Потенциале таблетки 50 мг

Бір таблетканың құрамында белсенді зат - 70,24 мг және 140,48 мг силденафил цитраты (50 мг және 100 мг силденафилге баламалы); қосымша заттар: микрокристалды целлюлоза, натрий кроскармеллозасы, гипромеллоза, магний стеараты, коллоидты кремнийдің қостотығы, титанның қостотығы (Е 171), тальк, пропиленгликоль, полиэтиленгликоль 6000 (макрогол 6000), индигокармин (Е 132). Сыртқы түрінің иісінің, дәмінің сипаттамасы Дөңгелек пішінді, жоғарғы және төменгі беткейі дөңес, көгілдір (50 мг дозасы үшін) немесе көк түсті (100 мг дозасы үшін) қабықпен қапталған таблеткалар. Сындырған жерінде лупамен қарағанда бір тұтас қабатпен қоршалған ядросы көрінеді.

Ерлердегі жыныс мүшесінің қанағаттанарлық сексуалдық белсенділік үшін жеткілікті эрекциясына жетуге немесе ұстап тұруға қабілетсіздігімен көрініс беретін эректильді дисфункцияны емдеу үшін. Препарат тек сексуалдық стимуляция болған кезде ғана тиімді.

Әсер ету механизмі Силденафил, эректильді дисфункцияны емдеуге арналған пероральді дәрілік препарат, яғни жыныстық ынталандыру кезінде, ол жыныс мүшесіне қанның ағып келуін арттыру арқылы бұзылған эректильді функцияны қалпына келтіреді. Эрекцияны негіздейтін физиологиялық механизм жыныстық ынталандыру кезінде қуысты денелерде азот тотығының (NO) босап шығуын қамтиды. Азот тотығы гуанилатциклаза ферментін белсендіреді, бұл циклдік гуанозинмонофосфат (цГМФ) деңгейінің жоғарылауына, қуысты денелерде тегіс бұлшықеттің босаңсуына және қан ағынының артуына әкеледі. Силденафил қуысты денелерде цГМФ ыдырауына жауап беретін цГМФ-спецификалық фосфодиэстераза-5 (ФДЭ-5) күшті және селективті тежегіші болып табылады. Силденафил эрекцияға шеткері әсер көрсетеді. Силденафил адамның оқшауланған қуысты денесіне тікелей босаңсытатын әсер көрсетпейді, бірақ бұл тінге NO босаңсытатын әсерін айтарлықтай күшейтеді. No/цГМФ метаболизмдік жолын белсендірген кезде, бұл жыныстық ынталандыру кезінде жүреді, ФДЭ-5 силденафилмен тежеу қуысты денелерде цГМФ деңгейінің жоғарылауына әкеледі. Сондықтан силденафилмен қажетті өнімді фармакологиялық әсер ету үшін жыныстық ынталандыру қажет. Фармакодинамикалық әсерлері In vitro зерттеулер силденафилдің эрекция үдерісіне қатысатын ФДЭ-5 - ке әсерінің селективтілігін көрсетті. ФДЭ-5 силденафилдің әсері басқа белгілі фосфодиэстеразаларға қарағанда күшті. Бұл әсер торқабықта фотоөзгеру үдерістеріне қатысатын ФДЭ-6 әсеріне қарағанда 10 есе күшті. Ең жоғары ұсынылатын дозаларды қолданған кезде ФДЭ-5-ке силденафилдің селективтілігі ФДЭ-1-ге оның селективтілігінен 80 есе артық, ФДЭ-2, ФДЭ-3, ФДЭ-4, ФДЭ-7, ФДЭ-8, ФДЭ-9, ФДЭ-10 және ФДЭ-11-ге қарағанда 700 есе жоғары. Атап айтқанда, силденафилдің ФДЭ-5-ке селективтілігі ФДЭ-3 – цГМФ-ФДЭ спецификалық изоформасына оның селективтілігінен 4000 есе артық, бұл жүректің жиырылуын реттеуге қатысады. Клиникалық тиімділігі және қауіпсіздігі Силденафилді қабылдағаннан кейін сексуалдық стимуляцияға жауап ретінде силденафил эрекцияны туғызатын уақытты бағалау үшін екі клиникалық зерттеу арнайы жүргізілді. Силденафилді ашқарынға қабылдайтын пациенттерде жыныс мүшесінің (RigiScan) плетизмографиясын қолдану арқылы зерттеуде 60% қаттылығымен сипатталатын эрекцияны алғандар үшін әсердің орташа басталу уақыты (жыныстық қатынас үшін жеткілікті) 25 минутты (12-ден 37 минутқа дейін) құрады. RigiScan басқа зерттеуде, тіпті дозаны енгізгеннен кейін 4-5 сағаттан кейін де, силденафил жыныстық ынталандыруға жауап ретінде эрекцияны тудыруы мүмкін. Силденафил көп жағдайда клиникалық симптомдарсыз болатын артериялық қысымның орташа және қысқа мерзімді төмендеуін тудырады. 100 мг силденафилді пероральді қабылдағаннан кейін жатқан қалыптағы систолалық артериялық қысымның орташа барынша төмендеуі 8,4 мм сн.б. құрады. Жатқан қалыпта диастолалық артериялық қысымның тиісті өзгеруі 5,5 мм сн.