Помалид капсулы 4 мг

Сыртқы түрінің, иісінің, дәмінің сипаттамасы Қақпағында «NAT» ақ жазуы және корпусында «1 mg» қара жазуы бар қою көк түсті қақпағы және сары корпусы бар 4 өлшемді капсулалар (1 мг дозасы үшін). Қақпағында «NAT» ақ жазуы және корпусында «2 mg» жазуы бар қою көк түсті қақпағы және қызғылт-сары корпусы бар 2 өлшемді капсулалар (2 мг дозасы үшін). Қақпағында «NAT» ақ жазуы және корпусында «3 mg» жазуы бар қою көк түсті қақпағы және жасыл корпусы бар 2 өлшемді капсулалар (3 мг дозасы үшін). Қақпағында «NAT» ақ жазуы және корпусында «4 mg» жазуы бар қою көк түсті қақпағы және көгілдір корпусы бар 2 өлшемді капсулалар (4 мг дозасы үшін). Капсулалардың ішіндегісі – ашық сарыдан сары түске дейінгі ұнтақ.

- помалидомид бортезомибпен және дексаметазонмен біріктірілімде леналидомидті қоса, ең болмағанда бір алдыңғы емдеу курсын алған көптеген миеломасы бар ересек пациенттерді емдеу үшін көрсетілген; - помалидомид дексаметазонмен біріктірілімде емдеудің соңғы курсы аясында аурудың үдеуі байқалған леналидомидті де, бортезомибті де қамтитын емдеудің кемінде алдыңғы екі курсын алған қайталанатын және рефрактерлі көптеген миеломасы бар ересек пациенттерді емдеу үшін көрсетілген.

Әсер ету механизмі Помалидомид ісікке қарсы тікелей миеломаға қарсы белсенділікке ие, иммуномодуляциялайтын әсерін көрсетеді және миеломаның ісік жасушаларының өсуін қолдайтын стромальді жасушаларды бәсеңдетеді. Помалидомид пролиферацияны іріктеп тежейді және ісіктің гематопоэздік жасушаларының апоптозын туындатады. Сонымен қатар, помалидомид леналидомидке төзімді көптеген миелома жасушалары желісінің пролиферациясын бәсеңдетеді және леналидомидке сезімтал және төзімді ісік жасушаларының апоптозын туындататын қабілеті бойынша дексаметазонмен синергизмге ие. Помалидомид Т-жасушалар мен табиғи киллерлердің қатысуымен жасушалық иммунитетті күшейтеді және моноциттердің қабынуға қарсы цитокиндерді (мысалы, ісік некрозы факторы-α мен интерлейкин-6) түзуін тежейді. Помалидомид сонымен қатар эндотелий жасушаларының көшуі мен адгезиясын бөгеп, ангиогенезді тежейді. Помалидомид дезоксирибонуклеин қышқылының (ДНҚ) зақымдануын байланыстыратын 1 ақуызын (DDB1), куллин 4 (CUL4) және куллиндер реттегіші-1 (Roc1) қамтитын E3-лигаза кешенінің бөлігі болып табылатын цереблон ақуызымен (CRBN) тікелей байланысады және кешен ішінде CRBN аутоубиквитинделуін тежеуі мүмкін. E3 убиквитин-лигазалар көптеген ақуыз-субстраттардың полиубиквитинделуіне жауап береді және помалидомидпен емдеу кезінде байқалатын плейотропты жасушалық әсерлерді ішінара түсіндіре алады. Помалидомидтің in vitro қатысуымен Aiolos және Ikaros субстраттық ақуыздары убиквитинделуге және одан әрі деградацияға нысана болады, бұл тікелей цитоуытты және иммуномодуляциялаушы әсерлерге әкеледі. Помалидомидпен іn vivo емдеу леналидомидке рефрактерлі қайталанатын көптеген миелома бар пациенттерде Ikaros деңгейінің төмендеуіне әкелді. Клиникалық тиімділігі және қауіпсіздігі Помалидомид бортезомибпен және дексаметазонмен біріктірілімде Бортезомибпен және дексаметазонмен біріктірілімде төмен дозадағы помалидомидтің тиімділігі мен қауіпсіздігі (Пом+Бтз+ТД-Декс) леналидомидті қоса, кем дегенде бір алдыңғы емдеу сызбасын қабылдаған және соңғы емнің аясында немесе одан кейін аурудың үдеуі көрініс берген көптеген миеломасы бар бұрын емделген пациенттерде III фазаның көп орталықты, рандомизацияланған, ашық зерттеуінде (CC-4047-MM-007) бортезомибпен және дексаметазонмен төмен дозада (Бтз+ТД-Декс) салыстырылды. Зерттеуге барлығы 559 пациент қатыстырылды және рандомизацияланды: 281 - Пом+Бтз+ТД-Декс тобына және 278 - Бтз+ТД-Декс тобына. 54% пациент ер адамдар болды, жалпы популяциядағы орташа жас 68 жасты құрады (ең төмен: 27 жас, ең жоғары: 89 жас). 70 %-ға жуық пациенттер леналидомидке рефрактерлі болды (71,2 % Пом+Бтз+ТД-Декс тобында, 68,7 % Бтз+ТД-Декс тобында). 40 %-ға жуық пациент 1-ші қайталануда болды, және 73 %-ға жуық пациент бортезомибті алдыңғы ем ретінде қабылдаған. Пом+Бтз+ТД-Декс тобындағы пациенттер 4 мг помалидомидті әр 21 күндік циклдың 1-ден 14-ші күніне дейін пероральді түрде қабылдады. Бортезомиб (1,3 мг/м2/доза) зерттеудің екі тобындағы пациенттерге 1-ден 8-ге дейінгі циклдарда әр 21 күндік циклдың 1, 4, 8 және 11 күндері; және 9 бен одан кейінгі циклдар үшін әр 21 күндік циклдың 1 және 8 күндері тағайындалды. Дексаметазонның төмен дозалары (күніне 20 мг [≤ 75 жас] немесе күніне 10 мг [> 75 жас]) зерттеудің екі тобындағы пациенттерге 1-ден 8-ге дейінгі циклдарда әрбір келесі 21 күндік циклдың 1, 2, 4, 5, 8, 9, 11 және 12 күндері; және 9-шы циклдан бастап және әрі қарай әр 21 күндік циклдың 1, 2, 8 және 9 күндері тағайындалды. Дозалар төмендетілді, ал уыттылығын басу үшін, қажеттілігіне қарай емдеу уақытша үзілді немесе тоқтатылды (4.2 бөлімін қараңыз). Тиімділігінің бастапқы соңғы нүктесі үдеусіз тіршілік қабілеті (ҮТҚ) болды, оны емделу мақсатындағы популяцияда (ITT) Миеломаны зерттеу жөніндегі халықаралық жұмыс тобының (IMWG) критерийлеріне сәйкес Жауаптарды бағалау жөніндегі тәуелсіз комитет (IRAC) бағалады. 15,9 айлық бақылау медианасынан кейін ҮТҚ медианасы Пом+Бтз+ТД-Декс тобында 11.20 айды құрады (95% СА: 9.66, 13.73). Бтз+ТД-Декс тобында ҮТҚ медианасы 7.1 айды құрады (95% СА: 5.88, 8.48). Жалпы тиімділік бойынша жиынтық деректер 2017 ж. 26 қазандағы деректерді қию күнін пайдаланумен 8-кестеде ұсынылған. ITT популяциясындағы ҮТҚ үшін Каплан-Мейер қисығы 1-суретте берілген. 8-кесте. Жалпы тиімділігі бойынша жиынтық деректер Пом+Бтз+ТД-Декс (N = 281) — Бтз+ТД-Декс (N = 278) ҮТҚ (айлар) Уақыт медианасыа (95% СА)b — 11.20 (9.66, 13.73) — 7.10 (5.88, 8.48) ҚҚс (95% СА), p-мәніd — 0.61 (0.49, 0.77), < 0.0001 ЖЖЖ, n (%) — 82.2 % — 50.0% қТЖ — 9 (3.2) — 2 (0.7) ТЖ — 35 (12.5) — 9 (3.2) ӨЖІЖ — 104 (37.0) — 40 (14.4) ІЖ МҚ (95% СА)е, p-мәніb — 5.02 (3.35, 7.52), < 0.001 ЖҰ (айлар) Уақыт медианасыа (95% СА)b — 13.7 (10.94, 18.10) — 10.94 (8.11, 14.78) ҚҚс (95% СА) — 0.76 (0.56, 1.02) Пом = помалидомид; Бтз = бортезомиб; ТД-Декс = төмен дозадағы дексаметазон; ҮТҚ = үдеусіз тіршілік қабілеті; СА = сенімді аралық; ҚҚ = қауіптер қатынасы; ЖЖЖ = жалпы жауап жиілігі; қТЖ = қатаң толық жауап; ТЖ = толық жауап; ӨЖІЖ = өте жақсы ішінара жауап; ІЖ = ішінара жауап; МҚ = мүмкіндіктер қатынасы; ЖҰ = жауап ұзақтығы. a Медианасы Каплан-Мейер бағалауына негізделген. b 95% СА медианаға қатысты. c Кокстың пропорционалды қауіптер моделі негізінде. d p-мәні стратификацияланған лог-ранг тестіне негізделген. e Мүмкіндіктер қатынасы Пом+Бтз+ТД-Декс үшін: Бтз+ТД-Декс. f p-value мәні жас бойынша стратификацияланған Кохран-Мантель-Хензель тестіне (> 75 қарсы < = 75), алдыңғы миеломаға қарсы сызбалар санына (1 қарсы > 1) және скрининг кезіндегі бета-2-микроглобулин деңгейіне (< 3,5 мг/л қарсы ≥ 3,5 мг/л - ≤ 5,5 мг/л қарсы > 5,5 мг/л) негізделген. Емдеу ұзақтығының медианасы Пом+Бтз+ТД-Декс тобында 8.8 айды (12 емдік цикл) және Бтз+ТД-Декс тобында 4.9 айды (7 емдік цикл) құрады. ҮТҚ қатысты артықшылық бұрын бір ғана ем желісін алған пациенттерде айқынырақ болды. Миеломаға қарсы емнің алдыңғы 1 желісін алған пациенттерде ҮТҚ медианасы Пом+Бтз+ТД-Декс тобында 20.73 айды (95% СА: 15.11, 27.99) және Бтз+ТД-Декс тобында 11.63 айды құрады (95% СА: 7.52, 15.74). Қауіптің 46 %-ға төмендеуі Пом+Бтз+ТД-Декс емдеу кезінде байқалды (ҚҚ = 0.54, 95% СА: 0.36, 0.82). 