Преднизолон таблетки 5 мг

Бір таблетканың құрамында белсенді зат - 5,00 мг преднизолон; қосымша заттар: сахароза, лактоза моногидраты (сүтті қант), желатин, кальций стеараты моногидраты, картоп крахмалы. Сыртқы түрінің, иісінің, дәмінің сипаттамасы Ақ түсті, ойығы және сызығы бар жалпақ цилиндр пішінді таблеткалар.

Препарат ересектерге мен 3 жастан бастап балаларда қолдануға көрсетілген. • дәнекер тінінің жүйелік ауруларында (жүйелік қызыл жегі, склеродермия, түйінді периартериит, дерматомиозит, ревматоидты артрит) • буындардың жедел және созылмалы қабыну ауруларында – подагралық және псориаздық артрит, остеоартрит (соның ішінде жарақаттан кейінгі), полиартрит, иық-жауырын периартриті, шорбуынданған спондилоартрит (Бехтерев ауруы), ювенильді артрит, ересектерде Стилл синдромы, бурсит, спецификалық емес тендосиновит, синовит және эпикондилит • ревматизмдік қызбада, жедел ревмокардитте • бронх демікпесінде, демікпелік статуста • жедел және созылмалы аллергиялық ауруларда – соның ішінде дәрілік заттарға және тағамдық өнімдерге аллергиялық реакциялар, сарысу құю ауруы, есекжем, аллергиялық ринит, Квинке ісінуі, дәрілік экзантема, поллиноз және т.б. • тері ауруларында – сулы бөртпе, псориаз, экзема, атопиялық дерматит (таралған нейродермит), жанаспалы дерматит (терінің үлкен беті зақымданған), токсидермия, себореялы дерматит, эксфолиативті дерматит, уытты эпидермалық некролиз (Лайелл синдромы), буллезді герпес түріндегі дерматит, Стивенс-Джонсон синдромы • алдын ала парентеральді қолданудан кейінгі мидың ісінуінде (соның ішінде мидың ісінуі аясында немесе хирургиялық араласыммен, сәулемен емдеумен немесе бастың жарақаттануымен байланысты) • көздің аллергиялық ауруларында – конъюнктивиттің аллергиялық түрлері • көздің қабыну ауруларында – симпатикалық офтальмия, ауыр баяу ағымды алдыңғы және артқы увеиттер, көру жүйкесінің невриті • бүйрекүсті безі функциясының алғашқы немесе салдарлық жеткіліксіздігінде (соның ішінде бүйрекүсті бездерін алып тастағаннан кейін) • бүйрекүсті бездерінің туа біткен гиперплазиясында • генезі аутоиммундық бүйрек ауруларында (соның ішінде жедел гломерулонефрит); нефроздық синдромда (соның ішінде липоидты нефроз аясында) • жедел тиреоидитте • қан және қан түзу жүйесінің ауруларында – агранулоцитоз, панмиелопатия, аутоиммундық гемолиздік анемия, лимфо- және миелоидты лейкоздар, лимфогранулематоз, тромбоцитопениялық пурпура, ересектерде салдарлық тромбоцитопения, эритробластопения (эритроцитарлы анемия), туа біткен (эритроидты) гипоплазиялық анемия • өкпенің интерстициялық ауруларында – жедел альвеолит, өкпе фиброзы, ІІ-ІІІ сатыдағы саркоидоз • туберкулез менингитінде, өкпе туберкулезінде, аспирациялық пневмонияда (спецификалық химиялық емдеумен біріккен) • бериллиозда, Леффлер синдромында (басқа емге көнбейтін); өкпе обырында (цитостатиктермен біріктіріп) • шашыраңқы склерозда • асқазан-ішек ауруларында – ойық жаралы колит, Крон ауруы, жергілікті энтерит • гепатитте • ағзаларды ауыстырып салғанда трансплантаттың қабылданбай ажырау реакциясының профилактикасында • онкологиялық аурулар аясындағы гиперкальциемияда • миелома ауруында