б. құрады. Бұл артериялық қысымның төмендеуі силденафилдің тамыр кеңейтетін әсеріне сәйкес келеді, бұл қан тамырларының тегіс бұлшықеттегі цГМФ деңгейінің ұлғаюына байланысты болуы мүмкін. Дені сау еріктілерде силденафилдің 100 мг-ге дейінгі бір реттік пероральді дозасы ЭКГ-ның клиникалық елеулі өзгерістеріне әкелмеген. Коронарлық артерияның ауыр дәрежедегі ауруы бар 14 пациентте (кемінде бір коронарлық артерияның стенозы> 70%) 100 мг силденафил бір реттік пероральді дозасының гемодинамикалық әсерлерін зерттеуде, тыныштық жағдайындағы систолалық және диастолалық қысымның орташа мәні бастапқы деңгеймен салыстырғанда тиісінше 7% және 6%-ға төмендеді. Өкпенің орташа систолалық артериялық қысымы 9% төмендеді. Силденафил жүрек лықсытуының өзгеруін туғызбады және тарылған коронарлық артериялар арқылы қан ағымын бұзбады. Физикалық жүктемемен стресс-тестті қамтитын салыстырмалы жасырын плацебо-бақыланатын зерттеуде эректильді дисфункциясы және созылмалы тұрақты стенокардиясы бар 144 пациент бағаланды, олар антиангинальді дәрілік заттарды (нитраттардан басқа) үнемі қабылдайды. Нәтижелер силденафил мен плацебо арасында стенокардияны шектеу басталғанға дейін клиникалық маңызды айырмашылық болмағанын көрсетті. 100 мг силденафилді қабылдағаннан кейін бір сағаттан соң пациенттердің аздаған санында Фарнсворт-Манселл 100 түстер тестісін пайдалана отырып зерттелген түстерді (көк/жасыл) ажырату қабілетінде болар-болмас және қысқамерзімді өзгерістер болды. Препаратты қабылдағаннан кейін 2 сағаттан кейін әсер толығымен жоғалды. Түстерді ажыратудың бұзылуы көздің торқабығында жарық тарату үдерісіне қатысатын ФДЭ-6 тежелуімен туындайды деп саналады. Силденафил көру жітілігіне, контрастылықты қабылдауға әсер етпейді. Шағын плацебо-бақыланатын зерттеуде дәлелденген ерте жастағы макулярлық дегенерациясы бар пациенттерде (n = 9) силденафил (100 мг бір реттік доза) жүргізілген визуалды тесттерде (көру жітілігі, Амслер торы, түсті қабылдау, түстің өтуін моделдеу, Хамфри периметрі және фотостресс) айтарлықтай өзгерістерге әкелмеді. Дені сау еріктілер силденафилді 100 мг дозада бір рет пероральді қабылдағаннан кейін сперматозоидтардың қозғалғыштығына немесе олардың морфологиясына әсері байқаған жоқ (4.6 бөлімін қараңыз). Клиникалық сынақтар туралы қосымша ақпарат Клиникалық сынақтарда силденафилді 19-87 жастағы 8000-нан астам пациент қолданды. Пациенттердің келесі топтары ұсынылды: егде жастағы (19,9%), гипертониясы (30,9%), қант диабеті (20,3%), жүректің ишемиялық ауруы (5,8%), гиперлипидемия (19,8%), жұлынның зақымдануы (0,6%), депрессия (5,2%), простатаның трансуретралық резекциясы (ПТУР) (3,7%), радикальді простатэктомия (3,3%). Келесі топтар жеткілікті түрде ұсынылмаған немесе зерттеудің клиникалық топтарынан шығарылған: кіші жамбасқа хирургиялық араласу жасалған пациенттер, сәулемен емдеуден кейінгі пациенттер, бүйрек немесе бауыр жеткіліксіздігінің ауыр түрі бар пациенттер және кейбір жүрек-қантамыр аурулары бар пациенттер (4.3 бөлімін қараңыз). Бекітілген дозаны қолдана отырып жүргізілген зерттеулерде емдеу олардың эрекциясын жақсартқанын хабарлаған пациенттердің арақатынасы плацебо кезіндегі 25%-бен салыстырғанда 62% (25 мг), 74% (50 мг) және 82% (100 мг) құрады. Бақыланатын клиникалық сынақтарда силденафил қабылдауды тоқтату жиілігі плацебомен салыстырғанда төмен және ұқсас болды. Барлық зерттеулерде силденафил қабылдауды жақсарту туралы хабарлаған пациенттердің пайызы мынадай болды: психогенді эректильді дисфункция (84%), аралас эректильді дисфункция (77%), органикалық эректильді дисфункция (68%), егде жастағы пациенттер (67%), қант диабеті (59%), жүректің ишемиялық ауруы (69%), гипертония (68%), ПТУР (61%), радикальді простатэктомия (43%), жұлынның зақымдануы (83%), депрессия (75%). Силденафилдің қауіпсіздігі мен тиімділігі ұзақ мерзімді зерттеулерде сақталған. Балалар Еуропаның Дәрілік заттар жөніндегі агенттігі силденафилдің эректильді дисфункцияны емдеу үшін педиатриялық популяцияның барлық қосалқы топтарындағы зерттеулерінің нәтижелерін беру міндеттемесінен бас тартты (педиатрияда пайдаланылуы жөніндегі ақпаратты 4.2 бөлімінен қараңыз).

