Плавикс таблетки 75 мг

Бір таблетканың құрамында белсенді зат - клопидогрел гидросульфаты, 97.875 мг (75.000 мг клопидогрел негізіне баламалы), қосымша заттар - маннитол, микрокристалды целлюлоза, макрогол 6000, орын басуы төмен гидроксипропилцеллюлоза, гидрогенделген майсана майы, қабықтың құрамы - Опадрай 32 K 14834, II тип** (лактоза моногидраты, гипромеллоза, титанның қостотығы (Е 171), триацетин, темірдің (III) қызыл тотығы (Е172)), карнауб балауызы. Сыртқы түрінің, иісінің, дәмінің сипаттамасы Қызғылт түсті, дөңгелек пішінді, екі беткейі сәл дөңес, бір жағында «75» және екінші жағында «1171» таңбасы бар қабықпен қапталған таблеткалар.

Атеротромбоз оқиғаларының екінші профилактикасы • миокард инфарктісінен (бірнеше күннен бастап 35 күннен аз уақытқа дейін), ишемиялық инсульттен (7 күннен бастап 6 айдан аз уақытқа дейін) зардап шегіп жүрген ересек пациенттерге немесе шеткері артериялар ауруы диагностикаланған пациенттерге • жедел коронарлық синдромнан зардап шегіп жүрген ересек пациенттерге • ST сегментінің көтерілуінсіз жедел коронарлық синдром (тұрақсыз стенокардия немесе Q тісшесінсіз миокард инфарктісі), оның ішінде тері арқылы коронарлық араласу барысында стент орнатылатын пациенттерге, ацетилсалицил қышқылымен (АСҚ) біріктірілімде; • тері арқылы коронарлық араласу жүргізілетін (стент қойылатын пациенттерді қоса) ST сегментінің көтерілуімен жедел миокард инфарктісінде АСҚ-мен біріктірілімде немесе тромболитикалық/фибринолитикалық терапия көрсетілген дәрі-дәрмектік емдеудегі пациенттерде; Жүрекшелер фибрилляциясы (жыпылықтағыш аритмия) кезіндегі атеротромбоз және тромбоэмболия оқиғаларының профилактикасы • тамыр оқиғаларының, ең болмағанда, бір факторы болатын жүрекшелер фибрилляциясы (жыпылықтағыш аритмия) бар және К дәруменінің антагонистерімен (КДА) емдеуге сай келмейтін және қан кету қаупі төмен ересек пациенттерге клопидогрел АСҚ-мен біріктірілімде, инсультті қоса, атеротромбоз және тромбоэмболия оқиғаларының алдын алу үшін қолданылады. Орташадан жоғары қауіпке дейін транзиторлық ишемиялық шабуылы (ТИШ) немесе шағын ишемиялық инсульті (ИИ) бар пациенттерге АСҚ-мен біріктірілімде • 24 сағат ішінде ТИШ немесе ИИ орташадан жоғары қауіпке дейін (ABCD2≥4 шкаласы) немесе шағын ИИ (NIHSS≤3) бар пациенттерге • 1 ТИШ-тен кейінгі ерте инсульт қаупін бағалау шкаласы келесі параметрлерге негізделеді: жасы, артериялық қысымы, клиникалық симптомдар, ТИШ ұзақтығы және қант диабеті. • 2 Ұлттық денсаулық сақтау институтының инсульт шкаласы.

Әсер ету механизмі Клопидогрел метаболиттерінің бірі тромбоциттер агрегациясының тежегіші болып табылатын ізашар дәрісі болып табылады. Клопидогрел тромбоциттер агрегациясын бәсеңдететін белсенді метаболит түзу үшін CYP2С19 энзимдері арқылы метаболизмге ұшырауы тиіс. Клопидогрел белсенді метаболиті аденозиндифосфаттың (AДФ) өзінің P2Y12 тромбоциттік рецепторымен байланысуын және кейінгі гликопротеиндік GPIIb/IIIa кешенінің АДФ себебімен іске қосылуын селективті тежеп, сол арқылы тромбоциттер агрегациясына кедергі болады. Қайтымсыз байланысу салдарынан әсерге ұшыраған тромбоциттер өз тіршілігінің бүкіл қалған мерзімінде (шамамен 7-10 күн) зақымданады, ал тромбоциттердің қалыпты функциясының қалыпқа келуі тромбоциттік циклға сәйкес жылдамдықпен жүзеге асады. АДФ-тан ерекшеленетін агонистерден туындаған тромбоциттер агрегациясы да босап шыққан АДФ әсерімен жүзеге асатын тромбоциттер іске қосылуының күшеюін бөгеу жолымен бәсеңдейді. Белсенді метаболит кейбіреулері полиморфты болып келетін немесе өзге дәрілік қосылыстармен бәсеңдейтін CYP450 энзимдері арқылы түзілетіндіктен, пациенттердің бәрінде бірдей тромбоциттердің бәсеңдеу дәрежесі жеткілікті болмайды. Фармакодинамикалық әсерлер Тәулігіне 75 мг қайталанатын дозалары бірінші күннен-ақ АДФ туғызған тромбоциттер агрегациясының едәуір бәсеңдеуіне әкелді. Тежеу әсері үдемелі күшейіп, 3-7 күннен соң тепе-тең жағдайға жетті. Тепе-теңдік жағдай сатысында тәулігіне 75 мг дозада байқалған тежелудің орташа деңгейі 40%-дан 60%-ға дейін. Тромбоциттер агрегациясы және қан кету уақыты, әдетте, емді тоқтатудан кейін 5 күннен соң бастапқы деңгейіне біртіндеп оралды. Клиникалық тиімділігі және қауіпсіздігі Клопидогрелдің қауіпсіздігі мен тиімділігі 100 000-нан астам пациенттің қатысуымен жеті салыстырмалы жасырын зерттеуде зерттелді: CAPRIE зерттеуі - клопидогрелді АСҚ-мен салыстыру және CURE, CLARITY, COMMIT, CHANCE, POINT және ACTIVE-А зерттеулері, онда клопидогрелді плацебомен салыстырды, екі дәрілік зат та АСҚ-мен және басқа стандартты терапиямен біріктірілімде қабылданды.Таяудағы миокард инфарктісі (МИ), таяудағы инсульт немесе диагностикаланған шеткері артериялар ауруы CAPRIE зерттеуінде атеротромбоз, таяудағы миокард инфарктісі (< 35 күн), таяудағы ишемиялық инсульт (7 күн мен 6 ай аралығында) немесе диагностикаланған шеткері артериялар ауруымен (ШАА) 19 185 пациент қамтылды. Пациенттер клопидогрелді 75 мг/тәулік немесе АСҚ 325 мг/тәулік алу үшін рандомизацияланды және 1-3 жыл бойы байқалды. Миокард инфарктісі бар пациенттердің қосалқы тобында көптеген пациенттер жедел миокард инфарктісінен кейін алғашқы бірнеше күн бойы АСҚ қабылдады Миокард инфарктісі бар пациенттердің қосалқы тобында көптеген пациенттер жедел миокард инфарктісінен кейін алғашқы бірнеше күн бойы АСҚ қабылдады Барлық рандомизацияланған пациенттер талдауында 939 оқиға клопидогрел тобында байқалды және 1020 оқиға АСҚ тобында байқалды (қауіптің салыстырмалы төмендеуі (ҚСТ) 8.7%, [95% СА: 0.2 16.4 дейін]; p=0.045), бұл 2 жыл ем алған әр 1,000 пациент үшін жаңа ишемиялық оқиғаның туындауына жол берілмеген 10 [СА: 0 20 дейін] қосымша пациентке сай келеді. Екіншілік соңғы нүкте ретінде жалпы өлімге ұшырауды талдау клопидогрел (5.8%) мен АСҚ (6.0%) арасында елеулі айырмашылық көрсетпеді. Тиісті аурулар (миокард инфарктісі, ишемиялық инсульт және шеткері артериялар ауруы) бойынша қосалқы топтарды талдау шеткері артериялар ауруы себебімен қосылған пациенттердегі (әсіресе, миокард инфарктісін алғандарда) (ҚСТ=23,7%; СА: 8,9-36,2) ең көп (p=0,003 тұсында статистикалық мәніне жеткен) әсерді, инсульт алған пациенттердегі азырақ (ҚСТ=7,3%; СА: -5,7-ден 18,7 дейін [p=0,258]) әсерді (АСҚ әсерінен елеулі ерекшеленбеген) көрсетті. Таяуда алған миокард инфарктісі себебімен ғана зерттеуге қосылған пациенттерде клопидогрел тиімділігі көптеген көрсеткіштер бойынша азырақ болды, бірақ осы орайда ол АСҚ әсерінен статистикалық мәнді ерекшеленбеді (ҚСТ=4%; СА: -22,5 11,7 дейін [p=0,639]). Бұдан бөлек, жасына қарай пациенттердің қосалқы топтарын талдау клопидогрелдің 75 жастан асқан пациенттердегі жағымды әсерінің, 75 жасқа дейінгі пациенттерге қарағанда, төмен болғанын айғақтайды. CAPRIE зерттеуінің дәлелдеу базасы жекелеген қосалқы топтардағы тиімділігін бағалау үшін жеткіліксіз болғандықтан түрлі аурулармен пациенттер үшін ҚСТ айырмашылықтары шын мәнінде бар ма немесе айырма кездейсоқ болды ма, түсініксіз күйде қалады. Жедел коронарлық синдром CURE зерттеуінде соңғы 24 сағатта кеуденің ауыру ұстамасы немесе ишемия симптомдары байқалған ST сегментінің көтерілуінсіз жедел коронарлық синдромы (тұрақсыз стенокардия немесе Q тісшесінсіз миокард инфарктісі) бар 12 562 пациент қамтылды. Пациенттерде жаңа ишемияны немесе жүрек ферменттерінің немесе I немесе T тропонин белсенділігінің, қалыптың жоғарғы шегімен салыстырғанда, кемінде екі есе жоғарылауын айғақтайтын ЭКГ өзгерістері болды. Пациенттер клопидогрелді (75 мг/тәулік дозаны қолданумен жалғасатын 300 мг жүктемелік доза, n=6259) немесе плацебоны (n=6303), екеуін АСҚ-мен (тәулігіне 1 рет 75-325 мг) және басқа стандартты еммен біріктірілімде алу үшін рандомизацияланды. Емдеу ұзақтығы 1 жылға дейін болды. CURE зерттеуі барысында сонымен қатар 823 (6,6%) пациент GPIIb/IIIa гликопротеин рецепторларының антагонисімен ем қабылдады. 