1-сурет. IMWG критерийлері (стратификацияланған лог-ранг критерийі) бойынша IRAC жауабын бағалау негізіндегі үдеусіз тіршілік қабілеті (ITT популяция). Үдеусіз тіршілік қабілетінің жиілігіҮдеусіз тіршілік қабілетінің жиілігі1 = 11.20 (9.66, 13.73)2 = 7.10 (5.88, 8.48)1 = 11.20 (9.66, 13.73)2 = 7.10 (5.88, 8.48)Қауіп тобындағы пациенттер саныҚауіп тобындағы пациенттер саны1: Пом+Бтз+НД-Декс2: Бтз+НД-ДексОқиғалар: 1 = 154, 2 = 162лог-ранг критерийінің p-мәні = <0,0001 (2 жақты)ҚҚ (1 қарсы 2) (95% СА): 0.61 (0.49, 0.77)Каплан-Мейер медианасы айлармен (95% СА): 1: Пом+Бтз+НД-Декс2: Бтз+НД-ДексОқиғалар: 1 = 154, 2 = 162лог-ранг критерийінің p-мәні = <0,0001 (2 жақты)ҚҚ (1 қарсы 2) (95% СА): 0.61 (0.49, 0.77)Каплан-Мейер медианасы айлармен (95% СА): ҮТҚ – рандомизациядан бастап уақыт (айлар) Деректерді қию күні: 26 қазан 2017 жыл 2022 жылғы 13 мамырдағы деректерді қию күнін пайдаланып жүргізілген жалпы тіршілік қабілетінің (ЖТҚ) түпкілікті талдауында (бақылау кезеңінің медианасы 64,5 ай) Каплан-Мейер бағалауы бойынша ЖТҚ уақытының медианасы Пом+Бтз+ТД-Декс тобы үшін 35,6 айды және Бтз+ТД-Декс тобы үшін 31,6 айды құрады; ҚҚ = 0.94, 95% СА: -0.77, 1.15, оқиғалардың жалпы жиілігі 70.0%. ЖТҚ талдауы кейінгі емді есепке ала отырып түзетілген жоқ. Помалидомид дексаметазонмен біріктірілімде Дексаметазонмен біріктірілген помалидомидтің тиімділігі мен қауіпсіздігі III фазаның көп орталықты, рандомизацияланған, ашық зерттеуінде (CC-4047-MM-003) бағаланды, оған леналидомид пен бортезомибті қоса, кем дегенде екі алдыңғы емдеу сызбасын алған қайталанған және рефрактерлі көптеген миеломасы бар бұрын емделген ересек пациенттерде помалидомид плюс дексаметазонның төмен дозаларымен емдеу (Пом+ТД-Декс) дексаметазонның жоғары дозаларымен (ЖД-Декс) салыстырылды және соңғы емде аурудың үдегені көрсетілді. Зерттеуге барлығы 455 пациент қамтылды: Пом+ТД-Декс тобында 302 және ЖД-Декс тобында 153. Пациенттердің көпшілігі ерлер (59%) және ақ өңді (79%) болды; орташа жасы 64 жасты құрады (ең төмен: 35 жас, ең жоғары: 87 жас). Пом+ТД-Декс тобындағы пациенттер әр 28 күндік циклдың 1-ден 21-ші күніне дейін 4 мг помалидомидті пероральді қабылдады. ТД-Декс (40 мг) әр 28 күндік циклдың 1, 8, 15 және 22 күндері күніне бір рет тағайындалды. ЖД-Декс тобында дексаметазон (40 мг) әр 28 күндік циклдың 1-ден 4, 9-дан 12 және 17-ден 20 дейінгі күндері күніне бір рет тағайындалды. 75-тен асқан пациенттер емделуді 20 мг дексаметазоннан бастады. Емдеу аурудың үдеуіне дейін жалғасты. Миеломаны зерттеу жөніндегі халықаралық жұмыс тобының (IMWG) критерийлері бойынша тиімділіктің бастапқы соңғы нүктесі үдеусіз тіршілік қабілеті (ҮТҚ) болды. Емделу мақсатындағы популяцияда (ITT) Жауаптарды бағалау жөніндегі тәуелсіз комитет (IRAC) шолуының нәтижелері бойынша ҮТҚ уақыт медианасы IMWG критерийлері негізінде Пом+ТД-Декс тобында 15.7 аптаны құрады (95% СА: 13.0, 20.1); есептік 26 апталық оқиғасыз тіршілік қабілеті 35.99% (±3.46%) құрады. ЖД-Декс тобында ҮТҚ уақыт медианасы 8.0 аптаны құрады (95% СА: 7.0, 9.0); есептік 26 апталық оқиғасыз тіршілік қабілеті 12.15% (±3.63%) құрады. ҮТҚ бағалау тиісті қосалқы топтардың бірнешеуінде жүргізілді: жынысы, нәсілі, ECOG шкаласы бойынша тиімділік статусы, стратификация факторлары (жасы, ауру популяциясы, алдыңғы миеломаға қарсы ем [2, > 2]), жеке болжамдық маңызды параметрлер (бета-2-микроглобулиннің бастапқы деңгейі және цитогенетикалық қауіп), сондай-ақ алдыңғы миеломаға қарсы емге бейімділігі және рефрактерлігі. Бағалау жүргізілген қосалқы топқа байланыссыз, ҮТҚ көрсеткіштері жалпы алғанда екі емдеу тобында да ITT популяциясында байқалғандарға сәйкес болды. ITT популяциясындағы ҮТҚ туралы жиынтық деректер 9-кестеде ұсынылған. ITT популяциясындағы ҮТҚ бағалау үшін Каплан-Мейер қисығы 2-суретте берілген. 9-кесте. IMWG критерийлері (стратификацияланған лог-ранг критерийі) негізіндегі IRAC шолу деректері бойынша үдеусіз тіршілік қабілетінің уақыты (ITT популяция) Пом+ТД-Декс (N=302) — ЖД-Декс (N=153) Үдеусіз тіршілік қабілеті (ҮТҚ), N — 302 (100.0) — 153 (100.0) Цензураланған, n (%) — 138 (45.7) — 50 (32.7) Үдеу/өлім, n (%) — 164 (54.3) — 103 (67.3) Үдеусіз тіршілік қабілетінің уақыты (апталар) Медиана a — 15.7 — 8.0 Екі жақты 95% САb — [13.0, 20.1] — [7.0, 9.0] Қауіптер қатынасы (Пом+ТД-Декс: ЖД-Декс) Екі жақты 95% САc — 0.45 [0.35,0.59] Лог-ранг критерийі Екі жақты р -мәніd — <0.001 Ескертпе: СА – сенімді аралық; IRAC – жауапты бағалау жөніндегі тәуелсіз комитет; NE - бағалауға жатпайды. a Медиана Каплан-Мейер бағасына негізделді. b Үдеусіз тіршілік қабілеті уақытының медианасына қатысты 95% сенімді аралық. c Жасы бойынша (≤ 75 қарсы <75) стратификацияланған емдеу топтарымен байланысты қауіп функцияларын, аурулар популяцияларын (леналидомидке және бортезомибке рефрактерлі түрлері белсенді заттың екеуіне де рефрактерлі емес түрлеріне қарсы) және миеломаға қарсы емнің алдыңғы санын (> 2 қарсы = 2) салыстыратын Кокс пропорционалды қауіптерінің моделі негізінде. d р-мәні жоғарыда келтірілген Кокс моделіндегі сияқты стратификация факторларымен бірге стратификацияланған лог-ранг тестісіне негізделді. ЖД-ДексПом+ТД-ДексЖД-ДексПом+ТД-ДексПом+ТД-Декс қарсы ЖД-Декслог-ранг критерийінің р-мәні = <0.001 (2 жақты)ҚҚ (95% СА) 0.45 (0.35, 0.59)Оқиғалар: Пом+НД-Декс = 164/302, ВД-Декс = 103/153Пом+ТД-Декс қарсы ЖД-Декслог-ранг критерийінің р-мәні = <0.001 (2 жақты)ҚҚ (95% СА) 0.45 (0.35, 0.59)Оқиғалар: Пом+НД-Декс = 164/302, ВД-Декс = 103/153Пациенттер үлесіПациенттер үлесіДеректерді қию күні: 7 қыркүйек 2012 ж. Үдеусіз тіршілік қабілеті (апталар) Деректерді қию күні: 7 қыркүйек 2012 ж. Жалпы тіршілік қабілеті зерттеудің негізгі екіншілік соңғы нүктесі болды. Деректерді қию күнінде (07 қыркүйек 2012 ж.) Пом+ТД-Декс қабылдаған 226 пациент (74,8%) тірі болды, және ЖД-Декс қабылдаған 95 пациент (62,1%) тірі болды. Каплан-Мейер бағалауы бойынша ЖТҚ медианасына Пом+ТД-Декс үшін қол жеткізілген жоқ, бірақ ол 48 аптадан кем болмайды деп күтіледі, бұл 95% СА төменгі шекарасы болып табылады. ЖД-Декс тобы үшін ЖТҚ уақытының медианасы 34 аптаны құрады (95% СА: 23.4, 39.9). 1 жыл ішінде оқиғалардың болмауының көрсеткіші Пом+ТД-Декс тобы үшін 52.6 % (± 5.72 %) және ЖД-Декс тобы үшін 28.4 % (± 7.51 %) құрады. Екі емдеу тобы арасындағы ЖТҚ көрсеткіштерінің айырмашылығы статистикалық тұрғыда мәнді болды (p < 0,001). Жалпы тіршілік қабілеті ITT популяциясы үшін 10-кестеде келтірілген. ITT популяциясындағы ЖТҚ үшін Каплан-Мейер қисығы 3-суретте берілген. ҮТҚ және ЖТҚ соңғы нүктелерінің нәтижелеріне сүйене отырып, осы зерттеу үшін құрылған Деректерді мониторингтеу жөніндегі комитет зерттеуді аяқтауды және ЖД-Декс тобындағы пациенттерді Пом+ТД-Декс тобына ауыстыруды ұсынды. 10-кесте. Жалпы тіршілік қабілеті: ITT популяциясы Статистика — Пом+ТД-Декс (N=302) — ЖД-Декс (N=153) N — 302 (100.0) — 153 (100.0) Цензураланған — n (%) — 226 (74.8) — 95 (62.1) Өлім жағдайлары — n (%) — 76 (25.2) — 58 (37.9) Тіршілікке қабілеттілік уақыты (апталар) — Медианаа — NE — 34.0 Екі жақты 95% САb — [48.1, NE] — [23.4, 39.9] Қауіптер қатынасы (Пом+ТД-Декс: ЖД-Декс) [Екі жақты 95% САc] — 0.53 [0.37, 0.74] Лог-ранг критерийі, екі жақты p-мәніd. — <0.001 Ескертпе: СА – сенімді аралық; NE - бағалауға жатпайды. a Медиана Каплан-Мейер бағасына негізделді. b Жалпы тіршілік қабілетінің медианасына қатысты 95% сенімді аралық. c Емдеу топтарымен байланысты қауіп функцияларын салыстыратын Кокс пропорционалды қауіптерінің моделі негізінде. d р-мәні стратификацияланған лог-ранг тестісіне негізделді. Деректерді қию күні: 7 қыркүйек 2012 ж. Пом+ТД-Декс қарсы ЖД-ДексЛог-рангкритерийінің p-мәні = <0.001 (2-жақты)ҚҚ (95% СА) 0.53 (0.37, 0.74)Каплан Мейер медианасы: Пом+ТД-Декс = NE [48.1, NE]Каплан Мейер медианасы: ЖД -Декс = 34.0 [23.4, 39.9]Оқиғалар: Пом+ТД-Декс = 75/284, ЖД-Декс = 56/139Пом+ТД-Декс қарсы ЖД-ДексЛог-рангкритерийінің p-мәні = <0.001 (2-жақты)ҚҚ (95% СА) 0.53 (0.37, 0.74)Каплан Мейер медианасы: Пом+ТД-Декс = NE [48.1, NE]Каплан Мейер медианасы: ЖД -Декс = 34.0 [23.4, 39.9]Оқиғалар: Пом+ТД-Декс = 75/284, ЖД-Декс = 56/139ЖД-ДексПом+ТД-ДексЖД-ДексПом+ТД-ДексПациенттер үлесіПациенттер үлесі3-сурет. Жалпы тіршілік қабілетінің Каплан-Мейер қисығы (ITT популяция) Жалпы тіршілік қабілеті (апталар) Деректерді қию күні: 7 қыркүйек 2012 ж Балалар Дозаны жоғарылату мақсатымен жүргізілген бір рангті ашық зерттеуде помалидомидтің ең жоғары жағымды дозасы (ЖЖД) және/немесе 2 фазадағы ұсынылатын дозасы (RP2D) қайталанған 28 күндік циклдың 1-ші күнінен 21-ші күніне дейін педиатриялық пациенттер үшін ішке қабылдаған кезде күніне 2,6 мг/м2 құрады. Препараттың тиімділігі қайталанған немесе үдемелі жоғары дәрежедегі глиомасы, медуллобластомасы, эпендимомасы немесе бастапқыда орталық жүйке жүйесінде (ОЖЖ) шоғырланатын көпірдің диффуздық ішкі глиомасы (DIPG) бар 4-тен 18 жасқа дейінгі 52 балада жүргізілген 2 фазаның көп орталықты, ашық, қатарлас зерттеуінде көріністелді. 2 фазадағы зерттеу барысында ауырлығы жоғары дәрежедегі глиома тобында (N = 19) екі пациент хаттамамен анықталған жауапқа қол жеткізді; осы пациенттердің біреуі ішінара жауапқа (ІЖ), ал екіншісі – аурудың ұзақ тұрақтануына (ҰТ) жетті, соның нәтижесінде объективті жауаптың (ОЖ) және ұзақ мерзімді ҰТ жиілігі 10.5% құрады (95% СА: 1.3, 33.1). Эпендимома тобында (N = 9) бір пациент ұзақ мерзімді ҰТ қол жеткізді, соның нәтижесінде ОЖ және ұзақ мерзімді ҰТ 11.1% құрады (95% СА: 0.3, 48.2). Көпірдің диффуздық ішкі глиомасы (DIPG) тобында да (N = 9), медуллобластома тобында да (N = 9) бағаланған пациенттердің ешқайсысында расталған ОЖ немесе ұзақ мерзімді ҰТ болған жоқ. 2 фазадағы зерттеуге қатысқан 4 параллель топтардың ешқайсысы бастапқы соңғы нүктеге – объективті жауапқа немесе аурудың ұзақ тұрақтануына жете алған жоқ. Балаларда помалидомидтің жалпы қауіпсіздік бейіні ересектердегі белгілі қауіпсіздік бейініне сәйкес болды. Фармакокинетикалық (ФК) параметрлері 1 және 2 фаза зерттеулерінде ФК кешенді талдауында бағаланды және ересек пациенттерде байқалғандардан елеулі өзгешеліктері болған жоқ (5.2 бөлімін қараңыз).

Дозалау режимі Емдеу көптеген миеломаны емдеуде тәжірибесі бар дәрігерлердің бақылауымен басталып, қадағалануы керек. Дозалау режимі клиникалық және зертханалық деректерге байланысты түзетіледі. Бортезомибпен және дексаметазонмен біріктірілімде Ұсынылатын бастапқы доза 21 күндік қайталанатын циклдардың 1-ші күнінен 14-ші күніне дейін тәулігіне 1 рет 4 мг құрайды. Помалидомидті 1-кестеде көрсетілгендей бортезомибпен және дексаметазонмен біріктіріп тағайындайды. Бортезомибтің ұсынылатын бастапқы дозасы вена ішіне немесе тері астына күніне бір рет 1.3 мг/м2 құрайды, 1-кестеде көрсетілген күндері. Дексаметазонның ұсынылатын дозасы 1-кестеде көрсетілген күндері күніне бір рет пероральді 20 мг құрайды. Бортезомибпен және дексаметазонмен біріктірілімде помалидомидпен емдеуді аурудың үдеуіне дейін немесе қолайсыз уыттылық пайда болғанға дейін жүргізу қажет. 1-кесте. Бортезомибпен және дексаметазонмен біріктірілімдегі помалидомидтің ұсынылатын дозалау сызбасы 1-8 Цикл — Күн (21 күндік цикл) 1 — 2 — 3 — 4 — 5 — 6 — 7 — 8 — 9 — 10 — 11 — 12 — 13 — 14 — 15 — 16 — 17 — 18 — 19 — 20 — 21 Помалидомид (4 мг) — ● — ● — ● — ● — ● — ● — ● — ● — ● — ● — ● — ● — ● — ● Бортезомиб (1.3 мг/м2) — ● — ● — ● — ● Дексаметазон (20 мг)* — ● — ● — ● — ● — ● — ● — ● — ● 9 және одан кейінгі цикл — Күн (21 күндік цикл) 1 — 2 — 3 — 4 — 5 — 6 — 7 — 8 — 9 — 10 — 11 — 12 — 13 — 14 — 15 — 16 — 17 — 18 — 19 — 20 — 21 Помалидомид (4 мг) — ● — ● — ● — ● — ● — ● — ● — ● — ● — ● — ● — ● — ● — ● Бортезомиб (1.3 мг/м2) — ● — ● Дексаметазон (20 мг)* — ● — ● — ● — ● * 75 жастан асқан пациенттер үшін «Пациенттердің ерекше топтары» бөлімін қараңыз. Помалидомид дозасын өзгерту немесе емдеуді тоқтата тұру Помалидомидпен емдеудің жаңа циклын бастау үшін нейтрофилдердің саны ≥ 1 х 109/л, ал тромбоциттер саны ≥ 50 х 109/л болуы тиіс. Емдеуді тоқтата тұру немесе жағымсыз реакцияларға байланысты дозаны өзгерту жөніндегі нұсқау 2-кестеде келтірілген, ал дозалар деңгейі төмендегі 3-кестеде анықталған. 2-кесте. Помалидомидтің дозасын өзгерту жөніндегі нұсқаулық∞ Уыттылығы — Дозаны өзгерту Нейтропения* НАС** <0,5×109/ л немесе фебрильді нейтропения (температурасы ≥38,5 °С және НАС <1,0×109) — Помалидомидпен емдеуді циклдың соңына дейін тоқтата тұру, апта сайын ЖҚТ орындау*** НАС ≥1,0×109/ л мәндеріне дейін қалпына келтірілді — Алдыңғы дозадан 1 мг төмен дозада помалидомидпен емдеуді жалғастыру Әрбір кейінгі төмендеу үшін <0,5×109/ л — Помалидомидпен емдеуді тоқтата тұру НАС ≥1,0×109/ л мәндеріне дейін қалпына келтірілді — Алдыңғы дозадан 1 мг төмен дозада помалидомидпен емдеуді жалғастыру Тромбоцитопения Тромбоциттер саны <25,0×109/ л — Помалидомидпен емдеуді циклдың соңына дейін тоқтата тұру, апта сайын ЖҚТ орындау*** Тромбоциттер саны ≥50,0×109/ л мәніне дейін қалпына келді — Алдыңғы дозадан 1 мг төмен дозада помалидомидпен емдеуді жалғастыру Әрбір кейінгі төмендеу үшін <25,0×109/ л — Помалидомидпен емдеуді тоқтата тұру Тромбоциттер саны ≥50,0×109/ л мәніне дейін қалпына келді — Алдыңғы дозадан 1 мг төмен дозада помалидомидпен емдеуді жалғастыру Тері бөртпесі Бөртпе = 2-3 ауырлық дәрежесі — Помалидомидті қабылдауды уақытша тоқтатудың немесе тоқтатудың орындылығын бағалау керек Бөртпе = 4-дәреже немесе күлдіреуік (ангионевроздық ісінуді, анафилаксиялық реакцияны, эксфолиативті немесе буллезді бөртпені қоса немесе Стивенс-Джонсон синдромына (СДС), уытты эпидермалық некролизге (УЭН) немесе эозинофилиямен және жүйелі симптомдармен (DRESS) дәрілік реакцияға күдіктенгенде) — Помалидомидті қабылдауды тоқтату және қайта бастамау қажет Басқалар Помалидомидпен байланысты ≥ 3 ауырлық дәрежесіндегі басқа жағымсыз реакциялар — Помалидомидпен емдеуді циклдың соңына дейін тоқтата тұру. Егер емдеуші дәрігердің бағалауы бойынша жағымсыз құбылыстың ауырлығы 2-ші немесе одан да аз дәрежеге дейін төмендесе, келесі циклда емдеуді алдыңғыдан 1 мг төмен дозада қайта бастау қажет. ∞ Осы кестеде келтірілген дозаны өзгерту жөніндегі нұсқау бортезомибпен және дексаметазонмен біріктірілімдегі Помалидомидке, сондай-ақ дексаметазонмен біріктірілімдегі Помалидомидке қатысты. * Нейтропения кезінде дәрігер өсу факторы препараттарын қолдану мүмкіндігін қарастыруы тиіс; ** НАС– нейтрофилдердің абсолюттік саны; *** ЖҚТ– жалпы қан талдауы. 