Полвастерол таблетки 5 мг

Бір таблетканың құрамында белсенді зат: 5.20 мг, 10.40 мг немесе 20.80 мг кальций розувастатині (5.00 мг, 10.00 мг немесе 20.00 мг розувастатинге баламалы) қосымша заттар: лактоза моногидраты (1 тип), лактоза моногидраты (2 тип), микрокристалды целлюлоза, натрий цитраты, кроссовидон В типі, коллоидты сусыз кремнийдің қостотығы, магний стеараты; қабық - Ақ Опадри II 33G28523: гипромеллоза 2910 (6 cP), лактоза моногидраты, макрогол 3350, триацетин, титанның қостотығы (E171) Сыртқы түрінің, иісінің, дәмінің сипаттамасы Дөңгелек пішінді, екі беті дөңес, бір жағында «5» өрнегі бар ақ немесе ақ дерлік түсті қабықпен қапталған таблеткалар (5 мг доза үшін). Дөңгелек пішінді, екі беті дөңес, бір жағында «10» өрнегі бар ақ немесе ақ дерлік түсті қабықпен қапталған таблеткалар (10 мг доза үшін). Дөңгелек пішінді, екі беті дөңес, бір жағында «20» өрнегі бар ақ немесе ақ дерлік түсті қабықпен қапталған таблеткалар (20 мг доза үшін).

 гиперхолестеринемияны емдеу Алғашқы гиперхолестеринемия (IIa типі, гетерозиготалы отбасылық гиперхолестеринемияны қоса) немесе аралас дислипидемия (IIb типі) бар ересектер, жасөспірімдер мен 6 жастағы және одан үлкен балаларда диета және басқа дәрі-дәрмектік емес емдеу әдістері (мысалы, дене жүктемесі, дене салмағын азайту) жеткіліксіз болғанда диетаны толықтыратын қосымша дәрі ретінде. Ересектер, жасөспірімдер мен 6 жастағы және одан үлкен балаларда гомозиготалы отбасылық гиперхолестеринемияда диетаны және липидтер деңгейін төмендетудің басқа әдістерін (мысалы, ТТЛП аферезі) толықтыратын қосымша дәрі ретінде немесе емдеудің осындай әдістері мақсатқа сай болмағанда. атеросклероздық жүрек-қантамыр ауруының даму қаупі жоғары ересек пациенттерде жүрек-қантамырлық асқынулар профилактикасында қосымша ем ретінде.

Әсер ету механизмі Розувастатин – А гидрокси-3-метилглутарил-коферментін холестерин ізашары -мевалонатқа айналдыратын ферменттің алмасу жылдамдығын шектейтін ГМГ-КоА-редуктазаның бәсекелес селективті тежегіші. Розувастатин әсері жүзеге асатын негізгі орын холестерин деңгейінің төмендеуін жүзеге асыратын нысана-ағза - бауыр болып табылады. Розувастатин бауырда жасушалар беткейіндегі ТТЛП рецепторларының санын көбейтіп, осылайша ТТЛП сіңірілуі мен катаболизмін арттырады; препарат бауырда ТӨТЛП синтезін де тежеп, сол арқылы ТӨТЛП және ТТЛП бөлшектерінің жалпы санын азайтады. Фармакодинамикалық әсерлері Розувастатин ТТЛП холестеринінің, жалпы холестерин мен триглицеридтердің жоғары деңгейлерін төмендетеді, сондай-ақ ТЖЛП холестеринінің деңгейін арттырады. Ол аполипопротеин В (АпоВ), ТЖЛПемес-ХС, ТӨТЛП-ХС, ТӨТЛП-ТГ холестеринінің деңгейлерін де төмендетеді, АпоА-I деңгейлерін арттырады (2 кестені қараңыз). Розувастатин ТТЛП-ХС/ТЖЛП-ХС, жалпы ХС/ТЖЛП-ХС, ТЖЛПемес-ХС/ТЖЛП-ХС және ApoB/АпоА-I арақатынастарын да азайтады. 2 кесте. Бастапқы гиперхолестеринемия бар пациенттердегі (IIa және IIb тип) дозасына қарай жауабы (бастапқы деңгейден түзетілген орташа пайыздық өзгерісі) Доза — Саны — ТТЛПХ — Жалпы холестерин — ТЖЛПХ — ТГ — ТЖЛПемес-ХС — Apo-B — ApoA-I Плацебо — 13 — -7 — -5 — 3 — -3 — -7 — -3 — 0 5 — 17 — -45 — -33 — 13 — -35 — -44 — -38 — 4 10 — 17 — -52 — -36 — 14 — -10 — -48 — -42 — 4 20 — 17 — -55 — -40 — 8 — -23 — -51 — -46 — 5 40 — 18 — -63 — -46 — 10 — -28 — -60 — -54 — 0 Емдік әсеріне емдеу басталғаннан кейін 1 апта ішінде жетеді, ал 90% ең жоғарғы жауабына 2 апта өткен соң жетеді. Ең жоғары жауабына, әдетте, 4-ші аптаға қарай жетеді және одан кейін сақталады. Клиникалық тиімділігі және қауіпсіздігі Розувастатин нәсіліне, жынысына немесе жасына қарамастан гипертриглицеридемия болуымен немесе гипертриглицеридемиясыз гиперхолестеринемия бар ересек пациенттерде, сондай-ақ диабетиктер немесе отбасылық гиперхолестеринемия бар пациенттер сияқты пациенттердің топтарында тиімді болып табылады. III фаза зерттеулерінің біріктірілген деректеріне сай, Еуропалық атеросклероз қоғамдастығының (EAS; 1998) нұсқаулығына сәйкес нысаналы көрсеткіштер бойынша розувастатин IIa және IIb типті гиперхолестеринемия бар пациенттердің көпшілігін емдеуде тиімді болды (ТТЛП-ХС орташа бастапқы деңгейі 4,8 ммоль/л жуық); EAS нұсқаулықтарына сай, 10 мг дозасын алған пациенттердің 80% жуығы ТТЛП-ХС нысаналы көрсеткіштеріне (< 3 ммоль/л) жетті. Ауқымды зерттеуде гетерозиготалы отбасылық гиперхолестеринемия бар 435 пациент титрленуі жеделдетілген сызба бойынша розувастатинді 20 мг-ден 80 мг дейінгі дозаларда қабылдады. Бүкіл дозаларда липидтер параметрлеріне, сондай-ақ емдеу мақсаттарына жетуге қолайлы әсері білінді. Дозаға тәуліктік 40 мг дозаға дейін (12 апталық ем) титрлеу жүргізуден соң ТТЛП-ХС деңгейі 53% азайды. Пациенттердің 33%-ы ТТЛП-ХС үшін (< 3 ммоль/л) EAS нысаналы көрсеткіштеріне жетті. Жеделдетілген титрлеу сызбасымен ашық зерттеуде гомозиготалы отбасылық гиперхолестеринемия бар 42 пациентте 20-40 мг дозадағы розувастатинмен емдеуге жауап бағаланды. Жалпы қауымда ТТЛП-ХС деңгейінің орташа азаюы 22% құрады. Пациенттер саны шектеулі клиникалық зерттеулерде розувастатин фенофибратпен біріктірілімде қолданғанда триглицеридтер деңгейінің төмендеу көрсеткіштері бойынша, ал никотин қышқылымен біріктірілімде қолданғанда ТЖЛП-ХС деңгейінің жоғарылау көрсеткіштері бойынша қосымша тиімділігін көрсетті (4.4 бөлімін қараңыз). Көп орталықтық, салыстырмалы жасырын, плацебо-бақыланатын клиникалық зерттеуде (METEOR) жүректің ишемиялық ауруының төмен даму қаупімен (10 жыл ішіндегі Фремингем шкаласы бойынша қаупі < 10% болып белгіленеді), ТТЛП-ХС 4,0 ммоль/л (154,5 мг/дл) орташа деңгейімен, бірақ қосалқы клиникалық атеросклерозсыз (ұйқы артериясы интимасы қалыңдығының деректері бойынша) 45-тен 70 жасқа дейінгі 984 пациент 2 жыл бойы тәулігіне бір рет 40 мг розувастатин немесе плацебо алу үшін рандомизацияланды. Розувастатин ұйқы артериясының 12 бөлігіндегі өлшеу деректері бойынша, плацебомен салыстырғанда, ұйқы артериясы интимасының ең жоғары қалыңдығының арту екпінін едәуір баяулатты: -0,0145 мм/жыл [95% сенім аралығы -0,0196, -0,0093, р < 0,0001]. Розувастатинді үдеу көрсеткішімен салыстырмалы +0,0131 мм/жыл (1,12%/жыл (р < 0,0001)) қолданғанда плацебо тобында бастапқы деңгеймен салыстырмалы өзгерісі - 0,0014 мм/жыл (-0,12%/жыл (мардымсыз)). Ұйқы артериясы интимасының ең жоғары қалыңдығының жұқаруы мен жүрек-қантамыр жүйесі тарапынан болатын құбылыстар қаупінің төмендеуі арасындағы тікелей өзара байланыс әлі көріністелмеген. METEOR зерттеуінде қауымда жүректің ишемиялық ауруының даму қаупі төмен және 40 мг розувастатин алатын нысаналы қауым көріністелмейді. 40 мг дозаны ауыр гиперхолестеринемиямен және жүрек-қантамыр жүйесі тарапынан болатын құбылыстар қаупі жоғары пациенттерге ғана тағайындауға болады (4.2 бөлімін қараңыз). JUPITER зерттеуінде (бастапқы профилактика үшін статиндер қолдануын негіздеу: розувастатинді бағалауға арналған интервенциялық зерттеу) 17802 ер (≥ 50 жас) және әйелде (≥ 60 жас) розувастатиннің жүрек-қантамыр жүйесінің атеросклерозбен байланысты негізгі құбылыстарының туындау жиілігіне әсері зерттелді. Зерттеуге қатысушылар плацебо (n = 8901) немесе күніне бір рет 20 мг розувастатин (n = 8901) алу үшін рандомизацияланды және орта есеппен 2 жыл бойы қадағаланды. ТТЛП холестерин деңгейлері, плацебо тобымен салыстырғанда, розувастатин тобында 45% (р < 0,001) төмендеді. Фремингем шкаласы бойынша бастапқы қауіп дәрежесі > 20% пациенттердің қосалқы тобындағы (1558 адам) post-hoc талдау барысында розувастатинмен емдеу кезінде, плацебомен салыстырғанда, жүрек-қантамырлық себептерден, инсульт және миокард инфарктісінен (р = 0,028) болатын өлім түрінде біріктірілген соңғы нүкте жиілігінің едәуір азаюы анықталды. 1000 пациент-жылға жағдайлар жиілігінің көрсеткіштері бойынша абсолютті қауіп төмендеуі 8,8 құрады. Жалпы өлім көрсеткіші осы жоғары қауіп тобында өзгеріссіз күйде қалды (р = 0,193). SCORE шкаласы бойынша бастапқы қаупі ≥ 5% болатын (65 жастан асқан субъектілерді қосу үшін экстраполяциялаумен) қауіп дәрежесі жоғары пациенттердің қосалқы тобындағы post-hoc талдау барысында (барлығы 9302 пациент) розувастатинмен емдеу кезінде, плацебомен салыстырғанда, жүрек-қантамырлық себептерден, инсульт және миокард инфарктісінен (р = 0,0003) болатын өлім түрінде біріктірілген соңғы нүкте жиілігінің едәуір азаюы анықталды. 1000 пациент-жылға жағдайлар жиілігінің көрсеткіштері бойынша абсолютті қауып төмендеуі 5,1 құрады. Осы жоғары қауіп тобындағы жалпы өлім көрсеткіші өзгермеді (р = 0,076). JUPITER зерттеуінде розувастатин мен плацебо қабылдаған, тиісінше, жағымсыз құбылыстар салдарынан зерттелетін препаратты қолдануды тоқтатқан пациенттердің 6,6% және 6,2% бөлігі болды. Емдеуді тоқтатуға алып келген ең көп жиі жағымсыз құбылыстар мыналар: миалгия (розувастатин қолданғанда 0,3%, плацебо қолданғанда 0,2%), іштің ауыруы (розувастатин қолданғанда 0,03%, плацебо қолданғанда 0,02%) және бөртпе (розувастатин қолданғанда 0,02%, плацебо қолданғанда 0,03%). Плацебомен салыстырғанда көп немесе ұқсас жиілігі білінген ең көп жиі жағымсыз құбылыстар несеп шығару жолдарының инфекциялары (розувастатин қолданғанда 8,7%, плацебо қолданғанда 8,6%), назофарингит (розувастатин қолданғанда 7,6%, плацебо қолданғанда 7,2%), арқаның ауыруы (розувастатин қолданғанда 7,6%, плацебо қолданғанда 6,9%) және миалгия (розувастатин қолданғанда 7,6%, плацебо қолданғанда 6,6%) болды. Балалар қауымы Розувастатин дозасын іріктеудің 40-апталық ашық фазасына ұласатын (барлығы 173 қатысушы: 96 ер жынысты және 77 әйел жынысты) салыстырмалы жасырын, рандомизацияланған, кқп орталықтық, плацебо-бақыланатын 12-апталық зерттеуде (барлығы 176 қатысушы: 97 ер жынысты және 79 әйел жынысты) гетерозиготалы отбасылық гиперхолестеринемиямен 10-нан 17 жасқа дейінгі пациенттер (Таннер шкаласы бойынша II-V, қыздар менархеден кейін, ең болмаса, 1 жыл) 12 апта бойы күнделікті 5, 10 или 20 мг розувастатин немесе плацебо алды, ал артынан барлығы күнделікті розувастатинді 40 апта бойы қабылдады. Зерттеу басталған сәтте пациенттердің 30% жуығы 10-13 жаста болды, ал 17%, 18%, 40% және 25% шамалары Таннер шкаласы бойынша, тиісінше, II, III, IV және V сатыларына жатқызылды. Розувастатин 5, 10 және 20 мг дозаларда қабылданғанда ТТЛП холестеринінің төмендеуі, плацебо алу кезіндегі 0,7%-бен салыстырғанда, тиісінше, 38,3%, 44,6% және 50,0% құрады. Зерттеудің 40-апталық ашық фазасының соңында доза күніне бір рет 20 мг дейінгі ең жоғары дозамен нысаналы деңгейге жетуге дейін іріктеліп, ТТЛП холестеринінің 2,8 ммоль/л мөлшерінен аз нысаналы деңгейіне 173 пациенттің 70-де (40,5%) қол жеткізілді. Зерттеу шеңберінде 52 апта емделуден кейін препараттың бой, салмақ, ДСИ немесе жыныстық жетілуге әсері анықталмады (4.4 бөлімін қараңыз). Бұл зерттеуде (n = 176) дәрілік препаратты қолдануға болатын сирек жағымсыз реакцияларды салыстыру көзделмеді. Розувастатин гетерозиготалы отбасылық гиперхолестеринемиямен 6-дан 17 жасқа дейінгі 198 бала қатысқан (88 ер жынысты және 110 әйел жынысты, Таннер шкаласы бойынша < II-V саты), дозаның нысаналы деңгейге жетуге дейін іріктелуімен 2-жылдық ашық зерттеуде зерттелді. Барлық пациенттер үшін старттық дозасы күніне бір рет 5 мг розувастатин құрады. 