Дозалау режимі Ересектер Ұсынылатын доза 50 мг құрайды, қажет болған жағдайда сексуалдық белсенділікке дейін шамамен 1 сағат бұрын қабылдау керек. Тиімділігіне және жағымдылығына қарай, дозаны 100 мг-ге дейін арттыруға немесе 25 мг-ге дейін төмендетуге болады. Ең жоғары ұсынылатын доза 100 мг құрайды. Пациенттердің ерекше топтары Балалар Силденафил 18 жасқа дейінгі балалар мен жасөспірімдерге қолдануға арналмаған. Егде жастағы пациенттер Егде жастағы пациенттерде (≥ 65 жас) дозаны өзгерту қажет емес. Бауыр жеткіліксіздігі бар пациенттер Бауыр жеткіліксіздігі (мысалы, цирроз) бар пациенттерде силденафил клиренсі төмендейтіндіктен, препараттың ұсынылатын дозасы 25 мг құрайды. Препараттың тиімділігі мен жағымдылығына байланысты қажетіне қарай дозаны біртіндеп 50 мг және 100 мг-ге дейін арттыруға болады. Бүйрек жеткіліксіздігі бар пациенттер Бүйректің ауырлық дәрежесі жеңіл және орташа жеткіліксіздігі бар (креатинин клиренсі 30-80 мл/мин) пациенттерге ұсынылған дозасын түзету қажет емес. Бүйректің ауыр дәрежелі жеткіліксіздігі бар пациенттерде (креатинин клиренсі 30 мл/мин) силденафил клиренсі төмендейтіндіктен, препараттың 25 мг дозасын қолдану мүмкіндігін қарастыру ұсынылады. Препараттың тиімділігі мен жағымдылығына байланысты қажетіне қарай дозаны біртіндеп 50 мг және 100 мг-ге дейін арттыруға болады. Басқа дәрілік заттарды қолданатын пациенттер Силденафилмен бір мезгілде қабылдау ұсынылмайтын ритонавирді қоспағанда, CYP3A4 тежегіштерімен қатарлас ем қабылдап жүрген пациенттерде препаратты бастапқы 25 мг дозасында қолдану мүмкіндігін қарастыру керек. Альфа-адреноблокаторлармен емделіп жүрген пациенттерде постуральді артериялық гипотензияның даму қаупін төмендету мақсатында, силденафилмен емдеуді бастар алдында олардың жай-күйін тұрақтандыру керек. Бұдан өзге, силденафилдің бастапқы 25 мг дозасын қолдану мүмкіндігін қарастыру керек. Енгізу әдісі және жолы Пероральді қолдануға арналған. Қабылдау уақыты көрсетілген қолданылу жиілігі Ең жоғары ұсынылатын қабылдау жиілігі - тәулігіне 1 рет. Препаратты тамақ ішу кезінде қолданған кезде препаратты әсері ашқарынға қолданған кездегіге қарағанда кешірек басталуы мүмкін. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Осы препаратты қолдану бойынша қандай-да бір қосымша сұрақтар туындаған жағдайда өзіңіздің емдеуші дәрігеріңізбен кеңесіңіз.

