Полайви® лиофилизат 140 мг

Бір құтының ішінде белсенді зат - полатузумаб ведотин, қосымша заттар: янтарь қышқылы, натрий гидроксиді, сахароза, полисорбат 20. Сыртқы түрінің, иісінің, дәмінің сипаттамасы Ақтан сұрғылт-ақ түске дейінгі лиофилизат.

Полайви® препараты ритуксимаб, циклофосфамид, доксорубицин және преднизолонмен (R-CHP) біріктірілімде бұрын емделмеген диффуздық B-ірі жасушалы лимфомасы (ДВІЖЛ) бар ересек пациенттерді емдеуге көрсетілген. Полайви® препараты бендамустин және ритуксимабпен біріктірілімде гемопоэздік дің жасушаларының трансплантациясы үшін үміткерлер болып табылмайтын қайталамалы/рефрактерлік ДВІЖЛ бар ересек пациенттерді емдеуге көрсетілген.

Әсер ету механизмі Полатузумаб ведотин CD79b-таргетті конъюгат антидене-препарат түрінде болады, ол көбінесе митозға қарсы қуатты агентті (монометилауристатин E немесе MMAE) В-жасушаларға жеткізеді, өз кезегінде, бұл қатерлі В-жасушалардың қырылуына алып келеді. Полатузумаб ведотин молекуласы ыдыраған линкер арқылы гуманизделген моноклонды антидене ковалентті байланысқан (IgG1 MMAE-ден құралған). Моноклонды антидене В-жасушалар рецепторларының беткейінде орналасқан CD79b-ға жоғары аффинділік және селективтілік иеленеді. CD79b экспрессиясы В-жасушалар (плазмалық жасушаларды қоспағанда) және қатерлі В-жасушалар желілерінің шегінде қалыпты жасушаларда ғана жүреді; CD79b ДВІЖЛ жағдайларының >95%-да экспрессияланады. CD79b-пен байланыса отырып, полатузумаб ведотин тез интернализацияланады; линкер лизосомалық протеазалар арқылы ыдырайды, бұл жасуша ішіне ММАЕ түсуін қамтамасыз етеді. ММАЕ микротүтікшелермен байланысады және жасушалардың бөліну және апоптоздың индууциялану үдерісінің тежелуі арқылы бөлінетін жасушалардың қыралуына алып келеді. Фармакодинамикалық әсерлері Кардиоэлектрофизиология Полатузумаб ведотин ұсынылған дозадағы В-жасушалық қатерлі жаңа түзілімдер себепті бұрын ем қабылдаған пациенттердегі екі ашық зерттеуде электрокардиография (ЭКГ) деректері бойынша орташа QTc аралығын қандай да бір клиникалық мәнді дәрежеде ұзартпайды. Клиникалық тиімділігі және қауіпсіздігі Бұрын емделмеген ДВІЖЛ Полайви препаратының тиімділігі бұрын емделмеген ДВІЖЛ бар 879 пациентте жүргізілген халықаралық көп орталықтық рандомизацияланған салыстырмалы жасырын плацебо-бақыланатын зерттеуде (POLARIX, GO39942) бағаланды. Зерттеуге IPI 2-5 балл және ECOG 0-2 шкаласы бойынша жалпы соматикалық статусымен 18-80 жастағы пациенттер қамтылды. Гистологиялық зерттеу нәтижелері бойынша ісік келесі ДВІЖЛ қосалқы типтеріне: қосымша нақты анықтамасыз (ҚНА), белсенділенген B-жасушалардан (БBЖ), фолликулдардың герминалдық орталықтарының B-жасушаларынан (GCB), қатерлілігі жоғары дәрежедегі В-жасушалық лимфомаға (HGBL) (ҚНА, қосалқы транслокациямен, үштік транслокациямен) және B-ірі жасушалы лимфомалардың қосалқы типтеріне (EBV-оң, Т-жасушалары және/немесе гистиоциттері мол) жатады. Пациенттерде ОЖЖ-де белгілі лимфома немесе >1 дәрежедегі шеткері нейропатия болмады. Пациенттер үш апталық алты цикл бойы Полайви препаратын R-CHP немесе R-CHOP-мен біріктірілімде, одан кейін екі топта да монотерапия түріндегі ритуксимабтың екі қосымша циклдарымен 1:1 арақатынасында рандомизацияланды. Пациенттер IPI балл (3-5-пен салыстырғанда, 