Әсер ету механизмі Преднизолон - синтетикалық глюкокортикостероидты препарат, гидрокортизонның сутексіздендірілген аналогы. Спецификалық цитоплазмалық рецепторлармен (глюкокортикостероидтарға арналған рецепторлар барлық тіндерде, әсіресе бауырда көп кездеседі) өзара әрекеттесіп, ақуыздардың (соның ішінде өмірлік маңызы бар жасушаішілік үдерістерді реттейтін ферменттердің) түзілуін индукциялайтын кешен түзеді. Фармакодинамикалық әсері Қабынуға қарсы, аллергияға қарсы, иммунодепрессиялық, шокқа қарсы әсері бар, бета-адренорецепторлардың эндогенді катехоламиндерге деген сезімталдығын арттырады. Қабынуға қарсы әсері эозинофилдердің және жуан жасушалардың қабыну медиаторларының босап шығуын бәсеңдетуімен; гиалурон қышқылын өндіретін липокортиндердің түзілуін индукциялау және жуан жасушалардың санын азайтумен; капиллярлардың өткізгіштігін азайтумен; жасуша жарғақшаларын (әсіресе лизосомальды) және органелла жасушаларын тұрақтандырумен байланысты. Қабыну үдерісінің барлық кезеңіне әсер етеді: арахидон қышқылы деңгейінде простагландиндердің (Pg) синтезін тежейді (липокортин фосфолипаза А2-ні бәсеңдетеді, арахидон қышқылының либерациясын басады, қабыну үдерісіне, аллергияға т.б. ықпал ететін эндоасқынтотықтардың, лейкотриендердің биосинтезін тежейді), "қабыну цитокиндерінің" (интерлейкин 1, альфа ісіктері некрозы факторы т.б.) синтезін тежейді; жасуша жарғақшаларының әртүрлі зақымдаушы факторлардың әсеріне төзімділігін жақсартады. Тыныс алу жолдарының обструкциялық ауруларында дәрінің әсері негізінен қабыну үдерісін тежеуге, шырышты қабықтардың ісінуін болдырмауға немесе айқындылығын азайтуға, бронх эпителиінің шырышты қабатының астындағы қабатта эозинофильдік инфильтрацияны төмендетуге, және бронхтың шырышты қабатына айналымда жүретін иммундық кешеннің жинақталуына, сондай-ақ шырышты қабықтың ойық жаралануы мен десквамациясын тежеуге байланысты. Кіші және орташа калибрлі бронхтардағы бета-адренорецепторлардың эндогенді катехоламиндерге және экзогенді симпатомиметиктерге деген сезімталдығын арттырады, шырыш өнімін азайту есебінен оның тұтқырлығын төмендетеді. Ақуыз алмасуына әсері: плазмадағы глобулиндердің санын азайтып, бауыр мен бүйректе альбуминдер синтезін (альбумин/глобулин коэффициентін жоғарылатумен) жоғарылатады, бұлшықет тіндерінде ақуыздардың синтезін төмендетіп, ондағы катаболизмді күшейтеді. Липидтік алмасуға әсері: жоғары май қышқылдарының және триглицеридтердің синтезін жоғарылатады, майдың таралуын реттейді (майдың жиналуы негізінен иық белдеуі тұсында, бет, іш аумағында болады), гиперхолестеринемияның пайда болуына алып келеді. Көмірсу алмасуына әсері: асқазан-ішек жолдарынан көмірсудың сіңуін күшейтеді; глюкоза-6-фосфатазаның белсенділігін арттырады (глюкозаның бауырдан қанға түсуін жоғарылатады); фосфоэнолпируваткарбоксилазаның белсенділігін және аминотрансферазаның синтезін (глюконеогенездің белсенділенуін) жоғарылатады; гипергликемияның дамуына мүмкіндік береді. Су-электролиттік алмасуына әсері: натрий ионы (Na+) мен суды организмде ұстайды, калий иондарының (К+) шығуын стимуляциялайды (минералокортикостероидты белсенділік), асқазан-ішек жолынан кальций иондарының (Са2+) сіңуін азайтып, кальцийдің сүйектерден «шайылып» және бүйректер арқылы шығарылуын арттырады да, сүйек тіндерінің минералдануын азайтады. Иммунодепрессиялық әсері туындаған лимфоидты тіндердің инволюциясымен, лимфоциттердің (әсіресе Т-лимфоциттердің) пролиферациясының