Пиридоксин гидрохлориді раствор 50 мг/мл

Бір ампуланың ішінде белсенді зат – пиридоксин гидрохлориді 50 мг қосымша зат – инъекцияға арналған су Сыртқы түрінің, иісінің, дәмінің сипаттамасы Мөлдір түссіз немесе сәл сарғыштау сұйықтық.

Кешенді терапия құрамында: • B6 гипо-және авитаминозы (емі және профилактикасы) • жаңа туылған нәрестелердегі туа біткен пиридоксинге тәуелді құрысу синдромы • изониазидпен индукцияланған шеткері неврит • идиопатиялық сидеробластты анемия

ATX коды A11HA02 В6 дәрумені зат алмасуға қатысады; орталық және шеткері жүйке жүйесінің қалыпты жұмыс істеуі үшін қажет. Организмге ене отырып, ол фосфорланады, пиридоксаль-5 - фосфатқа айналады және аминқышқылдарының де - карбоксилденуін және қайта аминденуін жүзеге асыратын ферменттердің құрамына кіреді. Триптофан, метионин, цистеин, глутамин және басқа аминқышқылдарының алмасуына қатысады. Гистамин алмасуында маңызды рөл атқарады. Липидтер алмасуын қалыпқа келтіруге ықпал етеді. Пиридоксиннің оқшауланған тапшылығы өте сирек кездеседі, негізінен арнайы жасанды тамақтанудағы балаларда (диарея, құрысулар, анемиямен көрінеді, шеткері невропатия дамуы мүмкін).

Дозалау режимі Ересектер Емдік дозалар 1-2 қабылдауда тәулігіне 50–100 мг құрайды. Емдеу курсы – 1 ай. Изониазидпен қатар жүретін терапия кезінде тәулігіне 5–10 мг. Анемияны емдеу үшін аптасына 2 рет б/і 100 мг тағайындалады. Фолий қышқылын, цианокобаламинді, рибофлавинді бір мезгілде қабылдаған жөн. Пациенттердің ерекше топтары Балалар Емдік дозалары тәулігіне 20 мг құрайды. Емдеу курсы – 2 апта. Жаңа туған нәрестелер Жаңа туылған нәрестелердегі пиридоксинге тәуелді құрысу синдромын емдеу үшін: күніне 10–100 мг. Емдеу курсы 3–4 аптаны құрайды. Енгізу әдісі мен жолы Егер құсу кезінде және ішекте сіңу бұзылған кезде ішке қабылдау мүмкін болмаса, тері астына, бұлшықет ішіне, вена ішіне. Емдеу курсы жеке болып табылады және аурудың типімен және ауырлығымен анықталады.

• әсер етуші затқа немесе қосымша заттардың кез келгеніне аса жоғары сезімталдық • бауырдың ауыр жеткіліксіздігі

Белгісіз (қолда бар деректер негізінде баға беру мүмкін емес) - тахикардия, жүрек аймағындағы ауырсыну - бас ауыруы, бас айналу, әлсіздік, ұйқышылдық, қозу, үйлесімнің бұзылуы, парестезия, аяқ-қолдардың ұюы, «шұлық және қолғап» симптомы (аяқ-қолдардағы жағымсыз сезімдердің дамуы), есін жоғалту және тез енгізген кезде құрысулардың дамуы - тыныс тарылуы - жүрек айнуы, эпигастрийдегі ауырсыну, қыжыл, асқазан секрециясының жоғарылауы - фолий қышқылы деңгейінің төмендеуі - анафилаксиялық шок, есекжем, бөртпе, қышыну, ангионевроздық ісіну - тері гиперемиясы, дене температурасының жоғарылауы, дерматит, фотосенсибилизация - гиперемия, қышыну, ашытып күйдіру Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану симптомдары пиридоксинді үлкен дозаларда (тәулігіне 200-2000 мг және одан да көп) енгізген кезде пайда болады. Симптомдары: жағымсыз әсерлердің күшеюі, ақуыздар, көмірсулар және липидтер алмасуының бұзылуы, ОЖЖ-дағы (шеткері нейропатия) және паренхиматозды ағзалардағы дегенеративті өзгерістер (НАД және НАДФ никотинамидті коферменттер белсенділігінің айтарлықтай төмендеуімен және никотин қышқылының тапшылығымен байланысты алмасу процестерінің бұзылуы). Шеткері нейропатия симптомдары гиперестезия, парестезия, бұлшықет әлсіздігін қамтиды. Жүрістің үдемелі бұзылуымен, аяқтар мен қолдарда ұюы мен шаншу сезімімен сенсорлық нейропатиялар, ішінара таз болу, инфекцияларға төзімділіктің төмендеуі, қанның ұюға қарсы жүйесінің белсенділігінің төмендеуі мүмкін. Жоғары дозаларда ұзақ уақыт қолданғанда В6 гипервитаминозы дамиды, бұл бұлшықет тінінде және ішкі ағзаларда ақуыз мөлшерінің айтарлықтай төмендеуімен сипатталады. В6 гиповитаминозының ерте сатыларында теріде бөртпелер, бас айналу, құрысулар пайда болуы мүмкін. Дәрілік затты тоқтатқанда бұл белгілер қайтымды болады. Емі: препаратты тоқтату, симптоматикалық терапия (нейробұлшықеттік берілісті жақсарту үшін неостигминнің немесе галантаминнің аз дозаларын енгізу). Арнайы антидот жоқ.

