Праксбайнд® раствор 2.5 г/50 мл

Бір мл ерітіндінің құрамында белсенді зат - идаруцизумаб, 50 мг, қосымша заттар: мұзды сірке қышқылы, полисорбат 20, натрий ацетатының тригидраты, сорбитол, инъекцияға арналған су. Сыртқы түрінің, иісінің, дәмінің сипаттамасы Мөлдір немесе аздап бозаңданатын түссізден солғын-сары түске дейін ерітінді.

Праксбайнд® – тромбтардың түзілуіне қатысатын адамның организміндегі зат - тромбинді тежейтін антикоагулянт, дабигатран этексилаты (ПРАДАКСА) үшін кері әсер ететін спецификалық препарат. Праксбайнд® әсерін бейтараптандыру мақсатында дабигатранның белсенділігін жою үшін пайдаланылады. Праксбайнд® препараты сіздің дәрігер ПРАДАКСА препаратының әсерін жылдам бейтараптандыру қажеттілігі туралы шешім қабылдағанда ересек пациенттерде шұғыл жағдайларда пайдаланылады, атап айтқанда: • шұғыл хирургиялық араласуда / шұғыл емшарада • өмірге қауіп төндіретін немесе бақыланбайтын қан кетуде қолданылады.

Нұсқаулықта көрсетілмеген.

Дозалану режимі Препарат стационар жағдайында ғана пайдаланылады. Праксбайнд® препаратының ұсынылатын дозасы – 5 г (2 x 2,5 г/50 мл) құрайды, яғни әрқайсысы 50 мл-ден 2 құты. Сирек жағдайларда Праксбайнд® препаратының бірінші дозасын қабылдағаннан кейін қанда дабигатранның бұрынғыдай өте жоғары деңгейі болуы мүмкін. Ерекше жағдайларда сіздің дәрігер сізге екінші дозаны (5 г) тағайындау туралы шешім қабылдауы мүмкін. Праксбайнд® препаратын қолданғаннан кейін сіздің дәрігер тромбтың түзілуінің алдын алу мақсатында емдеуді жалғастыру туралы шешім қабылдайды. ПРАДАКСА препаратын қайта қолдану Праксбайнд® препаратын енгізгеннен кейін 24 сағаттан кейін мүмкін болады. Енгізу әдісі және жолы Сіздің дәрігер немесе мейірбике бұл препаратты инъекция немесе инфузия түрінде венаға енгізеді. Праксбайнд® препаратын қалай енгізу керектігіне қатысты дәрігер немесе мейірбикеге арналған егжей-тегжейлі нұсқаулық төменде «Денсаулық сақтау қызметкеріне ғана арналған ақпарат» бөлімінде көрсетілген. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Бұл препаратты қолдану жөнінде қандай да бір қосымша сұрақтар пайда болған жағдайда емдеуші дәрігерге жүгініңіз.

Жоқ Қолдану кезіндегі сақтық шаралар Дәрігеріңізге немесе мейірбикеге хабарласыңыз • егер сізде идаруцизумабқа немесе «Дәрілік препараттың құрамы» бөлімінде көрсетілген кез келген басқа заттарға аллергия болса; • егер сізде тұқым қуалайтын фруктоза жақпаушылығы сияқты генетикалық ауру болса хабарлаңыз. Бұл жағдайда осы препараттың құрамындағы сорбитол заты ауыр жағымсыз реакциялардың пайда болуына әкелуі мүмкін. Бұл фактілерді Праксбайнд® препаратын тағайындар алдында назарға алады. Бұл дәрілік препарат организмнен тек қана дабигатранның шығарылуына көмектеседі. Тромбтардың түзілуінің алдын алу үшін пайдаланылатын басқа препараттар организмнен шығарылмайды. Сіздің организмнен дабигатранды шығарғаннан кейін сіз тромбтардың түзілу қаупінен қорғалмайсыз. Сіздің дәрігеріңіз жағдайыңызды ескере отырып, бұл мүмкін болғанда тромбтардың түзілуінің алдын алу үшін пайдаланылатын препараттармен емдеуді жалғастырады.

Барлық дәрілік заттар сияқты бұл препарат та жағымсыз реакцияларды туындатуы мүмкін, олар әрбір пациентте дамымауы мүмкін. Қазіргі уақытта жағымсыз реакциялары байқалмаған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Педиатрияда қолданылуы Праксбайнд® препаратын балаларда қолдану туралы деректер жоқ. Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері Әсер етпейді.

Егер сіз жүкті болсаңыз немесе бала емізсеңіз, жүктімін деп ойласаңыз немесе жүктілікті жоспарлап жүрсеңіз дәрігеріңізге хабарлаңыз. Бұл препараттың жүкті немесе бала емізетін әйелдерге әсер етуі туралы ақпарат жоқ. Праксбайнд® организмнің функцияларына айтарлықтай әсер етпейді, сондықтан сіздің дәрігеріңіз тек қана күтілетін пайда әлеуетті қауіптен жоғары болса бұл препаратты тағайындау туралы шешім қабылдай алады. Натрий мөлшері Бұл дәрілік препараттың құрамында 1 дозаға 50 мг натрий (асқа салатын/ас тұзының негізгі компоненті) бар. Бұл ересек адамға ең жоғары ұсынылатын тәуліктік дозаның 2,5% баламалы.

Егер сіз қандай да бір басқа дәрілік препараттарды қабылдап жүрсеңіз, жақын арада қабылдаған болсаңыз немесе қабылдай алсаңыз ол туралы дәрігерге хабарлаңыз. Бұл препарат тек қана дабигатранмен байланысу үшін әзірленген. Праксбайнд® басқа препараттарға әсер етуі немесе басқа препараттардың Праксбайнд® препаратының әсер ету механизміне ықпал ету ықтималдығы аз.

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары 2 – 8 °С температурада тоңазытқышта сақтау керек. Мұздатып қатыруға болмайды! Жарықтан қорғау үшін түпнұсқалық қаптамасында сақтау керек. Балалардың қолы жетпейтін жерде сақтау керек! Праксбайнд® препаратын ашқаннан кейін бірден пайдалану керек.