бәсеңдеуімен, В-жасушаларының көшіп жүруінің және Т- және В-лимфоциттердің өзара әрекеттесуінің тежелуімен, лимфоциттер мен макрофагтардан цитокиндердің (интерлейкин-1,2; гамма-интерферон) босап шығуының тежелуімен және антиденелердің пайда болуының төмендеуімен жүзеге асады. Аллергияға қарсы әсері аллергиялық медиаторлардың синтезі мен секрециясының төмендеуі, сенсибилизацияланған жуан жасушалар мен базофилдерден гистаминнің және басқа да биологиялық белсенді заттардың босап шығуының тежелуі, айналымдағы базофилдер санының азаюы, лимфоидты және дәнекер тіндердің өсуінің бәсеңдеуі, Т- және В-лимфоциттер санының, жуан жасушалардың азаюы, эффекторлық жасушалардың аллергиялық медиаторларға сезімталдығының төмендеуі, антиденелердің түзілуінің басылуы және организмнің иммундық жауабының өзгеруі нәтижесінде дамиды. АКТГ синтезі мен секрециясын және соның салдарынан эндогендік ГКС синтезін бәсеңдетеді.

Дозалау режимі Препараттың барлық тәуліктік дозасын бір реттік қабылдау немесе екі еселенген тәуліктік дозаны күнара таңертеңгі сағат 6-дан 8-ге дейінгі аралықта глюкокортикостероидтардың эндогендік секрециясының циркадтық ырғағын ескере отырып, қабылдау ұсынылады. Жоғары тәуліктік дозаны 2-4 қабылдауға бөлуге болады, мұндайда таңертеңгісін үлкен дозада қабылдау керек. Препаратты ұзақ уақыт қабылдаған кезде тәуліктік дозаны біртіндеп азайту керек. Ұзақ мерзімді терапияны кенеттен тоқтатуға болмайды! Глюкокортикоидты терапия неғұрлым ұзақ қолданылған сайын қолдау дозасын тоқтату соғұрлым баяу жүргізіледі. Жедел жағдайларда және орнын басу емі ретінде ересектерге тәулігіне бастапқы 20-30 мг дозада тағайындайды, демеуші доза тәулігіне 5-10 мг құрайды. Қажет болғанда бастапқы доза тәулігіне 15-100 мг, демеуші доза тәулігіне 5-15 мг құрауы мүмкін. 3 жастан бастап және одан үлкен балалар үшін бастапқы доза тәулігіне дене салмағының әр кг шаққанда 4-6 қабылданатын 1-2 мг, демеуші доза дене салмағының әр кг шаққанда тәулігіне 0,3-0,6 мг құрайды. Емдік әсері болған жағдайда, алдымен кештеу қабылданатындарды тоқтата отырып, дозаны біртіндеп 5 мг-ден, содан кейін 3-5 күн аралықпен 2,5 мг-ден төмендетеді. Күйзеліс әсерлерінде (инфекция, аллергиялық реакция, жарақат, операция, жүйке күйзелісі) негізгі аурудың өршуіне жол бермеу үшін Преднизолонның дозасы уақытша арттырылуы тиіс (1,5-3 есе, ал ауыр жағдайларда – 5-10 есе). Енгізу әдісі және жолы Таблеткаларды тамақтану кезінде немесе тамақтанудан кейін ішке бірден сұйықтықтың аздаған мөлшерімен ішіп қабылдаған жөн. Дәрілік препараттың бір немесе бірнеше дозасын өткізу кезінде қажетті шаралар Қатысты емес. Тоқтату симптомдары қатерінің болуын көрсету Ұзақ уақыт емдеуді күрт тоқтатуға болмайды! Пайдалануды күрт тоқтатқанда, әсіресе, препарат бұның алдында жоғарғы дозада тағайындалған жағдайда «тоқтату» синдромы дамуы мүмкін (анорексия, жүректің айнуы, мәңгіру, жайылған түрдегі қаңқа-бұлшықет ауыруы, жалпы әлсіздік), сондай-ақ Преднизолонды тағайындауға себеп болған аурудың өршуі мүмкін. Препаратты ұзақ уақыт қабылдағанда тәуліктік дозаны біртіндеп төмендеткен жөн. Демеуші дозаны тоқтату глюкокортикостероидтық ем неғұрлым ұзақ қолданылса, соғұрлым баяуырақ жүргізіледі. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты дәрігердің тағайындауы бойынша қолданады.

