Полаксин Б лиофилизат 500 000 МЕ

Бір құтының ішінде белсенді зат - полимиксин В сульфаты, 500 000 ХБ 1 В полимиксинге баламалы. қосымша зат: инъекцияға арналған су 2. 1 - 5.0 % артығын есептемегенде 2- Өндіріс процесінде жойылады Сыртқы түрінің, иісінің, дәмінің сипаттамасы Ақ немесе ақ дерлік түсті кесек немесе ұнтақ. Препарат құрамында көрінетін ерімейтін бөлшектер болмауы қажет, мөлдір түссіз ерітіндінің түзілуімен 5 мл Р инъекцияға арналған суда ерітіледі. Дайындалған ерітінді Р инъекцияға арналған суға қарағанда елеусіз сәл мөлдір болады.

Басқа антибиотиктерге бірнеше рет төзімділігі бар полимиксинге сезімтал В грамтеріс микроорганизмдер тудыратын ауыр инфекциялар: - Pseudomonas aeruginosa және Escherichia coli туындаған несеп шығару жолдарының инфекциясы; - Pseudomonas aeruginosa, Enterobacter (бұрынғы атауы Aerobacter) aerogenes және Klebsiella pneumonia туындаған қан ағымының инфекциясы; - Pseudomonas aeruginosa туындаған менингеальды инфекциялар; - Pseudomonas aeruginosa туындаған мөлдір қабықтың және көздің субконъюнктивасы.

Полимиксин B сульфаты Proteus тобынан басқа барлық грамтеріс бактерияларға қарсы бактерицидтік әсерге ие. Полимиксиндер бактериялардың жасушалық қабырға жарғақшаларының өткізгіштігін арттырады. Барлық грамоң бактериялар, зеңдер және грамтеріс кокки, N gonorrhoeae және N meningitidis резистентті болып табылады. Дисктермен сезімталдық тесті: егер дисктермен Кирби-Бауэр сезімталдығын анықтау әдісі пайдаланылса, 300 бірлік полимиксин B дискісі бактерия штаммының полимиксин B сезімталдығын тексеру кезінде 11 мм-ден асатын аймақты көрсетуі керек. Балалар Полимиксин В балаға бұлшықет ішіне, вена ішіне, эндолюмбальді, қуысқа енгізіледі. Препараттарды қан ақуыздарымен байланысуы шамалы. Бұлшықет ішіне енгізген кезде қан плазмасындағы антибиотиктің ең жоғары концентрациясы 2 сағаттан кейін пайда болады (жаңа туған нәрестелерде – 1 сағаттан кейін). Осы препараттарда таралу көлемі шағын. Олар плевралық, перитонеальді және асциттік сұйықтықтарға нашар енеді. Менингит кезінде де олар ликворға іс жүзінде енбейді. Қажетті концентрацияны жасау үшін оларды тікелей инфекция ошақтарына (плевралық, ішперде, буын қуыстарына) немесе эндолюмбальді енгізу қажет. Бауырда препараттың тек 2-4% - ы биотрансформацияға ұшырайды. Қанда айналымдағы полимиксин 90%-ы бүйрекпен өзгермеген түрде шығарылады, бұл несепте жоғары концентрацияны тудырады. Бірақ оның несептегі белсенділігі оның рН - на байланысты. Препарат тек қышқыл ортада тиімді. Полимиксин В қаннан жартылай шығарылу кезеңі 3,5-4 сағатқа тең. Нұсқаулық бойынша препараттарды тағайындау жиілігі күніне 3-4 рет. Алайда, бүйрек жеткіліксіздігінде элиминация кезеңі 6-35 сағатқа дейін артуы мүмкін, бұл дозалау режимін түзетуді қажет етеді. Жаңа туылған нәрестелерде (тек өмірлік көрсеткіштер бойынша!) бұл антибиотиктерді күніне 1 рет (кейде 2 күнде 1 рет) енгізу керек.