90%-дан астам пациент гепарин алды. Осындай қатарлас ем клопидогрелмен және плацебомен емдегенде қан кету туындауының салыстырмалы жиілігіне статистикалық сенімді ықпал етпеді. Бастапқы соңғы нүктеге [жүрек-қантамыр (ЖҚ) өлімі, миокард инфарктісі (МИ) немесе инсульт] жеткен пациенттер саны клопидогрел тобында 582 (9,3%) және плацебо тобында 719 (11,4%) құрады. Қауіптің салыстырмалы төмендеуі клопидогрел тобы үшін (17% - консервативтік ем кезінде, 29% - стентті орнатумен немесе онсыз тері арқылы транслюминальді коронарлық ангиопластика жасалғанда және 10% - қолқа-коронарлық шунттау жүргізілгенде) 20% құрады (95% СА 10-28%; p=0,00009). Жаңа жүрек-қантамыр оқиғалары (бастапқы соңғы нүкте) дамуының алдын алу 0-1, 1-3, 3-6, 6-9 және 9-12 ай зерттеу кезеңдерінде, тиісінше, 22% (СА: 8,6-33,4), 32% (СА: 12,8-6,4), 4% (СА: -26,9-26,7), 6% (СА: -33,5-34,3) және 14% (СА: -31,6-44,2) құраған ҚСТ-мен жүзеге асты. Яғни, 3 айдан аса емделуден соң жағымды әсері клопидогрел+АСҚ тобында байқалды, одан әрі өспеді, ал қан кетудің туындау қаупі сол күйінде қалды ("Айрықша нұсқаулар және қолданған кездегі сақтандыру шаралары" бөлімін қараңыз). CURE зерттеуі барысында клопидогрел қолдану тромболитикалық емдеудің (ҚСТ=43,3%; СА: 24,3-57,5%) және GP IIb/IIIa гликопротеин рецепторлары тежегіштерінің (ҚСТ=18,2%; СА: 6,5-28,3%) қажеттілігін азайтты. Біріктірілген бастапқы соңғы нүктеге (ЖҚ болатын өлім, миокард инфарктісі, инсульт немесе рефрактерлі ишемия) жеткен пациенттер саны клопидогрел тобында 1035 (16,5%) және плацебо тобында 1187 (18,8%) құрады. ҚСТ клопидогрел тобында 14% (95% СА 6-21%, p=0,0005) құрады. Бұл әсер негізінен миокард инфарктісі жиілігінің статистикалық маңызды төмендеуімен байланысты болды [287 (4,6%) клопидогрел тобында және 363 (5,8%) плацебо тобында]. Тұрақсыз стенокардия себебінен қайталанатын ауруханаға жату жиілігінің өзгеруі байқалмады. Түрлі сипаттамалары (мысалы, тұрақсыз стенокардия немесе Q тісшесінсіз миокард инфарктісі, төменнен жоғарыға дейінгі қауіп деңгейі, қант диабеті, реваскуляризация қажеттілігі, жасы, жынысы және т.б.) бар пациенттер топтарында алынған нәтижелер бастапқы талдау нәтижелерімен сәйкес келді. Атап айтқанда, стент (Stent-CURE) орнатылған (CURE бүкіл қауымының 17%-ы) 2172 пациентке жасалған қосымша талдау, плацебомен салыстырғанда, клопидогрелмен емдеу кезінде сенімді ҚСТ (26,2%) байқалуын көрсетті, бұл бастапқы соңғы нүктенің (ЖҚ өлімі, миокард инфарктісі, инсульт) дамуының алдын алуда клопидогрел пайдасына шешіліп, сондай-ақ екінші біріккен бастапқы соңғы нүкте (ЖҚ өлімі, миокард инфарктісі, инсульт немесе рефрактерлік ишемия) бойынша нақты ҚСТ (23,9%) болатынын айғақтайды. Оның үстіне, пациенттердің осы қосалқы тобында клопидогрелдің қауіпсіздік бейінінің ешқандай ерекше ескертулерін туындатпайды. Осылайша, пациенттер тобын қосымша талдау нәтижелері бүкіл зерттеу нәтижелеріне сәйкес келеді. Клопидогрелдің жағымды әсері басқа жүрек-қантамыр дәрілерімен (гепарин/төмен молекулалы гепарин, GP IIb/IIIa гликопротеин рецепторларының тежегіштері, липид төмендететін препараттар, β-адренорецепторлардың блокаторлары және АӨФ тежегіштері сияқты) шұғыл және ұзақ ем алуға қарамастан көріністелді. Клопидогрел тиімділігі АСҚ дозасына (тәулігіне 1 рет 75-325 мг) байланысты болмады.ST сегментінің көтерілумен жедел миокард инфарктісі ST сегментін көтерілуімен жедел миокард инфарктісі (STEMI) бар пациенттерде клопидогрелдің қауіпсіздігі мен тиімділігі 2 CLARITY рандомизацияланған, плацебо-бақыланатын салыстырмалы жасырын зерттеулерде, CLARITY (CLARITY PCI) және COMMIT зерттеуінің қосалқы топтарының перспективалық талдауында бағаланды. CLARITY зерттеуіне ST сегментінің көтерілуімен соңғы 12 сағат ішінде миокард инфарктісін алған және тромболитикалық ем жоспарланған 3491 пациент қосылды. Пациенттер клопидогрел (300 мг жүктеме доза, әріқарай – 75 мг/тәулік, n=1752) немесе плацебо (n=1739), екеуін АСҚ-мен (75-162 мг/тәулік қолданумен жалғасатын 150-325 мг жүктеме дозасы), фибринолитикалық препаратпен және қажет болған жағдайда – гепаринмен біріктірілімде қабылдады. Пациенттерді әріқарай қадағалау 30 күн жалғасты. Бірінші біріктірілген соңғы нүкте клиникадан шығарылу алдында ангиограммада анықталған инфарктке тәуелді артерия окклюзиясы, өлім немесе коронарлық ангиография жасау алдында миокард инфарктісінің қайталануы болды. Ангиография жасалмаған пациенттер үшін бастапқы соңғы нүкте өлім немесе миокард инфарктісінің 8 тәулікке дейін немесе клиникадан шығару сәтіне дейін қайталануы болды. Осы зерттеуге қатысқан пациенттер арасында пациенттердің 19,7%-ы әйел және 29,2%-ы 65 жаста және одан асқан болды. Жалпы пациенттердің 99,7%-ы фибринолитикалық препараттар (фибрин-спецификалық 68,7%, фибрин-спецификалық емес 31,1%), 89,5%-ы гепарин, 78,7%-ы β-адренорецепторлар блокаторларын, 54,7%-ы АӨФ тежегіштерін және 63%-ы статиндер қабылдады. Бастапқы соңғы нүктеге клопидогрел қабылдаған топтан пациенттердің он бес пайызы (15.0%) және плацебо алған топтан 21,7%-ы жетті. Осылайша, оның абсолютті төмендеуі 6,7% болып, негізінен, артерияда инфарктпен байланысты окклюзия дамыған жағдайлар санының азаюына орай клопидогрел пайдасына 36% (95% СА: 24–47%; p <0,001) басым түсті. Осындай артықшылығы жасына, жынысына, инфаркт орналасуы және фибринолитиктермен немесе гепаринмен қабылдаған ем түріне қарай бөлінген пациенттердің барлық алдын ала белгіленген қосалқы топтарында байқалды. CLARITY PCI қосалқы топтық талдауы ТКА жасатқан 1863 STEMI бар пациенттерді қамтыды. Клопидогрелдің 300 мг (n = 933) жүктеме дозасын қабылдаған пациенттерде плацебомен (n = 930) салыстырғанда жүрек-қантамырлары ауруларынан, миокард инфарктісінен немесе ТКА-дан кейінгі инсульттан болатын өлім көрсеткіші айтарлықтай төмендеді (клопидогрелмен алдын ала емдеу тобында 3,6%, плацебо тобында 6,2 % салыстырғанда, мүмкіндіктер арақатынасы (МА): 0,54; 95 % СА: 0,35–0,85; p = 0,008). 300 мг НД клопидогрел қабылдаған пациеттерде плацебомен салыстырғанда жүрек-қантамырлары ауруларынан, МИ немесе 30 күн ішінде ТКА-дан кейінгі инсульттан болатын өлім көрсеткіші айтарлықтай төмендеді (клопидогрелмен алдын ала емдеу тобында 7,5 %, плацебо тобында 12,0 % салыстырғанда, МҚ: 0,59; 95% СА: 0,43–0,81; p = 0,001). Алайда, CLARITY зерттеуінің жалпы популяциясын бағалау кезінде бұл құрама соңғы нүкте екінші соңғы нүкте ретінде статистикалық тұрғыдан маңызды болмады. Екі емдеу тобы арасында ауқымды немесе аздаған қан кету жиілігінде айтарлықтай айырмашылықтар байқалмады (клопидогрелмен алдын ала емдеу тобында 2,0%, плацебо тобында 1,9%, p > 0,99). Бұл зерттеудің нәтижелері STEMI-де және ТКА-дан кейінгі пациенттерде клопидогрелмен алдын ала емдеудің әдеттегі стратегияда клопидогрелдің жүктеме дозасын ерте тағайындау қажеттілігін көрсетеді. Екі факторлы COMМIT зерттеуінде 45 852 пациент қамтылды, оларда соңғы 24 сағат ішінде миокард инфарктісіне күмән тудыруы мүмкін симптомдардың туындауы байқалды, бұл ЭКГ көрсеткіштерінің қалып шегінен ауытқуларымен (мысалы, ST сегментінің көтерілуі немесе депрессиясы немесе Гис шоғырының сол жақ тармағының блокадасы) расталады. Пациенттер клопидогрелді (75 мг/тәулік, n=22 961) немесе плацебоны (n=22 891) АСҚ-мен (162 мг/тәулік) біріктірілімде 28 күн бойы немесе стационардан шығарылғанша қабылдады. Бастапқы біріктірілген соңғы нүктелер кез келген себеппен