2), жайылған лимфаденопатия (≥7.5 зақымдануы) болуы немесе болмауы және географиялық өңірі бойынша стратификацияланды. Полайви препараты 1-6 циклдың 1 күні 1.8 мг/кг дозада вена ішіне енгізілді. R-CHP немесе R-CHOP 1-6 циклдың 1 күнінен бастап енгізіліп, кейіннен 7-8 циклдың 1 күні тек ритуксимаб енгізуге ұласты. Әр топта дозалау режимі мынадай болды: • Полайви+R-CHP тобы: Полайви 1.8 мг/кг, ритуксимаб 375 мг/м², циклофосфамид 750 мг/м², доксорубицин 50 мг/м² және преднизон тәулігіне 100 мг әр циклдың 1-5 күндері ішке. • R-CHOP тобы: ритуксимаб 375 мг/м², циклофосфамид 750 мг/м², доксорубицин 50 мг/м², винкристин 1.4 мг/м² және преднизон тәулігіне 100 мг әр циклдың 1-5 күндері ішке. Екі емдеу тобы да, жалпы, бастапқы демографиялық сипаттамаларға және ауру сипаттамаларына қатысты теңестірілді. Жас медианасы 65 жасты құрад (диапазон: 19 – 80 жас). Пациенттердің 53.6%-ы еуропалық нәсілден, 53.8%-ы ер жынысты болды, 43.8%-да жайылған лимфаденопатия болды, 38.0%-да IPI 2 балл болды, 62.0%-да IPI 3-5 балл болды, ал 88.7%-да аурудың 3 немесе 4 сатысында болды. Пациенттердің көпшілігінде (84.2%) ДВІЖЛ (ҚНА, БBЖ және GCB қосалқы типтерін қоса) расталды. 211 пациентте ісіктің жасушалық шығу тегі (ІЖШ) анықталмады. ІЖШ анықталған пациенттер арасында (n=668) гендердің экспрессия деңгейін талдау нәтижелері бойынша пациенттердің 33.1%-да ДВІЖЛ қосалқы типі БBЖ болды, ал пациенттердің 52.7%-да ДВІЖЛ қосалқы типі GCB болды. Зерттеудің бастапқы соңғы нүктесі зерттеушінің бағалауы бойынша үдеусіз тіршілік қабілеті (ЗЕРТТЕУ ҮТҚ) болды. Кейінгі қадағалаудың жалпы ұзақтық медианасы 28.2 ай құрады. Тиіімділігін бағалау нәтижелері 1 суреттегі 5 кестеде ұсынылған. 5 кесте. GO39942 (POLARIX) зерттеуінде бұрын емделмеген ДВІЖЛ бар пациенттердегі тиімділік түйіндемесі Полайви+R-CHP N = 440 — R-CHOP N = 439 Бастапқы соңғы нүкте ҮТҚ1,* Құбылыстары бар пациенттер саны (%) — 107 (24.3 %) — 134 (30.5 %) ҚҚ (95% СА) — 0.73 [0.57, 0.95] Р мәні3,** — 0.0177 2 жыл ішіндегі ҮТҚ көрсеткіші (%) — 76.7 — 70.2 [95% СА] — [72.65, 80.76] — [65.80, 74.61] Шешуші екіншілік соңғы нүктелері ОТҚтиімд. 1 Құбылыстары бар пациенттер саны (%) — 112 (25.5 %) — 138 (31.4 %) ҚҚ (95% СА) — 0.75 [0.58, 0.96] Р мәні3,** — 0.0244 Ем аяқталған сәттегі жауаптың объективті жиілігі (ЖОЖ)2 Емдеуге жауап бертен пациенттер (%) (ТЖ, ЖЖ) — 376 (85.5 %) — 368 (83.8 %) Жауап жиілігінің айырмасы (%) [95% СА] — 1.63 [-3.32, 6.57] ТЖ (%) жиілігі2,* Емге берілетін жауапқа жеткен пациенттер (%) — 343 (78.0 %) — 325 (74.0 %) Жауап жиілігінің айырмасы (%) [95% СА] — 3.92 [-1.89, 9.70] ЖЖ (%) — 33 (7.5 %) — 43 (9.8 %) Клоппер-Пирсон айырмасы бойынша 95% СА — [5.22, 10.37] — [7.18, 12.97] BICR: Жасырын сызба бойынша Тәуелсіз орталықтандырылған бағалау комитеті; СА: сенім аралығы; ҚҚ: қауіптер қатынасы; ОТҚтиімд.: оқиғасыз тіршілік қабілетіне қатысты тиімділігі: тиімділігімен байланысты және рандомизация сәтінен бастап келесі оқиғалардың біреуінің ең алғаш туындауына дейінгі уақыт кезеңі ретінде айқындалатын ОТҚ оқиғаларын есепке алуға пайдаланылды: аурудың үдеуі/қайталануы, кез келген себептен болатын өлім, зерттеуші белгілеген негізгі тиімділік себебі, лимфома себебінен хаттамада баяндалмаған емнің басталуын талап еткен (NALT) аурудың