Дозалау режимі Вена ішіне: полимиксин В сульфатының 500 000 бірлігін вена ішіне үздіксіз тамшылатып енгізу үшін судағы 300-500 мл 5% декстроза ерітіндісінде ерітеді. Ересектер мен балалар (1 жастан асқан): бүйрек функциясы қалыпты адамдарда күніне кг дене салмағына 15 000-нан 25 000 бірлікке дейін. Бүйрек жеткіліксіздігіне шалдыққан адамдар үшін бірліктер саны 15000 бірлік/кг-дан және одан төмен азайтылуы керек. Инфузия әрбір 12 сағат сайын тағайындалуы мүмкін; алайда жалпы тәуліктік доза тәулігіне 25 000 бірлік/кг-дан аспауы тиіс. Балалар (1 жасқа дейін): бүйрек функциясы қалыпты балаларға жағымсыз әсерлер тудыру қаупінсіз тәулігіне 40 000 бірлік/кг-ға дейін тағайындалады. Бұлшықет ішіне: Инъекция орнының, әсіресе нәрестелер мен балаларда қатты ауыру салдарынан препаратты тұрақты негізде бұлшықет ішіне енгізу ұсынылмайды. Полимиксин B сульфатының 500 000 бірлігін 2 мл стерильді дистилденген суда (инъекцияға арналған стерильді су АҚШ Фармакопея) немесе стерильді физиологиялық ерітіндіде (инъекцияға арналған натрий хлориді АҚШ Фармакопея) немесе 1% прокаин гидрохлоридінің ерітіндісінде ерітеді. Бұлшықет ішіне қолдануға арналған прокаинмен дайындалған ерітінділерді интратекальді немесе вена ішіне енгізіп алмас үшін сақтық таныту керек. Ересектер мен балалар (1 жастан асқан): тәулігіне 25 000-нан 30 000 бірлік/кг дейін. Бүйрек жеткіліксіздігі болған кезде бірліктер саны азайтылуы керек. Доза бөлінуі және 4 немесе 6 сағат аралығымен енгізілуі мүмкін. Балалар (1 жасқа дейін): бүйрек функциясы қалыпты балалар тәулігіне 40 000 бірлік/кг-ға дейін жағымсыз әсерлерді туындату қаупінсіз ала алады. Ескертпе. Күніне 45000 бірлік/кг-ға дейінгі дозалар Ps. aeruginosaштаммдарынан туындаған сепсистен шала туған және жаңа туған нәрестелерді емдеу кезінде шектеулі клиникалық зерттеулерде тағайындалды. Интратекальді: Ps. aeruginosa туындатқан менингитті емдеуге арналған таңдау препараты. Полимиксин B сульфатының 500 000 бірлігін 5 мл стерильді физиологиялық ерітіндіде (инъекцияға арналған натрий хлориді АҚШ Фармакопея) 50000 бірлік мл дозаға ерітеді. Ересектер мен балалар (2 жастан асқан): Дозалау 3-4 күн бойы интратекальді 50000 бірлікті, содан кейін жұлын сұйықтығы өсіріндісінің теріс нәтижесін алған соң және қант құрамы қалыпқа келгеннен кейін кемінде 2 апта бойы күніне бір рет 50000 бірліктен құрайды. Балалар (2 жасқа дейін): күніне бір рет 20 000 бірлік, 3-4 күн ішінде интратекальді немесе күніне бір рет 25 000 бірліктен. Жұлын сұйықтығы өсіріндісінің теріс нәтижесін алғаннан кейін және қант құрамын қалыпқа келтірген соң кемінде 2 апта бойы күніне бір рет 25000 бірлік дозасымен емдеуді жалғастырады. Офтальмологияда қолдану: (Тек субконьюнктивальді инъекция түрінде). Ps. aeruginosa туындатқан көз инфекцияларын емдеу үшін Ps. aeruginosa туындатқан мөлдір қабықтың және конъюнктиваның инфекциясын емдеу үшін күніне 100 000 бірлікке дейін субконьюнктивальді инъекция тағайындалуы мүмкін. Ескертпе: тәулігіне 25000 бірлік/кг-дан артық жалпы жүйелік және офтальмологиялық құюдан аулақ болу керек. Енгізу әдісі мен жолы Препарат вена ішіне, бұлшықет ішіне және интратекальді түрде және субконьюнктивальді түрде енгізуге арналған.

