік препараттың белгілі немесе болжанатын жергілікті немесе жүйелі жанама әсерлері жоқ. Натамицин теріге немесе шырышты қабықтарға сіңбейді, сондықтан кездейсоқ жұтудың зиянды салдары болуы екіталай.

Препарат құрамында әсерін ескеру қажет натрий лаурил сульфаты, метилпарагидроксибензоат (Е218), пропилпарагидроксибензоат (Е216), пропиленгликоль бар. Натрий лаурил сульфаты жергілікті тері реакцияларын тудыруы мүмкін (шаншу немесе күйдіру) немесе терінің сол бетіне қолданылатын басқа өнімдерден туындаған тері реакцияларын күшейтуі мүмкін. Терінің қорғаныс механизмі әлсіреген пациенттер тобы (мысалы, атопиялық дерматит кезінде) натрий лаурил сульфатының тітіркендіргіш қасиеттеріне сезімтал. Метилпарагидроксибензоат (E218) және пропилпарагидроксибензоат (E216) аллергиялық реакцияны тудыруы мүмкін (мүмкін баяулатылған). Пропиленгликоль теріні тітіркендіруі мүмкін. Арнайы сақтандырулар Педиатрияда қолдану Препаратты дәрігермен немесе фармацевтпен кеңесусіз, жүйелі түрде жинақталу қаупіне байланысты ашық жаралары немесе зақымдалған терінің кең аймақтары (мысалы, күйік) бар жаңа туған нәрестелерде (4 аптадан аз) қолданбаңыз. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Пимафуцин кремі көлік құралын басқару немесе механизмдермен жұмыс істеу қабілетіне әсер етпейді.

Егер сіз жүкті немесе емізетін болсаңыз, жүкті болуыңыз мүмкін деп ойласаңыз немесе жүктілікті жоспарласаңыз, терапияны бастамас бұрын дәрігеріңізбен кеңесіңіз. Пимафуцин кремін жүктілік және бала емізу кезеңінде тағайындауға және қолдануға болады.

Егер сіз басқа препараттарды, соның ішінде рецептісіз босатылатын препараттарды қабылдаған болсаңыз немесе жақында қабылдаған болсаңыз, дәрігерге міндетті түрде хабарлаңыз. Дәрілік өзара әрекеттесулер белгісіз

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек!