Полиоксидоний® таблетки 12 мг

Бір таблетканың құрамында белсенді зат – азоксимер бромиді 12 мг, қосымша заттар: маннитол, повидон, лактоза моногидраты, картоп крахмалы, стеарин қышқылы. Сыртқы түрінің, иісінің, дәмінің сипаттамасы Ақ немесе сарғыштау реңкті ақ түсті, бір жағында, сызығы, ойығы және екінші жағында «ПО» бедері бар жайпақ цилиндр тәрізді дөңгелек таблеткалар.

Жедел және созылмалы респираторлық ауруларды емдеу және олардың профилактикасы үшін ересектер мен 3 жастан бастап балаларға асқыну және ремиссия сатысында қолданылады. Емдеу үшін (кешенді емде): – ауыз жұтқыншақ, мұрын маңы қойнаулары, жоғарғы және төменгі тыныс алу жолдары, ішкі және ортаңғы құлақтың жедел және созылмалы қайталанатын инфекциялық-қабыну ауруларының асқынуы; – қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі). Профилактика үшін (монотерапия): – назальді және лабиальді аумақтағы қайталанатын герпестік инфекциялар; – ауыз жұтқыншақ, мұрын маңы қойнаулары, жоғарғы және төменгі тыныс алу жолдары, ішкі және ортаңғы құлақ инфекцияларының созылмалы ошақтарының асқынуы; – қартаю немесе жағымсыз факторлардың ықпалы салдарынан туындайтын салдарлы иммун тапшылығы жағдайлары.

Әсер ету механизмі Азоксимер бромидінің иммуномодуляциялық әсер ету механизмінің негізі фагоциттік жасушаларға және табиғи киллерлерге тікелей әсер ету, сондай-ақ антидене түзілуін және интерферон-альфа мен интерферон-гамма синтезін стимуляциялау болып табылады. Азоксимер бромиді еритін уытты заттар мен микробөлшектерді бөгейді, организмнен токсиндерді, ауыр металл тұздарын шығару қабілетіне ие, бос радикалдарды ұстау есебінен, сондай-ақ катализдік белсенді Fe2+ иондарының элиминациясы арқылы липидтердің асқын тотығуын тежейді. Азоксимер бромидінің уытсыздандыратын және антиоксидантты әсері көбінесе препараттың құрылымымен және жоғары молекулалы табиғатымен анықталады. Фармакодинамикалық әсерлері Азоксимер бромиді кешенді әсерге ие: иммуномодуляциялаушы, уытсыздандыратын, антиоксидантты, орташа қабынуға қарсы. Азоксимер бромиді бактериялық, зеңдік және вирустық этиологиядағы жергілікті және жайылған инфекцияларына қатысты организмнің резистенттілігін ұлғайтады. Түрлі инфекциялар, жарақаттар, хирургиялық операциялардан кейінгі асқынулар туындатқан салдарлы иммун тапшылығы жағдайларында иммунитетті қалпына келтіреді. Жергілікті (сублингвальді) қолданғанда Азоксимер бромидінің өзіне тән ерекшелігі организмді инфекциядан ерте қорғау факторларын белсендіру қабілеті болып табылады: препарат нейтрофилдер, макрофагтардың бактерицидті қасиеттерін көтермелейді, олардың бактерияларды жұту қабілетін күшейтеді, сілекей мен жоғары тыныс алу жолдары шырышы секретінің бактерицидті қасиеттерін жоғарылатады. Азоксимер бромидін пероральді қолданғанда ішектің лимфалық түйіндерінде лимфоидтық жасушаларды да белсендіреді. Азоксимер бромиді про- және қабынуға қарсы цитокиндер синтезін қалпына келтіру арқылы қабыну реакциясын төмендетеді. Азоксимер бромиді жақсы көтерімді, митогенді, поликлональді белсенділігі, антигенді қасиеттері жоқ, аллергия туғызатын, мутагенді, эмбриоуытты, тератогенді және канцерогенді әсерлер көрсетпейді. Клиникалық тиімділігі және қауіпсіздігі Азоксимер бромиді кешенді әсерге ие: иммуномодуляциялаушы, уытсыздандыратын, антиоксидантты, орташа қабынуға қарсы. Азоксимер бромиді бактериялық, зеңдік және вирустық этиологиядағы жергілікті және жайылған инфекцияларына қатысты организмнің резистенттілігін ұлғайтады. Түрлі инфекциялар, жарақаттар, хирургиялық операциялардан кейінгі асқынулар туындатқан салдарлы иммун тапшылығы жағдайларында иммунитетті қалпына келтіреді. Азоксимер бромиді про- және қабынуға қарсы цитокиндер синтезін қалпына келтіру арқылы қабыну реакциясын төмендетеді. Азоксимер бромиді еритін уытты заттар мен микробөлшектерді бөгейді, организмнен уыттарды, ауыр металл тұздарын шығару қабілетіне ие. Азоксимер бромидінің уытсыздандыратын және антиоксидантты әсері көбінесе препараттың құрылымымен және жоғары молекулалы табиғатымен анықталады. Азоксимер бромиді жақсы көтерімді, митогенді, поликлональді белсенділігі, антигенді қасиеттері жоқ, аллергия туғызатын, мутагенді, эмбриоуытты, тератогенді және канцерогенді әсерлер көрсетпейді. Жинақталатын әсері жоқ. Балалар Таблеткаларды балаларда 3 жастан бастап қолданады. 3 жасқа дейін таблеткаларды қолдануға болмайды.

Дозалау режимі Қажет болса 3-4 айдан кейін қайталама емдеу курстарын өткізуге болады. Препаратты қайта тағайындағанда оның тиімділігі төмендемейді. Ұсынылған емдеу сызбасы Сублингвальді Ересектерді емдеу үшін: – тұмау және жедел респираторлық инфекцияларды – 7 күн бойы күніне 2 рет 1 таблеткадан; – ауыз жұтқыншақтың қабыну үдерістерін – 10 күн бойы күніне 2 рет 1 таблеткадан; – жоғарғы тыныс алу жолдары, мұрын маңы қойнауларының созылмалы ауруларының асқынуы, созылмалы отиттер – 10 күн бойы күніне 2 рет 1 таблеткадан; – қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі) – 10 күн бойы күніне 2 рет 1 таблеткадан. 3 жастан 10 жасқа дейінгі балаларды емдеу үшін: – тұмау және жедел респираторлық инфекцияларды – 7 күн бойы күніне 2 рет ½ таблеткадан; – ауыз жұтқыншақтың қабыну үдерістерін – 7 күн бойы күніне 2 рет ½ таблеткадан; – қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі) – 7 күн бойы күніне 2 рет ½ таблеткадан. 10 жастан асқан балаларды емдеу үшін: – тұмау және жедел респираторлық инфекцияларды – 7 күн бойы күніне 2 рет 1 таблеткадан; – ауыз жұтқыншақтың қабыну үдерістерін – 7 күн бойы күніне 2 рет 1 таблеткадан; – жоғарғы тыныс алу жолдары, мұрын маңы қойнауларының созылмалы ауруларының асқынуы, созылмалы отиттер – 7 күн бойы күніне 2 рет 1 таблеткадан; – қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі) – 7 күн бойы күніне 2 рет 1 таблеткадан. Ересектерге профилактика үшін: – тұмау және жедел респираторлық инфекциялардың эпидемия алдындағы кезеңінде – 10 күн бойы күніне 1 таблеткадан; – назальді және лабиальді аумақтағы қайталанатын герпестік инфекцияда; – 10 күн бойы күніне 2 рет 1 таблеткадан; – ауыз жұтқыншақ, мұрын маңы қойнаулары, жоғарғы тыныс алу жолдары, ішкі және ортаңғы құлақ инфекцияларының созылмалы ошақтарының асқынуында – 10 күн бойы күніне 1 таблеткадан; – қартаю немесе жағымсыз факторлардың ықпалы салдарынан туындайтын салдарлы иммун тапшылығы жағдайларында – 10 күн бойы күніне 1 рет 1 таблеткадан. 3 жастан 10 жасқа дейінгі балаларға профилактика үшін: – тұмау және жедел респираторлық инфекциялардың эпидемия алдындағы кезеңінде – 7 күн бойы күніне ½ таблеткадан; – назальді және лабиальді аумақтағы қайталанатын герпестік инфекцияда; – 7 күн бойы күніне 2 рет ½ таблеткадан; – ауыз жұтқыншақ, мұрын маңы қойнаулары, жоғарғы тыныс алу жолдары, ішкі және ортаңғы құлақ инфекцияларының созылмалы ошақтарының асқынуында – 10 күн бойы күніне ½ таблеткадан. 10 жастан асқан балаларға профилактика үшін: – тұмау және жедел респираторлық инфекциялардың эпидемия алдындағы кезеңінде – 7 күн бойы күніне 1 таблеткадан; – назальді және лабиальді аумақтағы қайталанатын герпестік инфекцияда; – 7 күн бойы күніне 2 рет 1 таблеткадан; – ауыз жұтқыншақ, мұрын маңы қойнаулары, жоғарғы тыныс алу жолдары, ішкі және ортаңғы құлақ инфекцияларының созылмалы ошақтарының асқынуында – 10 күн бойы күніне 1 таблеткадан. Пероральді Ересектерді емдеу үшін: – жоғарғы және төменгі тыныс алу жолдары аурулары – 10 күн бойы күніне 2 рет 1 таблеткадан. 10 жастан асқан балаларды емдеу үшін: – жоғарғы және төменгі тыныс алу жолдары аурулары – 10 күн бойы күніне 2 рет 1 таблеткадан. Бүйрек жеткіліксіздігі бар пациенттер Полиоксидоний®, 12 мг, таблеткалар жедел бүйрек жеткіліксіздігі бар пациенттерге қабылдауға қарсы көрсетілген. Созылмалы бүйрек жеткіліксіздігі кезінде аптасына 2 реттен артық қолданбайды. Енгізу әдісі және жолы Тамақтанудан 20-30 минут бұрын пероральді және сублингвальді. Дәрілік препараттың бір немесе бірнеше дозасын жіберіп алғанда қажетті шаралар Препараттың кезекті дозасын енгізуді жіберіп алған жағдайда оны кейіннен қолдануды осы нұсқаулықта көрсетілгендей немесе дәрігер ұсынған әдеттегі режимде жүргізу керек. Жіберіп алған дозалардың орнын толтыру мақсатында пациент қосарлы дозаны енгізбеуі тиіс. Тоқтату симптомдарының пайда болу қаупінің көрсетілімдері Полиоксидоний® препаратын қолдануды тоқтату қажеттілігінде бірден, дозаны біртіндеп азайтпастан тоқтатуға болады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Емдеуді бастар алдында дәрігермен кеңесіп, дәрігерге сіз қабылдап жүрген барлық дәрілік препараттар туралы хабарлау ұсынылады. Тиімді нәтижелерге қол жеткізу үшін нұсқаулықта баяндалған барлық ұсыныстарды қатаң түрде орындай отырып, пайдалану керек.

– әсер етуші затқа немесе қосымша заттардың кез келгеніне аса жоғары сезімталдық; – жүктілік, емшек емізу кезеңі; – 3 жасқа дейінгі балалар; – жедел бүйрек жеткіліксіздігі; – сирек тұқым қуалайтын лактоза жақпаушылығы, лактаза тапшылығы, глюкоза-галактоза мальабсорбциясы синдромы. Сақтықпен – созылмалы бүйрек жеткіліксіздігі (аптасына 2 реттен артық қолданбайды).

Жағымсыз әсерлер тіркелмеген. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары тіркелмеген. Ұсынылғаннан асатын дозаны абайсызда қабылдаған жағдайда дәрігерге қаралу керек.

Арнайы ескертулер Препаратты тек нұсқауларға, қолдану әдісіне және нұсқаулықта көрсетілген дозаларға сәйкес қолданыңыз. Егер емдеуден кейін жақсару болмаса немесе симптомдар асқынса немесе жаңа белгілер пайда болса, пациент дәрігермен кеңесу керек. Аллергиялық реакция дамығанда Полиоксидоний® препаратын қолдануды тоқтату және дәрігерге қаралу керек. Пациенттер дәрігерден кеңес алмай, көрсетілген дозаларды және емдеу курсының ұзақтығын асырмауы керек. Созылмалы бүйрек жеткіліксіздігі бар пациенттер препаратты сақтықпен қолдану керек (аптасына 2 реттен артық тағайындамайды). Оның сыртқы белгілерінде жарамсыздық (қаптама ақауы, таблетка түсінің өзгеруі) табылса препаратты пайдаланбаңыз. Полиоксидоний® таблеткаларының құрамында қосымша зат ретінде лактоза моногидраты бар, сондықтан оларды қабылдау сирек тұқым қуалайтын лактоза жақпаушылығы, лактаза тапшылығы, глюкоза-галактоза мальабсорбция синдромы бар адамдарға қарсы көрсетілген. Педиатрияда қолданылуы Полиоксидоний® 3 жастан асқан балаларда пайдалануға болады. Полиоксидоний®, 12 мг, таблеткасы 3 жасқа дейінгі балаларда пайдаланылмауы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Полиоксидоний® препаратын қолдану аса зейін қоюды және психомоторлық реакциялардың жылдамдығын талап ететін қызметтің аса қауіпті түрлерін (оның ішінде көлік құралдарын басқару, қозғалмалы механизмдермен жұмыс істеу) орындау қабілетіне ықпал етпейді.

Полиоксидоний® препаратын жүкті және емшек емізіп жүрген әйелдерге қолдануға болмайды (қолданудың клиникалық тәжірибесі жоқ). Полиоксидоний® препаратын қолданар алдында егер пациент жүкті болса немесе жүкті болуы мүмкін деп болжамдаса немесе жүктілікті жоспарлап жүрсе дәрігермен кеңесуі қажет.

Азоксимер бромиді CYP1A2, CYP2С9, CYP2С19, CYP2D6 изоферменттерін, Р-450 цитохромын тежемейді, сондықтан препарат антибиотиктермен, вирусқа қарсы, зеңге қарсы және антигистаминдік препараттармен, глюкокортикостероидтармен және цитостатиктермен үйлесімді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!