• препараттың белсенді затына, өт қышқылдарына немесе кез келген басқа қосымша затына аса жоғары сезімталдық • миастения

Нефроуытты реакциялар: - альбуминурия - цилиндрурия - азотемия - дозаның артуынсыз сарысудағы препарат деңгейінің жоғарылауы. Нейроуытты реакциялар: - қанның бетке тебуі - атаксияға дейін үдейтін бас айналу - ұйқышылдық - шеткері парестезиялар: "шұлық және қолғап" типі бойынша ауырсыну сезімталдығы - кураре тәрізді миорелаксанттарды, басқа да нейроуытты препараттарды бір мезгілде қолдануға немесе байқаусызда артық дозалануға байланысты апноэ - интратекальді енгізу кезінде ми қабықтарының тітіркену белгілері, мысалы, қызба, бас ауыруы, желке бұлшықеттерінің сіресуі және жұлын сұйықтығындағы жасушалар мен ақуыз мөлшерінің артуы Кейде басқа реакциялар туралы хабарланады: - дәрілік қызба - есекжем - бұлшықет ішіне енгізу орындарының ауыруы (қатты) - вена ішіне енгізу орындарындағы тромбофлебит Иммундық жүйенің тарапынан бұзылулар: - бұлшықет ішіне инъекция орындарындағы есекжем. Полимиксин B сульфатын жергілікті қолданғаннан кейін аллергиялық аса жоғары сезімталдық туралы хабарланды. Жалпы сипаттағы және қолдану учаскесіндегі бұзылыстар: - бұлшықет ішіне енгізу учаскесінің ауыруы (қатты) және вена ішіне енгізу орындарындағы тромбофлебит. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ескі әдебиет дереккөздерінде полимиксиндердің, негізінен натрий колизиметатының артық дозалануы туралы бірнеше рет хабарланған. Алайда бір жағдайда, бұлшықет ішіне 450 мг (шамамен 5,5 млн. ХБ) натрий колизиметатын алған үш жасар балада жағымсыз әсерлер байқалмады. Көптеген жағдайларда полимиксиндердің артық дозалануы жедел бүйрек жеткіліксіздігіне және нейроуыттылықтың әртүрлі көріністеріне, соның ішінде жүйке-бұлшықет блокадасына және апноэге әкелді. Айта кету керек, өлімге әкелетін полимиксиннің артық дозалануы сирек кездеседі. Полимиксиндермен артық дозалануға байланысты спецификалық антидот жоқ. Емдеу препаратты мерзімінен бұрын тоқтатуды және тиісті демеуші ем жүргізуді талап етеді. Анықталған жедел бүйрек жеткіліксіздігі болған кезде гемодиализ бен перитонеальді диализ тек бүйрек асқынуларына әсер ете алады, өйткені олар жоғарыда талқыланғандай полимиксиндердің шығарылуына шамалы әсер етеді. Егер апноэ пайда болса, өкпені механикалық желдету қажет.

