Пиридоксин гидрохлориді раствор 50 мг/мл

Бір ампуланың ішінде белсенді зат – пиридоксин гидрохлориді 50 мг, қосымша зат – инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе сәл сарғыштау реңді ерітінді, бөлшектері жоқ дерлік.

Ересектер мен балаларда кешенді емдеу құрамында • B6 гипо-және авитаминозы (емдеу және профилактикада) • изониазидпен индукцияланған шеткері неврит • идиопатиялық сидеробласты анемия Жаңа туған нәрестелерде • туа біткен пиридоксинге тәуелді құрысу синдромы

Әсер ету механизмі В6 дәрумені зат алмасуға қатысады; орталық және шеткері жүйке жүйесінің қалыпты функциясы үшін қажет. Организмге ене отырып, ол фосфорланады, пиридоксаль-5 - фосфатқа айналады және аминқышқылдарының декарбоксилденуін және переаминденуін жүзеге асыратын ферменттердің құрамына кіреді. Триптофан, метионин, цистеин, глутамин және басқа аминқышқылдарының алмасуына қатысады. Гистамин алмасуында маңызды рөл атқарады. Липидтер алмасуын қалыпқа келтіруге ықпал етеді. Пиридоксиннің оқшауланған тапшылығы өте сирек, негізінен арнайы жасанды тамақтанудағы балаларда (диарея, құрысулар, анемиямен білінеді, шеткері невропатия дамуы мүмкін) кездеседі.

Дозалау режимі Ересектерге B6 гипо-және авитаминозында емдік дозалар 1-2 қабылдауға тәулігіне 50-100 мг құрайды. Емдеу курсы – 1 ай. Изониазидпен қатарлас ем кезінде тәулігіне 5-10 мг. Анемияны емдеу үшін аптасына 2 рет б/і 100 мг тағайындалады. Фолий қышқылын, цианокобаламинді, рибофлавинді бір мезгілде қабылдаған жөн. Емдеу курсы әр адамға жекелей және аурудың түріне және ауырлығына қарай анықталады. Пациенттердің ерекше топтары Балалар. В6 гиповитаминозы: дәрігер препарат дозасын дене салмағына қарай тәулігіне 1–2 мг/кг есебімен әр адамға жекелей тағайындайды. Емдеу курсы – 2 апта. Жаңа туған нәрестелерде Пиридоксинге тәуелді құрысулар: препарат тәулігіне 50–100 мг (1–2 мл) дозада бұлшықет ішіне немесе вена ішіне сорғалатып енгізуге тағайындалады. Вена ішіне 50 мг/мин жылдамдықпен енгізіледі. Балалар үшін ең жоғары дозасы анықталмаған. Егде жастағы пациенттер Деректер жоқ Бауыр жеткіліксіздігі бар пациенттер Деректер жоқ Бүйрек жеткіліксіздігі бар пациенттер Деректер жоқ Енгізу әдісі және жолы Егер құсу кезінде және ішекте сіңу бұзылған кезде ішке қабылдау мүмкін болмаса, тері астына, бұлшықет ішіне, вена ішіне. Пиридоксин гидрохлоридінің ерітіндісін фармацевтикалық үйлесімсіздігіне байланысты В1 және В12 дәрумендерімен бір шприцте енгізуге болмайды. Дәрілік препараттың бір немесе бірнеше дозасын өткізіп алу кезіндегі қажетті шаралар Өткізіп алған дозаның орнын толтыру үшін екі есе дозаны қолданбаңыз. Тоқтату симптомы қаупінің болуына көрсетілім Қатысты емес Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданбай тұрып дәрігер кеңесіне жүгініңіз.

- әсер етуші затына немесе қосымша заттарының кез келгеніне аса жоғары сезімталдық - бауырдың ауыр жеткіліксіздігі

Белгісіз (қолда бар мәліметтер негізінде баға беру мүмкін емес) - тахикардия, жүрек аумағындағы ауыру - бас ауыруы, бас айналу, әлсіздік, ұйқышылдық, қозу, қимыл үйлесімінің бұзылуы, парестезия, аяқ-қол ұйып қалуы, «шұлық және қолғап» симптомы (аяқ-қолда жағымсыз әсерлер дамуы), жылдам енгізгенде естен тану және құрысудың дамуы - тыныс алудың қиындауы - жүрек айнуы, эпигастрийдегі ауырсыну, қыжыл, асқазан секрециясының жоғарылауы - фолий қышқылы деңгейінің төмендеуі - анафилаксиялық шок, есекжем, бөртпе, қышыну, ангионевроздық ісіну - тері гиперемиясы, дене температурасының жоғарылауы, дерматит, фотосенсибилизация - гиперемия, енгізу орнының қышуы және ашытуы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану пиридоксинді үлкен дозаларда (тәулігіне 200-2000 мг және одан да көп) енгізген кезде пайда болады. Симптомдары: жағымсыз әсерлердің күшеюі, ақуыздар, көмірсулар және липидтер алмасуының бұзылуы, орталық жүйке жүйесіндегі (шеткері нейропатия) және паренхиматозды ағзалардағы дегенеративті өзгерістер (НАД және НАДФ никотинамидті коферменттер белсенділігінің айтарлықтай төмендеуімен және никотин қышқылының тапшылығымен байланысты алмасу процестерінің бұзылуы). Шеткері нейропатия симптомдары гиперестезия, парестезия, бұлшықет әлсіздігін қамтиды. Жүрістің үдемелі бұзылуымен, аяқ пен қолдың ұюы мен шаншу сезімімен сенсорлық нейропатиялар, жартылай таздану, инфекцияларға төзімділіктің төмендеуі, қанның ұюға қарсы жүйесінің белсенділігінің төмендеуі мүмкін. Үлкен дозаларда ұзақ уақыт қолданғанда В6 гипервитаминозы дамиды, бұл бұлшықет тінінде және ішкі ағзаларда ақуыз мөлшерінің айтарлықтай төмендеуімен сипатталады. В6 гипервитаминозының ерте сатыларында теріде бөртпелер, бас айналу, құрысулар пайда болуы мүмкін. Дәрілік затты тоқтатқанда бұл белгілер қайтымды болады. Емі: препаратты тоқтату, симптоматикалық ем (нейробұлшықеттік берілісті жақсарту үшін неостигминнің немесе галантаминнің аз дозаларын енгізу). Спецификалық антидоты жоқ.