3-кесте. Помалидомид дозасын төмендету∞ Доза деңгейі — Помалидомидтің пероральді дозасы Бастапқы доза — 4 мг 1-деңгей дозасы — 3 мг 2-деңгей дозасы — 2 мг 3-деңгей дозасы — 1 мг ∞ Осы кестеде дозаны төмендету бортезомибпен және дексаметазонмен біріктірілімде Помалидомидке, сондай-ақ дексаметазонмен біріктірілімде Помалидомидке қолданылады. Егер жағымсыз реакциялар дозаны 1 мг дейін төмендеткеннен кейін сақталса, препаратты қабылдауды тоқтату керек. CYP1A2 күшті тежегіштері CYP1A2 изоферментінің күшті тежегіштерін (мысалы, ципрофлоксацин, эноксацин, флувоксамин) бір мезгілде қабылдаған кезде помалидомидтің дозасын 50% - ға төмендету қажет. Бортезомиб дозасын өзгерту немесе емдеуді тоқтата тұру Бортезомибпен байланысты жағымсыз реакциялар кезінде дозаны тоқтата тұру немесе төмендету жөнінде нұсқаулар алу үшін дәрігерлер Бортезомиб дәрілік препаратының жалпы сипаттамасына жүгінуі тиіс. Дексаметазон дозасын өзгерту немесе емдеуді тоқтата тұру Дексаметазонның төмен дозаларын қабылдаумен байланысты жағымсыз реакциялар кезінде дозаны тоқтата тұру немесе азайту жөніндегі нұсқаулар төмендегі 4 және 5-кестелерде келтірілген. Алайда, дозаны қабылдауды тоқтата тұру немесе қайта бастау туралы шешім дәрілік препараттың жалпы сипаттамасына сәйкес дәрігердің қалауы бойынша қабылданады. 4-кесте. Дексаметазон дозасын өзгерту жөніндегі нұсқаулық Уыттылығы — Дексаметазон дозасын өзгерту 1-2 дәрежелі диспепсия — Дозаны сақтау және гистамин (Н2) блокаторларын немесе ұқсас дәрілерді қолдану. Симптомдар сақталған кезде дозаны бір деңгейге төмендету ≥ 3 дәрежелі диспепсия — Симптомдар жеңілдегенге дейін емдеуді уақытша тоқтату. Гистамин (Н2) блокаторларын немесе ұқсас дәрілерді қосу және емдеуді қайта бастаған кезде дозаны бір деңгейге төмендету ≥3 дәрежелі ісіну — Диуретиктерді қажеттілік бойынша қолдану және дозаны бір деңгейге төмендету Сананың шатасуы және көңіл-күйдің ≥2 дәрежелі өзгеруі — Симптомдар басылғанға дейін емдеуді уақытша тоқтату. Емдеуді қайта бастаған кезде дозаны бір деңгейге төмендету ≥2-ші дәрежелі бұлшықет әлсіздігі — Бұлшықет әлсіздігінің көрсеткіші ≤1-ші дәрежеге жеткенше емдеуді уақытша тоқтату. Емдеуді қайта бастаған кезде дозаны бір деңгейге төмендету ≥3-дәрежелі гипергликемия — Дозаны бір деңгейге дейін төмендету. Инсулинді немесе пероральді гипогликемиялық дәрілерді қажетіне қарай қолдану Жедел панкреатит — Дексаметазонмен емдеуді тоқтату Дексаметазонға байланысты ≥3-дәрежелі басқа жағымсыз құбылыстар — Дексаметазонмен емдеуді жағымсыз құбылыстардың мәні ≤2-ші дәрежеге жеткенге дейін тоқтата тұру. Дозаны бір деңгейге төмендетіп, емдеуді қайта бастау Егер уытты құбылыстар 14 күннен астам сақталса, дексаметазон дозасын бір деңгейге төмендету керек. 5-кесте. Дексаметазон дозасын төмендету Доза деңгейі — ≤75 жастағы пациенттер үшін дозаны төмендету тәртібі (1-8 цикл: 21 күндік емдеу циклының 1, 2, 4, 5, 8, 9, 11, 12 күнінде ≥ 9 цикл: 21 күндік емдеу циклының 1, 2, 8, 9-күнінде) — >75 жастағы пациенттер үшін дозаны төмендету тәртібі (1-8 цикл: 21 күндік емдеу циклының 1, 2, 4, 5, 8, 9, 11, 12 21 күнінде ≥ 9 цикл: 21 күндік емдеу циклының 1, 2, 8, 9-күнінде) Бастапқы доза — 20 мг — 10 мг 1-деңгей дозасы — 12 мг — 6 мг 2-деңгей дозасы — 8 мг — 4 мг Егер пациент ≤ 75 жаста 8 мг немесе > 75 жаста 4 мг көтере алмаса, дексаметазонды тоқтату керек. Емдеу сызбасының қандай да бір компонентін тұрақты тоқтатқан жағдайда қалған дәрілік заттарды жалғастыру дәрігердің қалауымен шешіледі. Дексаметазонмен біріктірілген помалидомид Помалидомидтің ұсынылатын бастапқы дозасы қайталанатын 28 күндік циклдардың 1-ден 21-ші күні аралығында күніне бір рет пероральді 4 мг құрайды. Дексаметазонның ұсынылатын дозасы әрбір 28 күндік емдеу циклының 1, 8, 15 және 22-күндері күніне бір рет пероральді 40 мг құрайды. Дексаметазонмен біріктіріп помалидомидпен емдеуді аурудың үдеуіне дейін немесе қолайсыз уыттылық пайда болғанға дейін жүргізу керек. Помалидомид дозасын өзгерту немесе емдеуді тоқтата тұру Помалидомидпен байланысты жағымсыз реакциялар үшін дозаны тоқтата тұру немесе төмендету жөніндегі нұсқаулар 2 және 3-кестелерде келтірілген. Дексаметазон дозасын өзгерту немесе емдеуді тоқтата тұру Дексаметазонмен байланысты жағымсыз реакциялар үшін дозаны өзгерту жөніндегі нұсқаулар 4-кестеде келтірілген. Дексаметазонмен байланысты жағымсыз реакциялар үшін дозаны төмендету жөніндегі нұсқаулар төмендегі 6-кестеде келтірілген. Алайда, дозаны қабылдауды тоқтата тұру немесе қайта бастау туралы шешім дәрілік препараттың өзекті жалпы сипаттамасына сәйкес дәрігердің қалауы бойынша қабылданады. 6-кесте. Дексаметазон дозасын төмендету Доза деңгейі — ≤75 жастағы пациенттер; әрбір 28 күндік емдеу циклының 1, 8, 15 және 22-ші күндері. — >75 жастағы пациенттер; әрбір 28 күндік емдеу циклының 1, 8, 15 және 22-ші күндері Бастапқы доза — 40 мг — 20 мг 1-деңгей дозасы — 20 мг — 12 мг 2-деңгей дозасы — 10 мг — 8 мг Егер пациент ≤ 75 жаста 10 мг немесе > 75 жаста 8 мг көтере алмаса, дексаметазонды тоқтату керек. Пациенттердің ерекше топтары Балалар Көптеген миелома кезінде 0-17 жастағы балаларда Помалидомидті қолдану бойынша тиісті клиникалық деректер жоқ. Рұқсат етілген көрсетілімдерден тыс, помалидомид қайталанатын немесе үдемелі ми ісіктері бар 4-тен 18 жасқа дейінгі балаларда зерттелді, алайда, зерттеу нәтижелері осылай қолданудан болатын пайдасы қауіптерінен асып түседі деп қорытынды жасауға мүмкіндік бермеді. Қазіргі уақытта қолда бар деректер 4.8, 5.1 және 5.2 бөлімдерінде сипатталған. Егде жастағы пациенттер Помалидомидтің дозасын түзету қажет емес. • Бортезомибпен және дексаметазонмен біріктірілімдегі помалидомид 75 жастан асқан пациенттер үшін дексаметазонның бастапқы дозасы: - 1-8 Циклдар үшін: әрбір 21 күндік емдеу циклының 1, 2, 4, 5, 8, 9, 11, 12 күндері күніне бір рет 10 мг - 9 және одан әрі Цикл: әрбір 21 күндік емдеу циклының 1, 2, 8, 9 күндерінде күніне бір рет 10 мг • Дексаметазонмен біріктірілген помалидомид Помалидомидтің дозасын түзету қажет емес. 75 жастан асқан пациенттер үшін дексаметазонның бастапқы дозасы әрбір 28 күндік емдеу циклының 1, 8, 15, 22 күндерінде күніне бір рет 20 мг құрайды. Бауыр жеткіліксіздігі бар пациенттер Сарысудағы жалпы билирубин мәндері > 1,5 x ҚЖШ (қалыптың жоғарғы шегі) болатын пациенттер клиникалық зерттеулерге енгізілмеді. Бауыр жеткіліксіздігі помалидомид фармакокинетикасына орташа ықпалын тигізеді. Чайлд-Пью критерийлері бойынша анықталған бауыр жеткіліксіздігі бар пациенттер үшін бастапқы помалидомид дозасын түзету қажет емес. Алайда, бауыр жеткіліксіздігі бар пациенттер жағымсыз реакциялардың туындауына қатысты мұқият бақылауда болуы, және қажет болса, помалидомид дозасын азайту немесе қабылдауды тоқтата тұру керек. Бүйрек жеткіліксіздігі бар пациенттер Бүйрек жеткіліксіздігі бар пациенттерде Помалидомид дозасын өзгерту талап етілмейді. Гемодиализ күндері Помалидомидті емшараны орындағаннан кейін қабылдау керек. Енгізу әдісі мен жолы Ішке қабылдауға арналған. Помалид препаратын күн сайын бір уақытта қабылдау керек. Капсулаларды ашуға, сындыруға немесе шайнауға болмайды. Помалид препаратының капсулаларын тамақтануға қарамастан, сумен іше отырып, тұтастай жұту керек. Егер пациент қандай да бір күні Помалид қабылдауды ұмытып кетсе, келесі күні ол тағайындауға сәйкес әдеттегі дозаны қабылдауы керек. Пациент бір күн бұрын өткізіп алған дозаның орнын толтыру үшін препарат дозасын өзгертпеуі тиіс. Оны блистерден шығарып алу үшін капсуланың тек бір ұшынан басу ұсынылады, сол арқылы капсуланың майысып немесе сынып қалу қаупі азаяды. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Егер сізде препаратты қабылдау жөнінде қосымша сұрақтар туындаса, өз дәрігеріңізге қаралыңыз.

- әсер етуші затқа (заттарға) немесе «Құрамы» бөлімінде тізбеленген қосымша заттардың кез келгеніне аса жоғары сезімталдық - жүктілік және бала емізу кезеңі - әйелдер үшін: Жүктіліктен сақтану бағдарламасының барлық қажетті шарттары сақталған жағдайларды қоспағанда, бала туу әлеуетінің сақталуы - ерлер үшін: контрацепцияның қажетті шараларын сақтаудың мүмкін болмауы немесе сақтауға қабілетсіздігі.

Помалидомидті бортезомибпен және дексаметазонмен біріктіріп, помалидомидті дексаметазонмен біріктіріп қабылдаған пациенттерде байқалған және маркетингтен кейінгі бақылау нәтижелері бойынша жағымсыз реакциялар жіктемеге сәйкес және барлық жағымсыз реакциялардың жиіліктерін ескере отырып тізбеленген. Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100 - ˂ 1/10 дейін), жиі емес (≥1/1000 - ˂ 1/100 дейін), сирек (≥ 1/10000 - ˂ 1/1000 дейін), өте сирек (˂1/10000), белгісіз (қолда бар деректер негізінде бағалау мүмкін емес). Помалидомид/бортезомиб/дексаметазонмен біріктірілген емі Өте жиі - Пневмония - Бронхит - Жоғарғы тыныс жолдарының инфекциясы - Жоғарғы тыныс жолдарының вирустық инфекциясы - Тұмау - Несеп шығару жолдарының инфекциясы - Нейтропения - Тромбоцитопения - Лейкопения - Анемия - Гипокалиемия - Гипергликемия - Ұйқысыздық - Шеткері сенсорлық нейропатия - Бас айналуы - Тремор - Жүрекшелер фибрилляциясы - Ентігу - Диарея - Құсу - Жүрек айнуы - Іш қату - Іштің ауыруы - Бөртпе - Бұлшықет әлсіздігі - Арқаның ауыруы - Бұлшықеттің түйілуі - Қажу - Температураның жоғарылауы - Шеткері ісінулер - Жөтел Жиі - Сепсис - Сепсистік шок - Clostridium difficile тудырған колит - Тыныс алу жолдарының инфекциялары - Төменгі тыныс алу жолдарының инфекциясы - Өкпе инфекциясы - Бронхиолит - Базальді-жасушалық карцинома - Фебрильді нейтропения - Лимфопения - Гипомагниемия - Гипокальциемия - Гипофосфатемия - Гиперкалиемия - Гиперкальциемия - Депрессия - Естен тану - Шеткері сенсомоторлық нейропатия - Парестезия - Дисгевзия - Терең веналар тромбозы - Гипотензия - Гипертония - Өкпе артериясының тромбоэмболиясы - Іштің жоғарғы бөлігінің ауыруы - Стоматит - Ауыздың құрғауы - Іштің кебуі - Сүйектердің ауруы - Бүйректің жедел зақымдануы - Бүйректің созылмалы зақымдануы - Несеп іркілуі - Кеудедегі кардиальді емес ауырсыну - Ісіну - Аланинаминотрансферазаның жоғарылауы - Салмақ жоғалту - Құлау Белгісіз (қолда бар деректер негізінде бағалау мүмкін емес) - Анафилаксиялық реакция - Трансплантацияланған ауқымды ағзаның ажырауы 3-ші немесе 4-ші ауырлық дәрежесіндегі жағымсыз реакциялар Өте жиі - Пневмония - Нейтропения - Тромбоцитопения - Анемия Жиі - Бронхит - Жоғарғы тыныс алу жолдарының инфекциясы - Сепсис - Сепсистік шок - Clostridium difficile тудырған колит - Тыныс алу жолдарының инфекциясы - Төменгі тыныс алу жолдарының инфекциясы - Тұмау - Бронхиолит - Несеп шығару жолдарының инфекциясы - Лейкопения - Фебрильді нейтропения - Лимфопения - Гипокалиемия - Гипергликемия - Гипомагниемия - Гипокальциемия - Гипофосфатемия - Гиперкалиемия - Гиперкальциемия - Ұйқысыздық - Депрессия - Шеткері сенсорлық нейропатия - Естен тану - Шеткері сенсомоторлық нейропатия - Катаракта - Жүрекшелер фибрилляциясы - Гипотензия - Гипертония - Ентігу - Өкпе артериясының тромбоэмболиясы - Диарея - Құсу - Іш қату - Іштің ауыруы - Бөртпе - Бұлшықет әлсіздігі - Арқаның ауыруы - Бүйректің жедел зақымдануы - Бүйректің созылмалы зақымдануы - Несеп іркілуі - Қажу - Температураның жоғарылауы - Шеткері ісінулер - Кеудедегі кардиальді емес ауырсыну - Ісіну - Аланинаминотрансферазаның жоғарылауы - Салмақ жоғалту - Құлау Жиі емес - Өкпе инфекциясы - Базальді-жасушалық карцинома - Бас айналуы - Тремор - Терең веналар тромбозы - Жүрек айнуы - Іштің жоғарғы бөлігінің ауыруы - Стоматит - Іштің кебуі - Сүйектердің ауыруы Белгісіз - Анафилаксиялық реакция Помалидомид/дексаметазон біріктірілген емі Өте жиі - Пневмония (оппортунистік инфекцияларды қоса алғанда, бактериялық, вирустық және зеңдік инфекция) - Нейтропения - Тромбоцитопения - Лейкопения - Анемия - Тәбеттің төмендеуі - Ентігу - Жөтел - Диарея - Жүрек айнуы - Іш қату - Сүйектердің ауыруы - Бұлшықет түйілуі - Қажу - Температураның жоғарылауы - Шеткері ісінулер Жиі - Бронхит - Жоғарғы тыныс алу жолдарының инфекциялары - Нейтропениялық сепсис - Бронхопневмония - Тыныс алу жолдарының инфекциялары - Назофарингит - Белдемелі теміреткі - Фебрильді нейтропения - Панцитопения - Ангионевроздық ісіну - Есекжем - Гиперкалиемия - Гипонатриемия - Гиперурикемия - Сананың шатасу жай-күйі - Шеткері Сенсорлық Нейропатия - Бас айналуы - Тремор - Сананың бәсеңдеу жай-күйі - Бассүйекішілік қан кету - Бас айналуы - Жүрекшелер фибрилляциясы - Жүрек жеткіліксіздігі - Миокард инфаркті - Терең веналар тромбозы - Өкпе артериясының тромбоэмболиясы - Мұрыннан қан кету - Өкпенің интерстициальді ауруы - Құсу - Асқазан-ішектен қан кету - Бөртпе - Терінің қышынуы - Несеп іркілуі - Бүйрек жеткіліксіздігі - Жамбас аймағындағы ауырсыну - Аланинаминотрансферазаның жоғарылауы - Нейтрофилдер санының азаюы - Лейкоциттер санының азаюы - Тромбоциттер санының азаюы - Қандағы несеп қышқылы деңгейінің жоғарылауы Жиі емес - Терінің базальді-жасушалы карциномасы - Терінің жалпақ жасушалы карциномасы - Ісік лизисі синдромы - Инсульт - Гипербилирубинемия - Гепатит Белгісіз - В гепатиті вирусының реактивациясы - Эозинофилиямен және жүйелі симптомдармен дәрілік реакция (DRESS-синдром) - Уытты эпидермалық некролиз (УЭН) - Стивенс-Джонсон синдромы (СДС) 3-ші немесе 4-ші ауырлық дәрежесіндегі жағымсыз реакциялар Өте жиі - Пневмония (оппортунистік инфекцияларды қоса алғанда, бактериялық, вирустық және зеңдік инфекция) - Нейтропения - Тромбоцитопения - Анемия Жиі -Бронхит - Жоғарғы тыныс алу жолдарының инфекциялары - Нейтропениялық сепсис - Бронхопневмония - Тыныс алу жолдарының инфекциялары - Лейкопения - Фебрильді нейтропения - Панцитопения - Гиперкалиемия - Гипонатриемия - Гиперурикемия - Сананың шатасу жай-күйі - Сананың бәсеңдеу жай-күйі - Бас айналуы - Ентігу - Диарея - Құсу - Іш қату - Бөртпе - Сүйектердің ауыруы - Бүйрек жеткіліксіздігі - Жамбас аймағындағы ауырсыну - Қажу - Температураның жоғарылауы - Шеткері ісінулер - Кеудедегі кардиальді емес ауырсыну - Аланинаминотрансферазаның жоғарылауы - Нейтрофилдер санының азаюы - Лейкоциттер санының азаюы - Тромбоциттер санының азаюы Жиі емес - Белдемелі теміреткі - Терінің базальді-жасушалық карциномасы - Терінің жалпақ жасушалы карциномасы - Ангионевроздық ісіну - Есекжем - Тәбеттің төмендеуі - Ісік лизисі синдромы - Шеткері сенсорлық нейропатия - Бас айналуы - Тремор - Бассүйекішілік қан кету - Инсульт - Миокард инфаркті - Терең веналар тромбозы - Жөтел - Өкпе артериясының тромбоэмболиясы - Мұрыннан қан кету - Өкпенің интерстициальді ауруы - Жүрек айнуы - Асқазан-ішектен қан кету - Гипербилирубинемия - Бұлшықеттің түйілуі - Несеп іркілуі - Қандағы несеп қышқылы деңгейінің жоғарылауы Белгісіз - В гепатиті вирусының реактивациясы - Эозинофилиямен және жүйелі симптомдармен дәрілік реакция (DRESS-синдром) - Уытты эпидермалық некролиз (УЭН) - Стивенс-Джонсон синдромы (СДС) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Помалидомид дені сау еріктілерде бір реттік 50 мг дозаларда артық дозалануға байланысты күрделі жағымсыз реакциялар туралы хабарламаларсыз зерттелді. Помалидомид көптеген миеломасы бар пациенттерде де күн сайын қайталап қабылдау кезінде күніне бір рет 10 мг дейінгі дозаларда артық дозалануға байланысты күрделі жағымсыз реакциялар туралы хабарламаларсыз зерттелді. Дозаны шектейтін уыттылық миелосупрессия болып табылады. Зерттеулерде помалидомидтің гемодиализ кезінде шығарылатыны байқалды.