өліммен аяқталу және миокард инфарктісінің алғашқы қайталануы, инсульт немесе өлім болды. Пациенттер тобында 27,8% әйел, пациенттердің 58,4%-ы ≥60 жаста болды (26% ≥70 жас) және пациенттердің 54,5%-ы фибринолиздік препараттар қабылдады. Клопидогрел кез келген себеппен өлімнің салыстырмалы даму қаупін 7% (p=0,029) және инфаркт, инсульт немесе өлім қайталануының біріккен салыстырмалы қаупін 9% (p=0,002) статистикалық нақты төмендетті, осы орайда салыстырмалы және абсолютті төмендеу, тиісінше, 0,5% және 0,9% құрады. Осындай әсері фибринолитиктер қабылдауға қарамастан жасы мен жынысы әртүрлі пациенттерде білінді және алғашқы 24 сағат ішінде байқалды. ТКА жасалған жедел коронарлық синдромы бар пациенттерде клопидогрелдің жүктеме дозасы 600 мг құрайды CURRENT-OASIS-7 (Қайталанатын құбылыстардың жиілігін төмендету үшін клопидогрел мен аспириннің оңтайлы дозасын қолдану) Рандомизацияланған факторлық зерттеуге ТКА ерте жасау үшін көрсеткіші бар жедел коронарлық синдромы (ЖКС) бар 25 086 адам енгізілді. Пациенттер қосарлы дозаны (тәулігіне 600 мг 1, содан кейін тәулігіне 150 мг 2-7, содан кейін тәулігіне 75 мг) немесе стандартты дозаны (тәулігіне 300 мг 1, содан кейін тәулігіне 75 мг), сондай-ақ жоғары дозаны (тәулігіне 300-325 мг) немесе төмен дозаны (тәулігіне 75-100 мг) алу үшін кездейсоқ тағайындалды. Зерттеуге енгізілген ЖКС бар 24 835 пациенттерге коронарлық ангиография жасалды, ал 17 263-ке ТКА жасалды. ТКА жасалған 17 263 пациенттің ішінде клопидогрелдің қосарлы дозасы бастапқы соңғы нүктеге жету жиілігін төмендетті (3,9%, 4,5% түзетілген тәуекел коэффициентімен (о) = 0,86, 95% Са 0,74–0,99, p = 0,039) және стент тромбозын айтарлықтай төмендетті (2,3% салыстырғанда 1,6 %, ҚҚ: 0,68; 95% СА: 0,55–0,85; p = 0,001). Клопидогрелдің стандартты дозасын қолданғаннан гөрі қосарлы дозаны қолданғанда кең қан кету жиі байқалды (1,1% салыстырғанда 1,6 %, ҚҚ = 1,41, 95% СА 1,09–1,83, p = 0,009). Бұл зерттеуде клопидогрелдің 600 мг жүктеме дозасы ≥ 75 жастағы және < 75 жастағы пациенттерде тұрақты тиімділікті көрсетті. ARMYDA-6 MI (миокард инфарктісінде ангиопластикада миокардтың зақымдануын азайту үшін антитромбоциттік терапия) Рандомизацияланған перспективалы халықаралық көп орталықты зерттеуде 600 мг НД клопидогрел алдын ала тағайындалуы STEMI кезінде жедел ТКА жағдайында НД 300 мг-мен салыстырғанда бағаланды. Пациенттер 600 мг НД клопидогрел (n = 103) немесе 300 мг НД клопидогрел (n = 98) ТКА-ға дейін алды, содан кейін оларға ТКА-дан кейінгі күні 1 жылға дейінгі кезең ішінде тәулігіне 75 мг тағайындалды. 600 мг НД клопидогрел қабылдаған пациенттерде инфаркт аймағы 300 мг НД қабылдаған пациенттерге қарағанда айтарлықтай аз болды. ТКА-дан кейін НД 600 мг тобында < 3-ші ауырлық дәрежесінде (16,3% - бен салыстырғанда 5,8 %, p = 0,031) аз жиі тромболиз байқалды, шығару кезінде сол жақ қарыншаның шығарылу фракциясының (СҚ ШФ) жақсаруы (48,8 ± 11,3% - бен салыстырғанда 52,1 ± 9,5 %, p= 0,026), ал 30 күндік жүрек-қантамырлардың ауыр жағымсыз құбылыстары сирек кездеседі (15% - бен салыстырғанда 5,8 %, p = 0,049). Препаратты енгізу орнында қан кету немесе асқыну жиілігінің жоғарылауы байқалмады (30-шы күні екіншілік соңғы нүктелер). HORIZONS-AMI (жедел миокард инфарктісіндегі реваскуляризация мен стенттеудің үйлесімді нәтижелері) Бұл ретроспективалық зерттеу 600 мг НД клопидогрел тромбоциттерінің белсендірілуін жылдам және айқынырақ тежеуді қамтамасыз етуді бағалау үшін жүргізілді. Талдау жүректің катетеризациясына дейін 3311 негізгі зерттеу пациенттеріндегі (n = 1153; 300 мг тобы; n = 2158; НД 600 мг тобы) 300 мг-мен салыстырғанда 300 мг-нің 30 күндік клиникалық нәтижелерге әсерін зерттеді, содан кейін шығарылғаннан кейін ≥ 6 ай ішінде тәулігіне 75 мг доза. Нәтижелер қан кетудің жоғары жиілігінсіз НД 600 мг қолданғанда 30 күндік түзетілмеген өлім-жітімнің (3,1% салыстырғанда 1,9 %, p = 0,03), қайталанатын инфаркттың (2,3% салыстырғанда 1,3 %, p = 0,02) және расталған немесе ықтимал стент тромбозының (2,8% салыстырғанда 1,7 %, p = 0,04) айтарлықтай төмен екенін көрсетті. Мультипараметрлік талдау жүргізген кезде НД 600 мг жүректің 30 күндік негізгі жағымсыз құбылыстарының төмен жиілігінің тәуелсіз болжамды факторы болды (ҚҚ: 0,72 [95% СА: 0,53–0,98], p = 0,04). Ауқымды қан кету жиілігі (аорта-коронарлық артерияны шунттаумен байланысты емес) НД 600 мг тобында 6,1% және НД 300 мг тобында 9,4% (p = 0,0005) құрады. Аздаған қан кету жиілігі НД 600 мг тобында 11,3% және НД 300 мг тобында 13,8% құрады (p = 0,03). ТКА-дан кейінгі STEMI бар пациенттерде клопидогрелмен ұзақ мерзімді (12 ай) емдеу CREDO (Бақылау кезінде жағымсыз құбылыстардың жиілігін төмендетуге арналған клопидогрел) Бұл рандомизацияланған, салыстырмалы жасырын, плацебо-бақыланатын сынақ Америка Құрама Штаттарында және Канадада ТКА-дан кейін клопидогрелмен ұзақ (12 ай) емдеудің пайдасын бағалау үшін жүргізілді. ТКА-дан 3-24 сағат бұрын 300 мг дозасында НД клопидогрел (n = 1053) немесе плацебо (n = 1063) алу үшін 2116 пациент рандомизацияланды. Барлық пациенттер 325 мг дозада АСҚ алды. Осыдан кейін барлық пациенттер клопидогрелді тәулігіне 75 мг дозада 28-ші күнге дейін екі топта да қабылдады. 29 күннен 12 айға дейін клопидогрел тобындағы пациенттер клопидогрелді тәулігіне 75 мг дозада, ал бақылау тобында плацебо қабылдады. Зерттеу барысында екі топқа да АСҚ берілді (тәулігіне 81-ден 325 мг-ге дейін). 1 жылдан кейін клопидогрелді қолданған кезде плацебомен салыстырғанда өлім, миокард инфарктісі немесе инсульттің жиынтық қаупінің айтарлықтай төмендеуі байқалды (салыстырмалы түрде 26,9 %, 95% төмендеді СА: 3,9% -44,4 %; p = 0,02; 3%-ға абсолютті төмендеу). 1 жылдан кейін ауқымды қан кету жиілігінің айтарлықтай жоғарылауы байқалмады (клопидогрел тобында 8,8%, плацебо тобында 6,7%, p = 0,07) немесе аздаған қан кетулер (клопидогрелді қолданған кезде 5,3%, плацебо тобында 5,6%, p = 0,84). Бұл зерттеудің негізгі нәтижесі клопидогрел мен АСҚ-ны кем дегенде 1 жыл бойы қолдануды жалғастыру ауыр тромбоздық құбылыстар жиілігінің статистикалық және клиникалық маңызды төмендеуіне әкеледі. EXCELLENT (Xience/Promus тиімділігі, Cypher-мен салыстырғанда, стенттеуден кейін стенттің тесігінің кейінгі жабылуын азайту үшін) Бұл перспективалы, ашық, рандомизацияланған зерттеу Кореяда 6 айлық екі есе антитромбоциттік емнің (ЕАТЕ) тиімділігін дәрілік жабыны бар стенттерді имплантациялаудан кейінгі 12 айлық ЕАТЕ -мен салыстыру үшін жүргізілді. Зерттеуге 6 айлық ЕАТЕ (АСҚ тәулігіне 100-200 мг плюс 6 ай бойы тәулігіне 75 мг клопидогрел, содан кейін тек АСҚ 12 айға дейін) немесе 12 айлық ЕАТЕ (АСҚ тәулігіне 100-200 мг плюс тәулігіне 75 мг клопидогрел) алу үшін рандомизацияланған имплантацияланған 1443 пациент енгізілді/12 ай ішінде күн). 