Порталак сироп 667 мг/мл

100мл препараттың құрамында: белсенді зат - сұйық лактулоза 66.7 г; қосымша зат: жоқ. Сыртқы түрінің, иісінің, дәмінің сипаттамасы Түссізден қоңырлау-сары түске дейінгі мөлдір тұтқыр сұйықтық.

- іш қатулар: жуан ішектің физиологиялық ырғағын реттеу - медициналық мақсатта нәжістің жұмсаруын қажет ететін жағдайларда (мысалы, геморрой, жуан ішек және перианальді аймаққа жасалған операциядан кейінгі жағдайларда) - бауыр энцефалопатиясы: ересектерде бауыр комасын немесе прекомасын емдеуде және профилактикасында

ATХ коды A06AD11 Әсер ету механизмі Лактулозаны жуан ішектің ішектік флорасы төмен молекулалық органикалық қышқылдарға ыдыратады, бұл рН төмендеуіне және осмостық қысымның артуына және соның салдарынан ішек ішіндегісінің көлемінің артуына әкеледі. Көрсетілген әсерлер ішектің жиырылуын күшейтеді және нәжістің консистенциясына әсер етеді. Іштің қатуы қайтады және жуан ішектің босауының физиологиялық ырғағы қалпына келеді. Бауыр энцефалопатиясы кезінде ацидофильді бактериялар (мысалы, лактабактериялар) санының артуы арқылы протеолитикалық бактериялардың бәсеңдеуі, жуан ішектің ішіндегісінің қышқылдану есебінен аммиактың иондық түріне өтуі, жуан ішекте рН төмендеуі салдарынан ішектің босауы және осмостық әсері, сондай-ақ бактериялық ақуыздық синтез үшін аммиакты утилизациялайтын бактерияларды ынталандыру арқылы құрамында азот бар уытты заттардың азаю әсері беріледі. Бұл мәнмәтінде, алайда, бір ғана гипераммонемия бауыр энцефалопатиясының психоневрологиялық көріністерін түсіндіре алмайтынын түсінген жөн. Дегенмен аммиак басқа азотты заттар үшін модельді қосылыстың қызметін атқаруы мүмкін. Лактулоза сондай-ақ пребиотикалық әсер көрсетеді. Лактулоза ішектің қорғанысты физиологиялық флорасының (мысалы, бифидабактериалар, лактобактериялар) өсуі мен белсенділігін күшейтеді, бұл кезде Clostridium және Escherichia coli өсуі тежеледі, бұл ішек флорасының жағымды теңгерімін қамтамасыз етеді.

Дозалау режимі Дозаны пациенттің жеке қажеттіліктеріне сәйкес анықтаған жөн. Іш жүргізетін дәрілермен емдеу кезеңінде күні бойы сұйықтықтың жеткілікті мөлшерін (1.5-2 литр немесе 6-8 стақан) тұтыну ұсынылады. Іш қатуды емдеу үшін және медициналық көрсетілімдер бойынша нәжісті жұмсарту үшін дозалауы Лактулозаның тәуліктік дозасын бір рет (мысалы, таңғы ас кезінде) қолдануға болады немесе өлшеуіш стақанды пайдалана отырып, қабылдауды екі бөлек дозаға бөлуге болады. Бірнеше күннен кейін бастапқы дозаны емдеуге жауапты реакцияның негізінде демеуші дозаға дейін түзетуге болады. Емнің әсері пайда болуы үшін бірнеше күн (2-3 күн) қажет болуы мүмкін. Дозалау режимі мынадай кестенің негізінде анықталады Бастапқы тәуліктік доза — Демеуші тәуліктік доза Ересектер мен жасөспірімдер — 15-45 мл — 15-30 мл Балалар (7 - 14 жас) — 15 мл — 10-15 мл Балалар (1 - 6 жас) — 5-10 мл — 5-10 мл 1 жасқа дейінгі сәбилер — 5 мл-ге дейін — 5 мл-ге дейін Бауыр энецефалопатиясын емдеуге арналған доза (тек қана ересектерде) Бастапқы доза: 30-45 мл препараттан тәулігіне 3-4 рет. Доза күніне 2-3 жұмсақ нәжіс есептен демеуші дозаға дейін түзетілуі мүмкін. Балалар Бауыр энцефалопатиясы кезінде балаларда (18 жасқа дейін) препаратты қолданудың қауіпсіздігі мен тиімділігі деректердің жоқтығына байланысты анықталмаған. Егде жастағы пациенттер және бүйрек немесе бауыр жеткіліксіздігі бар пациенттер Дозалау бойынша арнайы нұсқаулар жоқ, себебі лактулозаның жүйелік әсері елеусіз. Енгізу әдісі және жолы Ішке қабылдау үшін. Порталак шәрбатын сұйылтылмаған немесе сұйылтқан түрде қабылдауға болады. Лактулозаның әрбір дозасын бір рет жұтқан жөн және ұзақ уақыт бойы ауызда ұстамаған жөн. Қабылдау уақытын көрсетумен қолдану жиілігі Күніне бір рет қабылдаған кезде дозаны бір уақытта мысалы, таңғы ас уақытында қабылдаған жөн. Емдеу ұзақтығы Лактулозаны ұзақ уақыт бойы қолданудың зияны туралы деректер жоқ. Іш қату аурудың симтомы болуы мүмкін болғандықтан, оның себебін анықтау қажет. Лактулозаны ұзақ уақыт бойы қолдану іш қатудың басқа себептерін жоққа шығарғаннан кейін ғана негізделген болып есептеледі. Дозалаудың қажетті сызбасын дәрігер анықтауы тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Порталак препаратын қолданар алдында емдеуші дәрігермен кеңесіңіз.