- Помалидомидті жүктілік кезінде қабылдауға болмайды, өйткені тератогендік әсер күтіледі - құрамында маннитол болғандықтан, ол орташа әлсірететін әсерге ие - 18 жасқа дейінгі балалар (бояғыштар бар болғандықтан) Арнайы сақтандырулар Тератогендігі Помалидті жүктілік кезінде қабылдауға болмайды, өйткені тератогендік әсер күтіледі. Помалидомид ауыр, өмірге қауіп төндіретін туа біткен ақауларды туындататын, адам үшін белгілі тератоген талидомидке құрылымдық жағынан ұқсас. Негізгі органогенез кезеңінде помалидомидтің тератогендік әсері оны егеуқұйрықтар мен қояндарда қолданған кезде анықталды. Егер пациент әйелдің бала туу әлеуеті жоқ екеніне сенімді дәлелдер болмаса, жүктілікті болдырмау бағдарламасының шарттары барлық пациент әйелдер үшін орындалуы тиіс. Бала туу әлеуеті сақталмаған әйелдерге арналған критерийлер Әйел-пациент немесе ер пациентке сексуалдық серіктес әйел аталған факторлардың ең болмағанда біреуі болған кезде бала тууға қабілетті деп есептелмейді: • жасы ≥50 жас және табиғи аменорея ұзақтығы ≥1 жыл (ісікке қарсы ем салдарынан немесе бала емізу кезеңіндегі аменорея бала туу әлеуетінің болуын жоққа шығармайды); • гинеколог-дәрігер растаған аналық бездің ерте жеткіліксіздігі; • анамнездегі екі жақты сальпингоофорэктомия немесе гистерэктомия; • XY генотипі, Тернер синдромы, жатырдың анатомиялық ақауы. Кеңес беру Келесі пайымдаулардың бірі қате болған жағдайда бала туу әлеуеті сақталған әйелдерде помалидомидті қолдануға болмайды:Әйел:• помалидомидтің шаранаға тератогендік әсер ету мүмкіндігін түсінуі;• емдеу басталғанға дейін 4 апта бойы, емдеу кезінде және помалидомидпен емдеу аяқталғаннан кейін 4 апта бойы контрацепцияның тиімді әдістерін тұрақты пайдалану қажеттілігін түсінуі; • аменорея жағдайында да тиімді контрацепцияның барлық ережелерін сақтауы;• тиімді контрацепцияның барлық ережелерін сақтауға қабілетті болуы;• помалидомид қабылдау аясында жүктілік басталған жағдайда болуы мүмкін салдарларды, сондай-ақ жүктілік басталғанына күдік туындаған кезде кеңес алу үшін шұғыл жүгіну қажеттілігін білуі және түсінуі; • жүктілік сынағының теріс нәтижелерін алғаннан кейін помалидомидті қабылдауды шұғыл бастау қажеттілігін түсінуі; • жүктілік сынағын өткізу қажеттілігін түсінуі және хирургиялық стерилизациясы расталған әйелдерді қоспағанда, оны әр 4 апта сайын орындауы;• помалидомидті қабылдауға байланысты қауіп пен қажетті сақтық шараларын түсінетіндігін растауы тиіс. Дәрігер бала туу әлеуеті сақталған әйелдің: • оның түсіну деңгейі талапқа сай екенін растауды қоса, Жүктілікті болдырмау бағдарламасының шарттарын пациент-әйелдің сақтайтынына;• жоғарыда келтірілген шарттарға келісетініне көз жеткізуі тиіс. Ерлерде қолдану Ерікті ерлердегі помалидомидтің фармакокинетикасын зерттеу деректері помалидомидтің емдеу кезінде пациенттің ұрық сұйықтығында болуы мүмкін екенін көрсетеді. Сақтық шарасы ретінде және шығарылу уақыты ұлғайған болуы ықтимал пациенттердің ерекше топтарын, мысалы, бауыр жеткіліксіздігі бар пациенттерді назарға ала отырып, помалидомид қабылдайтын барлық ерлер мынадай шарттарды сақтауы тиіс: Ер адам: • жүкті әйелмен немесе бала туу әлеуеті сақталған әйелмен жыныстық қатынас кезінде помалидомидтің тератогендік әсерінің ықтимал қаупін түсінуі;• жүкті әйелмен немесе бала туу мүмкіндігі сақталған, контрацепцияның сенімді әдістерін пайдаланбайтын әйелмен жыныстық қатынас кезінде, емдеудегі үзіліс кезінде және емдеуді тоқтатқаннан және/немесе аяқтағаннан кейін 7 күн ішінде мүшеқаптарды пайдалану қажеттілігін түсінуі. Бұл ұсыным вазэктомиядан кейінгі ер адамдарға да қатысты, олар сонымен бірге жүкті әйелмен немесе ұрпақ өрбіту әлеуеті сақталған әйелмен жыныстық қатынас кезінде мүшеқапты қолдануы керек, өйткені сперматозоидтар болмаған кезде де оның ұрық сұйықтығында помалидомид болуы мүмкін. • егер оның серіктес әйелі помалидомидпен емделу кезінде немесе помалидомидпен емдеуді тоқтатқаннан кейін 7 күн ішінде жүкті болса, ол бұл туралы емдеуші дәрігеріне дереу хабарлауы керектігін түсінуі тиіс, ал оның серіктес әйеліне тексерілу және кеңес алу үшін тератолог-дәрігерге жүгіну ұсынылады. Контрацепция ережелері Бала туу әлеуеті сақталған әйелдер емдеу басталғанға дейін 4 апта бойы, емдеу кезінде және помалидомидпен емдеу аяқталғаннан кейін 4 апта бойы, тіпті емдеуде үзіліс болған жағдайда да контрацепцияның тиімділігі жоғары әдістерінің бірін пайдалануы тиіс. Ұзақ уақыт бойы жыныстық қатынастардан толықтай бас тартатыны ай сайын расталатын пациент әйелдерге бұның қатысы жоқ. Егер пациент әйелге контрацепцияның тиімді әдісі таңдалмаса, оны контрацепция әдісін таңдау және оны қолдануды бастау үшін гинекологқа жіберу қажет. Контрацепцияның жоғары тиімді әдістеріне мыналар жатады: • тері астындағы гормондық импланттар;• левоноргестрел бөлетін жатырішілік жүйелер;• медроксипрогестерон ацетатының депо-препараттары;• жатыр түтігін байлау;• вазэктомиядан өткен серіктеспен жыныстық қатынас; вазэктомия ұрық сұйықтығының екі теріс нәтижелі талдаумен расталады;• құрамында прогестерон бар овуляцияны тежейтін таблеткалар (мысалы, дезогестрел). Біріктірілген пероральді контрацептивтерді қабылдау помалидомидпен және дексаметазонмен емдеу аясында тромбоэмболиялық асқынулардың жоғары қаупіне байланысты көптеген миеломамен ауыратын науқастарға ұсынылмайды. Егер пациент әйел біріктірілген пероральді контрацептивтерді пайдаланса, оны жоғарыда аталған контрацепцияның тиімді әдістерінің біріне ауыстыру керек. Тромбоэмболия дамуының жоғары қаупі біріктірілген ұрықтануға қарсы дәрілерді қабылдауды тоқтатқаннан кейін 4-6 апта бойы сақталады. Гормондық ұрықтануға қарсы препараттардың тиімділігі дексаметазонды бір мезгілде тағайындау кезінде төмендеуі мүмкін. Левоноргестрелді шығаратын тері астындағы гормондық импланттар немесе жатырішілік жүйелер орнату кезінде инфекциялық асқынулардың жоғарылау қаупімен және тұрақты емес қынаптық қан кетулермен байланысты. Контрацепцияның осы әдістерін пайдаланатын нейтропениясы бар пациент әйелдерге антибиотиктерді профилактика түрінде тағайындау керек. Мыс бөлетін жатырішілік жүйелерді пайдалану, әдетте, имплантация кезіндегі инфекциялық асқынулардың даму қаупінің жоғары болуына және етеккір кезінде қан жоғалтудың жоғарылауына байланысты ұсынылмайды, бұл нейтропенияның немесе тромбоцитопенияның айқындығын күшейтуі мүмкін. Жүктілікке тест өткізу Қабылданған тәжірибеге сәйкес, ең төмен сезімталдығы 25 мХБ/мл болатын жүктілікке арналған тесттерді бала туу әлеуеті сақталған барлық әйелдер, соның ішінде жыныстық қатынастан толық және ұзақ уақыт бойы бас тартқандар дәрігердің бақылауымен жүргізуі керек. Ұсыныстарға сәйкес, жүктілікке тест өткізу, препаратты тағайындау және беру бір күн ішінде жүргізілуі тиіс. Бала туу әлеуеті сақталған әйел емдеу тағайындалғаннан кейін 7 күннен кешіктірмей помалидомид алуы тиіс. Емдеу басталғанға дейін Пациент әйел 4 немесе одан да көп апта бойы контрацепцияның тиімді әдісін қолданғаннан кейін, тест емдеуші дәрігердің бақылауымен помалидомид тағайындалған күні немесе емдеуші дәрігерге барардан 3 күн бұрын орындалады. Тест пациент әйелде помалидомидті қабылдау басталған кезде жүктілік жоқ екенін растауы тиіс. Емдеу кезінде және одан кейін Хирургиялық стерилизациясы расталған әйелдерді қоспағанда, дәрігердің бақылауымен жүктілік сынағын емдеу аяқталғаннан кейінгі 4 аптаны қоса алғанда, әрбір 4 апта сайын қайталау керек. Тесттер дәрігерге баратын күні немесе барар алдында 3 күн ішінде жасалады. Қосымша сақтандыру шаралары Пациенттер осы дәрілік препаратты басқа адамдарға беруге үзілді-кесілді тыйым салынатын туралы хабардар етілуі тиіс. Емдеу аяқталғаннан кейін пайдаланылмаған препаратты медициналық мекемеге қайтару ұсынылады. Пациенттерге емдеудің бүкіл уақыты ішінде (емдеудегі үзілістерді қоса алғанда) және помалидомидті қабылдау аяқталғаннан кейін 7 күн ішінде қан, ұрық немесе шәуһет донорлары болуға рұқсат етілмейді. Медициналық қызметкерлер және күтім жасайтын тұлғалар блистермен немесе капсуламен жұмыс істеу кезінде бір реттік қолғаптар киюі тиіс. Жүкті немесе жүкті болуым мүмкін деп күдіктенетін әйелдер блистерлермен немесе