Асқазан және он екі елі ішектің ойықжара ауруы (асқазан сөлі қышқылдығының арту ықтималдығына байланысты), жүректің ишемиялық ауруы бар пациенттерге пиридоксин тағайындағанда сақ болу керек, өйткені препаратты қабылдау осы аурудың ағымының нашарлауына түрткі болуы мүмкін. Бауыр жеткіліксіздігі Бауырдың ауыр зақымдануында үлкен дозалардағы пиридоксин оның функциясының нашарлауын тудыруы мүмкін. Уробилиногенді Эрлих реагенті көмегімен анықтаған кезде нәтижелері бұрмаланyы мүмкін. Пиридоксин алмасуы алкогольді үнемі қолданғанда бұзылады. Арнайы ескертулер Педиатрияда қолданылуы Препарат педиатриялық практикада нәрестелердегі туа біткен пиридоксинге тәуелді құрысу синдромын кешенді емдеуде қолданылады. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Емдеу кезінде жүйке жүйесі тарапынан жағымсыз әсерлердің даму мүмкіндігіне байланысты көлік құралдарын басқару және күрделі механизмдермен жұмыс істеу кезінде сақ болу керек.

Пиридоксин плацента арқылы өтеді және емшек сүтіне бөлінеді. Препарат жүктілік кезеңінде жүкті әйелдердің токсикозында тағайындалады. Жүктілік кезеңінде пиридоксинге физиологиялық қажеттілік нормасынан (тәулігіне 2-2,3 мг) асып кету ұсынылмайды. Препаратты бала емізу кезеңінде тағайындағанда лактацияның төмендеуі мүмкін.

Диуретиктердің әсерін күшейтеді, ДОФА - декарбоксилаза тежегішімен бірге қолданылатын Паркинсон ауруын емдеуде пайданылатын дәрілік препарат леводопаның белсенділігін әлсіретеді. Изониазидтің, гидралазиннің, циклосериннің, D-пеницилламиннің нейроуытты әсерін әлсіретеді. Жүрек гликозидтерімен (миокардтың жиырылу ақуыздарының синтезіне ықпал етеді), глутамин қышқылымен, аспаркаммен (гипоксияға төзімділік жоғарылайды) жақсы үйлеседі. Кортикостероидты гормондар организмдегі В6 дәруменінің азаюына әкелуі мүмкін. Пиридоксин резорбциялық әсері бар левомицетин препараттарын ұзақ уақыт қолданғанда пайда болатын офтальмологиялық асқынулардың алдын алады. Препарат трициклді антидепрессанттардың олардың антихолинергиялық белсенділігімен (ауыздың құрғауы, несептің іркілуі) байланысты жағымсыз әсерлерін жояды. Бір инфузиялық жүйеде немесе бір шприцте адреномиметиктермен, ампициллин натрий тұзымен, В амфотерицинмен, аскорбин қышқылымен, фитоменадионмен, дипиридамолмен, натрий оксиферрискорбонмен, фенотиазин туындыларымен (хлорпромазин), фуросемидпен, этамзилатпен, эуфиллинмен араластыру ұсынылмайды. Тікелей емес антикоагулянттардың (фениндион, варфарин, неодикумарин) және гепариннің әсерін күшейтеді. Метамизолдың, ацетилсалицил қышқылының, трамадолдың және нефопамның анальгезиялық әсерін күшейтеді. Пиридоксин гидрохлоридінің ерітіндісін фармацевтикалық үйлесімсіздігіне байланысты В1 және В12 дәрумендерімен бір шприцте енгізуге болмайды. Пиридоксин инъекциясын тиамин инъекциясынан кейін кемінде 12 сағат өткен соң жүргізу керек.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 0С-ден аспайтын температурада сақтау керек. Балалардың қолы жетпейтін жерде сақтау керек!