Польсуксан раствор 100 мг/5 мл

Бір ампуланың ішінде белсенді зат - 115.5 мг суксаметоний хлориді (сусыз затқа шаққанда) 100.0 мг қосымша заттар – натрий хлориді, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе сәл боялған сұйықтық

Польсуксан жалпы анестезияда бұлшықеттің жылдам босаңсуын («жедел интубация») талап ететін эндотрахеальді интубация үшін пайдаланылады: мысалы, жедел іш теспеде, жедел кесарь тілігінде, асқазаны толық пациенттердегі шұғыл операцияларда, электрлікқұрысу емінде (ЭҚЕ) құрысу айқындығын әлсірету үшін.

Әсер ету механизмі Польсуксан ультра қысқа әсер ететін деполяризациялаушы миорелаксант болып табылады және қозғалтқыш жүйкенің ұшындағы пластинасында импульстің берілуін бөгеп, қаңқа бұлшықеттерінің сылбыр салдануын тудырады. Суксаметоний хлориді деполяризациялаушы миорелаксант болып табылады және қозғалтқыш жүйкенің ұшындағы пластинасында импульстің берілуін бөгеп, қаңқа бұлшықеттерінің сылбыр салдануын тудырады. Ацетилхолинге ұқсас, суксаметонийдің классикалық өкілі сияқты деполяризациялаушы релаксанттар постсинапстық никотин рецепторларымен байланысады және бастапқыда агонистік әсер етеді. Алайда, ацетилхолиннен айырмашылығы, бұл жарғақшаның ұзағырақ деполяризациялануына («деполяризация блогы» немесе «I фаза блогы») әкеледі. Әзірге суксаметоний рецептормен байланысты болып қалады, қозу болуы мүмкін емес, суксаметоний осы фазада антагонистік әсер етеді. Суксаметоний рецептордан бөлінген кезде ғана жарғақшаның деполяризациясы қайтадан жүруі мүмкін. Суксаметоний ұзақ әсер ететін деполяризацияланбайтын миорелаксанттардан әсер ету жылдамдығының басталуы - бір минут ішінде және қысқа әсер ету ұзақтығы - 2-ден 6 минутқа дейін болуымен ерекшеленеді. Бұл бұлшықет босаңсуын ұзақ уақыт бойы артық қатты босаңсытпай операция талаптарына тез бейімдеуге мүмкіндік береді. Бұлшықеттердің босаңсуы келесі ретпен жүреді: қабақтың бұлшықеттері, шайнайтын бұлшықеттер, аяқ-қол бұлшықеттері, іштің бұлшықеттері, дыбыс саңылауының бұлшықеттері және соңында диафрагма.

Дозалау режимі Ересектер мен 12 жастан бастап жасөспірімдерге арналған доза Интубацияға арналған бір реттік доза: дене салмағына қарай 1-1,5 мг/кг. Пациенттердің ерекше топтары Балалар 1 – ден 12 жасқа дейінгі балалар үшін дозасы Сәбилер мен 12 жасқа дейінгі балаларға: дене салмағына қарай 1 мг/кг. Жаңа туған нәрестелер мен 1 жасқа дейінгі емшектегі сәбилер үшін дозасы Жаңа туған нәрестелерде және еметін жастағы сәбилерде: дене салмағына қарай 1-2 мг/кг. Жаңа туған нәрестелерге мг/кг шаққанда суксаметонийдің (таралу көлемі үлкен) үлкен мөлшері талап етіледі. Суксаметонийдің эквипотентті дозаларының әсер ету ұзақтығы барлық жас топтарында бірдей болады, дегенмен 6 айлығына қарай плазмадағы холинэстеразаның белсенділігі ересектердегі мәндердің 40-50%-ын ғана құрайды . Семіздігі бар пациенттер Семіздігі бар пациенттерде дозалау дененің нақты салмағына емес, дененің мінсіз салмағына негізделуі тиіс. Бауыр мен бүйрек функциясы бұзылған және жүрек ауруы бар пациенттер Польсуксанның дозасын түзетудің қажеті жоқ, бірақ «Қолдануға болмайтын жағдайлар» және «Қолдану кезіндегі қажетті сақтандыру шаралары» бөлімдерін қараңыз. Енгізу әдісі және жолы Вена ішіне қолдануға арналған. Польсуксан жалпы анестезиямен вена ішіне бір реттік инъекция түрінде енгізіледі. Әсер етуі 30-60 секундтан соң басталады, әсер етуінің ұзақтығы шамамен 2-6 минут. Польсуксанды үздіксіз инфузия түрінде енгізуге болмайды. Инъекцияға арналған дайын ерітіндіні оны әзірлегеннен кейін дереу пайдалану керек. Емдеу ұзақтығы Тек бір рет қолдануға арналған.