6-дан 9 жасқа дейінгі пациенттерде (n = 64) доза күніне бір рет ең жоғары 10 мг дейін, ал 10-нан 17 жасқа дейінгі пациенттерде (n = 134) күніне бір рет ең жоғары 20 мг дозаға дейін таңдалды. Розувастатинді 24 ай қабылдаудан кейін ТТЛП холестерині деңгейінің орташа төмендеуі, ең аз шаршылар әдісі бойынша есептелген бастапқысымен салыстырғанда, -3% құрады (бастапқы: 236 мг/дл, 24-ші ай: 133 мг/дл). 6-дан 10 жасқа дейінгі, 10-нан 14 жасқа дейінгі және 14-тен 18 жасқа дейінгі жас топтарында ТТЛП холестерині деңгейінің орташа төмендеуі, ең аз шаршылар әдісі бойынша есептелген бастапқысымен салыстырғанда, тиісінше, -43% (бастапқы: 234 мг/дл, 24-ші ай: 124 мг/дл), -45% (бастапқы: 234 мг/дл, 124 мг/дл) және -35% (бастапқы: 241 мг/дл, 24-ші ай: 153 мг/дл) құрады. Бұдан бөлек, розувастатинді 5 мг, 10 мг және 20 мг дозаларда қабылдау, бастапқысымен салыстырғанда, келесі қосалқы липидтер мен липопротеиндердің орташа мәндерінің статистикалық маңызды өзгерістеріне әкелді: тығыздығы жоғары липопротеиндер (ТЖЛП) холестерині, жалпы холестерин, тығыздығы жоғары липопротеиндік емес холестерин, ТТЛП және ТЖЛП холестеринінің арақатынасы, жалпы холестерин және ТЖЛП холестеринінің арақатынасы, триглицеридтер мен ТЖЛП холестеринінің арақатынасы, тығыздығы жоғары липопротеиндік емес холестерин мен ТЖЛП холестеринінің арақатынасы, ApoB (аполипопротеин В), ApoB/ApoA-1 (аполипопротеин В және аполипопротеин А-1 арақатынасы). Осы өзгерістердің бәрі липид бейінінің жақсару жағына жүрді және 2 жыл бойы сақталды. 24 ай емделуден кейін бой, салмақ, ДСИ немесе жыныстық жетілуге әсері анықталмады (4.4 бөлімін қараңыз). Гомозиготалы отбасылық гиперхолестеринемиямен 14 бала мен жасөспірімде (6-дан 17 жасқа дейінгі) розувастатин тәулігіне бір рет 20 мг дозаланғанда, плацебомен салыстырғанда, рандомизацияланған салыстырмалы жасырын плацебо-бақыланатын көп орталықтық айқаспалы зерттеуде зерттелді. Зерттеуде пациенттер 10 мг розувастатин қабылдаған белсенді 4-апталық кіріспе диетотерапия кезеңін, плацебомен емдеудің 6-апталық кезеңінің алдындағы немесе одан кейінгі розувастатинмен 20 мг дозада емделудің 6-апталық кезеңінен тұратын емнің ауысу кезеңін, сондай-ақ пациенттердің бәрі розувастатинді 20 мг дозада қабылдаған 12-апталық демеуші ем кезеңін қамтыды. Зерттеуге қосылу сәтінде эзетимибпен немесе аферезбен ем қабылдаған пациенттер осы препараттармен емделуді бүкіл зерттеу бойына жалғастырды. Розувастатинмен 20 мг дозада 6 апта емдеуден кейін, плацебомен салыстырғанда, тығыздығы төмен липопротеиндер холестеринінің (ТТЛП-ХС) статистикалық мәнді (р = 0,005) төмендеуі жалғасты (22,3%, 85,4 мг/дл немесе 2,2 ммоль/л). Жалпы холестериннің (ЖХС) (20,1%, р = 0,003), тығыздығы жоғары липопротеиндік емес холестериннің (ТЖЛПемес-ХС) (22,9%, р = 0,003) және АпоВ (17,1%, р=0,024) статистикалық мәнді төмендеуі байқалды. Розувастатинмен 20 мг дозада 6 апта емдеуден кейін, плацебомен салыстырғанда, триглицеридтер (ТГ), ТТЛП-ХС/ТЖЛП-ХС, ЖХС/ТЖЛП-ХС, ТЖЛПемес-ХС/ТЖЛП-ХС және AпoB/AпoA-1 төмендеуі де байқалды. Плацебоны 6 апта бойы қолданумен жалғасқан розувастатинмен 20 мг дозада 6 апта емдеуден кейін ТТЛП-ХС төмендеуі үздіксіз емделген 12 апта бойы сақталды. Бір пациентте препарат дозасын 40 мг дейін арттырудан кейін 6 апта емделуден соң әріқарай ТТЛП-ХС (8,0%), ЖХС (6,7%) және ТЖЛПемес-ХС (7,4%) төмендеуі байқалды. Емдеу жалғастырылған ашық зерттеу уақытында осы пациенттердің 9-да розувастатинмен 20 мг дозада 90 аптаға дейін емделу кезінде ТТЛП-ХС төмендеуі -12,1%-дан 21,3% дейінгі диапазонда сақталды. Гомозиготалы отбасылық гиперхолестеринемия кезінде (жоғарыдан қараңыз) дозаны жеделдетіп титрлеумен ашық зерттеуден алынған деректері бағалауға жарамды болған 7 бала мен жасөспірімде (8-ден 17 жасқа дейін) розувастатинмен 20 мг дозада 6 апта емделуден кейін бастапқы деңгейден ТТЛП-ХС (21,0%), ЖХС (19,2%) және ТЖЛПемес-ХС (21,0%) төмендеу пайызы гомозиготалы отбасылық гиперхолестеринемия бар балалар мен жасөспірімдерде жоғарыда аталған зерттеуде байқалған өзгерістерге сәйкес келді. Еуропалық дәрілік заттар жөніндегі агенттік гомозиготалық отбасылық гиперхолистеринемия, бастапқы біріктірілген (аралас) дислипидемияны емдеуде және жүрек-қантамыр патологиясының профилактикасында розувастатинді балалар қауымының барлық қосалқы топтарында зерттеу нәтижелерін ұсыну міндеттемесінен бас тартты (педиатриялық практикада пайдалану үшін 4.2 бөлімін қараңыз).