үдеуі/қайталануынан басқа, егер NALT басталғанына немесе басталмағанына қарамастан ем аяқталған соң орындалған биопсия қалдық ауруға қатысты оң нәтижелі болса; КМХ: Кохран-Мантель-Хензель 1) ЗЕРТТЕУ бағалауы бойынша 2) BICR бағалауы бойынша 3) Стратификацияланған логарифмдік ранг критерийі *2014 ж. Лугано қ. қабылданған жауап критерийлеріне сай ** IPI балл (3-5-пен салыстырғанда 2), жайылған лимфаденопатия болуы немесе болмауы, географиялық өңір стратификациясымен. Аралық талдау сәтінде жалпы тіршілік қабілеті (ЖТ) бойынша екінші соңғы нүкте жетілмеген күйде болды және статистикалық тұрғыда ерекшеленбеді [стратификацияланған қауіптер қатынасы 0.94 (95% СА, 0.65, 1.37); p=0.7524]. 1 сурет. GO39942 (POLARIX) зерттеуінде ЗЕРТТЕУ бағалауы бойынша ҮТҚ Каплан-Мейер қисығы Қайталамалы немесе рефрактерлі ДВІЖЛ Полайви препаратының тиімділігі халықаралық көп орталықтық ашық зерттеуде (GO29365) бағаланды, онда бұрын ДВІЖЛ ем қабылдаған 80 пациенттен рандомизацияланған қауым қамтылды. Пациенттер 21-күндік алты цикл бойы Полайви препаратымен бендамустин және ритуксимабпен біріктірілімде немесе тек бендамустин және ритуксимабпен ем алу үшін 1:1 арақатынасында рандомизацияланды. Пациенттер осының алдындағы ≤12 ай немесе >12 ай емделуге жауап ұзақтығы бойыншаи стратификацияланды. Зерттеуде гемопоэздік дің жасушаларын аутологиялық трансплантациялау (ГДЖТ) үміткерлері болмаған және жүйелі химиялық емнің, кем дегенде, бір алдыңғы желісін алудан кейін қайталамалы немесе рефрактерлі ауруы болған пациенттер қамтылды. Зерттеуге алдыңғы аллогенді ГДЖТ, орталық жүйке жүйесінің лимфомасы, трансформацияланған индолентті лимфомасы, 3b сатыдағы фолликулярлы лимфомасы, күрделі жүрек-қантамырлық немесе өкпе аурулары, белсенді инфекциялар, АСТ немесе АЛТ белсенділігі >2.5×ҚЖШ немесе жалпы билирубин көрсеткіші ≥1.5×ҚЖШ, егер тек негізгі ауруы лимфома болмаса, креатинин көрсеткіші >1.5xҚЖШ (немесе КК <40 мл/мин) пациенттер қосылмады. Полайви препараты вена ішіне 1.8 мг/кг дозада 1 циклдың 2 күні және 2-6 циклдың 1 күні енгізілді. Бендамустин вена ішіне 90 мг/м2 дозада 1 циклдың 2 және 3 күндері және 2-6 циклдың 1 және 2 күндері күнделікті енгізілді. Ритуксимаб 375 мг/м2 дозада 1-6 циклдың 1 күні енгізілді. Полайви препаратымен бендамустин және ритуксимабпен (n=40) немесе тек бендамустин мен ритуксимабпен (n=40) ем алу үшін рандомизацияланған 80 пациент арасында пациенттердің көпшілігі еуропалық нәсіл тегінен (71%) және ер жынысты (66%) болды. Жас медианасы 69 жасты құрады (диапазон: 30-86 жас). 80 пациенттің (80%) 64-де ECOG шкаласы бойынша жалпы соматикалық статусты (ЖС) бағалау баллы 0-1 құрады, ал 80 пациенттен 14-де (18%) ECOG шкаласы бойынша ЖС бағалау баллы 2 құрады. Пациенттердің көпшілігінде (98%) ҚНА ДВІЖЛ болды. Жалпы жиынтығы, пациенттердің 48%-да ДВІЖЛ қосалқы типі БBЖ, ал 40%-да ДВІЖЛ қосалқы типі GCB болды. Пациенттердің гемопоэздік дің жасушаларына үміткер болмауының негізгі себептері жас шамасы (40%), консервативтік емге жеткіліксіз жауап (26%) және бұрын жасалған трансплантация тиімсіздігі (20%) болды. Осының алдындағы ем желілері санының медианасы 2 (диапазон: 1-7), осы орайда пациенттердің 29%-ы (n = 23) бұрын емнің бір желісін қабылдады, 25%-ы (n = 20) бұрын емнің екі желісін