• әсер етуші затқа немесе қосымша заттарының кез келгеніне аса жоғары сезімталдық • қатерлі гипертермияға бейімі бар пациенттер • гиперкалиемия және гиперкалиемия қаупі бар пациенттер (бүйректің ауыр жеткіліксіздігі): шамадан тыс гиперкалиемияға бейімі бар пациенттерде жүректің гиперкалиемиялық тоқтауына әкелуі мүмкін. • қатты күйік • көп түрлі жарақат • ауыр құрсақтық инфекциялар, сепсис • ұзаққа созылған иммобилизация (қарқынды емдегі пациенттер) • көзді тесіп өткен жарақаттар (көзішілік қысымның жоғарылауы) • бассүйекішілік қысымның жоғарылауы • миотония, полиомиелит, шеткері амиотрофиялық склероз, жайылған склероз, бұлшықет дистрофиясының барлық түрлері, миастения сияқты жүйке-бұлшықет бұзылыстары • салдарлы бұлшықет атрофиясына (көлденең синдром) соқтыратын нейрональді денервация • туа біткен холинэстераза тапшылығы

Польсуксанды қабылдау көптеген жағымсыз реакцияларға, соның ішінде қауіптілігі зор реакцияларға әкелуі мүмкін. Көбірек жиілікпен бақыланатын жағымсыз реакциялар бұлшықет ауырулары, бұлшықет фасцикуляциясы және қан сарысуындағы калий деңгейінің жоғарылауы болып табылады. Жеңіл брадикардия (әсіресе балаларда, ересектерде сиректеу болады) және миоглобинемия өте жиі бақыланады. Жиі жағымсыз әсерлер - көзішілік және асқазанішілік қысымның жоғарылауы және терінің гиперемиясы сияқты аса жоғары сезімталдық реакциялары болып табылады. Келесі жағымсыз әсерлер қауіптірек болып табылады және сирек пайда болады, бірақ оларды Польсуксан енгізген кезде ескеру қажет: аритмияны және жүрек тоқтауын, қатерлі гипертермияны, анафилаксиялық шокты, рабдомиолиз және бүйрек жеткіліксіздігі болуы мүмкін миоглобинурияны тудыруы мүмкін сарысудағы калий деңгейінің фатальді жоғарылауы. Өте жиі: • қан сарысуындағы калий деңгейінің жоғарылауы (көбірек жиілікте 0,5 ммоль/л шамалы жоғарылау байқалады), миоглобинемия (балалардың 20% -да, ересектерде сирек кездеседі). Бұл жағымсыз әсер дозаға байланысты емес және бұлшықет фасцикуляциясымен немесе онсыз байқалуы мүмкін. • бұлшықет фасцикуляциялары • аритмия (брадикардия, түйіндік ырғақ, эктопиялық экстрасистолалар) балалардың 50%-ында және ересектердің 20%-ында алғашқы вена ішіне инъекциялаудан кейін пайда болады. Жағдайлардың көп бөлігі нәрестелер мен ерте жастағы балаларда болады. • бұлшықет түйілуінен кейінгі бұлшықет ауыруы көбінесе мойын, кеуде, иық және арқа аймағында, бұлшықет фасцикуляциясы (90%) әсіресе 20-50 жастағы жас пациенттерде кездеседі. Жиі: • аса жоғары сезімталдық реакциялары (терінің қызаруы, есекжем). • көзішілік қысымның жоғарылауы • гипотония, гипертония • гистамин босап шығуынан терінің қызаруы • асқазанішілік қысымның жоғарылауы (жүкті әйелдерде, асқазан мен ішектің атониясы бар, өңеш саңылауы диафрагмасы жарығы, асцит, құрсақ қуысы ісігі бар пациенттерде регургитация қаупі), сілекейдің артық шығуы. Жиі емес: • қысқа мерзімді артериялық гипертензия, гипотензия, тахикардия • препарат енгізуден кейінгі жақсүйектің жеңіл ширығуы (60 секундқа дейінгі) - оны ұйықтататын дәрілерді (пропофол) және деполяризацияланбайтын миорелаксанттың аз дозасын енгізу арқылы азайтуға болады. Сирек: • плазма жалғанхолинэстеразасы бұзылған пациенттерде тұрақты апноэ, бронх түйілуі, ларингоспазм. • қалыпты босаңсудың орнына бұлшықет жиырылуы (негізінен дистрофиялық миотониямен және туа біткен миотониямен байланысты). II типті блокада салдарынан тұрақты салдану жүйке-бұлшықет ауруларынан туындауы ықтимал немесе идиосинкразия нәтижесінде пайда болуы мүмкін, плазмадағы холинэстераза тұқым қуалайтын мутациясы, артық дозалану немесе плазмада холинэстераза деңгейі төмендеуі пайда болуы мүмкін. • миоглобинурия және креатинкиназа деңгейінің жоғарылауы, көбінесе суксаметоний және галотанмен емделген балаларда. Өте сирек: • тері гиперемиясымен және бронх түйілуімен немесе оларсыз және гипотензиямен анафилаксиялық шок, аллергиялық (анафилактоидты) реакциялар. • қарыншалық фибрилляция және гиперкалиемиядан болатын жүректің тоқтауы. • өмірге қауіпті гиперкалиемия, порфирия, бұлшықет сіресуі болатын немесе онсыз қатерлі гипертермия (шайнайтын бұлшықеттердің түйілуі), жүрек-қан тамыр асқынулары (тахикардия, гипервентиляция, артериялық қысым тұрақсыз болуы), дем шығару соңында СО2 концентрациясы жоғарылауы, дене температурасы жоғарылауы, ауыр ацидоз, гемоглобинурия және миоглобинурия. • гиперкалиемия салдарынан болатын қарыншалық аритмия, қарыншалық фибрилляция, гиперкальциемия, суксаметонийден туындаған гиперкалиемияға байланысты жүректің тоқтауы, әсіресе қаңқа бұлшықетінің миопатиясы анықталмаған балаларда (Дюшенн бұлшықет дистрофиясы). Анафилаксиялық реакцияға байланысты қан айналымы бұзылуы. • жүйке-бұлшықет ауруларындағы кешеуілдеген тыныс алу жеткіліксіздігі. Анафилаксиялық реакцияға байланысты бронх түйілуі. Тамақ пен өкпенің ісінуі. • диагноз қойылған немесе диагноз қойылмаған жүйке-бұлшықет ауруы бар пациенттердегі жедел рабдомиолиз. • миоглобинурия нәтижесіндегі бүйрек жеткіліксіздігі (көбінесе бұлшықет дистрофиясы бар науқастарда). Белгісіз (қолда бар деректер негізінде баға беру мүмкін емес): • бассүйекішілік қысымның жоғарылауы • миоглобинемия Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Жоғары немесе қайталанатын дозаларда қосарлы блок деген (II фазадағы блок деп те аталады) пайда болуы мүмкін, яғни деполяризация блогы тұрақтандыру блогына айналады, бұл бұлшықет релаксациясының әсері ұзаруына әкеледі. Емі Толық дұрыс тыныс алу пайда болғанға дейін реанимация бөлімшесінде толық седациямен өкпені жасанды желдетуді ұстап тұру қажет.