Қолдану тәсілі Емдеуді бастар алдында пациентке стандартты гипохолестеринемиялық диета тағайындалу керек, оны емделу кезінде де жалғастырған жөн. Доза емнің мақсатына және пациенттің емдеуге жауабына қарай қазіргізамандық жалпыға бірдей қабылданған нұсқауларға сәйкес әркімге жеке таңдалу керек. Полвастеролды тәуліктің кез келген уақытында ас ішуге байланыссыз қабылдауға болады. Дозалау режимі Гиперхолестеринемияны емдеу Ұсынылған бастапқы доза бұрын статиндер алмаған пациенттер үшін де, ГМГ-КоА-редуктазаның басқа тежегішінен ауысқан пациенттер үшін де тәулігіне бір рет пероральді 5 немесе 10 мг құрайды. Бастапқы доза холестерин деңгейін, келешекте жүрек-қантамыр құбылыстарының даму қаупін, сондай-ақ жағымсыз реакциялардың ықтималды даму қаупін ескере отырып, әр пациентке жеке таңдалу керек (төменнен қараңыз). Қажет болса, дозаны келесі деңгейге дейін түзетуді 4 апта өткен соң орындауға болады. Төменірек дозалармен салыстырғанда, 40 мг дозаны қабылдау аясында дамыған жағымсыз құбылыстар туралы жиілеп кеткен хабарламаларды назарға алып, 20 мг дозасын қолданғанда емдік мақсатына жетпеген және стандартты қадағалау жүргізілетін тек ауыр гиперхолестеринемияға шалдыққан және жүрек-қантамырлық қаупі жоғары пациенттерде (атап айтқанда, отбасылық гиперхолестеринемия бар тұлғаларда) ең жоғары 40 мг дозасына дейінгі соңғы титрлеу мүмкіндігін қарастыру керек. 940 мг дозадан басталатын старттық ем кезінде маман қадағалауы ұсынылады. Атеросклероздық жүрек-қантамыр ауруының даму қаупі жоғары ересек пациенттерде жүрек-қантамыр асқынулары профилактикасында қосымша ем ретінде Ұсынылатын доза – тәулігіне бір рет 20 мг. Балалар қауымы Балаларда емдеуді тиісті мамандар жүргізуі тиіс. 6-дан 17 жасқа дейінгі балалар мен жасөспірімдер (Таннер шкаласы бойынша II-V сатысынан аз) Гетерозиготалы отбасылық гиперхолестеринемия Гетерозиготалы отбасылық гиперхолестеринемия бар балалар мен жасөспірімдерді емдеу, әдетте, күніне 5 мг дозадан басталады. Гетерозиготалы отбасылық гиперхолестеринемия бар 6-дан 9 жасқа дейінгі балалар үшін әдеттегі доза – күніне бір рет пероральді 5-10 мг. Осы қауымда 10 мг-ден асатын дозалар қауіпсіздігі мен тиімділігі зерттелмеді. Гетерозиготалы отбасылық гиперхолестеринемия бар 10-нан 17 жасқа дейінгі балалар үшін әдеттегі доза – күніне бір рет пероральді 5-20 мг. Осы қауымда 20 мг-ден артық дозалар қауіпсіздігі мен тиімділігі зерттелмеді. Балаларда қолдану жөніндегі нұсқаулықтарда ұсынылғандай, дозаны титрлеу балалардағы жеке жауапқа және жағымдылығына сәйкес жүргізілуі тиіс. Розувастатинмен емдеуді бастар алдында балалар мен жасөспірімдер стандартты гипохолестеринемиялық диетаға ауысуы және розувастатинмен емдеудің бүкіл кезеңі бойына осы диетаны ұстануды жалғастыруы тиіс. Гомозиготалы отбасылық гиперхолестеринемия Гомозиготалы отбасылық гиперхолестеринемия бар 6-дан 17 жасқа дейінгі балаларда ұсынылатын ең жоғары доза тәулігіне бір рет 20 мг құрайды. Бастапқы доза ретінде жасына, дене салмағына және статинді алдыңғы қолдануға қарай тәулігіне бір рет 5-тен 10 мг дейінгі дозасын пайдалану ұсынылады. Балаларды емдеу жөніндегі нұсқауларда көрсетілгендей, тәулігіне бір рет ең жоғары 20 мг дозаны титрлеу балалардағы жеке жауапқа және жағымдылығына сәйкес жүргізілу керек. Розувастатинмен емдеуді бастар алдында балалар мен жасөспірімдер стандартты гипохолестеринемиялық диетада болуы тиіс; розувастатинмен емдеу кезінде осындай диетаны пайдалану жалғасу керек. Балалар мен жасөспірімдердің осы тобында басқа дозаларды (20 мг дозасынан басқа) пайдалану тәжірибесі шектеулі. 40 мг таблеткасы балаларда пайдалануға сай келмейді. 6 жасқа толмаған балалар 6 жасқа толмаған балаларда пайдалану қауіпсіздігі мен тиімділігі зерттелмеді. Сол себепті Полвастерол 6 жасқа толмаған балаларға қарсы көрсетілімді. Егде жастағы пациенттерде қолдану Бастапқы ұсынылатын доза > 70 жастағы пациенттерде 5 мг құрайды. Жасына байланысты дозаны өзгеше түзету қажет емес. Бүйрек жеткіліксіздігі бар пациенттердегі дозалары Бүйрек функциясының жеңіл және орташа дәрежедегі бұзылуы бар пациенттерге дозаны түзету қажет емес. Бүйрек функциясының орташа бұзылуы бар (креатинин клиренсі < 60 мл/мин) пациенттерде ұсынылатын бастапқы дозасы 5 мг құрайды. 40 мг доза бүйрек функциясының орташа бұзылуы бар пациенттерде қолдануға қарсы көрсетілімді. Розувастатиннің кез келген дозаларын қолдану бүйрек функциясының бұзылуы ауыр пациенттерде қарсы көрсетілімді. Бауыр функциясының бұзылуы бар пациенттерде дозалау Чайлд-Пью шкаласы бойынша индексі 7 балл және одан төмен пациенттерде розувастатиннің жүйелі экспозициясының ұлғаюы байқалмады. Алайда, Чайлд-Пью шкаласы бойынша индексі 8 және 9 пациенттерде розувастатиннің жүйелі экспозициясының ұлғаюы байқалды. Осындай пациенттерде бүйрек функциясын бағалау қажеттілігін ескеру керек. Чайлд-Пью шкаласы бойынша индексі 9-дан жоғары тұлғаларда қолдану тәжірибесі жоқ. Розувастатин белсенді фазадағы бауыр ауруы бар пациенттерде қолдануға қарсы көрсетілімді. Нәсілдік тегі Азиялық пациенттерде жүйелі экспозиция ұлғаюы байқалды. Тегі азиялық пациенттерге ұсынылатын бастапқы доза 5 мг құрайды. Осындай пациенттерде 40 мг дозасы қолдануға қарсы көрсетілімді. Генетикалық полиморфизм Генетикалық полиморфизмдердің спецификалық түрлері, белгілі болғандай, розувастатин экспозициясының ұлғаюына әкелуі мүмкін. Полиморфизмнің осындай спецификалық типтері бар пациенттерге розувастатиннің төменірек тәуліктік дозасын қолдану ұсынылады. Миопатия дамуына бейімдейтін факторлар бар пациенттерде дозалау Миопатия дамуына бейімдейтін факторлар бар пациенттерге ұсынылатын бастапқы доза 5 мг құрайды. Осы пациенттердің кейбірінде 40 мг доза қолдануға қарсы көрсетілімді. Қатарлас ем Розувастатин – әртүрлі тасымалдаушы ақуыздар (мысалы, OATP1B1 және BCRP) субстраты. Розувастатиннің плазмадағы концентрациясын арттыруы мүмкін кейбір дәрілік препараттармен бір мезгілде розувастатинді қолдану кезінде, осы тасымалдаушы ақуыздармен өзара әрекеттесу салдарынан (мысалы, циклоспорин және протеазаның кейбір тежегіштері, ритонавирдің атазанавир, лопинавир және/немесе типранавирмен біріктірілімін қоса) миопатия қаупі (рабдомиолизді қоса) артады. Мүмкіндік болса, баламалы препараттарды қолдануды қарастыру, ал, қажет болған жағдайда, розувастатинмен емді уақытша тоқтатуды қарастыру керек. Осы дәрілік препараттарды розувастатинмен бірге қолданбауға болмайтын жағдайларда, қатар жүргізілетін емнің пайдасы мен қауіптерін мұқият бағалау және розувастатин дозасын түзетуді қарастыру керек. Артық дозалану жағдайында қабылдау қажет болатын шаралар Симптомдары – жағымсыз әсерлер симптомдарының айқындылығы. Емдеу – симптоматикалық және демеуші шаралар. Бауыр функциясын және КФК деңгейін бақылау қажет. Гемодиализдің тиімді болу ықтималдығы аз. Дәрілік препараттың бір немесе бірнеше дозасын өткізіп алу кезіндегі қажетті шаралар Препараттың кезекті дозасын өткізіп алғанда оны мүмкіндігінше тезірек қабылдау керек. Егер кезекті дозаны қабылдауға дейін аз уақыт қалмаса, оны жоспарланған уақытта қабылдау керек. Өткізіп алғанының орнын толтыру үшін препараттың екі есе дозасын қабылдауға болмайды. Дәрілік препаратты қолдану тәсілін түсініп алу үшін медициналық қызметкер кеңесіне жүгіну жөніндегі нұсқаулар Препаратты қолдану жөнінде сұрақтар болса, емдеуші дәрігерге хабарласыңыз.