қабылдады, ал 46%-ы (n = 37) бұрын емнің 3 немесе одан көп желісін қабылдады. II фазаның рандомизацияланған зерттеуіне қатысқан бендамустин және ритуксимабпен біріктірілімде полатузумаб ведотин тобында бір пациентті қоспағанда, барлық пациенттер бұрын бендамустинмен ем қабылдады. Пациенттердің 80%-да рефрактерлі ауру болды. Бендамустин және ритуксимабпен біріктірілімде полатузумаб ведотин қабылдаған пациенттерде CD3+ лимфоциттер санының бағалауымен емнің басталуына дейін (n=134), ем соңында (n=72) және ем аяқталғаннан кейін 6 ай өткен соң пациенттердің (n=18), тиісінше, 95%, 79% және 83%-да CD3+ лимфоциттердің абсолютті саны >200 жасуша/мкл құрады. Зерттеудің бастапқы соңғы нүктесі ем соңындағы ПЭТ-КТ арқылы Тәуелсіз қадағалау комитетінің (ТҚК) бағалауы бойынша ТЖ жиілігі (6 циклдың 1 күнінен немесе зерттелген препаратты соңғы енгізуден кейін 6-8 апта өткен соң) болды. 6 кесте. GO29365 зерттеуінде бұрын ДВІЖЛ себебімен ем қабылдаған пациенттердегі тиімділік түйіндемесі Полайви + бендамустин + ритуксимаб N = 40 — Бендамустин + ритуксимаб N = 40 Қадағалау уақытының медианасы 22 ай Бастапқы соңғы нүкте Ем соңындағы ТЖ* жиілігі (ТҚК бағалауы бойынша ) в конце терапии** Ем жауабына қол жеткізген пациенттер (%) — 16 (40.0) — 7 (17.5) Жауап жиілігінің айырмасы (%) [95% СА] Р мәні (КМХ, хи-квадрат критерийі***) — 22.5 [2.6, 40.2] 0.0261 Шешуші салдарлы және ізденістік соңғы нүктелер Жауап ұзақтығы (ЗЕРТТЕУ бағалауы бойынша) ИССЛ) Талдауда қамтылған пациенттер саны — 28 — 13 Оқиға болған (%) пациенттер саны — 17 (60.7) — 11 (84.6) Жауап ұзақтығының медианасы (95% СА), айлар — 10.3 (5.6, NE) — 4.1 (2.6, 12.7) ҚҚ [95% СА] Р мәні (логранг критерийі, стратификацияланған***) — 0.44 [0.20, 0.95] 0.0321 Ем соңындағы жалпы жауап жиілігі* (ЗЕРТТЕУ бағалауы бойынша)** Емдеуге жауап берген пациенттер (%) (ТЖ, ЖЖ) — 19 (47.5) — 7 (17.5) Жауап жиілігінің айырмасы (%) [95% СА] Р мәні (КМХ, хи-квадрат критерийі***) — 30.0 [9.5, 47.4] 0.0036 Толық жауап (%) (ПО) — 17 (42.5) — 6 (15.0) Жауап жиілігінің айырмасы (%) [95% СА] Р мәні (КМХ, хи-квадрат критерийі***) — 27.5 [7.7, 44.7] 0.0061 Жартылай жауап (%) (ЖЖ) — 2 (5.0) — 1 (2.5) Клоппер-Пирсон әдісі бойынша СА 95% — [0.6, 16.9] — [0.06, 13.2] Ең үздік жалпы жауап* (зерттеуші бағалауы) Емдеуге жауап берген пациенттер (%) (ТЖ, ЖЖ) — 28 (70.0) — 13 (32.5) Жауап жиілігінің айырмасы (%) [95% СА] — 37.5 [15.6, 54.7] Толық жауап (%) (ТЖ) — 23 (57.5) — 8 (20.0) Клоппер-Пирсон әдісі бойынша СА 95% — [40.9, 73.0] — [9.1, 35.7] Жартылай жауап (%) (ЖЖ) — 5 (12.5) — 5 (12.5) Клоппер-Пирсон әдісі бойынша СА 95% — [4.2, 26.8] — [4.2, 26.8] СА: сенім аралығы; КМХ: Кохран-Мантель-Хензель әдісі; ТЖ: толық жауап; ҚҚ: қауіптер қатынасы; ТҚК: Тәуелсіз қадағалау комитеті; ЖЖ: жартылай жауап * 2014 ж. Лугано қ. қабылданған модификацияланған жіктеуге сәйкес: ПЭТ-КТ арқылы сүйек кемігіне қатысты ТЖ расталуы талап етіледі. ПЭТ-КТ нәтижелері бойынша ТЖ растау үшін ПЭТ-КТ және ЖЖ критерийлерінің сәйкестігі талап етілді. ** 6 циклдың 1 күнінен немесе зерттелген препаратты соңғы енгізуден кейін 6-8 апта өткен соң *** Алдыңғы емге жауап ұзақтығы бойынша (≤12 ай және >12 ай) стратификация. ЖТ бірінші шығу тегінің қатесін бақылаусыз ізденісті соңғы нүкте түрінде