Деполяризациялаушы миорелаксант ретінде суксаметоний пациенттің санасына әсер етпестен тыныс алу бұлшықеттерін де салдандырады. Сондықтан суксаметонийді тәжірибелі анестезиологтың бақылауымен жалпы анестезия кезінде ғана енгізуге болады, эндотрахеальді интубация және жасанды тыныс алу және қажет болған жағдайда реанимация үшін көмекші заттар қолда болуы тиіс. Польсуксанды келесілерде сақтықпен қолдану керек: • жеке немесе отбасылық анамнезінде жүйке-бұлшықет аурулары бар пациенттер үшін, өйткені суксаметонийге реакцияны болжау мүмкін емес; • суксаметоний хлориді плазмадағы холинэстеразамен немесе жалғанхолинэстеразамен гидролитикалық түрде ыдырайды және осылайша белсенділігі жойылады. Осылайша, суксаметонийдің әсер ету ұзақтығы, ең алдымен, осы ферменттің концентрациясы мен белсенділігіне тәуелді. Холинэстеразаның немесе жалғанхолинэстеразаның тапшылығы Польсуксанның әсерін едәуір ұзартуы мүмкін. Холинэстераза тапшылығының себебі генетикалық, бауырдың ауыр жеткіліксіздігі, диализді қажет ететін бүйрек жеткіліксіздігі, гипотиреоз, генезі әртүрлі ауыр аурулар (қатерлі жаңа түзілімдер, тамақтанудың аса көп жеткіліксіздігі), ауыр күйіктер және дәрілік препараттар болуы мүмкін. Жаңа туған нәрестелерде, егде жастағы адамдарда және жүктіліктің кеш кезеңінде холинэстеразаның физиологиялық төмендеуі белгіленген. Суксаметонийдің әсер етуі елеулі ұзаққа созылатын түріндегі клиникалық маңыздылығы ең алдымен плазмохолинэстеразаның генетикалық тапшылығы бар пациенттерде болады. Бұл пациенттерге бірнеше сағатқа дейінгі уақытқа реанимация қажет болуы мүмкі. • плазмаферез қабылдайтын пациенттерде (плазмадан холинэстеразаны жояды), плазмадағы холинэстераза синтезін немесе белсенділігін төмендететін препараттарды қабылдайтын пациенттерде; • анестетиктерге жағымсыз реакциялардың жеке немесе отбасылық анамнезі бар пациенттерде, себебі бұл жалғанхолинэстеразаның тұқым қуалайтын төмен деңгейін немесе қатерлі гипертермия қаупінің жоғарылауын көрсетуі мүмкін; • анамнезінде демікпесі немесе аллергиясы бар пациенттерде, өйткені Польсуксан аллергиялық реакциялар және бронх түйілуін туындатуы мүмкін; • онкологиялық аурулары бар пациенттерде; • жедел жабық бұрышты глаукомасы бар пациенттерде (көзішілік қысымның жоғарылауына байланысты). • ашық бұрышты глаукомасы немесе жабық бұрышты глаукома дамуының қаупі бар пациенттерде. Оларға алдын ала миотикалық препараттың (мысалы, пилокарпин) 1-2 тамшысымен өңдеу жүргізу керек; • сүйек сынулары немесе бұлшықет құрысулары бар пациенттерде, немесе қай-қайсысында да, өйткені енгізуден кейінгі бастапқы фасцикуляция жарақат тудыруы мүмкін; • артериялық қысым жоғарылағанда (мысалы, мидың аневризмасы, бассүйекішілік қысым жоғарылауы) жай-күйі нашарлауы мүмкін пациенттерде; • жүкті әйелдер, асқазаны және ішегінің созылулары бар, өңеш диафрагмасы саңылауында жарығы, асциті, асқазан ісігі бар науқастар сияқты регургитацияның жоғары қаупі бар пациенттерде, өйткені Польсуксан асқазанішілік қысымды жоғарылатуы ықтимал; • жүрек гликозидтерімен ем алатын пациенттерде, өйткені аритмияның даму қаупі артады; Брадикардия немесе