Розувастатин келесі жай-күйлерде қарсы көрсетілімді: розувастатинге немесе қосымша заттардың кез келгеніне аса жоғары сезімталдығы бар пациенттерде сарысулық трансаминазалардың түсіндірілмейтін тұрақты жоғарылауын және қалыптың жоғарғы шегінен (ҚЖШ) 3 есе асып кететін сарысу трансаминазаларының кез келген жоғарылауын қоса, белсенді фазадағы бауыр ауруы бар пациенттерде  бүйректің ауыр зақымдануы (креатинин клиренсі < 30 мл/мин) бар пациенттерде миопатия бар пациенттерде бір мезгілде софосбувир/велпатасвир/воксилапревир қабылдап жүрген пациенттерде бір мезгілде циклоспорин қабылдайтын пациенттерде жүктілік кезінде және лактация кезеңінде және тиісті контрацепция шараларын пайдаланбайтын бала туу жасындағы әйелдерде 6 жасқа дейінгі балаларға тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорциясы бар тұлғалар. Миопатия/рабдомиолиз дамуына бейімдейтін факторлар бар пациенттерге 40 мг дозасы қарсы көрсетілімді. Осындай факторларға мыналар жатады: бүйрек функциясының орташа бұзылуы (креатинин клиренсі < 60 мл/мин) гипотиреоз тұқым қуалайтын бұлшықет ауруларын қамтитын жеке немесе отбасылық анамнез анамнездегі ГМГ-КоА-редуктазаның басқа тежегіштерін немесе фибраттарды қолдану кезіндегі бұлшықеттерге уытты әсері шамадан тыс алкоголь тұтыну қан плазмасында концентрация жоғарылауын туындатуы мүмкін жағдайлар азиялық пациенттер фибраттарды қатарлас қолдану балалар және 18 жасқа дейінгі жасөспірімдер.

Клиникалық зерттеулер деректеріне және тіркеуден кейін қолдану тәжірибесіне негізделген жағымсыз реакциялар: Жиі (≥ 1/100, < 1/10) қант диабеті (жиілігі қауіп факторларының болуына немесе болмауына байланысты болады: аш қарын қандағы глюкоза деңгейі ≥ 5,6 ммоль/л, ДСИ > 30 кг/м2, триглицеридтер деңгейінің жоғарылауы, анамнезде гипертония болуы) бас ауыру, бас айналу іш қату, жүрек айну, іштің ауыруы миалгия астения Жиі емес (≥ 1/1000, < 1/100) қышыну, бөртпе, есекжем Сирек (≥ 1/10000, < 1/1000) тромбоцитопения  аса жоғары сезімталдық реакциялары, ангионевроздық ісінуді қоса панкреатит бауыр трансаминазалары деңгейінің жоғарылауы миопатия (миозитті қоса), рабдомиолиз, бұлшықеттердің жыртылуы жегі тәрізді синдром Өте сирек (< 1/10000) полинейропатия, есте сақтай алмау сарғаю, гепатит артралгия гематурия гинекомастия Жиілігі белгісіз (қолда бар деректер негізінде жиілігін бағалау мүмкін емес) депрессия шеткері нейропатия, ұйқының бұзылуы (ұйқысыздық пен түнгі қорқынышты түстерді қоса) жөтел, ентігу диарея Стивенс-Джонсон синдромы иммунологиялық сипатта некроздаушы миопатия, сіңірлер тарапынан кейбір жағдайларда олардың үзілуімен асқынып кететін бұзылулар ісіну • миастения гравис (жалпы бұлшықет әлсіздігін, кейбір жағдайларда тыныс алу бұлшықеттерінің әлсіреуін тудыратын ауру), миастенияның көздегі түрі (көз бұлшықеттерінің әлсіреуін тудыратын ауру). Егер пациент белсенділік кезеңінен кейін күшейіп кететін қол немесе аяқ әлсіздігін, көзге қос көрінуін немесе қабақтың түсіп кетуін, жұтыну кезіндегі қиналысты немесе ентігуді сезінсе, дәрігерге қаралу қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер қорына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Пациентте миастения немесе анамнезінде миастения жағдайлары (жалпы бұлшықет әлсіздігі бар аурулар, ал кейбір жағдайларда, тыныс алу бұлшықеттерін қоса) немесе көз миастениясы (көз бұлшықеттерінің әлсіздігі) болғанда статиндер қабылдау кейде жай-күйді нашарлатуы немесе миастения туындауына алып келуі мүмкін. Бүйрекке қатысты әсерлері Тест-жолақ көмегімен (негізінен тубулярлы) тест өткізу кезінде анықталған протеинурия розувастатиннің жоғары дозаларын, атап айтқанда, 40 мг дозасын қабылдаған пациенттерде байқалды және өткінші болды немесе көптеген жағдайларда мезгіл-мезгіл байқалды. Протеинурия жедел немесе үдемелі бүйрек жеткіліксіздігі дамуының хабаршысы болмады. Тіркеуден кейінгі кезеңде бүйрек тарапынан болатын күрделі құбылыстар жиілігі 40 мг дозаны қолдану кезінде жоғары болды. Бүйрек функциясына бағалау жүргізу қажеттілігі 40 мг дозаны қабылдап жүрген пациенттерді дағдылы қадағалау барысында ескерілу керек. Қаңқа бұлшықеттеріне қатысты әсерлері Пациенттерде розувастатинді қолдану кезінде дозаларының бүкіл деңгейлерін, атап айтқанда, > 20 мг дозасын қолданғанда миалгия, миопатия және сирек жағдайларда рабдомиолиз сияқты қаңқа бұлшықеттері тарапынан болатын әсерлері тіркелді. Рабдомиолиздің өте сирек жағдайлары эзетимибті ГМГ-КоА редуктаза тежегіштерімен біріктіріп қолдану кезінде тіркелді. Фармакодинамикалық өзара әрекеттесулерін жоққа шығаруға болмайды, ал препараттарды біріктірілімде абайлап қолдану керек. ГМГ-КоА редуктазаның басқа тежегіштерін қолдану кезіндегі сияқты, тіркеуден кейінгі кезеңде розувастатинмен байланысты рабдомиолиз жағдайларының жиілігі 40 мг дозаны қолданғанда жоғары болды. Креатинкиназа деңгейін анықтау Креатинкиназа (КК) деңгейін ауыр физикалық жүктемеден кейін немесе КК арттыратын кез келген ықтималды баламалы себептер болғанда анықтауға болмайды, өйткені бұл нәтиженің түсіндірілуін қиындатуы мүмкін. Егер КК деңгейлері бастапқы деңгейінде едәуір жоғары болса (> 5 x ҚЖШ), 5-7 күн ішінде растау үшін тест өткізу керек. Егер қайта жасалған тест КК > 5 x ҚЖШ бастапқы деңгейін растаса, емдеуді бастауға болмайды. Емдеуге дейін Розувастатин, ГМГ-КоА-редуктазаның басқа да тежегіштері сияқты, миопатия/рабдомиолиз дамуына бейімдейтін факторлары бар пациенттерде сақтықпен тағайындалу керек. Осындай факторларға мыналар жатады: бүйрек функциясының бұзылуы гипотиреоз тұқым қуалайтын бұлшықет ауруларын қамтитын жеке немесе отбасылық анамнез анамнездегі ГМГ-КоА-редуктазаның басқа тежегіштерін немесе фибраттарды қолдану кезіндегі бұлшықеттерге уытты әсері шамадан тыс алкоголь тұтыну 70 жастан асқандар  плазмада препарат концентрациясының жоғарылауын туындатуы мүмкін жағдайлар фибраттарды қатарлас қолдану. Осындай пациенттерде болжамды пайдасын ескерумен емдеу