Бауырдың ауыр зақымдануында пиридоксин тәулігіне 50 мг артық дозада оның функциясының нашарлауына әкелуі мүмкін. Бауыр аурулары бар пациенттерге сақтықпен қолдану керек. Анамнезінде асқазан және он екі елі ішектің ойық жара ауруы (асқазан сөлі қышқылдылығының ықтимал артуына байланысты), жүректің ишемиялық ауруы бар пациенттерге сақтықпен қолдану керек. Уробилиногенді Эрлих реагентімен анықтаған кезде нәтижелерді бұрмалауы мүмкін. Пиридоксин алмасуы алкогольді үнемі қолданғанда бұзылады. Педиатрияда қолданылуы Препарат педиатриялық практикада нәрестелердегі туа біткен пиридоксинге тәуелді құрысу синдромын кешенді емдеуде қолданылады.

Пиридоксин плацента арқылы өтеді және емшек сүтіне бөлінеді. Препарат жүктілік кезінде жүктілердің гестозында тағайындалады. Бала емізу кезінде препаратты тағайындағанда лактацияның төмендеуі мүмкін. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Емдеу кезінде жүйке жүйесі тарапынан жағымсыз әсерлердің даму мүмкіндігіне байланысты көлік құралдарын басқару және күрделі механизмдермен жұмыс істеу кезінде сақ болу керек.

Диуретиктердің әсерін күшейтеді, ДОФА - декарбоксилаза тежегішімен бірге қолданылатын Паркинсон ауруын емдеуде қолданылатын дәрілік препарат леводопаның белсенділігін әлсіретеді. Изониазидтің, гидралазиннің, циклосериннің, пеницилламиннің нейроуытты әсерін әлсіретеді. Бұл жүрек гликозидтерімен (миокардтың жиырылу ақуыздарының синтезіне ықпал етеді), глутамин қышқылымен, аспаркаммен (гипоксияға төзімділік жоғарылайды) жақсы үйлеседі. Кортикостероидты гормондар организмдегі В6 дәруменінің азаюына әкелуі мүмкін. Пиридоксин резорбциялық әсері бар левомицетин препараттарын ұзақ уақыт қолданғанда пайда болатын офтальмологиялық асқынулардың алдын алады. Препарат трициклді антидепрессанттардың олардың антихолинергиялық белсенділігімен (ауыздың құрғауы, несептің іркілуі) байланысты жағымсыз әсерлерін жояды. Бір инфузиялық жүйеде немесе бір шприцте адреномиметиктермен, ампициллин натрий тұзымен, В амфотерицинмен, аскорбин қышқылымен, фитоменадионмен, дипиридамолмен, натрий оксиферрискорбонмен, фенотиазин туындыларымен (хлорпромазин), фуросемидпен, этамзилатпен, эуфиллинмен араластыру ұсынылмайды. Тікелей емес антикоагулянттардың (фениндион, варфарин, неодикумарин) және гепариннің әсерін күшейтеді. Метамизолдың (анальгин), ацетилсалицил қышқылының, трамадолдың және нефопамның анальгезиялық әсерін күшейтеді. Пиридоксин гидрохлоридінің ерітіндісін фармацевтикалық үйлесімсіздікке байланысты В1 және В12 дәрумендерімен бір шприцте енгізуге болмайды. Пиридоксин инъекциясын тиамин инъекциясынан кейін 12 сағаттан ерте жасамаған жөн.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!