асистолия, артериялық қысымның төмендеуі және гиперсаливация сияқты парасимпатомиметикалық әсерлерді әдетте атропинді енгізу арқылы болдырмауға немесе азайтуға болады. Дегенмен, жүрек және өкпе аурулары бар пациенттерге сақ болу керек. Кардиальді жағымсыз әсерлер балалар мен жасөспірімдерде жиі кездеседі (бастапқы брадикардия, содан кейін тахикардия, орын басатын түйінді ырғақ болуы мүмкін, қарыншалық экстрасистолалар болуы да ықтимал). Балалар мен жасөспірімдерде жүректің қайтымсыз тоқтап қалу жағдайлары болды. Бұл пациенттердің кейбірінде бұрын жүйке-бұлшықет аурулары диагнозы қойылмаған. Аритмия жиілігі бірінші дозадан кейін 15 минут ішінде екінші дозаны енгізген кезде жасына қарамастан ұлғаяды. Осы және келесі себептерге байланысты Польсуксанды қайталап енгізуге немесе үздіксіз инфузия түрінде енгізуге болмайды • суксаметонийдің қайталама дозалары, сондай-ақ үздіксіз инфузия заттың бөгегіш қасиеттерін өзгерте алады (бұл үшін дене салмағына қарай жинақталған дозасы 5-10 мг/кг болу керек). Содан кейін бастапқыда әсер етуі ұзартылған деполяризация блогынан (I фаза блогы) ұзақ мерзімді деполяризациялық емес блоктың түрі дамиды (II фаза немесе қосарлы блок). Қосарлы блок сонымен қатар суксаметонийді атипті жалғанхолинэстеразамен гидролиздеу мүмкін болмаған кезде пайда болады және осылайша синапстық саңылауда жиналады Блоктың екі түрін, бірақ клиникалық түрде емес, тек релаксографиялық түрде ғана ажыратуға болады. Деполяризация блокадасынан айырмасы қосарлы блокада ішінара холинэстераза тежегіштеріне қарсы әсер етуі тиіс. Польсуксан инъекциясынан кейін калийдің жасуша ішінен жасуша сыртына елеулі ығысуы жүруі ықтимал. Қарыншалық фибрилляциясы және асистолиясы бар өмірге қауіпті гиперкалиемия қан сарысуындағы калий деңгейінің жоғарылауы нәтижесінде туындауы мүмкін. Бүйрек жеткіліксіздігі бар пациенттер мен күйігі ауыр пациенттер, сондай-ақ әсіресе көп жарақатты пациенттер қауіпке бейім болады. • Польсуксанның инъекциясынан кейін бұлшықеттің ауыруы мен ауырсынуына соқтыруы ықтимал бұлшықеттің уақытша фасцикуляциясы пайда болады. Бастапқы бұлшықет фасцикуляциясы мен бұлшықет ауырсынуын деполяризацияланбайтын миорелаксанттың («прекураризация») аз дозасын енгізу арқылы азайтуға болады. • гипермагниемия және гипокальциемия ацетилхолиннің пресинапстық босап шығуын тежеу есебінен, ал гипокалиемия тыныш күйдегі жарғақша потенциалын төмендету арқылы суксаметонийдің әсерін күшейтуі немесе ұзартуы мүмкін, • азатиопринді суксаметониймен бір мезгілде қолданғанда ерекше сақтық қажет. Операция алдында азатиоприннің енгізілген-енгізілмегенін тексеру керек. • тиопентал қабылдайтын пациенттерде. Тиопентал pH төмен ерітінділермен және тотықтырғыштармен үйлесімсіз, сондықтан тиопентал және суксаметонийді бір мезгілде енгізуге немесе араластыруға болмайды. • азатиоприн қабылдайтын пациенттерде, өйткені суксаметониймен бір мезгілде қабылдағанда ерекше сақтық талап етіледі. Анестезиологтар хирургиялық операция алдында олардың пациенттерінің азатиоприн алған-алмағанын тексеруі тиіс. • гипотермия жарғақшалық процестерді физикалық және биохимиялық