Қауіпсіздік мақсатында дайын полимиксин В ерітіндісі тоңазытқышта сақталуы керек және оны 72 сағат ішінде пайдалануға болады . Пайдаланылмаған кез-келген препаратты 72 сағаттан кейін тастау керек. Арнайы ескертулер Ескертпе: Препарат вена ішіне, бұлшықет ішіне және/немесе интратекальді енгізіледі, дәрігер тарапынан тұрақты бақылауды қамтамасыз ету үшін оны стационар жағдайында пациенттерге ғана тағайындау керек. Полаксин Б туындатқан нефроуыттылығы бар пациенттерде әдетте альбуминурия, несепте жасушалық цилиндрлердің болуы және азотемия байқалады. Несеп шығарудың азаюы және қандағы мочевина азотының (ҚМА) концентрациясының жоғарылауы емдеуді тоқтату үшін көрсетілімдер болып табылады. Нейроуытты реакциялар тітіркену, әлсіздік, ұйқышылдық, атаксия, шеткері парестезия, аяқ-қолдың ұйып қалуы және көрмей қалу ретінде білінуі мүмкін. Олар әдетте бүйрек жеткіліксіздігі және/немесе нефроуыттылығы бар пациенттерде қан сарысуындағы препараттың жоғары деңгейімен байланысты. Полаксин Б туындатқан нейроуыттылық әсіресе препарат анестезиядан және/немесе миорелаксанттарды қолданғаннан кейін көп ұзамай енгізілгенде, жүйке-бұлшықет блокадасының салдарынан тыныс алу жолдарының салдануына әкелуі мүмкін. Сақтандыру шаралары: Бүйрек функциясын бағалау парентеральді ем кезінде бүйрек функциясын және қандағы препарат деңгейін жиі мониторингтей отырып, ем басталғанға дейін жасалуы тиіс. Тыныстың тарылуын туындатуы мүмкін кураре тәрізді миорелаксанттарды және басқа нейроуытты дәрілік препараттарды (эфир, тубокурарин, сукцинилхолин, галламин, декаметоний және натрий цитраты) бір мезгілде қолданудан аулақ болу керек. Егер тыныс алу жолдарының сал ауруының белгілері пайда болса, тыныс алуды демеуді қамтамасыз ету және препарат қабылдауды тоқтату қажет. Басқа антибиотиктермен жағдайындағыдай, бұл препаратты қолдану сезімтал емес организмдердің, соның ішінде зеңдердің шамадан тыс өсуіне әкелуі мүмкін. Егер суперинфекция дамитын болса, тиісті емдеуді тағайындау керек. Полимиксин B сульфатын порфириясы бар пациенттерде аса сақтықпен пайдалану керек. Полимиксин В сульфаты белсенді емес, сондықтан грамтеріс бактериялар (Proteus spp., Providencia spp., Morganella spp., Serratia marcescens, Burkholderia spp., Neisseria spp.), барлық грамоң бактериялар мен анаэробтар туындатқан бактериялық инфекцияларды емдеу үшін тағайындалмауы керек. Бактериялық инфекция анықталған немесе күмән туындаған жағдайда тиісті қосалқы емді дереу бастау өте маңызды. QT аралығының ұзаруы Полимиксин B сульфатының жүрек реполяризациясының, QT аралығының ұзаруына және жүрек аритмиясының даму қаупінің жоғарылауына және қарыншалардың дірілдеуі-жыпылықтауына әсері белгісіз. С. difficile туындатқан жалғанжарғақшалы колит Clostridium difficile туындатқан жалғанжарғақшалы колит (CDAD) полимиксин B сульфатын қоса, бактерияға қарсы көптеген препараттарды қолдану аясында жиі тіркеледі. CDAD ауырлық дәрежесі бойынша жеңіл диареядан өлімге әкелетін колитке дейін өзгеруі мүмкін. Бұл диагнозды диарея, колит, жалғанжарғақшалы колит симптомдары, уытты мегаколон немесе тоқ ішегі тесілген пациенттерде кез-келген бактерияға қарсы препаратты қабылдағаннан кейін ескеру қажет. CDAD бактерияға қарсы препараттарды енгізгеннен кейін 2 айдан соң пайда болатындығы туралы хабарланды. Бактерияға қарсы препараттармен емдеу тоқ ішектің қалыпты флорасын өзгерте алады және Clostridium difficile шамадан тыс өсуіне әкелуі мүмкін. C. difficile CDAD дамуына ықпал ететін A және B токсиндерін өндіреді. CDAD айқын ауру мен өлімге әкелуі мүмкін. CDAD микробқа қарсы емдеуге сезімтал болмауы мүмкін. Егер CDAD диагнозына күмән келтірілсе немесе ол расталса, тиісті емдік шараларды дереу бастау керек. CDAD жеңіл жағдайлары әдетте C. difficile қатысты бағытталмаған бактерияға қарсы препаратты тоқтату арқылы тоқтатылады. Орташа және ауыр жағдайларда су-электролиттік емдеуге, ақуыз қоспаларына және C. difficile-ге қатысты клиникалық тиімді бактерияға қарсы препаратпен емдеуге назар аудару керек. Хирургиялық қарап-тексеру клиникалық көрсетілімдерге сәйкес жүргізілуі керек; себебі белгілі бір ауыр жағдайларда хирургиялық араласым қажет болуы мүмкін. Иммундық аса жоғары сезімталдық реакциялары Апноэ мен бронх түйілуді қоса, аса жоғары сезімталдықтың елеулі реакциялары ингаляция түрінде полимиксин В сульфатын алатын пациенттерде тіркелді. Полимиксин B сульфатын парентеральді енгізу кезінде анафилактоидты реакциялар туралы хабарланды. Бацитрацинге белгілі аллергиясы бар пациенттерде полимиксинді қолданғанда аса жоғары сезімталдық реакцияларының даму қаупі жоғары болады, себебі бацитрацин мен полимиксиндер арасында айқаспалы реактивтілік бар. АҚШ Фармакопея инъекциясына арналған полимиксин B пайдалана отырып, емді бастар алдында пациенттің ауру тарихын полимиксиндерге немесе бацитрацинге бұрын аса жоғары сезімталдық реакцияларының болуы тұрғысынан мұқият зерделеу керек. АҚШ Фармакопея инъекциясына арналған полимиксиндерді ингаляция жолымен енгізуге болмайды. Егер аллергиялық реакция пайда болса, препаратты қолдануды дереу тоқтату керек. Ауыр жедел аса жоғары сезімталдық (анафилаксия немесе тыныс алу жолдарының тарылуы) клиникалық көрсетілімдер бойынша шұғыл емдеуді қажет етеді Полимиксин В сульфатын офтальмологиялық субконьюнктивальді енгізу ауырсыну сезімін туындатуы мүмкін. Pseudomonas aeruginosa туындатқан инфекцияның терең орналасқан немесе шектелген ошақтары препаратты офтальмологиялық енгізуге жауап береді деп күтуге болмайды және жүйелік ем тағайындау қажет болуы мүмкін. Сондықтан АҚШ Фармакопея инъекциясына арналған полимиксин B мұндай инфекцияларды емдеу үшін тағайындалмауы керек.