• белсенді затқа немесе қосымша заттардың кез келгеніне аса жоғары сезімталдық • лактаза тапшылығы, лактоза жақпаушылығы, сахараза/изомальтаза тапшылығы, фруктоза жақпаушылығы, глюкоза-галактоза мальабсорбциясы • жүйелік микоз • препараттың иммуносупрессивті дозаларымен тірі және әлсіреген вакциналарды бір мезгілде қолдану • қарапайым герпес вирусымен шартталған көз инфекциясы (мөлдір қабықтың перфорациясы қаупінен) • некроз ошағының таралу қаупіне, тін тыртықтануы түзілуінің баяулауына және соның салдарынан жүрек бұлшықетінің жыртылуына байланысты жедел немесе жеделге жуық миокард инфарктісі болған пациенттерде препаратты қолдану • 3 жасқа дейінгі балаларға • жүктіліктің III триместрі немесе лактация кезеңі

Өте жиі • «стероидты» қантты диабет немесе жасырын қантты диабет манифестациясы, бүйрек үсті безінің функциясы бәсеңдеуі, балалардағы жыныстық дамудың кешеуілдеуі • артқы субкапсулалық катаракта, көру жүйкесінің ықтималдығы болатын көзішілік қысымның жоғарылауы • остеопороз, «стероидты» миопатия • «тоқтату» синдромы Жиі • инфекцияның дамуы немесе өршуі (бұл жағымсыз әсердің пайда болуына бірге қолданылатын иммунодепрессанттар мен вакцинация ықпал етеді) • Иценко-Кушинг синдромы (ай пішінді бет, гипофизарлық типті семіздік, гирсутизм, артериялық қысымның артуы, дисменорея, аменорея, бұлшықет әлсіздігі, созылу жолақтары) • дене салмағының артуы, қатты тершеңдік • эйфория, депрессия • жүрек жеткіліксіздігі айқындығының дамуы (бейімі бар пациенттерде) немесе күшеюі, артериялық қысымның жоғарылауы • тәбеттің артуы немесе төмендеуі, асқазан-ішек жолдары жақтауының перфорациясы • жарақат жазылуының баяулауы, петехиялар, экхимоздар, терінің жұқаруы, безеулер, созылу жолақтары, пиодермия және кандидоз дамуына бейімділік • гипокалиемиялық синдром (гипокалиемия, аритмия, миалгия немесе бұлшықеттердің түйілуі, әдеттен тыс әлсіздік және қажығыштық) Жиі емес • тері бөртпесі, қышыну • елестеулер, маниакальді-депрессиялық психоз, ұйқысыздық • асқазан мен он екі елі ішектің «стероидты» ойық жарасы, асқазан-ішектен қан кетулер Сирек • гиперкоагуляция, тромбоздар • анафилаксиялық шок • «бауыр» трансаминазалары және сілтілік фосфатаза белсенділігі артуы Өте сирек • мишықтың жалған ісігі, бас ауыруы • экзофтальм Белгісіз • глюкозаға төзімділік азаюы • кальций иондарының көбірек шығарылуы, гипокальциемия, азоттың теріс теңгерімі (ақуыздың қатты ыдырауы) • делирий, бағдарсыздық, паранойя, бассүйекішілік қысымның жоғарылауы, күйгелектік немесе мазасыздық, бас айналуы, вертиго, құрысулар • көздің салдарлық бактериялық, зеңдік немесе вирустық инфекциялары дамуына бейімділік, мөлдір қабықтың трофикалық өзгерістері • аритмиялар, брадикардия (жүрек тоқтағанға дейін жетуі мүмкін), гипокалиемияға тән ЭКГ-өзгерістер, жедел және жеделге жуық миокард инфарктісі болған науқастардағы – некроз ошағының таралуы, тіндердің тыртықтануы түзілуінің баяулауы, бұл жүрек бұлшықетінің жыртылуына әкелуі мүмкін • жүрек айнуы, құсу, панкреатит, эрозиялық эзофагит, ас қорыту бұзылуы, метеоризм, ықылық • гипер- немесе гипопигментация • балаларда өсудің және сүйектену процесінің баяулауы (өсудің эпифизарлық аумағының мезгілінен бұрын жабылуы), бұлшықет сіңірлерінің жыртылуы, бұлшықет массасының төмендеуі (атрофия), сүйектің патологиялық сынуы, иық пен ортан жіліктің басының асептикалық некрозы • лейкоцитурия • организмдегі сұйықтық пен натрий іркілісі (шеткері ісінулер), гипернатриемия Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: дозаға байланысты жағымсыз құбылыстар күшеюі мүмкін. Преднизолонның дозасын азайту қажет. Емдеу: симптоматикалық.

Мынандай аурулар мен жағдайларда сақтықпен тағайындалуы керек: • асқазан мен он екі елі ішектің ойық жара аурында, эзофагитте, гастритте, жедел немесе латентті пептидтік ойық жарада, жақында ғана жасалған ішек анастомозында, тесілу немесе абсцесске айналу қаупі бар спецификалық емес ойық жаралы колитте, дивертикулитте • паразитарлық және табиғаты вирустық, зеңдік немесе бактериялық (қазіргі кезде немесе жақын арада орын алған, бұған жақын арада науқаспен қарым-қатынаста болуын қоса) инфекциялық ауруларда - қарапайым герпес, белдемелі герпес (виремиялық фаза), желшешек, қызылша; амебиаз, стронгилоидоз; жүйелік микоз; белсенді және латентті туберкулез. Ауыр жағдайдағы инфекциялық аурулар кезінде қолдануға тек спецификалық ем аясында ғана рұқсат етіледі • вакцинациялау алдындағы немесе одан кейінгі кезең (вакцинациядан 8 апта бұрын және одан 2 апта кейін) БЦЖ екпесінен кейінгі лимфаденит. Иммунитет тапшылығы жағдайы (соның ішінде ЖИТС немесе АИТВ жұқтырғандар) • жүрек-қантамыр жүйесінің аурулары, соның ішінде жүрек функциясының декомпенсацияланған жеткіліксіздігі, артериялық гипертензия, гиперлипидемия • қант диабеті (соның ішінде көмірсуларға деген төзімділіктің бұзылуы), тиреотоксикоз, гипотиреоз, Иценко-Кушинг ауруы, семіру (ІІІ-ІV сатысы) • бүйрек және/немесе бауыр функциясының созылмалы ауыр жеткіліксіздігі, нефроуролитиаз • гипоальбуминемия және оның дамуына бейім жағдай (бауыр циррозы, нефроздық синдром) • құрысу синдромы • егде жастағы пациенттер (остеопороздың және артериялық гипертензияның жоғары қаупі) • анамнезде тромбоэмболиялық асқынулар болуы немесе осы жағдайдың дамуына бейімділік • анамнезде психика бұзылуы болуы, жедел психоз • жүйелік остеопороз, миастения gravis, жедел психоз, полиомиелит (бульбарлы энцефалит түрінен басқасы), ашық және жабық бұрышты глаукома • жүктілік • балаларда өсу кезінде глюкокортикостероидтар (ГКС) тек абсолютті көрсетілімдері бойынша және емдеуші дәрігердің тиянақты бақылауымен қолданылуы тиіс Арнайы ескертулер Емдеуді бастар алдында (емдеу барысында – ургенттік жағдайға байланысты мүмкін болмауына байланысты) қолдануға болмайтын ықтимал жағдайды анықтау үшін науқас тексерілуі тиіс. Клиникалық тексеруге жүрек-қантамырлар жүйесін тексеру, өкпені рентгенологиялық тексеру, асқазан және он екі елі ішекті, несеп шығару жүйесін және көру ағзаларын тексеру; қан формуласын, қан плазмасындағы глюкоза мен су-электролиттер мөлшерін бақылау қамтылуы тиіс. Преднизолонмен