6 ай және 12 айға созылатын ЕАТЕ топтары арасындағы бастапқы соңғы нүкте болып табылатын нысаналы тамырдың жеткіліксіздігінің даму жиілігінде (жүректің қайтымсыз тоқтап қалуы, оның ішінде нысаналы тамырдың реваскуляризациясын қамтитын біріктірілген соңғы нүкте) елеулі айырмашылықтар байқалмады (ҚҚ: 1,14; 95% СА: 0,70 1,86; p = 0,60). Сонымен қатар, зерттеу 6 ай және 12 айға созылатын ЕАТЕ топтары арасында (ҚҚ: 1,15; 95% СА: 0,64–2,06; p = 0,64) қауіпсіздіктің соңғы нүктесінде (TIMI шкаласы бойынша өлім, МИ, инсульт, стент тромбозы немесе ауқымды қан кетуді қамтитын ұғымдар жиынтығы) айтарлықтай айырмашылықтарды көрсетпеді. Зерттеудің негізгі нәтижесі 6 айлық ЕАТЕ нысаналы тамырдың жеткіліксіздігі қаупіне қатысты 12 айлық ЕАТЕ кем түспейтінін растау болып табылады. ЖКС кезінде Р2Ү12 тежегіштерінің деэскалациясы Зерттеуші демеушілік еткен екі рандомизацияланған TOPIC және TROPICAL-ACS зерттеулерінде P2Y12 рецепторларының күшті тежегішімен терапиядан жедел коронарлық синдромның жедел фазасы аяқталғаннан кейін АСК-мен бірге клопидогрелмен емдеуге клиникалық нәтиженің деректерімен ауысу зерттелді. P2Y12 рецепторларының анағұрлым күшті тежегіштері, тикагрелор және прасугрел олардың базалық зерттеулерінде алған клиникалық пайдасы ишемиялық оқиғалар қайталануының айтарлықтай төмендеуімен (стенттің жедел және жеделге жуық тромбозын (СТ), миокард инфарктісін (МИ) және шұғыл реваскуляризацияны қоса) байланысты Ишемиялық пайда бірінші жыл ішінде тұрақты болғанына қарамастан, ЖКС кейін ишемиялық рецидивтің анағұрлым күшті төмендеуі емдеу басталғаннан кейінгі алғашқы күндерде байқалды. Керісінше, ретроспективті талдаулар P2Y12 рецепторларының анағұрлым күшті тежегіштерін қолданған кезде, негізінен демеуші фазасы кезінде, ЖКС кейінгі бірінші айдан соң қан кету қаупінің статистикалық маңызды жоғарылауын көрсетті. TOPIC және TROPICAL-ACS зерттеулері тиімділікті сақтай отырып, қан кетуді азайту әдісін зерттеуге арналған.TOPIC (Жедел коронарлық синдромнан кейін тромбоциттерді тежеу хронометражы) Осы рандомизацияланған ашық клиникалық зерттеуге тері арқылы коронарлық араласу (ТКА) талап етілген ЖСК бар пациенттер қатысты. Аспирин және P2Y12 рецепторларының өте қуатты тежегішін қабылдаған және бір айдан соң жағымсыз құбылысы болмаған пациенттер аспирин мен клопидогрелдің бекітілген біріктірілімімен емге (екі есе антитромбоциттік ем (ЕАТЕ) деэскалациясы) ауыстырылды немесе бұрын тағайындалған препараттарды қабылдауды (өзгермеген ЕАТЕ) жалғастырды. Барлығы ST сегментінің көтерілуімен миокард инфарктісін немесе ST-сегментінің көтерілуінсіз миокард инфарктісін алған немесе тұрақсыз стенокардиясы бар 646 пациенттің 645-і талдаудан өтті (ЕАТЕ деэскалациясы (n=322); өзгермеген ЕАТЕ (n=323)). Бір жыл бойы бақылау мақсатындағы қадағалау ЕАТЕ деэскалациясы тобында 316 пациентке (98.1%) және өзгермеген ЕАТЕ тобында 318 пациентке (98.5%) жүргізілді. Екі топта да қадағалау медианасы 359 күнге созылды. Зерттелетін когорта сипаттамасы 2 топта ұқсас болды. Бастапқы біріктірілген нәтиже – жүрек-қантамырдан болатын өлім, инсульт, шұғыл реваскуляризация және ЖКС өткеруден кейінгі бір жылдан соң BARC (Академиялық қан кетулер жөніндегі зерттеу консорциумы) шкаласы бойынша ≥2 қан кету ЕАТЕ деэскалациясы тобында 43 пациентте (13.4%) және өзгермеген ЕАТЕ тобында 85 пациентте (26.3%) тіркелді (p<0.01). Бұл статистикалық мәнді айырмашылық негізінен ишемиялық соңғы нүктелерде тіркелген айырмасыз қан кету жағдайларының санын қысқарту себебінен болады (p=0.36), осы орайда ЕАТЕ деэскалациясы тобында BARC шкаласы бойынша ≥2 қан кету өзгермеген ЕАТЕ тобындағы 14.9%-бен салыстырғанда сирек (4.0%) болды (p<0.01). BARC шкаласы бойынша барлық типтер сияқты анықталған қан кетулер, ЕАТЕ деэскалациясы тобында 30 пациентте (9.3%) және өзгермеген ЕАТЕ тобында 76 пациентте (23.5%) орын алды (p<0.01).TROPICAL-ACS (Жедел коронарлық синдромдарда ұзаққа созылатын антитромбоциттік ем кезінде тромбоциттер тежелісіне берілетін жауапты тестілеу) Осы рандомизацияланған ашық зерттеуде сәтті ТКА жасалған соң биомаркерлерге тест нәтижесі оң болған ЖКС бар 2610 пациент қамтылды. Пациенттер 5 немесе 10 мг/д прасугрел (0-14 күн) немесе 5 немесе 10 мг/д прасугрел (0-7 күн), ал сосын АСҚ-мен (<100 мг/тәулік) біріктірілімде 75 мг/д клопидогрел (8-14 күндер) алатын топқа рандомизацияланды (n=1309). 14 күннен соң тромбоциттік функцияға (ТТФ) тест өткізілді. Тек прасугрел алған пациенттер прасугрел қабылдауды 11.5 ай бойы жалғастырды. Алмастыру (деэскалация) тобының пациенттерінде тромбоциттердің жоғары реактивтілігіне (ТЖР) тест өткізілді. Егер ТЖР ≥46 бірлік болса, пациенттерді 11.5 ай бойы 5 немесе 10 мг/д прасугрелге қайта ауыстырды; егер ТЖР <46 бірлік болса, пациенттер 75 мг/д клопидогрелді 11.5 ай бойы алуды жалғастырды. Демек, басқарылатын деэскалация тобында пациенттер не прасугрел (40%), не клопидогрел (60%) алған. Барлық пациенттер аспирин алуды жалғастырды және бір жыл бойы бақылауда болды. Бастапқы біріктірілген соңғы нүктеге (ЖҚ өлімі, МИ, инсульт жиілігі және 12 айдан соң BARC шкаласы бойынша ≥2 қан кету класы) кем түспейтін тиімділікпен жету мүмкін болды. Басқарылатын деэскалация тобындағы тоқсан бес пациентте (7%) және бақылау тобындағы 118 пациентте (9%) жағымсыз құбылыс орын алды (тиімділігі кем емес p = 0.0004). Басқарылатын деэскалация ишемиялық оқиғалардың біріктірілген даму қаупінің артуына әкелмеді (деэскалация тобында 2,5% және бақылау тобында 3,2%; тиімділігі кем емес р = 0.0115), сондай-ақ қан кетудің 2 типті қан кетудің немесе анағұрлым ауыр қан кету жиілігі BARC шкаласы бойынша ≥2 (деэскалация тобында (5%) және бақылау тобында 6% (p=0.23)). Барлық қан кетулердің жиынтық жиілігі (BARC шкаласы бойынша 1-ден 5 дейінгі класс) басқарылатын деэскалация тобында 9% (114 оқиға) және бақылау тобында 11% (137 оқиға) құрады (p=0.14).Жедел шағын ЖИ немесе қаупі орташадан жоғарыға дейінгі ТИШ кезінде қосарлы антитромбоциттік ем (ҚАТЕ) Жедел шағын ИИ немесе қаупі орташадан жоғарыға дейінгі ТИШ кейін инсульттің алдын-алу үшін емдеу ретінде клопидогрел мен АСҚ біріктірілімімен ҚАТ зерттеушілер демеушілік еткен (ISS) - CHANCE және POINT екі рандомизацияланған зерттеуде бағаланды - клиникалық қауіпсіздік пен тиімділік туралы мәліметтермен.CHANCE (Клопидогрел мүгедектікке ұшыратпайтын цереброваскулярлық жедел оқиғаларымен жоғары қауіпті пациенттерде) Бұл рандомизацияланған, салыстырмалы жасырын, көп орталықты плацебо-бақыланатын клиникалық зерттеуге жедел ТИШ (ABCD2 ≥4 шкаласы) немесе жедел шағын инсульт (NIHSS ≤3) алған қытайлық 5170 пациент кірді. Екі топтың пациенттері бірінші күні ашық түрде АСҚ алды (емдеуші дәрігердің қалауы бойынша 75-тен 300 мг дейінгі дозада). Клопидогрел-АСҚ тобына рандомизацияланған пациенттер 1 күні 300 мг клопидогрелдің жүктеме дозасын, содан кейін 2-ден 90 күнге дейін күніне 75 мг клопидогрел дозасын және 2-ден 21 күнге дейін күніне 75 мг дозада АСҚ дозасын алды. АСҚ тобына рандомизацияланған пациенттер 1-ден 90 күнге дейін клопидогрел плацебо және 2-ден 90 күнге дейін күніне 75 мг дозада АСҚ алды. Тиімділіктің алғашқы нәтижесі жедел шағын ИИ немесе жоғары қауіпті ТИШ кейінгі алғашқы 90 күнде инсульттің кез-келген жаңа жағдайы (ишемиялық және геморрагиялық) болды. Олар АСҚ тобындағы 303 пациентпен (11,7%) салыстырғанда клопидогрел-АСҚ тобындағы 212 пациентте (8,2%) пайда болды (салыстырмалы қауіп [СҚ], 0,68; 95% сенімді аралық [СА], 0,57-0,81; P < 0,001). ИИ АСҚ тобындағы 295 (11,4%) салыстырғанда клопидогрел-АСҚ тобындағы 204 пациентте (7,9%) пайда болды (ҚҚ 0,67; 95% СА 0,56-0,81; P <0,001). Геморрагиялық инсульт зерттелетін екі топтың әрқайсысында 8 пациентте болды (әр топта 0,3% - дан). Орташа немесе ауыр қан кету клопидогрел-АСҚ тобындағы жеті (0,3%) және АСҚ тобындағы сегіз пациентте (0,3%) (P = 0,73) болды. Кез келген қан кету жиілігі АСҚ тобындағы 1,6%-бен салыстырғанда клопидогрел-АСҚ тобында 2,3% құрады (ҚҚ 1,41; 95% са 0,95-тен 2,10-ға дейін; P = 0,09). POINT (Жаңа ТИШ және шағын ишемиялық инсульт кезінде тромбоциттерді тежеу) Бұл рандомизацияланған, салыстырмалы жасырын, көп орталықты плацебо-бақыланатын клиникалық зерттеуге жедел ТИШ (ABCD2 ≥4 шкаласы бойынша) немесе шағын инсульт (NIHSS ≤3) бар әр түрлі елдердің 4881 пациенті кірді. Екі топтағы барлық пациенттер 1-ден 90-ға дейін ашық түрде АСҚ алды (емдеуші дәрігердің қалауы бойынша 50-325 мг). Клопидогрел тобына рандомизацияланған пациенттер 1 күні 600 мг