- әсер етуші затына немесе қосымша заттардың кез келгеніне аса жоғары сезімталдық; - азот тотығы донорларымен (амилнитрит сияқты) немесе кез келген түрдегі нитраттармен бір мезгілде қолдануға болмайды, өйткені силденафил азот тотығының/ циклдық гуанозинмонофосфаттың (цГМФ) метаболизм жолына әсер ететіні және нитраттардың гипотензиялық әсерін күшейтетіні белгілі; - риоцигуат сияқты гуанилатциклаза стимуляторларымен ФДЭ-5 тежегіштерін (оның ішінде силденафил) бір мезгілде қолдануға болмайды, себебі симптоматикалық гипотензияға әкелуі мүмкін; - сексуалдық белсенділік ұсынылмайтын жағдайлар (мысалы, тұрақсыз стенокардия немесе жүректің ауыр дәрежелі жеткіліксіздігі сияқты ауыр жүрек-қантамыр бұзылыстары); - бұл патология ФДЭ-5 тежегіштерін алдыңғы қолданумен байланысты немесе байланыссыз екендігіне қарамастан, көру жүйкесінің артериялық емес алдыңғы ишемиялық невропатиясы салдарынан бір көздің көру қабілетінің жоғалуы; - ауыр бауыр жеткіліксіздігі; - артериялық гипотензия (артериялық қысым 90/50 мм сн.б. төмен); - жуықта бастан өткерген инсульт немесе миокард инфарктісі; - пигментті ретинит сияқты торқабықтың белгілі тұқым қуалайтын дегенеративті аурулары (мұндай пациенттердің аздаған санында торқабық фосфодиэстеразасының генетикалық бұзылулары бар), өйткені силденафил қауіпсіздігі пациенттердің осындай қосалқы топтарында зерттелмеген; - балалар мен 18 жасқа дейінгі жасөспірімдерге.

Өте жиі - бас ауыруы Жиі - бас айналуы - түстерді ажыратудың бұрмаланулары**, көру бұзылыстары, анық көрмеу - бетке қан тебуі, ысынулар - мұрын бітелуі - жүрек айнуы, диспепсия Жиі емес - ринит - аса жоғары сезімталдық - ұйқышылдық, гипестезия - жас ағу бұзылыстары***, көздің ауыруы, көздің қарығуы, фотопсия, көз гиперемиясы, көру айқындығының өзгеруі, конъюнктивит - бас айналу, құлақтағы шуыл - тахикардия, жүректің қатты соғуы - гипертензия, гипотензия - мұрыннан қан кету, мұрынның қосалқы қойнауларының бітелуі - гастроэзофагеальді рефлюкстік ауру, құсу, іштің жоғарғы бөлігінің ауыруы, ауыздың құрғауы - бөртпе - миалгия, аяқ-қолдың ауыруы - гематурия - кеуденің ауыруы, қатты қажу, ысыну сезімі - жүректің жиырылу жиілігінің жоғарылауы Сирек - инсульт, транзиторлық ишемиялық шабуыл, құрысулар*, құрысулардың қайталануы*, синкопе - көру жүйкесінің артериялық емес алдыңғы ишемиялық нейропатиясы (NAION)*, торқабық тамырларының окклюзиясы*, торқабыққа қан құйылу, аққабық артериясының ретинопатиясы, торқабық аурулары, глаукома, көру өрісінің ақаулары, диплопия, көру жітілігінің төмендеуі, миопия, астенопия, шыны тәрізді дененің беткейлік бұлыңғырлануы, нұрлы қабық бұзылысы, мидриаз, гало-әсер, көздің ісінуі, көздің домбығуы, көру бұзылысы, конъюнктива гиперемиясы, көздің тітіркенуі, көздегі жағымсыз сезім, қабақтың ісінуі, аққабық түсінің өзгеруі - кереңдік - кенеттен жүректен болатын өлім*, миокард инфарктісі, қарыншалық аритмия*, жүрекшелер фибрилляциясы, тұрақсыз стенокардия - тамақтағы қысылу сезімі, мұрынның шырышты қабығының ісінуі, мұрынның шырышты қабығының құрғауы - ауыз қуысының гипестезиясы - Стивенс-Джонсон синдромы (SJS)*, уытты эпидермалық некролиз* - жыныстық мүшеден қан кету, приапизм*, гематоспермия, эрекция жоғарылауы - ашушаңдық * Тек маркетингтен кейінгі қадағалау кезінде хабарланған ** Түстерді ажыратудың бұрмаланулары: хлоропсия, хроматопсия, цианопсия, эритропсия және ксантопсия *** Жас ағумен байланысты бұзылулар: көздің құрғауы синдромы, көз жасы безі функциясының бұзылулары және жас ағудың күшеюі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз реакциялардың (бас ауыруы, гиперемия, бас айналуы, диспепсия, мұрынның бітелуі, көрудің бұзылулары) жиілігін арттырды. Емі: симптоматикалық. Гемодиализ силденафил клиренсін тездетпейді, өйткені силденафил қан плазмасының ақуыздарымен белсенді байланысады және несеппен шығарылмайды.