емдеу барысында (әсіресе ұзақ уақыт бойы) окулистің бақылауында болып, артериялық қысымды, су-электролит теңгерімі жағдайын, сондай-ақ шеткері қан көрінісін және қандағы глюкоза деңгейін бақылап отыру керек. Жағымсыз әсерлерді азайту мақсатында организмге калий иондарының (К+) түсуін (диета, калий препараттары) арттыру керек. Тағам ақуыздарға, дәрумендерге бай болып, құрамында май, көмірсу және ас тұзы мөлшері шектеулі болуы тиіс. Препараттың әсері гипотиреозы және бауыр циррозы бар науқастарда күшейеді. Препарат эмоциональды тұрақсыздықты немесе психоздық бұзылуларды күшейтуі мүмкін. Анамнезінде психозға нұсқаған кезде, жоғары дозалардағы Преднизолонды дәрігердің қатаң бақылауымен қолданады. Демеуші ем жүргізу кезіндегі стрестік жағдайларда (мысалы, хирургиялық операциялар, жарақат немесе инфекциялы аурулар) глюкокортикостероидтарға деген қажеттіліктің артуына байланысты, препараттың дозасына түзетулер енгізу керек. Стресс жағдайларында бүйрекүсті бездері қыртысы функциясының салыстырмалы жеткіліксіздігі дамуы мүмкін болғандықтан, Преднизолонмен ұзақ емдеу аяқталғаннан кейін бір жыл бойы науқасты тиянақты бақылауға алған жөн. Ұзақ уақыт емдеуді күрт тоқтатуға болмайды! Пайдалануды күрт тоқтатқанда, әсіресе, препарат бұның алдында жоғарғы дозада тағайындалған жағдайда «тоқтату» синдромы дамуы мүмкін (анорексия, жүректің айнуы, мәңгіру, жайылған түрдегі қаңқа-бұлшықет ауыруы, жалпы әлсіздік), сондай-ақ Преднизолонды тағайындауға себеп болған аурудың өршуі мүмкін. Преднизолонмен емдеу кезінде, тиімділігінің (иммундық жауаптың) төмендейтініне байланысты, вакцинация жүргізуге болмайды. Интеркуррентті инфекциялар кезінде, сепсистік жағдайларда және туберкулезде Преднизолонды қолдана отырып, бір мезгілде бактерицидті әсері бар антибиотиктермен ем жүргізу қажет. Балаларда Преднизолонмен ұзақ уақыт бойы ем жүргізгенде бала бойының өсуі мен даму динамикасына мұқият бақылау жүргізу керек. Емдеу кезеңінде балалар қызылшамен немесе желшешекпен ауырғандармен қарым-қатынаста болған болса, оларға профилактикалық тұрғыдан спецификалық иммуноглобулиндерді қолданады. Бүйрекүсті безі функциясының жеткіліксіздігі кезінде минералокортикоидты әсері әлсіз болғандықтан Преднизолонды минералокортикоидтармен біріктіріп қолданады. Қант диабеті бар науқастарда қандағы глюкоза деңгейіне бақылау жасап, қажет болған жағдайда емді реттеп отыру керек. Сүйек-буын жүйесіне рентгенологиялық (омыртқа мен саусақтар суреті) бақылау жүргізу керек. Бүйректің және несеп шығару жолдарының латентті инфекциялық аурулары бар науқастарда, Преднизолон диагностикалық маңызы бар лейкоцитурияны тудыруы мүмкін. Преднизолон 11- және 17-оксикетокортикостероидтар метаболиттерінің мөлшерін жоғарылатады. Преднизолон бүйректің склеродермиялық кризінің (жедел склеродермиялық нефропатия) туындауына ықпал етуі мүмкін. Артериялық гипертензиямен және диурез төмендеуімен жүретін бүйректің склеродермиялық кризі дамыған жағдайлар (өлімге соқтыруы ықтимал) жиілігінің артуы байқалатындығы салдарынан, жүйелі склеродермиясы бар пациенттерде преднизолонды күн сайын 15 мг және одан жоғары тәуліктік қабылдағанда дозасында қабылдағанда сақтық таныту қажет. Артериялық қысым мен бүйрек функциясын (қан плазмасындағы креатинин концентрациясын) бегіленген тәртіппен бақылап отыру керек. Бүйрек кризіне күдіктенген жағдайда, артериялық қысымды мұқият бақылау қажет. Педиатрияда қолдану Препарат 3 жастан бастап балаларда қолдануға көрсетілген. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Қолдану кезеңінде автокөлікті басқаруды және зейін қою мен психомоторлы жауаптың шапшаңдығын қажет ететін қауіпті қызмет түрлерімен айналысуды тоқтата тұру қажет.

Плацента арқылы жеңіл өтеді. Препарат преднизолонның күтілетін емдік әсері анасы мен шаранаға теріс әсер ету қаупінен астам болған жағдайда ғана қолданылады. Жүктілік кезінде әсіресе І және ІІ триместрде өмірлік көрсетілімдер бойынша ғана қолданылады. Жүктілік кезеңінде емдеу ұзаққа созылғанда ұрықтың өсуі бұзылады. Жүктіліктің III триместрінде ұрықтың бүйрекүсті безі қыртысы атрофиясының пайда болу қаупі бар, бұл жаңа туған нәрестеге орнын басу емін жүргізуді қажет етуі мүмкін. Жүктілік кезінде аналары ГКС қабылдаған жаңа туған нәрестелерде катаракта даму жағдайлары анықталды. Жүктіліктің II жартысында гестозы болған, оның ішінде ГКС қабылдау аясында преэклампсиясы болған жүкті әйелдерді мұқият бақылау қажет. ГКС босану барысы мен нәтижесіне әсері белгісіз. Глюкокортикостероидтар емшек сүтіне енетін болғандықтан, емшек емізу кезеңінде препаратты қолдану керек болған жағдайда емшек емізуді тоқтатуға кеңес беріледі.

Преднизолонды мыналармен бір мезгілде тағайындағанда: "бауырдың" микросомальды ферменттерінің индукторларымен (фенобарбитал, рифампицин, фенитоин, теофиллин, эфедрин) оның концентрациясының төмендеуіне әкеледі; мифепристонмен – мифепристонды қабылдағаннан кейін 3-4 күн ішінде преднизолон әсерінің азаюына әкеледі; метотрексатпен – преднизолон метаболизмінің азаюына байланысты метотрексаттың уыттылығының артуына әкеледі; этопозидпен – преднизолонның әсерінен оның бауырдағы метаболизмінің тежелуі салдарынан этопозидтің тиімділігінің артуына және уытты әсерінің күшеюіне әкеледі; диуретиктермен (әсіресе, "тиазидтік" және карбоангидраза тежегіштерімен) және В амфотерицинмен бірге тағайындағанда организмнен К+ иондарының шығарылуын арттыруы мүмкін; құрамында натрий бар препараттармен – ісінулер және артериялық қысымның жоғарылауына әкеледі; В амфотерицинмен – жүрек функциясы жеткіліксіздігінің орын алу қаупі арта түседі; жүрек гликозидтерімен – оның жағымдылығы нашарлайды, және қарыншалық экстрасистолияның (гипокалиемияның салдарынан) даму қаупі арта түседі; әсері тікелей емес антикоагулянттармен - олардың әсерін (сирек-күшейтеді) төмендетеді (дозасын түзетуді қажет етеді); антикоагулянттармен және тромболитиктермен – асқазан-ішек жолдары ойық жарасынан қан кету қаупі жоғарылайды; этанолмен және қабынуға қарсы стероидты емес препараттармен (ҚҚСП) - бірге қолданғанда асқазан-ішек жолдарында эрозивті-ойық жараның пайда болу қаупі