болды. Полайви препаратын бендамустин және ритуксимабпен қабылдаған топтағы ЖТ медианасы, бақылау тобындағы 4.7 аймен салыстырғанда (95% СА: 3.7, 8.3) 12.4 айға (95% СА: 9.0, БЖ) созылды. Түзетілмеген есептік ЖТ үшін ҚҚ 0.42 құрады. Бастапқы ковариаталар әсерінің ескерілуімен ЖТ үшін ҚҚ 0.59 дейін түзетілді. Ковариаталарда рефрактерлігіне қатысты бастапқы статус, алдыңғы ем желілерінің саны, IPI және дің жасушаларының трансплантациясынан өту қамтыды. Зерттеуші бағалауы бойынша ҮТҚ бірінші текті қатенің бақылауынсыз ізденісті соңғы нүкте түрінде болды. Полайви препаратын бендамустинмен және ритуксимабпен қабылдаған топтағы ҮТҚ медианасы, бақылау тобындағы 2.0 аймен (95% СА: 1.5, 3.7) салыстырғанда, 7.6 айға (95% СА: 6.0, 17.0) созылды. Түзетілмеген есептік ҮТҚ үшін ҚҚ 0.34 құрады. Иммуногенділік Ақуыздық дәрілік препараттардың бәрін қолдану кезіндегі сияқты, полатузумаб ведотин қабылдап жүрген пациенттерде иммундық жауап дамуы мүмкін. GO39442 (POLARIX) және GO29365 зерттеулерінде пациенттердің 1.4% (6/427) және 5.2%-да* (12/233), тиісінше, полатузумаб ведотин антиденелеріне оң нәтижелер білінді; осы орайда, олардың бір де бірінде антиденелер бейтараптандырғыштар сипатында болмады. Полатузумаб ведотин антиденелері анықталған пациенттер саны шектеулі екендіктен, препараттың тиімділігі мен қауіпсіздігіне иммуногенділік әсерінің болуы мүмкіндігі туралы қорытынды жасауға болмайды. Иммуногенділік талдауының нәтижелері талдау сезімталдығы мен спецификалық ерекшелігі, талдау әдіснамасы, жинап алынған үлгілермен манипуляциялар, үлгілерді жинап алу уақыты, қатарлас препараттарды қолдану және негізгі ауру сипаты сияқты әртүрлі факторларға қатты тәуелді болуы мүмкін. Осы пайымдарға сүйеніп, полатузумаб ведотин антиденелерінің анықталу жиілігін және басқа препараттарға антиденелердің анықталу жиілігін салыстыру ақпараттық емес сипатта болуы мүмкін.

Препаратты үнемі емдеуші дәрігер нұсқауларымен толық сәйкестікте қолданыңыз. Күмән пайда болса, емдеуші дәрігермен кеңесіңіз. Дозалау режимі Аталған препарат дозасы Сіздің дене салмағыңызға байланысты. Әдеттегі бастапқы доза Сіздің дене салмағыңыздың әр килограмына 1.8 мг құрайды. Егер Сізде шеткері нейропатия дамыса, емдеуші дәрігер дозаны төмендетуі мүмкін. Енгізу әдісі және жолы Полайви® препараты осындай емдеу жүргізу тәжірибесі бар дәрігердің қадағалауымен қолданылуы тиіс. Препарат венаға 90 минут бойы тамшылатып енгізіледі (венаішілік инфузия). Егер алдыңғы венаішілік инфузияның жағымдылығы жақсы болса, келесі жолы препаратты 30 минут ішінде енгізуге болады. Емдеу ұзақтығы Әр цикл 3 аптаға созылады. Сіз басқа препараттармен бірге Полайви® препаратымен емдеудің 6 циклын аласыз. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Сіз Полайви® препаратын енгізуді ұмытып кетсеңіз немесе өткізіп алсаңыз, мүмкіндігінше тезірек емдеуші дәрігерге хабарлаңыз. Келесі жоспарлы қаралуды күту керек емес. Емдеу толықтай тиімді болу үшін, дозаны енгізуді өткізіп алмау маңызды.Полайви® препаратын қолдануды, ол жөнінде емдеуші дәрігермен талқылап алмай, тоқтатпаңыз. Бұл емдеуді тоқтатқанда Сіздің жай-күйіңіздің нашарлап кетуі мүмкін екеніне байланысты. Препаратты қолдану жөнінде сұрақтар болса, емдеуші дәрігерге немесе медбикеге хабарласыңыз.