Препаратты тағайындар алдында эректильді дисфункцияның диагностикасы және оның пайда болуының ықтимал себептерін анықтау үшін, пациенттің анамнезін жинақтау және медициналық тексеру жүргізу ұсынылады. Арнайы сақтандырулар Жүрек-қантамыр ауруларының қауіп факторлары Эректильді дисфункцияның кез келген емін бастар алдында дәрігер пациенттің жүрек-қантамыр жүйесінің жай-күйіне баға беруі тиіс, өйткені сексуалдық белсенділікке байланысты жүрек бұзылуларының қаупі бар. Силденафил қан тамырларды кеңейтетін әсер береді, ол артериялық қысымның жеңіл және қысқа мерзімдік төмендеуімен білінеді. Силденафил тағайындағанға дейін дәрігер мұндай әсер белгілі бір, әсіресе сексуалдық белсенділікпен біріккен негізгі ауруы бар пациенттерге жағымсыз әсер ететін-етпейтіндігін мұқият таразылауы тиіс. Вазодилататорларға сезімталдығы жоғары пациенттерге сол жақ қарыншасынан шығатын жолдың обструкциясы (мысалы, қолқа стенозы, гипертрофиялық обструкциялық кардиомиопатия) бар пациенттер, немесе мультижүйелік атрофияның сирек синдромы, оның көріністердің бірі артериялық қысымның реттелуінің ауыр бұзылуы болып табылатын пациенттер жатады. Силденафил нитраттардың гипотензиялық әсерін күшейтеді Тіркеуден кейінгі кезеңде жүрек-қантамыр жүйесі тарапынан, миокард инфарктісін, тұрақсыз стенокардияны, кенеттен жүрек ауруынан өлуді, қарыншалық аритмияны, цереброваскулярлық қан құйылуды, транзиторлық ишемиялық шабуылды, силденафил қолдану кезіндегі артериялық гипертензияны және артериялық гипотензияны қоса, күрделі жағымсыз реакциялар туралы мәлімделді. Көптеген пациенттерде, бірақ барлығында бірдей емес, жүрек-қантамыр аурулары қаупінің факторлары болды. Осындай көп жағымсыз реакциялар жыныстық қатынас кезінде немесе одан кейін бірден байқалды, тек бірнешеуі ғана препаратты жыныстық қатынассыз-ақ қолданғаннан кейін көп ұзамай болды. Сондықтан ондай жағымсыз реакциялардың дамуы қауіп факторларымен тікелей байланысты, не байланыссыз екендігін, немесе олардың дамуына басқа факторлар түрткі болған-болмағандығын анықтау мүмкін емес. Приапизм Силденафилді қоса, эректильді дисфункцияны емдеуге арналған препараттарды, жыныс мүшесінің анатомиялық деформациясы (мысалы, ангуляция, кавернозды фиброз немесе Пейрони ауруы) бар пациенттерге, немесе приапизмнің (мысалы, орақ тәрізді жасушалы анемия, көптеген миелома немесе лейкемия) дамуына ықпал ететін жай-күйлері бар пациенттерге сақтықпен қолдану керек. Силденафилді тіркеуден кейінгі қолдану кезеңінде ұзаққа созылған эрекция және приапизм туралы хабарланған. Егер эрекция 4 сағаттан артыққа созылса, пациент дереу медициналық көмекке жүгінуі керек. Егер приапизм дереу емделмесе, ол жыныс мүшесі тіндерінің зақымдануына және потенцияның қайтымсыз жоғалуына алып келуі мүмкін. ФДЭ-5 басқа тежегіштерімен немесе эректильді дисфункцияны емдеуге арналған басқа да препараттармен бір мезгілде қолдану Силденафилдің ФДЭ-5 басқа тежегіштерімен немесе құрамында силденафил бар, өкпенің артериялық гипертензиясын (ӨАГ) емдеуге арналған басқа препараттармен (Ревацио), немесе эректильді дисфункцияны емдеуге арналған басқа препараттармен біріктілімдерінің қауіпсіздігі мен тиімділігі зерттелмеген. Сондықтан мұндай біріктірілімдерді қолдану ұсынылмайды. Көру қабілетіне әсері Силденафил мен ФДЭ-5 басқа да тежегіштерін қолданумен байланысты көру қабілетінің бұзылғаны туралы өздігінен келіп түскен хабарламалар болды . Сирек жағдай болып табылатын көру жүйкесінің артериялық емес алдыңғы ишемиялық невропатиясы жағдайлары туралы, қадағалау зерттеулерінде силденафил мен ФДЭ-5 басқа да тежегіштерін қолданумен байланысты, өздігінен келіп түскен хабарламалар болды. Пациенттерді көру қабілеті кенеттен бұзылған жағдайда препаратты қолдануды тоқтату және дереу дәрігерге қаралу керектігін ескерту керек. Ритонавирмен бір