Бұл препараттың жүктілік пен лактация кезіндегі қауіпсіздігі анықталмаған. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік жүргізу және механизмдермен жұмыс істеу қабілетіне ешқандай әсер байқалмады.

Полимиксиндерді кураре тәрізді миорелаксанттармен және эфир, тубокурарин, сукцинилхолин, галламин, декаметоний және натрий цитраты сияқты басқа да нейроуытты дәрілік заттармен бір мезгілде қолданудан аулақ болу керек, себебі бұл препараттар жүйке-бұлшықет блокадасының дамуына себеп болуы мүмкін. Цефалотин мен натрий полимиксинін бірге қолдану нейроуыттылықтың дамуына ықпал етуі мүмкін, сондықтан микробқа қарсы препараттардың осы біріктірілімінен де аулақ болу керек. Сонымен қатар, аминогликозидтер сияқты белгілі нейроуытты әсері бар микробқа қарсы препараттарды тағайындау, әдетте, полимиксиндер алатын пациенттерге аса сақтықпен алдын алу немесе тағайындау керек. Мұндай жағдайларда осындай антибиотиктерді бірге қабылдаған пациенттерді мұқият бақылау міндетті шарт болып табылады. Пилоттық зерттеулер көрсеткендей, полимиксинді глутамин қышқылымен бірге шеткері жүйке жүйесінің ауруларын емдеу үшін қолдану трансгаглионикалық дегенеративті атрофияны тудыруы мүмкін. Полимиксин B нефроуытты әрі азотемияны тудыруы мүмкін және бір мезгілде қолданған кезде бүйрек уыттылығы қаупін арттыра алатын, диуретиктермен сақтықпен қолданылуы тиіс. Бүйректік статусқа және дәрілердің уыттылығына мұқият мониторинг жүргізу ұсынылады. Диурездің төмендеуі және мочевина азотының жоғарылауы полимиксин B қолданылатын жүйелі емдеуді тоқтатуға арналған көрсетілімдер болып табылады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 30ºС-ден аспайтын температурада сақтау керек. Балалардың қолы жетпейтін жерде сақтау керек!