• әсер етуші затқа немесе қосымша заттардың кез келгеніне аса жоғары сезімталдық • белсенді ауыр инфекциялар

Барлық дәрілік препараттар сияқты, препарат жағымсыз реакциялар тудыруы мүмкін, алайда, олар бәрінде бірдей туындамайды. Күрделі жағымсыз реакциялар Егер Сіз төменде тізбеленген күрделі жағымсыз реакциялардың қандай да бірін байқасаңыз, емдеуші дәрігерге немесе медбикеге кідіріссіз мәлімдеңіз – Сізге жедел медициналық жәрдем қажет болуы мүмкін. Бұл жаңа симптомдар да, ағымдағы симптомдардың өзгеруі де болуы мүмкін: • инфузиялық реакциялар – емдеуші дәрігер инфузия аяқталған соң 30-90 минут ішінде Сіздің жай-күйіңізді тексеретін болады; • қызба және қалтырау; • бөртпе/есекжем; • ауыр инфекциялар; • өкпе инфекциясы (пневмония); • герпес; • вирустық инфекция; • жоғарғы тыныс жолдарының инфекциясы; • тері инфекциясы; • несеп шығару жолдарының инфекциясы; • әдеттен тыс қан кету немесе тері астының қанталап кетуі; • жадыны жоғалту, сөйлеу кінәраттары, жүру кезіндегі қиындықтар немесе көру кінәраттары (шеткері нейропатия); • терінің немесе көз ақуыздарының сары түсі; • ентігу және тыныс тарылуы. • Полайви препаратының қан тамырларынан тыс, инфузия жасалған жердің айналасындағы тіндерге түсуі (экстравазация, «Қолдану кезіндегі қажетті сақтандыру шаралары» бөлімін қараңыз (пайда болу жиілігі – сирек). Полайви® препаратын қолдану кезінде байқалуы мүмкін болжамды жағымсыз реакциялар Өте жиі – 10 адамның 1-нен көбінде туындауы мүмкін: • өкпе инфекциясы (пневмония); • тұмаурату, түшкіру, тамақтың ауыруы және жөтел (жоғарғы тыныс жолдарының инфекциясы); • ұйып қалу, шаншу, ашыту, ауырсыну, жайсыздану немесе жүріс-тұрыс кезіндегі әлсіздік және/немесе қиналыстар (шеткері нейропатия); • қызба (пирексия); • жөтел; • құсу; • диарея (іш өту) немесе іш қату; • ауыз қуысы шырышты қабығының қабынуы (мукозит); • жүрек айну; • іштің ауыруы/іштің жоғарғы бөлімінің ауырсынуы; • қатты қалжырау; • шаршау сезімі (астения); • тәбет төмендеуі; • дене салмағының азаюы; • инфузиялық реакциялар; • суық тию; • шаш түсуі (алопеция); • қан талдауларындағы ауытқулар: • лейкоциттердің барлық түрлерінің төмен деңгейі; • қызбамен немесе онсыз нейтрофилдердің (лейкоциттер түрі) төмен деңгейі; • тромбоциттердің (оның ұюына көмектесетін қан жасушасы) төмен деңгейі; • тромбоциттердің төмен деңгейі (анемия); • қандағы калийдің төмен деңгейі (гипокалиемия). Жиі – 10 адамның 1-нен көп емес туындауы мүмкін: • ауыр инфекция (сепсис); • несеп шығару жолдарының инфекциясы; • вирустық инфекциялар; • герпес; • тері инфекциялары; • өкпенің қабынуы (пневмонит); • ентігу және тыныс тарылуы; • бас айналу; • аяқ (төменгі бөлігінің) немесе қол (шеткері ісіну) ісінуін тудыратын сұйықтық іркілісі; • қандағы бауыр ферменттері (трансаминазалар) белсенділігінің жоғарылауы; • буынның ауыруы; • қышыну; • қалтырау; • бөртпе; • терінің құрғауы; • буынның ауыруы; • қан талдауларындағы өзгерістер: • барлық қан жасушаларының төмен деңгейі (панцитопения); • лимфоциттердің (лейкоциттер түрі) төмен деңгейі; • қандағы фосфаттардың төмен деңгейі (гипофосфатемия); • қандағы кальцийдің төмен деңгейі (гипокальциемия); • қандағы альбуминнің төмен деңгейі (гипоальбуминемия); • қандағы липазаның жоғары белсенділігі. Жиі емес – 100 адамның 1-нен көп емес туындауы мүмкін: • көру арқылы қабылдаудың анық болмауы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Препаратты қолданар алдында қосымша парақты толық оқып шығыңыз, себебі онда Сіз үшін маңызды мәліметтер бар. • Қосымша парақты сақтап қойыңыз. Сізге оны тағы бір рет оқып шығу қажет болуы мүмкін. • Егер Сізде қосымша сұрақтар туындаса, емдеуші дәрігерге немесе медбикеге хабарласыңыз. • Препарат Сізге ғана тағайындалған. Оны басқа адамдарға бермеңіз. Ол, егер тіпті олардың ауру симптомдары Сіздегімен сәйкес болса да, оларға зиян тигізуі мүмкін. • Егер Сізде қандай да бір жағымсыз реакциялар туындаса, емдеуші дәрігерге немесе медбикеге хабарласыңыз. Осындай нұсқау кез келген болуы мүмкін, оның ішінде «Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімінде атап көрсетілмеген жағымсыз реакцияларға да қатысты болады. Препаратты қолданар алдында емдеуші дәрігермен немесе медбикемен кеңесіңіз, егер: • Сізде ми немесе жүйке жүйесінің жұмысымен байланысты қандай да бір бұзылулар болса, мысалы: • жады кінәраттары; • қозғалыс кезіндегі қиналыстар немесе тіпті сәл жанап кеткеннің өзіндегі шаншу, ашыту, ауырсыну мен жайсыздану сияқты денедегі таң қаларлық түйсіктер; • көру кінәраттары; • Сізде бір кездері бауыр кінәраттары болған болса; • Сіз қазір Өзіңізде инфекция немесе Сізде герпес сияқты ұзаққа созылатын немесе тұрақты пайда болатын инфекция бар деп ойласаңыз (қосымша парақтың «Инфекциялар» бөлімін қараңыз); • Сізге вакцинациядан өтетін кез келсе немесе Сіз Өзіңізге таяу уақытта вакцинациядан өту керек болатынын білсеңіз. Күмән пайда болса, Полайви® препаратын қолданар алдында емдеуші дәрігермен немесе медбикемен кеңесіңіз. Полайви® препараты күрделі жағымсыз реакциялар тудыруы мүмкін. Келесі жағымсыз реакциялар жөнінде кідіріссіз емдеуші дәрігерге немесе медбикеге хабарлаңыз. Миелосупрессия Миелосупрессия – қан жасушаларының өндірілуі төмендеп кететін жай-күй, бұл эритроциттер, лейкоциттер және тромбоциттер санының азаюына алып келеді. Емдеуші дәрігер қан жасушаларының санын тексеру үшін талдаулар тағайындайды. Емдеуші дәрігерге немесе медбикеге дереу хабарлаңыз, егер: • Сізде қалтырау болса; • Сізде қызба болса; • Сізде бас ауыру болса; • Сіз шаршау сезінсеңіз; • Сіз бас айналуын сезсеңіз; • Сіз бозарып көрінсеңіз; • Сізде әдеттен тыс қан кету, тері астының қанталап кетуі, қан жинап алған соң қан кетудің әдеттегіден ұзаққа созылуы, қызылиектерден қан кету болса. Шеткері нейропатия Егер Сізде, әсіресе, қол немесе аяқ терісі сезімталдығының қандай да бір кінәраттары туындаса, кідіріссіз емдеуші дәрігерге немесе медбикеге хабарлаңыз, мысалы: • ұйып қалу; • шаншу; • ашытуды сезіну; • ауырсыну; • жайсыздық немесе әлсіздік; • жүру кезіндегі қиындықтар. Егер Сізде Полайви® препаратымен емдеу басталғанша осы симптомдардың қандай да бірі болса, әрі егер Сіз олардың қандай да бір өзгерістерін байқасаңыз, дереу дәрігермен байланысыңыз. Шеткері нейропатия симптомдары дамығанда, емдеуші дәрігер дозаны төмендетуі мүмкін. Инфекциялар Инфекция белгілері мен симптомдары әртүрлі адамдарда ерекшеленуі мүмкін. Егер Сізде инфекциялардың қандай да бір симптомдары туындаса, кідіріссіз емдеуші дәрігерге немесе медбикеге хабарлаңыз, мысалы: • қызба; • жөтел; • кеуденің ауырсынуы; • шаршау; • ауырсындыратын бөртпе; • тамақтың ауыруы; • несеп шығару кезінде ашыту; • әлсіздік сезімі немесе жалпы дімкәстану Үдемелі көп ошақты лейкоэнцефалопатия Үдемелі көп ошақты лейкоэнцефалопатия – бұл Полайви® препаратымен және обинутузумаб деп аталатын басқа препаратпен ем қабылдаған бір пациентте дамуы тіркелген өте сирек және өмірге қауіпті ми инфекциясы. Сізде мыналардың туындағаны туралы кідіріссіз емдеуші дәрігерге немесе медбикеге хабарлаңыз: • жадының жоғалуы; • сөйлеу кінәраттары; • жүру кезіндегі қиындықтар; • көру кінәраттары. Егер Сізде Полайви® препаратымен емдеу басталғанша осы симптомдардың қандай да бірі болса, әрі егер Сіз олардың қандай да бір өзгерістерін байқасаңыз, дереу дәрігермен байланысыңыз. Сізге емдеу қажет болмауы мүмкін. Ісік лизисі синдромы Кейбір адамдарда қандағы кейбір заттардың (калий мен несеп қышқылы сияқты) аномалиялық деңгейлері білінуі мүмкін, ол емделген уақытта ісік жасушаларының тез ыдырауынан болуы мүмкін. Аталған жағдай ісік лизисі синдромы деп аталады. Емдеуші дәрігер осы ахуалды бақылау үшін қан талдауларын тағайындайды. Инфузиялық реакциялар Инфузиялық, аллергиялық немесе анафилаксиялық (аллергиялық түріне қарағанда ауырлау) реакциялар туындауы мүмкін. Емдеуші дәрігер немесе медбике инфузия кезінде және ол аяқталған соң 30-90 минут бойы жағымсыз реакциялар бар-жоғын тексереді. Егер Сізде кез келген күрделі жағымсыз реакция туындаса, емдеуші дәрігер Полайви® препаратымен емдеуді тоқтатуы мүмкін. Бауырдың зақымдануы Аталған дәрілік препарат бауыр жасушаларының қабынуын