қаупін бағалау керек; бұдан бөлек, клиникалық мониторинг ұсынылады. Егер КК деңгейі бастапқы деңгейде (> 5 x ҚЖШ) едәуір жоғары болса, емдеуді бастауға болмайды. Емдеу кезінде Пациенттерден бұлшықеттерде түсініксіз ауырсыну, әлсіздік немесе құрысулардың пайда болуы туралы, әсіресе, егер олар дімкәстанумен немесе қызбамен біріккен болса, дереу мәлімдеуін өтіну керек. Осы пациенттерде КК деңгейлерін өлшеу керек. Егер КК деңгейі едәуір жоғарыласа (> 5 x ҚЖШ) немесе егер бұлшықет симптомдары ауыр болса және күнделікті жайсыздық тудырса (тіпті егер KK деңгейлері ≤5 x ҚЖШ болса да), емді тоқтату керек. Егер симптомдар басылса және КК деңгейлері қалыпты күйлеріне дейін оралса, мұқият мониторинг аясында ең төмен дозада розувастатинмен немесе баламалы ГМГ-КоА-редуктаза тежегішімен емдеуді жаңғырту қарастырылу керек. Симптомдар байқалмайтын пациенттерде КК деңгейіне дағдылы мониторинг қажет емес. Статиндермен, оның ішінде розувастатинмен емделу кезінде немесе одан кейін иммунологиялық сипатта некроздаушы миопатия (ИСНM) жағдайлары жөнінде өте сирек хабарламалар болды. Клиникалық тұрғыда, ИСНM статиндермен емдеуді тоқтатуға қарамастан сақталатын проксимальді бұлшықеттердің әлсіздігімен және сарысудағы креатинкиназа деңгейінің жоғарылауымен сипатталады. ГМГ-КоА-редуктазаның басқа тежегіштерін гемфиброзил, циклоспорин, никотин қышқылы, зеңге қарсы азол препараттары, протеазалар тежегіштері мен макролидтерді қоса, фиброй қышқылының туындыларымен бірге қабылдап жүрген пациенттерде миозит және миопатия жағдайларының саны жағынан көбеюі білінді. Гемфиброзил ГМГ-КоА-редуктазаның кейбір тежегіштерімен бір мезгілде қолданылғанда миопатияның даму қаупін арттырады. Сондықтан розувастатин мен гемфиброзил біріктірілімін қолдану ұсынылмайды. Розувастатинді фибраттармен немесе ниацинмен біріктіріп қолданғанда липидтер деңгейлерінің одан әрі өзгеруінен болатын пайдасын осындай біріктірілімдерді қолданудың ықтималды қауіптеріне қатысты мұқият бағалау керек. 40 мг розувастатин дозасын қолдану фибраттарды бір мезгілде қолданғанда қарсы көрсетілімді. Полвастерол препаратын фузид қышқылының жүйелі дәрілік түрлерімен бірге немесе фузид қышқылымен емдеуді тоқтатудан кейін 7 күн бойы тағайындауға болмайды. Фузид қышқылы жүйелі препаратын қолдану қажет болып танылған пациенттерде фузид қышқылымен емдеу кезеңінде статинмен емдеу тоқтатылуы тиіс. Фузид қышқылымен және статиндермен біріктірілген ем қабылдап жүрген пациенттерде рабдомиолиз дамуы (оның ішінде, өліммен аяқталған бірнеше жағдай) туралы хабарламалар бар. Пациентке кез келген бұлшықет әлсіреуі, ауыруы немесе ауырсынуы симптомдары туындағанда шұғыл дәрігерге қаралуға кеңес беру керек. Статинмен емді фузид қышқылының соңғы дозасынан кейін жеті күн өткен соң жаңғыртуға болады. Фузид қышқылын, мысалы - ауыр инфекцияларды емдеу үшін ұзақ уақыт жүйелі қолдану қажет болатын айрықша жағдайларда Полвастерол препараты мен фузид қышқылын бірге қолдану қажеттілігін тек әркімде жеке негізде және мұқият медициналық қадағалаумен бағалау қажет. Розувастатинді миопатия болуын айғақтайтын немесе рабдомиолиз салдарынан бүйрек жеткіліксіздігінің дамуына бейімдейтін жедел күрделі жай-күйі (мысалы, сепсис, гипотензия, ауқымды хирургиялық араласу, жарақат, ауыр метаболизмдік, эндокриндік және электролиттік бұзылулар немесе бақыланбайтын құрысулар) бар кез келген пациентте қолдануға болмайды. Бауыр тарапынан әсерлері ГМГ-КоА-редуктазаның басқа тежегіштерін қолдану кезіндегі сияқты, розувастатин шектен тыс мөлшерде алкоголь тұтынатын және/немесе анамнезінде бауыр аурулары бар пациенттерде сақтықпен қолданылу керек. Емдеуді бастар алдында және ем басталуынан кейін 3 ай өткен соң бауыр функциясының көрсеткіштерін анықтау ұсынылады. Егер сарысулық трансаминазалар деңгейі қалыптың жоғарғы шегінен 3 еседен көп асып кеткен жағдайда розувастатинмен емдеу тоқтатылуы тиіс немесе дозасы азайтылуы тиіс. Тіркеуден кейінгі кезеңде бауыр тарапынан күрделі құбылыстар жағдайларының жиілігі (негізінен бауыр трансаминазалары деңгейінің артуы) 40 мг дозасын қолданғанда жоғары болды. Гипотиреоз немесе нефроздық синдроммен байланысты салдарлы гиперхолестеринемия бар пациенттерде негізгі ауруды емдеу розувастатинмен емнің басталуына дейін жүргізілу керек. Тері тарапынан болатын ауыр жағымсыз реакциялар Розувастатин қолдану кезінде Стивенс-Джонсон синдромын қоса (SJS), терінің ауыр дәрежедегі жағымсыз реакциялары және өмірге қауіпті болуы немесе өліммен аяқталуы мүмкін эозинофилиямен және жүйелі симптомдармен (DRESS) болатын дәрілік реакциялар тіркелді. Полвастерол препараты тағайындалғанда пациенттер терінің ауыр жағымсыз реакцияларының белгілері мен симптомдары туралы хабарлануы, ал кейін осы пациенттер мұқият қадағалануы тиіс. Стивенс-Джонсон синдромы, әдетте, бүкіл денеде көбіне ортасында күлбіреуігі бар қызғылтым дөңгелек дақтардың пайда болуымен, терінің қабыршақтануымен, ауызда, тамақта, мұрын жолдарында, гениталий мен көзде ойық жаралардың пайда болуымен сипатталады. Осы терідегі күрделі бөртудің алдында қызба мен тұмау тәрізді симптомдар болуы мүмкін. DRESS синдромы немесе дәрілік препаратқа аса жоғары сезімталдық синдромы қаптаған бөртпенің пайда болуымен, жоғары дене температурасымен және лимфа түйіндерінің ұлғаюымен сипатталады. Осындай жағымсыз реакцияларды көрсететін белгілері мен симптомдар туындағанда Полвастерол препаратын дереу тоқтату және баламалы емдеу тағайындау қажет. Егер Полвастерол препаратын қолдану кезінде пациентте Стивенс-Джонсон синдромы сияқты күрделі жағымсыз реакция немесе эозинофилиямен және жүйелі симптомдармен болатын дәрілік реакция дамыса, осы пациентте препаратпен тұрақты негізде емдеуді тоқтату керек. Протеаза тежегіштері Розувастатинді ритонавирмен біріктірілімде протеазаның әртүрлі тежегіштерімен бір мезгілде қабылдап жүрген пациенттерде розувастатиннің жүйелі экспозициясының ұлғаюы байқалды. Протеаза