капсулалармен жұмыс істемеуі тиіс. Оқыту материалдары, препаратты тағайындаудағы және берудегі шектеулерПациенттерге помалидомидтің шаранаға әсерін болдырмауға көмектесу үшін тіркеу куәлігінің иесі медициналық қызметкерлерге помалидомидтің күтілетін тератогенділігіне қатысты сақтық шаралары, ем басталар алдындағы контрацепция тәсілдері бойынша оқыту материалдарын және жүктілікке қажетті тесттерді өткізу жөніндегі нұсқаулықты ұсынады. Дәрігер пациентті помалидомидтің күтілетін тератогендік қаупі және Жүктілікті болдырмау бағдарламасына сәйкес жүктіліктің алдын алу жөніндегі қатаң шаралар туралы хабардар етуі және пациентті оқыту кітапшасымен, пациенттің карточкасымен және/немесе пациенттер карточкаларының ұлттық жүйесіне сәйкес баламалы құралмен қамтамасыз етуі тиіс. Бақыланатын тарату жүйесі пациенттердің карточкаларын және/немесе препаратты тағайындауды және/немесе беруді бақылауға арналған баламалы құралды пайдалануды, сондай-ақ препараттың тағайындалуы бойынша пайдаланылмауына мониторингті жасау мақсатымен көрсетілімдерге қатысты ақпарат жинауды қамтиды. Жүктілікке тест өткізуді, препаратты тағайындау және беруді бір күнде жүргізу ұсынылады. Бала туу әлеуеті сақталған әйелдерге помалидомид беру ем тағайындалғаннан және дәрігердің бақылауымен орындалған жүктілікке тест өткізудің теріс нәтижесін алғаннан кейін 7 күннен кешіктірілмей жүргізілуі тиіс. Бала туу әлеуеті бар әйелдерге арналған рецептілер көрсетілімдер бойынша бекітілген дозалау режимдеріне сәйкес емдеудің ең жоғары 4 апта ұзақтығына, ал қалған барлық пациенттер үшін рецептілер емдеудің ең жоғары 12 апта ұзақтығына есептелуі мүмкін. Гематологиялық асқынулар 3-ші немесе 4-ші ауырлық дәрежесіндегі жағымсыз құбылыстар тобында қайталанатын/резистентті көптеген миеломасы бар пациенттерде нейтропения неғұрлым жиі тіркеледі; жиілігі бойынша келесі – анемия және тромбоцитопения. Пациенттерде жағымсыз гематологиялық реакцияларды, әсіресе нейтропенияны мониторингтеу қажет. Пациенттерге температураның жоғарылауы туралы уақытылы мәлімдеу қажеттілігі туралы хабарлау керек. Дәрігерлер пациенттерді мұрыннан қан кетуді қоса, жоғары қанағыштық симптомдарына қатысты, әсіресе қан кету қаупін арттыратын препараттармен қатарлас ем кезінде бақылауы тиіс. Толық қан талдауын емдеу басталғанға дейін, содан кейін апта сайын – емдеудің алғашқы 8 аптасында, содан кейін айына 1 рет жасау қажет. Помалидомидтің дозасын өзгерту қажет болуы мүмкін. Пациенттерге қан алмастырғыштарды және/немесе өсу факторы препараттарын қолдану қажет болуы мүмкін. Тромбоэмболиялық асқынулар Пациенттерде бортезомибпен және дексаметазонмен біріктіріп немесе дексаметазонмен біріктіріп помалидомидпен емдеу кезінде веналық тромбоэмболиялық бұзылулар (негізінен терең веналардың тромбозы және өкпе артериясының тромбоэмболиясы – ӨАТЭ) және артериялық тромбоздық бұзылулар (миокард инфаркті және инсульт) дамыды. Алдыңғы тромбоздарды қоса алғанда, тромбоэмболияның қауіп факторлары бар пациенттер мұқият бақылауда болуы тиіс. Қауіп факторларын (мысалы, шылым шегу, гипертензия, гиперлипидемия) барынша азайту үшін барлық мүмкін шараларды қабылдау қажет. Пациенттер мен дәрігерлер тромбоэмболияның белгілері мен симптомдарын бақылауы тиіс. Пациенттерге ентігу, кеуденің ауыруы, қол мен аяқтың ісінуі сияқты симптомдар пайда болған кезде медициналық көмекке жүгіну керектігін ескерту қажет. Қарсы көрсетілімдер болмаған кезде, әсіресе тромбоз қаупінің қосымша факторлары бар пациенттерде антикоагулянттармен (ацетилсалицил қышқылы, варфарин, гепарин немесе клопидогрел сияқты) емдеу ұсынылады. Профилактикалық шараларды жүргізу туралы шешім әрбір пациентте қауіп факторларын мұқият бағалаудан кейін қабылданады. Клиникалық зерттеулерде пациенттер профилактикалық түрде ацетилсалицил қышқылын немесе басқа да тромбозға қарсы ем қабылдады. Эритропоэздік дәрілерді қолдану тромбоэмболияны қоса алғанда, тромбоздық асқынулардың қаупімен қатар жүреді. Демек, эритропоэздік препараттар, сондай-ақ тромбоэмболия қаупін арттыруы мүмкін басқа да дәрілер сақтықпен қолданылуы тиіс. Қалқанша бездің бұзылулары Гипотиреоз жағдайлары туралы хабарланды. Емдеуді бастар алдында қалқанша без функциясына ықпал ететін қатарлас ауруларды оңтайлы бақылау ұсынылады. Қалқанша без функциясына базалық және тұрақты мониторинг ұсынылады. Шеткері нейропатия ≥2 ауырлық дәрежесіндегі шеткері нейропатиясы бар пациенттер помалидомидтің клиникалық зерттеулеріне енгізілмеген. Мұндай пациенттерге Помалидпен емдеуді тағайындау туралы мәселені шешу кезінде сақтық таныту қажет. Жүрек функциясының айқын бұзылуы Жүрек функциясының айқын бұзылулары бар пациенттер (іркілісті жүрек жеткіліксіздігі (NYHA (Нью-Йорк кардиологиялық қауымдастығы) бойынша III немесе IV класс)); зерттеу басталғанға дейін 12 ай ішіндегі миокард инфаркті; тұрақсыз немесе нашар бақыланатын стенокардия) клиникалық зерттеулерге помалидомидті қоспаған. Жүрек жеткіліксіздігі түріндегі асқынулар, оның ішінде іркілісті жүрек жеткіліксіздігі, өкпе ісінуі және жүрекшелер фибрилляциясы, негізінен жүрек жеткіліксіздігі немесе жүрек ауруының қауіп факторлары бар пациенттерде байқалды. Помалидомидпен емдеуді тағайындау туралы мәселені шешкен кезде мұндай пациенттерге жүрек жеткіліксіздігінің симптомдарын анықтау үшін тұрақты тексерулерді қоса алғанда, сақтық таныту керек. Ісік лизисі синдромы Ісік лизисі синдромының ең үлкен қаупі емдеу басталған кезде үлкен ісік жүктемесі бар пациенттерде болады. Бұл пациенттерді тиісті профилактикалық шараларды қолдана отырып, мұқият бақылау ұйымдастырылуы керек. Басқа жерге орналасқан бастапқы ісіктер Помалидомид қабылдаған пациенттерде терінің меланоциттік емес қатерлі ісігі сияқты басқа жерге орналасқан бастапқы қатерлі ісіктердің пайда болуы тіркелді. Дәрігер пациенттерді емдеуге дейін және емдеу кезінде басқа жерге орналасқан бастапқы ісігін анықтау үшін жаңа түзілімдерді скринингтеудің стандартты әдістерінің көмегімен мұқият тексеруі және қажет болған жағдайда тиісті емдеуді тағайындауы тиіс. Аллергиялық реакциялар және терінің ауыр реакциялары Помалидомидті қолдану аясында ангионевроздық ісіну, анафилаксиялық реакция және СДС, УЭН және DRESS қоса алғанда, терінің ауыр реакциялары тіркелді. Пациенттерге осы реакциялардың белгілері мен симптомдары туралы хабарлануы және осындай симптомдар пайда болған кезде дереу медициналық көмекке жүгіну қажеттігі туралы ескертілуі тиіс. Помалидомидпен емдеуді эксфолиативті немесе буллезді бөртпе дамығанда немесе СДС, УЭН және DRESS-ке күдік туғанда тоқтату керек. Жоғарыда көрсетілген реакциялар шешілгеннен кейін емдеу қайта басталмауы тиіс. Анамнезінде талидомидке немесе леналидомидке күрделі аллергиялық реакциялары бар пациенттер помалидомидтің клиникалық зерттеулеріне енгізілмеген. Мұндай пациенттерде аса жоғары сезімталдық реакцияларының даму қаупі жоғары болуы мүмкін және помалидомид қабылдамауы тиіс. 2-3-дәрежелі ауырлықтағы тері бөртпесі пайда болған жағдайда помалидомидпен емдеуді уақытша тоқтату немесе тоқтату мүмкіндігін қарастыру керек. Ангионевроздық ісіну және анафилаксиялық реакция дамыған жағдайда помалидомидті мүлде тоқтату керек. Бас айналуы және сананың шатасуы Помалидті қабылдау аясында бас айналуы және сананың шатасуы пайда болғаны туралы хабарламалар бар. Пациенттер бас айналуы және сананың шатасуы проблема туындатуы мүмкін жағдайлардан аулақ болуы керек және алдын-ала медициналық кеңессіз осындай бұзылуларды тудыруы мүмкін басқа дәрілік препараттарды қабылдамауы керек. Өкпенің интерстициальді ауруы (ӨИА) ӨИА және басқа да ұқсас құбылыстар, пневмонит жағдайларын қоса, помалидомидпен емдеу аясында байқалды. Жедел симптомдары бар немесе өкпе симптоматикасының түсініксіз нашарлауы бар пациенттерге ӨИА-ны болдырмау үшін мұқият тексеру жүргізу керек. Осы тексеру барысында помалидомидпен емдеу тоқтатылуы тиіс, ал ӨИА диагнозы расталған кезде тиісті ем тағайындалады. Помалидомидпен емдеуді пайда мен қауіпті мұқият бағалағаннан кейін ғана қайта бастауға болады. Бауыр аурулары Аланинаминотрансфераза белсенділігінің және билирубин концентрациясының айқын жоғарылауы помалидомид