- лактулозаға немесе лактулоза тектес сахаридтерге (лактоза, галактоза, эпилактоза, фруктоза) аса жоғары сезімталдық - галактоземия - асқазан-ішек бітелісі, асқорыту жолының (мысалы, ойық жаралы колит, Крон ауруы сияқты ішектің жедел қабынбалы аурулары) тесілуі немесе тесілу қаупі - галактоза немесе фруктозаны туа біткен көтере алмаушылығы, Laap(ЛААП)-лактаза ферментінің тапшылығы, глюкоза-галактоза мальабсорбциясы бар тұлғаларға

Лактулозаны қабылдаудың алғашқы күндері метеоризм пайда болуы мүмкін. Әдетте, ол бірнеше күннен кейін жоғалады. Ұсынылғаннан асатын дозаны қолданған кезде, абдоминальді ауыру және диарея пайда болуы мүмкін. Бұл жағдайда доза төмендетілуі тиіс. Егер жоғары доза (әдетте бауыр энцефалопатиясымен ғана байланысты) ұзақ уақыт бойы қолданылса, пациентте диареяның салдарынан су-электролиттік теңгерімнің бұзылуы дамуы мүмкін. Төмендегі жағымсыз реакциялар плацебо-бақыланатын клиникалық сынақтарда лактулозаны алған пациенттерде төменде көрсетілген жиілігімен байқалған: өте жиі (≥1/10), жиі (≥1/100 және <1/10), жиі емес (≥1/1000 және <1/100), сирек (≥1/10000 және <1/1000), өте сирек (<1/10000) және белгісіз (қолда бар деректердің негізінде жиілігін анықтау мүмкін емес). Өте жиі - диарея Жиі - метеоризм, іш ауыруы, жүрек айнуы, құсу Жиі емес - диарея салдарынан су-электролиттік теңгерімнің бұзылуы Белгісіз - аллергиялық реакциялары - бөртпе, қышыну, есекжем Жағымсыз дәрілік реакциялар туындағанда медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Диарея, абдоминальді ауыру, су-электролиттік теңгерімнің бұзылуы. Емі Препаратты қолдануды тоқтату немесе дозаны азайту қажет. Диарея немесе құсу салдарынан сұйықтықты елеулі жоғалту су-электролиттік теңгерімнің бұзылуын түзетуді қажет етуі мүмкін.

Арнайы ескертулер Мынадай жағдайда дәрігердің кеңесі ұсынылады: - емдеуді бастағанға дейін шығу тегі белгісіз ауыратын абдоминальді симптомдар; - бірнеше күн қабылдағаннан кейін жеткіліксіз емдік әсері. Лактулоза лактозаны көтере алмаушылығы бар пациенттерде сақтықпен қолданылуы тиіс. Гастрокардиальді синдромы (Ремхельд синдромы) бар пациенттер лактулозаны дәрігермен кеңескеннен кейін ғана қолдануы тиіс. Егер пациенттердің бұл тобында лактулозаны қабылдағаннан кейін метеоризм немесе іштің кебуі сияқты симптомдар пайда болса, дозаны төмендету немесе емдеуді тоқтату қажет. Түзетілмеген дозаларды ұзақ уақыт бойы қабылдау немесе дұрыс қабылдамау диареяға және су-электролиттік теңгерімнің бұзылуына әкелуі мүмкін. Қант диабеті Іш қатуды емдеу үшін ұсынылатын дозаларды қабылдаған кезде құрамында қанттың болуы қант диабеті бар пациенттер үшін проблема туындатпауы тиіс. Бауыр энцефалопатиясын емдеу кезінде әдетте препараттың жоғары дозаларын тағайындайды және оның құрамындағы қант, қант диабеті бар пациенттерге қатысты ескерілуі тиіс. Емдеу кезінде ішекті босату рефлексінің бұзылыстары пайда болуы мүмкін екендігін ескеру қажет. Препарат галактозаны көтере алмаушылықпен, мысалы, галактоземиямен, лактаза тапшылығымен немесе глюкоза-галактозалық мальабсорбциямен байланысты сирек кездесетін тұқым қуалайтын аурулары бар пациенттер қолданбауы тиіс. Құрамында фруктоза (немесе сорбитол) бар өнімдерді бір уақытта қабылдаудың және фруктозаны (немесе сорбитолды) диеталық тұтынудың аддитивті әсерін назарға алған жөн. Балаларда қолданылуы Балаларды емдеу кезінде іш жүргізетін дәрілер ерекше жағдайларда және дәрігердің бақылауымен қолданылуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын немесе жабдықтарды басқару қабілетіне әсер етпейді немесе елеусіз әсер етеді.

Жүктілік Жүктілік кезінде қолдану кезінде препараттың ешқандай әсері күтілмейді, себебі лактулозаның жүйелік әсері елеусіз. Порталак шәрбатын жүктілік кезінде қолдануға болады. Емшек емізу Емшек еметін жаңа туған нәрестеге/сәбиге препараттың ешқандай әсері күтілмейді, себебі лактулозаның емшек емізетін әйелге жүйелік әсері елеусіз. Порталак шәрбатын емшек емізу кезінде қолдануға болады.

Өзара әрекеттесулеріне зерттеулер жүргізілген жоқ. Лактулоза басқа препараттар (мысалы, тиазидтер, кортикостероидтар және В амфотерицин) туындатқан калийді жоғалтуды арттыруы мүмкін. Жүрек гликозидтерімен бір уақытта қабылдау калий тапшылығына байланысты олардың әсерін күшейтуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 оС-ден аспайтын температурада сақтау керек. Лактулозаның кристалдануы мүмкіндігіне байланысты мұздатып қатыруға болмайды. Балалардың қолы жетпейтін жерде сақтау керек!