тежегіштерін қабылдап жүрген пациенттерде розувастатинмен емдеу басталған уақытта және оның дозасын арттыру кезінде протеаза тежегіштерін алатын АИТВ жұқтырған пациенттерде розувастатиннің гиполипидемиялық әсерінің пайдасын және плазмадағы розувастатин концентрациясының жоғарылау мүмкіндігін бағалау керек. Егер розувастатин дозасын түзету жүргізілмесе, протеаза тежегіштерімен бір мезгілде қолдану ұсынылмайды. Өкпенің интерстициальді ауруы Өкпенің интерстициальді ауруының жекелеген жағдайлары кейбір статиндерді, әсіресе, ұзаққа созылатын ем кезінде қолданғанда тіркелді. Симптомдар ентігу, қақырықсыз жөтелу және жалпы хал-ахуал нашарлауын (қажып кету, салмақ жоғалту және қызба) қамтуы мүмкін. Егер өкпенің интерстициальді ауруының барына күмән туындаса, статиндермен емді тоқтату керек. Қант диабеті Кейбір деректер статиндер класы препараттарының қандағы глюкоза мөлшерін көбейтетінін айғақтайды, ал қант диабетінің даму қаупі жоғары кейбір пациенттерде келешекте бұл диабеттің бейресми жағдайы деп санауға болатын гипергликемия деңгейіне әкелуі мүмкін. Алайда, бұл қауіп статиндерді қолданғанда тамырлық қауіп төмендеуімен компенсацияланады, сондықтан да статиндермен емдеуді тоқтатуға себеп бола алмайды. Қауіп тобындағы пациенттерге (аш қарындағы глюкозаның 5,6-дан 6,9 ммоль/л дейінгі деңгейі, ДСИ > 30 кг/м2, триглицеридтердің жоғары деңгейі, гипертензия) ұлттық стандарттарға сәйкес мұқият клиникалық және биохимиялық мониторинг өткізіледі. Арнайы сақтандырулар Қосымша заттар Препарат құрамында лактоза бар. Галактоза жақпаушылығының сирек тұқым қуалайтын аурулары, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер осы дәрілік препаратты қабылдамауы тиіс. Препараттың қабықпен қапталған бір таблеткасында 1 ммоль мөлшерінен аз (23 мг) натрий бар, яғни оның «құрамында натрий жоқ» деп саналады. Нәсілдік тегі Фармакокинетикалық зерттеулер, еуропалық нәсіл өкілдерімен салыстырғанда, азиялық пациенттерде экспозиция ұлғаюын көрсетті. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті басқару немесе механизмдермен жұмыс істеу кезінде емделген уақытта бас айналу туындауы мүмкін екенін ескеру керек.

Розувастатин жүктілік және лактация кезінде қолдануға қарсы көрсетілімді. Бала туу жасындағы әйелдер тиісті контрацепция шараларын қолдануы тиіс. Холестерин және холестерин биосинтезінің басқа өнімдерінің шарана дамуы үшін маңызы зор екендіктен, ГМГ-КоА-редуктаза тежелісінің ықтималды қаупі жүктілік кезіндегі емдеу пайдасынан асып түседі. Жануарларда жүргізілген зерттеулер тұқым өрбіту қабілетіне уыттылығы туралы шектеулі деректер ұсынды. Егер пациент әйел осы препаратты қолдану кезінде жүкті болып қалса, емдеуді дереу тоқтату керек. Розувастатин егеуқұйрықтарда емшек сүтімен бөлінеді. Адамда сүтпен экскрециялануы жөнінде деректер жоқ.

Тасымалдаушы ақуыздарды тежеу Розувастатин – бауырда заттарды қармауға қатысатын OATP1B1 тасымалдаушысын және BCRP эффлюксті тасымалдаушысын қоса, кейбір тасымалдаушы ақуыздардың субстраты. Розувастатинді осы тасымалдаушы ақуыздардың тежегіштері болып табылатын дәрілік заттармен бір мезгілде қолдану плазмада розувастатин концентрациясының жоғарылауына және миопатия қаупінің артуына әкелуі мүмкін. Циклоспорин Розувастатин бір мезгілде циклоспорин қабылдап жүрген пациенттерде қолдану үшін қарсы көрсетілімді. Бір мезгілде қолдану циклоспориннің плазмалық концентрациясына ықпал етпейді. Протеаза тежегіштері Розувастатин және протеаза тежегіштерінің кейбір біріктірілімдерін бір мезгілде қолдануды розувастатин экспозициясының күтілетін ұлғаюын ескере отырып, розувастатин дозасын түзетуді мұқият бағалаудан кейін қарастыруға болады. Эзетимиб Бір мезгілде 10 мг розувастатин мен 10 мг эзетимиб қолдану гиперхолестеринемия бар пациенттерде розувастатиннің AUC көрсеткішінің 1,2 есе артуына алып келді. Жағымсыз әсерлерге әкелуі мүмкін розувастатин мен эзетимиб арасындағы фармакодинамикалық өзара әрекеттесуді жоққа шығаруға болмайды. Гемфиброзил және басқа гиполипидемиялық препараттар Розувастатин мен гемфиброзилді бір мезгілде қолдану розувастатин Cmax және AUC көрсеткіштерінің 2 есе артуына әкелді. Арнайы өзара әрекеттесу зерттеулерінің деректері негізінде фенофибраттармен маңызды фармакокинетикалық өзара әрекеттесулер күтілмейді, алайда фармакодинамикалық өзара әрекеттесулер болуы мүмкін. Гемфиброзил, фенофибрат, басқа фибраттар және ниацин (никотин қышқылы) гиполипидемиялық дозаларда (≥ 1 г/тәулік) ГМГ-КоА-редуктаза тежегіштерімен бір мезгілде қолданғанда миопатияның даму қаупін арттырады; ықтималды түрде, бұл олардың бөлек қолданылғанда миопатияны тудыруы мүмкін екенімен байланысты. Фибраттарды бір мезгілде қолдану кезінде розувастатиннің 40 мг дозасын қолдану қарсы көрсетілімді. Осы пациенттер де емдеуді 5 мг дозадан бастауы тиіс. Антацидтер Розувастатинді құрамында алюминий және магний гидроксиді бар антацидті суспензиямен бір мезгілде қолдану қан плазмасында розувастатин концентрациясының шамамен 50% төмендеуіне әкеледі. Осы әсері розувастатиннен кейін 2 сағат өткен соң антацид қабылдағанда азайды. Бұл өзара әрекеттесудің клиникалық мәні зерттелмеді. Эритромицин Розувастатин мен эритромицинді бір мезгілде қолдану розувастатин AUC 20% төмендеуіне және Cmax 30% төмендеуіне әкелді. Бұл өзара әрекеттесу эритромицин тудырған ішектің жиырылу қабілетінің артуымен байланысты болуы мүмкін. Тикагрелор Тикагрелор қабылдау розувастатиннің бүйректік экскрециясына ықпалын тигізуі және оның организмде жиналу қаупін арттыруы мүмкін. Нақты әсер ету механизмі белгісіз болса да, кейбір жағдайларда тикагрелор мен розувастатинді бірге қабылдау бүйрек функциясының төмендеуіне, КФК деңгейінің артуына және рабдомиолиз дамуына алып келді. Р450 цитохромының ферменттері Розувастатин P450 цитохромы изоферменттерінің тежегіші немесе индукторы емес. Бұдан бөлек, розувастатин – осы изоферменттерге сай келмейтін субстрат. Осылайша, P450 цитохромы