немесе зақымдануын туғызуы және бауырдың қалыпты жұмысына ықпалын тигізуі мүмкін. Бауырдың зақымданған жасушалары белгілі бір заттарды (бауыр ферменттері және билирубин) жоғары мөлшерде қан ағымына босатып шығаруы мүмкін, оны қан талдаулары арқылы анықтауға болады. Көпшілік жағдайларда Сізде қандай да бір симптомдар болмайды, алайда, егер Сізде тері немесе көз ақуыздары сарғайып кетсе (сарғаю туындаса), кідіріссіз емдеуші дәрігерге немесе медбикеге хабарлаңыз. Емдеуші дәрігер емдеудің басталуына дейін және ем кезінде Сіздегі бауыр жұмысын бағалау үшін қан талдауларын тексереді. Экстравазация салдарынан тері мен тіндердің зақымдануы Экстравазация — бұл Полайви препаратының венадан шығып, инфузия жасалған жердің айналасындағы тіндерге таралуы. Егер сіз препаратты енгізу кезінде немесе оның айналасында ашу, ауырсыну немесе сезімталдық (ауырсынуды сезіну) байқасаңыз, бұл туралы дереу дәрігерге немесе мейіргерге хабарлаңыз. Егер препарат қан тамырының сыртына кетіп қалса, инфузиядан кейін бірнеше сағат немесе апта ішінде мынадай белгілер пайда болуы мүмкін: терінің қызаруы, ауырсыну, тері түсінің өзгеруі, ісіну, күлдіреуіктердің (сулы бөртпелердің) пайда болуы, терінің қабыршақтануы және сыдырылуы, терінің терең қабаттарының инфекциясы (целлюлит).Балалар Препаратты, тиімсіздігіне және ықтималды қауіпсіз болмауына орай, 18 жасқа дейінгі балаларға бермеңіз (Полайви® препаратын қолдану қауіпсіздігі мен тиімділігі 18 жасқа дейінгі балаларда анықталмаған). Арнайы сақтандырулар Контрацепция Егер Сіз бала туу жасындағы әйел болсаңыз, Сіз емдеу кезінде және Полайви® препаратының соңғы дозасын енгізуден кейін 9 ай бойы контрацепцияның сенімді әдістерін пайдалануға тиіссіз. Ерлер емдеу кезінде және Полайви® препаратының соңғы дозасын енгізуден кейін 6 ай бойы контрацепцияның сенімді әдістерін пайдалануы тиіс. Жүктілік Егер Сіз жүкті болсаңыз немесе бала емізіп жүрсеңіз, жүкті болып қалдым деп ойласаңыз немесе бала көтеруді жоспарлап жүрсеңіз, Полайви® препаратын қолдануды бастар алдында емдеуші дәрігермен кеңесіңіз. Бұл Полайви® препаратының Сіздің сәбиіңіздің денсаулығына зиян келтіруі мүмкін екенімен байланысты. Егер Сіз жүкті болсаңыз, Сіз және емдеуші дәрігер емдеудің пайдасы тумаған шаранаға төнуі мүмкін қауіптен артық болады деген шешім қабылдаған жағдайларды қоспағанда, аталған препаратты қабылдамаңыз. Бала емізу Полайви® препаратының аздаған мөлшері емшек сүтіне өтуі мүмкін екендіктен, емдеу кезінде және Полайви® препаратының соңғы дозасын енгізуден кейін 3 ай бойы бала емізбеңіз. Фертильділік Ерлерге аталған препаратпен емдеудің басталуына дейін шәуһетті сақтауға тапсыру ұсынылады. Қосымша заттар Полайви® препаратының құрамында дозасына 1 ммоль мөлшерінен аз натрий (23 мг) бар, яғни құрамында іс жүзінде натрий жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Полайви® препараты көлік құралдары мен механизмдерді басқару қабілетіне болымсыз әсер етеді. Егер Сізде инфузиялық реакция немесе жүйкелердің зақымдануы туындаса, егер Сіз шаршау, әлсіздік немесе бас айналуын сезінсеңіз, автокөлік немесе велосипед рөліне отырмаңыз және жағымсыз реакция басылатын сәтке дейін механизмдерді пайдаланбаңыз.

Нұсқаулықта көрсетілмеген.

Сіздің қандай да бір басқа препараттарды рецептісіз сатылатын препараттар мен өсімдік тектес препараттарды қоса қабылдап жүргеніңіз, таяуда қабылдағаныңыз немесе қабылдай бастауыңыз мүмкін екені туралы емдеуші дәрігерге мәлімдеңіз. Егер Сізге вакцинациядан өтетін мезгіл келсе немесе Сіз Өзіңізге таяу уақытта вакцинациядан өту керек болатынын білсеңіз, онда да емдеуші дәрігерге немесе медбикеге хабарлаңыз.

Сақтау мерзімі 2.5 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, жарықтан қорғалған жерде 2 C-ден 8 C-ге дейінгі температурада. Мұздатып қатыруға болмайды! Қалпына келтірілген ерітіндінің химиялық және физикалық тұрақтылығы 2 °C-ден 8 °C-ге дейінгі температурада 72 сағаттан асырмай және 25 °С-ден аспайтын температурада 24 сағатқа дейін сақтағанда расталған. Балалардың қолы жетпейтін жерде сақтау керек!