мезгілде қолдану Силденафил мен ритонавирді бір мезгілде қолдану ұсынылмайды. Αльфа-адренорецепторлар блокаторларымен бір мезгілде қолдану Альфа-адренорецепторлар блокаторларын қабылдайтын пациенттерге силденафилді сақтықпен қолданған жөн, өйткені бірге қабылдау кейбір бейімі бар пациенттерде симптоматикалық артериялық гипотензияға әкелуі мүмкін. Симптоматикалық гипотензия әдетте силденафилді қолданғаннан кейін 4 сағат ішінде пайда болады. Постуральді гипотензияның дамуы ықтималдығын азайту мақсатында альфа-адренорецепторлардың блокаторларын қабылдайтын пациенттерде олардың жағдайын альфа-адренорецепторлардың блокаторларының көмегімен силденафилді қолдану басталғанға дейін тұрақтандыру қажет. Сондай-ақ 25 мг бастапқы дозаны қолдану мүмкіндігін қарастыру керек. Бұдан басқа, дәрігер пациенттерді постуральді гипотензия белгілері пайда болған жағдайда қалай әрекет ететінін хабардар етуі тиіс. Қан кетуге әсері Адамның тромбоциттері пайдаланылған in vitro зерттеулер, силденафил натрий нитропруссидінің антиагрегациялық әсерін күшейтетінін көрсетіп отыр. Қан ұюының бұзылулары немесе белсенді пептидтік ойық жарасы бар пациенттерде силденафилді қолданудың қауіпсіздігі туралы деректер жоқ. Сол себепті, силденафилді ондай пациенттерге пайдасы мен қаупін мұқият бағалағаннан кейін ғана тағайындау керек. Қосымша заттар туралы маңызды ақпарат Бұл дәрілік препараттың бір таблеткасының құрамындағы натрий 1 ммольден аз (23 мг), яғни, «натрийсіз дерлік». Әйелдер Препарат әйелдерде қолдануға арналмаған. Педиатрияда қолдану Силденафил 18 жасқа дейінгі балалар мен жасөспірімдерге қолдануға арналмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралын немесе қауіптілігі зор механизмдерді басқару қабілетіне болар-болмас әсер етуі мүмкін. Силденафилді қолданудың клиникалық зерттеулері барысында көлік құралының рөліне отыру немесе басқа механизмдермен жұмыс істеу алдында, бас айналуы және көру қабілеті бұзылған жағдайлар туралы хабарланғандықтан, пациенттер препаратты қолдануға өздерінің жеке реакциясын анықтауы қажет.

Препарат әйелдерге қолдануға арналмаған.

Іn vitro зерттеулер Силденафилдің метаболизмі көбінесе Р450 цитохромының (CYP) 3А4 изоформасының (негізгі жолы) және 2С9 изоформасының (қосалқы жолы) қатысуымен жүреді. Сондықтан осы изоферменттердің тежегіштері силденафил клиренсін төмендетуге қабілетті, ал осы изоферменттердің индукторлары силденафил клиренсін арттыруы мүмкін. Іn vivo зерттеулер Осы клиникалық зерттеу деректерінің популяциялық фармакокинетикалық талдамасы CYP3А4 тежегіштерімен (мысалы, кетоконазол, эритромицин, циметидин сияқты) бір мезгілде қолданғанда силденафилдің клиренсінің төмендегенін көрсетті. Силденафилді және CYP3A4 тежегіштерін бір мезгілде қолданғанда жағымсыз құбылыстар жиілігінің артқаны байқалмаса да, силденафилдің белгіленген бастапқы дозасы 25 мг құрайды. АИТВ-протеаза тежегіштерін, Р450 өте күшті тежегішін ритонавирді тепе-тең концентрация жағдайларында (тәулігіне 2 рет 500 мг) және силденафилді (бір реттік дозасы 100 мг) бір мезгілде қолдану силденафилдің Cmax 300%-ға (4 есеге) артуына және силденафилдің плазмалық AUC мәнінің 1000%-ға (11 есеге) жоғарылауына алып келді. 24 сағаттан кейін силденафилдің плазмалық деңгейі, силденафилдің өзін бөлек қолданған кездегіге тән шамамен 5 нг/мл деңгейімен салыстырғанда, әлі де шамамен 200 нг/мл құрады, ол Р450 субстраттарының ауқымды өрісіне ритонавирдің елеулі ықпалына сәйкес келеді. Силденафил ритонавирдің фармакокинетикасына ықпалын тигізбейді. Осы фармакокинетикалық деректерді ескере отырып, силденафилді және ритонавирді бір мезгілде қолдану ұсынылмайды, кез келген жағдайда силденафилдің ең жоғары дозасы 48 сағат ішінде 25 мг-ден аспауы тиіс. АИТВ-протеаза тежегіштері саквинавирді, CYP3A4 тежегішін, тепе-тең концентрацияны (тәулігіне үш рет 1200 мг) қамтамасыз ететін дозада және силденафилді (бір рет 100 мг) бір мезгілде қолдану силденафилдің Cmax мәнінің 140%-ға жоғарылауына және силденафилдің (AUC) жүйелік экспозициясының 210%-ға жоғарылауына алып келді. Силденафилдің саквинавир фармакокинетикасына ықпалы анықталған жоқ. CYP3A4 өте күшті тежегіштерінің, мысалы, кетоконазол және итраконазол сияқты, өте айқын ықпалы болады деп шамаланады. Силденафилді (бір реттік 100 мг) және CYP3A4 орташа тежегіші эритромицинді тепе-тең жағдайда (5 күн бойы тәулігіне екі рет 500 мг) қолданғанда силденафилдің жүйелік экспозициясының (AUC) 182%-ға жоғарылағаны байқалды. Дені сау ерікті ерлерде азитромициннің (3 күн бойы тәулігіне 500 мг) силденафилдің және оның айналымдағы негізгі метаболитінің AUC, Cmax, Tmax мәндеріне, элиминация жылдамдығының константасына және кейінгі жартылай шығарылу кезеңіне ықпалы байқалған жоқ. 800 мг доза циметидинді (Р450 цитохромының тежегіші және CYP3A4 өзіне тән емес тежегіші) 50 мг доза силденафилмен бір мезгілде қолданғанда дені сау ерікті адамдарда силденафилдің плазмалық концентрациясын 56%-ға жоғарылатты. Грейпфрут шырыны ішек қабырғасында CYP3A4 әлсіз тежегіші болып табылады және силденафилдің қан плазмасында деңгейін орташа жоғарылатуы мүмкін. Антацидтік дәрілерді (магний гидроксиді/алюминий гидроксиді) бір рет қолдану силденафилдің биожетімділігіне ықпалын тигізбейді. Барлық дәрілік заттармен өзара әрекеттесуіне арнайы зерттеу жүргізілмесе де, популяциялық фармакокинетикалық талдау деректері бойынша, силденафилдің фармакокинетикасы оны CYP2C9 тежегіштері тобына (толбутамид, варфарин, фенитоин), CYP2D6 тежегіштері тобына (мысалы, серотонинді кері қармайтын селективті тежегіштер, трициклді антидепрессанттар), тиазидтік және тиазид тәрізді диуретиктер, ілмектік және калий жинақтаушы диуретиктер, ангиотензин өзгертуші фермент тежегіштері, кальций антагонистері, бета-адренорецептор антагонистері немесе CYP450 метаболизмінің индукторлары (мысалы, рифампицин, барбитураттар сияқты) тобына жататын дәрілік заттармен бір мезгілде қолданғанда өзгерген жоқ. Дені сау ерікті ер адамдардың қатысуымен жүргізілген зерттеу барысында эндотелин бозентан антагонистін (CYP3A4, CYP2C9 және CYP2C19 орташа индукторы) тепе-тең күйде (тәулігіне екі рет 125 мг) және силденафилді (тәулігіне үш рет 80 мг) бір мезгілде қолдану силденафилдің AUC және Cmax тиісінше 62,6% және 55,4%-ға төмендеуіне алып келді. Сондықтан рифампин сияқты CYP3A4 күшті индукторларын бір мезгілде қолдану қан плазмасында силденафил концентрациясының анағұрлым айқын төмендеуіне әкелуі мүмкін. Никорандил кальций өзекшелері белсенділендіргіші мен нитрат гибриді болып табылады. Нитратты компонент оның силденафилмен күрделі өзара әрекеттесу мүмкіндігін жүзеге асырады. Силденафилдің басқа дәрілік заттарға әсерлері Іn vitro зерттеулер Силденафил – Р450 цитохромының 1А2, 2С9, 2С19, 2D6, 2Е1 және 3А4 (IК5о>150 мкмоль) изоформаларының әлсіз тежегіші. Силденафилдің ең жоғары шектегі плазмалық концентрациялары шамамен 1 мкмольге тең болғандықтан, препараттың осы изофермент субстраттарының клиренсіне ықпал етуі екіталай. Силденафилдің және фосфодиэстеразаның өзіне тән емес, мысалы, теофиллин және дипиридамол сияқты тежегіштерінің өзара әрекеттесуі жөнінде деректер жоқ. Іn vivo зерттеулер Силденафилдің азот тотығы/циклдік гуанозинмонофосфат (цГМФ) метаболизміне ықпал ететіндігі белгілі болғандықтан, силденафилдің нитраттардың гипотензиялық әсерін потенциялайтыны анықталды, сондықтан оны азот тотығының донорларымен немесе кез келген түрдегі нитраттармен бір мезгілде қолдануға болмайды. Риоцигуат: клиникаға дейінгі зерттеулер риоцигуатпен ФДЭ-5 тежегіштерін бір мезгілде қолданған кезде артериялық қысымды төмендету әсерінің күшейгенін көрсетті. Клиникалық