баяулату есебінен суксаметонийдің әсерін күшейтуі немесе ұзартуы мүмкін. Суксаметоний қатерлі гипертермияның бастаушы заты болып саналады. Шайнау бұлшықеттерінің елеулі сіресулері пациентте қатерлі гипертермия қаупінің жоғарылауын көрсетуі мүмкін. • сондай-ақ басқа миорелаксанттарға айқаспалы сезімталдығы бар пациенттерде де сақ болу керек. • жүйке-бұлшықет блокадасының қалыптан тыс өзгерістерін шеткері жүйке стимуляторының көмегімен жүйке-бұлшықет функциясын интраоперациялық мониторингтеу жолымен болдырмауға болады. • жалпы анестезия алатын пациенттерде. • дереу интубацияға немесе тыныс алу жолдарының өткізгіштігін демеуді талап ететін басқа рәсімдерге ұшыраған пациенттерде, соның ішінде дені сау дерлік балалар мен жасөспірімдерде суксаметонийді қолдануды дереу интубациялау немесе тыныс алу жолдарының өткізгіштігін демеу қажет болатын жағдайлармен шектеу ұсынылады. Арнайы сақтандырулар Бұл препараттың құрамында бір ампула ішіндегі натрий 1 ммольден аз (23 мг), яғни құрамында натрий жоқ дерлік. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Назар аударыңыз: бұл дәрі сіздің реакция жасау және автокөлік басқару қабілетіңізге әсер етуі мүмкін. Польсуксан көлік құралдары мен механизмдерді басқару қабілетіне елеулі әсер етеді. Польсуксан жалпы анестезияның бір бөлігі ретінде енгізілгеннен кейін пациенттер кем дегенде 24 сағат бойы көлік құралдарын басқармауы немесе механизмдермен жұмыс істемеуі тиіс.

Жүктілік кезінде Польсуксанды тек аса қажет болған жағдайда ғана қолдану керек. Польсуксан әдеттегі клиникалық дозадан 3-6 есеге дейін астам болғанша плацента арқылы өтпейді. Жүктілік кезінде қан плазмасындағы холинэстераза деңгейінің төмендеуіне байланысты Польсуксанның әсер етуі ұзаққа созылуы мүмкін. Қан плазмасындағы холинэстеразаның қалыпты деңгейіне туғаннан кейін шамамен 6-8 аптадан кейін жетеді. Польсуксанның емшек сүтіне өтетін-өтпейтіні белгісіз. Польсуксанды енгізгеннен кейін бала емізу анестезиядан кейінгі әдеттегі уақытта болмауы тиіс және енгізілген қосымша анестетиктерді ескеру керек.

Келесі препараттар суксаметоний қолданғанда бір-бірінің әсеріне кедергі келтіреді: Суксаметонийдің әсері күшейеді немесе әсер ету уақыты ұзарады: • Ұшпалы ингаляциялық анестетиктер (энфлуран, десфлуран, изофлуран, севоран): бірінші кезекте олардың орталықтық миорелаксанттық әсері болады. Жүйке-бұлшықет блокадасы дозалануына байланысты күшеюі мүмкін. • Холинэстераза тежегіштері: деполяризация блогы холинэстераза тежегіштерімен (неостигмин) жойылмайды. Ол әсерді күшейтуге бейім, өйткені ацетилхолинэстеразаның белсенділігі ғана емес, сонымен қатар жалғанхолинэстераза да тежеледі және осылайша суксаметонийдің өзі ыдырайды. Қосарлы блокада холинэстераза тежегіштеріне сезімтал деп саналады, бірақ бұл арада да сақ болу керек. • Клиникалық жағдайлар немесе дәрілер (мысалы, неостигминмен, физостигминмен, такринмен және ацетилхолинэстеразаның басқа тежегіштерімен): плазмадағы холинэстераза және ацетилхолинэстераза белсенділігі төмендетілген. Құрамында холинэстераза тежегіштері болатын көзге тамызатын дәрілер (эхотиофат, эдрофоний, пиридостигмин), сондай-ақ суксаметонийдің әсерін күшейтуі ықтимал. • Цитостатиктер (циклофосфамид, тиофосфамид): ферментті алкилдеу арқылы болуы мүмкін холинэстераза белсенділігінің қайтымсыз бәсеңдетілуі суксаметоний метаболизмінің төмендеуіне әкеледі. • Антибиотиктер, әсіресе аминогликозидтер (гентамицин, неомицин, канамицин, стрептомицин): жүйке-бұлшықет бөгегіштік әсерін ұзартуы және күшейтуі мүмкін. • Жергілікті анестетиктер (новокаин, лидокаин) Na жарғақшасының өткізгішітігін төмендету есебінен: Жергілікті анестетиктер плазма холинэстеразаларымен гидролизденеді, бұл суксаметонийдің бәсекелес күшеюіне әкеледі. • Метоклопрамид: холинэстераза белсенділігін төмендету есебінен. • Магний сульфаты: магний инфузиясын Польсуксан енгізудің алдында 20–30 минут бұрын тоқтату керек, өйткені бұл ацетилхолиннің босап шығуын тежейді және жарғақшаның постсинапстық сезімталдығын төмендетеді. • Тербуталин және бамбутерол (тербуталиннің ізашар дәрісі): олар плазмалық холинэстераза белсенділігінің қайтымды тежелуін тудырады. • Паратион және малатион (инсектицидтер): ацетилхолинэстераза мен жалғанхолинэстеразаның белсенділігін тежейді. • Аритмияға қарсы дәрілер (I класс препараттары), хинидин, новокаинамид, бета-адреноблокаторлар, кальций өзекшелерінің блокаторлары (верапамил) және ілмектік диуретиктер: олар суксаметонийдің жүйке-бұлшықет бөгегіштік әсерін күшейтуі немесе ұзартуы мүмкін. • Литий: суксаметонийдің жүйке-бұлшықет бөгегіштік әсерін күшейтуі немесе ұзартуы мүмкін. • Азатиоприн: эксперименттік деректер азатиоприннің суксаметонийден туындаған жүйке-бұлшықет блокадасын күшейтетінін растайды. • Гормондық контрацептивтер және эстрогендер: холинэстераза белсенділігін төмендету есебінен. • Кортикостероидтар. • Окситоцин, циметидин. • МАО тежегіштері (фенелзин) және кейбір нейролептиктер (перфеназин): холинэстераза белсенділігін төмендету есебінен. • Симпатомиметиктер: холинэстераза белсенділігін төмендету есебінен. • Эпилепсияға қарсы препараттар: деполяризацияламайтын миорелаксанттар әсерінің төмендеуіне әкеледі. Алайда суксаметоний үшін әсер ету уақытының ұзаруы сипатталған. • Алкоголь және ОЖЖ бәсеңдететін дәрілер: суксаметоний әсеріне ықпал етуі ықтимал. Суксаметонийдің әсерін әлсіретеді: • Суксаметонийдің парасимпатомиметикалық әсерлері: олар атропинмен әлсіретілуі мүмкін. • Қанмен немесе плазмамен бір мезгілдегі инфузия: бұл Польсуксан әсерін төмендетеді. • Деполяризацияламайтын миорелаксант: деполяризацияланбайтын миорелаксанттың аздаған дозасын енгізген кезде суксаметоний әсерінің басталуының кешеуілдегені және әсерінің төмендеуі байқалады. Суксаметонийдің басқа дәрілерге әсері: • Дигиталис әсері суксаметониймен күшейеді, сондықтан аритмия туындауы мүмкін. Бұл дигиталис тудыратын қарыншалық тітіркенудің ұлғаюымен және өткізгіштігіне және/немесе бұлшықет жасушаларының дигитализацияланған миокардтың сыртына ішіндегі калийдің ығысуымен әсер етуіне байланысты

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 2-ден 8 °С-ге дейінгі температурада сақтау керек, мұздатып қатыруға болмайды Балалардың қолы жетпейтін жерде сақтау керек!