клопидогрелдің, содан кейін 2-ден 90-ға дейін күніне 75 мг клопидогрелдің жүктеме дозасын алды. Плацебо тобына рандомизацияланған пациенттер 1-90 күн аралығында клопидогрел плацебосын алды. Тиімділіктің бастапқы нәтижесі 90-шы күні үлкен ишемиялық оқиғалардың жиынтығы болды (ИИ, МИ немесе ишемиялық тамыр оқиғасынан өлім). Олар тек АСҚ алған 160 пациентпен (6,5%) салыстырғанда клопидогрел плюс АСҚ алған 121 пациентте (5,0%) болды (қауіп қатынасы) ҚҚ 0,75; 95% СА 0,59-дан 0,95 дейін; P = 0,02). ИИ қайталанған оқиғасы тек АСҚ алған 155 пациентпен (6,3%) салыстырғанда клопидогрел плюс АСҚ алған 112 пациентте (4,6%) орын алды (ҚҚ 0,72; 95% СА 0,56–0,92; P = 0,01). Жаппай қан кету бойынша қауіпсіздіктің бастапқы нәтижесі клопидогрел плюс АСҚ алған 2432 пациенттің 23-інде (0,9%) және тек АҚҚ алған 2449 пациенттің 10-ында (0,4%) болды (ҚҚ 2,32; 95% СА 1,10-нан 4,87-ге дейін; P = 0,02). Клопидогрел плюс АСҚ алған 40 пациентте (1,6%) және тек АСҚ алған 13 пациентте (0,5%) аздаған қан кету пайда болды (ҚҚ 3,12; 95% СА 1,67–5,83; P = 0,001). CHANCE және POINT зерттеулеріндегі уақыт динамикасын талдау 21 күннен кейінгі ЕАТЕ жалғасы оң нәтиже бермеді. Жүргізілген емге байланысты үлкен ишемиялық оқиғалар мен жаппай қан кетудің уақыт бойынша таралуы ЕАТЕ қысқа мерзімді күндер курсының әсерін талдау үшін жасалды. 1-кесте - CHANCE және POINT зерттеулерінде жүргізілетін емге байланысты үлкен ишемиялық оқиғалар мен жаппай қан кетудің уақыт бойынша таралуы Оқиғалар саны CHANCE және POINT зерттеулеріндегі нәтижелер — Емдеу топтары — Барлығы — 1-інші апта — 2-нші апта — 3-інші апта Елеулі ишемиялық оқиғалар — АСҚ (n=5035) — 458 — 330 — 36 — 21 КЛП+АСҚ (n=5016) — 328 — 217 — 30 — 14 Айырмашылық — 130 — 113 — 6 — 7 Ауқымды қан кету — АСҚ (n=5035) — 18 — 4 — 2 — 1 КЛП+АСҚ(n=5016) — 30 — 10 — 4 — 2 Айырмашылық — -12 — -6 — -2 — -1 Жүрекшелер фибрилляциясы ACTIVE бағдарламасы шеңберінде жекелеген зерттеулер болған ACTIVE-W және ACTIVE-А зерттеулерінде тамыр оқиғалары туындауының, кем дегенде, бір қауіп факторы болған жүрекшелер фибрилляциясы (ЖФ) бар пациенттер қамтылды. Зерттеуге қосылу критерийлерін негізге ала отырып, дәрігерлер пациенттерді егер олар К дәруменінің антагонистерімен (КДА) (мысалы, варфарин) ем алуға үміткер болса, ACTIVE-W зерттеуіне енгізді. ACTIVE-А зерттеуінде қарсы көрсетілімдеріне байланысты КДА емін ала алмаған немесе бұл емді алуға ниеті жоқ пациенттер қамтылды. ACTIVE-W зерттеуі КДА антикоагулянтты емінің клопидогрелмен және АСҚ-мен емдеуден тиімдірек болғанын көрсетті. ACTIVE-А (n=7554) зерттеуі көп орталықтық рандомизацияланған салыстырмалы жасырын плацебо-бақыланатын зерттеу болды, онда клопидогрел 75 мг/тәулік+АСҚ (n=3772) мен плацебо+АСҚ (n=3782) салыстырылды. АСҚ ұсынылатын дозасы тәулігіне 75-100 мг құрады. Пациенттер 5 жылға дейін емделді. ACTIVE бағдарламасында рандомизацияланған пациенттерде құжат жүзінде расталған ЖФ, яғни ЖФ тұрақты түрі, немесе соңғы 6 ай ішінде кемінде 2 пароксизмалық ЖФ көрінісі және мынадай қауіп факторларының кем дегенде бірі болды: 75 жастағы немесе 55-74 жас аралығы немесе дәрі-дәрмекпен емдеуді талап ететін қант диабеті немесе құжатпен расталған миокард инфарктісін алу немесе құжатпен расталған жүректің ишемиялық ауруы; жүйелі гипертензия себебінен емдеу; бұрын өткерген инсульт, транзиторлық ишемиялық шабуыл (ТИШ) немесе ОЖЖ құрылымдарының зақымдануынсыз жүйелі эмболия, сол жақ қарынша лықсыту фракциясының <45% көрсеткішімен сол жақ қарынша дисфункциясы немесе құжатпен расталған шеткері тамырлар ауруы. CHADS2 шкаласы бойынша орташа балл 2 (0-6 шегінде) құрады. Пациенттерді зерттеуден шығарудың негізгі критерийлеріне соңғы 6 ай ішінде құжатпен расталған пептидтік ойық жара, анамнездегі миішілік қан кету, елеулі тромбоцитопения (тромбоциттер саны < 50 х 109/л); клопидогрелді немесе пероральді антикоагулянттарды (ПАК) қолдану қажеттілігі немесе осы 2 заттың қандай да бірінің жақпаушылығы жатады. ACTIVE-А зерттеуінде қамтылған пациенттердің жетпіс үш пайызы (73%) халықаралық қалыптасқан қатынасқа (ХҚҚ) мониторинг өткізу мүмкіндігінің болмауына, құлап қалуға немесе бас жарақатына бейімділікке немесе қан кетудің туындау қаупінің спецификалық факторының болуына орай, дәрігердің қорытындыларына байланысты КДА ала алмады; пациенттердің 26%-ы бойынша дәрігер шешімі пациенттің КДА алу ниетінің болмауына негізделді. Пациенттердің арасында 41,8% әйел болды. Орташа жас 71 жасты құрады, пациенттердің 41,6%-ы 75 жаста және одан асқан шамада болды. Жалпы, пациенттердың 23%-ы аритмияға қарсы дәрілер, 52,1%-ы β-адренорецептор блокаторларын, 54,6%-ы АӨФ тежегіштерін және 25,4%-ы статиндер қабылдады. Бастапқы соңғы нүктеге (инсульттің, миокард инфарктісінің, ОЖЖ құрылымының зақымдануынсыз жүйелі эмболияның немесе тамырдан болатын өлімнің алғашқы туындауына дейінгі уақыт) жеткен пациенттер саны көбінесе инсульт жағдайлары санының едәуір азаюы арқасында клопидогрел+АСҚ алатын пациенттер тобында 832 (22,1%) және плацебо+АСҚ тобында 924 (24 4%) құрады (қауіптің салыстырмалы төмендеуі 11,1%, 95% СА 2,4-19,1%; р=0,013). Инсульт клопидогрел+АСҚ алған 296 (7,8%) пациентте және плацебо+АСҚ алған 408 (10,8%) пациентте туындады (ҚСҚ 28,4%; 95% СА 16,8-38,3%, р=0,00001). Балалар Тромбоз туындау қаупі бар 24 айға дейінгі 86 жаңа туған нәресте немесе сәбилер арасында дозаларды арттырумен жүргізілген зерттеу (PICOLO) барысында клопидогрел 0,01, 0,1 және 0,2 мг/кг тізбекті дозаларында жаңа туған нәрестелер мен сәбилерге және 0,15 мг/кг дозада жаңа туған нәрестелерге ғана қолданылды. 0,2 мг/кг дозада тромбоциттер агрегациясының орташа тежелу көрсеткіші 49,3%-ға тең (5 мкМ тромбоциттердің АДФ-индукцияланған агрегациясы), бұл Плавикс препаратын 75 мг/тәулік дозада алған ересектердегі осындаймен салыстырмалы болды. Қатар топтарда рандомизацияланған салыстырмалы жасырын зерттеу (CLARINET) барысында жүйелі-өкпелік артериялық шунт орнату бойынша паллиативті операция жасалған цианоз типті туа біткен жүрек ақауы бар 906 бала (жаңа туған нәрестелер мен сәбилер) операцияның екінші сатысын жасау сәтіне қарай қатарлас базалық емді бір мезгілде жүргізумен 2 мг/кг клопидогрел (n=467) немесе плацебо (n=439) алуға рандомизацияланды. Шунт орнатылатын паллиативті операция жасау мен зерттелетін препаратты алғашқы енгізу арасындағы орташа уақыт 20 күнге созылды. Пациенттердің 88% шамасы бір мезгілде АСҚ (1-23 мг/кг/тәулік) қабылдады. Өлім, шунт тромбозы немесе тромбоздан болатын оқиғаның туындауынан кейін өмірінің 120-шы күніне дейін жүрекке хирургиялық араласу жасау жағдайларынан тұратын бастапқы біріктірілген соңғы нүктеге жету бойынша топтар арасында нақты айырмашылықтар байқалмады және клопидогрел тобында 89 [19,1%] және плацебо тобында 90 [20,5%] құрады (4.2 бөлімін қараңыз). Клопидогрел тобында да, плацебо тобында да ең көп жиі жағымсыз реакция қан кетудің дамуы болды, алайда топтар арасында оның туындау жиілігінің нақты айырмашылықтары анықталмады. Жағымсыз құбылыстарды әріқарай ұзақ мерзімді қадағалау кезеңі уақытында шунт 1 жас шамасына жеткен сәтінде қалып қойған 26 пациент клопидогрелді 18 айлық жасқа жеткенше қабылдады. Осы қадағалау кезеңі бойына препараттың қауіпсіздік бейіні өзгермеді. CLARINET және PICOLO зерттеулерінің барысында клопидогрелдің қалпына келтірілген ерітіндісі қолданылды. Ересектерде салыстырмалы биожетімділігін зерттеу барысында клопидогрелдің қалпына келтірілген ерітіндісі осыған ұқсас дәрежені және препараттың тіркелген таблеткалық түрімен салыстырғанда негізгі айналымдағы (белсенді емес) метаболиттің аздап жоғарырақ сіңірілу жылдамдығын көрсетті.