қабылдаған пациенттерде байқалды. Помалидомидпен емдеуді тоқтатуға әкеліп соққан гепатит жағдайлары да тіркелген. Бауыр функциясын тұрақты бақылау помалидомидпен емдеудің алғашқы 6 айы ішінде, ал кейіннен – клиникалық көрсетілімдер бойынша ұсынылады. ИнфекцияларБұрын В гепатиті вирусын жұқтырған пациенттерде дексаметазонмен біріктіріп помалидомидпен емдеу кезінде В гепатиті вирусының (НВ) реактивациясының сирек жағдайлары туралы хабарланды. Бірнеше жағдайларда гепатиттің бауырдың жедел жеткіліксіздігіне дейін өршуі байқалды, соның нәтижесінде помалидомид тоқтатылды. Помалидомидпен емдеуді бастамас бұрын В гепатиті вирусының болуы мен белсенділігіне тест жүргізу қажет. В гепатиті вирусының болуына тест нәтижесі оң пациенттер үшін В вирустық гепатиті бар пациенттерді емдеу тәжірибесі бар дәрігердің кеңесін алу ұсынылады. Анти-НВс-ангигенге тест нәтижесі оң, бірақ HBs-антигенге тест нәтижесі теріс пациенттерді қоса, В вирустық гепатитін бастан өткерген пациенттерде помалидомид пен дексаметазонды біріктіріп қолданған кезде сақ болу керек. Мұндай пациенттерді В гепатиті вирусынан туындаған белсенді аурудың белгілері мен симптомдарын уақтылы анықтау үшін емнің барлық курсы ішінде мұқият бақылау қажет. Үдемелі мультифокальді лейкоэнцефалопатия (ҮМЛ) Помалидомидпен емдеу кезінде өлімге ұшырау жағдайларын қоса, үдемелі мультифокальді лейкоэнцефалопатия жағдайлары тіркелді. Помалидомидпен емдеу басталған соң бірнеше айдан немесе бірнеше жылдан кейін ҮМЛ туралы хабарланды. Ауру жағдайлары, әдетте, бір мезгілде дексаметазонды немесе емдеу алдында басқа иммуносупрессиялық химиялық препараттарды қабылдаған пациенттерде байқалды. Дәрігерлер пациенттерді жүйелі қадағалауы және жаңа немесе нашарлай беретін неврологиялық симптомдары, когнитивті немесе мінез-құлықтық белгілері немесе симптомдары бар пациенттерде ҮМЛ-ді дифференциялық диагноз ретінде қарастыруы тиіс. Сонымен қатар пациенттерге өзінің емделіп жүргені жөнінде серіктесіне немесе күтім жасайтын тұлғаларына айтуға кеңес беру керек, өйткені олар пациенттің өзі күмәнданбайтын симптомдарды байқауы мүмкін. ҮМЛ бағалау неврологиялық тексеруге, мидың магнитті-резонансты томографиясына және жұлын сұйықтығын полимеразалық тізбекті реакция (ПТР) әдісімен немесе JCV талдауы арқылы ми биопсиясымен JC вирусы (JCV) ДНҚ-сына талдауға негізделуі тиіс. JCV бойынша ПТР теріс нәтижесі ҮМЛ жоққа шығармайды. Егер баламалы диагнозды анықтау мүмкін болмаса, қосымша қадағалау және тексеру орынды болуы мүмкін. ҮМЛ күмән тудырғанда әрі қарай дозалауды ҮМЛ жоққа шығарылғанға дейін тоқтата тұру қажет. Егер ҮМЛ расталса, помалидомид қабылдау біржола тоқтатылуы тиіс. Қосымша заттар Препараттың құрамында қосымша заттар бар, олар клиникалық маңызды әсерін тигізуі мүмкін: Натрийдің мөлшері Бұл препараттың 1 капсуласында 1 ммольден аз (23 мг) натрий бар, яғни, іс жүзінде натрий жоқ. Калий мөлшері Бұл препараттың құрамында 1 капсулада 1 ммольден аз (39.1 мг) калий бар, яғни шын мәнінде калий жоқ. Маннитол Орташа босаңсытатын әсер. Пропиленгликоль Пропиленгликоль ақ және қара сиялардың құрамына кіреді, оның мөлшері мардымсыз. Егер Сіз жүкті болсаңыз немесе бала емізіп жүрсеңіз, мұны емдеуші дәрігер ұсынған жағдайда болмаса, бұл дәрілік препаратты қабылдамаңыз. Бұл дәрілік препаратты қабылдау кезінде емдеуші дәрігер қосымша тексеру жүргізуі мүмкін. Егер Сізде бауыр немесе бүйрек ауруы болса, мұны емдеуші дәрігер ұсынған жағдайда болмаса, бұл дәрілік препаратты қабылдамаңыз. Бұл дәрілік препаратты қабылдау кезінде емдеуші дәрігер қосымша тексеру жүргізуі мүмкін. Осы дәрілік препараттың құрамындағы пропиленгликоль алкоголь сияқты әсер туғызып, жағымсыз реакциялардың даму ықтималдығын арттыруы мүмкін. FD&C Red 3 (эритрозин (E127)) және FD&C Blue 2 (индигокармин) бояғыштары Препаратты қалқанша бездің патологиясы бар пациенттерге тағайындауға және қолдануға болмайды. Балаларға арналған дәрілік препараттарда қолдануға тыйым салынған. Бала туу әлеуеті сақталған әйелдер / ерлер мен әйелдердегі контрацепция Бала туу әлеуеті сақталған әйелдер контрацепцияның тиімді әдісін пайдалануы тиіс. Егер жүктілік Помалид қабылдаған әйелде пайда болса, емдеуді тоқтату керек және пациент әйел бағалау және кеңес беру үшін тератологияға маманданған немесе тәжірибесі бар дәрігерге жіберілуі керек. Егер жүктілік Помалид қабылдаған ер жынысты пациенттің серіктесінде пайда болса, әйел жынысты серіктесін бағалау және кеңес беру үшін тератологияға маманданған немесе тәжірибесі бар дәрігерге жіберу ұсынылады. Помалид ұрық сұйықтығында болады. Сақтық шарасы ретінде Помалидо қабылдаған барлық ер жынысты пациенттер емдеудің барлық кезеңінде, препаратты қабылдаудағы үзіліс кезінде және емдеуді тоқатқаннан кейін 7 күн ішінде, егер серіктес әйел жүкті болса немесе бала туу әлеуеті бар әрі контрацепция құралдары жоқ болса, мүшеқаптарды қолдануы керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Помалид көлік құралдары мен механизмдерді басқару қабілетіне болмашы немесе орташа әсер етеді. Помалид препаратының қажу, мәңгіру, сананың шатасуы және бас айналуы сияқты кейбір жағымсыз әсерлері автокөлікті жүргізу қабілетіне және зейін қоюдың жоғарылығы мен психомоторлық реакциялардың жылдамдығын қажет ететін қауіптілігі зор әрекет түрлерін орындауға теріс әсер етуі мүмкін. Мұндай жағымсыз құбылыстар пайда болған кезде аталған қызмет түрлерін орындаудан бас тарту керек.

Помалид адамдарда тератогендік әсерге ие болуы мүмкін. Жүктілік кезінде және бала туу әлеуеті сақталған әйелдерде, жүктіліктен сақтанудың барлық жағдайларын сақтай отырып қолдану жағдайларын қоспағанда, препаратты қолдануға болмайды. Помалидомидтің адамның емшек сүтімен бөлінетіні анықталған жоқ. Жаңа туған нәрестелерге помалидомидтің жағымсыз әсер ету мүмкіндігін ескере отырып, емізудің және ана үшін емдеудің маңыздылығына мән беріп, бала емізуді не болмаса препаратты қабылдауды тоқтату керек.

Помалидтің басқа дәрілік препараттарға әсері Помалидомид Р450 цитохромы изоферменттерінің бәсеңдеуімен немесе индукциясымен немесе осы ферменттердің субстраттарымен немесе тасымалдаушыларымен бірге қолданған кезде тасымалдау жүйелерінің белсенділенуімен немесе бәсеңдеуімен байланысты клиникалық маңызды фармакокинетикалық дәрілік өзара әрекеттесулер туғызбайды деп саналады. Біріктірілген пероральді контрацептивтердің фармакокинетикасына помалидомидтің ықпалын қоса, осындай дәрілік өзара әрекеттесулердің мүмкіндігі клиникалық тұрғыдан бағаланбады. Басқа дәрілік препараттардың Помалидке әсері Помалидомид CYP1A2 және CYP3A4/5 изоферменттерімен ішінара метаболизденеді және P-gp үшін субстрат болып табылады. CYP3A4/5 және P-gp күшті тежегіші кетоконазолмен немесе CYP3A4/5 күшті индукторы карбамазепинмен помалидомидті біріктіріп қолдану клиникалық тұрғыдан помалидомидтің әсеріне айтарлықтай ықпал еткен жоқ. Кетоконазолдың қатысуымен CYP1A2 күшті тежегіші флувоксаминді бірге қолдану помалидомид + кетоконазол біріктірілімімен салыстырғанда помалидомидтің әсерін 90% СА кезінде орта есеппен 107% - ға [91-124%] арттырды. CYP1A2 изоферментінің тежегіші флувоксамин мен помалидомидті біріктіріп қолдану кезінде метаболизмнің өзгеруіне CYP1A2 тежегішінің әсерін басқа бір зерттеуде помалидомидтің орташа экспозициясы помалидомидті монотерапия ретінде қолданумен салыстырғанда 125%-ға [90% СА 98-157%] артты. Егер CYP1A2 изоферментінің күшті тежегішін (мысалы, ципрофлоксацин, эноксацин немесе флувоксамин) помалидомидпен бірге қолданса, помалидомидтің дозасын 50% - ға азайту қажет. Дексаметазон Көптеген миеломасы бар пациенттерде 4 мг дейінгі қайталама дозаларда помалидомидпен және 20-40 мг дозаларда дексаметазонмен (CYP3A қоса алғанда, кейбір CYP изоферменттерінің әлсіз/орташа индукторы) біріктірілген ем помалидомид монотерапиясымен салыстырғанда помалидомид фармакокинетикасының бұзылуымен қатар жүрген жоқ. Дексаметазонның варфаринге әсері зерттелмеген, сондықтан біріктірілген ем аясында варфарин концентрациясын бақылау ұсынылады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30ºС-ден аспайтын температурада сақтау керек. Балалардың қолы жетпейтін жерде сақтау керек!