күшейіп, қан кетулер пайда болуы мүмкін (артриттерді ҚҚСП-пен біріктіріп емдегенде емдік әсерлердің қосылуына байланысты глюкокортикостероидтардың дозасы төмендеуі мүмкін); парацетамолмен – гепатоуыттылықтың (бауыр ферментерінің индукциясы және парацетамолдың уытты метаболитінің пайда болуы) даму қаупі арта түседі; ацетилсалицил қышқылымен – оның шығарылуын жылдамдатып, қандағы концентрациясын төмендетеді (преднизолонды қабылдауды тоқтатқанда қандағы салицилаттардың деңгейі жоғарылайды және жағымсыз құбылыстардың пайда болу қаупі артады); инсулинмен және пероральді гипогликемиялық препараттармен, гипотензивті дәрілермен - олардың тиімділігі азаяды; дәруменімен D – ішекте кальций иондарының (Са2+) сіңуіне ықпалы төмендейді; соматотропты гормонмен – соңғысының тиімділігі төмендейді, ал празиквантелмен бірге – оның концентрациясын төмендетеді; М-холиноблокаторлармен (антигистаминдік препараттарды және трициклді антидепрессантарды м-холин бөгейтін белсенділігімен қосқанда) және нитраттармен бірге – көзішілік қысымның жоғарылауына ықпал етеді; изониазид пен мекселетин олардың метаболизмін арттырады (әсіресе "баяу" ацетилаторлардың), бұл олардың плазмадағы концентрациясының төмендеуіне әкеп соғады. Карбоангидразаның тежегіштері және "ілмектік" диуретиктер остеопороздың даму қаупін арттыруы мүмкін. Индометацин, преднизолонды альбуминдермен байланысынан ығыстыра отырып, оның жағымсыз әсерлерінің даму қаупін арттырады. Адренокортикотропты гормон (АКТГ) преднизолонның әсерін күшейтеді. Эргокальциферол және паратгормон преднизолонның әсерінен туындайтын остеопатияның дамуына кедергі жасайды. Циклоспорин мен кетоконазол преднизолонның метаболизмін баяулата отырып, бірқатар жағдайларда оның уыттылығын арттыруы мүмкін. Андрогендер мен стероидты анаболиктік препараттарды преднизолонмен бір мезгілде тағайындау шеткері ісінулердің және гирсутизмнің дамуына, безеулердің пайда болуына жағдай жасайды. Эстрогендер мен құрамында эстрогендер бар пероральді контрацептивтер преднизолонның клиренсін төмендетеді, бұл оның әсерінің күшеюімен қатар жүруі мүмкін. Митотан және бүйрекүсті безі қыртысы функциясының басқа да тежегіштері преднизолон дозасын жоғарылатуды қажет етуі мүмкін. Вирустарға қарсы тірі вакциналармен бір мезгілде және басқа түрдегі иммунизациялау аясында қолданғанда – вирустардың белсенділігі артып, инфекцияның даму мүмкіндігі арта түседі. Антипсихотикалық дәрілер (нейролептиктер) және азатиоприн преднизолонды қолданған кезде катарактаның даму қаупін арттырады. Иммунодепрессанттар инфекциялардың және лимфоманың немесе Эпштейн-Барр вирусынан туындаған басқа да лимфопролиферативтік бұзылулардың даму қаупін арттырады. Антацидтермен бір мезгілде қолдану преднизолонның сіңуін төмендетеді. Антитиреоидты препараттармен бір мезгілде қолданғанда преднизолонның клиренсі төмендейді, ал тиреоидты гормондармен қолданғанда – жоғарылайды.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 оС-ден аспайтын температурада сақтау керек. Балалардың қолы жетпейтін жерде сақтау керек!