Дозалау режимі Ересек пациенттер мен егде жастағы пациенттер Плавикс препаратын бір реттік тәуліктік 75 мг дозада қабылдау керек. Жедел коронарлық синдромнан зардап шегіп жүрген ересек пациенттерге • ST сегментінің көтерілуінсіз жедел коронарлық синдром (тұрақсыз стенокардия немесе Q тісшесінсіз миокард инфарктісі): клопидогрелмен емдеуді 300 мг немесе 600 мг бір реттік жүктеме дозасымен бастау керек. 600 мг жүктеме доза тері арқылы коронарлық араласу болжанған кезде 75 жасқа дейінгі пациенттерде қарастырылуы мүмкін. Клопидогрелмен емдеуді тәулігіне 1 рет 75 мг дозада жалғастыру керек (АСҚ-мен тәулігіне 75-325 мг дозада). АСҚ өте жоғары дозалары қан кету қаупінің артуымен жүретіндіктен, АСҚ дозасын 100 мг мөлшерінен асырмау ұсынылады. Емдеудің оңтайлы ұзақтығы ресми түрде белгіленбеген. Клиникалық зерттеу деректері препаратты 12 айға дейін қолдануға негіз бола алады, ең жоғары оң әсері 3 ай емделуден соң байқалады. • ST сегментінің көтерілуімен жедел миокард инфарктісі: • ем алатын және тромболитикалық/фибринолитикалық терапияны тағайындауға болатын пациенттерге клопидогрелді АСҚ және басқа тромболитикалық дәрілермен біріктіріп немесе оларсыз 300 мг жүктеме дозасынан бастап, 75 мг бір реттік тәуліктік дозада қабылдау керек. Дәрі-дәрмекпен ем қабылдаған 75 жастан асқан пациенттерде клопидогрелмен емдеуді жүктеме дозасыз бастау керек. Біріктірілген емді симптомдар білінгеннен кейін мүмкіндігінше ертерек бастап, кем дегенде, 4 апта бойы жалғастырған жөн. Осы жағдайда клопидогрелдің АСҚ-мен біріктірілімімен 4 аптадан аса емдеудің оң әсері зерттелмеді. • тері арқылы коронарлық араласу кезінде (ТКА): - клопидогрелді қабылдауды бастапқы ТКА жасалатын пациенттерде және фибринолитикалық терапияны алғаннан кейін 24 сағаттан астам уақыт өткен соң ТКА жасалатын пациенттерде 600 мг жүктеме дозасынан (ЖД) бастау керек. ≥ 75 жастағы пациенттерде 600 мг дозада сақтықпен қолдану керек. - 300 мг клопидогрелдің жүктеме дозасы фибринолитикалық терапияны алғаннан кейін 24 сағат ішінде ТКА-ны жасатқан пациенттерге тағайындалуы керек. • Клопидогрелмен емдеуді тәулігіне 75-100 мг дозада АСҚ-мен біріктірілімде тәулігіне 1 рет 75 мг дозада жалғастыру керек. Біріктірілген терапия симптомдар пайда болғаннан кейін мүмкіндігінше ертерек басталуы және 12 айға дейінгі кезең бойы жалғасуы керек. Орташадан жоғары қауіпке дейінгі ТИШ (ABCD2 ≥4 шкаласы) немесе шағын ИИ (NIHSS ≤3) бар ересек пациенттерге клопидогрелдің 300 мг жүктеме дозасын, содан кейін тәулігіне 1 рет 75 мг клопидогрелді және АСҚ (тәулігіне бір рет 75-100 мг) тағайындау керек. Клопидогрелмен және АСҚ емдеуді оқиғадан кейін 24 сағат ішінде бастаған және кейіннен антитромбоциттік монотерапиямен 21 күн бойы жалғастырған жөн. Жүрекше фибрилляциясы бар пациенттерге клопидогрелді бір реттік тәуліктік 75 мг дозада тағайындау керек. АСҚ қабылдауды (тәулігіне 75-100 мг) клопидогрелмен біріктіріп бастау және жалғастыру керек. Енгізу әдісі мен жолы Ішке қабылдауға арналған. Тамақтануға қарамастан қабылдауға болады. Артық дозалану жағдайында қабылдануы қажет шаралар Симптомдары: клопидогрел қабылдаудан кейін артық дозалану қан кету уақытының ұзаруына және кейіннен қан кету асқынуларына әкелуі мүмкін. Емі: қан кету жағдайында тиісті емдеу қажет болуы мүмкін. Клопидогрелдің фармакологиялық белсенділік антидоты табылмады. Егер қан кету уақытының ұзаруын тез түзету қажет болса, клопидогрел әсерлерін тромбоциттер трансфузиясы тоқтата алады. Дәрілік препараттың бір немесе бірнеше дозасын өткізіп алған кезде қажетті шаралар Егер дозаны өткізіп алса: - препаратты қабылдау әдетте жоспарланған уақыттан кейін 12 сағаттан аз уақыт өтсе: пациенттер дозаны дереу қабылдау және осыдан кейін келесі дозаны препаратты әдетте жоспарланған уақытта қабылдау керек - 12 сағаттан көп уақыт өтсе: пациенттер келесі дозаны препаратты әдетте жоспарланған уақытта қабылдау керек, бірақ қосарлы дозасын қабылдауға болмайды. Тоқтату симптомдары қаупінің бар екендігі жөніндегі нұсқау Дәрігер сізге осыны істеуді айтпағанша емдеуді тоқтатпаңыз. Емдеуді тоқтатпас бұрын емдеуші дәрігеріңізден кеңес алыңыз.

• әсер етуші затқа немесе қосымша заттардың кез келгеніне аса жоғары сезімталдық • бауыр функциясының ауыр бұзылуы • пептидтік ойық жарадан қан кету немесе бассүйекішілік қан құйылу сияқты жедел патологиялық қан кету • балалар мен 18 жасқа дейінгі жасөспірімдер

Қан кету клиникалық зерттеулерде де, постмаркетингтік кезеңде де тіркелген ең жиі реакция болып табылады, онда ол негізінен емдеудің бірінші айы ішінде хабарланды. Клиникалық зерттеулерде белгіленген немесе өздігінен түскен хабарламаларда мәлімделген жағымсыз реакциялар төменде келтірілген. Жиі (≥1/100,<1/10) • гематома, қанталау, пункция орнында қан кету • мұрыннан қан кету • асқазан-ішектен қан кету, диарея, іштің ауыруы, диспепсия Жиі емес (≥1/1000, <1/100) • тромбоцитопения, лейкопения, эозинофилия • бассүйекішілік қан құйылу (өліммен аяқталған бірнеше жағдайлар хабарланды), бас ауыруы, парестезия, бас айналуы • көзге қан құйылу (конъюнктивалық, окулярлы, ретинальды) • асқазан мен он екі елі ішектің ойық жарасы, гастрит, құсу, жүрек айну, іш қату, метеоризм • бөртпе, қышыну, тері астына қан құйылу (пурпура) • гематурия • қан кету уақытының ұзаруы, нейтрофилдер санының азаюы, тромбоциттер санының азаюы Сирек (≥1/10000, <1/1000) • нейтропения, оның ішінде ауыр • вертиго (вестибулярлық бас айналу) • ретроперитонеальды қан кету • гинекомастия Өте сирек (<1/10000) • тромбоздық тромбоцитопениялық пурпура (ТТП), аплазиялық анемия, панцитопения, агранулоцитоз, ауыр тромбоцитопения, жүре пайда болған А гемофилиясы, гранулоцитопения, анемия • сарысу құю ауруы • анафилактоидты реакциялар • тиенопиридиндерге айқаспалы реакциялы аса жоғары сезімталдық (мысалы, тиклопидин, прасугрел) • елестеулер, сананың шатасуы • дәм сезудің бұзылуы • агевзия • ауыр қан кету, операциялық жарақаттан қан кету, васкулит, гипотензия • респираторлық жолдан қан кету (қан түкіру, өкпеден қан кету), бронх түйілуі, интерстициялық пневмонит, эозинофилиялық пневмония • өліммен аяқталатын асқазан-ішектен және ретроперитонеальді қан кету, панкреатит, колит (оның ішінде ойық жаралы немесе лимфоциттік), стоматит • жедел бауыр жеткіліксіздігі, гепатит, бауыр функциясының қалып шегінен ауытқыған биохимиялық көрсеткіштері • буллезді дерматит (уытты эпидермалық некролиз, Стивенс-Джонсон синдромы, көп пішінді эритема, жедел жайылған экзантематозды пустулез), ангионевроздық ісіну, дәрі қабылдаудан болатын жоғары сезімталдық синдромы, эозинофилиямен және жүйелі көріністермен (DRESS-синдром) қатар жүретін дәрілік тері бөртпесі, эритематозды немесе эксфолиативті бөртпе, есекжем, экзема және жалпақ теміреткі • қаңқа-бұлшықеттен қан кету (гемартроз), артрит, артралгия, миалгия • гломерулонефрит, қанда креатинин деңгейінің жоғарылауы • қызба Белгісіз (қолда бар деректер негізінде бағалау мүмкін емес) • Коунис синдромы (вазоспазмдық аллергиялық стенокардия/аллергиялық миокард инфарктісі), клопидогрелден болатын аса жоғары сезімталдық реакциясы аясында • ауыр гипогликемияға әкелуі мүмкін аутоиммунды инсулиндік синдром, әсіресе HLA DRA4 қосалқы типі бар пациенттерде (Жапония тұрғындарында жиі кездеседі). Күтілетін дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Қан кетулер және гематологиялық бұзылулар Қан кетуді көрсететін клиникалық симптомдар пайда болған кезде емдеу кезінде қан кету және гематологиялық жағымсыз реакциялар қаупіне байланысты дереу қанның жалпы талдауын және/немесе басқа да тиісті талдауларды жүргізу керек. Сондай-ақ басқа да антитромбоциттік дәрілер сияқты, клопидогрелді жарақаттанумен, хирургиялық немесе басқа патологиялық жай-күйлермен байланысты қан кетудің күшею қаупіне ұшырауы мүмкін пациенттерде, сондай-ақ АСҚ, гепаринмен, IIb/IIIа гликопротеин тежегіштерімен немесе ЦОГ-2 тежегіштерін немесе серотонинді кері қармайтын селективті тежегіштермен (СКҚСТ), қабынуға қарсы стероидты емес дәрілермен (ҚҚСД) немесе CYP2C19 күшті индукторлары немесе пентоксифиллин сияқты қан кету қаупіне қатысы бар басқа дәрілік препараттармен емделіп жүрген пациенттерде сақтықпен қолдану керек. Жедел кардиоэмболиялық емес ишемиялық инсультпен немесе ТИШ ауыратын пациенттерге қан кету қаупінің