зерттеулер риоцигуат ФДЭ-5 тежегіштерінің гипотензиялық әсерін күшейтетінін көрсетті. Зерттеуге қатысқан пациенттерде риоцигуатпен ФДЭ-5 тежегіштерін бір мезгілде қолданған кезде оң клиникалық әсері байқалмаған. Риоцигуатты ФДЭ-5 тежегіштерімен (оның ішінде силденафилмен) бір мезгілде қолдануға болмайды. Кейбір бейім пациенттерде силденафилді және альфа-адренорецепторлар блокаторларын бір мезгілде қолдану симптоматикалық гипотензияның пайда болуына әкелуі мүмкін. Мұндай реакция көбіне силденафилді қолданғаннан кейін 4 сағат ішінде пайда болды. Дәрілік заттардың ерекше өзара әрекеттесуіне жүргізілген 3 зерттеу барысында альфа-адренорецептор блокаторы доксазозин (4 мг және 8 мг) және силденафил (25 мг, 50 мг және 100 мг) қуықасты безінің қатерсіз гиперплазиясы бар пациенттерге бір мезгілде қолданылды, олардың жағдайы доксазозинді қолданған кезде тұрақтанды. Осы зерттелген популяциялардағы науқастың жатқан кездегі артериялық қысымы орташа 7/7 мм сн.б., 9/5 мм. сн.б. және 8/4 мм сн.б. қосымша төмендегені, және тұрған кездегі артериялық қысымы 6/6 мм сн.б., 11/4 мм сн.б., 4/5 мм сн.б. орташа төмендегені байқалды. Силденафилді және доксазозинды бір мезгілде қолданғанда олардың жағдайының тұрақтануы доксазозинді қолданған кезде қол жеткен пациенттерде кейде симптоматикалық ортостаздық гипотензияның пайда болғаны жөнінде мәлімделді. Мұндай мәлімдеулерде бас айналу және естен тану алдындағы, бірақ синкопесіз жағдайлар жөнінде айтылған. Силденафилді (50 мг) және CYP2C9 метаболизденетін толбутамидті (250 мг) немесе варфаринді (40 мг) бір мезгілде қолданғанда ешқандай да маңызды өзара әрекеттесулер байқалған жоқ. Силденафил (50 мг) ацетилсалицил қышқылын (150 мг) қолданудан болатын қан кету уақытының ұзаруына әкелмеді. Силденафил (50 мг) дені сау еріктілерде этанолдың қандағы орташа ең жоғары 80 мг/дл деңгейлерінде алкогольдің гипотензиялық әсерін күшейткен жоқ. Силденафилді қабылдаған пациенттерде, диуретиктер, бета-адренорецептор блокаторлары, АӨФ тежегіштері, ІІ ангиотензин антагонистері, гипертензияға қарсы дәрілік заттар (қантамырларды кеңейтетін және орталықтан әсер ететін), адренергиялық нейрон блокаторлары, кальций өзекшелерінің блокаторлары және альфа-адренорецептор блокаторлары сияқты гипотензиялық дәрілік заттар сияқты кластарын бір мезгілде қолданғанда жағымсыз әсерлердің бейінінде, плацебомен салыстырғанда, ешқандай айырмашылықтар байқалған жоқ. Артериялық гипертензиясы бар пациенттерге силденафилді (100 мг) және амлодипинді бір мезгілде қолданған кезде болатын өзара әрекеттесулерге арнайы жүргізілген зерттеулерде жатқан кездегі систолалық артериялық қысымның 8 мм сн.б.-на қосымша төмендегені байқалды. Диастолалық артериялық қысымның тиісті төмендеуі 7 мм. сн.б. құрады. Шамасы жағынан, артериялық қысымның мұндай қосымша төмендеулері тек силденафилді дені сау ерікті адамдарға қолданған кезде байқалғандағылармен салыстырымды болды. Силденафил (100 мг дозада) CYP3A4 субстраттары болып табылатын АИТВ-протеаза тежегіштерінің, саквинавирдің және ритонавирдің фармакокинетикалық көрсеткіштеріне ықпалын тигізген жоқ. Дені сау ерікті ерлерде силденафилді тепе-тең жағдайда қолдану (тәулігіне үш рет 80 мг) бозентанның (тәулігіне екі рет 125 мг) AUC және Cmax тиісінше 49,8% және 42% жоғарылауына алып келді. Гипертониясы бар пациенттерде тұрақты күйдегі сакубитрил/валсартанға силденафилдің бір реттік дозасын қосу тек сакубитрилді/ валсартанды қабылдаумен салыстырғанда, артериялық қысымның едәуір айқынырақ төмендеуімен байланысты болды. Сондықтан сакубитрилмен/валсартанмен емделіп жүрген пациенттерге силденафилді тағайындаған кезде сақтық таныту керек.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 30 0С-ден аспайтын температурада сақтау керек. Балалардың қолы жетпейтін жерде сақтау керек!