арқылы метаболизм нәтижесінде болатын дәрілік өзара әрекеттесулер күтілмейді. Розувастатин мен флуконазол (CYP2C9 және CYP3A4 тежегіші) немесе кетоконазолдың (CYP2A6 және CYP3A4 тежегіші) арасында клиникалық мәнді өзара әрекеттесулері байқалмайды. Розувастатин дозасын түзетуді талап ететін өзара әрекеттесулер (1 кестені де қараңыз) Розувастатин экспозициясын арттыратын басқа дәрілік заттармен розувастатинді бір мезгілде қолдану қажет болса, розувастатин дозасын түзету керек. Егер экспозицияның (AUC) шамамен 2 есе немесе одан көп ұлғаюы күтілсе, емдеуді тәулігіне бір рет розувастатинің 5 мг дозасынан бастау керек. Розувастатиннің ең жоғары тәуліктік дозасы розувастатиннің күтілетін экспозициясы өзара әрекеттеспейтін дәрілік препараттардың тәулігіне 40 мг дозасын, мысалы, 20 мг розувастатинді гемфиброзилмен (1,9 есе артуы) немесе 10 мг розувастатинді атазанавир/ритонавир біріктірілімімен (3,1 есе артуы) қолдану кезіндегісінен аспайтындай үлгіде түзетілуі тиіс. 1 кесте. Бір мезгілде қолданған дәрілік препараттардың розувастатин экспозициясына әсері ( AUC; қарқындылығының азаю ретімен) Өзара әрекеттесетін дәрілік препараттарды дозалау сызбасы — Розувастатинді дозалау сызбасы — Розувастатин AUC өзгерістері * Розувастатин AUC екі есе немесе одан көп артуы Софосбувир/велпатасвир/воксилапревир (400 мг-100 мг-100 мг) + воксилапревир (100 мг) 1 рет/күн, 15 күн бойы — 10 мг, бір реттік доза — 7,4 есе Циклоспорин 2 рет/күн 75 мг 2 рет/күн 200 мг дейін, 6 ай — 10 мг 1 рет/күн, 10 күн — 7,1 есе Даролутамид 2 рет/күн 600 мг, 5 күн — 5 мг, бір реттік доза — 5,2 есе Регофениб 160 мг 1 рет/күн, 14 күн — 5 мг, бір реттік доза — 3,8 есе Атазанавир 300 мг/ритонавир 100 мг 1 рет/күн, 8 күн — 10 мг, бір реттік доза — 3,1 есе Велпатасвир 100 мг, 1 рет/күн — 10 мг, бір реттік доза — 2,7 есе Омбитасвир 25 мг/паритапревир 150 мг/ритонавир 100 мг 1 рет/күн /дасабувир 400 мг 2 рет/күн, 14 күн — 5 мг, бір реттік доза — 2,6 есе Терифлуномид — Қолжетімсіз — 2,5 есе Гразопревир 200 мг/эльбасвир 50 мг 1 рет/күн, 11 күн — 10 мг, бір реттік доза — 2,3 есе Глекапревир 400 мг/пибрентасвир 120 мг күніне бір рет, 7 күн — 5 мг, 1 рет/күн, 7 күн — 2,2 есе Лопинавир 400 мг/ритонавир 100 мг күніне екі рет, 17 күн — 20 мг 1 рет/күн, 7 күн — 2,1 есе Капматиниб, 400 мг 2 рет/күн — 10 мг, бір реттік доза — 2,1 есе Клопидогрел 300 мг жүктеме дозасы, одан кейін 24 сағат өткен соң 75 мг — 20 мг, бір реттік доза — 2 есе Фостаматиниб, 100 мг 2 рет/күн — 20 мг, бір реттік доза — 2 есе Фебуксостат, 120 мг 1 рет/күн — 10 мг, бір реттік доза — 1,9 есе Гемфиброзил 600 мг 2 рет/күн, 7 күн — 80 мг, бір реттік доза — 1,9 есе Розувастатин AUC 2 еседен аз артуы Элтромбопаг 75 мг 1 рет/күн, 5 күн — 10 мг, бір реттік доза — 1,6 есе Дарунавир 600 мг/ритонавир 100 мг 2 рет/күн, 7 күн — 10 мг 1 рет/күн, 7 күн — 1,5 есе Типранавир 500 мг/ритонавир 200 мг 2 рет/күн, 11 күн — 10 мг, бір реттік доза — 1,4 есе Дронэдарон 400 мг 1 рет/күн, 5 күн — Қолжетімсіз — 1,4 есе Итраконазол 200 мг 1 рет/күн, 5 күн — 10 мг, бір реттік доза — 1,4 есе ** Эзетимиб 10 мг 1 рет/күн, 14 күн — 10 мг 1 рет/күн, 14 күн — 1,2 есе ** Розувастатин AUC төмендеуі Эритромицин 500 мг 4 рет/күн 7 күн — 80 мг, бір реттік доза — 20% Баикалин 50 мг 3 рет/күн 14 күн — 20 мг, бір реттік доза — 47% * Х-еселенген өзгеріс түрінде ұсынылған деректер розувастатинді басқа препараттармен бірге қабылдау және тек бір ғана розувастатин қабылдау арасындағы қарапайым арақатынас түрінде болады. %-дық өзгеріс түрінде ұсынылған деректер тек бір ғана розувастатин қабылдауға қатысты пайыздық айырма түрінде болады. Артуы «» түрінде, азаюы «» түрінде. ** Розувастатиннің әртүрлі дозалары кезінде өзара әрекеттесудің бірнеше зерттеуі жүргізілді, кестеде ең көп маңызды арақатынастары көрсетілген. AUC — фармакокинетикалық қисық астындағы ауданы; 1 рет/күн — тәулігіне бір рет; 2 рет/күн — тәулігіне екі рет; 3 рет/күн — тәулігіне үш рет; 4 рет/күн — тәулігіне төрт рет. Розувастатиннің бір мезгілде қолданылатын дәрілік препараттарға әсері К дәрумені антагонистері ГМГ-КоА-редуктазаның басқа тежегіштерін қолдану кезіндегі сияқты, К дәрумені антагонистерімен (мысалы, варфарин немесе кумарин тобының басқа антикоагулянттары) бір мезгілде ем алып жүрген пациенттерде емдеуді бастау немесе розувастатин дозасын арттыру Халықаралық қалыптасқан байланыстың (ХҚБ) артуына алып келуі мүмкін. Емдеуді тоқтату немесе розувастатин дозасын азайту ХҚБ азаюына алып келуі мүмкін. Осындай жағдайларда ХҚБ тиісті мониторингін өткізген дұрыс. Пероральді контрацептивтер/гормондық орын басу емі (ГОЕ) Розувастатин мен пероральді контрацептивтерді бір мезгілде қолдану этинилэстрадиол мен норгестрел AUC мәнінің, тиісінше, 26% және 34% артуына алып келді. Плазмадағы деңгейлерінің осылай жоғарылауын пероральді контрацептив дозаларын таңдау кезінде ескеру керек. ГОЕ және розувастатинмен қатарлас ем алып жүрген пациенттердегі фармакокинетикалық деректер жоқ, сондықтан ұқсас әсерін жоққа шығаруға болмайды. Басқа дәрілік заттар Дигоксин Розувастатиннің дигоксинмен клиникалық мәнді өзара әрекеттесуі күтілмейді. Фузид қышқылы Миопатия, оның ішінде рабдомиолиз қаупі жүйелі фузид қышқылы мен статиндерді бірге қолдану кезінде артуы мүмкін. Осы біріктірілімді қабылдап жүрген пациенттерде рабдомиолиз дамуы туралы (оның ішінде өліммен аяқталған бірнеше жағдай) хабарламалар бар. Фузид қышқылының жүйелі препаратын қолдану қажет болып танылған пациенттерде розувастатинмен емдеу фузид қышқылымен емдеу кезеңінде тоқтатылуы тиіс. Балаларда қолдану Басқа дәрілік заттармен өзара әрекеттесу зерттеулері тек ересек пациенттерде жүргізілді. Балалардағы өзара әрекеттесу қарқындылығы зерттелмеді.

Сақтау мерзімі 2 жыл Жарамдылық мерзiмi өткеннен кейін қолдануға болмайды! Сақтау шарттары Құрғақ, жарықтан қорғалған жерде, 30°C-ден аспайтын температурада сақтау керек. Балалардың қолы жетпейтін жерде сақтау керек!