жоғарылауына байланысты инсульттің екіншілік профилактикасы үшін антитромбоциттік үштік терапия (клопидогрел + АСҚ + дипиридамол) ұсынылмайды. Әсіресе, емдеудің алғашқы апталарында және/немесе жүрекке жасалатын инвазиялық емшаралардан немесе хирургиялық араласудан кейін, жасырын қан кетуді қоса, қан кетудің кез келген белгілерінің бар-жоғы тұрғысынан пациенттерді мұқият бақылап отыру керек. Клопидогрелді пероральді антикоагулянттармен бір мезгілде қолдану ұсынылмайды, өйткені бұл қан кету қарқынын күшейтуі мүмкін. Егер пациент элективті хирургиялық араласу алдында тұрса және антитромбоциттік әсер уақытша қажетсіз болса, клопидогрел қабылдауды операциядан 7 күн бұрын тоқтату керек. Кез келген жоспарланған операцияның және кез келген жаңа дәрілік препаратты қабылдау алдында пациенттер өзінің клопидогрел қабылдап жүргенін дәрігерлер мен стоматологтарға ескертуі тиіс. Клопидогрел қан кету уақытын ұзартады және қан кетуге бейім (әсіресе, асқазан-ішектік және көзішілік) патологиялық зақымданулары бар пациенттерде абайлап қолданылуы тиіс. Пациенттерді Плавикс (бір өзін немесе АСҚ-мен біріктірілімде) қабылдау кезінде қан кетуді тоқтату үшін әдеттегіден көп уақыт қажет болуы мүмкін екенінен және егер оларда әдеттен тыс қан кету (орналасуы немесе ұзақтығы бойынша) туындаса, ол жөнінде өз емдеуші дәрігеріне мәлімдеуі керектігінен хабардар еткен дұрыс. 600 мг клопидогрелдің жүктеме дозасын ST сегментінің көтерілуінсіз жедел коронарлық синдромы бар және пациенттердің осы тобында қан кету қаупінің жоғарылауына байланысты 75 жастан асқан пациенттерде қолдану ұсынылмайды. ТКА жүргізілетін ST сегментінің көтерілуімен жедел миокард инфарктісі бар 75 және одан жоғары жастағы пациенттерде алынған клиникалық деректердің шектелуіне байланысты, сондай-ақ қан кету қаупінің жоғарылауына байланысты мұндай пациенттерде клопидогрелдің 600 мг жүктеме дозасын қолдануды емдеуші дәрігер қан кету қаупін жеке бағалағаннан кейін ғана қарастырған жөн. Тромбоздық тромбоцитопениялық пурпура (ТТП) Плавикс препаратын қолданудан кейін өте сирек, ал кейде ұзаққа созылмайтын экспозициядан кейін де тромбоздық тромбоцитопениялық пурпура (ТТП) жағдайлары болды. Ол неврологиялық өзгерістермен, бүйрек дисфункциясымен немесе қызбамен қатар жүретін тромбоцитопениямен және микроангиопатиялық гемолиздік анемиямен сипатталады. ТТП, плазмаферезді қоса, шұғыл емдеуді талап ететін өлім қаупі зор жай-күй болып табылады. Жүре пайда болған гемофилия Клопидогрелді қабылдау жүре пайда болған гемофилияның дамуына әкеледі деп хабарланды. Қан кетумен немесе онсыз ішінара белсендірілген тромбопластин уақытының (ІБТУ) оқшау ұзаруы расталғанда жүре пайда болған гемофилияның даму мүмкіндігін қарастыру керек. Жүре пайда болған гемофилия диагнозы расталған пациенттерді емдеуді және олардың жағдайын қадағалауды мамандар атқаруы тиіс; ал клопидогрел қабылдауды тоқтату керек. Таяуда өткерілген ишемиялық инсульт • Терапияның басталуы • Жедел шағын ИИ немесе орташа қауіптен жоғары қауіпке дейінгі ТИШ бар пациенттерде қосарлы антитромбоциттік емді (клопидогрел және АСҚ) оқиға басталғаннан кейін 24 сағаттан кешіктірмей бастау керек. • Жедел шағын АИ пациенттерде немесе анамнезінде (жарақатсыз) бассүйекішілік қан құйылумен орташадан жоғары қауіпке дейін ТИШ бар пациенттерде қысқа мерзімді қосарлы антитромбоциттік терапияның "пайда-қауіп" арақатынасына қатысты деректер жоқ. • Шағын емес ИИ бар пациенттерде клопидогрел монотерапиясын оқиғадан кейін алғашқы 7 күннен соң ғана бастау керек. • Шағын емес ИИ (NIHSS>4) бар пациенттер Деректердің болмауына байланысты қосарлы антитромбоциттік терапияны қолдану ұсынылмайды. • Араласу көрсетілген немесе күтілетін пациенттерде таяудағы шағын ИИ немесе ТИШ даму қаупі орташа немесе жоғары. Каротидті эндартерэктомиямен немесе тамырішілік тромбэктомиямен емдеу көрсетілген пациенттерде немесе тромболизис немесе антикоагулянттық терапия күтілетін пациенттерде қосарлы антитромбоциттік терапияны пайдалануды растайтын деректер жоқ. Мұндай жағдайларда қосарлы антитромбоциттік терапия ұсынылмайды. Р450 2С19 цитохромы (CYP2С19) Фармакогенетика: CYP2С19 баяу метаболизаторлары болып табылатын пациенттерде клопидогрелдің ұсынылған дозаларында белсенді метаболиттер аз түзіледі, әрі ол тромбоциттер функциясына аз әсер көрсетеді. Пациенттерде CYP2С19 генотипін анықтауға арналған тестілер бар. Клопидогрел CYP2C19 арқасында бір жағынан өзінің белсенді метаболитіне дейін ішінара метаболизденетіндіктен, осы ферменттің белсенділігін бәсеңдететін дәрілік препараттарды қолдану, күтілетіндей, клопидогрелдің белсенді метаболитінің деңгейінің төмендеуіне әкеледі. Қазіргі таңда осы өзара әрекеттесудің клиникалық мәні анықталмады. Алдын ала сақтандыру шарасы ретінде аталған препаратпен бір мезгілде күшті немесе орташа әсер ететін CYP2C19 тежегіштерін пайдалану ұсынылмайды. CYP2C19 белсенділігін индукциялайтын дәрілік заттарды пайдалану клопидогрелдің белсенді метаболиті деңгейінің жоғарылауына әкеледі және қан кету қаупін арттыруы мүмкін деп күтілуде. Сақтық шарасы ретінде CYP2C19 күшті индукторларын бір мезгілде қолдану ұсынылмайды. CYP2C8 субстраттары: клопидогрелді CYP2C8 субстратымен бір мезгілде қабылдаған кезде сақ болу керек. Тиенопиридиндер арасындағы айқаспалы реакциялар Тиенопиридиндер арасындағы айқаспалы реактивтіліктің дамуы жөніндегі хабарламаларға байланысты, пациенттер анамнезінде тиенопиридиндерге (мысалы, клопидогрел, тиклопидин, прасугрел) жоғары сезімталдық бар-жоғын тексеру қажет. Тиенопиридиндер бөртпе, ангионевроздық ісіну сияқты жеңілден ауыр дәрежеге дейінгі аллергиялық реакциялардың немесе тромбоцитопения мен нейтропения сияқты гематологиялық айқаспалы реакциялардың дамуына себеп болуы мүмкін. Анамнезінде тиенопиридиндердің біріне аллергиялық реакция және/немесе гематологиялық реакция көрініс берген пациенттерде басқа тиенопиридиндерге дәл осындай немесе басқа реакцияның даму қаупі жоғары болуы мүмкін. Тиенопиридиндерге белгілі аллергиялық реакциясы бар пациенттерде жоғары сезімталдық белгілеріне мониторинг өткізу ұсынылады. Қосымша заттар Плавикс® дәрілік препаратының құрамында лактоза бар. Бұл препаратты тұқым қуалайтын галактозаға жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қабылдауға болмайды. Бұл дәрілік препараттың құрамында асқазан бұзылысын мен диарея тудыруы мүмкін гидрогенделген майсана майы бар. Арнайы ескертулер Бүйрек жеткіліксіздігі бар пациенттер Бүйрек жеткіліксіздігі бар пациенттерді емдеу тәжірибесі шектеулі. Демек, мұндай пациенттер жағдайында Плавикс® препараты сақтықпен қолданылуы керек. Бауыр жеткіліксіздігі бар пациенттер Геморрагиялық диатез болуы мүмкін ауырлығы орташа дәрежедегі бауыр жеткіліксіздігі бар пациенттерді емдеу тәжірибесі шектеулі. Демек, мұндай пациенттер жағдайында Плавикс® препараты сақтықпен қолданылуы керек. Егде жастағы пациенттер ST сегментінің көтерілуінсіз жедел коронарлық синдром (тұрақсыз стенокардия немесе Q тісшесінсіз миокард инфарктісі): • Тері арқылы коронарлық араласу жоспарланған < 75 жастағы пациенттер үшін 600 мг жүктеме дозасын тағайындауды қарастыруға болады. ST сегментінің көтерілуімен жедел миокард инфарктісі: • Тромболитикалық / фибринолитикалық терапия көрсетілген дәрі-дәрмекпен емделетін пациенттер үшін: 75 жастан асқан пациенттерде клопидогрелмен емдеу оның жүктеме дозасын қабылдамай басталуы керек. Фибринолитикалық терапияны алғаннан кейін 24 сағаттан астам уақыт өткен соң бастапқы ТКА жүргізілетін пациенттер мен ТКА жүргізілетін пациенттер үшін: • 75 жас және одан асқан пациенттерде 600 мг жүктеме дозасын сақтықпен қолдану керек. Педиатрияда қолдану Балалар мен 18 жасқа дейінгі жасөспірімдерде Плавикс® препаратын қолданудың қауіпсіздік пен тиімділік анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Плавикс® препараты көлік құралдарын немесе аса қауіпті механизмдерді басқару қабілетіне әсер етпейді немесе елеусіз әсер етеді.

Жүктілік кезінде клопидогрелдің әсер етуі жөнінде клиникалық деректер болмауына орай, алдын ала сақтану шарасы ретінде жүктілік уақытында клопидогрел қолданбаған дұрыс. Клопидогрелдің адамның емшек сүтіне өтуі белгісіз. Алдын ала сақтану шарасы ретінде Плавикс® препаратымен емделу кезінде бала емізуді жалғастыруға болмайды.

Қан кету қаупін арттыратын дәрілік заттар: потенциалды аддитивтік әсері салдарынан қан кетудің туындау қаупі жоғары болады. Қан кету қаупін арттыратын дәрілік заттармен бір мезгілде қабылдау сақтықпен жүргізілуі тиіс. Пероральді антикоагулянттар: клопидогрелді пероральді антикоагулянттармен бір мезгілде қолдану ұсынылмайды, өйткені ондай біріктірілім қан кетуді күшейтуі мүмкін. Тәулігіне 75 мг клопидогрел қабылдау варфаринмен емді ұзақ уақыт қабылдаған пациенттерде S-варфарин фармакокинетикасын немесе халықаралық қалыптасқан қатынасты (ХҚҚ) өзгертпегеніне қарамастан, клопидогрелді варфаринмен бір мезгілде қабылдау, екі препараттың да гемостазға өз бетінше әсер етуіне орай, қан кету қаупін арттырады. IIb/IIIа гликопротеин тежегіштері: клопидогрелді IIb/IIIа гликопротеин тежегіштерін бір мезгілде алатын пациенттерде сақтықпен қолдану керек. АСҚ (АСҚ): АСҚ клопидогрелден болатын АДФ индукциялаған тромбоциттер агрегациясының бәсеңдеуін өзгертпейді, алайда клопидогрел коллагенмен индукцияланған тромбоциттер агрегациясына АСҚ әсерін күшейтеді. Дегенмен де, тәулік бойына тәулігіне 2 рет бір мезгілде 500 мг АСҚ қабылдау клопидогрел қабылдаудан болатын қан кету уақытының елеулі ұзаруын туындатпады. Клопидогрел мен АСҚ арасында жоғары қан кету қаупіне апаратын фармакодинамикалық өзара әрекеттесу болуы мүмкін. Демек, осы препараттарды бір мезгілде абайлап қолдану керек. Дегенмен де, клопидогрел мен АСҚ тура бір жылға дейін бірге тағайындалды. Гепарин: дені сау еріктілермен жүргізілген клиникалық зерттеулерде клопидогрел дозаны өзгерту немесе гепариннің коагуляцияға әсерін өзгерту қажеттілігін тудырмады. Гепаринді бір мезгілде қолдану клопидогрелден болатын тромбоциттер агрегациясының бәсеңдеуіне ықпал етпеді. Клопидогрел мен гепарин арасында қан кету қаупінің артуына апаратын фармакодинамикалық өзара әрекеттесу болуы мүмкін. Демек, осы препараттарды бір мезгілде қолдану сақтықпен жүзеге асырылуы тиіс. Тромболитикалық дәрілер: клопидогрелді фибрин-спецификалық және фибрин-спецификалық емес тромболитикалық дәрілермен және гепариндермен бірге қолданудың қауіпсіздігі жедел миокард инфарктісін алған пациенттерде зерттелді. Клиникалық мәнді қан кетулердің жиілігі тромболитикалық дәрілер мен гепаринді АСҚ-мен бірге қолданғанда байқалғанға ұқсас болды. Қабынуға қарсы стероидты емес дәрілер (ҚҚСД): дені сау еріктілердің қатысуымен жүргізілген клиникалық зерттеулерде клопидогрел мен напроксенді бірге қолдану асқазан-ішек жолынан жасырын қан кетуді арттырды. Алайда, басқа ҚҚСД-мен өзара әрекеттесулер бойынша жеткілікті клиникалық зерттеулердің болмауына орай, қазіргі уақытта асқазан-ішектен қан кету қаупінің артуы барлық ҚҚСД үшін тән екені анық емес. Демек, ҚҚСД (оның ішінде ЦОГ-2 тежегіштері) мен клопидогрелді бір мезгілде қолдану сақтануды талап етеді. СКҚСТ (серотонинді кері қармайтын селективті тежегіштер): СКҚСТ тромбоциттердің белсенділенуіне әсер ететін және қан кету қаупін арттыратын болғандықтан, оларды клопидогрелмен бірге тағайындау сақ болуды талап етеді. Бір мезгілде жүргізілетін басқа ем СYР2С19 индукторлары: клопидогрел ішінара CYP2C19 көмегімен өзінің белсенді метаболитіне дейін метаболизденетіндіктен, осы энзим белсенділігін күшейтетін дәрілік заттарды қолдану клопидогрел белсенді метаболитінің дәрілік концентрацияларының жоғарылауына әкеледі деп күтіледі. Рифампицин CYP2C19-ды күшті индукциялайды, бұл клопидогрел белсенді метаболиті деңгейінің артуына да, тромбоциттер тежелісіне де әкеледі, атап айтқанда, ол қан кету қаупін күшейтуі мүмкін. Сақтық шарасы ретінде CYP2C19 күшті индукторларын бір мезгілде қолдану ұсынылмайды. CYP2C19 тежегіштері: клопидогрел CYP2C19 арқасында өз белсенді метаболитіне дейін ішінара метаболизденетіндіктен, осы фермент белсенділігін бәсеңдететін дәрілік препараттарды қолдану, күтілетіндей, клопидогрелдің белсенді метаболиті деңгейлерінің төмендеуіне әкеледі. Қазіргі таңда осы өзара әрекеттесудің клиникалық мәні анықталмады. Алдын ала сақтану шарасы ретінде CYP2C19 күшті немесе орташа тежегіштерін бір мезгілде қабылдау ұсынылмайды. CYP2C19 күшті немесе орташа тежегіштері болып табылатын дәрілік препараттарға, мысалы, омепразол және эзомепразол, флувоксамин, флуоксетин, моклобемид, вориконазол, флуконазол, тиклопидин, карбамазепин және эфавиренз жатады. Протонды сорғы тежегіштері (ПСТ): клопидогрелмен бір мезгілде немесе екі дәрілік препаратты қабылдау арасындағы 12 сағаттық аралықты сақтай отырып, тәулігіне бір рет 80 мг дозадағы омепразол белсенді метаболиттің экспозициясын 45%-ға (жүктеме доза) және 40%-ға (демеуші доза) төмендетті. Төмендеу тромбоциттер агрегациясы бәсеңдеуінің төмендеуімен 39% (жүктеме доза) және 21% (демеуші доза) мөлшерде байланысты болды. Клопидогрелмен бір мезгілде қабылданған эзомепразол да белсенді метаболиттің экспозициясының төмендеуіне әкеледі деп күтілуде. Маңызды кардиоваскулярлық оқиғаларда көрініс беретін осы фармакокинетикалық (ФК)/фармакодинамикалық (ФД) өзара әрекеттесулердің клиникалық мәні жөніндегі қарама-қайшы деректер әрі бақыланатын, әрі клиникалық зерттеулерде де ұсынылды. Сақтандыру шарасы ретінде омепразол немесе эзомепразолды клопидогрелмен бір мезгілде қолдануға болмайды. Метаболит экспозициясының аз білінетін төмендеуі пантопразол немесе лансопразол жағдайында байқалды. Белсенді метаболиттің плазмалық концентрациялары тәулігіне 1 рет 80 мг дозадағы пантопразолмен емдеу кезінде 20% (жүктеме доза) және 14% (демеуші доза) төмендеді. Бұл тромбоциттер агрегациясының орташа тежелуінің, тиісінше, 15% және 11% төмендеуімен қатар жүрді. Осы нәтижелер клопидогрелді пантопразолмен бірге қолдануға болатынын көрсетеді. Н2-рецепторларының блокаторлары немесе антацидтер сияқты асқазан қышқылдылығын төмендететін басқа дәрілік заттар клопидогрелдің антитромбоциттік белсенділігін бөгейді деуге дәлелдер жоқ. Күшейтілген антиретровирустық ем (АРЕ): антиретровирустық ем (АРЕ) алған АИТВ инфекциясын жұқтырған пациенттер тамыр оқиғаларының жоғары қаупіне бейім. Ритонавирмен немесе кобицистатпен күшейтілген АРЕ алған пациенттерде тромбоциттер тежелісінің едәуір төмендеуі көрсетілді. Алынған нәтижелердің клиникалық мәні түпкілікті расталмаса да, өздігінен келіп түскен хабарламаларда реканализациядан кейін қайталанған окклюзия жағдайлары байқалған немесе клопидогрелдің жүктеме дозасын қолданғанда тромбоз оқиғаларын бастан өткерген, ритонавирмен күшейтілген АРЕ емін алатын АИТВ инфекциясын жұқтырған пациенттер сипатталды. Клопидогрелді ритонавирмен бір мезгілде қолданғанда тромбоциттерді тежеу көрсеткіштерінің орташа деңгейі төмендеуі мүмкін. Сондықтан клопидогрел күшейтілген АРЕ-мен бір мезгілде тағайындалмау керек. Басқа дәрілік препараттар: фармакодинамикалық және фармакокинетикалық (ФК) өзара әрекеттесу мүмкіндігін зерттеу мақсатында клопидогрелмен және бір мезгілде тағайындалатын өзге препараттармен басқа клиникалық зерттеулер қатары жүргізілді. Клопидогрел атенололмен немесе нифедипинмен немесе осы заттардың екеуімен де бірге қолданылғанда клиникалық маңызды фармакодинамикалық өзара әрекеттесулер байқалмады. Бір мезгілде фенобарбитал немесе эстроген қолдану клопидогрелдің фармакодинамикалық белсенділігіне елеулі ықпалын тигізбеді. Дигоксин мен теофиллин фармакокинетикасы клопидогрелмен бір мезгілде қолданғанда өзгермеді. Антацидтік дәрілер клопидогрелдің сіңірілу дәрежесін өзгертпеді. CAPRIE зерттеуінің деректеріне сәйкес, CYP2C9 көмегімен метаболизденетін фенитоин мен толбутамидті клопидогрелмен бір мезгілде қауіпсіз қолдануға болады. Дәрілік заттардың CYP2C8 субстраты: клопидогрелдің дені сау еріктілерде репаглинид әсерін арттыратыны дәлелденді. In vitro зерттеулері, клопидогрел метаболиті – глюкуронидпен CYP2C8 тежелуі арқасында, репаглинид әсерінің артуы орын алатынын көрсетті. Қан плазмасында концентрациясының жоғарылау қаупіне орай, клопидогрел мен алдын ала CYP2C8 метаболизмімен тазартылған дәрілік заттарды (репаглинид, паклитаксел) бір мезгілде қабылдау сақтықпен жүргізілуі тиіс. Жоғарыда сөз болған препараттардан тыс, клопидогрелдің әдетте атеротромбоз бар пациенттерге тағайындалатын басқа дәрілік препараттармен өзара әрекеттесуіне зерттеулер жүргізілмеді. Алайда клиникалық сынақтарға қатысқан, клопидогрелмен қатар, ең алуан түрлі препараттар қабылдаған пациенттерге тән клиникалық мәнді қолайсыз өзара әрекеттесулер болмады. Аталған препараттар қатарына диуретиктер, бета-адреноблокаторлар, ангиотензин өзгертуші фермент тежегіштері (АӨФ тежегіштері), кальций антагонистері, холестерин деңгейін төмендетуге арналған препараттар, коронарлық вазодилататорлар, диабетке қарсы препараттар (оның ішінде инсулин), эпилепсияға қарсы дәрілер, сондай-ақ GPIIb/IIIa-рецепторлар блокаторлары жатады. Пероральді қолдануға арналған басқа P2Y12 тежегіштерімен болған жағдайдағы сияқты, апиын агонистерін бір мезгілде қабылдау, жорамалды түрде, асқазаннан баяу көшірілу себебінен клопидогрелдің сіңірілуін баяулатуы және қысқартуы мүмкін. Клиникалық маңыздылығы анықталған жоқ. Морфин немесе басқа апиын агонистерін бір мезгілде қабылдау қажет болатын жедел коронарлық синдром бар пациенттерді емдеу үшін парентеральді енгізуге арналған антитромбоциттік дәрілерді қолдану керек. Розувастатин: 300 мг клопидогрел дозасын қабылдағаннан кейін пациенттерде розувастатиннің әсерін 2 есе (AUC) және 1,3 есе (Cmax) және 75 мг клопидогрел дозасын қайта қабылдағаннан кейін Cmax әсерінсіз 1,4 есе (AUC) арттыратыны көрсетілді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30°C-ден аспайтын температурада сақтау керек. Балалардың қолы жетпейтін жерде сақтау керек!